سيد قاسم [الأرشيف] - منتدى سماعي للطرب العربي الأصيل

مشاهدة النسخة كاملة : سيد قاسم

البياتي

03/01/2008, 05h52

https://www.sama3y.net/forum/attachment.php?attachmentid=449223&stc=1&d=1710545617
فهرس الروابط : أعمال سيد قاسم
هنـــــــــــاااااا (https://www.sama3y.net/forum/showpost.php?p=795033&postcount=27)
التحديث 16/3/2024

.. دى ايه ده الدلع ده
سيد قاسم
أخوكم البياتي ابن النيل

بحري

03/01/2008, 12h24

أخي الكريم :دهدا الدلع دا والتيه
ليس دورا قط أو مطلعا لدور , وإنما هو غصن من أ غصان دور متع حياتك بالأحباب ( الهزام ) وهو من تلحين شيخ الطرب سي عبده أفندي الحامولي
وقد سجل دور متع حياتك بالأحباب كل من :
1- أخذ الدور الشيخ يوسف المينلاوي على اسطوانات شركة الجرامفون
2-أخذه سليمان أفندي أبو داوود على اسطوانات شركة أوديون
3- أخذه عبد الحي أفندي حلمي على كل من شركتي أوديون والجرامفون
4- أخذه محمد أفندي السبع على الأوديون
5- غناه أيضا صالح أفندي عبد الحي
6- وغنته أسما الكمسارية
7- عباس البيليدي
8- فرقة عبد الحليم نويرة

وأما سيد قاسم هذا فهو ( مطرب وفقيه ) وقد سجل هذا الغصن وهو دورا ثانيا ومطلعا لدور متع حياتك كما ذكرت وقد أخذه على اسطوانات أورفيون
وإليكم الدور كاملا :
متع حياتك بالأحباب أنسك ظهر
شأن الطرب يشفي الأوصاب للي حضر
وكيد زمانك واتهنى واشرب وطيب
وانفي همومك بالأكواب سعدك أمر
(دور ثاني )
انظر لخلك قلبك داب يا ما الهوى
لوع كثير قبلي أحباب مثلي سوى
والقلب صابر تتهنى على الدوام
يا ريت زماني مرة طاب آدي الدوا
( دور ثالث ) وهو ما غناه سيد قاسم
دهدا الدلع دا و التيه يا دي القمر
حق اللي حبك تهنيه من غير كدر
قضى زمانه في حبك وشاف كتير
يكفى بقى غير دا تتيه قلبك انفطر
وسأرفع لكم الدور لاحقا بأنظف مما رفعه الأخ ها هنا ومن غير ضغط

auditt05

26/08/2010, 20h12

عصمت النمر

26/08/2010, 20h55

وعدت ووفيت
كل سنة وانت طيب
ورمضان كريم
يادكتور محمد

ابوحمد

26/08/2010, 21h10

دور محمد عثمان الخالد
فى البعد ياما كنت أنوح
الشيخ سيد قاسم
على الزونوفون الأخضر القديم وجه واحد 102368

رغم أنه يؤدى المذهب فقط دون الدخول فى معمعة الدور الا نه رائع و متمكن جدا -لاحظ الليالى التى يختم بها

فى البعد ياما كنت أنوح والقلب ياما اتكلم
على الحبيب و مهجتى كادت تروح لكن لطف ربى و سلم
لافرح و أطيب

الدور موجود فى منتدانا العامر بصوت الشيخ يوسف و عبد الحى و محمد سليم ... اسمع واتمتع بس اوعى تقارن

يا سلام يادكتور الباز على الطرب الأصيل تسلم والله على هذه التحفه النادرة .. فعلا ليالي خرافيه من السيد قاسم واداء لايُعلى عليه .. وأصبح لدينا في المنتدى الآن ملفين بصوت هذا الفنان المبدع .. لكن بكل أسف لم يؤدي الدورين فيهما كاملين وإنما المذهب من كل دور .. وأعتقد أن الدكتور محمد لم ينتبه للملف الأول للسيد قاسم والذي رفعه زميلنا البياتي والذي أدى فيه مذهب - ده إيه ده الدلع والتيه - من دور متع حياتك بالأحباب بشكل جميل جدا .. ياريت يادكتور محمد تستمع له وتقولي .

auditt05

27/08/2010, 20h03

دور محمد عثمان
اليوم صفا داعى الطرب
الشيخ سيد قاسم
على أرفيون وجهين 12013

هنا الدور كامل بأداء فى رأى الشخصى جميل جدا ومفاجأة

Islam Eidrisha

28/08/2010, 07h45

اليوم صفا داعي الطرب ... والراح حلي ويا الوصال
والقلب ده ان كان عجب ... أنا اهادي به الجمال
واصير له أسير ... م الوجد سهير
وأسوح وأنوح ... واحضر وأروح

محلى المدام وقت القمر
حتى إذا سمح القدر
بالوصف ده ويكون قريب
لأكيد باكيد من لام وأزيد
بغرام وهيام ماقبلشي ملام

دور بديع ومفاجأة فعلا يا دكتور محمد وبهذا أصبح لدينا الأن نسختين من هذا الدور الأولى بصوت محمد أفندي السبع والثانية بصوت الشيخ سيد قاسم
وهي المرة الأولى التي نستمع فيها لدور كامل بصوت الأخير

هل يوافقني أحد الرأي أن أداء الشيخ سيد قاسم يشبه كثيرا -وإن لم يرتقي- أداء عبد الحي أفندي حلمي وحتى إن لم يكن يشبهه فهو متأثر به إلى حد كبير هذا واضح وجلي

سلمت لنا يا دكتور محمد يا رائد السميعة
وأطال الله عمرك وبارك لنا فيك

Islam Eidrisha

28/08/2010, 08h13

الدور موجود فى منتدانا العامر بصوت الشيخ يوسف و عبد الحى و محمد سليم ... اسمع واتمتع بس اوعى تقارن

شكرا يا دكتور محمد على هذا الدور وعلى الليالي الجميلة
هذا الدور أده أيضا الشيخ أمين حسنين والشيخ سيد الصفتي وصالح أفندي عبد الحي وعزيز عثمان وياريت يكون عند حضرتك الدور بصوت حضرة المطرب المشهور الشيخ محمد سليم فتخرجه لنا فهو ليس موجود بالمنتدى ولسيادتكم مليون شكر في كل الأحوال

د أنس البن

28/08/2010, 09h39

دا إيه الهنا اللى احنا فيه ده
كم تمنيت أن أستمع لصاحب هذا الصوت البديع بعد أن استمعت اليه من زمن فى جزء من متع حياتك
والله ما عدنا عارفين نشكرك ازاى ومنين وفين وإمتى
الخلاصه انت راجل محترم :emrose:

auditt05

28/08/2010, 11h03

تسلموا لنا يا د أنس و اسلام و ابو حمد و د عصمت
أشكركم على المرور و المتابعة والجهد الخارق المبذول فى كل أرجاء النتدى
عندى ملاحظتين على اسم المطرب
أولا هو شيخ وليس أفندى
ثانيا الاسم سيد بدون ال
هذا لدقة التوثيق التى أصبحنا فى أشد الحاجة لها بعد هذا الاتساع الهائل للمنتدى

عصمت النمر

28/08/2010, 23h09

كنت اعتقد انه السيد افندى سليم
بارك الله فيكم على تصحيح المعلومة
متحرمناش من انسك ببركات ابو صيام شهر الكرم
يادكتور محمد

auditt05

11/03/2012, 11h09

أقسم لكم أنها مفاجأة قيمة و وجبة دسمة
للأسف أقدم لكم الفردة الثانية من الدور و لحسن الحظ فيها الشغل كله
أتمنى نجد الفردة الأولى (1&2) عند أحد السميعة و لو انى شبه متأكد انها عندى و لكنها تايهة فى وسط الاسطوانات
سيد قاسم
دور بتيهك وصدك
من الحان الشيخ على القصبجى

بتيهك و صدك قلبى انكوى امتى صفاك
أسيرك و حبك ذله الهوى يا طول جفاك
لحظك نبال يا ذا الغزال مالوش مثال قلبى هواك
دور
مليكى حلالى فيك الغزل و انت الغزال
و لحظك بدا لى فيه الأمل و ليه الدلال
قلبى عليك ما بين يديك و حياه عنيك جود بالوصال
لا أملك لهذا المطرب الا 3 اسطوانات فقط فإذا عجبكم نستمر فى الرفع

سماعي

11/03/2012, 11h24

حمد الله ع السلام يا معلّم
ان شاء الله شدّة وزالت بدون رجعة
كنت بعثتلك بإرساليّة اول ما سمعت وان شاء الله وصلتك

auditt05

11/03/2012, 11h37

انت أبو الواجب كله

د أنس البن

11/03/2012, 14h43

لا يا مولانا اعمل معروف دور على أقل من مهلك وخد وقتك
المهم تلاقى الفرده الأولى وان شاء الله تلاقيها جنب اخواتها
وحمدا لله على سلامة سعادتكم
وفى انتظار نوادر ملك الدور سى سليمان ابو داود
ربنا معاك:emrose:

abo hamza

11/03/2012, 15h18

أقسم لكم أنها مفاجأة قيمة و وجبة دسمة
سعد القاسم
دور بتيهك وصدك
من الحان الشيخ على القصبجى

لا أملك لهذا المطرب الا 3 اسطوانات فقط فإذا عجبكم نستمر فى الرفع

الحمد لله على السلامة / أكيد عجبنا هذا المطرب يا أستاذنا الكبير د. محمد الباز / لو تكرمت أن تستمر بالرفع نريد قسم الرواد أن يتلألأ من جديد .
عاشت الأيادي على هذه الروائع وألف مشكور أستاذنا الكبير .

:emrose::emrose::emrose:

عصمت النمر

14/03/2012, 23h47

لا أملك لهذا المطرب الا 3 اسطوانات فقط فإذا عجبكم نستمر فى الرفع

لا املك من كلام الا
-----
بتيهك و صدك قلبى انكوى امتى صفاك
أسيرك و حبك ذله الهوى يا طول جفاك
لحظك نبال يا ذا الغزال مالوش مثال قلبى هواك

auditt05

08/04/2012, 12h50

دور من تلحين الشيخ على القصبجى
سيد قاسم
دور نور الصباح
على الاوريفون اسطوانتين 11895

كلام فى غاية الرقة واداء فى منتهى الشياكة

نور الصباح من طلعتك و البدر من طيفك ظهر
و بين مباسمك والنبى أنا رأيت نظم الدرر
لحظك أهو لقلبى ملك و على الآسى ياما صبر
و العبد لو يحكم ملك كنت أشكى خدك للقمر
دور
الورد يهوى وجنتك و الشمس تعشق طلعتك
يا فؤادى كل دا طبع الحبيب ايه حكمتك
عرفت من تيه الهوى يا قلب الله يثبتك
تعشق و تفرح بالصفا وصل المحبين جنتك

auditt05

01/04/2015, 20h35

أنا مصر ان هذا المطرب قوى جدا و طربى للغاية
سيد قاسم
ده الدلال ده

Islam Eidrisha

02/04/2015, 10h17

الراجل ده أدارجي ومعلم طرب
تحس انه بيمتع نفسه وهو بيغني
تسلم لنا يا دكتور محمد

auditt05

02/04/2015, 14h54

و الله انت فاهم يا اسلام

ابوحمد

02/04/2015, 19h48

شكرا حبيب الكل د محمد للنوادر التي رفعتها خلال الايام الماضيه .. لكن لدي تساؤل هل هذا الفنان - سعد قاسم - هو الفنان نفسه سيد قاسم - المرفوع سابقا في المنتدى - او لعل اسمه سيد سعد قاسم او سعد سيد قاسم لأن الملف المرفق لسعد قاسم وهو يغني غصن - ده دا الدلع والتيه - نفس صوت سيد قاسم وهو يؤدي هذا الغصن من الدور .. برجاء تنويرنا حفظكم الله .

ابوحمد

02/04/2015, 19h59

.. دى ايه ده الدلع ده
سيد قاسم

أخوكم البياتي ابن النيل

هنا يادكتور محمد نفس صوت سعد قاسم .. أعتقد أن الفنان واحد في كلا الحالتين لكن الاشكاليه ربما تحدث عند وضع اسم الفنان على الاسطوانه لربما مره سيد قاسم وأخرى سعد قاسم ... الخ

نور عسكر

12/06/2019, 17h06

شيخ سيد قاسم

مع ان هناك ملاحظات عدة ذُكرت في المشاركات السابقة لكلا الموضوعين !
ألا إنه لم يتم إتخاذ اللازم بالمعاينة والبحث حينذاك ودمج الموضوعين ؟؟

الإسم الصحيح في المشاركات الأقدم (سيد قاسم) ، والثاني مكتوب خطأ في المشاركة الأحدث
أي (الشيخ سعد القاسم (https://www.sama3y.net/forum/showthread.php?t=95403)) ! لايوجد مغني إسمه الشيخ سعد القاسم (https://www.sama3y.net/forum/showthread.php?t=95403)!!

· تسجيلات الإسطوانات المرفوعة في الموضوعين هي بصوت

المطرب شيخ سيد قاسم وحسب البيانات وترجمتها أدناه :

· في أرقام تسلسل الماتريكس ( Matrix numbers)لعام 1903م وكتالوجات الإسطوانات المسجلة في القاهرة ، مثال على ذلك :

· ( في البعد ياما كنت أنوح)
· -inch7- 18cm
Mtx no -597z
Cat no – 12309
Zono – 102368
Artis(s) Cheikh Said Assim

https://www.sama3y.net/forum/attachment.php?attachmentid=407423&stc=1&d=1560358985

سنقوم لاحقاً بدمج الموضوعين ، إتماماً للفائدة والتوثيق ، مع التنقية وتعديل السرعة لتسجيلات الإسطوانات
كلما سنحت الفرصة ، إن لم تكن قد عُدلت سابقاً.

:rolleyes:

هادي العمارتلي

11/11/2022, 07h24

الشيخ سيد قاسم دور نور الصباح من طلعتك اورفيون اربع جوانب عام 1910

مجهول الموالف لحن الشيخ علي القصبجي مقام حجاز

نشكر الاستاذ عيسى متري على هذا التوثيق

https://www.sama3y.net/forum/attachment.php?attachmentid=438432&stc=1&d=1668154618

https://www.sama3y.net/forum/attachment.php?attachmentid=438433&stc=1&d=1668154618

نور عسكر

15/03/2024, 22h34

https://www.sama3y.net/forum/attachment.php?attachmentid=449223&stc=1&d=1710545617

فهرس الروابط : أعمال سيد قاسم
:emrose:
اليوم صفا داعى الطرب (https://www.sama3y.net/forum/showpost.php?p=464103&postcount=6)– اسطوانة اورفيون (https://www.sama3y.net/forum/showpost.php?p=464103&postcount=6)
بتيهك وصدك (https://www.sama3y.net/forum/showpost.php?p=578335&postcount=12)
ده الدلال ده (https://www.sama3y.net/forum/showpost.php?p=683301&postcount=19)
دى ايه ده الدلع ده (https://www.sama3y.net/forum/showpost.php?p=163506&postcount=1)
فى البعد ياما كنت أنوح (https://www.sama3y.net/forum/showpost.php?p=463884&postcount=3)– اسطوانة الزونوفون (https://www.sama3y.net/forum/showpost.php?p=463884&postcount=3)
نور الصباح (https://www.sama3y.net/forum/showpost.php?p=583596&postcount=18)– اورفيون (https://www.sama3y.net/forum/showpost.php?p=583596&postcount=18)
نور الصباح– اربع جوانب اورفيون (https://www.sama3y.net/forum/showpost.php?p=784079&postcount=26)
****
@ الفهرس 25/4/2020 ... @ التحديث 16/3/2024

هادي العمارتلي

07/04/2024, 08h54

من زمان والم نسمع شيء مفقود للشيخ سيد قاسم

من اسطوانات مركز الموسيقى العربية والمتوسطية النجمة الزهراء في تونس لهم جزيل الشكر

الشيخ سيد قاسم دور صبحت من عشقك ابكي اورفيون
مجهول المولف لحن محمد افندي عثمان مقام جهاركاه