الجن الاحمر / والجن الازرق .. حصريا !!

[جرامافون]

http://www.sama3y.net/forum/attachment.php?attachmentid=118947&stc=1&d=1228550288

الجن الاحمر مين ؟ و الجن الازرق مين ؟
مييييييييييييييييييييين
ام كلثوم و اسمهان
اتنين من المشاهير .. لهم جمهور كبير *** لكن محدش قال .. عنهم غيـــــر كل خير
شيخ محضر يا شيخ محضر &*& ويا عيني علي اللي حتحضر
حصريا علي سماعي
فقط
بعد الفاصل
؟
:crazy:

[جرامافون]

طبعا كلنا عارفين
فتح المندل .. وقراية الفنجان .. وضرب الرمل .. وقراية الكف
- أنت قولت قراية الكف ؟!
- ايوه .. ايه .. فيه حاجه غلط
قراية الكف زي الكف ده
http://www.sama3y.net/forum/attachment.php?attachmentid=119076&stc=1&d=1228604853

- ايه ده ..مين ده ؟
ده كف السيد المجرم المحترم / سلام خضر عون او سلطان الصحراء
- وده ماله ؟
- ده مجرم ارتكب عدة جرائم قتل وتهريب مخدرات .
- مش فاهمين !
- اصل محمد محمد جعفر لما شاف بصمة كفه
- مين محمد جعفر ده ؟
- ده خبير في علم الكف لما شاف بصمة المجرم عون قال ان
الخطوط في بصمة الكف دي تنطق بالزعامة والرياسة والسلطة
والبطش والدهاء وهي صفات تؤهله لو كان علي قدر من التعليم
لتبوؤ ارفع المناصب في الدولة .
- يا اخ جرامافون انت في الاول قلت ام كلثوم واسمهان
ودلوقتي جايبلنا مجرمين ..هو انت خلعت ضرسك ولا عقلك
- انتوا مش عايزين تصبروا
- هاه قول
- ماشي نكمل بعد الفاصل
;)

[جرامافون]

نرجع تاني لخبير الكف
عم محمد جعفر
الراجل ده كشف علي بصمة يد أمين عثمان باشا تقريبا اللي
اتحاكم في اغتياله الرئيس أنور السادات .. ولما عم أمين عثمان
عرف الكلام اللي قاله محمد جعفر
زعل جدا ليه ؟
http://www.sama3y.net/forum/attachment.php?attachmentid=119109&stc=1&d=1228388607


محمد جعفر شاف بصمة كف أمين عثمان باشا يوم 5 ديسمبر
سنة 1942 وقال :
انه في سن السابعة والأربعين ستنقطع صلته بالحياة العامة
وكل ما يتعلق بالحكومة والسياسة وده اللي حصل فعلا
وكمان كشف علي بصمة
كف علي ماهر باشا رئيس الوزراء

http://www.sama3y.net/forum/attachment.php?attachmentid=119110&stc=1&d=1228388607

لكن العجيب لما جه الدور علي كف
المطربة أسمهان
حصل إيه ؟!
محمد جعفر شاف بصمة كفها
بالتحديد يوم 17 مارس سنة 1944

http://www.sama3y.net/forum/attachment.php?attachmentid=119111&stc=1&d=1228388607

صورة نادرة لبصمة كف يد اسمهان

وقال في تقريره عنها :
أنها مهدده بالموت غرقا أثناء فترة الحمل ، وحذرها
بتجنب الماء أو ركوب البحر أو السفر بجوار
الماء !

وكلنا عارفين أن أسمهان ماتت غرقا في نفس السنة
يوم 14 يوليو سنة 1944 وكانت حامل
والأخ محمد بيقول :
إن صاحبة الكف (اسمهان) لو قدر ليها وعاشت بعد حادث
الغرق لازم يكون خط النصيب ظاهر بوضوح
وده لا يدل عليه كف اسمهان كما هو موضح بالصورة

أما بصمة كف أم كلثوم وسخريتها
من كلام محمد جعفر
بعد الفاصل
؟

[فؤاد]

اللي حصلي أمبارح شئ لايصدق
ذهبنا أنا والمدام لشراء أحتياجاتنا من السوق
وكان من الضروري أن نشتري الأمواس والسكاكين ( طبعاً ) كالعاده
وعند شراءنا للموس ( او السكين الأول ) حتي ضربني في يدي وجرحني والدم بس مش للركب وكانت الضربه في أيدي اليمين في الأصبع :mdr:
عن جد
وعملنا اللازم
وأشترينا السكينه الثانيه ولكن لم تضربني في حينه بل ترصدت الي حتي ذهبنا الى البيت وبمجرد وصولنا الي البيت ودخلت حتي ضربتني في يدي الشمال ( في أصبعي وهاتك يادم )
حد ممكن يفسرلي ماحدث
:mad:أنا خايف بجد :mad:
وده بعد قراءتي لموضوع السيد عمرو ( جرامافون ) ( موضوع الكف أو العفريت الأحمر والعفريت الأزرق )
دستور:mad:

[رايا]

[/CENTER]

http://www.sama3y.net/forum/attachment.php?attachmentid=119111&stc=1&d=1228388607

صورة نادرة لبصمة كف يد اسمهان



عند اسمهان بالذات
لازم اعملك تعظيم سلام يا استاذ تحوفجى
جبتها ازاى الصورة دى

[جرامافون]

معلهش يا نور أنا رفعت في نفس الوقت معاك
المشاركات عند بعضيها
(كان نفسي احطلك ورده)
____________

((من يقرأ كتابا في علم الكف يستطيع أن يعيش سعيدا ويعمر طويلا))

هذه هي الأسطورة القديمة التي كان يتداولها الناس قديما وكان
يؤمن بها عدد غير قليل من الناس استطاعوا علي مر السنين أن
يصنعوا من هذه الخرافة حقيقة تخفق لها القلوب وتفزع كثيرا
وتبتسم في بعض الأحيان

نرجع مرجوعنا
للأخ محمد جعفر الشهير في زمانه وصاحب كتب عديدة عن
قراية الكف لنجوم في السياسة والفن والأدب والملوك والأمراء وحتي المجرمين والسوابق
(مسبهمش في حالهم)
علي كل حال

تم الكشف علي كف إبراهيم عبد القادر المازني
يوم 18 فبراير عام 1944

http://www.sama3y.net/forum/attachment.php?attachmentid=119134&stc=1&d=1228665290

صورة نادرة لبصمة كف يد المازني

وكشف الأخ محمد جعفر يوم 15 مارس عام 1945
علي بصمة كف الأمير شاهرام
نجل الأمير أشرف بهلوي

http://www.sama3y.net/forum/attachment.php?attachmentid=119135&stc=1&d=1228665290

ويوم 13 مارس سنة 1945 كشف علي
كف الأميرة اشرف ملوك

http://www.sama3y.net/forum/attachment.php?attachmentid=119136&stc=1&d=1228665290


المهم
أن الأخ جعفر كان يريد الكشف
علي كف أم كلثوم وبالفعل حصل

علي بصمة كف أم كلثوم واجري الكشف
يوم 20 ابريل سنة 1941
قال إيه الأخ قارئ الكف الشهير

http://www.sama3y.net/forum/attachment.php?attachmentid=119137&stc=1&d=1228665290
(صورة نادرة جدا ينفرد بها منتدي سماعي لبصمة كف يد ام كلثوم وتحدي)
قال :
إن الست أم كلثوم إنسانة بتحب المادة جدا !
ووصفها بأنها سيدة ذات قلب متكبر !
ولا تخضع بسهولة !
وقال كمان أنها لازم تهتم بصحتها
لأنها علي حسب كلامه وقتها
ستجري عمليتين جراحيتين
بعد الكلام ده عملت الست أم كلثوم عملية المصران الأعور
لكن أم كلثوم نفسها معجبهاش الكلام خالص
واستهزأت من تقرير الأخ محمد جعفر وقالت عليه
كلام تخريف وفارغ .

علي كل حال
أنا حبعتلكم لستة مخفضة لآخوكم قارئ الكف الشهير
بجرامافون
طبعا عامل تخفيض جامد للأعضاء بمناسبة العيد
وكل سنة وانتم طيبين
والي موضوعات اخري جديدة
تحياتي