انقظونييييييي يا خبراء الكمان

[الكمنجاتي]

انا اسمي بيشوي وبعزف كمان منذ حوال 6 سنين الناس اللي حواليا بيقولو مستوايا حلو على الكمان لكن في مشكلة انا الكمان اللي معايا صيني بس انا معدل عليها بحاجات كتير يعني مغير الفرسة والعمود والاوتار ةطول الفرسة ومظبطها للعزف الشرقي يعني مقاسات الاوتار على الفرسة 4/4/4/3 لكن المشكلة اني كل ما بحاول اعزف شرقي علياه او اقسم شرقي فجاءة الاقي نفسي رايح للغربي كل ما احاول مش عارف مع اني بسمع تقاسيم شرقي كتير جدا جدا لكن حاولت اعرف السبب استلفت كمان اتشيكي من واحد معرفة وعزفت عليها لقيت نفسي بعزف شرقي حلو وبعمل سحبات وعرب وترلات حلوة لاني سجلت لنفسي وبعد فترة اسبوع رجعت الكمان لصاحبة اول مارجعت تاني للصيني مش عارف اجيب الاحساس التاني بتاع الشرقي ولاقي نفسي بعوم في الغربي والتكنك نفسي حد يقولي حل من خبراء الكمان اجوكم

[شكيب الفرياني]

أخي العزيز انا لا ارى لحالتك هذه سوى تفسيرا واحدا وهو أن ااكمانات الصينية عادة ما تكون ذات إمكانيات صوتية عادية إن لم نقل رديئة
ولعلّ كمان صديقك كان من نوعية أفضل جعلتك تتسلطن ودفعك إعجابك بها إلى الأداء الجيّد وبالتالي جادت عليك القريحة بما ذكرت ، تماما كالشاعر أو الملحن الذي تنحبس عنه الأفكار مدّة وبمجرّد أن يغيّر المكان أو يضع نفسه في إطار آخر مناسب للإلهام يبدع صورا وتعابير فنية جميلة .
تمنياتي لك بالتوفيق :emrose:

أخوك شكيب الفرياني
موسيقي تونسي

[عادل صموئيل]

عزيزى بيشوى
عايز اقول لك على كلمة مهمة
انا موجه اول فى وزارة التربية والتعليم وتحت ايدى مش اقل من 500 كمنجة صينى فى المدارس اللى بفتش عليها
الكمنجة الصينى من النادر تلاقى كمنجة حلوة وكلهم عبارة عن قباقيب
ليه السر ان المنجة دى بتستورد اصلا للتعليم فى المدارس مش للعازفين الماهرين , لأنها بتتعمل فى مصانع فى الصين بتنتج مئات الكمنجات فى اليوم وعملية نجارة 100% مالهاش علاقة بالفن يعنى اهم شىء فى الكمنجة الصندوق الرنان وده عشان يبقى رنان لازم يكون من خشب معين نادر وغالى جدا , ممكن يتوفر شوية فى الكمنجات الالمانى الجديدة ولكن لو عايز كمنجة حلوة دور على كمنجة المانى او تشبكى بس تكون قديمة
ومن اهم العوامل اللى تخلى ايدك تتحرك بحرية فى الكمنجة هى المراية المراية لازم تكون ناعمة عشان ماتعوقش حركة صوابعك وفيه فى اول المراية حتة صغيرة مهمة جدا اسمها الانف ودى اول شىء بيمر عليها الوتر ولازم يكون لها ارتفاع معين عشان الوتر يمر من الانف للفرسة ماراً على المراية بأرتفاع معين ما يكونش عالى او واطى وده فى الكمنجات الصينى بيبقى شكل بس حتى الانف دى ممكن تكون معمولة من خشب ردىء الوتر ياكلها او يخترقها والارتفاع يقل والوتر يطسطس على المراية لأنه حايكون قريب منها اكتر من الازم
فيه اخطر شىء فى الكمنجة العمود اللى تحت الفرسة لازم يضبطه واحد محترف وخبير لأن العمود ده لو اتحرك من مكانه شعرة بيضيع نص صوت الكمنجة وبعدين من الهم جدا نوعية الفرسة فيه فرسة بتنقل الصوت كويس وفرسة رديئة بتكتمه ودى لازم حد خبير يحددها يعنى مثلا انا بجيب او بختار كذا فلاسة وبعدين برنهم على الارض على البلاط بالذات زى ماترمى عملة وتشوفها ترن اد ايه الفرسة الكويسة بتحس ان صوتها زى معدنى والفرسة الوحشة تحس كأنها كرتونة ومهم جدا توضيب الفرسة يعنى الكيرف الاعلى وسمك الرجلين بتوعاها برضه محتاجة خبير جدا عشان بيضبطها كويس
لو توفرت كل الشروط دى نييجى للأوتار احسن وتر التوماستيك لأنه بالذات فى الوترين الغليظين صول ورى فى الاوتار الرخيصة بيكون صوتهم وحش جدا وبينعوا لأنهم مش مطابقين لمواصفات الاوتار الصحيحة اما التوماستيك بيبقى صوته نقى ومهم جدا انك تتعلم كويس وتخبط على الكمنجة ااالوحشة دى فى الاول حتى عشان لنا يبقى مستواك حلو حاتعرف تختار كمنجة العمر
مع تحياتى وتحت امرك فى اى استشارة