المساعد الشخصي الرقمي

مشاهدة النسخة كاملة : سؤال موسيقي مهم جدا ؟؟


غازي الضبع
23/11/2008, 19h49
أعزائي وأحبائي الكرام
أود أن أسألكم جميعا سؤال مهم جدا ، وأطرح قضية مهمة في عالم الموسيقى والألحان ..
بس مش هاسأل السؤال ده دلوقتي
يعني مش في المشاركة دي :rolleyes:
وإنما في مشاركة قادمة
الأن أود أن تجيبوني عن المقطوعة المرفقة تحت دي
هي إيه ؟؟ ومين اللي عاملها ؟؟
وهاعطيكم اختيارات
محمد الكحلاوي ، الأستاذ عبد الوهاب ، عبد العزيز محمود
بعد ما تجاوبوني ..
هاقولكم على السؤال ؟

mokhtar haider
23/11/2008, 20h17
تحب ارد على السؤال استاذ غازي و الا تفضل نخلي الأعضاء ؟ أنا لي الرد مضبوط

غازي الضبع
23/11/2008, 20h24
تحب ارد على السؤال استاذ غازي و الا تفضل نخلي الأعضاء ؟ أنا لي الرد مضبوط
:mdr: :mdr:
والله .. أول ما شفت حضرتك قولت اللي أنا ناوي أعمله باظ :mdr:
والمقلب اللي ناوي أشربه لحبايبي الأعضاء اتفـقس :mdr:

mokhtar haider
23/11/2008, 20h27
باظ يعني إيه يا غازي... واصل و خلي المقلب و انا هافضل ساكت مش هانطق و لا كلمة :mdr: أي و الله

جابر الحسيني
23/11/2008, 21h05
أنا حجاوب و حاعمل و كإنه ما فيش مقلب و لا حاجة :confused:

القطعة الموسيقية من ألحان الموسيقار محمد عبد الوهاب و عنوانها مولد النور، كنت قد استمعت إليها في سلسلة التاريخ الفني لمحمد عبد الوهاب (بالظبط الشريط اللي تناول فيه الراوي قصيدة الكرنك بتحليل جميل).

بس مادام الحكاية فيها مقلب حقول كمان إني من كام سنة اتفرجت على فرقة أم كلثوم و هي تؤدي هذه القطعة الموسيقية و المتغير في أدائهم إنهم أضافوا كلمات على القطعة الموسيقية كانت هي : ياصلاة النبي عليك يا نبي .. ألفين صلاة عليك يا نبي، هل ده عنده علاقة بمحمد الكحلاوي (بما إني حضرتك جبت سرته) و أغانيه الدينية (الأمداح) ؟! خصوصا و إن الكحلاوي عنده أغنية بنفس العنوان مولد النور بس لحنها مختلف تماما عن قطعة عبد الوهاب الموسيقية.

:emrose::emrose:

غازي الضبع
24/11/2008, 05h59
أنا حجاوب و حاعمل و كإنه ما فيش مقلب و لا حاجة :confused:

القطعة الموسيقية من ألحان الموسيقار محمد عبد الوهاب و عنوانها مولد النور، كنت قد استمعت إليها في سلسلة التاريخ الفني لمحمد عبد الوهاب (بالظبط الشريط اللي تناول فيه الراوي قصيدة الكرنك بتحليل جميل).

بس مادام الحكاية فيها مقلب حقول كمان إني من كام سنة اتفرجت على فرقة أم كلثوم و هي تؤدي هذه القطعة الموسيقية و المتغير في أدائهم إنهم أضافوا كلمات على القطعة الموسيقية كانت هي : ياصلاة النبي عليك يا نبي .. ألفين صلاة عليك يا نبي، هل ده عنده علاقة بمحمد الكحلاوي (بما إني حضرتك جبت سرته) و أغانيه الدينية (الأمداح) ؟! خصوصا و إن الكحلاوي عنده أغنية بنفس العنوان مولد النور بس لحنها مختلف تماما عن قطعة عبد الوهاب الموسيقية.

أستاذ جابر
تحياتي لك يا باشا
إنت جبت من الآخر

غازي الضبع
24/11/2008, 06h04
باظ يعني إيه يا غازي... واصل و خلي المقلب و انا هافضل ساكت مش هانطق و لا كلمة :mdr: أي و الله
عمي الحبيب سي مختار
أنا كنت ناوي ألغبط الأعضاء شوية
في هذه المقطوعة
اللي اتلغبط فيها بالفعل عم محمد الالاتي والأستاذ عمرو الخربوطلي
هم افتكروها مقطوعة أغنية عليك سلام الله بتاعة الفنان محمد الكحلاوي
واللي فعلا يزيد اللغبطة هو إن المقطوعة اسمها مولد النور للأستاذ عبد الوهاب
كما يوجد أغنية اسمها مولد النور للكحلاوي من ألحانه
والسؤال الآن ..
بم يسمى هذا ؟؟
توراد خواطر أم اقتباس أم سرقة أم تأثر ؟؟

جابر الحسيني
28/11/2008, 22h47
أستاذ جابر
تحياتي لك يا باشا
إنت جبت من الآخر



شكرا لك أخي غازي على تحيتك:emrose: ، و في الحقيقة كانت لفتت انتباهي منذ مدة أغنية للكحلاوي بعنوان رخي قلوعك يا ريس مقدمتها الموسيقية فكرتني بمطلع ياللي فتي المال و الجاه و ابتداء الغناء بكورال نسائي يذكر بهليت يا ربيع إضافة إلى أن اللحن الذي غناه الكورال تشم فيه ريحة مين زيك عندي يا خضرة و عيشة الفلاح أكثر من ذلك في جزء من الموال الذي يتخلل الأغنية تلمس تأثير عبد الوهاب و قبل كل ده عنوان القطعة نفسه الذي يحيلك على إحدى روائع موسيقار الأجيال

يبدو أن محمد الكحلاوي لم يكن فقط من محبي و مريدي آل البيت بل كان أيضا من مريدي فن النهر الخالد (زي حالاتنا كده)


:emrose::emrose: