عزف ترنيمة واحبيبي على الكمان

[الكمنجاتي]

اولا انا اسمي بيشوي صليب وبعزف كمان بفرقة موسيقة عربية بقصور الثقافة بهديكم ترنيمة واحبيبي على الكمان وعلى فكرة الكمان صيني لكن حلوة ومطلوب رايكم وترنيمة واحبيبي تقال يوم الجمعة العظيمة اثناء الصلب والترنية اكتر من رائعة واحلى من ادى الترنيمة هي الفنانة المتالقة فيروز استمتعو

[عادل صموئيل]

اهلا ياوائل
انا عادل صموئيل من خبراء الكمنجة فى مصر وعازف سابق فى الفرقة الماسية ومع السيدة ام كلثوم
لى ملحوظات كتيرة على عزفك او شىء لما تكون بتعزف مع فرقة فأنت بتعزف وخلاص مش مسئول عن اللحن والايقاع والسرعة وكل شىء اما لما تعزف صولو لازم تحافظ على سرعة اللحن وان اللحن مايفلتش منه حروف لأنك انت بتكون الفرقة الكاملة
هما الحروف فيها حاجات زيادة والسرعة مش سرعة فيروز ابطأ كتير وانا حسيت ان اللحن بقى رتمه مش محدد لازم تلتزم بسرعة فيروز عشان الناس حافظة اللحن زى مافيروز بتقوله
وانا ادعوك لو عايز تعزف صولو انك تدخل فى باب المبدعون وتسمع معزوفاتى فى قسم معزوفات الاستاذ عادل صموئل اسمع العزف الصولو بيقى ازاى اول شىء تحس ان الكمنجاتى ده خرج من الشريط وبتسمعه لوحدك يعنى ايقاع الاغنية والسرعة ومش ممكن يفلت منه حرف اسمع كل شىء وتمعن فيه لأنها مدرسة وخلاصهة الباقى من عازفى الزمن الجميل واللى كلهم ماتوا مش فاضل منهم غيرى واتمنى ان يستفيد منة كل العازفين الشبان لأن العزف ده مدرسة فى عزف الكمان لن تجد فى اى مكان من يعلمك هذه المدرسة لأن الجيل ده خلاص راح
مع تحياتى بالمناسبة قصر الثقافة ده فين ؟

[الكمنجاتي]

انا اشكرك جدا على رد حضرتك على الموضوع ولكن اولا انا مش طالع اقول كلام لكن انا بعزف اذا الحرية ليا في الرتم وانا ببين جمال اللحن وليس جمال الكلمات لاني مش بقول انا بعزف فا انا بحاول ابين الجماليات اللي موجودة في اللحن انا اساسا بعتبر اللحن دة عبارة عن تقسيمة
ثانيا قصر الثقافة دة موجود بشركة مصر للغزل والنسيج انا شغال مع الفرقة وشغال معايا واحد كمنجاتي كان شغال زمان مع الفرقة الماسية ومع ناس اصراحة مش فاكر اساميها دلوقتي واشتغل حفلة مع عبد الحليم واشتغل مع مطربين كتير وهدى سلطان وكان شغال مع الاستاذ الكبير سعد محمد حسن وهو اسمة ا/محمود دنيا ودة في رقيي انة احسن من عبدة داغر بكتير وانا بحب عزفة جدا وهو اكاديمي وبيعمل حاجات وانا حاسس انة مش واخد فرصة دلوقتي لكن بمزاجة وغير كدة هو سافر اعارة وواخد احسن عازف بالكويت لما كان هناك وسافر اكتر من دولة عربية وعزف مع مغنيين كتير انا لواقدر اسجلة حاجة وارفعها على لكن هحاول وهو انسان متواضح جدا جدا جدا جدا جدا جدا جدا
لكن مش معنا كدة ان انا بتطاول على رايك في عزفي لكن انا بوضحلك وجهت نظري وارجو منك الرد اذا كان وجهت نظري صح ولا غلط وارجوك ممكن اضيف ايميلك او تضفني لاني فعلا عايز استفادمن حضرتك
وشكرا
على فكرة اسمي بيشوي صليب مش وائل

[بيشوي ماهر عزمي]

عازفى الزمن الجميل واللى كلهم ماتوا مش فاضل منهم غيرى واتمنى ان يستفيد منة كل العازفين الشبان لأن العزف ده مدرسة فى عزف الكمان لن تجد فى اى مكان من يعلمك هذه المدرسة لأن الجيل ده خلاص راح
مع تحياتى بالمناسبة قصر الثقافة ده فين ؟
بعد الشر عليك يا استاذ عادل . يارب يطولنا في عمرك و نسمع اكتر و اكتر من عزف حضرتك . ممكن نتعرف شخصياً بحضرتك اكتر؟


تعليقاً علي الاخ بيشوي صليب (بالمناسبه يا عم بيشوي زي ما انت ما شايف .. فانا بيشوي برضه :)) . معلش متاخدش كلام الاستاذ عادل علي انه نقد . الكلام مش نقد لكنه توجيه للاحسن و ده شيء مش عيب . الفكره مش فكره مين الاحسن و مين الاوحش . الفكره فكره ازاي ابقي انا احسن.
شكراً و تحياتي من بني سويف .

[منذر عبود]

بعد إذن أستاذنا عادل صموئيل الذي أعزه وأقدره
المعزوفة التي قدمها الأخ بيشوي(وأنا كسوري لاأدري مامعني بيشوي:crazy:)هي من نمط العزف الحر لمقطوعة معينة دون التقيد بإيقاع معين حيث تكون المعزوفة مشبعة بأحاسيسه وأنا أجد أنه وفق بإيصال ما أراد بهذه المعزوفة إلا من أنه أكثر من المؤثرات الصوتية الكهربائية وأنا أتمنى سماع عزفه بحيث أشعر بالكمان كمان حقيقية وليس كهربائية
ويعطيك ألف عافية أستاذ بيشوي

[جبران خليل جبرا]

مرحبا الله يعطيكم الف عافية
استاذ عادل صموئيل ربنا يخليك لينا ويديلك الصحة وطول العمر
اخوتى الاحباء ياريت حد يساعدنى فى تنزيل ترنيمة واحبيبى كل ما احاول انزلها الاقى فى رفض ....ياريت حد يرفعها على سرفر تانى ويكتبلنا عنوان الرابط
اشكركم جميعا على محبتكم ...

واتمنى من الاستاذ عادل انه ينزلنا ترانيم من عزفه باكبر قدر ممكن
الله معكم

[kero fozy]

ممتاززززز

الفنان الاستاذ عادل

نتمنى على الاستاذ عادل ان يجيب طلبات الجميع بتقديم بعض اعماله الاخيرة


مع الشكر