سؤال ل الاستاذ الالاتي او الدكتور هشام خلف

[حسن عبد العليم]

السلام عليكم ورحمه الله

بدايه انا عاوز اشكركم جداا لاني فعلا استفدت من الدروس بتاعتكم جدااا
وليه اسئله مفيش حد هيقولي عليها غير حضراتكم

اول سؤال

1- دلوقتي بالنسبه للنوته الموسيقه انا وانا بقراها في الاول يبقي فيها 2 دو واحد تحت وواحد فوق شويه بالنسبه للنوتات المكتوبه بمفتاح صول الدو اللي تحت دي دي علي البيانو فين هيه دو الوسطي والدو اللي فوق دي هيه دو اللي بعدها علي بعد واحد اوكتاف
طيب ولو كانت دو اللي تحت هيه الوسطي واللي فوق هيه اللي بعدها
وانا جيت في المازوره التانيه وعاوز احط دو بعيده شويه عن الوسطي اعبر عنها اذاي

2- دلوقتي العلامات اللي بتكتب بيها النوته واضحه وسهله بس لما يبقي النوار مع النوار ومربوطين بشرطه مع بعض من فوق
دي اعزفها اذاي اخليهم الاتنين زمن وواحد وساعات الاقي النوار مع النوار بثلاث واربع شرط دول اعزفهم اذاي

3- امتي ادوس علي مفتاحين في البيانو مع بعض يعني ايه العلامه في النوته اللي تخليني اعمل كده

وشكراا جدا ليكم ةانا عندي اسئله تاني بس هخليها مره تانبه او في توبك تاني عشان مطولش عليكيم وشكرا ليكم مره تانيه

[الألآتى]

أهلاً بالأخ حسن ..

أسئلتك توضح أنك لم تدرس النوتة أصلاً .. لكنى سأجيبك على أى حال .. لأن هذا حقك علينا ..

بالنسبة للسؤال الأول ..

فى المدرج الموسيقى الأوسط ( مفتاح صول )

سنجد درجة الدو الوسطى .. موجودة أسفل المدرج .. على الخط الزائد أسفل المدرج ..

ونجد الدو الجواب .. موجودة فى المسافة الثالثة من أسفل ..

إذا أردنا إضافة دو ( جواب الجواب ) .. نضيف سطرين زيادة أعلى المدرج .. السطر الزائد الأول .. هو سطر اللا .. والسطر الزائد الثانى هو سطر الدو .. المقصودة ..

بالنسبة للسؤال الثانى ..

إذا كان يوجد 2 نوار .. مربوطين سوياً بشرطة من فوق .. يصبحوا 2 كروش .. الكروش الواحد يساوى نصف زمن النوار .. يعنى الإثنان كروش يساووا نوار واحد .. وإذا كان هناك خطان .. يصبحوا ( دبل كروش ) .. والثلاثة خطوط ( تربل كروش ) .. والأربع خطوط ( كوا تربل كروش ) .. هذه الخطون بديلة عن السنون الخاصة بالكروشات وأجزاءها ..

بالنسبة للسؤال الثالث ..

لاتوجد علامات معينة لتضغط على مفتاحين أو أكثر فى البيانو ..

إذا أراد كاتب النوتة أن تضغط على مفتاحين أو أكثر .. سيكتبهم على المدرج .. أى ستجد النغمات فوق بعضها ..

وهناك ملحوظة مهمة ..

النوتة الخاصة بالبيانو .. عبارة عن مدرجين .. واحد مفتاح صول ( للأصوات الحادة والمتوسطة ) .. وواحد مفتاح فا ( للأصوات الغليظة ) .. وغالباً مدرج الفا .. هو الذى ستجد فيه النغمات فوق بعضها .. للأكوردات ..

مع تحياتى ..

[Hisham Khala]

السلام عليكم
أسئلتك جيدة يا أخ حسن
أولاً هناك 3 مفاتيح يمكن كتابتها على المدرج و تغير من أسماء الخطوط و المسافات و تغير من حدة الصوت (الطبقة الصوتية) من حيث الحدة و الغلظة و سيتم الكلام عنها فيما بعد.
مثلاً مفتاح صول و هذا يناسب للألحان المكتوبة لألة الكمان
مفتاح دو و يناسب للألحان المكتوبة لألة الفيولا
و مفتاح فا و يناسب للألحان المكتوبة لألة الشيللو و عند كتابة رقمva 8 أسفل المفتاح أو أسفل النغمات تكون النغمات هابطة أوكتاف عما هي مكتوبة عليه و تناسب الكونترباص في حالة مفتاح فا
و عند كتابة رقمva 8 فوق المفتاح أو فوق النغمات تعزف النغمات أوكتاف أعلى

أما الشرطة الأفقية التى تربط نغمتين أو أكثر فتكون هذه النغمات كروشات و ليس رباط
أما القوس الذي يربط نغمتين فيقال عليه رباط فإذا كانت النغمتين المتتاليتن هما لنفس الصوت مثلاُ 2 دو فالرباط يجعل زمان عزفهما مساوياً لمجموع زمانهما ، أما إذا كانت النغمتين المربوطتين مختلفتين في الصوت فيتم عزفهما بدون توقف Ligato
أما عزف نغمتين أو ثلاثة أو كثر فيتم ذلك بكتابتهم فوق بعض
أنظر النوتة الموجودة مع الرد للتوضيح

[hatem35]

الى سيدي الفاضل الدكتور هشام خلف لدي مشكلة في فهم الthéorie musicale مثلا بما يعرف بالمركب l'accord فهل يمكنك سيدي ان ان تمدني ببعض المعلومات تساعدني على فهم هذه الدروس و شكرا.

[Hisham Khala]

الأخ حاتم شكراً لأهتمامك و متابعة مقالاتي المتواضعة و مقالات أستاذنا العزيز محمد الآلاتي
و سؤالك عن الأكور أو الكورد أو التآلف (كلها مسميات لشئ واحد) سؤال رائع بس عاوز وقت طويل عشان تبقي الأجابة شافية ، و بإذن الله تعالي سأكتب بعض الرسائل عن علم الهارموني (التآلف أو الإنسجام النغمي) و ببساطة شديدة الأكور عبارة عن 3 نغمات أو أكثر يتم عزفهم مع بعض (أو عمل شكل إيقاعي منغم بتلك النغمات الثلاثة أو أكثر) و تكون هذه النغمات منسجمة و متآلفة مع بعضها و مع اللحن الأساسي
حاول مراجعة النوت و الملفات الصوتية (تمارين لقراءة النوتة) و خاصة لحن فاتت جنبنا و ستجد شرح للكوردات و إرتباطها باللحن الأساسي (الميلودي) و كذلك لحن عطشان يا صبايا و كيفية توليد جمل لحنية من اللحن الشعبي الجميل
علم الهارموني يتطلب معرفة جيدة بقراءة النوتة ، فابدأ بإجادة قراءة النوتة أولاً و لاحظ اللحن المكتوب لليد اليسري للبيانو و الآلات الأخري و حاول التعرف على الآلات التى تعزف اللحن الأساسي و الآلات التى تعزف الألحان المصاحبة
ملاحظة أخري بعض التآلفات (الأكورات) بها نغمة متنافرة و لا تعتقد أن النغمات المتنافرة لا تستصيغها الأذن بل تظهر جمال الهارموني بالكونتراست (بالتضاد) و جرب عزف نغمتي سي و دو و هما متجاورتان ثم كرر عزفهما و هما متباعدتان ب 2 أو 3 أوكتاف و قول لي النتيجة؟

[حسن عبد العليم]

عزيزي دكتور هشام شكرااا جداا ليك علي الرد
وانت فعلا انسان لا يقدر له الا رفع القبعه لاسلوب المحترم
وردودك ع الاسئله مهما كانت الاسئله مش صعبه

[حسن عبد العليم]

شكرااا ليك دكتور هشام علي ردك علي سؤالي
وانت من الناس المحترمه جداا
وياريت تقبلني كأخ في مدررستك
وتقبل اسئلتي مهما كانت سهله او اجابتها معلومه لناس كتيير
وشكرررراااا جدااا ليك اخي الكبير لو تسمح لي

[Hisham Khala]

الأخ العزيز حسن
أشكرك على كلمات الرقيقة و يسعدني صداقتك ، و اأسئلة السهلة أرحم من الأسئلة الصعبة و المهم أكون عارف الإجابة ، فأنا لست موسيقي متخصص بل أنا طبيب عيون يعشق الموسيقي ، و لقد درست التأليف الموسيقي و الهارموني في معهد الكونسرفاتور منذ أكثر من 20 سنة على يد أساتذة عظام ، و لكن جاء وقت كان لازم الأختيار بين الطب و الموسيقي كمهنة و أخترت الموسيقي بالرغم من تفوقي كطبيب و لكن الأقدار و الظروف أختارت الطب و بقيت الموسيقي في القلب و الحمد لله مازلت أمارس العزف و التلحين و أقدم حفلات في ماليزيا بالرغم من ضغط العمل. و أعتذر عن عدم رفع تمارين و أعمال جديدة من فترة بسبب ضغط العمل.
و أهديك كما أهدي أعضاء المنتدي و الزوار لحن من ألحاني (حبيتك يا حبيبي يا أسمر) و أرجو أنك تسمعه و تقولي رأيك أيه ، و هو من مقام دو الصغير. و من يرغب في نوتة التوزيع ممكن أبقي أرفعها.
و لك أطيب الأماني
د. هشام خلف

[حسن عبد العليم]

اخي العزيز دكتور هشام شكراا علي اهتمامك الزائد
وانا اسئلتي مش هتنتهي في مجال الموسيقي لاني بعشقها من صغري ولكني درست بعيداا عنها تماما
انا لسه مخلص باكاليرويوس علوم السنه دي مع اني كان كل حلمي اني ادرس موسيقا بس طبيعه الناس
هنا في مصر والاهل بالتحديد بيبصوا للموسيقا علي انها شئ مش اد كده ما علينا كان لازم ارضي والدي
وادرس اللي هوه عايزوا مش اللي انا عاوزوا وبعد ما خلصت عمال بحاول انجز اللي معرفتش انجزوا زمان
وليه بعض الاسئله

1- انا كنت سئلت قبل كده علي وجود شرطه بين نغمتين نوار وحضرتك قولت بيبقوا كروشات مفهوم لحد كده
طيب المسافه اللي ما بينهم لما تزيد او تقل دي بتقصر علي زمن العزف ؟؟؟ ولا لا ...؟؟؟؟

2 - اذاي لما اشوف النوته اعرف الاله اللي النوته دي مكتوبه ليها يعني لكل اله نوته خاصه ولا ممكن في نوتات تشتغل علي كذا الاله ؟؟؟؟؟؟

3- امتي اوصل لدرجه اني ااقدر احط لحن لحاجه واعرف اكتبوا ؟؟؟؟ او امتي اكون قادر علي كده

4- هل فيه فرق بين نوته الصلوهات ونوته التوزيع للاغنيه كامله
يعني مثلا لو عندي نوته بتاعه اي اغنيه نقول مثلا عمرو دياب وماله لان النوته دي عندي .. النوته دي فيه في بدايتها ميوزك بيانو وبعدين بيستمر طول الاغنيه هل النوته دي مكتوبه للبيانو بس ولا لللالات التانيه كمان ؟؟؟؟؟ غير البيانو يعني ,,

5 هل عشان ااقدر اوزع اغنيه لازم ادرس الالات معينه ولا مش لازم اكون درست كل الالات ؟؟؟؟؟

كفايا كده وهخلي اي سؤال في رد تاني عشان مبقاش بتقل عليك

وعلي فكره الاغنيه اللي انت موزعها والله احساسها عالي قووي بذات شغل الكمان اللي فيها في الاول

[Hisham Khala]

الأخ العزيز حسن
مرحبا باسئلتك
1. العلامتان اللتان لهما خط عرضي واحد يصلهما هما 2 كروش بغض النظر عن بعدهما عن بعض و إذا كن 3 علامات أو 4 أو أكثر يصلهن خط عرضي واحد أيضاً هن كروشات و زمن الواحدة منهن نصف زمن النوار.
a. العلامتان اللتان لهما خطان عرضيان يصلهما هما 2 دوبل كروش بغض النظر عن بعدهما عن بعض و إذا كن 3 علامات أو 4 أو أكثر يصلهن خطان عرضيان أيضاً هن دوبل كروشات و زمن الواحدة منهن ربع زمن النوار.
2. نوت التوزيع بيكتب أمام كل مدرج موسيقي أسم الألة التى ستقوم بالعزف (أنظر التمارين على هذا الموقع و طالع نوت التوزيع ستجد أسم كل أله أمام المدرج في بداية النوتة) أما النوت العادية فهي مجرد تدوين للحن الأساسى (الميلودي) و أي أله ممكن تعزفه ، مثلا نوت أغاني أم كلثوم الموجودة في السوق مجرد تدوين للحن ، و فوق بعض الموازير مكتوب أسم الألة السولو التي ستقوم بعزف السولو ، و هذه الطريقة ليست الطريقة المثالية ، و لكن في الأعمال الكلاسيكية الغربية هناك نوتة توزيع مدون فيها الألحان التى ستقوم جميع الآلات بعزفها أمام قائد الأوركسترا لكي يتابع جميع الآلات في وقت واحد ، كما يوجد نوتة لكل أله على حدى أمام عازف هذه الألة. و يوجد نوتة خاصة للإيقاع.
3. تقدر تكتب النوتة لما تتعلم كيفية تحديد أسم النغمة التى تسمعها و زمانها و تتدرب على القراءة و على الكتابة و ممكن تكتسب هذه المهارة في شهور إذا كان عندك عزيمة بس غالبا ها تحتاج حد جنبك يصحح لك الأخطاء. هات كتاب صولفيج و حاول.
4. هناك فرق بين نوتة التوزيع و نوت السولو ، نوتة التوزيع تشمل جميع الآلات ، و نوتة السولو نوتة لألة واحدة.
5. التوزيع الموسيقي بحر ، أنت ممكن تلحن بالفطرة من غير دراسة خالص لكن التوزيع الموسيقي محتاج إلي دراسة و خبرة ، و أعتقد أنك فاكر أن التوزيع الموسيقي مجرد لحن واحد يتم تقسيمه على الآلات المختلفة (الجزء ده يقولوه الجيتار و الجزء ده يقولوه الأكورديون و هكذا) هذا غير صحيح ، التوزيع الموسيقي على الأقل وضع نغمات مصاحبة للحن الأساسي فما يقوم بعزفه على ألة الكمان مختلف عما تعزفه الفيولا و الشيللو و الكونترباص و هذه الألحان المختلفة تعزف في وقت واحد. تعدد أصوات أفقي و رأسي ، و إضافة حليات و زخرفة و إضافة جمل للربط و إضافة تأثيرات .....
الموزع الموسيقي لا يشترط أن يكون عازف لعدة ألات و لكن لابد أن يكون عالم بإمكانية كل ألة سيقوم باستخدامها.

يوجد ملف مرفق لتوضيح الكروش و الدوبل كروش و النوار المنقوطة و الرباط (الليجاتو)

و أشكرك على مجاملتك فيما يخص لحن أغنية (حبيتك يا حبيبي يا أسمر)

[حسن عبد العليم]

اخي العزيز دكتور هشام شكراا ليك علي ردودك اللي مش عاوزه اي استفسار بعدها لان الاجابه والله بحس ان هيه اتعملت للسؤال دا وشكراا مره تانيه ليك جداااا وانا ممكن تكون اسئلتي مش عن المزيكا بالتحديد يعني انا بيهمني الحاجات الجوهريه
الصغيره عشان اوصل للدرجه اللي انا عاوزها لاني مش عاوز اتعمق في دراسه حاجه زي دي وبعدين يجي واحد ويسألني سؤال وااقف قداموا مستغرب او مبقاش عارف فياريت تعذرني احيانا وانا متأكد ان صدرك رحب ويع ملاين الاسئله

1- بالنسبه لموضع الزمن دا اللي هوه للنوار والكروش وبلانش وغيروا يعني انا من وجهه نظري شايف انوا نسبي بمعني
ان ممكن واحد يعزف نفس النوته ويكون الصوت مش هوه شويه وانا بتكلم بالتحديد ع البيانو اذاي اوصل لاني اابقي قادر اشتغل ع الزمن ومتأكد انو هوه مظبوط وانا ماشي صح ؟؟؟؟؟؟؟

2- امتي ااقدر اسمع اللحن او معزوفه بيانو معينه وااقدر انا اكتب النوته من خلال السمع واحط الزمن كمان انا بعد اذنك شايف انها صعبه اوووي ؟؟؟؟؟؟؟

3- في طبقات في البيانو لحنها حزين وفيه مش حزين ولا حسب الملودي اللي الواحد عملو ؟؟؟؟؟

4- ايه الفرق بين البيانو والاورج ؟؟؟؟؟ والبيانو بيبقي فيه كام اوكتاف ؟؟؟؟؟؟

5 - ايه دور المايستروزا في فرق الاوكسترا هل هوه بيتابع اللحن والتوزيع بس ولا بيرتب ادوار وزمن عزف كل مقطوعه ؟؟؟؟

6- حضرتك قولت في اجابه سؤال ليه ان المسافه بين اي نغمتين نوار طولها او قصرها مالهاش علاقه بطريقه عزفها
طيب مدام هيه مش هتأثر ليه بتتكتب احيانا طويله واحيانا قصيره ؟؟؟؟؟

[Hisham Khala]

الأخ حسن عبد العليم:
شكراً لأسئلتك المهمة ، و أنا سألت نفسي بعض هذه الأسئلة زمان
• الزمن شيئ نسبي بمعني أن اللحن الواحد يمكن عزفه بسرعات مختلفة و تحديد السرعة بواسطة كتابة التيمبو (Tempo) في بداية النوتة بالأرقام (مثلاً نوار= 120) أو كتابة وصف لسرعة اللحن مثل:
(Allegro, Allegatto, Vivace, Andante, Andantino, Adagio, …)
و لكن أختلاف سرعة اللحن لابد أن يتبعه الحفاظ على الزمن النسبي لنغمات اللحن بمعني إذا كانت الروند زمانها 8 ثواني مثلاً فإن البلانش زمانها 4 ثواني و النوار 2 ثانية و الكروش 1 ثانية و هكذا ، يعنى الموضوع نسبة و تناسب (راجع تمارين عملية لقراءة النوتة و خاصة نوتة فاتت جانبنا و ها تقدر تفهم يعني أية تمبو و أزاي بيقاس بالمترونوم)
• سماع اللحن ثم كتابته محتاج وقت و مثابرة و إصرار و بالنسبة لي أنا بدأت أكتب و أنا في كلية الطب لما كان فيه مسابقة الأغنية الشبابية على مستوي الجمهورية و كان لازم عشان أشترك بألحاني أن يكون اللحن مسجل على شريط كاسيت و معاه النوتة و حاولت أتذكر دروس الموسيقي أثناء المدرسة و بدأت أكتب ألحاني بنفسي و كان فيها أخطاء كثيرة جداً و لكن لما فوزت في المسابقة ، المجلس الأعلى للشباب و الرياضة أتاح لي الفرصة للتعامل مع الأستاذ مجدي الكومي الذي قام بالتدوين و تصحيح الأخطاء و لما فوزت في السنة التالية طلب منى المجلس مقابلة د. سمحة الخولي (رحمها الله) التي أعجبت باللحن (شروق الشمس) أشد الأعجاب و قالت لي بالحرف الواحد إن التركيبات اللحنية لا يعملها إلا موسيقي قديم و دارس أو موسيقي موهوب و سألتني عن دراستي للموسيقي فقلت لها مجرد حصص الموسيقي في المدرسة و فريق الموسيقي ، و نصحتني بالدراسة في معهد الكونسرفاتوار و بدأت الدراسة و أنا في خامسة طب. و تصورت وقتها أن الهارموني البسيط اللي كنت عامله هو سبب أعجابها باللحن و لكن بعد سنوات فهمت قصدها كان أيه؟
السؤال أخبارك في العزف السماعي أيه؟ هل بتعرف تعزف أي لحن تسمعه و لا فيه صعوبة؟
ممكن تستخدم الكمبيوتر (أي برنامج للتدوين الموسيقي) و أكتب نوتة لحن سهل أنت حافظه و شوف الكمبيوتر ها يعزف اللي أنت كتبته أزاي؟ و صحح نفسك.
• اللحن الحزين أو المبهج أو المعبر عن الحالة النفسية بيعتمد على عوامل كثيرة منها المقام و التحويلات المقامية و طريقة الصياغة و الإيقاع و السرعة و الزخارف و الحليات (مثال أغنية ساكن قصادي شوف عبد الوهاب عمل أيه في لحن زفة العروس المفروض أنه فرح و لكن حوله إلي شجن بإضافة رد للتشيلو) الجملة اللي قالها التشيلو غيرت الحالة النفسية تماماً.
• البيانو مختلف عن الأورج و عن الهاربيسكورد و عن الكلافيكورد ، و لكن الأورج تم تطويره بدرجة مذهلة تجعله يؤدي ما تؤدية عدة آلات و كذلك البيانو تم تطويره ، تكنيك العزف مختلف ، موضوع طويل ، البيانو فيه كبير و صغير و أفقي (مكتب) و رأسي و البيانو اللي عندي 7 أوكتاف و شوية و فيه أقل. أنا كنت بأعزف بيانو مش بطال لكن الأورج أضعف من مستواي في عزف البيانو.
• المايسترو : سوف أتصل بصديق عزيز (أحمد الحناوي "مايسترو") ليكتب مقالة عن المايسترو. (الأستعانة بصديق)
• طول أو قصر الخط الأفقي بين الكروش و الدوبل كروش بيعتمد على مساحة المازورة ، تذكر الآلة الكاتبة لما تطول كلمة عشان يبقي شكل الكتابة منسق (حرف س في حسن ممكن تطويله)
خالص تحياتي

[حسن عبد العليم]

استاذي الكبير دكتور هشام اشكرك علي سعه صدرك وردودك عليه واجاباتك الشافيه الوافيه ولكن طول ما انا في مشوار المزيكا
ستكون الاسئله كثيره وغير منتهيه ولكن المره دي انا هسال سؤال واحد بس

فيه اغاني لبعض الفنانين بعد ما بتنزل وخصوصا بالتحديد الفنان عمرو دياب لاني بحبوا جدااا وبسمع اغانيه بدقه اووي
المهم بعد ما الالبوم بتاعو بينزل في بعض الناس بتختار ليه بعض الاغاني وتلعبها بيانو وبعدين وانا بسمع البيانو اللي معمول للاغنيه بحس ان البيانو بيتكلم يعني ناقص ينطق الكلمات بتاعه الاغنيه هيه بتبقي صولو للاغنيه من غير صوت للمطرب انا عاوز اعرف دا بيتم اذي ؟؟؟ هوضح ليك اكتر بحس ان كل كلمه البيانو بيقولها طيب دااا اذاي ؟؟؟ وهل لو واحد تاني عمل نفس الاغنيه علي البيانو بردوا هتبقي ذي ما غيروا عملها ولا هيبقي فيه اختلاف ؟؟؟؟ االلي لفت نظري للسؤال دا ان أاغاني ام كلثوم بلاقي كل كلمه مكتوب تحتها لحنها يعني هل اللحن دا ثابت لنفس الكلمه ؟؟؟ ولا لو ملحن تاني خد الكلمات دي هيعمل لحن مختلف لنفس اللكلمات ؟؟؟؟ اتمني يكون مضمون السؤال واصل ؟؟؟؟

يعني اني احط اللحن مناسب لكل كلمه بحيث اللي يسمعها علي كول يقول دي اغنيه فلان ؟؟؟؟

واشكرك علي اهتمامك وردك عليه .....

[عمرو الهنداوي]

اخى حسن عبد العليم اهلاا بيك واسمح لى ان احاول ان اجيب على الاسلئة دى بعد اذنك واذن اخواتى الالاتى والدكتور هشام ولهم طبعا حق الرد وكل الشكر:emrose:

انا بحب معظم اعمال عمرو دياب واحب اكتر" ورجعت من السفر- خليك فاكرنى- تملى معاك وغيرهم" هو فنان وله اعمال مش وحشة

لازم تعرف ان كل اغنية لها لحن تمشى عليه الفرقة والمطرب وكلما كان اللحن كويس يستطيع اللحن نطق الكلام بالموسيقا ودة اللى بتم مع عمرو وغيره
مثلاا اغنية وماله بعض الناس عزفتها بالجتيار واخرون بالبيانو او باى الة المهم انه اللحن يكون معمول كويس وينطق الكلام دون صوت المطرب واللحن يكون موسيقا و لحن الكلام لكن للاسف نحن لا نسمع اللحن فى الاغانى الجديدة الا من الة او اثنين على الاكثر فى الفرقة ومع الدوشه لا نسمعهم اصلاا:cool:

حبيبى لكل اغنية لحن مختلف وتوزيع مختلف يعنى مثلاا خليك فاكرنى عملها عمرو مصطفى زى ما انت سمعتها تخيل لو كان لحنها حميد الشاعرى او محمد رحيم او وليد سعد بالتاكيد سيكون اللحن وطريقة الغناء مختلفة ليس يوجد فى الموسيقا شىء اسمه كلمة كذا يكون لحنها كذا والا كانت كل الاغانى نفس الموسيقا هى هى :emrose:

انا عندى نوتات لعمرو دياب ولكن المنتدى لا يسمح بالاغانى الحديثة وبصراحة عندهم حق لان معظم الاغانى الحديثة هى "عار" على الموسيقا وليس لها اى علاقة بالموسيقا والفن اصلاا:emrose:
بالتوفيق

[Hisham Khala]

يا حسن أولاً جاوبني على سؤالي بدون إحراج أخبار ودنك الموسيقية أيه؟ أنا سألتك في الرسالة السابقة لما بتسمع لحن بيعجبك بتعرف تعزفه و لاَ بتجد صعوبة؟ الأجابة مهمة عشان أقدر أعطيك النصحية.
الكلمات ممكن تتلحن بأي لحن يناسبها و الملحن الواحد ممكن يلحن نفس الكلمات بألحان مختلفة أمثلة:أغنية سواح لعبد الحليم ستجد مقطع (إن لقاكم حبيبي سلموا لي عليه) تم تلحينها بطريقتين مختلفتين ، أغنية موعود (و أمانة يا دنيا أمانة) الكورس بيقولها بلحن و عبد الحليم بلحن آخر ، أغنية عقبالك يوم ميلادك (موال: يا مفرقين الشموع نصيبي فين) عبد الوهاب أعطى الحرية لعبد الحليم لأداء هذا المقطع أداء حر في قالب الموال (بالرغم أني بأحس أن عبد الوهاب هو اللي بيغني هذا المقطع) ، قصيدة أراك عصي الدمع لأم كثلوم ، رياض السنباطي قام بتلحين الكوبلية الأولي بطريقتين مختلفتين و على مقامين مختلفين ، القصص كثيرة جداً
الموضوع الآخر اللي تكلم عنه الأخ عمرو الهنداوي أن الأغاني الحديثة عار فأنا غير متفق معه في هذا الرأي ، بالطبع فيه أعمال جيدة و أعمال ممتازة فأغاني عمرو دياب و محمد فؤاد و .... ممتازة و مخدومة كويس ، و الفن و الموسيقي في تطور ، و التطور بالأفكار و بالتكنولوجيا فأسلوب الغناء و التلحين بيتغير و التكنولوجيا بتعطينا إمكانات رهيبة ، لكن هناك مشكلة خطيرة و هي تفشى الجهل و الأمية و الفساد و بإختصار المنتجين بينظروا إلي الربح و بيعتقدوا أنهم بيقدموا أعمال لجمهور عاوز إثارة و مش مهم المضمون و من هنا ظهرت الفيديو كليبات الغريبة و تم استخدام التكنولوجيا بأسوء أسلوب تماماً كإستخدام الطاقة النووية لعمل قنابل ذرية ، شوف الفيديو كليبات القديمة (مين قال لك تسكن في حارتنا "لشادية" و الراجل ده ها يجنني "صباح و فؤاد المهندس") و لذلك كثير من الفيديو كليب في هذا العصر محسوبين على فن الغناء و الموسيقي و هم ليسوا كذلك.

[حسن عبد العليم]

دكتوري العزيز هشام خلف

انا لما بسمع لحن بيعجني اعرف اعزف مقاطع فيه بصراحه مش كلوا بعرف اعزفوا كلوا كنت ااقول
بس بعرف اجيب حتت منوا وليس كلوا وكده الرؤيه بالنسبه ليك ظهرت ياريت بقي ترد عليه وتقولي ايه العمل ؟؟؟
وشكراا ليك ؟؟؟

[Hisham Khala]

الأخ حسن
كل سنة و أنت طيب و رمضان كريم.
درب ودانك كويس على السمع لأن الموسيقي أصلاً صوت و كتابة النوتة ما هي إلا محاولة لتوصيف الأصوات بشكل مرئي ، يعني مرن نفسك على عزف أي لحن تسمعه و يعجبك و أحتك بالموسيقين و العازفين من أصدقاءك و أقاربك و شوف بيعزفوا أزاي.
أما عن دروس النوتة تصفح ما هو مكتوب في المنتدي و أقرأ النوت المكتوبة و أسمع الملف الصوتي و قارن ما بين عزفك و ما بين ما سمعته في الملف الصوتي ، و اتعلم بطريقة (trial & error) التجربة و الخطأ ، حساسية ودانك أهم ما في الموضوع، يا تري بتعزف أي آلة؟

[حسن عبد العليم]

دكتور هشام عامل ايه اتمني ان تكون تمام ورمضان كريم
انا عندي سؤال كده ...

1_ بالنسبه لرفع النغمه نص بعد او خفضها بردوا انا اعرف ذلك ولكن اللي هيه الربع تون دي اذاي اعملها ع البيانو وايه هيه العلامه بتاعتها ع النوته بالنسبه للخفض ربع تون العلامه بيمول عليها شرطه طيب ولو عاوز علامه الرفع ربع تون تكتب اذاي ؟؟؟؟؟؟ ولا البيانو مفهوش ربع تون ؟؟؟؟؟

السؤال الثاني وهوه بردوا متعلق بالاول لما احب ارفع نغمه او اخفضها وانا بكتب النوته اكتب علامه الرفع
او الخفض قبل كل نغمه اانا عاوز ارفعها او اخفضها ولا بتكتب في بدايه السطر وخلاص ويبقي كده معلوم للقارئ ان كل نغمات السطر دا مرفوعه او مخفوضه ؟؟؟؟ لاني لقيت في نوته عبد الحليم قارئه الفنجان فيه ثلاث علامات بيمول في اولها علي شكل مثلث كده ؟؟؟؟؟

[Hisham Khala]

الأخ حسن
السؤالين حلوين
1. البيانو لا يعزف أرباع التون (فقط التون الكامل و النصف تون) و كذلك الأورج (ما عدا الأورجات الشرقية مثل كاسيو مايسترو1 و أورجات أخري) ، أما بالنسبة لعلامة الربع تون منطقياً لدينا الأحوال الآتية:
a. خفض ربع تون: علامة البيمول و عليها شرطة واحدة (ѣ).
b. خفض نصف تون: علامة البيمول (b).
c. خفض ثلاث أرباع التون: علامة البيمول و عليه 3 شرطات.
d. خفض تون كامل: دوبل بيمول (علامتين بيمول)
e. رفع ربع تون : علامة الدييز بس بشرطتين أفقيتان و شرطة واحدة رأسية (≠).
f. رفع نصف تون: علامة الدييز (#)
g. رفع ثلاث أرباع التون: علامة الدييز بس بشرطتين أفقيتان و ثلاثة شرطات رأسية.
h. رفع تون كامل: دوبل دييز علامة x
يعني علامة الدييز اللي بيتغير فيها عدد الشرط الرأسية ≠ & # & (///=) مع ملاحظة أن الشرط الأفقية و الرأسية متقاطعين.
2. الرد على السؤال الثاني و هو عن علامات التحويل (هل تكتب أمام النغمة المراد تحويلها أم في بداية المدرج الموسيقي؟)
a. هناك شئ أسمه دليل المقام (الأرماتورا) و يكتب في بداية المدرج الموسيقي ، و لكل مقام في الموسيقي الغربية له دليل خاص به ، أمثلة: دو ماجير و لا مانيير (لا يوجد علامات تحويل) - صول ماجير و مي مانيير (علامة تحويل واحدة فا#) – ري ماجير و سي مانيير (2 #: فا# & دو#) – لا ماجير و فا# مانيير (3 دييز: فا# & دو# & صول#)

حاول بنفسك تستنتج دليل المقام لكل من: مي ماجير و دو# مانيير – سي ماجير؟ و ما يقابله في المانيير أذكر أسم المقام المانيير؟ – فا# ماجير و ما يقابله في المانيير؟ - دو# ماجير؟ و المانيير المقابل؟

مي بيمول – سي بيمول – فا <== (دو ماجير) ==> صول – ري – لا - مي

أم بالنسبة إلى البيمول أبدأ من دو ماجير و لا مانيير ثم أتجه إلي فا ماجير و ري مانيير (علامة بيمول واحدة: سي بيمول) – سي بيمول ماجير و صول مانيير (سي بيمول و مي بيمول) .....

حاول بنفسك تستنتج دليل المقام لكل من: مي بيمول ماجير و دو مانيير – لا بيمول ماجير و ما يقابله في المانيير ....
حاول تستنتج القاعدة بنفسك و أعزف هذه المقامات على البيانو.
b. ثانياً هناك علامات تحويل أعتراضية و تكتب أمام النغمة المراد تحويلها و يكون تأثيرها على تلك النغمة فقط و ما يليها (من نفس النغمة) داخل المازورة فقط. مثلاً وضع علامة # أمام نغمة فا في إحدي الموازير تجعل كل فا تلي هذه العلامة فا دييز داخل هذه المازورة فقط و ليس لها تأثير على أي فا قبل العلامة أو أي فا في موازير أخري.

راجع تمارين عملية لقراءة النوتة (باب دروس و محاضرات): لحن ليالي الأنس في فينا - و مرت الأيام - عطشان يا صبايا - يا نورا يا نورا - موسيقي النيل لعبد الوهاب (قريبا) على هذا الرابط
http://www.sama3y.net/forum/showthread.php?t=44100&page=2
تعرف على مقام كل لحن و علامات التحويل (دليل المقام) و رد على عشان يبقي فيه Feed Back
خالص الأماني
د. هشام خلف

[حسن عبد العليم]

دكتور هشام شكراا ليك ع الرد الجميل وتوضيحك ولكن ..... انا بخصوص دو ماجير انا اعلم ان بعزفوا
ع البيانو مثلا دو ماجير يبقي ( دو+ مي + صول ) وصول ماجير بيقي ( صول + سي + ري + فا )
لكن لما بيقي فيه مانيور مش عارف احفظها يعني القاعده بتاعتها بتلخبط فيها ....

بالنسبه لموضوع الرفع والخفض دا كده تمام وانت بصراحه بأجابتك وفرت عليه اسئله كتير اووي

انالاحظت ان بين كل نغمه ماجير ومانير بيترك اربع نغمات دا اللي انا فهمتوا بصراحه ومش عارف اذا كان صح ولا لا ؟؟؟؟ لازم احفظ كل المقامات ولا لا؟؟؟؟

وبعدين حضرتك قولت دليل المقام في الموسيقي الغربيه ؟؟؟ طيب الموسيقي العربيه نفس النظام ولا ايه ؟؟؟

بالنسبه للماحير مثلا دو ماجير بلاقيه مكتوب في النوته بزمن الروند دايما فلما بعزفوا مع زمن النوار اللي هوه في الباص بتلخبط ؟؟ انا بتكلم علي التوافق بين ايدي الشمال واليمين ؟؟؟؟؟ هل دا يتحسن مع كتر العزف ؟؟؟ ولا ايه ؟؟؟؟


ايه هيه ال ( مي سيكا ) وايه الفرق بين صول ماجير وصول ماجير 7 هل المقصود انها صول الموجوده
في الاوكتاف السابع ؟؟؟؟؟

دلوقتي وانا بكتب مثلا ع النوته وجبت مثلا دو جواب الجواب اللي هيه فوق النوته بسطرين وعاوز
اكمل نغمات في الطيقه دي اعمل سطور اضافيه تاني فوق السطور ولا اعمل ايه ؟؟؟؟

مع اني مشفتش كده قبل كده انو فيه خمس سطور واعلاهم كمان خمس سطور ؟؟؟؟؟؟؟


ومع خالص الشكر ....

[Hisham Khala]

يا حسن أنت ملخبط ما بين المقام (السلم) و الأكور (كوردات - التآلف)
مقام (سلم) دو ماجير : دو - ري - مي - فا - صول - لا - سي - دو
تآلف (أكور) دو ماجير (دو + مي + صول)
درب إيدك الشمال تعزف اللحن المصاحب بزمنه و إيدك اليمين اللحن المليودي (يعنى لحنين مختلفين في النغم و الأزمان)
دليل المقام في الألحان الشرقية يتبع القواعد الغربية بتصرف.
الأوكتافات العالية (جواب جواب ال دو) أنا جاوبتك عليها قبل كده رقم 8 ^ فوق المدرج و الأوكتافات السفلية رقم 8 ^ أسفل المدرج.
بالنسبة إلي السيكاه (قبل ما أجوبك: تعرف تلعب طولة؟) (يك - دوه - سه - جهار ..)
باللغة الفارسية (يك = 1 ) - (دوه = 2 ) - (سه = 3 ) - (جهار = 4 ) و كلمة (كاه = نغمة)
يبقي كلمة سيكاه معناها النغمة الثالثة في السلم الشرقي = مي نصف بيمول.
دوكاه = ....... في السلم الشرقي = نغمة ....... في السلم الغربي (أكمل)
جهاركاه = ........ = نغمة ...... (أكمل)
يكاه (خللي بالك مقلب) = النغمة رقم 1 و لكن ليست دو في الغربي بل نغمة صول و هي مفروض أول وتر في العود و لكن العود له عدة دوزان خاصة لأول وتر(ممكن فا و ممكن مي).
يا حسن أنا ها كتب موضوع مهم جداً أسمه :
SKIPPING , FRONT PHRASING, BACK PHRASING & SYNCOPATION
و ها أنزله تحت باب: دروس و محاضرات- فصل : تمارين عملية لقراءة النوتة على نفس الرابط الموجود في الرد السابق.
إذا فهمت هذا الموضوع سوف تتقدم في قراءة النوتة.
تحياتي, د.هشام خلف

[حسن عبد العليم]

دكتور هشام ازيك ووعامل ايه انا سعيد جداا بمعرفتي بحضرتك لاني حاسس بتحسن شديد معايا
يوم عن يوم ومش قادر ااقولك احساس الواحد ايه لما يشوف حاجه مكتوبه قداموا ويعزفها بيانو
او اي اله تانيه حسب هوايه كل واحد بقي ....

انا عندي سؤال لحضرتك وهوه خاص بالمقامات ... في مقامات فيها ربع تون يبقي معني كده ان المقامات دي
مش ممكن تتعزف ع البيانو ؟؟؟ لان حضرتك قولت قبل كده البيانو مفهوش الربع تون .؟؟؟؟

بالنسبه للاوزان اللي هيه بتيقي 4\4 او 3/4 ..... 4 اللي تحت يعني زمن الروند مقسم الي 4 نوار
و4 اللي فوق يعني كل مازوره تحتوي علي 4 نوار او مايعدلها من الازمان الاخري انا عندي برنامج انكور
بس فيه حاجه غريبه ان انا ممكن انتقل للمازوره التاليه من غير ما اطبق القاعده بس شرط اني مزودش عنها
لكن ممكن ااقل ماشي يعني هل هذا صح .... يعني مثلا مازوره المفروض فيها 4 نوار او ما يعادل من الازمان
الاخري ممكن احط فيها 3 بس ؟؟؟؟؟؟؟

هل اي لحن في مجال الموسيقا لازم يكون مرتكز في اساسه علي احدي المقامات ولا فيه الحان ممكن
متبقاش متبعه مقامات ؟؟؟؟؟؟؟؟؟؟؟

لما الواحد يجي مثلا يلحن حاجه مثلا ع البيانو عشان دا اللي انا بفهم شويه فيه بيلعب الجمله الاول
من وحي خياله وبعدين يدونها ؟؟؟؟ ولا العكس ؟؟؟؟ وبعدين اذاي ااقدر احط الزمن المناسب للحن
واحدد ايضا السرعه المناسبه ( >>>> ( tempo

طيب ولول لحن انا سمعتوا وبحاول اكتبوا اذاي بردوا ااقدر اوصل للتمبو المناسب خصوصا انو بيزيد بالواحد
ولا فيه سرعات معروفه كل الالحان بتتبعها ؟؟؟؟؟؟؟؟؟؟؟؟؟؟؟؟

وعلي فكره اانا بهديك ارق امنياتي لكن بجد انسان موهوب جداااا ان الواحد يوفق ما بين الدراسه
والهوايه الشخصه اللي اتجهاها بعيد جداا عن مجال دراسته فدي هبه من ربنا ليك وربنا يوفقك
وعلي فكره انا قريت كل تمارينك واحسن حاجه الشرح المبسط مع الافاده للجميع المبتدئ والمحترف
شكرااا ليك مره تانيه علي ان القالك في رساله اخري ............ خالص امنياتي ..........

[الألآتى]

بعد إذنك يادكتور هشام .. أرد ..

في مقامات فيها ربع تون يبقي معني كده ان المقامات دي
مش ممكن تتعزف ع البيانو ؟؟؟ لان حضرتك قولت قبل كده البيانو مفهوش الربع تون .؟؟؟؟



كما قال لك الدكتور هشام من قبل .. البيانو لايستطيع عزف الربع تون .. وبالتالى لا تستطيع عزف المقامات الشرقية المحتوية على الربع تون على البيانو ..


بالنسبه للاوزان اللي هيه بتيقي 4\4 او 3/4 ..... 4 اللي تحت يعني زمن الروند مقسم الي 4 نوار
و4 اللي فوق يعني كل مازوره تحتوي علي 4 نوار او مايعدلها من الازمان الاخري انا عندي برنامج انكور
بس فيه حاجه غريبه ان انا ممكن انتقل للمازوره التاليه من غير ما اطبق القاعده بس شرط اني مزودش عنها
لكن ممكن ااقل ماشي يعني هل هذا صح .... يعني مثلا مازوره المفروض فيها 4 نوار او ما يعادل من الازمان
الاخري ممكن احط فيها 3 بس ؟؟؟؟؟؟؟



الرقم العلوى فى الميزان يعبر عن عدد الأزمنة فى المازورة .. والرقم السفلى يعبر عن نوع الزمن ..

المازورة الرباعية يجب أن تكتب فيها أربعة نوار أو مايعادلها .. وإذا أردت أن تكتب ثلاثة نوار فقط .. يجب عليك تغيير الميزان ليصبح 4 / 3 .. لأنك إذا كتبت ثلاثة نوار فى المازورة الرباعية سيكون الزمن الرابع عبارة عن سكتة تساوى زمن النوار ..


هل اي لحن في مجال الموسيقا لازم يكون مرتكز في اساسه علي احدي المقامات ولا فيه الحان ممكن
متبقاش متبعه مقامات ؟؟؟؟؟؟؟؟؟؟؟



لايوجد لحن بدون مقام .. لأن المقام هو الحالة التى تكون عليها الجملة اللحنية .. حزن , فرح , شجن , حماس .. ألخ ..

فإذا عزفت أولحنت جملة من أربع نوتات أو أكثر .. فأنت داخل حيز أحد المقامات ..


لما الواحد يجي مثلا يلحن حاجه مثلا ع البيانو عشان دا اللي انا بفهم شويه فيه بيلعب الجمله الاول
من وحي خياله وبعدين يدونها ؟؟؟؟ ولا العكس ؟؟؟؟ وبعدين اذاي ااقدر احط الزمن المناسب للحن
واحدد ايضا السرعه المناسبه ( >>>> ( tempo



المفروض أن تفكر أولاً فى الجملة اللحنية وبعد ذلك تكتبها .. لأن الكتابة قبل سماع الجملة .. قد تصلح للموسيقى البحتة وليس للألحان .. وتصلح أيضاً للهارمونى الرأسى .. لأنها قواعد معروفة مسبقاً ..

وبالنسبة لوضع الزمن المناسب والسرعة .. أنت الذى تحدد هذا .. لأنك الملحن .. يجب أن تتعود أذنك على الموازين والأزمنة .. أنت الذى تقوم بتحديد الميزان المناسب للحنك ..


طيب ولول لحن انا سمعتوا وبحاول اكتبوا اذاي بردوا ااقدر اوصل للتمبو المناسب خصوصا انو بيزيد بالواحد
ولا فيه سرعات معروفه كل الالحان بتتبعها ؟؟؟؟؟؟؟؟؟؟؟؟؟؟؟؟



نفس الرد السابق .. أذنك الموسيقية هى التى تعرف الميزان .. معظم الإيقاعات تبدأ بالدم .. إسمع الإيقاع وعد مع نفسك .. واحد إتنين ثلاثة أربعة .. حتى تصل للدم التالية .. فإذا وصلت للدم التالية فى العدة الخامسة .. فالميزان رباعى .. وإذا وصلت فى العدة الرابعة فالميزان ثلاثى .. وهكذا ..

[حسن عبد العليم]

الاستاذه الافاضل الدكتور هشام خلف والاستاذ محمد الالاتي انا مش عارف اشكركم اذاي والله
وربنا يزيدكم كمان وكمان من علمه الغزير ......

انا كنت سألت عن ان الواحد لو عمل اي جمله لحنيه لازم تكون علي مقام قاللي السيد
الفاضل الاستاذ محمد الالاتي لازم هتدخل تحت اي مقام اوك.....

طيب انا دلوقتي كتبت الجمله دي وسمعتها من علي برنامج انكور وعاوز حضراتكم
تسمعوها من خلال الملف الصوتي المرسل وتصححوا ليه الاخطاء اللي
فيها ... وعاوز اعرف هيه تبع اي مقام مع ان انا اللي كتبها بس عشان أجابه حضراتكم
هتوضح ليه اكتر واكتر ومهما كانت الاجابه بسيطه او الخطأ ساذج او بسيط ارجوا بأخذه
في الاعتبار لان الصغير وتافه بالنسبه لحضراتكم كبير جداااا بالنسبه لي وشكرااا ليكم ...

انا عاوز اعرف ايه الاخطاء اللي عندي ؟؟؟؟ والجمله دي تتبع اي مقام ؟؟؟؟؟؟
هل هي حلوه ولا وحشه ؟؟؟؟ يعني تتسمع ولا لأ ؟؟؟؟؟؟
ولوو كانت حلوه ليه ولو كانت وحشه بردوا ليه ؟؟؟؟؟؟؟؟؟؟؟

[الألآتى]

أهلاً بالأخ حسن

يرد عليك الدكتور هشام .. لأنه المتخصص فى البيانو والأكوردات ..

أما المقام المستعمل فى المقطوعة .. فهو سلم اللا مينور .. أو مانسميه فى الشرقى .. نهاوند الحسينى ..

[حسن عبد العليم]

حضرتك انا عاوز اعرف هيه ليه اتبعت المقام دا بعد اذنك عاوز
1_
2_
3_ الخ

عاوز اسباب موضوع المقام دا هوه شكله سهل جدااا ... واجابه حضراتكم هتوضح اللي انا مش فاهمه
وبقيت الاسئله دكتور هشام هيرد عليها اللي هيه في الرد السابق

حلوه ولا لا لواحد لسه مبتدئ ذيي وايه كم الاخطاء اللي فيها ... الخ

ومتشكر جدااااا ليكم علي سرعه الاستجابه والتوضيح ....

[الألآتى]

المفروض أن نعكس السؤال .. المفروض أن نسألك نحن .. لماذا إستعملت هذا المقام ؟

ولكن بما أنك لم تدرس المقامات .. فسأجيبك ..

هناك مقامات قريبة لإحساس كل واحد منا .. والنهاوند والكرد من أقرب المقامات للأذن البشرية .. حتى ولو لم تكن تعرف المقامات ..

المفروض أن تدرس المقامات جنباً إلى جنب تعلم العزف .. فليس من المعقول .. أن تظل تعزف وتحاول التلحين أو تأليف الموسيقى دون دراسة أو معرفة المقامات ..

وإذا أردت أن تصبح مؤلفاً موسيقياً أو ملحناً .. يجب عليك سماع الكثير والكثير من الأغانى والموسيقى .. لكى تتكون لديك حصيلة كبيرة من الجمل الموسيقية واللحنية .. تفيدك فى إبتكار جمل جديدة كل مرة ..

أما عن رأيى فى مقطوعتك .. أنت إهتممت أكثر بالأكوردات .. أكثر من الجمل الميلودى ..

إهتم أكثر بالجملة الميلودى ( الأساسية ) .. حتى تكون الأكوردات أو الهارمونى صحيح وجيد ..

[Hisham Khala]

السلام عليكم
الأستاذ محمد الآلاتي رد على أسئلتك بوضوح و بصراحة.
يبدو أن هذه المقطوعة تم تأليفها إلكترونياً عن طريق البرنامج فقط (وده مش عيب) و لكن عشان توصل إلى درجة التأليف دون إستعمال آلة (يعني اللحن سمعه في دماغك ثم تكتب النوتة مباشرة بدون آلة موسيقية) أعتقد أنه ها يحتاج منك عدد من السنين (أنا شخصياً بأكتب النوتة من دماغي مباشرة و بأوزعها دون العزف على أي ألة)
أما عن قواعد التأليف الموسيقي فهي غير متوفرة في هذا اللحن و القاعدة الأولي في التأليف:
اللحن مكون من عدد من التيم (Themes) و تكون التيمة (الجملة الموسيقية أو الفكرة الموسيقية) مكونة من الآتي:
نصف جملة سؤال + نصف جملة جواب *أو* عبارة سؤال + عبارة جواب
و نصف الجملة = "عبارة" Phrase
و كل عبارة = نصف عبارة سؤال + نصف عبارة جواب
مع ملاحظة عندما يكون الميلودي سريع يصاحبه باص بطئ و عندما يكون الميلودي بطئ يصاحبه باص سريع Balance
العبارات و النصف عبارات تنتهي على النغمة الأساس (التونك) ^أو^ المتوسطة 3 Mediant ^أو^ المتسلطة 5 Dominant ^أو^ تحت المتوسطة 6 Submediant ^أو^ فوق المتوسطة 4 Susmediant = تحت المتسلطة Subdominant
تعالي نطبق الكلام ده على جزء من نشيد صوت بلادي لعبد الوهاب (دو مانيير = نهاوند): أسمع اللحن و شوف النوتة
1. التيمة (الجملة) مكونة من 16 مازورة.
2. نصف الجملة (العبارة) مكونة من 8 موازير.
3. نصف العبارة مكونة من 4 موازير.
4. ستلاحظ أن نصف الأول من العبارة الأولي (أول 4 موازير) هو السؤال و أجابته هو النصف الثاني من العبارة الأولي (مازورة 5 إلي مازورة 8).
5. نفس الشيئ بالنسبة للعبارة الثانية ، و العبارة الثانية هي جواب للعبارة الأولي.
6.يلاحظ أن نهاية أول نصف عبارة (مازورة4) هي نغمة مي من زمن بلانش = يعني منتهية بنغمة طويلة زمانياً ، نغمة مي هي النغمة 3 و تسمي المتوسطة للمقام دو مانير Mediant note
7. نهاية النصف الثاني من أول عبارة (مازورة8) هي النغمتان دو نوار - ري نوار و كان المفروض أن تنتهي هذه النصف عبارة بالنغمة دو من زمن البلانش و لكن عبد الوهاب قسمها و قفل بنغمة ري عشان يعطي تمهيد للعبارة الثانية التى ستبدأ بنغمة الري ، كما أن قفل العبارة الأولي بنغمة الري أدي إلي مفاجأة لحنية تيقظ المستمع و تشد إنتباه.
8. النصف الأول من العبارة الثانية (مازورة 12) أنتهت بنغمة لا بلانش (النغمة 6 Submediant ) = النغمة 3 نزولاً: دو1 - سي2 - لا3.
9. نهاية التيمة على نغمة دو بلانش (النغمة التونك Tonic )
10. الصيغة الإيقاعية أو الزمانية (بلانشات - نوارات - كروشات - دوبل كروش ....) متشابة بالنسبة إلي نصفي العبارة الأولي و مختلفة بالنسبة إلى العبارة الثانية ، و هذا يسمي التنوع Variation عشان المستمع لا يمل.
11. الباص (أنا اللي موزعه) لما يكون الميلودي بلانش ها تلاقي مقابل له دوبل كروشات في الباص Balance
12. الأكورات لما ها أكلم في الهارموني أبقي أشرحها
أما عن أنواع القفلات: التامة - الدينية و المفاجأة مرة أخري
قد يتم تطبيق القواعد جيداً و لكن اللحن برضه يطلع مش مؤثر ، القواعد مهمه لكن جمال اللحن شئ آخر و بعدين القواعد معمولة عشان تتكسر (بس مش أي واحد يكسرها)
يا حسن أنت شددتني لموضوع ما كنش أوانه ، أنا بأكتب عن front & back phrasing & syncope و أنت جرتني إلي علم التأيف الموسيقي.

[حسن عبد العليم]

السلام عليكم

شكرااا لحضارتكم علي التوضيح ولكن لازلت اسئلتي متكرره وهدخل في الموضوع علي طول
واسئتلتي من داخل اجابه حضراتكم

الاستاذ الالاتي قال لازم ادرس المقامات لكي اصبح قادر علي وضع جمل لحنيه
المقصود من كلام حضرتك ان انا ادرس كل المقامات ؟؟؟؟ ولا اتعرف علي المقامات الاساسيه بس ؟؟؟؟ وما المقصود بالدراسه هل هي اني اعرف تأليف كل مقام واحفظوا تمام ولا ايه ؟؟؟؟؟


حضرتك قولت ان انا اهتتمت بالاكوردات اكتر من الميلودي وكنت المفروض اعكس .. ولكن .. الاغنيه اللي الدكتور هشام نزلها لعبد الوهاب بلادي فيها الاكوردات
اكتر من الميلودي ؟؟؟؟


دكتور هشام حضرتك قولت ان اذا كان الميلودي سريع لازم يبقي الباص المصاحب بطئ والعكس.... هل دي قاعده ولا هل هيه حاجه ذوقيه لبيان جمال اللحن فقط ؟؟؟؟؟


دكتور هشام هل المقصود بالسؤال والجواب ان السؤال بيبقي في الدرجات الوسطي
والجواب في الدرجات العليا ؟؟؟ بعد اذنك ممكن توضح اكثر ؟؟؟؟

حضرتك قولت العبارات العبارات والنصف عبارات تنتهي علي النغمه الاساس !! هل ؟؟؟ النغمه الاساس هيه اللي انا بادئ منها اللحن .. ا اللي فاهمه ان المتوسطه هيه في النوته اللي هيه نغمه السي لو كانت كده يبقي الباقي مفهوم .. ( المتسلطه وتحت المتوسطه ........) اذا كان غير كده ياريت حضرتك توضح ؟؟؟؟؟


ممكن يكون فيه لحن جميل ومؤثر ومش يتبع القوعد كويس ؟؟؟ ولا كده يبقي كسرها ؟؟؟


سؤال اخر

المقامات المرتكزه علي درجه الدو

نهاوند وراست و نواأثر

اولا كده مرتكزه يعني بادئه بالدو ولا نغمه الدو مكرره فيها كثير في موازير مختلفه ؟؟؟؟ .. وعشان ااقول نهاوند او ... لازم اعرف التأليف الموسيقي
لكل واحد ؟؟؟


واسف علي كتر الاسئله شكرااا ليكم

[حسن عبد العليم]

السلام عليكم

دكتوري العزيز الفاضل دكتور هشام ازيك وعامل ايه بقيت تغيب عليه في الرد شويه وعذارك عشان كتر مسؤلياتك
انا النهارده عملت بنصيحتك ... هدخل في الموضوع علي طول

انا النهارده عملت والله الجمله اللحنيه دي في دماغي وبعدين عزفتها بيانو وبعدين كتبتها انا مش عارف ااقولك
ايه انا سعيد جدااا المره دي عن المره اللي فاتت كتير لان الفرق كبير بين المرتين .... بس مش عارف انا كده في
تحسن ولا لأ ... بس انا حاسس اني في تحسن ... يااريت حضرتك ترد عليه وبسرعه وتقولي ايه رأيك ...

وياتري كم الاخطاء اللي كان في اللي فاتت مقارنه بالجمله دي ايه الفرق .... دكتور هشام انا هتعبك معايا بس
سوري اعتبرني تلميذك الطماع اللي عاوز ياخد علمك الغزير كلوا ؟؟؟ !!!!! وانا حطيت تعجب واستفهام عشان
عارف انا دا محتاج صبر ووقت طويل ..........

انا حاولت اطبق فيها كلام حضرتك اللي شرحتوا علي نشيد بلادي للموسيقار الكبير محمد عبد الوهاب ...
بس ياريت حضرتك ترد عليه وتقولي ايه الاخبار ....

مستني الرد من فضلك لاتتأخر عني ....

تلميذك ... حسن .....

ودا اللينك سوري يا جماعه انا مش عندي برنامج بيحول امتداد
mid to rm

فهضطر ارفعها ع الربيد شير واحط اللينك هنا لو امكن تحولوها زي المره اللي فاتت وترفعوها بدون للينك
اكون شاكر جداا للاداره

[Hisham Khala]

مش بطال يا حسن بس القفلة غلط بالنسبة لك لازم تقفل على النغمة التونك (الأساس) و لما تجيد العزف و تعزف أنماط مختلفة ها تقدر تعمل من نفس الفكرة أفكار أخري و تضعها في قالب أحسن.
كويس يا حسن ، تصفح المنتدي كويس و أقرأ المواضيع المختلفة و أقرأ skippig, phrasing & Syncope و حاول تفهمهم و طبق القاعدة على بعض الألحان المعروفة.
خالص تمنياتي و كل سنة و أنت طيب.

[حسن عبد العليم]

دكتور هشام كل سنه وانت طيب وعيد سعيد عليك

اولا ميرسي علي الرد ولكن انا سايب ليك اسئله في الردود السابقه لو عند حضرتك وقت لو تسمح جاوبني عليها

وانت موضوعك الاخير مش موجود انا قريت عن
pharsing & ski......
وحاولت اجربوا في الحان والحمد لله تمام
بس اللس عاوز اعرفوا ايه الهدف من الموضوع دا
اني اصنع من اللحن لحن ولا اغير اللحن ولا اضيف تأثير جمالي ع اللحن

وشكرا علي سعه صدرك

وبعد اذنك لو تكرمت عليه وجاوبني علي الردود السابقه عشان الاجابه هتفيدني كتير وحضرتك عودتني
علي كده ... وميرسي مره تانيه خالص امنياتي ......... حسن ...........

[Hisham Khala]

كل سنة و أنت طيب يا حسن
أقرأ موضوع Phrasing & Syncopation مرة أخري مع الأمثلة عشان تعرف فائدتهم ، الأمثلة ها توضح الفائدة. بعض الأسئلة مش في أوانها و الرد عليها مش في كلمتين و صعب كتابة 3 مقالات للرد على 3 أسئلة.
المقامات كتاب كامل أو كتب من عدة أجزاء ، الهارموني بحر و لكن ها تلاقي غايتك في التمارين لأن أنا بأكتب كلام كثير عن اللحن موضوع الدرس فهتلاقي الهارموني و هتلاقي المقام ، الكثير يظنون أن المقامات الغربية هي الماجير و المانير و لكن هناك مقامات أخري .... كل شئ ها يجي في وقته ، و أنا بأرحب بالأسئلة عامة و لكن ياريت تبقي في الموضوع اللي أنا كاتبه عشان ما تخرجنيش عن الخط الدرامي.
لك أطيب التمنياتي.