بوسه على الخد ده

[ريما]

بوسه على الخد دا وبوسه على الخد دا

بوسه على الخد دا وبوسه على الخد دا

والخد دا ليزعل ويغير من الخد دا

واحده على الشمال والتانيه على اليمين والتالته على الجبين

يا عيون ماما انت قلى طالع لمين جميل بالشكل دا جميل بالشكل دا

بوسه على الخد دا وبوسه على الخد دا 00بوسه على الخد دا

والخد دا ليزعل ويغير من الخد دا

واحده على الشمال والتانيه على اليمين والتالته على الجبين

يا عيون ماما انت قلى طالع لمين جميل بالشكل دا جميل بالشكل دا

بحبك قد روحى لا لا اكتر كتير

نفسى اغمض وافتح القيك بقيت كبير

والدنيا مفتحالك وبتحقق امالك قد ما قلبى دعالك لا اكتر من كدا

يا عيون ماما انت قلى طالع لمين جميل بالشكل دا 00جميل بالشكل دا

روحى قلبى انا بكره تيجى هنا واشوفك جنب ماما يا جميل طول السنه

وتعدى السنين والقيك بعد السنين راجل وملؤ العين

يا عيون ماما انت قلى طالع لمين جميل بالشكل دا جميل بالشكل دا

عايزاك تخلى بالك من روحك ليل نهار وتكون صديق لبابا زى اصحابه الكبار

وتذاكر باهتمام وتسمع الكلام وانا اجبلك كل حاجه وابوسك على الدوام

يا عيون ماما انت قلى طالع لمين جميل بالشكل دا جميل بالشكل دا




الاغنيه دى باه حكايه لوحدها كانت بتغنيها ورده فى مسلسل تلفزيونى زمان اوى

واحنا اطفال ولسه المسلسل كله معلق فى ذهنى من وقتها وبالذات الاغنيه دى والمشهد

اللى اتغنى فيه الاغنيه مجرد بس انى افتكر المشهد واسمع الاغنيه كفيل بانه يسيل دموعى بغزاره

يمكن زمان مكنتش بحس الاغنيه بجمالها بالشكل دا دلوقتى بجد بخلاف انى من عشاق ورده زمان

الا ان الاغنيه دى بالذات حكايه لوحدها معايا

يا رب تعجبكو وتسمعوها زى ما انا بسمعها هى صحيح للاطفال لكن ميمنعش اننا نسترجع

طفولتنا من وقت للتانى



دا رابط الاغنيه من المنتدى (http://www.sama3y.net/forum/attachment.php?attachmentid=28446&d=1176464736)

[الألآتى]

بسم الله نبدأ فى تحليل أغنية ( بوسه ع الخد ده )

كلمات : عبد الرحيم منصور .. أو .. عبد الوهاب محمد .. لست متأكداً .

ألحان : بليغ حمدى

غناء : وردة الجزائرية

واضح من البداية أن عمنا بليغ يحاول أن يجدد .. فإستخدم إيقاع السلو الغربى .. فى أغنية تحتوى على مقام الصبا الشرقى ..

تبدأ الأغنية بمقطع تؤدى فيه المطربة الجملة الرئيسية للحن .. بأسلوب ( الصولفيج ) .. أى الغناء عن طريق نطق درجات السلم الموسيقى منغمة ..

( رى ، مى ، رى ، سى ، دو ) .. ( صول ، رى ، مى ، رى ، سى ، دو ) .. وهكذا حتى نهاية المقطع ..

وتعيد الفرقة الموسيقية نفس الجملة اللحنية ..

وتغنى وردة ( بوسه ع الخد ده ) .. من مقام النهاوند .. ومع نفس إيقاع السلو ..

فى الكوبليه الثانى .. ننتقل لمقام الصبا .. حيث تغنى ( بحبك قد روحى .. لأ وأكتر كتير ) .. وتعود للنهاوند مرة أخرى عند ( والدنيا مفتوحه لك .. وتتحقق أمالك ) ..

الكوبليه الثالث صورة طبق الأصل من الكوبليه الأول .. نهاوند ..

الكوبليه الأخير صورة طبق الأصل من الكوبليه الثانى .. صبا ..

يعنى بيمشى على سطر ويسيب سطر ..

سنلاحظ أن الإيقاع يتغير مع الصبا .. فيصبح ( مقسوم ) ..

ويعود مرة أخرى للإيقاع الغربى مع النهاوند .. أصول الشغل كده ..

الملاحظ هنا أن بليغ قام بتلحين أغنيتان فى أغنية واحدة .. أغنية غربية من من سلم المينور وإيقاع السلو .. وأغنية أخرى شرقية من مقام الصبا وإيقاع المقسوم .. ولم نشعر بأى مشكلة ..

لن نجد فى العمل ماتعودنا أن نجده فى ألحان بليغ .. لن نجد التلاعب بالمقامات أو الإيقاعات المركبة .. أو غير ذلك ..

والسبب واضح .. لأن بليغ قام بتلحين أغانى مسلسل ( أوراق الورد ) بالكامل .. ومن غير المعقول أن تكون كل الأغنيات متفردة .. لابد من وجود بعض الأغانى عادية ..

وهناك سبب أخر هام .. الأغنية والمسلسل كله .. موجه للأطفال .. فالتعقيد إذن غير مطلوب ..

أرجو أن أكون وُفقت فى هذا التحليل المتواضع .