ـا رب هــوِّن ♫ محمد السلاموني [الأرشيف] - منتدى سماعي للطرب العربي الأصيل

M O H A M E D

31/08/2008, 23h56

تجربة على قدي .. توكلت على الله و رفعتها
بهديها لأصدقائي و لكل الأعضاء :emrose: يا رب تعجبكم
و كل عام و أنتم بخير ، و رمضـان كريـم :emrose:

** يا رب هوِّن **

يا رب هوِّن .. يا رب سلم
عالِم بحالي .. أنـــا بتـــألم
لو لسه باقي العمر شئ .. اجعلني أمشي في الطريق
طريق و لا حد بيمشي فيه ، إلا اللي تاب و عاد إليك
سامحني على كل شـــئ
ساعدني أكون عبد مطيع
لا تسيبني اتوه و لا تسيبني أضيع
اهديني يا رب العالمين

محمد السلاموني

:emrose:

ريما

01/09/2008, 00h04

ايه يا سلامون دا تلاته فى واحد يا جدع

بجد تحفه والكلمات ملهاش حل

تسلم دماغك يا سلامون :emrose::emrose::emrose:

M O H A M E D

01/09/2008, 14h23

ألف ألف شكر يا ريما على مرورك العطر

و الحمد لله إنها عجبتك

و رمضان كريم :emrose:

unicorn

01/09/2008, 22h30

برافو يا سلامون
كلام جميل و هادى و خاشع
و شعر سليم و موزون و جيد الصنعة
اللحن رائع و مناسب للكلام اوى
و بيتصاعد مع الكلام بمنتهى التوافق
وصوتك مفاجأة يا سلامون
جميل بدون موسيقى او مؤثرات
و تسجيل الصوت ممتاز لولا انه عالى شوية
هدية رمضانية جميلة يا سلامون
يا ريت تطلع باقى الدرج
و تدوقنا
شكرا يا سلامون

الألآتى

02/09/2008, 04h55

أنا مش حاأرد ياسلامونى .. ولا حاقول رأيى ..

رأيى تسمعه عملى فى المرفقات ..

غازي الضبع

02/09/2008, 07h19

ولو إني لسه ما سمعتهاش
لإني ماحمّلتهاش
بس أكيد روعة
لإنك فنان جميل يا سلاموني
وأنا دلوقتي مشتاق أسمع هذا العمل الجميل
وخصوصا بعد ما ضاف إليه المايسترو لمساته السحرية
تحياتي ومحبتي

ريما

02/09/2008, 11h31

غواص النغم

02/09/2008, 12h06

أنا مش حاأرد ياسلامونى .. ولا حاقول رأيى ..

رأيى تسمعه عملى فى المرفقات ..
كنت متوقع الخطوة دي منك يا فنان ياكبير
والحمدلله ظني طلع صح
والاغنية بقت احلى واحلى بموسيقاك الجميلة
:emrose::emrose:
وطبعا اي كلام عن السلاموني حيتفهم انه مجامله بس انا قلت له من قبل انه مشروع مبدع
واخيرا
شفنا لك تجربة في سماعي
رمضان كريم

د.حسن

02/09/2008, 12h14

محمد علي الزوالي

02/09/2008, 12h50

اخي محمد السلاموني
هذه تجربة رائعة وتدل على انك موهوب فلما لا تواصل خاصة في الكتابة
ولك مني جزيل الشكر وارجو من اخي ابو حسام ان ينقلها الى قسم اعمال اعضاء سماعي لانها خلق وابتكار

M O H A M E D

02/09/2008, 13h03

أبو مندور
unicorn
ألف شكر يا صديقي
و ردك هو اللي مفاجأة سعيدة :emrose:
الله يبارك فيك
و قول لي عايز إيه الدرج و انا أجيبلك ؟ :)
بس تستنى بقى على رمضان الجاي :mdr:

الألآتى

02/09/2008, 13h13

بصراحة .. أنا بلاقى العملية دى أحسن رد على حاجة بتعجبنى ..

وبرغم صعوبة المسألة التى تقترب من المستحيل فى بعض الأحيان .. إلا أننى أجد نفسى فيها .. وأعتبرها تحدى لقدراتى الميكساجية ..

تخيلوا حضراتكم .. واحد بيغنى دون إيقاع مصاحب .. يبطئ هنا .. ويسرع هناك .. حتى ولو كان التغيير فى السرعة طفيفاً .. فإن هذا لا ينفع مع إيقاع الكمبيوتر إللى ماشى زى القطر .. مالوش دعوة ..

أنا بسمع الأغنية أولاً .. أسمعها كويس .. أشوف الراجل ده .. بيغنى إزاى .. ودنه فيها الإيقاع مظبوط .. ولا حايوجع قالبى من أولها .. طيب .. التون ماشى معاه .. مابيغيرش الطبقة ويطلع منها .. كل ده كويس

وبعدين أقرر .. إذا كنت أبدأ فى العملية الإنتحارية دى ولا بلاش ..

أنا مش عايز أوجع قلبكم بالتفاصيل المملة بتاعتى .. المهم إنها شغلانة رص وترتيب .. ومط وتطويل وتقصير ..

كل جملة .. كل كلمة .. شد من عندك .. خد عليك شوية .. هات هات .. حاااااسب .. إرفع التون هنا .. لالالا كتير كده .. نزل شوية .. أيوه كده ..

وهكذا .. يستمر العمل .. حتى ينتهى .. وأنتهى معه ..

أما بالنسبة لكون صوت السلامونى يشبه محمد حمام .. فهذا لاحظته من أول وهلة يادكتور حسن .. جليز يكون بيحب حمام قوى ومتشبع بيه ..

ومتخافش يادكتور حسن .. عقلنا مصحصح .. برغم الصيام ..

أما بالنسبة لنقل الموضوع لقسم أعمال من إنتاج الأعضاء .. فهذا شئ مفروغ منه .. حاضر ياسى محمد زوالى ..

سأنقل الموضوع بعدما تنتهى الردود ويستقر الأمر ..

M O H A M E D

02/09/2008, 13h16

عم الألاتية و عاشق الأنغام
المايسترو ابو حسام
بشكرك من كل قلبي على التوزيع و على الموسيقى الجميلة اللي أظهرت اللحن
و عارف انه مجهود كبير و شئ في منتهى الصعوبة إضافة الإيقاع و الموسيقى للصوت
لكن طبعاً مش على ابو حسام
لذلك أنا سعيد جداً و أي كلمة شكر لحضرتك هتبقى بلا معنى
الله يبارك لك يا عم محمد
:emrose::emrose::emrose::emrose:

M O H A M E D

02/09/2008, 13h20

منتظرك تسمعها يا غازي باشا
و طبعاً رأيك يهمني
و شكراً لحسن ظنك
:emrose::emrose:

الألآتى

02/09/2008, 13h21

لذلك أنا سعيد جداً و أي كلمة شكر لحضرتك هتبقى بلا معنى
الله يبارك لك يا عم محمد

:emrose::emrose::emrose::emrose:

روح إلعب بعيد يابنى .. شكر إيه وبتاع إيه .. إحنا بتوع شكر وكلام من ده .. إحنا بنعمل حاجة بنحبها يامحمد .. ماحدش غاصبنا ..

وعموماً لو عايز تغنى أى حاجة .. قول لى أعملك المزيكا فى الأول .. ياللا .. صباح الفل ..

M O H A M E D

02/09/2008, 13h46

ريما .. ما علينا من الكتكوت .. :mdr: بس مش الاغنية عجبتك ده المطلوب

و زي ما بتقولي انا مش مغني و عارفة ان المواضيع دي مش في دماغي أساساً

سلام :emrose:

M O H A M E D

02/09/2008, 13h53

كنت متوقع الخطوة دي منك يا فنان ياكبير
والحمدلله ظني طلع صح
والاغنية بقت احلى واحلى بموسيقاك الجميلة

وطبعا اي كلام عن السلاموني حيتفهم انه مجامله بس انا قلت له من قبل انه مشروع مبدع
واخيرا
شفنا لك تجربة في سماعي
رمضان كريم

حبيب قلبي الغواص :emrose: عبد المنعم :emrose:

بعتهالك بعد ما سجلتها على طول

و لولا تشجيعك ما كنتش رفعتها

ربنا يخليك و يبارك فيك يا أعز و أغلى صديق :emrose::emrose:

M O H A M E D

02/09/2008, 14h04

تجربة جميلة من أخونا الفدائى أ. محمد السلامونى
وفدائى لإنه رفع تجربته ليسمعها وينقدها مايقرب من 300 الف سميع
ولاحظت إن صوتك يامحمد مدى على محمد حمام ..
موش كده برضه يامايسترو ؟
أما موضوع الكتكوت بتاع ريما .. فاللهم إنى صائم
لو فيه تجارب تانية إرفعها وآهو المايسترو بيخلى من الجميل .. أكثر جمالاً
ومن الرائع .. أكثر روعة
وماحدش يفهمنى غلط .. خاصة اللى عقلهم فى أجازة !!!
خالص تحياتى ومحبتى لكم جميعاً

أستاذنا الغالي دكتور حسن :emrose:

انا فعلاً كنت متردد قبل ما ارفعها

و الحمد لله إنها عجبت حضرتك

و الفنان محمد حمام ، في الأغاني القليلة اللي سمعتهاله فهو أدائه بيعجبني جداً

و ان شاء الله أسمع كل أغانيه

و ألف مليون شكراً يا دكتور :emrose:

و أكيد ما حدش هيفهم حضرتك غلط ;)

[:emrose:]

غواص النغم

02/09/2008, 14h06

يااااااااااااااه يا استاذ محمد بجد انت راجل جميل اوى

الاغنيه كدا بقت تحفه ليها مذاق خاص بطعم قمر الدين

اى نعم سلامون شكله بالع كتكوت قبل ما يغنى بس بجد عجبانى جدا

وخصوصا انه اساسا مش مغنى ولا هيغنى تانى ان شاء الله

بس تجربه تضيف ليه مش تاخد منه

لالالا
كتكوت ايه دي.. كلمة السر؟
ومين اللي مش حيغني ثاني :eek:
ده بيقولوا صوته زي محمد حمام
تقولي كتكوت:emrose:
كلنا مع بعض :
غني ياوحيد ..
اقصد يا كتكوت
اقصد ياسلاموني يا امير
ده صوته وهو صايم زي محمد حمام
إمال بعد الفطار بيدي على مين؟;)
:emrose:

وفيك بارك الله

M O H A M E D

02/09/2008, 14h12

اخي محمد السلاموني
هذه تجربة رائعة وتدل على انك موهوب فلما لا تواصل خاصة في الكتابة
ولك مني جزيل الشكر وارجو من اخي ابو حسام ان ينقلها الى قسم اعمال اعضاء سماعي لانها خلق وابتكار

الفنان الكبير الأستاذ محمد الزوالي :emrose: اللي بيمتعنا دايماً بأعذب الألحان

والله شرف كبير أن تقول رأيك في تجربتي المتواضعة

ألف ألف شكر يا فنان

و كل سنة و حضرتك طيب و بخير

:emrose: :emrose: :emrose:

M O H A M E D

02/09/2008, 14h19

روح إلعب بعيد يابنى .. شكر إيه وبتاع إيه .. إحنا بتوع شكر وكلام من ده .. إحنا بنعمل حاجة بنحبها يامحمد .. ماحدش غاصبنا ..

وعموماً لو عايز تغنى أى حاجة .. قول لى أعملك المزيكا فى الأول .. ياللا .. صباح الفل ..

ههههههههههه ماشي كلامك هاروح ألعب بعيد

و عارفك فنان و بتعشق الفن لأقصى درجة

ربنا يبارك لنا فيك :emrose:

إيميلات بقى .. ها ;)

غازي الضبع

02/09/2008, 18h00

الله .. الله .. الله
يا سلاموني يا جميل
والله جميلة جدا
حقيقي إنت فنان جميل ومبدع
التجربة ناجحة بنسبة 100 %
وآداءك فيها عالي جدا ، وفيه إحساس صادق
وطبعا لمسة المايسترو الفنان أبو حسام أضافت إلى العمل روعة فوق روعته
يا ريت المزيد يا سلاموني
وإلى الأمام دائمـاً :emrose:

سيادة الرئيس

02/09/2008, 19h36

أجمل ما فيك يا أخي

بدون أي مصاحبة و الصوت مضبوط على الشعره

بارك الله لك في صوتك

هاله

02/09/2008, 22h03

M O H A M E D

02/09/2008, 22h31

غازي باشا
أخيراً سمعتها :)
كويس والله انها عجبتك
كل سنة و انت طيب :emrose:
و ربنا يبارك فيك يا ابو فارس
و ما يحرمنيش منك و من كلماتك المشجعة
خالص تحياتي :emrose:

شكيب الفرياني

02/09/2008, 22h39

اخي السلاموني العزيز
انا اكيد حظي جميل اني اطلعت على هذا العمل الذي يعكس موهبتك الفذة وما تنطوي عليه من احساس وصدق الفنان الحقيقي :good::good::good:
اشكرك جدا اخي
واشجعك بعنف كي تواصل
امتاعنا
:emrose:
اخوك شكيب الفرياني
موسيقي تونسي

M O H A M E D

02/09/2008, 22h41

أجمل ما فيك يا أخي

بدون أي مصاحبة و الصوت مضبوط على الشعره

بارك الله لك في صوتك

:eek:

سيادة الرئيس بذات نفسه

اتفاجئت و سعدت بتشريف معاليك

ألف ألف شكر و ربنا يبارك فيك يا أستاذ صلاح

:emrose: :emrose: :emrose:

M O H A M E D

02/09/2008, 22h48

ايه الحاجات الحلوه دى ياسلامونى
بجد صوت هايل وكلام رائع جدا
ربنا يبارك فيك يا سلامونى انا معرفش صوت محمد حمام
لكن عجبنى صوت محمد السلامونى جميل وحاسس بالكلام قوى
وزاد جمال كلماتك وصوتك موسيقى المايسترو الجميل ا / محمد الالاتى
شئ رائع يا محمد
عايزينك تفاجئنا بحاجه جديده كمان
مش بعيد بعد ماشفناك شاعر جميل ومطرب ممتاز نلاقيك رسام رائع او حتى راقص باليه مش فنان متعدد المواهب بأه
تحياتى وتهانئى على شغلك الجميل يامحمد

هههههههههههههه لأ الرسم سبته من زمان :mdr:

أما رقص الباليه فممكن نتعلمه :cool:

بجد بشكرك جداً يا أختي هالة .. و اسمعي محمد حمام ، هيعجبك قوي

مش عارف اقول ايه :crazy:

روحي يا شيخة .. الله يبارك لك و يحقق لك كل اللي تتمنيه :emrose:

M O H A M E D

02/09/2008, 23h04

اخي السلاموني العزيز
انا اكيد حظي جميل اني اطلعت على هذا العمل الذي يعكس موهبتك الفذة وما تنطوي عليه من احساس وصدق الفنان الحقيقي
اشكرك جدا اخي
واشجعك بعنف كي تواصل
امتاعنا
:emrose:
اخوك شكيب الفرياني
موسيقي تونسي

الفنان الجميل ، عازف الليل الرائع الأستاذ شكيب الفرياني :emrose:

والله ده كتير عليا قوي

و انا اللي حظي جميل ان حضرتك سمعت تجربتي المتواضعة

أسعدتني جداً ..

ألف ألف شكر يا فنان :emrose:

بارك الله فيك و كل عام و انت بألف بخير :emrose:

محمودسعد

11/09/2008, 02h54

سالت نفسي قبل ان اضع يدي علي الكيبوردلاكتب ردا
هل فعلا هذا موضوع يستحق المشاركه بالرد والراي والنقد والشكر والملاحظه ؟؟؟؟؟؟
قالتلي نفسي لا؟
هذا الموضوع يستحق ثلاثه ردود
اولهم رد هوليس رد بمعني الكلمه ولكنه تقديرلكل الاساتذه اللذين شاركوا بايجابيه وبلا تودد وبلا مجاملات وهذا ماتعودناه في سماعي
فكل الاساتذه المشاركين بهذا الموضوع القيم قدادلوابدلوهم بصوره جميله جدا فمنهم من استحسن الصوت ومنهم من استحسن التوزيع وبمعني اوضح التركيب اللذي احدثه الفنان المحترم ولي معه ردا منفصلا
ومنهم من غازل في صوت اللذي غني ولي معه لقاء ايضا
وكلمه بالع كتكوت انا اعتبرها مجرد دعابه وليس رايا فالشكروالتقديرسبق كلمه الكتكوت هذه
ويااساتذتي الكرام
انااستمتع كثيرا بردودكم علي اي موضوع فعندما ادخل لاي موضوع اجدني مشدوداولا لمتابعه وقراءه ردودكم القيمه ففيها منافع لي شخصيا واتعلم منها وانهل فهي ردود علميه ونقديه من اناس اراهم معلمين بضم الميم لي انا شخصيا
فكم انا احترمكم واحترم ردودكم وارائكم
وكل تشكرات العالم لكم جميعا حتي اللذي ماخدش باله من الموضوع ومادخلش

محمودسعد

11/09/2008, 03h10

استسمحكم في كتابه ردي الثاني ولعلي لااكون ثقيلا علي حضراتكم

العزيز جدا
محمدالسلاموني
انت اديت وغنيت واطربتني ايضا وجعلتني استمتع بكلمات ولحن قبل التركيب والتوزيع اللذي حدث وحدث بتشديدوفتح الدال
الكلام جميل وواصل للقلب بسرعه واللحن هادي ورزين
وانت؟
بالع كتكوت اوبالع فرخه فهذا لايقلل من شانك فانت في نظرالغالبيه بالع كروان هادي
وفي نظري ؟
حرام عليك لو مارفعتش اعمال تانيه حتي لوسجلتها علي موبايل ورفعتها فصوتك يصل سريعا الي القلب وهذا ليس رايي وحدي
فهناك في هذا الموضوع من هم افضل مني رايا قالوا في حقك ولك مايفوق كلامي
وانا لم اكن لالتفت لهذا الموضوع لولا اني وجدتني اقرا ردود واراء هذه الكوكبه المحترمه من داخلي صفحتك هذه
اخي محمدالسلاموني
اشكرك
اقدرك
احترم فيك الاحساس والرقه وعذوبه اخراج الالفاظ حتي عندما تكتب ردا فما بالك وانت تغرد بهذا اللحن الجميل
اخي محمد
لاتبخل علينا ياسلاموني

محمودسعد

11/09/2008, 03h24

اخي وصديقي وحبيبي ورفيق الكفاح واستاذي
محمد افندي محمد باشا الخديوي محمدالالاتي
انت مجنون رائع والفنون جنون
انت وانت وانت وانت وانت وانت وانت وانت وانت
كل الصفات الرائعه توقفت عندك
والكلام فيك اصبح لايوفيك حقا
خلص الكلام
ومفيش غير اني الجا الي الله لكي ادعوا لك بان يجازيك الله عنا خيرا جزاءا بما تنفعنا به وتمتعنا وتسعدناحقا
اخي محمدالالاتي
والله العظيم
والله العظيم

والله العظيم
والله العظيم
والله العظيم

بحبك اوووووووووووووووووووووووووييييييييييييي

الألآتى

11/09/2008, 10h25

والله العظيم
والله العظيم

والله العظيم
والله العظيم
والله العظيم

بحبك اوووووووووووووووووووووووووييييييييييييي

وإنت مجنون أووووووووووووووووووووييييييييييييييييييييييي

أنا مش عارف لما أشوفك حاعمل فيك إيه .. ربنا يقدرنى وأرد جنانك ده ..

محمودسعد

11/09/2008, 19h43

وإنت مجنون أووووووووووووووووووووييييييييييييييييييييييي

أنا مش عارف لما أشوفك حاعمل فيك إيه .. ربنا يقدرنى وأرد جنانك ده ..

لمااشوفك
تبقي دي ساعه ميلادي
يوم ماشوفك
هوده غايتي ومرادي
يوم ماقابلك يوم سعيد
وهوده اجمل اعيادي

ياالاتي يامسبب جناني
انت دائي ودوائي
اصل انا في حبك اناني
اناعطشان وانت ساقي
ويوم ماقابلك يوم سعيد
وهوده اجمل اعيادي

انت حاسس باللي بيه
انت اقرب مني ليه
انت غالي واغلي عندي
حتي من روحي عليه
ويوم ماقابلك يوم سعيد
وهوده اجمل اعيادي

انت علي صدري وسام
وربنا يخلي حسام
انت للتقديراهل
انت مملكه الانغام
ويوم ماقابلك يوم سعيد
وهوده اجمل اعيادي

عاجبك كده ياعمي ؟
خلتني مؤلف عامي
وهذه اول خطوات العلاج من الجنان

الألآتى

11/09/2008, 20h50

وكمان شاعر .. ده إحنا وقعنا فى ملقف بقى ..

ميرسيه ياعمى على الشعر الحلمنتيشى ده .. جميل ..

رافت المصرى

21/02/2010, 15h50

الله يبارك لك استاذ محمد
من اجمل ما سمعت
اعنيه لا اشبع من سماعها للحق
مع حلاوة و خشوع صوت الاستاذ محمد الالاتى ذلك الرائع الذى اخذنى معه الى زمن الغناء الجميل الهادف
الف الف شكر لك على هذه الدفقه الرائعه
و مليون شكر للاستاذ محمد الالاتى صاحب الصوت الرائع الخاشع

Hisham Khala

21/02/2010, 16h16

أنا مش عارف ازاي الاغنية دي عدت و ماخدتش بالي منها
العمل ممتاز
صوتك يا سلاموني ممتاز و خاصة أنك غنيت من غير مصاحبة و دا يكشف الصوت و لو فيه اي عيوب ها تبان.
تاني حاجة أنك محافظ علي المقام و الطبقة الصوتية و الميزان و هذا ساعد عمنا الالاتي في مكساج الصوت علي المزيكا و لو انها صعبة جداً لأن من الطبيعي أن الانسان يبطئ و يسرع طالما ما فيش مترونوم يحكمه و لا ايقاع يمشي عليه ، و لكن محمد السلاموني عنده ايقاعه الداخلي ممتاز. و الالاتي عفريت مزيكا و مكساج و ملاك في طيبة القلب و الاخلاق.
لنا لقاء بإذن الله في "سبحان الله" بس لما رقبتي تظبط شوية.
تحياتي

محمودسعد

21/02/2010, 17h03

عمل جميل ياحاج محمد في الاول (الملف الاولاني)
ولكنه ذاد جمالا وروعه عندما تدخل المايسترو وفعلا ذاد جمال
والكلمات رائعه
يارب هون يارب سلم
عالم بحالي انا بتالم
الله الله
وشكلي كده هاعمل سطو عالعمل ده لانه فعلا جميل
والسلاموني اكبر من المجامله
وتسلم ايدك يامايسترو
ملحوظه
انا شاركت وابديت رايي في العمل قبلا

M O H A M E D

21/02/2010, 17h13

كمال عواد

21/02/2010, 17h53

ايه الموضوع اللى جاى من بعيييييييييييييييييييييييييييييييييد
وداخل يتسحب بصوت حنين ده..انا حملت الاول..وبعدين
جلست اقرا التعليقات خفيفة الظل والمملؤه بكل الحب
واحسست بخفة ظل المشاركه والتى تجعل الانسان فى حاله من الابتسام الدائم الجميل الذى يشع تفاؤل..واستمعت للعمل
والله والله تجربه جميله يا استاذ محمد..وانا فهمت طبعا انك
اساسا مش فى دماغك..ولكنها محاوله بمشاعر فياضه فى الشهر الكريم..ولكنها رائعه بكل المقاييس..خصوصا بعد تدخل
استاذنا الالاتى..واضاف اليها الكثير..لينقلها من الاداء الحر
الى عمل متكامل مصاحب بالنغم..وهذا ما اعطاها مذاقا خاصا
ودفعه لنطلب منك ان تتكرر التجربه...لان صوتك حنين
وشوية حيويه فى الاداء كمان ..وفتح الصوت حبه صغيره.
تكون مطرب رائع..لانك بتغنى صح وعجبتنى جدا نغمة(واهدينى يارب العالمين)

رائد عبد السلام

22/02/2010, 16h40

صديقي الرائع
محمد السلاموني
دكتورنا المهذب ... ومطربنا الجميل
:emrose:
التجربة دي
زي ما قال كل الأحبة

بس أنا ح أزود حتة صغيرة :

صوتك وأداؤك يحمل جمال شخصيتك
وحميمية إحساسك ... ووعيك

أنا حاسس إن فيه فنان كبير
ومطرب جبار
ح يخرج لنا من القمقم قريباً

مع إن الغناء صعب فعلاً
غير علي الموهوب
إلا إنك نجحت في الوصول
إلي آذان وقلوب مستمعيك
وده أكبر نجاح

:emrose:
وربنا يكون في عون المنافسين :rolleyes:

رافت المصرى

23/02/2010, 17h18

يا دي الإحراج .. إيه اللي فكركم بالموضوع ده بس ؟ كان مستخبي و فـ حاله :mdr:
ده من 2008 !

بشكرك يا أستاذ رأفت المصري على كلماتك الطيبة :emrose:
و الشكر موصول للفنان د.هشام خلف .. و ألف مليون سلامة عليك :emrose:
و يا أستاذ محمود سعد .. دا شئ يسعدني لو حضرتك تغنيها بصوتك
و شكراً لكلامك الجميل زيك .. ربنا يسعدك :emrose:

مفاجأه
ان الصوت هو صوتك استاذ محمد
يعنى كلمات تخش القلب و
صوت يخش القلب

مع توزيع عمنا الالاتى

بجد الله يكطرمكم انتم الاتنين
انا بستمتع باللحن ده جدا و بقول فى نفسى ليه الحاجات دى م فى الاذاعه بدل الخبط و الرزع اللى خلانا نكره نفتح راديو او نبص ف تلفزيون
كل التحيه يا شاعر جميل و يا مطرب رائع

M O H A M E D

24/02/2010, 23h33

أشكرك يا أستاذ كمال عواد :emrose: .. و هذا من بعض ما عندكم
و التجربة كانت نابعة من الحالة المُبهجة الموجودة في المنتدى وقتها ..
و فعلاً الأستاذ محمد الألاتي حوّل التجربة المتواضعة لعمل فني
و ان كانت نغمة ( اهديني يا رب العالمين ) عجبتك جداً .. فأنا عجبتني جداً جداً جداً الجملة اللي رد بيها الأستاذ الألاتي بعد النغمة دي

رائد باشا عبد السلام ..
بالراحة عليا يا صديقي .. مطرب إيه و قمقم إيه ؟
كل الحكاية إن من جاور السعيد يسعد .. و انا هنا في سماعي جاورت أهل الفن و الإبداع .. بارك الله فيك يا شاعرنا الجميل :emrose:

أخي رأفت المصري ..
ربنا يكرمك و يسعدك و يرضى عنك .. و كل لحظة و أنت و الجميع بكل الخير :emrose:

محمودسعد

25/02/2010, 04h28

ياعم محمد ياسلاموني
ده مش مجرد رد

تصدق
هاتصدق ان شاء الله
كل مادخل امنتدي اثناء المحنه اللي ربنا مايعودها اللهم امين
كان احلي واجمل شئ بشوفه
يارب هون
عنوان جميل يخفف العبء عن كاهلي واغنيه ارتاح عندما اسمعها
اشكرك من كل قلبي

mohamedafify

28/02/2010, 15h19

اية الجمال دة يا محمد سلامونى منتهي الجمال عارف انا حسيت انى بسمع محمد حمام اللى غنى بيوت
السويس الله ينور بجد لسة شايفها النهاردة حاجة رائعة
مع تحياتى محمد عفيفى

Ahmed Anwar

28/02/2010, 16h20

جميل جدا
كلام جميل
صوت جميل
لحن جميل
موسيقي مضافة بأحترافية ودقة وأتقان
تعاون جميل من محبين

والنتيجة
أمتاع للجميع
بارك الله فيكم

M O H A M E D

02/03/2010, 00h30

الفنان الأستاذ محمود سعد .. ابو قلب أبيض :emrose:
نحمد الله أن مرت المحنة على خير
و رُب ضارة نافعة ، فقد أظهر ما حدث كم المحبين لك و المقدرين لفنك
و هؤلاء يستحقوا منك أن تبذل أقصى جهدك لإسعادهم ، و من سواهم لا تشغل بالك بهم
لأنك في النهاية لن ترضي الجميع ..
وفقك الله .. و هوّن عليك و علينا متاعب الدنيا

الأستاذ محمد عفيفي ..
سعدت برأيك جداً .. و مش عارف إيه حكاية محمد حمام معايا :mdr:
أشكرك يا فنان :emrose:

الأستاذ أحمد أنور ..
الجميل هو كلامك و ذوقك .. بارك الله فيك :emrose: