ممثلين وممثلات غنوا مع المطربين

[فؤاد]

موضوع جديد
نحب نسلط الضوء علي الممثلين والممثلات الذين قاموا بالغناء مع المطربين أمثال
عبد الوهاب فريد فايزه .......الخ
أنا أبتدي الموضوع
(حكيم عيون)
عبد الوهاب :emrose:
والممثله التي غنت معاه
(وأغنية سوق علي مهلك)
للمطربه شاديه
وغني معاها كمال الشناوي

[غازي الضبع]

(حكيم عيون)


عبد الوهاب :emrose:
والممثله التي غنت معاه




هي الفنانة راقية إبراهيم أو راشيل ليفي
ولدت عام 1919
اكتشفتها الفنانة بهيجة حافظ

[جرامافون]

ايه المواضيع الجميلة دي يا اخي العزيز فؤاد
فعلا فيه ممثلين كتير جدا غنوا
زي كمال الشناوي - ونجيب الريحاني - ورشدي اباظة واستفان روستي
وغيرهم كتير جدا جدا
صباح الفل
:emrose:

[فؤاد]

ايه المواضيع الجميلة دي يا اخي العزيز فؤاد


فعلا فيه ممثلين كتير جدا غنوا
زي كمال الشناوي - ونجيب الريحاني - ورشدي اباظة واستفان روستي
وغيرهم كتير جدا جدا
صباح الفل

:emrose:


صحيح ياأستاذ :rolleyes:
صباح الجمال والرقه
يعني الموضوع مش هيتمسح:)
كتير شكراًأستاذ عمرو
أه
غنت شاديه أغنية ( ألو ألو أحنا هنا )
بمصاحبة سيدة الشاشه ( فاتن حمامه )

[جابر الحسيني]

موضوع جميل يا أ. فؤاد

أول ما تبادر إلى ذهني عند قراءة عنوان الموضوع راقية إبراهيم عند غنائها مع عبد الوهاب في رصاصة في القلب، و أيضا مصاحبة فاتن حمامة و ماجدة الغناء لفريد في أغنية جميل جمال (أعتقد إن سراج منير استغل الفرصة و غنى هو كمان :mdr:) طبعا في فيلم لحن الخلود.
أيضا أنور وجدي قال موال خطير :mdr: لما غنى الهاشا باشا تيك مع شادية في فيلم قطر الندى.

:emrose::emrose:

[unicorn]

كمال الشناوي - ونجيب الريحاني - ورشدي اباظة واستفان روستي


عمرو باشا
تحياتى
كلهم سمعت غناهم فى الافلام
انما رشدى اباظة غنَّى فعلا ؟؟؟

[جابر الحسيني]

و الله موضوع جميل و لا زالت الذكريات تتوالى :

سلطنة النابلسي :mdr: في ضحك و لعب و جد و حب في حتة و ليالي زمان، و مشاركة لبنى عبد العزيز لحليم في مشغول بمقاطع حوارية من دون غناء
مريم فخر الدين صاحبت فريد في أنا و انت لوحدنا في مقطع و يا ريتهم زينا
و نجيب الريحاني مع ليلى مراد في أبجد هوز و عيني بترف

:emrose::emrose:

[غازي الضبع]

عمرو باشا
تحياتى
كلهم سمعت غناهم فى الافلام
انما رشدى اباظة غنَّى فعلا ؟؟؟[/center]
أيوة صحيح
رشدي غنّى إمتى يا عم عمرو
إوعى تطلع لنا تحفة من تحفك فيها رشدي بيغني
حكِم إنت عليك حاجات غريبة كده
مش بعيد نلاقيه بيرقص كمان :mdr:

[Islam Eidrisha]

طالما قال غنى
يبقى غنى
ولو قال رقص
يبقى رقص
ولو قال لحن
يبقى لحن
يا ناس .. ده التوحفجي
له سكك معقربة لوحده
محدش له دعوة بيه

[صوت الموسيقى]

هي الفنانة راقية إبراهيم أو راشيل ليفي وهي من أسرة يهودية
ولدت عام 1919
اكتشفتها الفنانة بهيجة حافظ

بيقال ان كان لها يد فى اغتيال سميرة موسى....

[جابر الحسيني]

أيوة صحيح
رشدي غنّى إمتى يا عم عمرو
إوعى تطلع لنا تحفة من تحفك فيها رشدي بيغني
حكِم إنت عليك حاجات غريبة كده
مش بعيد نلاقيه بيرقص كمان

لا من ناحية رقص هو رقص و نص في فيلم الزوجة 13 و يا بخته مع سرب مزز (على رأي الفاجومي :mdr:)، و كمان على موسيقى " عزيزة " لحبيبك عبد الوهاب.

لكن حكاية الغنى ديه عاوزلها تشغيل جامد للذاكرة .. :confused:

[unicorn]

لا من ناحية رقص هو رقص و نص في فيلم الزوجة 13 و يا بخته مع سرب مزز (على رأي الفاجومي :mdr:)، و كمان على موسيقى " عزيزة " لحبيبك عبد الوهاب.

لكن حكاية الغنى ديه عاوزلها تشغيل جامد للذاكرة .. :confused:


بتغلط و تقول عزيزة قدام غازى يا جابر باشا ؟؟؟؟
انا هاسيبه هو يحاسبك
الستات دول رقصوا على زينة مش عزيزة
و دى تبقى اختها بس من الاب;)

[فؤاد]

بالراحه ياجماعه
كل واحد هيقول ؟:mdr:

اليكم قائمه بالفنانين الذين غنوا مع مطربين

عبد السلام النابلسي عندما قال( وليالي زمان) مع عبد الحليم في ضحك ولعب وجد وحب
ماجده أغنية اخبار اهرام جمهوريه
نجيب الريحاني ( اغنية عيني بترف ) مع ليلي مراد
زكي رستم لما قال (الله الله ) مع فايزه احمد في بيت العز يابتنا
الفنانه سهير البابلي مع شاديه في مسرحية ريا وسكينه
تحياتي فؤاد

[جابر الحسيني]

الستات دول رقصوا على زينة مش عزيزة
و دى تبقى اختها بس من الاب



مش عارف أنا جبت عزيزة دي منين :crazy: لما افتكرت الموسيقى دندنتها زينة بس كتبتها عزيزة يمكن أختها من الأب :mdr: زي ما قلت يا unicorn
:emrose::emrose:

[غازي الضبع]

أيضاً .. وحش الشاشة
فريد شوقي
لما غنى ..
طب والله زمان .. زمان والله

[غازي الضبع]

خدوا كمان ..
- حسن يوسف في سكتش " خدنا أجازة " مع سعاد حسني وثلاثي أضواء المسرح
- أحمد مظهر في فيلم أضواء المدينة مع شادية
- أنور وجدي مع فيروز
- غازي الضبع مع الآلاتي :mdr:

[جابر الحسيني]

أيضاً .. وحش الشاشة
فريد شوقي
لما غنى ..
طب والله زمان .. زمان والله


فكرتني يا أ. غازي
اللقطة دي بالذات حاجة أسطورية بما فيهاالأغنية و الخناقة اللي تلتها ... :mdr::mdr::mdr:

[mokhtar haider]

ما تنسوش أن اسماعيل يس كان مطرب قبل دخوله في التمثيل الفكاهي.... و من وراء الأغنية الفكاهية اللي اشتهر بها في أفلامه اكتشفت أنه مطرب بدقة الآداء قلما عرفت مثلها....

و بالتالي كان مطربا حيقيقا قادر على آداء جميع الملحنين و بصراحة أنا أطربت للبعض من أغانيه...

لو سمحتم روحوا اسمعوا بتمعن أغانيه خطبوها تعززت ستجدون قدرة على الغناء و اتباع الأوزان بطريقة مدهشة.... و اسمعوا كذلك إلى الثنائيين اللي عملهم مع فايزة أحمد على الدور اثاني طلعني من ألحان عبد العزيز محمود و أنا حاتجنن أنا محتار ألحان منير مراد في فيلم المليونير الفقير... و فاكر أغنية أخرى من أجمل الأغاني في ثنائي عايز أروح مع الفنانة سعاد مكاوي و أغنية أخرى بعنوان يا ستيتة كان غناها في أحد الأفلام من بطولة رجاء عبده و كمال الشناوي


كل هذه المادة موجودة في المنتدى و اللي يحب يكتشف مطرب ما كانش عارفه و لا واخذ باله به يروح يسمع اسماعيل يس

[غازي الضبع]

ما تنسوش أن اسماعيل يس كان مطرب قبل دخوله في التمثيل الفكاهي.... و من وراء الأغنية الفكاهية اللي اشتهر بها في أفلامه اكتشفت أنه مطرب بدقة الآداء قلما عرفت مثلها....

...


كل هذه المادة موجودة في المنتدى و اللي يحب يكتشف مطرب ما كانش عارفه و لا واخذ باله به يروح يسمع اسماعيل يس

كده إحنا جينا في ملعب سيادة الرئيس
لإنه من عشاق إسماعيل يس
وأحب أعطي مثال آخر على أغنية يظهر فيها طرب عالي جدا من كلا من إسماعيل يس وشكوكو
أغنيتي .. لآ إنت القرد ، والحب قندلة

[رضا المحمدي]

يا سلام عليك يا فؤاد باشا
موضوعك رائعا وسيفيدنا جميعا لفضل تدخلات الأخوة الكرام بالمنتدى
وحبيت ادلي بدلوي أنا كدلك في موضوعك هدا
من خلال ابراز ممثل تألق جدا في مشاركة المطرب الكبير عبد الحليم حافظ وممكن أن اقول انه قدر تفوق عليه اداءا:mdr:
انه عبد السلام النابلسي
في أغنية
ضحك ولعب وجد وحب
نبقى مع المقطع:crazy:

[جابر الحسيني]

عبد السلام النابلسي عندما قال( وليالي زمان) مع عبد الحليم في ضحك ولعب وجد وحب


نجيب الريحاني ( اغنية عيني بترف ) مع ليلي مراد



إيه دى يا أستاذ فؤاد :confused:
أنا أطالب بحقوقي المادية و الأدبية
و حاشتكيك لصاحب الموضوع رأسا :mdr::mdr::mdr:

[جابر الحسيني]

كده إحنا جينا في ملعب سيادة الرئيس
لإنه من عشاق إسماعيل يس
وأحب أعطي مثال آخر على أغنية يظهر فيها طرب عالي جدا من كلا من إسماعيل يس وشكوكو
أغنيتي .. لآ إنت القرد ، والحب قندلة

لا خلونا كده في الممثلين الذين لا علاقة لهم بالغناء،

إسماعيل ياسين و شكوكو و عزيز عثمان ... رغم اشتهارهم باللون الخفيف و الكوميدي(المونولوج) إلا إنهم مطربين بشهادة الجميع بس شكلهم كان له دور كبير في توجههم لهذا اللون (زي ما كان عبد الوهاب نصح إسماعيل ياسين في بداياته).

على فكرة أداء إسماعيل ياسين كان كارثة في أغنية في يوم من الأيام :mdr:(بس أظنه كان متعمد كده)

[غازي الضبع]

لا خلونا كده في الممثلين الذين لا علاقة لهم بالغناء، إسماعيل ياسين و شكوكو و عزيز عثمان ...

يا راجل :eek:
عزيز عثمان مالوش علاقة بالغناء
ده بالذات مطرب ابن مطرب
دا من أجمل وأكثر المطربين تمكناً

[فؤاد]

ما تنسوش أن اسماعيل يس كان مطرب قبل دخوله في التمثيل الفكاهي.... و من وراء الأغنية الفكاهية اللي اشتهر بها في أفلامه اكتشفت أنه مطرب بدقة الآداء قلما عرفت مثلها....


الأستاذ الكبير
مختار حيدر
أحمدك يارب
معي هنا
أنا مش مصدق أنا قلت مش ممكن هنتقابل أبداً
أنا بشكرك جداً جداً:emrose:

[فؤاد]

إيه دى يا أستاذ فؤاد
أنا أطالب بحقوقي المادية و الأدبية
و حاشتكيك لصاحب الموضوع رأسا



حبيبي جابر
أنا لم الاحظ الصفحه اللي حضرتك كتبت فيها
ملحوقه
ومشكور أوي أوي علي فرحتك بالموضوع
وخد مني دي :emrose:
طب
ودي:emrose:
ودي:emrose:
وديييييييييي:emrose:

[جابر الحسيني]

إسماعيل ياسين و شكوكو و عزيز عثمان ... رغم اشتهارهم باللون الخفيف و الكوميدي(المونولوج) إلا إنهم مطربين بشهادة الجميع

يا أخ غازي الظاهر إنك ما كملتش قراءة كلامي أو أنا مكتبتوش بشكل يسمح بالتعبير بشكل واضح عن الفكرة
و الكلام اللي اقتبسته من مشاركتي هو ما كنت أقصده

و اسمح لي أعمل تعديل بسيط في المشاركة بتاعتي علشان الفكرة تتوضح
كل ما سأقوم بتعديله هو رجوع إلى السطر من بداية ذكري للأسماء

:emrose::emrose:

[haytham hassan]

السلام عليكم
كده برضه تنسوا رشدى أباظة غنى امتى ؟!! :mad:
رشدى أباظة كان بيغنى مع الست صباح فى أغنية " إيدك عنى اوعى " لما كان بيرد عليها ويقول " أوف شو بخيلة " وده كان من فيلم " إيدك عن مراتى " مع إبراهيم خان -الله يرحمه- وأى خدمة تانى !!!:crazy:

[غازي الضبع]

يا أخ غازي الظاهر إنك ما كملتش قراءة كلامي أو أنا مكتبتوش بشكل يسمح بالتعبير بشكل واضح عن الفكرة

و الكلام اللي اقتبسته من مشاركتي هو ما كنت أقصده

و اسمح لي أعمل تعديل بسيط في المشاركة بتاعتي علشان الفكرة تتوضح
كل ما سأقوم بتعديله هو رجوع إلى السطر من بداية ذكري للأسماء


أيوة كده ريحت قلبي :mdr:
أصل عزيز عثمان ده من المطربين اللي بيوزنوا دماغي قوي
وهو من القلائل اللي بيغنوا بسلطنة ..
حاجة كده من بتاعة زمان قوي
صوت جميل ومتمكن جدا

[فؤاد]

أيوة كده ريحت قلبي :mdr:
أصل عزيز عثمان ده من المطربين اللي بيوزنوا دماغي قوي
وهو من القلائل اللي بيغنوا بسلطنة ..
حاجة كده من بتاعة زمان قوي
صوت جميل ومتمكن جدا


الظاهر ياأستاذ غازي ياكبيرنا
عجبك الموضوع خالص
يارب يعجبك علي طول السنه اللي جايه
وشكراً علي أهتمامك
ألف شكر

[mokhtar haider]

الأستاذ الكبير
مختار حيدر
أحمدك يارب
معي هنا
أنا مش مصدق أنا قلت مش ممكن هنتقابل أبداً
أنا بشكرك جداً جداً:emrose:


استاذ فؤاد... معنتها إيه يعني.... مش احنا نتقابل كال يوم في المنتدى؟؟؟ مش مشروط ترد علي و الا أرد عليك عشان نتقابل... إحنا أصدقاء أعضاء دائمين في المنتدى و الصدف و الاهتمامات و الاتجاهات هي اللي تقرر المقابلات مع بعض... و إذا ما ساعدتش الصدف على المقابلة فنحن دايما أصدقاء... و الا كنت فاكر إني واخذ موقف منك لسمح الله... اطمن يا سيدي أنا أعزك و أتابعك مثلك مثل كل أعضائنا الأفاضل إلهي يخليكم للمنتدى و لبعض...
و الا انت حمدت ربنا أننا تقابلنا في أغاني فايزة يا فايزاوي :mdr: ؟ يا رجل انت ما شفتش أني رفعت أجمل أغاني فايزة اللي في المنتدى و أني طلبت أيضا أجمل أغانيها؟
تحب أقول لك يا فايزاوي:mdr: ؟ تعالى.... أنا أحب فايزة و تابعتها منذ سنة 1958 و انت سيادتك بصراحة من مواليد أي سنة :mdr: ؟
مرة ثانية اطمن يل سيدي... أنا سماعاوي و فايزاوي و فؤاداوي


و في سياق الموضوع.... انتم نسيتم فؤاد المهندس و عبد المنعم مدبولي.... هذا الأخير كان غنى أغنية اشتهؤرت كثير من ألحان كمال الطويل العربجي
مع تحياتي

[جرامافون]

أخواني الاعزاء
والنبي أنا فاكر ان رشدي اباظة
غني جملة صغيرة
كما ذكر أخي هيثم حسن
وغني اكتر من مرة
لكن مش فاكر دلوقتي
علي العموم علشان شكلي ميبقاش كيس جوافه
حقولكم انه غني بدون موسيقي في فيلم
شروق وغروب لما كان بيغيظ سعاد حسني في التليفون وبيلف
مع صلاح ذوالفقار وبيقول كان بدري عليك عليك بدري

[unicorn]

أخواني الاعزاء

والنبي أنا فاكر ان رشدي اباظة
غني جملة صغيرة
كما ذكر أخي هيثم حسن
وغني اكتر من مرة
لكن مش فاكر دلوقتي
علي العموم علشان شكلي ميبقاش كيس جوافه
حقولكم انه غني بدون موسيقي في فيلم
شروق وغروب لما كان بيغيظ سعاد حسني في التليفون وبيلف

مع صلاح ذوالفقار وبيقول كان بدري عليك عليك بدري


صح
برافو عليك يا عمرو باشا
ما بتغلبش و لا تُعجِزُك الحيلة
و غنَّى كمان يا خارجة من باب الحمام و كل خد عليه خوخة مع صلاح ذو الفقار و زينات علوى و ثريا حلمى
كمان في محمود ياسين لما غنَّى حلوة يا زوبة مع الاطفال , و الله صوته برغم انه كان أجش شوية بس كان حلو

[رايا]

ايه يا استاذ فؤاد الافكار الجميلة
المبتكرة دى
جبت الفكرة دى ازاى
انت عارف مين كمان غنى مع عبد الحليم
عادل امام فى المسلسل الاذاعى
ارجوك لاتفهمنى بسرعة

[جابر الحسيني]

أيوة كده ريحت قلبي :mdr:
أصل عزيز عثمان ده من المطربين اللي بيوزنوا دماغي قوي
وهو من القلائل اللي بيغنوا بسلطنة ..
حاجة كده من بتاعة زمان قوي
صوت جميل ومتمكن جدا


حقيقي يا أ. غازي مطرب جامد و الحتة اللي غناها في اللي يقدر على قلبي خير دليل .. تسلطنك و تموتك من الضحك في آن واحد :mdr:

[أبو عزه]

ومادمنا مع المطرب عزيز عتمان ماتنسوش ياجماعه ليلى فوزي اللي غنت معاه ياليالي الفرح ماتتلمي في فيلم على كيفك الذي اخرجه حلمي رفله وقامت ببطولته ليلى فوزي ومحسن سرحان واسماعيل يس وتحيه كاريوكا ونجاح سلام سنه52 وفي الفيلم مشهد طريف جدا لعزيز عثمان عندما يشاهد الرجال والنساء يرقصون الفالس فيقول دي مزيكا دي فين ايام ويبدا يعدد في المطربين القدماء وبعدها ياخذ العود هو ومعاه شيوخ كبار ويدخلوا قاعه وحدهم ويبدوا يغنوا اهات مالهاش نهايه
وعلى العموم اشكرك اخي فواد على الموضوع الجميل كما اشكر جميع الاخوه المشاركين في الموضوع
.

[غواص النغم]

موضوع جميل يا فواد باشا
بالنسبة للفنان رشدي اباظة
غنى مع حسن يوسف ويوسف فخر الدين من الحان حلمي امين
في فيلم من افلام المخرج حسام الدين مصطفى الاكشن زمان ممكن الشجعان الثلاثة ..حاجة فيها ثلاثة
والطريف ان الملحن بعدما سمعهم في الاستديو اطلق عليهم
ثلاثي الحناجر الخشبية
طبعا لا تنسوا المطرب القدير ..مطرب العواطف من الحان(( بليغ حمدي))
محمد عوض
و طبعا ماري منيب كانت تغني ولها اغنية في فيلم وهي لابسة عروسة وتغني خطابك كثير الفيلم كان لمها صبري
ولا ننسى زينات صدقي مع شادية وكارم محمود في فيلم لسانك حصانك
ومع ليلى مراد في دس ع الدنيا في عنبر
و يوسف وهبي مع هدى سلطان في اغنية عيد ميلاد سوسو من فيلم بيت الطاعة
وامينة رزق وماجدة الخطيب في فيلم اخو البنات
وناهد شريف في فيلم الساعة تدق العاشرة غنت اغنية سوال من الحان منير مراد وكلمات فتحي قورة
ونجلاء فتحي في اجمل ايام حياتي غنت شنقر بنقر لحن حلمي امين
ووداد حمدي غنت مع شادية من بعد طاقية وجلابية مع الجيزاوي
وسهير المرشدي غنت في فيلم يارب توبة
وفردوس عبدالحميد غنت في مسلسلات
وعماد حمدي مع شادية في فيلم شاطيء الذكريات في اغنية احب بكرة
وسهير البابلي في ريا وسكينة مع احمد بدير مرة وحمدي احمد مرة
ونادية لطفي في قصر الشوق دندنت اغنية
ومحمود يس في مسلسل غدا تتفتح الزهور و في فيلم جفت الدموع مع نجاة حمد لله ع السلامة
ونجوى فواد ويسرا وحسين فهمي ويونس شلبي في فيلم الف بوسة وبوسة
واحمد مظهر في اضواء المدينة
وحسين رياض غنى الثعلب فات
عباس فارس غنى مجنون ليلى
عزت العلايلي في تمر حنة مع وردة لحن بليغ حمدي
نور الشريف وماجدة الخطيب في فيلم بنت من البنات
سهير رمزي في فيلم صراع العشاق غنت للعنب وفي فيلم رحلة الايام
نبيلة عبيد غنت كذلك في فيلم من اخراج اشرف فهمي
انا تعبت اقول لكم
لو تزوروا موضوع اغنية مشهورة حتلاقوا كثير هناك
خيرية احمد وزوزو ماضي وزوزو نبيل وكمال الشناوي وووو....
:emrose:تحياتي:emrose:

[جابر الحسيني]

موضوع جميل يا فواد باشا
بالنسبة للفنان رشدي اباظة
غنى مع حسن يوسف ويوسف فخر الدين من الحان حلمي امين
في فيلم من افلام المخرج حسام الدين مصطفى الاكشن زمان ممكن الشجعان الثلاثة ..حاجة فيها ثلاثة
والطريف ان الملحن بعدما سمعهم في الاستديو اطلق عليهم
ثلاثي الحناجر الخشبية
طبعا لا تنسوا المطرب القدير ..مطرب العواطف من الحان(( بليغ حمدي))
محمد عوض
و طبعا ماري منيب كانت تغني ولها اغنية في فيلم وهي لابسة عروسة وتغني خطابك كثير الفيلم كان لمها صبري
ولا ننسى زينات صدقي مع شادية وكارم محمود في فيلم لسانك حصانك
ومع ليلى مراد في دس ع الدنيا في عنبر
و يوسف وهبي مع هدى سلطان في اغنية عيد ميلاد سوسو من فيلم بيت الطاعة
وامينة رزق وماجدة الخطيب في فيلم اخو البنات
وناهد شريف في فيلم الساعة تدق العاشرة غنت اغنية سوال من الحان منير مراد وكلمات فتحي قورة
ونجلاء فتحي في اجمل ايام حياتي غنت شنقر بنقر لحن حلمي امين
ووداد حمدي غنت مع شادية من بعد طاقية وجلابية مع الجيزاوي
وسهير المرشدي غنت في فيلم يارب توبة
وفردوس عبدالحميد غنت في مسلسلات
وعماد حمدي مع شادية في فيلم شاطيء الذكريات في اغنية احب بكرة
وسهير البابلي في ريا وسكينة مع احمد بدير مرة وحمدي احمد مرة
ونادية لطفي في قصر الشوق دندنت اغنية
ومحمود يس في مسلسل غدا تتفتح الزهور و في فيلم جفت الدموع مع نجاة حمد لله ع السلامة
ونجوى فواد ويسرا وحسين فهمي ويونس شلبي في فيلم الف بوسة وبوسة
واحمد مظهر في اضواء المدينة
وحسين رياض غنى الثعلب فات
عباس فارس غنى مجنون ليلى
عزت العلايلي في تمر حنة مع وردة لحن بليغ حمدي
نور الشريف وماجدة الخطيب في فيلم بنت من البنات
سهير رمزي في فيلم صراع العشاق غنت للعنب وفي فيلم رحلة الايام
نبيلة عبيد غنت كذلك في فيلم من اخراج اشرف فهمي
انا تعبت اقول لكم
لو تزوروا موضوع اغنية مشهورة حتلاقوا كثير هناك
خيرية احمد وزوزو ماضي وزوزو نبيل وكمال الشناوي وووو....
تحياتي


هما سموه غواص النغم ليه ؟؟!! :rolleyes:

خذ الدليل عندك فوق :good:

:emrose: تحية كبيرة ولاّ أقولك سلام معظم يا منعم باشا :emrose:

[unicorn]

بسم الله ما شاء الله
لا قوة الا بالله
الموضوع دة يا منعم كان الراجل فاتحه عشان نقعد نملأ فيه اسبوع
جيت انت ( ما شاء الله عليك ) قفلتهوله فى يوم
بس بجد أحييك برافو عليك يا ابو الغواويص

[د.حسن]

أخى الغالى أ. عبدالمنعم
ماشاء الله .. تبارك الله
تسمح لى أوصفك بـ
http://img255.imageshack.us/img255/1060/gojajt10po2.gif (http://img255.imageshack.us/img255/1060/gojajt10po2.gif)
موسوعة سماعى

مع تحياتى

[فؤاد]

السلام عليكم
كده برضه تنسوا رشدى أباظة غنى امتى ؟!! :mad:
رشدى أباظة كان بيغنى مع الست صباح فى أغنية " إيدك عنى اوعى " لما كان بيرد عليها ويقول " أوف شو بخيلة " وده كان من فيلم " إيدك عن مراتى " مع إبراهيم خان -الله يرحمه- وأى خدمة تانى !!!:crazy:

مشكور هيثم علي المعلومه
:emrose:وشكراً علي مرورك:emrose:

[فؤاد]

ايه يا استاذ فؤاد الافكار الجميلة


المبتكرة دى
جبت الفكرة دى ازاى
انت عارف مين كمان غنى مع عبد الحليم
عادل امام فى المسلسل الاذاعى

ارجوك لاتفهمنى بسرعة

أنا جبت الفكره من دماغي:mdr:
كنت قاعد أفكر قلت هأعمل كده
وعارف مين غني معاهم
الشقراء الجميله
نجلاء فتحي
وعلي فكره
كان عبد الحليم حافظ
معجب جداً بصوت الفنانه
نجلاء فتحي
وكان يقول لها
صوتك في حاجه يانوجا
غني :mdr:

[فؤاد]

تحب أقول لك يا فايزاوي ؟ تعالى.... أنا أحب فايزة و تابعتها منذ سنة 1958 و انت سيادتك بصراحة من مواليد أي سنة :mdr: ؟
مع تحياتي
مشكور أستاذ مختار
وأنا عارف أن حضرتك متابع فايزه ومنزل أحسن أغاني
بس أقولك حاجه
كويس أنك غيرت الصوره بتاعتك بتعت السنه اللي فاتت
أصل كل مبص للصوره مقدرش أتكلم وأخاف مش عارف ليه ؟:mdr: في (رهبه) بجد والله
بس الصوره هادي مافيها رهبه
علي فكره أنا من مواليد 23/12 /...........:rolleyes:

[فؤاد]

هما سموه غواص النغم ليه ؟؟!! :rolleyes:



خذ الدليل عندك فوق

:emrose: تحية كبيرة ولاّ أقولك سلام معظم يا منعم باشا :emrose:



أنا كنت فاكر الممثلين والممثلا ت ماقبل 1963 كان كده كان جبت حاجات كتيره
ع العموم مشكور ياغواص النغم علي المشاركه الجميله بتاعتك:rolleyes:

[الألآتى]

بالنسبة للفنان رشدي اباظة
غنى مع حسن يوسف ويوسف فخر الدين من الحان حلمي امين
في فيلم من افلام المخرج حسام الدين مصطفى الاكشن زمان ممكن الشجعان الثلاثة ..حاجة فيها



معلومات غزيرة يامنعم .. ومجهود واضح فى البحث والتحرى ..

بالنسبة لهذا الفيلم ..

إسمه ( الشياطين الثلاثة ) بطولة .. رشدى أباظة وأحمد رمزى وحسن يوسف ومعهم برلنتى عبد الحميد وعبد العليم خطاب ..

وفى هذا الفيلم .. إكتسب الممثل ( نصر سيف ) لقب شهرته ( سُمعة ) لأول مرة ..

وقد غنى الثلاثى فى هذا الفيلم أغنية ( خليك سعيد ) .. وغنى معهم رشدى أباظة ( جينا عشانك ياعزب .. وكلنا تحت الطلب ) .. ألخ

وبالفعل كان صوتهم خشبى .. لأنهم أبعد مايكونوا عن الطرب والغناء ..

[غواص النغم]

أنا كنت فاكر الممثلين والممثلا ت ماقبل 1963 كان كده كان جبت حاجات كتيره
ع العموم مشكور ياغواص النغم علي المشاركه الجميله بتاعتك:rolleyes:
اشكركم جميعا دكتور حسن ((حضرتك اللي موسوعة وبحر من العلم ربنا يخيلك))واخي العزيز جابر ((الف شكر لك يا بو دم خفيف)) وحبيبي ابو مندور ((هههههههه ماكنش قصدي اعمل كرسي في الكلوب:confused:)) على هذه التحية لي عن مشاركتي السابقة
لكن بصراحة اعترف اني غلطت في كتابة مشاركتي
ليه؟:confused:
لأن عنوان الموضوع هو
ممثلين غنوا مع مطربين
يعني اللي عملوا دويتو مع مطربين
مثل راقية ابراهيم وعباس فارس او ليلى فوزي او عبدالوارث عسر مع عبدالوهاب سليمان نجيب او مديحة يسري او فاتن حمامه مع محمد فوزي او كمال الشناوي مع صباح وشادية او محمد عوض او حسن يوسف مع سعاد حسني
لكن انا لاحظت انه في كثير من المشاركات تحدثت عن رشدي اباظة وعن غنائه فحبيت ان اوضح انه غني اكثر من مجرد تادية جملة او دندنة وبعدها ...لقيت نفسي كاتب عن كثير جدا من الممثلات والممثلين ((على فكرة هند رستم غنت ايضا في فيلم الراهبة))

بجد اسفين يا خوي فواد معليش انا عارف ان عندك معلومات كثيرة جدا عن اللي يغنوا بعد الستينات
واعتذر لك
الف شكر لك يا أبو حسام انا نسيت اسم الفيلم و اسم الاغنية كمان ((اهو ده بقى الموسوعة )) ومعلوماتك الجميلة دائما مانستفيد منها
:emrose:

[د.حسن]

أنا كنت فاكر الممثلين والممثلا ت ماقبل 1963

أخى العزيز أ. فؤاد عبدالحميد
لماذا 1963 بالذات ؟؟
واللا حضرتك بترد على أ. مختار حيدر
لكن على مرتين ؟ !!
مع تحياتى

[فؤاد]

تنبيه للأخوه الأعزاء
أوعي حد يقولي مثلاً
أن الفنانه سميره أحمد غنت مثلاً يعني
في فيلم أظن لاأذكر الفيلم لأن ده كان (دوبلاج) كده صح
وكان بصوت أم كلثوم

[جابر الحسيني]

تنبيه للأخوه الأعزاء
أوعي حد يقولي مثلاً
أن الفنانه سميره أحمد غنت مثلاً يعني
في فيلم أظن لاأذكر الفيلم لأان ده كان دوبلاج كده صح
وكان بصوت أم كلثوم



صحيح كان دوبلاج لكن بصوت سعاد محمد في فيلم " الشيماء "

أما عن أغاني أم كلثوم فده كان في فيلم رابعة العدوية اللي مثلت دورها نبيلة عبيد


سميرة أحمد غنت بصوتها في مسلسل إلى جانب محمود ياسين و أولادها في المسلسل أغنية كان لحنها جميل كانوا بيقولوا فيها : القناطر .. القناطر .. (يمكن ده المسلسل اللي يقصده الغواص إني ياسين غنى فيه لأني مش فاكر عنوانه)

[فؤاد]

عنوان الموضوع هو
ممثلين غنوا مع مطربين
يعني اللي عملوا دويتو مع مطربين
بجد اسفين يا خوي فواد معليش انا عارف ان عندك معلومات كثيرة جدا عن اللي يغنوا بعد الستينات
واعتذر لك


:emrose:


ولا أعتذار ولا حاجه ياخويا منعم أوقعد أوقعد ياشيخ
تشرب شاي ؟
والله أنا بفتكر فعلاً الممثلين اللي غنوا في تلك الفتره حتي تنزيل الصور للممثلين والمطربين ماقبل 1963 ( ياخواتي :mad:مش عارف وين قرتها ) حكاية ماقبل 1963:crazy:

وفعلاً كلامك مظبوط ( الممثلين والممثلات اللي غنوا مع المطربين )
منقدرش نقول مثلاً يعني
رشدي أباظه غني مع حسن يوسف ومحمد عوض

[فؤاد]

[quote=جابر الحسيني;251718]صحيح كان دوبلاج لكن بصوت سعاد محمد في فيلم " الشيماء "


أما عن أغاني أم كلثوم فده كان في فيلم رابعة العدوية اللي مثلت دورها نبيلة عبيد


سميرة أحمد غنت بصوتها في مسلسل إلى جانب محمود ياسين و أولادها في المسلسل أغنية كان لحنها جميل كانوا بيقولوا فيها : القناطر .. القناطر .. (يمكن ده المسلسل اللي يقصده الغواص إني ياسين غنى فيه لأني مش فاكر عنوانه)
[/quote

بجد ياجابر ياخويا
أنا عارفها أنها سعاد محمد
لكن مش عارف ليه كتبت :crazy:( أم كلثوم ):crazy:
ع العموم
تحياتي

[جابر الحسيني]

على ما أذكر حسين رياض و زينات صدقي غنوا سوى في أحد الأفلام أغنية على دول يامّى

:emrose:

[جرامافون]

على ما أذكر حسين رياض و زينات صدقي غنوا سوى في أحد الأفلام أغنية على دول
حسين رياض غني كتير وعندي ليه اسطوانة لا اتذكر كانت
بتقول ايه .. لكني ححاول اطلعها وارفعها في المنتدي وله
اغنية للأطفال مشهور وغيرها .. أما زينات صدقي فكان
عندي ليها اغنية بتغنيها وكانت لطيفة جدا ونادرة وكانت
عبارة عن بكرة فيلم سينما 16 ملي بالالوان كانت بتغني
فيها فوق السطوح وكانت الاغنية معمولة في فيلم نصف
ساعة لترشيد الخلف والمواليد وحصلت عليها لما باعوا
مكتب شركة انتاج الفيلم للروبابيكيا لكنها للاسف ضاعت مني

[abuaseem]

بلا شك الموضوع جميل بس العنوان طويل شوية فاقترح مثلا :

حف الشطر الاخير فيكون العنوان

ممثلون و ممثلات غنوا مع المطربين

او نغير الاسم الى:

غناء ممثلي الدراما باعتبار ممثلي الكوميديا في العادة ليهم في غناء المنولوجات

وبقاء الاسم على ما هو عليه برضه مش حيغير في جمال و فكرة الموضوع

[جرامافون]

حف الشطر الاخير فيكون العنوان
ممثلون و ممثلات غنوا مع المطربين
او نغير الاسم الى:
غناء ممثلي الدراما باعتبار ممثلي الكوميديا في العادة ليهم في غناء المنولوجات
وبقاء الاسم على ما هو عليه برضه مش حيغير في جمال و فكرة الموضوع


معقول
أنت بتستأذن ياأبو عاصم
أنت تؤمر يا كبير
مش كفاية ان صاحب الموضوع ده أخي فؤاد الحبيب

أنت فاتحله حضن موضوعك القيم عن الفنانيين الليبيين

في الالبوم .. مد ايدك وسمي
طب والنبي لو أخي فؤاد مغيروش ححذفله كل اللي رفعه
في الألبوم
فعلا عنوان طووووووويل يقطع النفس
:mdr:


:emrose:
(تحياتي يا أبو عاصم حبيت احييك بعد اذنك طبعا)

[unicorn]

طب والنبي لو أخي فؤاد مغيروش ححذفله كل اللي رفعه
في الألبوم


و بالذات صور فايزة :mdr:
ايام ما كان صوتها ضخم
(من سنة 1967 حتي 1970 )

[فؤاد]

الأستاذ أبو عاصم
الأستاذ عمرو ( جرامافون )
تحيه طيبه
:cool:أعملوا اللازم يارجاله
شوفوا اللي يليق وعدلوا
هو أحنا لينا كلمه دلوأتي:(
مخلاص
:mdr:
آل أيه
ملقوش في التفاح عيب
قالولوا ياأحمر الخدين
:mdr:

[فؤاد]

و بالذات صور فايزة :mdr:

ايام ما كان صوتها ضخم

(من سنة 1967 حتي 1970 )

لأ لأ لأ
ده هو صوتها وصورتها هي اللي ساعااااااااااااااااااااااااااااااااااااات بتبسطني وتسعدني ( ساعات )

[محمد البولندي]

محمود عبد العزيز غني الكيمي كيمي كا تعظيم للكيميا يا في فيلم الكيف
والفيلم بتاع نايلون وبلابيعو كان فيه اغنيه مشتركه بالملايات اللف بين حسن فايق واسماعيل يس الي هي هس هس هس