مقاطع ابداعية

[حسن كشك]

مواطنى واعضاء
دولة سماعى
نستمع الى الاغانى والموسيقى العربية
وهناك مقاطع سواء فى الاغنية او الموسيقى - نشعر بابداع فى ادائها -
وتشجينا ونقول من قلوبنا ( الله ) على الجمال والابداع
هنا سنورد تلك المقاطع حتى نلفت لها اسماع من لم يسمعها او من مرت
عليه مرور الكرام - منها نشر الابداع وايضا تعليم المستمع كيف يسمع
والمجال مفتوح امام الجميع - ان يورد هنا المقطع الذى اعجبه واحس بابدعه
حتى نتشارك هذا الجمال والابداع
وانا ابدأ
فى اغنية يارب سبح بحمدك - نور الهدى - محمد الكحلاوى
تعالوا نستمع الى المقطع
( يارب سبح بحمدك كل شئ حي .... لما تجليت واجريت الهوا والمى )
كم كانت نور الهدى مبدعه ويالروعتها فى التحكم فى امكانيات صوتها تلك الهبه الربانيه لها
وقد نقلت لكم هذا المقطع ثلاث مرات فى كل ملف - وليس المقطع مكرر اطلاقا
ولكنها غنته ثلاث مرات
وسأنقل لكم هذا المقطع مره من تسجيل استديو - ومره من حفل عام
والعجيب والمدهش انها فى الحفل العام ابدعت اكثر من تسجيل الاستديو - تفاعل مع الجمهور - عكس ما يحدث هذه الايام
ونسمع صوت المطرب فى تسجيل الاستديو رائع حيث الامكانيات الصوتيه التى تستر عيوب صوته وينفضح فى الحفلات العامه ويكاد لايسمع له صوت وتضيع منه كل الامكانيات التى وهبها له الاستديو
لكنها نور الهدى الفنانه القديره ذات الامكانيات الصوتيه الرهيبه
اسمعوا

[هاله]

كعادتك دائما يااخى العزيز
موضوع متميز وجميل فعلا
لكن انا عندى استفسار صغير
يعنى انا مثلا لا اعرف كيفيه تقطيع الاغانى الى مقاطع معينه
فهل يمكن كتابه الكوبليه الذى ارى فيه جمال او رقى فى الاداء؟
يعنى المشارطه بالكتابه وليس بالمقطع المراد توضيحه
ولك جزيل الشكر
:emrose::emrose::emrose:

[حسن كشك]

تعالوا بقى نسمع المطرب
كارم محمود
وهانشوف ازاى صوته بيلمع ويبرق ويخفت زى الماسه لما تتعرض للاضواء
هانسمعه فى مقطعين صغيرين عشان نحس بصوته البراق
فى مقطع من اغنية ( يامهون ) اللى غناها فى الصوره الغنائيه (سوق بلدنا )
فى بداية المقطع لما بيقول يامهون هونها دى جمايلك حمدينها كان صوته فى الاشعاع الخفيف
لكن فى المقطع الثانى وهو يقول عالشط ياعبدالله واقفه البت ماشالله كانت قمة اللمعان والبريق
اسمعوا وشوفوا الفرق فى صوت كارم الجميل الذى جمع فى نبراته خليط بين الصوت النسائى والرجالى

[حسن كشك]

كعادتك دائما يااخى العزيز
موضوع متميز وجميل فعلا
لكن انا عندى استفسار صغير
يعنى انا مثلا لا اعرف كيفيه تقطيع الاغانى الى مقاطع معينه
فهل يمكن كتابه الكوبليه الذى ارى فيه جمال او رقى فى الاداء؟
يعنى المشارطه بالكتابه وليس بالمقطع المراد توضيحه
ولك جزيل الشكر
:emrose::emrose::emrose:
الاخت الغاليه
لولو العزيزه
ممكن طبعا - ولكن ممكن يعجبك كلمه واحده قالها المطرب - رنه وتر - او نفخة ناى
فالافضل ان تكون محدده جدا وبالتالى الافضل ان تكون مرفوعه كملف صوتى صغير - وعلى كل حال انا تحت امرك حددى انت ماتريدينا نسمعه وانا سااقتطعه وارفعه لكن يجب تحديده بدقه وبالكلمه وفى اى تسجيل للاغنية او المقطوعه عشان انا ما اتوهش وارفع حاجه غير المقصوده

[نورا نجم]

انت يا اخي الفاضل غازي مشكله
بجد مشكله وذي العسل
بس فعلا في قطع من اغاني حلوه اكتر من الاغنيه
ذي مثلا اغنية للسيده الفاضله ام كلثوم وفي حته حلو اوي بتقول سنين ومرت ذي الثواني في حبك انت وان كنت اقدر احب تاني احبك انت
مقطع جميل جدا ولكنه صغير وبياثر اوي في اي حد يسمعه
وغيرها
اغنية نجاة استناني
والحته اللي بتقول فيا يا قلبي طير في الهواء واهدي حبيبي سلام اللي حرمنا ودااعه ..... ال اخر المقطع
جميل جدا وفي كمان مقطع من اغنية غريب الدار حلو اوي بيقول غريب الدار عليا جار...يعني يا اخي غازي حاول تفتكر كده كام مقطع عجبك وحتلاقي نفسك بتتعايش معاه جدا وتحلم وترجع من الاول علاشان تسمعه تاني
مثلا علي سبيل المثال
النغمات بتاعت الموبايل ما هي كلها قطع مختاره بطريقه جميله حتي تظهر جمال المقطع والتعبير عن شيء معين
قصيدة قصة الامس والحته بتاعت انا لن اعود اليك الي اخره جميله جدا واذا سمح لي الاستاذ حسن ارفع قطع صغيره انا بحبها جدا لنجاة

ما كنتش اعرف موضوع ممنوع رفع ملفات في الصالون
ولكن بجد موضوع القطع من الاغاني ده جميل وفعلا فيه قطع تستاهل انها تتسمع لوحدها كده
:emrose::emrose::emrose::emrose:

[M O H A M E D]

ولعلم حضرتك الفكره دى جت فى تفكيرى من اخر مقابله كنا فيها مع بعض وخصوصا لما اتكلم الالاتى عن القطعة الابداعية (حلاوة زمان ) وقال فيها كلام كبير وكتير وهانشرها هنا باذن الله

الله الله على عن الجزء ده بالذات
الصورة الغنائية ( سوق بلدنا ) من أحب الصور إلى قلبي
و كلها روعة لكن بمجرد ما تبدأ الكمنجات فى عزف الجملة الشهيرة ليبدأ قنديل فى غنائه
بلاقي نفسى اتنقلت لعالم تاني
بتخيل نفسي الواد الصغير اللى بيبص للحلاوة و نفسه فيها
و اسمع كده قنديل و هو بيقول ( تعالى لعمك و دوق الحلاوة .. و عيـّط لأمك علشان الحلاوة )
و الله حاجة تفتح النفس حتى لو بيبيع ايه
لو في حلواني بالصوت ده كان زمانه أغنى حلواني في بر مصر :mdr:
-
( و آن الأوان تدوق يا ولد )
الجملة دي شايفها أعمق من مجرد واحد هياكل حلاوة
لأ ده واحد أخيراً هينول كل اللي نفسه فيه بعد طول انتظار

الموضوع جميل و عندي مقاطع كتير عايز اتكلم عنها ..

و لي عودة بإذن الله

[غازي الضبع]

شوف يا عم حسن
أولا حكاية الزعل دي .. إنساها خالص
أنا شفتك وعرفتك وكلت معاك عيش ومانجة ;)
يعني لو حصل إيه إن شاء الله مافيش زعل
وأنا فعلا باشاكسك وباعكسك مش أكتر
فكرة حضرتك جميلة ، وهي غير مختلفة نهائيا عن فكرتي السابقة
الإثنان لهما نفس الهدف
وأنا فاهم قصدك كويس جدا
وبأييدك كمان
صدقني أنا كنت باهزر فقط وقلت أفكرك بكلامك بتاع زمان
طيب .. ليه أنا باقول إن الفكرتين زي بعض ؟؟؟
لإن هدفهم واحد
ولإنهم لن يضروا بشيء ..
فعندما أخذنا بعض أغاني الصور الغنائية
لم نضر الصورة الغنائية بشيء ..
لإنها زي ما هي .. موجودة كاملة متكاملة ..
وفي نفس الوقت الأغنية التي خرجت منها أيضا لها كيانها .. ولم يمسسها سوء .
ولو كان هناك تحفظ أو ضرر .. لكان وقع على كل أعمال الأخ عادل سيد في كنوز السينما
والذي قام بقص أغاني أكثر من 300 فيلم ..
وها نحن نستمتع بأغاني الأفلام سواء المصورة وغير المصورة ..
وهل في فكرتك هذه حين نقُصّ قطعة معينة من أغنية أو مقطوعة موسيقية .. أدنى ضرر على الأغنية الأصلية .. أو على المقطوعة التي قُصّت .
بالطبع لا ..
وزي ما حضرتك قلت إن فكرتك لها هدف أن تبرز للمستمعين لمحة جمالية داخل أغنية معينة سواء في الموسيقى أو في صوت المطرب ..
أيضا كانت فكرة استخراج أغاني الصور الغنائية وهدفها إبراز هذه الأغاني للمستمعين الذين لا يسمعون الصور الغنائية من الأساس ..
أو المستمع الذي لم يأخذ في باله هذه الأغنية حينما استمع للصورة ..
وحتى الأخوة السميعة التقال .. هناك العديد والعديد من الأغاني التي لم يستمعوا لها ، لإنها داخل بعض الصور الغنائية ..
فلما لا يكون لدينا نسخة من الأغنية منفصلة ، غير النسخة التي بداخل الصورة الغنائية ..
عموما ..
فكرتك جميلة يا عم حسن ..
وأنا أول ما قرأتها كنت هاشارك فيها على طول بقطعة من أغنية ..
ولكن قلت أعاكسك الأول بالكلمتين دول .. اللي أخذتهم Copy من كلامك السابق ..
**
نقطة أخيرة ..
بالنسبة لقانون عدم رفع أغاني في الصالون ..
أعتقد أن المقصود به الأغاني التي يمكن رفعها في مثبتها الأصلي ، والإكتفاء بوضع رابطها فقط هنا ..
أما في حالات معينة ..
مثل : شرح وتحليل الأغاني لعم محمد الالاتي .. والتي قد يحتاج فيها رفع قطع معينة من أغنية ما ..
وحالة مثل التي نحن فيها الآن ..
وأي شيء يستدعي رفع بعض الملفات ..
فلابد أن يكون الرفع مباح .
خالص تحياتي واحترامي ومحبتي

[غازي الضبع]

وهو فيه أحسن ولا أفضل من القطعة اللي ذكرتها أنت وأخي محمد السلاموني
***
على بركة الله
من الصورة الغنائية سوق بلدنا
حلاوة زمان
***
تعالوا نتناولها جميعا
ونشوف كده رأي الناس كلها


لتحميل الصورة الغنائية الأصلية اضغط هنا (http://www.sama3y.net/forum/showthread.php?t=806)

[حسن كشك]

تعالوا نسمع الابداع فيما قدمه غازى لنا
الملف الاول فيه صوت محمد قنديل وهو يقول
تعالى لعمك وشوف الحلاوه -- وعيط لامك عشان الحلاوه
وعكر فى دمك عشان الحلاوه -- ان الاوان ودوق ياوله
واعقبته بصوت ناى ( من نفس الصوره الغنائيه )
الكلمتين دول ولحنهم من اعذب واجمل مالحن وماغنى فى الغناء العربى
وبهم حجم من الشجن عالى جدا جدا وادرجت صوت الناى لانى اشعر ان صوت محمد قنديل يشبه صوت الناى فى
رخامته وعذوبته وحنانه ( يالكم الحنان فى صوت قنديل فى هذا المقطع )الى حد بعيد وستشعروا بذلك
والملف الثانى يغنى فيه قنديل موال قصير ويرد عليه الناى ( شوفوا التالف بين الاثنين ابدعوا الى اخر حدود الابداع بس خدوا بالكو من صوت الناى فى هذا المقطع القصير واسمعوا بيعمل ايه )وحسوا الحنان والروعه والتمكن والبساطه فى الاتنين
اما الملف الثالث
ففيه صوت الولد الذى يقول
ماليش دعوه يامه هاتيلى حلاوه
والكلام هنا ليس منى ولكنه من استاذنا المايسترو ( محمد الالاتى )
يقول ان الملحن كان يعلم ان طفل صغير لن يستطيع ان يغنى طفل هذه القطعة المليئة
بالشجن واللحنيه فاستعاض عنه بصوت بنت شابه حتى تؤديه وبطريقه معينه فيظهر
الصوت كانه لطفل صغير ( حرفيه وذكاء )
استمعوا للملفات ( بعد اذن الاداره )

[نورا نجم]

اسمحلي ارفع جزء من اغنية قصة الامس واتمني ان تعجب حضرتك

[نورا نجم]

اسمحلي يا استاذ حسن اقول تعليق انك قولت ممكن نرفع حتي ولو كانت كلمه من اغنيه وانا بحب اوي كلمه وحاده في مقطع جميل وهو ......الاه.......
اللي بتقولها ام كلثوم وهي بتتالم من شدة القيد التي ترغب في وجوده والاحتفاظ بيه
الاطلال
:emrose::emrose::emrose::emrose:

[نورا نجم]

يا ظالمين
يا هاجرين وقلبي من رضالك محروم
معليش باحب حاجات كده لام كلثوم وكانها بتقول كلام عيزه اقوله بجد وبشده بس يمكن مش عارفه اعبر عنه غير بكلمتين قالتهم ام كلثوم
:emrose::emrose::emrose::emrose:

[نورا نجم]

اول مره اغاني وادندن كده من وانا صغيره كان في مقطع جميل اوي لام كلثوم من اغنية عودت عيني ودايما كان هو ده المقطع الوحدي اللي ممكن اغنيه ويمكن ما اعرفش اغني غيره
:emrose::emrose::emrose::emrose:

[نورا نجم]

لو خطر حبك في بالي وولا زار طيفك خيالي
هجرتك
اسمع كده الكمتين دول وبعديهم كلمة تشعلل نااااااااااااااااااار حبي اه
والموسيقي
وقولي رايك يا استاذ حسن
:emrose::emrose::emrose::emrose:

[M O H A M E D]

اخى محمد السلامونى
والله انت فنان وحساس
تصدق ان نفس الكلام ده بالظبط ونفس المواضع دى وخصوصا
وان الاون ودوق ياولد
هى اللى كانت محور المناقشه بالذات لحجم الطرب والشجن اللى فيها
القلوب والافكار عند بعضها اخى محمد
وورد بخاطرى فعلا زى ماخطر ببالك ان لو فيه واحد بياع يملك هذا
الصوت وبيبع انشالله سم هانشتريه منه ونشربه كمان
تحياتى ياذا الذوق العالى الحساس بالابداع
منتظرين مشاركاتك لتعلمنا مواضع الابداع



السلام عليكم يا حسن باشا
و انا ما قلتش حاجة تستحق الكلام الحلو ده
و مين اللي يعلم مين ؟ دا انا التلميذ و انتم الأساتذة
- -
النهاردة بقى جايبلك مقطع ، يا رب يعجبكم .. و أكون عند حسن ظنكم
- -
المقطع من أغنية : شباكين ع النيل
غناء : محمد قنديل
ألحان : بليغ حمدي
للأسف دي من الأغاني القليلة اللى جمعت بينهم !
و الكلمات للشاعر عبد الحمن الأبنودي

الكلمات
يا حبيبتي يا حبيبتي
شفت فى العين الشمال .. المناجل و الغلال
يا حبيبتي يا حبيبتي
شفت في العين اليمين .. المكن و الشغالين
و المدارس و العيال .. و السفاين و القنال
شفت مكنة الطحين .. و الحصاد و الفلاحين
و المصاطب و القمر .. ع المناجر و الشجر
شباكين بيطلّـوا ع الليلة الجديدة
اللي نجمتها ما صبحتش بعيدة
شباكين ع النيل عنيكي

الكلام بسيط .. صور التقطها الشاعر بتعبر عن حلمه بالمستقبل المشرق
و لحن بليغ حمدي فى غاية الجمال
أما محمد قنديل فهو ده الطبيعى بتاعه ، مفيش كلمة بتعدي من غير ما تاخد حقها

اسمعه و هو بينوّع فى طبقات صوته و كل كلمة لها احساسها و لها طبقتها
يعنى مثلاً إزاى رفع صوته فى كلمة المدارس ..و بعدها على طول ،
خفض صوته شوية فى كلمة ( العيال ) و قالها بكل حنية كإنه بيطبطب على عيل منهم
و على العكس قال ( السفاين و القنال ) بكل شموخ
مع إنه نفس اللحن لـ ( المدراس و العيال )
و بكل جدية قال " الفلاحين " و بكل رقة " القمر " و بعاطفة عالية " يا حبيبتي "
و هكذا ..

لو مطرب صوته جميل و حاول يوصل للمستوى ده من الأداء
لازم يسجل كل كلمة لوحدها !

* ملحوظة : المقطع اللى رفعته حذفت منه صوت الكورال و التكرار

و لاستماع الأغنية كاملة اضغط على هذا الرابط
http://www.sama3y.net/forum/showpost.php?p=6794&postcount=12

و لكم تحياتي :emrose:

[M O H A M E D]

و الله انت اللي قلبك دهب يا عم حسن

و اتفضل المقطع ده للمطرب الجميل عبده السروجي

و اسمع منه أحلى طرب

في أغنية ( غنيت على عودي ) ألحان محمد الموجي

و خلى بالك من كلمة ( ساعده ) و ... ( و فرحت انا بدري )

خاصةً فى الإعادة

و لك تحياتي :emrose:

[نورا نجم]

بعيد عنك
والكلمه وهي بتقول بعييييييييييييييد عنك
لا طول بعدك يغيرني ولا الايام تبعدني بعيد....بعيد عنك
:emrose::emrose::emrose:

http://sama3ynews.ueuo.com/ (http://sama3ynews.ueuo.com/)

[نورا نجم]

غلطه ومش حتعود
ولو ان الشوق موجود وحنيني اليك موجووود
انما للصبر حدود للصبر حدود للصبر حدووود
:emrose::emrose::emrose:
http://sama3ynews.ueuo.com/ (http://sama3ynews.ueuo.com/)

[نورا نجم]

كلمة اد هواك ده كله
اداشواقي ......:emrose::emrose:

[نورا نجم]

[CENTER]اخر كلمه في المقطع وهي بتقول النوووووووم...النوم
يا مسهرني
والموسيقي بين الكلمتين؟
:emrose::emrose::emrose::emrose:
http://sama3ynews.ueuo.com/ (http://sama3ynews.ueuo.com/)

http://sama3ynews.ueuo.com (http://sama3ynews.ueuo.com)

[حسن كشك]

السلام عليكم ورحمه الله
هتعبك معايا يااستاذ حسن
لانى مش باعرف اقطع الاغانى
لكن انا عندى مقطع من دويتو انا بحبه جدا بين ليلى مراد ومحمد فوزى وهو اخر دويتو فى فيلم ورد الغرام اسمه" ياللى شغلتى القلب"
والكوبليه اللى اقصده هو الكوبيليه الوحيد اللى غنته ليلى مراد فى الدويتو ياريت حضرتك تقدر تجيبه
بالاضافه لكوبليه لمحمد فوزى فى اغنيه طير بينا ياقلبى وهو اللى بيقول فيه الورد من يوم وحدتى خاصم حبايبه كلهم سابنى لنصيبى وقسمتى ليكون نصيبى زيهم لاخر الكوبليه ده
حاضر يااستاذه لولو
بس اسمعى معانا المقطع البديع ده لاسمهان - ونشوف الاعجاز فى طبقات صوتها العليا - شوفوا بتوصل لاى مستوى
ياترى صوتها احلى ولا صوت الطيور

[حسن كشك]

اما العظيمه ام كلثوم
فاسمعوا المقطع ده من اغنية
قصة الامس
يسهر المصباح والاقداح والذكرى معى
ولماذا هذا المقطع
لان ام كلثوم تؤديه - تماما كما يجود كبار القراء القرآن الكريم
نفس الطريقة تماما - كأنى ارى ام كلثوم تلبس عمامة المقرئ
وتضع يدها على اذنها ولا تغنى ولكن تقرأ القران - مع الفارق فى الكلمات
اسمعوا - كيفية استعارة رياض السنباطى طريقة ألاداء من قرآءة القران

[غواص النغم]

استاذ حسن ممكن طلب
في صوره غنائيه بتغنيها طفله ومش عارفه اسمها
قديم ابيض واسود
واحد عن رمضان عن المسحراتي والتاني بتوزع فيه البريد تقريبا
عارفها؟؟؟؟؟؟

الطفلة هي المطربة نزهة يونس ولها صفحة خاصة بها في القسم اللبناني
وكان معها في الفيلم عملاق التمثيل زكي رستم
الموضوع اول مرة ادخله
جميل جدا شكرا لك يابوعلي
ومعقول ياراجل ماتعرفش مين غنت ياطيور دي ام كلثوم نفسها قالت ان اللحن ده لايؤديه سوى إثنين صوتي وصوت اسمهان
واكيد عاتبت القصبجي لأنه اعطى اللحن لأسمهان
بالنسبة لي انا وام كلثوم احب لها مقطع جميل لقصيدة قصة الامس موسيقاه تحفة والكلمات رائعة يأتي في نهاية الوجه الاول من الشريط وبداية الثاني
بيقول ايه..نسيت
المهم اكيد عرفتوه لأنه جميل وبيشرح القلب
في اغنية ليلي ونهاري مقطع :الحب هو الود والحنية ....من اجمل المقاطع فعلا انطرب له
وكذلك انطرب لأغنية ليلى مراد ياما ان اناجي وخاصة المقطع الاول
وفوزي لما يغني ياللي انت بعيد وخاصة كان الميعاد شهرين اثنين حلفت ترجع بعديهم ..دلوقتي فاتوا كم شهرين ..الي نهاية الكوبليه
:emrose::emrose:كتبت بسرعة :emrose::emrose:

[حسن كشك]

تعالوا نستمع الى هذا المقطع الابداعى الصوتى
للفنان محمد عبد الوهاب
فى الاغنية الشيك اوى
مشغول بغيرى
استمعوا الى عبد الوهاب فى كلمتين من الاغنية
مسكين .....ياقلبى
حيران .....فى حبى
وشوفوا نفس عبد الوهاب كان طول ايه
قال مسكين ممدوده لمدة 11 ثانيه
وقال حيران ممدوده لمدة 19 ثانية
بدون ارتعاش صوت وعلى مستوى واحد
ولا حسينا انه استلف نفس ولا اتشنجت حنجرته
دى بقى الهبات الالهيه
استمعوا وجربوا تقولوها معاه واختبروا نفسكم
ياترى هاتقدروا ؟ ......جربوا ؟
( المدخنون لا يشاركون )

[حسن كشك]

ودرس اخر من الفنان محمد عبد الوهاب
فى اغنية فلسطين
تعالوا نستمع الى الشطرات دى
اخى ايها العربى الابى ........ ارى اليوم موعدنا لا الغدا
اخى اقبل الشرق فى امة ... ....ترد الضلال وتحيى الهدى
صبرنا على غدرهم صاغرين....... وكنا لهم قدرا مرصدا
طلعنا عليهم طلوع المنون .... فصاروا هباء وصاروا سدى

كل شطر مما سبق قاله عبد الوهاب فى نفس واحد
وكل شطر كان زمنه 10 ثوانى بالظبط - رغم التكرار ورغم تلاعب عبد الوهاب
بطبقات صوته داخل المقطع واطاله كلمه وتقصير الاخرى لكنه نفس الزمن
قيسوا الزمن على صوت عبد الوهاب وليس على الايقاع - تزامن رائع منسق مبدع

وقد كررها عبد الوهاب بالظبط فى المقاطع التاليه
اخى ان جرى فى ثراها دمى .... واطبقت فوق حصاها اليدا
ففتش على مهجة حرة .... ابت ان يمر عليها العدا

وكمان فيه واحد تانى ... كان بيمارس الابداع والنفس والتزامن
انه عازف اله النفخ الخشبية ومش عاوز اقول ناى ولا كوله ولا ارغول ولا ايه عشان الناس
المتخصصين هما اللى يقولوا اسمها
كان يؤدى بنفس التناغم الرائع وبنفس الزمن
يالجمال صوت عبد الوهاب فى تلك المقاطع منتهى الاناقة - وايضا جمال صوت الناى ولا الارغول ولا الكوله دى
اله شعبية ذات صوت رائع وحزين لكن بشياكه تسمع صوتها فتتذكر على الفور النيل - يمكن عشان شربت ونمت من ميته
حاولوا تدربوا نفسكم مع عبد الوهاب ..... واملوا رئتيكم بالهواء قبل التجربه ونظموا خروج النفس - عشان يكفى الشطر

اسمعوا وتمتعوا

[د.حسن]

أخى وتوأمى الغالى الأستاذ حسن
أسمعك وأسمع الأخوة جميعاً الست لما رق الحبيب
وسهرت تستناه 9 "سهرات" مختلفة
مع تحياتى

[حسن كشك]

أخى وتوأمى الغالى الأستاذ حسن
أسمعك وأسمع الأخوة جميعاً الست لما رق الحبيب
وسهرت تستناه 9 "سهرات" مختلفة
مع تحياتى
دكتور حسن الكبير العظيم
التوام الغالى
ياسلام على الجمال - عبقرية عالية فى الاداء واحساس رائع بالكلمات - وحنجره مرنه سهلة التحكم بتقول كل حاجه وكل المقامات وطبعا يادكتور الابداع ده كان وليد اللحظه يعنى ام كلثوم عملته بدون تفكير
انت خلتنا ناخد بالنا من السهرات - ( سهرت استناه )
واكيد خدت بالك من الابداع فى - ( واشوف خياله قاعد )
وابداع اخر فى كلمة ( جنبى )
اسمع تانى وتمتع

[حسن كشك]

مع ابداعية جديدة
لكنها من نوع مختلف .... ليست الموسيقى .....لكنها الكلمات
تعالوا نقرأ ماكتبه المؤلف ( ايمن بهجت قمر ) لمقدمة مسلسل سلطان الغرام
وكيف غناها ( مدحت صالح )

مقدمه

بحر الغرام غدار وماله قرار

والحب قالوا اعمى ونعمه ونار
ولا له ميعاد يبتدى ولا له ميعاد مرواح

ولا شرط كله فرح ولاشرط كله جراح
ولا حد كان بأيديه فى يوم يختار

انا جيت لقاضى الغرام ينصفنى على شوقى
سمع كلامى ارتبك ماهو انشبك قبلى

زى القضا المستعجل الهم زاد فوقى
يظهر ياقلبى السهر كل اللى مكتوبلى

قولوله حكمه وجب تنفيذه راضى انا بيه
هايحكم عليا والا انا اللى ها احكم عليه

ولا له ميعاد يبتدى ولا له ميعاد مرواح
ولا شرط كله فرح ولاشرط كله جراح
ولا حد كان بأيديه فى يوم يختار

نهاية

قالوا الحريم اعتاب أقدام وقرفه.
ويكون فى عون اللى داب ملهش صرفه
وياحظه اللى تخلى دنيته منوره

وياعينى على هاتيجى رجله فى اللى هاتجيبه ورا
ورا كل عظيم عظيمه وكترهم اوى قلة قيمه
يجيئوا قصادهم* فى كيدهم ودمعهم حرفه

اكم رجال قد الجبال اتقلبوا هبل
انسخطوا قدام الجمال وكعوا دوبل
ونقول ايه بس دا كأنه مس
ولا عمره هايطلع ولا بالطبل

وياحظه اللى تخلى دنيته منوره
وياعينى على هاتيجى رجله فى اللى هاتجيبه ورا

كلام محترف اوى وكله حكم .... وكيف تأتى لايمن ان يجمع كل تلك الامثال والكلام الذى نسيناه .... ويجمعه بهذا الشكل الجميل الرائع الذى يخدم المسلسل تمام ويجارى احداثه بشكل دقيق جدا ..... ابداع والله
طيب حد يعرف يعنى ايه ( القضا المستعجل ) و(الحريم اقدام وقرفه ) و (اتسخطوا )و( وكعوا دوبل ) و( كأنه مس ) و(ولا عمره هايطلع ولا بالطبل - اسطورة الخفاش) كلام مصرى صميم قديم نكاد نكون نسيناه ويذكرنا به ايمن بهجت قمر - ابن الوز عوام - ورغم عدم مساواه الشطرات لبعضها ... لكن تشعر ان الشطرات موزونه جدا
وارجوا من الاخوه - سمعجى - بشير عياد - سيد ابوزهده ... يفسرولى موضوع عدم مساواه الشطرات لبعضها لكن لا تشعر بأى عدم اتزان

وزاد الابداع طريقة اداء الفنان المبدع المتمكن ( مدحت صالح ) الذى لون صوته وتلاعب بمستوياته ...بصوره رائعة .....رائعة ومن ابداعياته المتكرره فى المقدمة والنهاية ... طريقته فى اداء المقاطع( ولا له ميعاد يبتدى ) و( سمع كلامى ارتبك ) و ( يظهر ياقلبى السهر )و( ونقول ايه بس دا كأنه مس ) كان رائع ... وكان بيغنى بمزاج عالى اوى ومصنعية جباره... لا والله فنان
على الحان المبدع ياسر عبد الرحمن ( وإن كان اللحن عادى ... هذه المره )

استمعوا اليها على هذا الرابط
http://www.sama3y.net/forum/showpost.php?p=277173&postcount=91


*ملحوظة : فيه كلمه فى اول المقطع انا مش عارف اسمعها كويس ومش عارف افسرها - ياريت حد يسمعها ويقول ايه الكلمه بالظبط ... انا كتبتها زى ماسمعتها ومتأكد انى كتبتها غلط
يجيئوا قصادهم فى كيدهم ودمعهم حرفه

[بشير عياد]

باختصار شديد
أيمن بهجت قمر يتمتع بجرأة غير عادية في الإتيان بمفردات كنا نتصوّر أنها من الصعب أن تجيء في أغنية ، هو قفز في الجانب الآخر من الفراغ الذي تركه صلاح جاهين ، فقد كان العم صلاح جاهين مغامرًا وجريئًا في تعامله مع المفردات الشعبية داخل الأغنية " الشيك " ، فالجميع استعملوا المفردات الأرضية كلها في المونولوجات والفكاهيات والمسرح الساخر ، أمّا الأغنية فأكبر مغامر فيها كان صلاح جاهين ، وجاء أيمن ـ والقياس مع الفارق ، أيمن فين من صلاح جاهين ، ولكنه على الطريق ـ ليضحّي بالوزن من أجل الموضوع ، فتلاحظ أن هناك شطرات موزونة ( تتأرجح بين الكامل والرّجز والبسيط ) ، وشطرات أخرى كلام مرصوص يشبه بعضه من الآخر ، ولكن الملحن ، بقدرة عجيبة ، يملأ فراغات الموسيقى الشعرية بذكاء ، ويجعلنا لا نشعر بكسور الوزن أو خروج النص عن البحر الشعري إلى بحر آخر أو إلى الكلام العادي .
أيمن موهوب ، وفهم اللعبة " صح " ولولا بعض سقطات تنتاب كتاباته لصعد أكثر ، وقد تحدّثت عنه في برنامج تليفزيوني وقلت إنه لا يشبه أحدًا ، ويملك جرأة صلاح جاهين ( لكنه لا يملك عمق أفكاره وثقافته ، بحكم حداثة تجربته ، ولكونه دخل المجال بالصدفة ، يعني " كان بيشخبط ويهزّر فقلبت بجد " ) ، ويكفينا من أيمن ـ فوق ما يقدّم من إمتاع ـ أنه أراحنا من أسماء نصّابين كبار يكتبون مقدّمات المسلسلات بنظام " المقاولة " حتى أوشكنا أن نفقد الأمل ، فجاء أيمن لـ " يربّيهم " ويربك حساباتاهم ويثير أحقادهم التي لم تنضب طوال نصف قرن من الزمان !!!

[abuzahda]

وارجوا من الاخوه - سمعجى - بشير عياد - سيد ابوزهده ... يفسرولى موضوع عدم مساواه الشطرات لبعضها لكن لا تشعر بأى عدم اتزان


عمي حسن
هتبطّل تورطني ، إمتى ؟
قُلت : الأستاذ بشير عيَّاد
خلاص ، عايز إيه تاني ؟
:emrose:
الحمد لله إنه وصل قبلي
:emrose:
شوف يا عمي حسن
كان عندنا في مصر، لاعب كرة شراب مُعْجِز ، إسمه سعيد الحافي . عجزت أكبر النوادي المصرية في إقناعه بلبس حذاء.
لكنه كان يصر على "موقفه" من الحذاء ، فلا ينضم إلى فريق النادي لكرة القدم.
ليعود إلينا فنرى سحره العجيب بالكرة الشراب.
و الآن ، كثيرٌ من نجوم الكرة العظام نسيناهم.
لكن سعيد الحافي ، رافقه عادل إمام أسبوعاً قبل تجسيده في فلم يحكي قصة حياته "الحريف".
:emrose:
فبحور الشعر هي "حذاء" الشاعر ، لا "حِداءه". الحذاء يطفي على خطواته الوقار و يقيه من العثرات ، كما "المقامات في الموسيقى".
هل علمت يوماً أن سيدنا الشيخ مصطفى إسماعيل ، قد درس علم النغم -سماعي ؟

هل "الموسيقى" لم تكن موجودة ، قبل "تسمية المقامات" ؟

هل كان أصحاب "المعلقات" يعرفون "الخليل بن أحمد الفراهيدي" ؟

الأستاذ أيمن بهجت قمر ، ريحة الحبايب ، الأصيل الموهبة ، السليم الفطرة و النفس ، سمعته في اتصالٍ هاتفي على الهواء مع الجميلة شريهان . كانت تشكره على أغانيه الخاصة لابنتها في كل عيد ميلاد. بينما هو يشكرها على "جدعنتها" عندما تكفلت بصيانة "شقة" قمر الكلام سيدي بهجت قمر.

ترك أيمن نفسه لغواية "الموضوع" في القصيدة ، فتقاذفته موجات القصيد بين ثلاث ارتكازات ، أحسن مناوءتها ، في موضعين.

أما عن "الموضوع" ، فيخبرنا أرباب "صنعة" الشعر: أن استخدام "المأثورات" وما يشبهها من "جُمَلٍ" ، لتزيين القصيدة . هو "إزميل" حاد يجب حُسن التعامل معه.

و أما عن "التدوير" فإنه يمنح القصيدة "موسيقى" داخلية ، تخاطب "باطن" القارئ ، كما عقله.

(كفاية كده يا عم حسن ، كتر خيرك)

[حسن كشك]

اسعفينى ياعين وبالدمع جودى
ابداعية الابداع
للست
اسمعوها وتمتعوا بالابداع
فى اربع كلمات فقط
وشوفوا الست عملت منهم ايه
اسمعوها لما تحنن صوتها ولما تخشنه ولما تبحه ولما تطلقه ولما تحبسه .... ابداع فى اربع كلمات

[حسن كشك]

اسعفينى ياعين وبالدمع جودى
ابداعية الابداع
للست
اسمعوها وتمتعوا بالابداع
فى اربع كلمات فقط
وشوفوا الست عملت منهم ايه
اسمعوها لما تحنن صوتها ولما تخشنه ولما تبحه ولما تطلقه ولما تحبسه .... ابداع فى اربع كلمات



نعيد احياء الموضوع ... لأنى مش عارف طريقه فين

[شريف-زغيب]

سلمت أذنك أستاذ حسن كشك على هذا (أقول اية نقول كلمتين قالتهم الست بس يعتبروا دهر كامل فى تعلم فنون الغناء والموال).
وبعدين مافيش كلام بعد كلامك ووصفك اللى أنت قولته:تحنن وتخشن وتبح وتطلق وتحبس.
ياسلام على الالفاظ المعبرة أوجزت فأنجزت ياأسد.
ألا تتفق معى استاذ حسن بأن الاولة فى الغرام من أجمل اغانى ام كلثوم ولا أحد اخر يستطيع أن يؤديها مثل أم كلثوم؟

[حسن كشك]

سلمت أذنك أستاذ حسن كشك على هذا (أقول اية نقول كلمتين قالتهم الست بس يعتبروا دهر كامل فى تعلم فنون الغناء والموال).
وبعدين مافيش كلام بعد كلامك ووصفك اللى أنت قولته:تحنن وتخشن وتبح وتطلق وتحبس.
ياسلام على الالفاظ المعبرة أوجزت فأنجزت ياأسد.
ألا تتفق معى استاذ حسن بأن الاولة فى الغرام من أجمل اغانى ام كلثوم ولا أحد اخر يستطيع أن يؤديها مثل أم كلثوم؟

طبعا طبعا اخى شريف
لكن استنانى ها اجيب لك مقاطع تجنن .... وها تسمع حاجات ... تعرف فيها مدى عبقرية هذه المطربه

[حسن كشك]

غلبت اصالح فى روحى

اسمعوا هذا المقطع الابداعى
كنت اشتكيلك ايامى ... اشكى لمين ظلمك فيا
وكان رضاك نور احلامى .... لما الزمان يقسى عليا

اسمعوا كلمه ( رضاك ) و ( نور ) و (احلامى ) و ( الزمان ) وشوفوا عملت ايه فيهم
وطيروا وحلقوا عالياً على اجنحة صوت ام كلثوم

وخدوا بالكم من وقفتها الاولى بعد كلمة ( وكان ) ثم اخذت نفسا قبل ( رضاك ) لأنها عارفه هى ها تعمل ايه وعاوزه تروح لفين .... وبعد كده عملت حسابها تاخد نفسها قبل المقطع ...وخدوا بالكم انا مش مكرر المقطع ... لأنها هى اللى كررته كده .... فن واعى بالامكانيات

الله يرحمك ياست

[سمر الليل]

فعلا مقطع جبار لسيدة الطرب العربي ام كلثوم وتحليل جميل جدا لهذا المقطع

[ثومه]

:emrose: الاخ الكريم أستاذ حسن :emrose:
:emrose:

موضوع جميل جدا
وأختيارك متميز فهى فعلا مقاطع في غايه الابداع
والاروع فيها
تحليلك الجميل لها
شكرا لك . :emrose:

[abo hamza]

أقدم لكم هذا الجزء الأبداعـي من الأغـنية الخالدة للموسيقار الكبير

محمد عـبد الوهاب

مقطع ابداعـي من أغـنية

في الليل لما خلي

التسجيل الأذاعـي

[حسن كشك]

أقدم لكم هذا الجزء الأبداعـي من الأغـنية الخالدة للموسيقار الكبير

محمد عـبد الوهاب

مقطع ابداعـي من أغـنية

في الليل لما خلي

التسجيل الأذاعـي

سلمت اذناك يا اخى ابو حمزة .... مقطع رائع

[شريف-زغيب]

غلبت اصالح فى روحى


اسمعوا هذا المقطع الابداعى
كنت اشتكيلك ايامى ... اشكى لمين ظلمك فيا
وكان رضاك نور احلامى .... لما الزمان يقسى عليا

اسمعوا كلمه ( رضاك ) و ( نور ) و (احلامى ) و ( الزمان ) وشوفوا عملت ايه فيهم
وطيروا وحلقوا عالياً على اجنحة صوت ام كلثوم

وخدوا بالكم من وقفتها الاولى بعد كلمة ( وكان ) ثم اخذت نفسا قبل ( رضاك ) لأنها عارفه هى ها تعمل ايه وعاوزه تروح لفين .... وبعد كده عملت حسابها تاخد نفسها قبل المقطع ...وخدوا بالكم انا مش مكرر المقطع ... لأنها هى اللى كررته كده .... فن واعى بالامكانيات

الله يرحمك ياست

سلمت أذناك ويديك على نقل هذا المقطع أستاذ حسن
سأهديك مقطع لأم كلثوم ولا فى الاحلام كما يقولون.

[شريف-زغيب]

أقدم لكم هذا الجزء الأبداعـي من الأغـنية الخالدة للموسيقار الكبير

محمد عـبد الوهاب

مقطع ابداعـي من أغـنية

في الليل لما خلي

التسجيل الأذاعـي


من كلمات أمير الشعراء أحمد شوقى .الله على هذا المقطع الابداعى سلمت أذنك فعلا أخى أبو حمزة.

[شريف-زغيب]

الواحد مش عارف يقول اية ولا اية عن هذا المقطع ولكن زى مبيقولوا الموال من أوله حلو.
وهو مقطع من قصيدة نهج البردة لأمير الشعراء شوقى ولأمير النغم السنباطى
حتى بلغت سماءا لايطار لها على جناح ولا يسعى على قدم
من أول مشرعت أم كلثوم فى عمل هذا البيت موالا وبالتحديد حوالى فى الدقيقة 40 والابداع توالى وتوالى من الست واندمجت وانفجرت موهبتها الفذة وظلت تبدع وكأنك تستمع الى الشيخ محمد رفعت تارة محمود خليل الحصرى تارة أخرى والشيخ عبدالباسط تارة مصطفى اسماعيل ممكن،
كأنها مجموعة شيوخ اجتمعوا فى شخص أم كلثوم ورتلوا وجودوا بأروع مايكون.
الصراحة أن أم كلثوم كانت تجود هذا البيت وسأختار هذا الجزأ المجود تجويدا صريحا جدا وما أروعه والحقيقة أننى عندما كنت أستمع لنهج البردة للمرة الأولى وكنت لوحدى تماما فى غرفتى كحالى دائما عندما أستمع للست وبينما جاءت أم كلثوم الى هذا الجزأ المجود انتفضت وانتفض جسدى كله وقمت من اتكائى على السرير وقلت: معقول ده! اية ده ياست ! حرام عليكى اللى بتعمليه فينا ده!
ولم يسكتها إلا الجمهور.
الحقيقة أنا محتار أجيب أى جزأ فكلهم ابداعات كلثومية صرف
ولكن سأحضر هذا الجزأ المجود الواضح جدا
وهو فى كلمة لها
انظروا ماذا فعلت ثومة فى كلمة لها

ووضعت لها لوحدها كى نستمتع بها

[حسن كشك]

ما اروع هديتك
اخى شريف
وما اروع هذا التمكن فى التلون الصوتى والغنك الكلثومى الرائع
سبحان الله مانح كل تلك الامكانيات
وسبحان الله الموفق فى استعمالها
هديه عظيمه ارجو ان استحقها

[حسن كشك]

كلنا نحب القمر
كلمه واحده فيها
قالها عبد الوهاب ...
(عذِبُه )
فلم يتمالك عازف الكمان الشهير سامى الشوا نفسه من الاعجاب
وصاح
يامحمد
فأعادها عبد الوهاب مرتين بإبداع اكثر


اسمعوها

( ارجوا ان لا اكون اخطأت ولم يكن سامى الشوا )

[حسن كشك]

قالت

اسمعوا عبد الوهاب فى ثلاث كلمات
قالت سررت الاعداء
وكيف لونها ولحنها ونطقها فى منتهى العزوبة والرقة
وكيف كان ينطق حرف الراء

انا جمعتها عشان تستمتعوا

[شريف-زغيب]

ما اروع هديتك

اخى شريف
وما اروع هذا التمكن فى التلون الصوتى والغنك الكلثومى الرائع
سبحان الله مانح كل تلك الامكانيات
وسبحان الله الموفق فى استعمالها
هديه عظيمه ارجو ان استحقها

قمة التواضع منك استاذ حسن كشك ،فأنت تستحق أكثر من ذلك ولم أجد أغلى من أم كلثوم كى اهاديك بيه.

[شريف-زغيب]

كلنا نحب القمر

كلمه واحده فيها
قالها عبد الوهاب ...
(عذِبُه )
فلم يتمالك عازف الكمان الشهير سامى الشوا نفسه من الاعجاب
وصاح
يامحمد
فأعادها عبد الوهاب مرتين بإبداع اكثر


اسمعوها

( ارجوا ان لا اكون اخطأت ولم يكن سامى الشوا )

يالمـــــــــــــــــــــــاح
:emrose:

[شريف-زغيب]

قالت


اسمعوا عبد الوهاب فى ثلاث كلمات
قالت سررت الاعداء
وكيف لونها ولحنها ونطقها فى منتهى العزوبة والرقة
وكيف كان ينطق حرف الراء

انا جمعتها عشان تستمتعوا

فعلا أستاذ حسن فعبدالوهاب صال وجال فى كلمة قالت وما أجملها هدية لواحدة من اجمل اغنياته المفضلة لدى.
سلمت أذناك وحسك الموسيقى أستاذ كشك.

[ميدو على]

الله عليك يااجمل منتدى
ماهذة الروائع
ليس عندى تعليق
الا انكم رائعون

[الثابتي]

موضوع رائع ومفيد
شكرآ لك

[انور الحارث]

باى اغنية غنى الفنان محمد عبد الوهاب هذا المقطع لوسمحتم :

قالت

اسمعوا عبد الوهاب فى ثلاث كلمات
قالت سررت الاعداء
وكيف لونها ولحنها ونطقها فى منتهى العزوبة والرقة
وكيف كان ينطق حرف الراء

الموضوع جميل تسلم على الطرح

انور الحارث

اورباا

[الألآتى]

باى اغنية غنى الفنان محمد عبد الوهاب هذا المقطع لوسمحتم :

قالت

اسمعوا عبد الوهاب فى ثلاث كلمات
قالت سررت الاعداء
وكيف لونها ولحنها ونطقها فى منتهى العزوبة والرقة
وكيف كان ينطق حرف الراء

الموضوع جميل تسلم على الطرح

انور الحارث

اورباا

أنت نفسك قلت إسم الأغنية

الأغنية إسمها ( قالت )

[انور الحارث]

أنت نفسك قلت إسم الأغنية

الأغنية إسمها ( قالت )

أنا ما أعرفهااا أول مرة أسمع فيهاا

السماح

شكرا اساتذة

انور الحارث

[tamerelsoud]

مقطع
خطرش يوم حالي على بالك .. وانا اللي ياما شكيت أحوال
( جالكشي هاتف يوم وحكالك .. على قاسيته انا بعدك .. لوكانش ليا نصيب في خيالك .. مكانش ده حالي في حبك )
اعتقد انه مقطع عبقري لعبد الوهاب في اغنية على ايه بتلومني

[انور الحارث]

أبا الزهراء قد جاوزت قدرى بمدحك بيد أن لى انتسابا
فما عرف البلاغة ذو بيان إذا لم يتخذك له كتابا

[محمد الساكني]

أبا الزهراء قد جاوزت قدرى بمدحك بيد أن لى انتسابا
فما عرف البلاغة ذو بيان إذا لم يتخذك له كتابا

قصيدة الشاعر الكبيرأحمد شوقي
سلوا قلبي
في مديح سيد الخلق رسولنا الكريم محمد صلى الله عليه وسلم
القاء كوكب الشرق السيدة أم كلثوم
ومطلع القصيدة
سلوا قلبي غداه سلا وتابا ... لعل على الجمال له عتابا
ويسأل فى الحوادث ذو صواب ... فهل ترك الجمال له صوابا
[/URL][URL="http://www.youtube.com/watch?v=uDUaS1eRrY8"]www.youtube.com/watch?v=uDUaS1eRrY8 (http://www.sama3y.net/forum/www.youtube.com/watch?v=uDUaS1eRrY8)

[انور الحارث]

في باب غرقااان بريحة الياسمين

في باب مشتاااق

في باب حزين

المقطع من رائعة السيدة فيروز (البواب)

الكلماات للشااعر الغنائي : جوزيف حرب

اللحن :تتضارب الاراء مابين الملحن فيلمون وهبي او الاخوين رحباني

[انور الحارث]

فضفض ياشطبة ريحااان

أدرى بهوانااا حليان

ذب الكصايب ع المتن

طاحت نسايم نيساان

بوس الحواجب ياكحل

بوسة عشك للغيران

المقطع من حسبالي :للشاعر زهير الدجيلي

الحان :طالب القرغولي

المطرب :سعدون الجابر