المساعد الشخصي الرقمي

مشاهدة النسخة كاملة : سؤال مهم وحيره شديده


jackie84
08/11/2008, 18h23
عندى قدره غريبه فى تقليد وتأدية وتجسيد الأغانى والموسيقى اعرف اعمل كل النغمات لبس هذا فقط بل أقوم بتقليد جميع الألات الموسيقيه وعندى المقدره بتجسيد أغنيه بفمى من بدايه المقدمه الموسيقيه حتى نهايه ألاغنيه ولدى مخزون موسيقى كبير فى ذهنى منها أغانى طويله وأغانى قصيره وأصحابى كانوا بيتبهروا بده , مش كده وبس ساعات أمثل الموسيقى من غير غناء والموضوع ده عندى من زمان حتى الان , بس لما كبرت عرفت ده أنه معناه أن اذنى موسيقيه جداً وأنا عندى تسع سنين عزفت على الأورج وطلعت جملة الرئيسيه لرأفت الهجان بالفطره وبستخدام ودنى الموسيقيه فقط بدون تعلم السلم الموسيقى , وحتى هذه اللحظه أرتجل وأعزف جمل موسيقيه بستخدام ودنى الموسيقيه فقط , أما عن أنواع الموسيقيه التى أحبها فأنا أعشق الموسيقى الشرقيه جداً وخصوصاً ألحان وموسيقى ( بليغ حمدى ) , أعشق فن هذا الرجل بشدة الجنون , وطبعاً ( محمد عبد الوهاب - الموجى - كمال الطويل - محمد سلطان - حلمى بكر - عمار الشريعى - عمر خيرت - ياسر عبد الرحمن - مودى الامام ) أما الموسيقه الغربيه عاشق ( موسيقى الكلاسيك والسنفونيات - أغانى الاطفال خصوصاً فى الكرتوت وأفلام ديزنى - الاتينى - الهندى - اليونانى ) , الموسيقى أعتبرها لها تأثير قوى على خيالى وأعتبرها جزء من روحى ولا يمكن الاستغناء عنها

1- هل هذه موهبه موسيقيه ؟

2- هل هذا يمكننى من تعلم المقامات سريعأ ؟

3- ولكى أدرس الموسيقى طبقاًً لما ذكرته أعلى هل أتعلم عزف أم نوته ؟

4- يستحضرنى جمل موسيقيه من تأليفى ولكن لا أستطيع تسجيلها , ماذا أتعلم لكى أفعل ذلك ؟

جابر الحسيني
08/11/2008, 18h36
أتمنى من الأخ jackie84 أن يشارك في هذا الموضوع بأعمال من إنجازه سواء كان تقليدا أو عزفا :
موضوع تجارب موسيقية و غنائية من الأعضاء على هذا الرابط هنا (http://www.sama3y.net/forum/forumdisplay.php?f=276)

عادل صموئيل
09/11/2008, 12h49
الاخ العزيز
قيمة تواجد طاقة موسيقية مثل التى تقول عليها انك تتعلم العزف على اى آلى موسيقية تختارها فهى ستخرج ما بداخلك من طاقات ومخزونات ولو رجعت الى مقالى الفرقة الماسية الحلقة العاشرة فيها جزء من سيرتى الذاتية يهمك
وانصحك بمدرس موسيقى يختار لك الآلة الموسيقية المناسبة والتى ممكن ان تكون العود وتعلم الموسيقى بدون مدرس موسيقى متمكن اضاعة للوقت , مثل ان تذهب الى المطار وتحاول ان تقود طائرة , المدرس يفتح لك الطريق وانت تظهر طاقاتك وانت تمتلك اغلى مايحتاجه مبتدىء الموسيقى وهو الاذن الموسيية وحفظ كمية كبيرة من الموسيقى والاغانى , لو كنت من القاهرة يوجد فى اول حى شبرا فى عمارة تقع بين شارع شيرا وشارع الترعة البولاقة معهد خاص للموسيقى لو ذهبت اليه قد تجد ماتحتاجه

jackie84
09/11/2008, 18h15
شكراٌ جزيلاً يا سيدى

* أنا أمتلك أرج وفعلاً أرتجلت بعض الجمل الموسيقيه عليه منذ الصغر حتى هذه اللحظه .. من رأى سيادتك طبقاً للموهبه المذكوره أعلى هل العود أم الارج مناسب ؟

* أنا لا أعرف شى عن المقامات .. كيف أتعلمها ؟

* عندما تستحضرنى جمله موسيقيه مرتجله فى ذهنى كيف أسجلها ؟

عادل صموئيل
09/11/2008, 18h36
شكراٌ جزيلاً يا سيدى

* أنا أمتلك أرج وفعلاً أرتجلت بعض الجمل الموسيقيه عليه منذ الصغر حتى هذه اللحظه .. من رأى سيادتك طبقاً للموهبه المذكوره أعلى هل العود أم الارج مناسب ؟

* أنا لا أعرف شى عن المقامات .. كيف أتعلمها ؟

* عندما تستحضرنى جمله موسيقيه مرتجله فى ذهنى كيف أسجلها ؟

اخى العزيز
الدندنة بالفم جزء مكمل للموهبة الموسيقية ولكن ابراز الموهبة الموسيقية الحقيقية هو تعلم العزف على آلة موسيقية
هنا تظهر الموهبة الموسيقية , وايضا انصح النصيحة الدائمة من امستحيل ان تتعلم العزف بمفردك ولابد فى المراحل الاولى من مدرس للموسيقى يفتح امامك الطريق , فمهما كانت قيمة الموهبة الموجودة لن تسيطيع الوصول الى بداية حقيقية بمفردك , مدرس الموسيقى سيكتشف ما لديك من موهبة وسيحدد لك اتتعلم العود ام الاورج و ولو تعلمت احدهما من السهل ان تتعلم الآخر لأن الطريق سيكون مفتوح امامك , ايضا تعليم المقامات لابد ان مُدرس متخصص يعلمك مقام او اثنين اولا ثم بعدها من السهل انت ان تستكشف مقامات اخرى , عندما تستحضرك اليوم جملة موسيقية وتحس ان لها قيمة سجلها اليوم على جهاز تسجيل عن طريق الدندنة لأن الجمل بدون حفظ تضيع وبعد ان تتعلم العزف من الممكن ان تكون من هذه الجمل عملا موسيقيا جميلا , وتوجد فى هذا المنتدى دروس قيمة جدا فى الموسيقى ولكن بعد ان تبدا فى تعلم الموسيقى على يد مدرس ستفيدك هذه الدروس جدا , لأنك لو درستها اليوم قد لاتفيدك ستكون كلغة جديدة لابد لكى تتفهمها ان تكون ملماً بمبادىء الموسيقى , انا مع الاسف لا اعطى دروسا ولكن ابق على اتصال بى لأقدم لك كل المشورة الممكنة , ولو قرات ردى اعلاه انا قدمت لكم عنوان معهد خاص قد يفيدك لأن به عدد من المدرسين وستجد هناك ماتحتاج مع تحياتى

jackie84
10/11/2008, 17h57
شكراً سيدى

* لاحظت أنك دائماً تكرر مدرس يختار لك الأله الموسيقيه .. هل تعلم يا سيدى أن أى معهد موسيقى يطلب منك تحديد ألاله التى تريد لعبها ( هذا يكون من أختيارى) .. ومن الصعب الواحد مننا تحديد الاله المراد لعبها من نفسه على سبيل المثال أنا أعشق كل الألات الموسيقيه وخصوصاً الوتريات لبكل أنوعها .. لكن للأسف الواحد مننا يحدد أختيار الاله على حسب ما يمتلك على سبيل المثال أنا أمتلك أرج فبالتالى أتعلم ارج , شخص أخر لديه جيتار فيتعلم الجيتار .. للأسف لم أجد مكان يحدد قدراتك الموسيقيه ويرى الاله المناسبه لك ؟ ( أريد التعليق)

* أنا لست من سكان القاهره أنا من سكان الاسكندريه

* ما رأى سيادتك فى الدرسات الحره فى كلية التربيه الموسيقيه فى الزمالك ؟ هل هى مفيده ؟ وللمبتدئين فى علم الموسيقى تحديداً ؟

* كان أخى أخذ دروس لمدة شهر فى معهد الكنزتفوار فى ألارج وعندما سأل المدرس أنه يريد التلحين قال له ( دروس العزف نقره ودروس التلحين نقره أخرى) ؟ ما رأى حضرتك فى هذا وخصوصاٌ أن أخى لم يتقدم شئ فى العزف ومن المضحك أنى أعزف أحسن منه بكثير رغم أننى لم أخذ دروس

* اعانى من مشكله وهى ( عرق المفرط فى كلتا يداى ) وكنت أخشى أن هذا يكون عائق فى تعلم الالات الوتريه , ما رأى حضرتك ؟

عادل صموئيل
11/11/2008, 12h20
شكراً سيدى

* لاحظت أنك دائماً تكرر مدرس يختار لك الأله الموسيقيه .. هل تعلم يا سيدى أن أى معهد موسيقى يطلب منك تحديد ألاله التى تريد لعبها ( هذا يكون من أختيارى) .. ومن الصعب الواحد مننا تحديد الاله المراد لعبها من نفسه على سبيل المثال أنا أعشق كل الألات الموسيقيه وخصوصاً الوتريات لبكل أنوعها .. لكن للأسف الواحد مننا يحدد أختيار الاله على حسب ما يمتلك على سبيل المثال أنا أمتلك أرج فبالتالى أتعلم ارج , شخص أخر لديه جيتار فيتعلم الجيتار .. للأسف لم أجد مكان يحدد قدراتك الموسيقيه ويرى الاله المناسبه لك ؟ ( أريد التعليق)

* أنا لست من سكان القاهره أنا من سكان الاسكندريه

* ما رأى سيادتك فى الدرسات الحره فى كلية التربيه الموسيقيه فى الزمالك ؟ هل هى مفيده ؟ وللمبتدئين فى علم الموسيقى تحديداً ؟

* كان أخى أخذ دروس لمدة شهر فى معهد الكنزتفوار فى ألارج وعندما سأل المدرس أنه يريد التلحين قال له ( دروس العزف نقره ودروس التلحين نقره أخرى) ؟ ما رأى حضرتك فى هذا وخصوصاٌ أن أخى لم يتقدم شئ فى العزف ومن المضحك أنى أعزف أحسن منه بكثير رغم أننى لم أخذ دروس

* اعانى من مشكله وهى ( عرق المفرط فى كلتا يداى ) وكنت أخشى أن هذا يكون عائق فى تعلم الالات الوتريه , ما رأى حضرتك ؟



اخى العزيز
اولا اشكرك على التواصل المستمر وانا لو لاحظت انى اتامل فى اعماق الامور ولا آخذها كما هى واحب ان اعلق تعليق بناء على كل خواطرك او اسئلتك
عايز اتكلم معاك فى المشكلة السهلة حكاية العرق الغزير فى اليدين اول حاجة انا كرجل متعلم اقول لك ممكن استشارة طبيب لأن دى مشكلة يمكن ماتعطلكش فى الاورج لكن تعطلك فى الآلات الوترية واقول لك على سر محمد قنديل كان عنده نفس المشكلة بس ماتناقشتش معاه فيها
دايما اى احتياج للإنسان بيحتاج مثابرة طالما كان الاحتياج ده مش نزوة فورية وتروح , وكلمة نزوة معناها واحد يطلع فى مخه يتعلم موسيقى وانت عارف الموسيقى صعبة مش سهلة ولما ما يلاقيش نتيجة فورية يزهق ويغير رأيه , لكن طالما هى مش نزوة بتحتاج شوية مجهود او طرق جميع الابواب الممكنة وعدم الاستسلام للفشل , انا بكلمك من تجاربى فى الحياة وخبرتى يعنى انا مثلا 3 شباب زمان طلبوا منى اعلمهم كمنجة طلبت منهم يجيبوا كمنجة ورحت لهم بيتهم من غير ما اطلب منهم فلوس بعد فترة ظهرت موهبة فى واحد منهم والاتنين التانيين ماتقدموش واللى ظهرت موهبته ده غير حياتة وبقى موسيقى ناجح جدا, تفهم من كده ايه ؟ ان فيه واحد عنده قبول سريع لتعلم الموسيقى وواحد لأ , وقصة اخوك ممكن يكون ماعندوش الموهبة انه يتعلم عشان كده ما استفادش حاجة رغم وجود الامكانيات
انا نفسى اسألك انتى طالب ولا بتشتغل يعنى لو كنت بتدرس بتدرس ايه؟ انت لو فى كلية نظرية ممكن تتعلم بالمراسة او من الخارج يعنى تجيب الكتب وتذاكر ثم تمتحن لكن لو كلية نظرية لازم طبعا الدراسة العملية مع اساتذة طبعا فاهم قصدى ! وانا اكرر موضوع المدرس لأن من المستحيل انك تحاول تتعلم لوحدك لأن تخيل انى حديك حصة ( ومع الاسف ظروفى ماتسمحش ) بقول تخيل اولا حاشرح لك جزئية صغيرة وتبتدى تطبقها الملحوظ انك حاتغلط 100 مرة وانا اصلح لك الخطأ , يعنى بأختصار حا تغلط ونصلح ااالاخطاء لكن لو لوحدك حاتغلط بس طبعا فاهم الفرق
وكل مرة اديك معلومات وبالتدريج الاخطاء حاتقل وتبتدى تظهر نتائج كويسة صح؟ واهم شىء فى الموسيقى انك حتى مع وجود المدرس تبتدى تجرب اكتر مع نفسك يعنى كمان اجتهادك الشخصى عليه نسبة 50% من نجاحك انا اقترح انك طالما عندك اورج ابدأ اتعلم الاورج بس برضه مع مدرس , يعنى ركز اهتمامك تعلم الاورج فى الاول بعدها ممكن سهل بداية التعليم على لآلة وترية لأن حايبقى عندك خلفية كويسة , انت قلت انك ساكن فى الاسكندرية واكيد فيها معهد خاص لتدريس الموسيقى لأن كلية التربية الموسيقية بعيدة عليك للإستمرار والانتظام . والدرسات الحرة طبعا كويسة يعنى احسن من بلاش , واخوك زى ماقلت ممكن يكون ماعندوش الموهبة اللى تخليه يستفيد بسرعة ,
فيه حاجة تانية انت قلت عن التلحين مافيش حاجة اسمها دروس فى التلحين التلحين ده موهبة فطرية بس انا ممكن احسها فيك بعد ماتتعلم اجادة لآلة معينة وتعمل لحن وتسمعهولى على الآلة وهنا مهارتك فى العزف هى اللى بتبين حلاوة اللحن , بمعنى ممكن الجملة تكون حلوة جدا وعزفك مش حلو حاتضيع طبعا حلاوة الجملة فاهم قصدى ؟
ولما تتعلم العزف وتلحن الجملة انا هنا كخبير اديك ملحوظاتى على تلحينك لكن مش درس تكون ارشادات بس
لأن التحين ده اصلا خلق منك انت من موهبتك ومشاعرك وابداعك ماحدش ممكن يعلمك تلحن ازاى انتى بتلحن واحنا نرشدك للأحسن
انا آسف للإطالة عليك ولكن كلامى اعتقد ان فيه درس يفيدك ويفيد الاخوة اللى فى نفس ظروفك واظن انك لاحظت انى عايز اساعدك وعايزك ترد على وتعلق على كلامى ونفكر سوا ايه احسن طريقة تفيدك لأنى احب انك تستفيد منى ومن كل الزملاء اللى عندهم خبرة تفيدك وكلمة مهمة : ممكن مدرس يديك كمية بس المهم انت تستفيد من الكمية دى اد ايه

jackie84
14/11/2008, 02h53
وقصة اخوك ممكن يكون ماعندوش الموهبة انه يتعلم عشان كده ما استفادش حاجة رغم وجود الامكانيات

* بالنسبه فى هذه النقطه , أخى قال لى ذات مره أنه لن ينسجم مع ألة الأرج وقال لى أنه أعصاب صوابعه لا تستوعب العزف على الارج وبالمناسبه أخى بدء يلحن منذ أوائل 2008 حتى هذه اللحظه ألف ولحن فوق المئة أغنيه وأنا الذى نصحته بتعلم الموسيقى ولكنه لم ينسجم فى الدرس الى خده , ولكنى نصحته بعدم اليأس

انا نفسى اسألك انتى طالب ولا بتشتغل يعنى لو كنت بتدرس بتدرس ايه؟

* أنا خريج كلية هندسه وكنت أعمل وتركت عملى لظروف ما وأنا الان لا أعمل وبالمناسبه أحب أن أوضح أنى ليس فقط مولع بالموسيقى بل أكتب الشعر والذجل مسرحيات رويات ,اعلم نفسى فنون كتابة السناريو السنيمائى وبالطبع الاخراج لكنه تعلمه يريد التفرغ وهذا ليس بأمكانى حالياُ ولكنى أحاول أحصل كل المعلومات الممكنه حسب الظلاوف المتاحه ,,,, أنا فكرت كتير أن أستعين بمدرس خصوصى يأتى لى فى البيت ولكن أعتقد أن هذا ليس متاح فى هذه ألايام لم أجد أحد .. وأنا منتظر أستقرار ظروفى كى أخذ دروس فى الموسيقى

وانا اكرر موضوع المدرس لأن من المستحيل انك تحاول تتعلم لوحدك لأن تخيل انى حديك حصة ( ومع الاسف ظروفى ماتسمحش ) بقول تخيل اولا حاشرح لك جزئية صغيرة وتبتدى تطبقها الملحوظ انك حاتغلط 100 مرة وانا اصلح لك الخطأ , يعنى بأختصار حا تغلط ونصلح ااالاخطاء لكن لو لوحدك حاتغلط بس طبعا فاهم الفرق

* مقدر وفاهم ومقتنع تماماً

انت قلت انك ساكن فى الاسكندرية واكيد فيها معهد خاص لتدريس الموسيقى لأن كلية التربية الموسيقية بعيدة عليك للإستمرار والانتظام . والدرسات الحرة طبعا كويسة يعنى احسن من بلاش , واخوك زى ماقلت ممكن يكون ماعندوش الموهبة اللى تخليه يستفيد بسرعة

* هذا البرنامج يستغرق ثلاث شهور ويكون الجمعه من كل أسبوع وأنا لدى الامكانيه لسفر القاهره كل أسبوع

فيه حاجة تانية انت قلت عن التلحين مافيش حاجة اسمها دروس فى التلحين التلحين ده موهبة فطرية بس انا ممكن احسها فيك بعد ماتتعلم اجادة لآلة معينة وتعمل لحن وتسمعهولى على الآلة وهنا مهارتك فى العزف هى اللى بتبين حلاوة اللحن , بمعنى ممكن الجملة تكون حلوة جدا وعزفك مش حلو حاتضيع طبعا حلاوة الجملة فاهم قصدى ؟

* أكيد طبعاً .. التلحين موهبه والعزف موهبه والسمع الجيد موهبه أيضاُ .. لكن المدرس كان يقصد أن دروس تعليم من يرغب فى العزف غير دروس تعليم من يرغب فى التلحين ( من حيث الماده المعطاه وليس تعليم التلحين نفسه ) مثلما ذكرت أن أخى يلحن أغانى كامله بستخدام أذنه الموسيقيه وكان يريد أن يثقل ذلك بالدراسه وفى نهاية الدروس التى أسمرت لمدة شهر قال للمدرس الخاص به ( أنا كنت بتعلم عشان التلحين ) فالمدرس قاله ( لاااا ألتلحين ده موضوع تانى خالص)

انا آسف للإطالة عليك ولكن كلامى اعتقد ان فيه درس يفيدك ويفيد الاخوة اللى فى نفس ظروفك واظن انك لاحظت انى عايز اساعدك وعايزك ترد على وتعلق على كلامى ونفكر سوا ايه احسن طريقة تفيدك لأنى احب انك تستفيد منى ومن كل الزملاء اللى عندهم خبرة تفيدك وكلمة مهمة : ممكن مدرس يديك كمية بس المهم انت تستفيد من الكمية دى اد ايه

* لا أطلاقاً .. أنا أشكرك جزيل الشكر

* حضرتك ذكرت أنك كنت تعمل فى الفرقه الماسيه أذا أحب أن أسألك هل تعاونت مع المبدع المجنون بليغ حمدى وهل من الممكن أن تقص لى بعض عن نعومك مع هذا الرجل

* أنا أعلم أن التوزيع الموسيقى هو توزيع النوته ( الجمل اللحنيه) على الات الموسيقيه هل هذا صحيح ؟ أريد التوضيح ؟ وماذا الاشياء التى من المفروض تعلمها قبل التوزيع الموسيقى ( التوزيع الوركسترالى) ؟

عادل صموئيل
14/11/2008, 10h45
اخى العزيز اشكرك واحترمك جدا لانك رديت على كل نقطة انا ذكرتها فى ردى السابق
انا عندى ميزة انى بحااول افهم فى اى شىء بيتحرك قدامى وعشان كده ممكن اتكلم بطلاقة واحاول اخلى الشخص اللى قدامى يستفيد باكبر قدر ممكن انت قلت بتحاول تدرس الاخراج السينمائى وده محتاج عناصر كتيرة يعنى تفهم كامل لكل صناعة السينما, يعنى مثلا تفهم فى الكاميرا وامكانياتها والاضاءة والمونتاج وتسجيل الصوت , بالنسبة لبليغ حمدى كان صدبقى وكنا مع بعض حوالى عشرين سنة وكنا بنسافر الخارج مع بعض وحاتكلم عنه فى مقال قريب , بالنسبة للتوزيع مش معناه ان نخلى الآلة المعينة تقول صولو ولكن ده موضوع اكبر من كده بكتير باختصار عبارة عن جملة موسيقية وبنكتب تحتها جملة او مجموعة من الجمل بيتسمعوا مع بعض , بس بيخضع لدراسة دقيقة فى علم اسمه الهارمونى معناه التوافق والانسجام يعنى انت لو جربت على الاورج تعزف اى نغمتين مع بعض فى نفس الوقت حتلاقى فيه نغمات مع بعض متوافق ونغمات بتبقى متنافرة
واهمية التوزيع انك لما تكتب جملة تانية مع جملة اولى بيبقوا مكتوبين افقى لكن ننظر الى الرأسى يعنى كل نغمة فوق النغمة اللى تحتها لازم تكون متوافقة معاها وهنا الصعوبة او الموهبة فى التوزيع ان يكون الجملة التانية كل نغمة فيها متوافقة مع النغمة اللى فوقها وكمان يبقى الجملة التانية بقدر الامكان تكون حلوة او فيها فكرة مش رص نغمات تحت بعضها عملية حسابية يعنى اتمنى ان تكون فهمت كلامى , بالذات فى الموسيقى الكلاسيكية تلاقى التوزيع اللى على اصله يعنى بتحس بجملة اساسية تحتها جمل كتير بس تلاحظ انها متوافقة دائما , بالنسبة للدراسة والله لو ممكن تيجى كلية التربية الموسيقية جرب ومش حاتخسر حاجة بس بعد ما تبتدى خليك هنا على تواصل معايا ممكن ارشدك ويبقى زيادة الخير خيرين

jackie84
15/11/2008, 00h18
بالنسبة لبليغ حمدى كان صدبقى وكنا مع بعض حوالى عشرين سنة وكنا بنسافر الخارج مع بعض وحاتكلم عنه فى مقال قريب

* أين أجد هذه المقالات ؟ أعطنى اللينك أكون شاكراً

بالنسبة للتوزيع مش معناه ان نخلى الآلة المعينة تقول صولو ولكن ده موضوع اكبر من كده بكتير باختصار عبارة عن جملة موسيقية وبنكتب تحتها جملة او مجموعة من الجمل بيتسمعوا مع بعض , بس بيخضع لدراسة دقيقة فى علم اسمه الهارمونى معناه التوافق والانسجام يعنى انت لو جربت على الاورج تعزف اى نغمتين مع بعض فى نفس الوقت حتلاقى فيه نغمات مع بعض متوافق ونغمات بتبقى متنافرة

* فطرياً قد أكون أستتنتجت ذلك .. يعنى مثل ألاغانى التى يكون يغنى المطرب على ميلودى معين وفى الخلفيه الموسيقيه تلعب الاوركسترا جملاُ أخرى مثلاُ أغانى التى وزعها على أسماعيل يكون فيه نوع من الانسجام بين الات
تلعب الكمان جمل والنحاس والخشب يلعب جمل أخرى وأنا أستتنتجت أن ده أسمه هارمونى فطرياُ

أو مثلاً فى موسيقى أغنيه طاير يا هوا لمحمد رشدى التى لحنها بليغ .. هذه الاغنيه تحتوى على كثير من الهارمونى

وأيضاً أخر كوبليه فى أغنيه صوره لعبد الحليم نلاقى الكورال بيغنى فى أتجاه والخلفيه الموسيقيه تعزف فى أتجاه أخر .. هل هذا صحيح

هل بليغ كان يوزع أغانيه ؟.. فى رأى الشخصى نعم لأن موسيقاه ذات طابع وشكل تقديمى خاص أنا الاحظ أنه يستخدام الساكس , ألأوكورديون , والكوله , والناى , والجيتار بكثره ولأيضاً وضع الميكسات بين ألات مثل (الساكس+الناى , لساكس+الناى+ألاكورديون , الناى+ألاكورديون , الكوله + ألاكورديون , لاكورديون+ألأرج+الجيتار ....... ألخ )

واهمية التوزيع انك لما تكتب جملة تانية مع جملة اولى بيبقوا مكتوبين افقى لكن ننظر الى الرأسى يعنى كل نغمة فوق النغمة اللى تحتها لازم تكون متوافقة معاها وهنا الصعوبة او الموهبة فى التوزيع ان يكون الجملة التانية كل نغمة فيها متوافقة مع النغمة اللى فوقها وكمان يبقى الجملة التانية بقدر الامكان تكون حلوة او فيها فكرة مش رص نغمات تحت بعضها عملية حسابية يعنى

* فى هذه النفطه لم استوعبها جيدأ وهذا طبسعى لاننى لا أعرف النوته أنا فقط أستخدم حسى الموسيقى والخزين الموجود فى ذهنى

بالنسبة للدراسة والله لو ممكن تيجى كلية التربية الموسيقية جرب ومش حاتخسر حاجة بس بعد ما تبتدى خليك هنا على تواصل معايا ممكن ارشدك ويبقى زيادة الخير خيرين

* أسعى فى ذلك لكن تستقر ظروفى أولاً .. وأنا أتمنى فعلاًً للقاء مع سيادتك

jackie84
20/11/2008, 06h36
هل الاله التى يكون صوتها ما بين ( الناى والفلوت ) هى الكواله ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟