ساعات ساعات

[هاله]

السلام عليكم ورحمه الله
عاوزه اسمعكم اغنيه بحبها جدا
وبتبقى معايا فى اوقات كتير جدا سواء فرح او غيره
بس للاسف معنديش معلومات عن كاتبها او ملحنها حاليا
الاغنيه هى
ساعات ساعات
ساعات ......... ساعات
أحب عمرى وأعشق الحاجات
ساعات ......... ساعات

أحس قد أيه وحيده
وقد أيه الكلمه فى لسانى
مش جديده
وقد أيه منش سعيده وأن النجوم ...
النجوم بعيده
ساعات.......... ساعات

تقيله خطوه الزمن
تقيله ضحكه الساعات

ساعات

أضحك والعب زى عصفوره ربيع
زى النسيم
زى النسيم ما يعدى وبلحظه يضيع
اضيع
أفرح قوى وأضحك قوى
وأحب عمرى وأعشق اليوم اللى فات
ساعات

ساعات ..........ساعات
غريبه .... وغريبه

نفس اللى بيفرحنى
ما يفرحنى
غريبه
نفسى اللى بيرحنى
ما يرحنى

وأحس أن عمرى فات
من غير ما أحب عمرى
وأعشق الحاجات

كده ساعات وكده ساعات

ساعــــــــــــــــات
وده الرابط بتاعها
http://www.sama3y.net/forum/attachment.php?attachmentid=11795&d=1151529905

[غازي الضبع]

آه يا لولي
ومن أغانيكي الجميلة
هذه الأغنية باحبها بشكل
وكنت طلبت من أحد أصدقائي المقربين جدا أن يطلبها هنا في دعوة موسيقية على أغنية من فترة طويلة ..
لكن ماحصلش نصيب ..
الأغنية بديعة جدا
عن نفسي لها معي ذكريات لطيفة
آداء صباح فيها يملؤه الإحساس والتأثر بالكلمات
اللحن غاية في الجمال
أنا أيضا لا أعلم من هو ملحنها
لكنه منسجم جدا ومعبر عن الكلمات
فلحظات الحرقة تجد اللحن يحترق
ولحظات التذكر تجد اللحن فيها وأكنه يعبّر عن الماضي
ويتمايل اللحن تبعا للكمات .. ( أضحك وألعب زي عصفورة ربيع .. )
وهكذا ..
إني اشتاق حاليا لثلاثة أشياء ..
أولا .. تحكي لنا ذكرياتك معها
ثانيا .. يشرحها ويحللها نصيا لنا أحد السادة الكرام
ثالثا .. يحللها لنا موسيقيا عمنا الأستاذ الآلاتي

خالص تحياتي واحترامي

[أحمد شوبكى]

آه يا لولي
ومن أغانيكي الجميلة
هذه الأغنية باحبها بشكل
وكنت طلبت من أحد أصدقائي المقربين جدا أن يطلبها هنا في دعوة موسيقية على أغنية من فترة طويلة ..
لكن ماحصلش نصيب ..
الأغنية بديعة جدا
عن نفسي لها معي ذكريات لطيفة
آداء صباح فيها يملؤه الإحساس والتأثر بالكلمات
اللحن غاية في الجمال
أنا أيضا لا أعلم من هو ملحنها
لكنه منسجم جدا ومعبر عن الكلمات
فلحظات الحرقة تجد اللحن يحترق
ولحظات التذكر تجد اللحن فيها وأكنه يعبّر عن الماضي
ويتمايل اللحن تبعا للكمات .. ( أضحك وألعب زي عصفورة ربيع .. )
وهكذا ..
إني اشتاق حاليا لثلاثة أشياء ..
أولا .. تحكي لنا ذكرياتك معها
ثانيا .. يشرحها ويحللها نصيا لنا أحد السادة الكرام
ثالثا .. يحللها لنا موسيقيا عمنا الأستاذ الآلاتي

خالص تحياتي واحترامي

يا عينى عليك يا عم غازى ،،، أفكارك نيرة والله هتخلينا نهضم الأغنية لما نحللها نصيا وبعدين موسيقيا ،،، تسلم والله يا غازى

يا سلام على الإختيارات بتاعك يا أخت لولى ،،، حاجة يعنى باسم الله ما شاء الله ،،، الأول مع نجاة وبعدين ( لما أنت ناوى تغيب ) وبعدين ( ساعات ساعات ) واضح إن ذوقك عالى ، وبصراحة إختيارتك كلها موفقة وميختلفشى عليها اتنين ، وأنا شخصيا من المعجبين جدا بالصبوحة ،،، عشان كدة أشكرك على إختيار الأغنية دى.

وبيتهيألى كدة يا جماعة من اللحن وطريقة توزيعه إنه من ألحان هانى شنودة ،،،، والله أعلم

[الألآتى]

جمال سلامة ..

عايزين المؤلف كمان ... طيب

عبد الرحمن الأبنودى ..

[الألآتى]

ساعات ساعات

الكلام فى الأغنية دى كتير قوى .. خارج الكلمات واللحن ..

كلنا عارفين طبعاً .. إن هذه الأغنية جاءت فى سياق فيلم ( ليلة بكى فيها القمر ) .. بطولة صباح ( قاهرة الزمن ) وحسين فهمى ..

بصراحة ياجماعة .. مش قادر أستوعب إن حسين فهمى الذى قام بدور العاشق لهويدا ( بنت صباح ) فى فيلم ( نار الشوق ) .. هو نفسه الذى قام بدور العاشق لصباح نفسها فى هذا الفيلم .. برغم مرور السنوات الطويلة بين الفيلمين ..

هل هذه صباح .. الحلوة الجميلة فى فيلم ( شارع الحب ) وفيلم ( الرجل الثانى ) وفيلم ( الحب كده ) ... ألخ

فى فيلمنا هذا .. ظهرت صباح العجوز المتصابية .. لا حظوا معى ياجماعة .. أثناء غناء صباح لهذه الأغنية فى الفيلم .. لا حظوا أنها ترتدى مايوه بكينى صغير جداً .. تحت ملابسها الشفافة .. لونه أبيض .. إللى ماخدش باله .. ياخد ..

بعد هذه المقدمة .. نأتى للأغنية نفسها ..

عبد الرحمن الأبنودى لا غبار عليه ( عموماً ) .. وأترك تحليل الكلمات لم هم أقدر منى فى هذا الشأن ..

اللحن : اللحن لجمال سلامة ..

جمال سلامة ياجماعة .. هو شقيق ( فاروق سلامة ) عازف الأكورديون الشهير ..

وأول معرفتى به .. عندما عاد من الخارج يحمل درجة الدكتوراه .. مش عارف جابها منين ..

وأول لحن قام به بعد عودته .. كان لحن ( ياللى من البحيرة وياللى من الصعيد ) لشادية ..

أيامها ثارت الزوابع والأعاصير .. بسبب إتهام المنولوجست ( عمر الجيزاوى ) .. أن جمال سلامة قام بسرقة لحنه ( ياللى من البحيرة وياللى من بورسعيد ) .. وكانت هناك دعوى قضائية فى المحاكم .. وأسفرت عن الحكم بتقسيم حق الأداء العلنى بين جمال سلامة وعمر الجيزاوى .. وهذا يعنى بصريح العبارة .. أن جمال سلامة سرق بالفعل لحن عمر الجيزاوى ..

من يومها وأنا لا أحترم أى أعمال لجمال سلامة .. هى كده .. حالة نفسية ..

نأتى الأن للحن ..

جمال سلامة عازف بيانو .. وطبعاً أورج ..

لذا سنجد أن معظم أعماله .. تحتوى على هاتين الآلتين ..

لحن ساعات ساعات .. من مقام الكرد .. ولا شئ غير الكرد .. مع تغير الجمل اللحنية .. بإستثناء لحظات قصيرة جداً ..

لجأ فيها الملحن لمقام الحجاز وبالتحديد عند ( غريبه .. نفس إللى بيفرحنى .. مابيفرحنى ) ويعود سريعاً للكرد عند ( نفس إللى بيريحنى مايريحنى ) .. وكأنه خشى أن يصاب بالبرد خارج الكرد ..

ولحظة صغيرة أيضاً عندما قام بزيارة مقام ( الصبا زمزمة ) مجرد زيارة .. عند ( غريبة .. غريبة .. لعبة الساعات ) .. وبالتحديد فى نهاية الشطرة ..

وعدا ذلك .. الأغنية كلها من مقام الكرد ..

لجأ جمال سلامة إلى التوزيع والجمل العالية ( جواب ) لسد هذه الثغرة فى اللحن ..

المشكلة .. أن جمال سلامة .. لم يراعى سن صباح فى هذه الفترة .. وأعطاها لحناً سوبرانو .. أى مرتفع النغمات جداً .. ونلاحظ هذا فى أداءها لكلمة ساعات .. فهى تبذل مجهود غير طبيعى لتستطيع أداءها ..

لا نستطيع إنكار أن الجمل اللحنية متعددة وثرية .. برغم توحيد المقام .. وهذا ماأدى لإعجاب الكثيرين بالأغنية .. ولكن الموسيقيين أمثالى .. يأخذون العمل من كافة جوانبه .. ليس مجرد جملة لحنية جميلة وكفى ..

لذا ألتمس العذر منكم .. إذا كان تحليلى هذا يعتبر صدمة عاطفية لكم ..

[هاله]

آه يا لولي
إني اشتاق حاليا لثلاثة أشياء ..
أولا .. تحكي لنا ذكرياتك معها
ثانيا .. يشرحها ويحللها نصيا لنا أحد السادة الكرام
ثالثا .. يحللها لنا موسيقيا عمنا الأستاذ الآلاتي

خالص تحياتي واحترامي

اشكرك ياغازى
على كلامك
بالنسبه للحاجات اللى اشتاقتلها فاستاذنا محمد الالاتى حققلك اتنين
اما ذكريات
انا بس بحب الاغنيه لانها زى ماتقول بتعبر عنى فى اوقات معينه وخصوصا المقطع ده

أحس قد أيه وحيده
وقد أيه الكلمه فى لسانى
مش جديده
وقد أيه منش سعيده وأن النجوم ...
النجوم بعيده
ساعات.......... ساعات

تقيله خطوه الزمن
تقيله ضحكه الساعات
يمكن بسمعها علشان المقطع ده بالذات