المساعد الشخصي الرقمي

مشاهدة النسخة كاملة : سؤال عن وصلات الmidi


wanderer007
28/12/2008, 23h25
انا كان ليا سؤال عن وصلات المي دى اللى بتوصل الاورج بالكمبيوتر.......

انا اشتريت وصله midi لتسجيل المزيكا بواسطه الاورج وفوجئت بان الكمبيوتر

بيسجل النغمه المعزوفه بس باصوات برنامج التوزيع مش باصوات الاورج

يعنى اذا عزفت مثلا قانون على الاورج بيتسجل على الكمبيوتر بصوت بيانو وهكذا

فانا مش عارف هل هو كده صحيح ولا ايه ... اما بالنسبه للوصله فهى متوصله صح



ياريت لو فى حد يقدر يساعدنى

-------------------------------------------------------------

الألآتى
29/12/2008, 06h13
أهلاً بك أخى العزيز ..

وصلة الميدى لا تنقل أصوات من الأورج للكمبيوتر .. ولكنها تنقل معلومات .. أى تنقل ماتفعله حضرتك بأصابع الأورج .. أى أن الأورج يتحول فى هذه الحالة إلى كيبورد فقط ..

أما الأصوات التى تصدر من السماعات .. فهى أصوات كارت الصوت لديك .. أو أصوات المديولات والساوند فونت .. الموجودة فى الكمبيوتر ..

وهناك فوائد كثيرة لخاصية الميدى .. أهمها تعدد الأصوات المتاحة لديك بدرجة كبيرة جداً .. وتزداد هذه الأصوات كلما وضعت بنوك أصوات جديدة فى الكمبيوتر ( sound fonts )

أما صوت البيانو الذى تسمعه بدلاً من القانون .. فهو الصوت الإفتراضى الأول من الأصوات الموجودة فى كارت الصوت .. ويمكنك تغييره إلى أى صوت أخر .. حسب المتاح من الأصوات لديك .. وذلك عن طريق البرنامج الذى تستخدمه ..

wanderer007
29/12/2008, 15h18
تمام انا برضه قولت كده .. ولكن المشكله هى ان الsound fonts او الvsti instruments معظمهم بيكونوا الات غربيه اللى هى نص توت وانا عايز استخدم الات تكون شرقى
فيها الربع تون

انا دورت كتير على الات شرقى على النت بس للاسف مش لاقى
غير 2 او 3 بالكتير ولكن صوتهم وحش قوى , علشان كده انا كنت عايز استخدم اصوات الاورج الاصليه مش الكمبيوتر

فالو حد يقدر يساعدنى فى الموضوع ده يبقى مشكور قوى

الألآتى
30/12/2008, 05h11
علشان كده انا كنت عايز استخدم اصوات الاورج الاصليه مش الكمبيوتر

فالو حد يقدر يساعدنى فى الموضوع ده يبقى مشكور قوى

بسيطة .. إستخدم وصلة أوديو ( Audio ) وإشتغل مباشر ..



http://www.sama3y.net/forum/attachment.php?attachmentid=122945&stc=1&d=1230649697


أما بالنسبة لعدم وجود أصوات شرقية .. هى قليلة بالفعل .. لكنها موجودة ..

وبخصوص الربع تون .. هذا يعتمد على البرنامج المستخدم وليس على الصوت نفسه ..

وسام اكرم
30/12/2008, 16h01
اخي العزيز wanderer
لي سؤال اليك لوا سمحت
من اين اشتريب كيبل ميدي؟؟؟؟
هل يملك المحل عنوان بريدي او موقع على الشبكة؟؟
لقد فتشت عن هذا الكيبل في كافحة انحاء بغداد و لم اعثر عليه على الرغم من ان بعض محلات الكمبيوتر و الصوتيات اكدوا لي انهم شاهدوا هذا الكيبل و لكن لم يعرفوا كيف يستخدمونه,,, ارجوك انا منتضر ردك الكريم و لك مني اطيب التحيات
وسام

wanderer007
30/12/2008, 20h49
اولا انا بشكرك على ردك لمحاوله مساعدتى .. ثانيا انا فعلا كنت باستخدم هذا الكابل وهو بيقوم بتسجيل الصوت لايف لكن المشكله انو عايز كارت صوت عالى جدا علشان يسجل بجوده عاليه و الكارت ده بيكون خارجى وبيتوصل بالكمبيوتر والأورج او اى اله موسيقيه كهربيه ولكن المشكله ان الكارت ده غالى قوى قوى وغير كده انا سمعت انه بيتوصل بميكسر .. يعنى علشان اشترى كل الحاجات ده يبقى فاضلى حاجات بسيطه واعمل استديو تسجيل :mdr::mdr::mdr:


حضرتك بتقول انو فيه برامج معينه هى اللى بتعمل الربع تون للالات .. يعنى لو تعرف اسماء البرامج دى , او حتى لو تساعدنى انى الاقيها على النت يبقى تمام قوى.........




اما بالنسبه للأخ اللى عايز يعرف المحلات اللى بتبيع وصلات الmidi فهو بيبقى نفس المحل اللى بتجيب منه الاورج بتاعك
يعنى انا عن نفسى جبت الوصله من توكيل Roland
بس كده

الألآتى
30/12/2008, 23h13
اولا انا بشكرك على ردك لمحاوله مساعدتى .. ثانيا انا فعلا كنت باستخدم هذا الكابل وهو بيقوم بتسجيل الصوت لايف لكن المشكله انو عايز كارت صوت عالى جدا علشان يسجل بجوده عاليه و الكارت ده بيكون خارجى وبيتوصل بالكمبيوتر والأورج او اى اله موسيقيه كهربيه ولكن المشكله ان الكارت ده غالى قوى قوى وغير كده انا سمعت انه بيتوصل بميكسر .. يعنى علشان اشترى كل الحاجات ده يبقى فاضلى حاجات بسيطه واعمل استديو تسجيل :mdr::mdr::mdr:


حضرتك بتقول انو فيه برامج معينه هى اللى بتعمل الربع تون للالات .. يعنى لو تعرف اسماء البرامج دى , او حتى لو تساعدنى انى الاقيها على النت يبقى تمام قوى.........


بعض الإستفسارات .. لكى تتضح الصورة ..

هل الكمبيوتر لديك PC أم لاب توب ؟

مانوع كارت الصوت لديك .. هل هو مدمج مع المازربورد ( Built In ) ؟ أم ( Built Out ) ؟

ماهى البرامج التى تستخدمها فى عملك ( تراكات , ميكساج , ماسترينج , برامج إيقاعات ) ؟

ما الهدف من عملك ؟ .. هل هو إحترافى .. أم مجرد هواية تحب أن تمارسها ؟

الإجابة على هذه الأسئلة .. ستبين إحتياجاتك الفعلية من أجهزة وكابلات وخلافه ..

wanderer007
31/12/2008, 18h53
اولا انا عندى جهاز كمبيوتر عادى PC

ثانيا انا كارت الصوت بتاعى خارجى و مركبه فى الجهاز بتاعى
وهو امكانياته عاديه زى اى كارت صوت للكمبيوتر وفيه امكانيه توصيل الmidi ونوعه creative

ثالثا انا عايز بستفسر عن موضوع ده لانى طمعان انى احترف لاكن انا لسه لحد دلوقتى هاوى

اما بانسبه للاستخدام فانا بعمل توزيعات موسيقيه و كمان بفهم شويه فى هندسه الصوت والمكساج و الماسترينج لاكن لسه خبرتى بسيطه وبسعى لتنميتها, على شان كده بحاول اتعلم من الاخر.......

:emrose:بكده انا جاوبت على الاسئله ,
لكن ايه علاقه ده بطلبى :)
واضح ان حضرتك ما فهمتش سؤالى وهو ازاى اعمل الربع تون على الكمبيوتر , لان الالات اللى موجوده كلها غربيه .

الألآتى
01/01/2009, 14h18
عزيزى wanderer007

أنا فاهم سؤالك كويس ياصديقى ..

وإنما كانت إستفساراتى لأنك ذكرت ضرورة وجود كارت صوت محترف وغالى الثمن .. بالإضافة لوجود ميكسر .. و و

فأردت أن أتبين إتجاهك .. هل هو إحترافى .. أم مجرد هواية ..

فإذا كان إحترافى .. فأنت بحاجة لهذه الإمكانيات والأجهزة .. ويمكنك البدء بأقل الإمكانيات ثم التدرج شيئاً فشيئاَ ..

وأما إذا كان توجهك لإشباع هوايتك فقط .. فلا داعى لوجود الأجهزة الغالية الثمن ..

ونأتى الأن لمسألة الربع تون ..

إعلم ياأخى أن الأصوات التى تستعين بها .. ليس بها الربع تون .. حتى ولو كانت أصوات شرقية .. فأصوات الميدى والساوند فونت لا تعترف بالربع تون ..

وإنما إدخال الربع تون يكون عن طريق البرنامج الذى تستخدمه ..

فبرنامج الفروتى لوبز مثلاً .. وإسمه ( FL Studio ) يمكنك عن طريقة إدخال الربع تون على أى آلة تستعملها .. ولكن عيبه .. أنك لا تسمع الربع تون أثناء العزف .. ولكن يتم إضافة الربع تون بعد العزف ..

أما برنامج V Sampler .. فهذا عبارة عن مديول أو Plugins .. يتم إستخدامه عن طريق أحد برامج التسجيل المختلفة .. وعن طريقه يكون بإستطاعتك إستخدام الربع تون وسماعه أيضاً أثناء العزف ..

هذا كله .. إذا كنت تستعمل خاصية الميدى فى التعامل .. أما إذا إستعملت خاصية الأوديو .. أى العزف المباشر من الأورج .. فأنت لست بحاجة لهذا كله .. لأن الأورج يوجد به الربع تون .. ويتم تسجيله مباشراً ..

أرجو أن أكون أجبت على سؤالك ..

wanderer007
01/01/2009, 14h31
وإنما إدخال الربع تون يكون عن طريق البرنامج الذى تستخدمه ..

فبرنامج الفروتى لوبز مثلاً .. وإسمه ( FL Studio ) يمكنك عن طريقة إدخال الربع تون على أى آلة تستعملها .. ولكن عيبه .. أنك لا تسمع الربع تون أثناء العزف .. ولكن يتم إضافة الربع تون بعد العزف ..



تمام .. انا بستعمل الفروتى لوبز , ولكن ازاى
ادخل الربع تون على اى اله استعملها؟؟؟؟؟؟

عثمان دلباني
01/01/2009, 18h30
انا من ناحيتي انصحك بعد اذن اخوي الكبير " الآلاتي " ان تبدأ مع ال creative لان فيها ميزات جميلة مثل قراءة ال sf2 و هي ملفات متوفرة بكثرة على النت و يمكن تدخل عليها الربع تون بعد العزف زي ما اشار اخي " الالآتي "
و هي من احسن الكروت في الmastering بالمناسبة . و سادعمك ببعض الplugins اللي يمكن تعزف بيهم ربع تون على المباشر بس خلص الموضوع مع عمنا " ابو حسام " نفعنا الله بعلمه ...

اتمنى ان يتم فتح الموضوع بطريقة اوسع عشان يستفاد كل المهتمين بالبرامج دي .... تحياتي

الألآتى
01/01/2009, 19h32
أشكرك أستاذ عثمان على الرد والإضافة ..

أخى wanderer007 ..

سأشرح لك كيفية إضافة الربع تون فى برنامج الفروتى لوبز ..

نفتح البرنامج .. ونختار الآلة المناسبة ..

نقوم بتسجيل المقطع المطلوب .. وبعد الإنتهاء .. رجاء متابعة الصور التالية :

http://www.sama3y.net/forum/attachment.php?attachmentid=123248&stc=1&d=1230874171


http://www.sama3y.net/forum/attachment.php?attachmentid=123249&stc=1&d=1230874171


http://www.sama3y.net/forum/attachment.php?attachmentid=123250&stc=1&d=1230874171


أرجو أن أكون أوضحت المطلوب ..

wanderer007
01/01/2009, 19h59
و سادعمك ببعض الplugins اللي يمكن تعزف بيهم ربع تون على المباشر بس خلص الموضوع مع عمنا " ابو حسام " نفعنا الله بعلمه ...

اتمنى ان يتم فتح الموضوع بطريقة اوسع عشان يستفاد كل المهتمين بالبرامج دي .... تحياتي


يا ريت طبعا انا نفسى قوى فى الplugins دى اللى بتعزف الربع تون خصوصا انى دورت كتير عليها على النت ومش لاقيها.....
--------------------------------------------

اما بالنسبه لشرح الطريقه لعمل الربع تون على الفروتى لوبز فانا شاكر جدا لرد حضرتك وافادتى بها.. وعموما انا فهمتها بس مش الموضوع ده هايبقى طويل وصعب وياخد وقت خصوصا لو الواحد عزف مقطوعه كبيره ؟؟؟؟
بس عموما انا متشكر قوى قوى على اهتمام حضرتك لمساعدتى
-----------------------------------------------------------------------------------------