تسجيل الدخول

مشاهدة النسخة كاملة : تمارين عملية لقراءة النوتة

الصفحات : 1 [2]
Hisham Khala
29/04/2017, 22h34
Key Signature
Armatura
دليل السلم الموسيقي



تحياتي إلي أساتذتي و زملائي و أعضاء و متصفحي منتدي سماعي
أردت اليوم كتابة موضوع في الهارموني ألا و هو Modulation
و ترجمته تعديل مسار سلم موسيقي إلي سلم آخر عن طريق إستخدام تآلف مشترك ثم يتبعه تآلفات السلم الجديد
و بالتالي يتم تغيير نغمة أساس السلم إلي نغمة أساس السلم الجديد
مثلاً التحول من سلم دو ماجير إلي سلم ري ماجير هناك تآلفان مشتركان بينهما هما:
تآلف مي الصغير و تآلف صول الكبير - E minor & G Major
حيث تآلف مي الصغير (مي - صول - سي) يمثل التآلف الثالث لسلم دو الكبير و التآلف الثاني لسلم ري الكبير
و تآلف صول الكبير (صول - سي - ري) يمثل التآلف الخامس لسلم دو الكبير و التالف الرابع لسلم ري الكبير
و مما سبق يكون من الممكن إستخدام أحد التآلفان السابقان كمحور إرتكاز Pivot للإنتقال من سلم دو الكبير إلي ري الصغير.
و لذا وجدت أنه من الأفضل التمهيد لهذا الموضوع بموضوعين
الأول: دليل السلم (الأرماتورا) Key Signature
الثاني: السلالم المجاورة Relative Scales

و سوف نتابع حالا في المقالة القادمة
Hisham Khala
29/04/2017, 23h32
Key Signature
Armatura
دليل السلم الموسيقي



النوتة المرفقة توضح دليل السلالم المختلفة
فلو بدأنا من سلم دو ماجير لا يوجد به أي علامات تحويل و السلم الصغير المنتسب له هو لا الصغير
ثم نعد خامسة تامة صاعدة فيكون السلم التالي:
صول ماجير و السلم الصغير المنتسب له هو مي مانيير و عدد علامات التحويل واحدة أمام نغمة فا #
ثم نعد خامسة تامة صاعدة فيكون السلم التالي:
ري ماجير و السلم الصغير المنتسب هو مي مانيير و عدد علامات التحويل ٢ # أمام فا # & دو#
و هكذا حتي نصل إلي دو# ماجير و السلم الصغير المنتسب هو لا# مانيير و عدد علامات التحويل ٧ دييز.


و لتكملة السلام يمكن أن نعد خامسة تامة هابطة بدءاً من نغمة دو فيكون:
سلم فا ماجير و السلم المنتسب الصغير هو ري صغير و عدد التحويلات نغمة واحدة بيمول أمام نغمة سي
ثم نعد خامسة تامة هابطة فيكون السلم هو:
سي بيمول ماجير (مقام العجم) و السلم الصغير المنتسب هو صول مانيير و عدد علامات التحويل ٢ بيمول أمام سي و مي
و هكذا حتي نصل إلي دو بيمول ماجير و السلم المنتسب الصغير هو لا بيمول مانيير و عدد علامات التحويل ٧ بيمول
سامى امين
04/05/2017, 21h23
دروسك مهمة جدا يا دكتور هشام الصراحة بنستفاد جدا منها:
Samias
08/06/2017, 04h01
شكرا على هي الدروس القيمة
الرجاء رفع المزيد لو توفرت
الشكر والعرفان للاستاذ هشام
Hisham Khala
11/06/2017, 11h10
دروسك مهمة جدا يا دكتور هشام الصراحة بنستفاد جدا منها:


أشكرك جدا يا أستاذ سامى
و عن قريب نستكمل الموضوع
qusay.qq
17/06/2017, 23h09
أشكرك جدا يا أستاذ سامى
و عن قريب نستكمل الموضوع



ألف شكر لك دكتور هشام خلف على هذه المواضيع الغنية جدا , وشكرا لجهودك المبذولة - مع فائق إحترامي
علي محسن 76
24/07/2017, 20h51
شكرا كبيرة اخي دكتور هشام..
كنت بامس الحاجة الى تماريس على البيانو من اجل طفلتي التي تتعلم العزف على البيانو وقراءة النوتة.
الف شكر وامتنان لك وعبر للموقع الرائع.
Hisham Khala
25/11/2017, 23h26
شكرا كبيرة اخي دكتور هشام..
كنت بامس الحاجة الى تماريس على البيانو من اجل طفلتي التي تتعلم العزف على البيانو وقراءة النوتة.
الف شكر وامتنان لك وعبر للموقع الرائع.

خالص تحياتي و تقديري
Hisham Khala
25/11/2017, 23h32
بعث لي الصديق خالد اسامه رسالة علي بريدي الخاص يسأل عن كيفية استخدام برنامج إنكور لعزف أرباع التون و لقد كتبت له الاجابة تفصيلا و لكني أكتشفت أنه يمنع قبول الرسائل الخاصة و ضاع ما كتبته ...
صديقي العزيز لماذا أرسلت سؤالك علي البريد الخاص و انت تمنع تلقي الردود
Hisham Khala
27/11/2017, 06h36
السلالم المنتسبة
السلالم المجاورة
Relative Scales


بعد معرفتنا بدليل كل السلم ممكن آن تنعرف علي السلالم المجاورة (المنتسبة)
مثلاً سلم دو الكبير (ليس هناك علامات تحويل في دليل هذا السلم)
و في سلم لا الصغير ليس هناك علامات تحويل أيضاً فهو السلم المنتسب لسلم دو ماجير.
لو أضفنا علامة تحويل واحدة علي دليل المقام السابق كما وضحنا سابقا في موضوع دليل المقام (الأرماتورا):
1) فجعلنا في دليل السلم علامة واحدة بيمول ( أول علامة بيمول تكون للنغمة سي بيمول) فسيكون هذا السلم هو فا ماجير. أو السلم الصغير المنتسب له و هو ري الصغير
2) لو جعلنا في دليل السلم علامة واحدة دييز # ( أول علامة # تكون للنغمة فا #) فسيكون هذا السلم هو صول ماجير. أو السلم الصغير المنتسب له و هو مي مانيير.

أما السلالم الموازية Parellel Scales فهي سلالم صغيرة تشترك في نغمة الأساس للسلم الكبير.
فالسلم الصغير الموازي لسلم دو الكبير هو دو الصغير فهما يشتركان في نغمة الأساس (نغمة دو) و يختلفان تماماً في دليل السلم حيث سلم دو الكبير بدون علامات تحويل و سلم دو الصغير له 3 علامات بيمول.
و مما سبق تكون السلالم المجاورة لسلم دو الكبير هي:
1) سلم لا الصغير
2) سلم فا الكبير 3) سلم ري الصغير
4) سلم صول الكبير 5) سلم مي الصغير
6) السلم الموازي لسلم دو الكبير و هو سلم دو الصغير

كيفية معرفة السلالم المجاورة لأي سلم:
1) السلم الصغير المنتسب له (له نفس علامات التحويل في دليل السلم).
2) السلم الصغير الموازي (يشتركان في نغمة الأساس).
3) إزالة علامة تحويل واحدة من دليل السلم ==> تحديد اسم السلم الكبير و سلمه الصغير المنتسب له بعد إزالة علامة التحويل.
4) إضافة علامة تحويل واحدة من دليل السلم ==> تحديد اسم السلم الكبير و سلمه الصغير المنتسب له بعد إضافة علامة التحويل الجديدة.

تطبيق
ما هي السلالم المجاورة لسلم لا ماجير؟
لا ماجير له 3 علامات تحويل # (فا# - دو# - صول#)
1) السلم الصغير المنتسب هو فا# مانيير (نفس علامات التحويل)
2) السلم الصغير الموازي هو لا مانيير (بدون علامات تحويل)
3) إزالة علامة التحويل الاخيرة (صول#) فتكون علامات التحويل في دليل السلم الجديد ( فا# - دو#) ==> سلم ري الكبير و سلم سي الصغير.
4) إضافة علامة # فيصبح دليل السلم 4 علامات دييز (فا# - دو# - صول# - ري#) ==> سلم مي ماجير و سلم دو# مانيير.

ما هي السلالم المجاورة لسلم مي بيمول ماجير؟
مي بيمول ماجير له 3 علامات بيمول (سي بيمول - مي بيمول - لا بيمول)
1) السلم الصغير المنتسب له هو دو الصغير (له نفس علامات التحويل).
2) السلم الصغير الموازي هو مي بيمول صغير 6 علامات بيمول (سي - مي - لا - ري - صول - دو بيمولات)
3) إزالة علامة التحويل الاخيرة (لا بيمول) فيصبح دليل السلم ( سي بيمول - مي بيمول) ==> سلم سي بيمول ماجير و السلم الصغير المنتسب صول مانيير.
4) إضافة علامة بيمول ( سي - مي - لا - ري بيمولات) ==> لا بيمول ماجير و السلم الصغير المنتسب فا مانيير.

كيفية معرفة السلم الصغير المنتسب للسلم الكبير:
نغمة الاساس للسلم الكبير ثم الهبوط بمسافة 3 صغيرة (واحد و نصف تون)
مثال دو ماجير ==> هبوط 3 صغيرة ==> لا مانيير
مثال مي بيمول ماجير ==> هبوط 3 صغيرة ==> دو مانيير

أسئلة للحل:
السلالم المجاورة لكل من:
صول ماجير
صول الصغير (فكر و ستصل للحل)
سامى امين
27/11/2017, 21h23
قولنا يا دكتور الربع سيكاة فى انكور يا ريت دا مهم قوى انا شفت درس حضرتك على اليوتيوب عاوزين كثير من الدروس دى ربنا يخليك لنا يا دكتور هشام
سامى امين
27/11/2017, 21h39
موضوع عاوز تركيز عالى قوى يا ريت يا دكتور الشرح يكون فى ملف عشان محتاج مذاكرة جامدة قوى متشكر قوى
Hisham Khala
28/11/2017, 00h08
قولنا يا دكتور الربع سيكاة فى انكور يا ريت دا مهم قوى انا شفت درس حضرتك على اليوتيوب عاوزين كثير من الدروس دى ربنا يخليك لنا يا دكتور هشام


أرباع التون في الانكور و برنامج فينالي 2007 ممكن عملهم باستخدام برنامج فينا اللي بيشتغل علي Windows XP فقط و لا يعمل الاصدارات اللي بعد كده و لكن انا ممكن أعطيك البنك علي الجاهز مع صفحة الشفرة بس كما وضحت أنه مش ها يشتغل علي برامج فينالي بعد 2007 و مش عارف الانكور هل نزل إصدارات جديدة أم لا؟
و طالما معاك البنك و مش ها تستخدم برنامج فينا يبقي مش مهم الويندز XP .. مجرد ها تستبدل البنك اللي في برنامج انكور او فينالي 2007 بالبنك اللي ها أعطيه لك و معاك الخريطة
بس الطريقة دي لم أعد أستخدمها لأنني استخدم فينالي 2014 و ما ينفعش معاها. و بأستخدم طريقة أفضل بكثير بس يجب يكون عندك برنامج ديجيتال اوديو ورك استاشن DAW و يكون عندك برنامج الكونتاكت و بعض البنوك VSTi اللي ممكن تشتغل علي الكونتاكت ....و الطريقة هي:
1) أكتب النوتة عادي جدا لأي لحن بدون أرباع تون مثلا لحن علي مقام الرست مفروض فيه نغمتي سي و مي مخفوضة ربع تون و لكن سوف أكتبهم بدون علامات تحويل نهائي كأنه دو ماجير.
2) أحفظ الملف في صورة ميدي midi file
3) أدخل الملف علي إحدي برامج DAW مثل سامبليتيود - سيكويا - سونار - ابليتون - بروتولوز .... أو جراج باند او لوجك برو (ماك)
4) سوف يتحول الملف الميدي إلي تراكات
5) التراك اللي فيه الالة اللي انت عاوزها تعزف الربع تون استخدم استعمال VSTi لعزفها و استخدم برنامج الكونتاكت لفتح الالة و هنا لديك احتمالين:
الاول: أن الالة تحتوي علي ارباع تون جاهزة .. فما عليك الا ان تضع علامة علي النغمة التي تريد عزفها ربع تون.
الثاني: الالة لا تحتوي علي ارباع تون جاهزة ==> أضغط علي علامة المفتاح الانجليزي أعلي اليسار
6) ستظهر لك نافذة جديدة .. أضغط علي Script editor أعلي اليمين
7) أضغط علي Preset ==> tuning ==> micro tuning
ستظهر لك نافذة جديدة مكتوب عليها اسماء النغمات C D E F G A B
8) اضغط علي edit ==> clear سيظهر لك خط افقي
9) اسحب عند نغمة مي ثم سي بالماوس من مستوي الخط لأسفل .. اذا تم السب لاسفل كاملا فلقد اخفضت النغمة 50 سنت = ربع تون
10) اردت رفع نغمة فا ربع تون اسحب من مستوي الخط لاعلي عند نغمة فا و هكذا
11) يمكنك حفظ التغييرات.
انظر الصور المرفقة
Hisham Khala
28/11/2017, 00h33
تكملة
أضيف صورة للجراج باند و من خلاله تم فتح برنامج كونتاكت لتخصيص عزف الناي الشرقي للتراك رقم 2 و الناي تم تعيين نغمة فا زائدة ربع تون و نغمة سي مخفوضة ربع تون و في هذا الناي لا حاجة لنا للدخول علي settings لان الالة مجهزة لعزف ارباع التون مباشرة بدون وجع قلب.
391175
سامى امين
28/11/2017, 02h05
:emrose: الصراحة دى هندسة صوتية جامدة جدا الموسيقى اسهل بكثير:emrose:ربنا يخليك يا دكتور هشام متشكر جدا:emrose:
سامى امين
28/11/2017, 02h19
السلام المجاورة لصول ماجير
1- صول منيور الموازى
2- مى منيور المنتسب
3- دو ماجير === لا منيور
4- رى ماجير == سى منيور
السلم المجاور لسلم صول الصغير هو سلم سى بيمول الكبير:emrose:
هى السلالم دى ها تفيدنا فى الهارمونى يا دكتور هشام:emrose:
namnab
28/11/2017, 02h54
شكرا للدكتور هشام على موضوعاته المتميزة
Hisham Khala
28/11/2017, 10h32
السلام المجاورة لصول ماجير
1- صول منيور الموازى
2- مى منيور المنتسب
3- دو ماجير === لا منيور
4- رى ماجير == سى منيور
السلم المجاور لسلم صول الصغير هو سلم سى بيمول الكبير:emrose:
هى السلالم دى ها تفيدنا فى الهارمونى يا دكتور هشام:emrose:


أجابة صحيحة
طبعا ها تفيد فى الهارموني في موضوع ال Modulation
و أنا بأحضر له من مدة ها أتكلم في حاجة اسمها الطبع Mode الأول ثم ندخل في موضوع التحويل من سلم إلى آخر هرمونياً.
و أرغب في الحديث عن Augmented 6th Chord و هذا التآلف يمكن استخدامه فى هرمنة مقام النوآثر و بعض المقامات الأخرى مثل الآثر كورد التي تحتوى على بعد رابع زائد و مسافة سادسة صغيرة بينها و بين نغمة الأساس.
و بإذن الله أرفع فيديو كليب عن هذا الموضوع.
Hisham Khala
28/11/2017, 10h36
شكرا للدكتور هشام على موضوعاته المتميزة


خالص تحياتي و تقديري للأستاذ namnab و أفضل التعامل مع الأسماء الحقيقة حتي يكون هناك تواصل و معرفة
سامى امين
28/11/2017, 18h12
:emrose:شوقتنا يا دكتور هشام :emrose:
Hisham Khala
29/11/2017, 04h32
:emrose:شوقتنا يا دكتور هشام :emrose:


ستجد ما طلبته على الرابط:
http://www.sama3y.net/forum/showthread.php?p=731746#post731746
سامى امين
29/11/2017, 07h47
:emrose:هو الجاز لة سلالم يا دكتور هشام يا ريت حضرتك تشرحة :emrose: الف شكر:emrose:
Hisham Khala
30/11/2017, 08h18
:emrose:هو الجاز لة سلالم يا دكتور هشام يا ريت حضرتك تشرحة :emrose: الف شكر:emrose:



الصبر يا صديقي
فيه سلالم كثيرة و ها نسميها طبع Mode
و الجاز له سلالم منها Bebop Major & Bebop minor
و فيه سلم البلوز
السلالم و modes عددهم آكثر من 20
و أنا ها أتكلم عن بعضها المرة القادمة.
و المؤلفين الموسيقيين مثل ريمسكي كورسكوف و موريس رافائيل و ديبوسي و غيرهم أستخدموا هذه السلالم :crazy:
سامى امين
01/12/2017, 12h21
:emrose::emrose::emrose:
Hisham Khala
23/02/2018, 06h11
موضوع هام
عن التتابع اللحني Sequence
و التقليد Imitation


و هو يجمع بين نظريات الموسيقى و الهارموني و التأليف الموسيقى

ستجدونه على هذا الرابط

http://www.sama3y.net/forum/showthread.php?p=735180#post735180
Hisham Khala
03/11/2018, 14h12
نوتة فانتازيا أوبرا عايدة للبيانو


سوف أقوم بإذن الله بتحليل النوتة هارمونيا فى صفحة دروس فى الهارموني فى باب قواعد الموسيقى
و سوف أرفع ملف صوتي لاحقا.
سامى امين
04/11/2018, 20h07
:emrose:الجاز يا دكتور هشام دا مهم خالص:emrose::emrose:
Hisham Khala
05/11/2018, 01h56
:emrose:الجاز يا دكتور هشام دا مهم خالص:[SIZE="5"][/SIZE

ممنوع إستخدام منتجات البترول من جاز و بنزين و سولار. :mdr::mdr::mdr:
Hisham Khala
05/11/2018, 02h18
ملف صوتي ل فانتازيا أوبرا عايدة
سامى امين
05/11/2018, 21h34
:emrose:تقريبا مافيش حاجة اسمها دو ماجير جاز او سلم الجاز الكبير او الصغير لو انا صح تقريبا انا صح مش عارف :emrose::emrose:
Hisham Khala
06/11/2018, 23h24
صح
سامى امين
07/11/2018, 01h35
:emrose::emrose::emrose:
طارق سرحان
19/11/2018, 09h22
صح ازاى يا استاذ هشام برجاء التوضيح
Hisham Khala
21/11/2018, 00h07
صح ازاى يا استاذ هشام برجاء التوضيح


فيه سلالم
Bebop Major & Bebop Minor
و فيه
7 Modes
ليس فيهم كبير و صغير يمكن مراجعتهم في قسم الهارموني النغمي فى باب قواعد الموسيقى
طارق سرحان
21/11/2018, 04h55
انا متاسف جدا لم الحظ كلمة طبيب الا الان شاكرين افضال حضرتك يا دكتور
Fras Hazmi
12/12/2018, 13h09
اهلا يا استاذ ...

في حاجة بملفات الmp3 ?!
ما ترضي تنفتح ..
Hisham Khala
28/12/2018, 02h14
اهلا يا استاذ ...

في حاجة بملفات الmp3 ?!
ما ترضي تنفتح ..

أي الملفات التي لم تفتح معك؟
برجاء التحديد
Ahmed M A M
01/01/2019, 08h50
شكرا لكم على هذا الموضوع المتميز والمعلومات الغزيرة المفيده ولكم كل التحية والتقدير
Hisham Khala
21/01/2019, 08h13
شكرا لكم على هذا الموضوع المتميز والمعلومات الغزيرة المفيده ولكم كل التحية والتقدير


مرحبا بك يا أ. أحمد ... خالص تقديري و احترامي.
Hisham Khala
05/02/2019, 14h35
نوتة رقصة البجع الصغير

من باليه بحيرة البجع
من مؤلفات تشيكوفسكي

النوتة مبسطة مع تحديد أرقام الأصباع لتسهيل العزف

الميلودي بادئ متأخر نصف زمن (كروش)

إذا أحتجتم ملف صوتي ممكن أبقى أرفعه بعد ذلك حسب رغباتكم.
Hisham Khala
21/11/2024, 08h55
أخوتي و أصدقائي و زملائي
أقدم لكم كتاب عن عناصر النوتة الموسيقية
قمت بأعداده على برنامج البوربوينت Power point
أتعشم أن يكون مفيداً
حجم الكتاب كبير و يمكن تنزيله من
الرابط:
https://www.mediafire.com/file/2nir3ahidjs17n9/%25D8%25B9%25D9%2586%25D8%25A7%25D8%25B5%25D8%25B1 _%25D8%25A7%25D9%2584%25D9%2586%25D9%2588%25D8%25A A%25D8%25A9_%25D8%25A7%25D9%2584%25D9%2585%25D9%25 88%25D8%25B3%25D9%258A%25D9%2582%25D9%258A%25D8%25 A9.pptx/file