مذكرات مجنون تحف ونوادر ..

[دعاء الشريف]

(((مذكرات مجنون)))
(تحف ونوادر)

((هذه الحكايات))

هي حكايات لطيفة تمتلئ بمواقف غريبة، وهي بالتأكيد ليست سيرة شخصية علي الإطلاق لكنها مواقف شيقة حدثت في عالم النوادر والتحف .. فالتحفجية في مصر عالم خفي زاخر بالعجائب .

http://www.sama3y.net/forum/attachment.php?attachmentid=82695&stc=1&d=1206911820

(1)

هذه صورة لها ذكري وحكاية غريبة سأقصها عليكم ..

دق الهاتف في منزلنا في أحد الأيام فرفع زوجي سماعة الهاتف فإذا به عم ضياء وهو رجل طيب يعمل سمسارا للتحف النادرة ..
ابلغنا بان هناك رجلا لديه كنزا كبيرا من الصور وهو يريد بيعها وابلغ زوجي بالموعد والمكان وكان في مصر الجديدة واترك زوجي ليحكي ليكمل لكم القصة ..

كان يوما حارا جدا وكنت أقود سيارتي (المعطل تكييفها دائما) وسط الزحام في طريقي إلي موعد عم ضياء ..وأخيرا وصلت وبعد البحث والمعاناة وجدت مكانا ووضعت فيه سيارتي .. ثم هبطت وسرت حتي وصلت إلي المكان الذي اتفقنا عليه .. مرت نصف ساعة وأنا أقف علي الرصيف ولم يأتي أحد .. طبعا أحسست بأنني انتظر منذ شهر وعشاق التحف هم وحدهم الذين سيفهموا السبب وعشق النوادر والتحف مرض أو قل إدمان المهم وصل عم ضياء وبرفقته رجلا دمث الأخلاق عرفني بنفسه ثم عبرنا الشارع واتجه بنا نحو منزل قديم عندما تدنوا إلي مدخله تشعر فورا بجانب العمارة الراقية التصميم بهواء بارد يحيط بك وكأنه يرحب بقدومك
في عز الحر ويحييك علي حبك لكل ما هو نادر وقديم .. فتح الرجل بابا يطول وصف جماله فوجدت نفسي داخل شقة من تلك الشقق القديمة راقية الطراز والمعمار
جلسنا في الصالون العتيق وكان موديله عند اولاد البلد التحفجية يسمي (لوي كانز) وهو طبعا غير (الكولا كانز) بعد دقائق الترحاب وضع صاحب المكان بين يدي البومات صورا لم احلم في يوم من الأيام أن أراها أو المسها بيدي .. كانت أرشيفا كاملا لصورا أصلية ونادرة وعجيبة عن عائلة الملك فاروق ووالده فؤاد تبدأ بالأمير فؤاد ثم بزواجه مرورا بفترة حكمة
وانتقاله من سلطان إلي ملك ثم مجموعة صور فاروق من الصغر حتي نهاية عصره
لم يكتفي الرجل بتلك الدهشة التي ارتسمت علي وجهي بل احضر صناديق وصناديق وصناديق كانت تمتلئ بالصور التي لم أري مثلها ولن أري طبعا وستعرفون السبب .. المهم أن صاحب المكان يبدوا انه كان يريد الإجهاز الكامل علي ما تبقي عندي من تماسك و(تقل) لان في عرف عالم النوادر يجب ألا تظهر دهشتك أمام البائع لأنه سيطلب منك ثمنا باهظا تبعا لمقدار إعجابك بها وانبهارك الذي سيخبره عن مدي تمسكك المريض بنادرته حتي آخر مليم في جيبك (ولتسقط التزامات الحياة ولتحيا التحف) لذلك يبدوا أن تظهر عدم الاهتمام كثيرا بما تري حتي لا يطمع من سيبيع لك نادرة وتتحدث بصوت معدني مبطن بالا مبالاة الذكية وهو تعبير استلفته من الشاعر الكبير صلاح عبد الصبور في الكوميديا السوداء (مسرحية مسافر ليل ) ..
مد صاحب المنزل يده نحوي بأوراق فارتعشت يدي قليلا وهي تفض الأوراق فإذا بها خطابات
بخط يد الشاب فاروق كان قد أرسلها إلي والدته من انجلترا يخبرها فيها بتقدمه في التعليم ويسلم عليها وكانت الأظرف تحمل ختم الشمع الملكي ..
ثم احضر صاحب المكان صندوقا آخر كان يمتلئ بألواح زجاجية عبارة عن نيجتفات صور فاروق وفؤاد هذه كانت (العفريته) علي أيامهم قبل عمل اختراع شرائح السليويوز التي نعرفها ونسميها نيجتف .. ثم توالت النوادر والاعجايب حتي انهارت كل مقاومة وتماسك لي أمام مقتنيات هذا الرجل .. ورفعت راية الاستسلام ورفعت أيضا وجهي نحوه وأنا أقول له :
- أنت جبت المصايب دي كلها منين وازاي وأمتي وليه يا أستاذ ؟
فابتسم الرجل المهذب منتشيا وأجابني قائلا :
- أنا اشتريت كل أرشيف أستوديو رياض شحاته مصور جلالة الملك الخصوصي .. الصور والنيجتفات وكل حاجه .
ثم امسكني من يدي ودخل بي غرفة وأشار نحو الجدار فرفعت عيناي وإذا بي أشاهد شريحة زجاجية كبيرة كانت تتخذ شكل الستارة الملكية المشهورة وعليها بالألوان وبماء الذهب شعار الملكية والهلال والثلاثة نجوم واسم رياض شحاته صنعت بالميناء وهي من أجمل ما رئيت .
وقال :
دي لوحة كانت في واجهة أستوديو رياض شحاته.

ثم مد يده الكريمة التي تأتي بالأعاجيب في احد الأدراج واخرج صورا أخري.. واختار منها واحده ناولها لي ..
وإذا بي أشاهد الملك فاروق يرتدي طرطور احتفالات رأس السنة ويقف وهو يؤدي فقرة رقص بلدي وعلي خصره رباط عنق (متحزم) وسط عددا قليلا من أصدقاءه الذين يرتدون طراطير ويصفقون له فرحين بهذ الملك الراقص الظريف

(وللحديث بقية )

[سيادة الرئيس]

إن أكبر تحفة في هذا الموضوع هو هذا السرد الأدبي الراقي لك سيدي

[د فاطمه الزهراء]

سرد رائع وذكريات جميله
أقترح على أ دعاء هانم أن تكون فى شكل مذكرات
وعن بداية أهتمامها بالتحف والوثائق القديمه
وعن المشاكل التى تصادفها لترميم تلك الوثائق
وياريت يكون ده فى شكل مثبت ليكون ملتقى لأى هاوى
وتشجيعا لمالكى التحف ليظهروا نوادر مقتنياتهم وذلك يكون أكبر رساله فى رجوع الذاكره البصريه وغيرها للشعوب العربيه جميعا
أكملى مدام دعاء نحن نتشوق لسماع المزيد

[سماعي]

حضرتك تحدثت عن الثقل عند التعامل مع تجــّـار الأنتيكة
قلت انك في الآخر سلمت امرك للّه ليصبح تصرفك وكلامك ، بعد ما شاهدت ، تلقائيا ، فكنت ضحية إعجابك
أفهم هذا الموقف في هذه اللحظة بالذات ومع هذا الموضوع : ها هي تتكرر تماما معي أنا وبكل بساطة
ها انا انطق وراء كل هذا السيل من الردود والإعجاب من زملائي ،، طمعا في أن يكون صوتي المساند لهم يجعلك تختصر الوقت الذي تنوي،(والعلم لله) أخذه لإكتشاف مدى قدرتنا على التحمل والإنتظار حتى نقرأ لك المزيد


بالنسبة للعضوية المقترحة ، فعلى الرأس والعين ، يكفي حضرتك مراسلتي على الخاص وابلاغي بالإسم الذي تختاره ، ولن يكون سوى شرف لنا وشهادة علوّ بمستوى مواطني سماعي "درجة زيادة"

[د أنس البن]

حضرتك تحدثت عن الثقل عند التعامل مع تجــّـار الأنتيكة
قلت انك في الآخر سلمت امرك للّه ليصبح تصرفك وكلامك ، بعد ما شاهدت ، تلقائيا ، فكنت ضحية إعجابك
أفهم هذا الموقف في هذه اللحظة بالذات ومع هذا الموضوع : ها هي تتكرر تماما معي أنا وبكل بساطة
ها انا انطق وراء كل هذا السيل من الردود والإعجاب من زملائي ،، طمعا في أن يكون صوتي المساند لهم يجعلك تختصر الوقت الذي تنوي،(والعلم لله) أخذه لإكتشاف مدى قدرتنا على التحمل والإنتظار حتى نقرأ لك المزيد
بالنسبة للعضوية المقترحة ، فعلى الرأس والعين ، يكفي حضرتك مراسلتي على الخاص وابلاغي بالإسم الذي تختاره ، ولن يكون سوى شرف لنا وشهادة علوّ بمستوى مواطني سماعي "درجة زيادة"


لا يا محمد الموضوع عادى , سيبه على راحته , أنا من ناحيتى مش مستعجل , لأنى عارف إن الصور دى , يعنى , صور يعنىىى صور عاديه , زى اللى بنشوفها فى كل مكان , أنا شخصيا اتعرض عليه نفس الصور اللى ناوى يجيبها , ومعاها النيجاتيف , أمال ايه النيجاتيف , وشفتها كلها , صوره صوره , يعنى ىىىىىى مفيهاش جديد , عاديه الحاجات دى بنشوف منها كتير , يااااه ياما صور وأفلام وصناديق , بس الحكايه يعنى قلة فضا , لكن إه يا للا , زى بعضه , نشوفها والسلام , من باب العلم بالشئ , آه , بس من باب العلم بالشئ , مش علشان حاجه يعنى , يعنى إوعى تفتكر ان انا مستعجل لاسمح الله والا حاجه , لالالالالاه , أنا بس يعنى مش عايز اكسف الراجل و السمسار , الطيب ده , اللى تعب وجه معايا , لامؤاخذه يا عم ضياء , كتر خيرك . حقك وعرقك من عينيه , ;) :mdr: :crazy:

[دعاء الشريف]

أخي محمد .. منغير كلام

كاننا عشنا مع بعض سنين،
وكأن أنا محمد زمنطر .. وكأن أنت أنــــا ..
وده الغريب ..
اعذرني
أصل أنا بصراحه قلبي عامل زي الجرامافون ابو منافيلا وزنبلك
بيتملي بكلام الناس واحساسهم وحبهم

بعديها وغصب عني بيتفتح قلبي ضرفتين ويتدلدق منه الكلام كده وخلاص

ومع إن صنعتي الكلام،
ورغم توافر الحروف اللي هيه المواد الخام
إلا اني حاسس اني يادوب بحبي علي السطور ..

كان نفسي أقولك كتير ..
طيب راحت فين المعاني والتعابير..

فجأة اختفت
وبندالـــــــــه سابتني وحدي عريان فوق السطور ..


وأمام عجزي الأكيد .. أملي الوحيد

إن إحساسي يوصلك .. منغير كلام

كومة مشاعر حب

وكتيررررررررررر
سلام
أخوك المجنون
بالتحف
وبيك

[دعاء الشريف]

(بقية الجنان)

جلست مع صاحب النوادر وقلت له متسائلا :
-هايل يا أستاذ .. دلوقتي نتكلم في المهم .. أنت عايز كام في النوادر دي
فأجابني الرجل بهدوء :
- في الحقيقة هي متتقدرش بفلوس .. لكن كل حاجه وليها سعر

فأمسكت بإحدى خطابات فاروق وقلت له :
- ده مثلا بكام ؟
فحدق نحو الخطاب ثم أجابني قائلا :
- في الحقيقة أنا كنت بطلب فيه 7000 دولار لكن علشان خطرك حبيعهولك بـ 5000 بس .

اهتزت تفاحة ادم في عنقي وأنا ابتلع صدمتي اقبل أن أقول له متسائلا :
- بس إيه ! دولار ولا جنيه ؟
فأدرك الرجل ارتباكي في تحديد الرقم وقال :
- دولار طبعا .
فأجبته بلهجة ساخرة هذه المرة :
- تقصد 5000 دولار بس.

فابتسم وأنا ضحكت وقلت له :
- يعني ما يزيد عن 25000 جنيه مصري .

فقال محاولا إحراجي :
- إيه !! ميستاهلش؟
فأجبته فورا :
- لا طبعا مايستهالش .. بس أنت اللي تستاهل كل خير.

أخذت ابحث في راسي عن مناورة أو قل عملية كوماندوز عقلية خاطفة للسيطرة علي الموقف وانتزاع ما أعجبني وبهرني من نوادره (برضاه طبعا)
مع قراءة بعض التعازيم لاستحضار جان الإقناع وعفاريت المنطق وسحر البيان

(في بلدي الصعيدية بيقولو انه فيه كلام ميت .. يعني مالوش جواب .. الكلمة تخرج من فمك فلا تجد أجابه لها عند المستمع .. يعني كلام مسكت .. بس أحنا بنسميه ميت .. الله يرحمه.. قصدي اللي قالي الكلام ده)

لكن مكري ونفسي الأمارة بالتحف والنوادر انسحب كلاهما بسرعة وشعرت بمدى تبلد مشاعري أمام ما حكاه لي الرجل .. قال صاحب النوادر:
في الحقيقة أنا عمري ما فكرت أبيع أي حاجه من الحجات دي بس ..
ثم أشاح بوجه بعيدا ولمحت في عينيه نظرة حزن عميقة وأكمل حواره قائلا :
- المشكلة أني لازم اعمل عملية لبنتي ..
سقطت كل النوادر من عيني وخبا صوت هتاف رغبتي المجنونة .. وانفرجت شفتاي لكن صوتي ظل حبيسا و كان الصمت قد احتل المكان بأكمله

المسألة كانت في الحقيقة إنسانية في المقام الأول .. هل ستتحسن صورتي لو قلت أنني تمنيت في هذه اللحظة أن أكون طبيبا ماهرا لتعود الابتسامة علي شفاه هذا الرجل.. لن تفيد أمنيتي الساذجة في شئ ..

كثيرا ما تدخل بيوتا لبشوات الزمن القديم فتجد أحفادهم في حالة يرثي لها يبيعون الذكريات والمقتنيات الثمينة للعبور من أزماتهم المادية المتعاقبة بل قل يبيعون أنفسهم في هذا الزمن العجيب الذي انقلبت فيه كل المعايير (معلش الموضوع قلب بغم)

كسر الصمت صوت عم ضياء وهو يقول بتململ :
-احم .. هه .. حنعمل إيه ؟
طبعا الرجل ليس له ذنب فهو يريد إتمام أي صفقة لكي يحصل علي إتعابه

وهو في ذلك مثل الطبيب الذي شاهد آلاف الجراح الدامية والمآسي المحزنة .. من أجل ذلك أصبحت مشاعره محايده في مثل هذه المواقف..
(يعني خد وهات وقصر في الحكايات .. حاضر)
استبعدت الخطابات وأمسكت بمجموعة صور نادرة جدا اخترتها بعناية وقلت له :
- خلينا نتكلم في دول .. بكام ؟
فقال بعد أن أحصاهم وفحصهم جيدا :
- دول من النوادر .. نقول 15000 .. كويس .. قصدي جنيه .
و رغم ندرة صوره .. إلا أن أسعاره كانت مبالغ فيها ..

والاهم أن الصور كانت فعلا أصلية.. فهناك تحفجية عملهم الوحيد شراء نيجتفات صور فاروق وفؤاد وإعادة طبعها وطرحها في أسواق ومحال التحف علي أنها صور نادرة وأصلية .. لكن في الحقيقة الصور الأصلية لا يمكن تقليدها أبدا .. فلها علامات مميزة يعرفها خبراء التحف من أول وهلة .
عندما تمسك في يدك صورة أصلية ونادرة وتحركها بشكل مائل تجاه زاوية الضوء .. ستجد طبقة الفضة اللامعة تضوي في عينيك وتختفي تفاصيل الصورة الأصلية هذه ابسط طريقة للتعرف علي الصور الأصلية من الزائفة.
المهم أنني اتصلت بصديق لي مجنون أيضا كي يحضر ويقاسمني شراء هذه النوادر واشترينا مجموعة كبيرة منها بـمبلغ وقدره .. وأصبحنا شركاء في الصورالتي لن ولم يكتب لها البقاء في حوزتي ..

(وللحديث بقية )

[سيادة الرئيس]

أنا أراهن إنه باع لك مع هذه التحف
حته من مخ بيرم
و
حته من لسان السعدني

[جرامافون]

http://www.sama3y.net/forum/attachment.php?attachmentid=84293&stc=1&d=1207664259

في الحقيقة عندما شرعت في كتابة هذا الموضوع لم أكن أقصد أبدا استعراض صور نوادر فقط، أو إظهار تحف كما توقع البعض وإنما سرد أسرارا للتحف عرفتها بعد سلسلة من الكوارث (النصب والاحتيال) التي تعرضت لها لفترة طويلة قبل أن انجح في التعرف علي بعض أسرار التحف .. وببساطة
فقد لعبت دور .. احم .. المغفل لفترة طويلة (هوه أنت منهم .. نعم)

عندما تسأل أهل ( الاحتيال ) بعد سقوطك المتكرر في كمائن التحفجية سيخبرك الجميع بأنه قانون (سوء) التحف

وسيحك احدهم رأسه وهو يقول لك ببساطة :
- يا أستاذ لازم تتعلم بفلوسك .. مافيش علام ببلاش .. كلنا أتعلمنا كده .. تعرف فلان الفلاني بلع (لا مؤخذه ) الأسبوع اللي فات شغل بخمسين ألف جنيه ..
(بلع تعبير عند التحفجيه معناه أن الزبون اشتري نوادر مضروبه أو مزورة)

http://www.sama3y.net/forum/attachment.php?attachmentid=84294&stc=1&d=1207664259

والمتابع لهذا الموضوع سيتعرف علي بعض الأشياء الهامة التي في الأغلب لم ولن يعرفها إلا لو كان يمتلك أحد البنوك وقلب جرئ لا يخشي أن يقال عليه مغفل ..
وبمناسبة البنوك فقد صادفني هذا الأسبوع أمرا غريبا جدا علي الأقل بالنسبة لي..
(سيدة محترمة ومن عائلة كبيرة جدا في القاهرة تضع في خزانة احد البنوك الكبري 18 اسطوانة جرامافون لاغاني عربي وتدفع للبنك ألاف الجنيهات نظير ذلك .. وعندما سألتها عن كنزها (أسماء الأغاني والمطربين ) أخبرتني ببعضها فقلت لها :

- هوه حضرتك ممكن تزعلي لو قلتلك أن الاسطوانات دي عادية جدا ولا تستحق أبدا في أنك تحطيها في خزانة خاصة بالبنك ..
شرحت لها الأمر بحرص بالغ حتي لا يأخذها الظن بي مأخذا بعيدا ..
فقالت لي :
- لو كلامك طلع صحيح .. أنا حجيبهم من البنك واديهملك هديه
بس أديني فرصة أتأكد.
فقلت لها :
- لا .. شكرا أنا مش عايز هدايا بس حبيت أعرفك وخلاص .
وأسرار التحف كثيرة، وكما يقولون (التحف بحر)
وكلها حكايات لا تقل روعة وغرابه عن صور التحف نفسها ورغم أني كتبت هذا الموضوع في باب البوم صور فقد كان الهدف رسم صور للتحف بحكايات تحمل أسرارها وغرائب يعرفها القلة .. والأمر اكبر من مشاهدة صورة نادرة بكثير، وعلي العموم سأرفع صورا كلما سنحت الفرصة لذلك ..

أما باقي القصة الأولي في عجالة
تركت الصور لصاحبي أو قل شريكي مؤقتا وأخذت معي إلي المنزل
اللوحة المذهبة وبعض الصور القليلة ..
في هذه الفترة كنت يوميا .. اذهب لمشاهدة نوادر هنا وهناك من مختلف الأنواع
وبعد فترة ذهبت إلي صاحبي لأنني حصلت علي شيئا يهمه ( عقد عتق جاريه وعقد زواج ابن الخديوي إسماعيل ولا أتذكر اسمه الآن علي نفس الجارية المعتوقة)

نعود لقصتنا (المهم الكلام جاب بعضه)
وأشار صاحبي لحقيبة جلديه وقال لي أن الصور بها
عندما فتحت الحقيبة لم أجد بها أهم وأندر الصور التي اشتريناها سويا فتعجبت وسألته عنها فانزعج ولا عجب في ذلك فصاحبي يمتلك كل ما يمكن أن تتخيله من جميع أنواع التحف لأنه تاجر في الأساس ولديه مخازن كثيرة .. (والدنيا عنده هيصه)
أخذنا نراجع الصور واحدة بعد أخري وسألته
- أنت وريت الصور دي لحد؟
أجابني وهو يزفر بضيق:
- ناس كتير .
وفهمنا ما حدث .. فقد سرقت أهم واندر الصور منه دون أن يشعر..(وربنا يجازي اللي كان السبب )
ولم يتبقي في حوزتي الآن سوي بعض صور فاروق التي اعتبرها عادية بالنسبة للصور النادرة جدا والهامة التي سرقت

http://www.sama3y.net/forum/attachment.php?attachmentid=84295&stc=1&d=1207664259

ومنها أول صورة معروضة في هذا الموضوع وهي للملك فاروق وهو صغير مع والدته وأشقاءه .. وأرجو إلا أكون قد خيبت ظن البعض في أول حكاياتي

(حتتعوض )

[جرامافون]

(2) خزانة الأسرار
في احد الأيام ذهبت إلي منطقة شبرا عند شقيقة احد النجوم الكبار والرواد العظام في فن التمثيل واعذروني في عدم ذكر اسمه الآن علي الأقل .. المهم أنني ذهبت برفقة احد تجار القديم كما يسمي نفسه واشتري بعض أثاث منزل ذلك النجم التاريخي وأشياء أخري ..
والغريب أننا اشترينا سويا خزانة حديدية صغيرة فرنسية الصنع قيل لنا إنها كانت تخص ذلك الرائد العملاق والعجيب أن شقيقته باعتها لنا مغلقه بلا مفاتيح وأخبرتنا بكلمات عفوية

تمتلئ بالطيبة وبحسن النية :
خدوها زي ما هيه كده واتصرفوا في فتحها وانتوا ونصيبكم ..
أنا مسامحه في اللي تلاقوه جواها.. هكذا بمنتهي البساطة والطيبة ..
لكن التاجر همس لي قائلا:
الناس كلها عارفه أن المرحوم مات علي البلاطة .. يعني حيكون فيها دهب والماظ .. هوه فيه حد عبيط في الزمان ده .
لم اعلق بكلمة ..
فقط شكرت السيدة وخرجنا ومعنا بعض أثاث منزله والخزانة الصدئة والمغلقة علي أسرار لا يعرفها أحد ..

وفي دكان صاحبي جلسنا نقلب في هذه الخزانة الصدئة .. وبعد محاولات مجنونه نجحنا أخيرا في فتح الخزانة .. فماذا وجدنا بداخلها !!؟
وجدنا جنيه مصري قديم وعددا من الأوراق الثمينة في (نظري) سنتحدث عنها
فيما بعد ولنبدأ بهذا الجنيه العجيب ..

هناك عملة ورقية مصرية .. من فئة الجنيه ستري مطبوعا عليه شخصية مجهولة .. فصاحبها ليس شخصية فرعونية ولا تاريخية ولا زعيما وطنيا عظيما ولا مفكرا ولا أي شئ علي الإطلاق .. في بداية تعرفي علي هذه العملة الورقية سمعتهم يقولون أن اسمه (جنيه إدريس)
وهي تحمل صورة رجل اسمر يرتدي عمامه وغير معروف بالنسبة لي ..
وقتها شعرت بالخجل واتهمت نفسي بالجهل لأنني ببساطة لا اعرف رجلا عظيما بالتأكيد حكم مصر (وإلا مكنش طبعوه علي الجنيه).. لكنني فوجئت بقصة هذا الرجل المطبوع وهي قصة كانت بالنسبة لي وقتها غريبة يرددها التحفجية .. واتضح صدقها بعد ذلك بل ودقتها
يقولون أن هذا الإدريس لم يكن ملكا ولا سلطانا بل كان خادما من مدينة الأقصر يعمل عند الأمير فؤاد (ملك مصر فيما بعد) وكان إدريس تربطه أواصر صداقة بخادم آخر يعمل عند قائد الاحتلال (المندوب السامي البريطاني)

ولنعود للقصة من بدايتها

عام 1914 أعلنت بريطانيا الحماية على مصر وخلع الانجليز الخديوي عباس حلمي الثاني ونصبوا حسين كامل سلطانا وبعد وفاته اعتذر ابنه كمال الدينحسين عن الجلوس علي عرش مصر وكان تعيين الأمير فؤاد أمرا بعيد المنال لأسباب كثيرة .. لكن ..

في احد الأيام سمع خادم المندوب السامي البريطاني خلال اجتماع عقدته قيادة الاحتلال في منزل المندوب السامي بان المملكة العظمي تريد تنصيب سلطانا علي مصر موالي للاحتلال أو علي الأقل يكون رجلا هامشيا..
وبدأت اقتراحات وترشيحات قادة الاحتلال في اسم من سيشغل ذلك المنصب الرفيع
وعرف الخادم أن الأمير فؤاد هو المرشح لذلك المنصب
(طبعا كل ده والخدام عامل عبيط يعني داخل يجيب فنجان فاضي طالع بكباية ومحدش منهم واخد لباله )
المهم أن خادم المندوب السامي اخبر صديقه أدريس خادم الأمير فؤاد بالأمر وحذره من عدم إخراج هذا السر أو ذكر اسمه ولو حدث ذلك وسئل فسينكر ..
وعده إدريس بعدم ذكر اسمه وكان رجلا ذكيا وخادما أمينا للأمير فؤاد ..
وفي جلست صفاء ابلغ إدريس سيده فؤاد بأنه شاهد حلما جميلا له وعندما سأله فؤاد عن ذلك الحلم قال له ادريس أنه شاهده في الحلم وقد نصب سلطانا علي مصر
ضحك الأمير فؤاد بشدة من هذه الدعابة فهو أمر مستحيل في نظره

http://www.sama3y.net/forum/attachment.php?attachmentid=84296&stc=1&d=1207667006

لكن ادريس أخبره بأن أحلامه تتحقق دائما وأراد أن ينتزع منه وعدا بمكافئة قيمة

فضحك فؤاد مرة أخري وقال له :
- طيب إيه رأيك لو أتحقق الحلم ده أنا حطبع صورتك علي الجنيه وحديلك البكوية .
وهذا ما حدث بالفعل
http://www.sama3y.net/forum/attachment.php?attachmentid=84297&stc=1&d=1207667283
عاش ادريس بك حتي قيام حركة 23 يوليو وأصبح جنيه أدريس الآن من أندر العملات المصرية

(وللحديث بقية)

[جرامافون]

صديق العمر والزمن الجميل

الموسيقار الموسوعي الكبير والرائع / :emrose:محمد فرغلي

كنا نجلس في منزلك العامر الذي كان يعتبر (كتاب لمحو الجهل الموسيقي)، ونتعلم منك الموسيقي والمقامات والأوزان وما هم رواد التراث الجميل بتحليلاتك الموسيقية الرائعة وبتعريفنا نوادر التراث وعزفك الشجي والمتفرد علي العود وتعليمك بلا مقابل للكثير من شباب الصعيد للعزف علي العود والغناء وغيره في الوقت الذي كان فيه حمل العود في شوارع مدينتنا جريمة تستحق العقاب (كنا دايما بنخبيه فاكر) أنا في الحقيقة باحسد بلدياتي الشيخ الكبير مدحا وقدرا ياسين التهامي علي إقناعك في الخروج من عزلتك وانطلاقك معه في عواصم وبلدان العالم، وهذا ليس غريبا لأنه فنان يعرف قدر الفنانين الكبار أمثالك (وزي مابتورطني حورطك) واري أن تخرج من خجلك وتواضعك وتمتعنا في سماعي بتحليلاتك الموسوعية والفنية الرائعة والمتقنة التي تعلمناها منك قبل حتي أن تذاع حلقة واحدة من برنامج غواص في بحر النغم للموسيقار الكبير عمار الشريعي .. لا تكن بخيلا علي منتدنا ونحن أحق من الجنسيات الأوروبية المتعددة من الانجليز والألمان والهولنديين وغيرهم الذين كانوا يأتوا إلي منزلك في صعيد مصر من اجل الاستمتاع بنوادر الفرق الأجنبية مثل البيجيز وغيرها (فاكر لما إخوانا المتعصبين كانوا عايزين يضربونا علشان كان معانا وفد ألماني كان بيستمتع بالموسيقي .. علي العموم ما فيش داعي للفضايح)

( معلهش يا جماعة أصل لينا أكثر من 10 سنوات لم نتقابل إلا هنا في منتدى سماعي الذي يجمع كل عشاق الطرب الأصيل وهل هناك دليلا آخر أكثر من ذلك )

.. لك مني كل تحية وحب وتقدير أنت وأسرتك الجميلة ..

.. جرامافون ..:emrose:

[جرامافون]

للتحفجيه في مصر لغة خاصة بهم وحدهم
وهي لغة غريبة بعض الشئ وتجدهم يتحدثون مع بعضهم البعض بكلمات عجيبة فيقولون (حمشه) بكسر الحاء وهي تعني خمسة وبالرجوع للغة العبرية ستجد كلمة (حمشاه) تعني خمسه ولا تفسير عندي لذلك .. وأيضا كلمة (خربوش) وهو الجنيه وكبشه وهي الخمسة أيضا وعمود (الـ 100 جنيه) - صباع (10 جنيهات)

وإذا قال تاجر لآخر :

- بكام الحتة دي (يقصد قطعة من التحف)

فيجيبه آخر :
- رخيصة يا دوب بـ 2000 بس ..

فيقول له الأول :
- خلاص نشرب شاي بألف وتلتميت جنيه .

ولمن لا يفهم لغتهم يعتقد أن التاجر يعرض 1300 جنيه ثمنا للتحفة وهذا خطأ

فهو يعرض 700 جنيه فقط والـ 1300 جنيه سيشرب بها شاي الضيافة ..
وأظن أنني ولو استطردت في ذلك فسأكتب مجلدات ..
المهم أن هذه هي لغة أولاد البلد التحفجية وهم أصل التحف في

مصر وليس أصحاب البازارات و المحال الذين يرتدون ملابس فاخرة ويتحدثون بتعبيرات انجليزية وفرنسية وبلغة (شيك) فأثمن التحف الموجودة لديهم وفي محالهم التي تقع في ارقي أحياء القاهرة أتي بها إليهم أولاد البلد التحفجية الذين يطوفون طوال النهار وينقبون في حواري وسرايات مصر ليكتشفوا هم وحدهم في رحلاتهم النشطة للبحث عن كنوز التاريخ في القصور المهجور وأطلال المباني، والهدف الأول من ذلك ليس البحث عن عبق التاريخ فقط وإنما حلم التحفجيه اليومي الذي لا يتبدد أبدا في تحقيق الثراء والثروة بلا شهادات ولا وظائف (ولا وجع قلب) ولكن بالخبرة فقط التي اكتسبها البعض من آبائهم الذين كانوا يعملون في الأصل في (الروبابيكيا) أو كانوا زبائن بسطاء وانزلقوا في وحل التحف الساحر ..

والعجيب انك ستري احدهم يحقق ثروة كبيرة مفاجئة في (خبطة) تحف وبعد بضع شهور يعود إلي الفقر والشقاء مرة أخري في صفقة أخري خاسرة، وهم لا يعرفون اليأس ولا القنوط فالمفاجئات السعيدة دائما تنتظرهم خلف جدار خيالهم الخصب لترتمي بين أحضانهم في الوقت المناسب لتتحول إلي ثروة طائلة .. وعندما تتحدث مع أحدهم سيقول لك بملامح بريئة :

- ايييييييييه كل واحد بياخد نصيبه يا أستاذ .

وستثير هذه الكلمات مشاعر تاجر آخر فيقول بخشوع وهو يذبح (زبون) :
- لا حيلة في الرزق .. ولا شفاعة في الموت .

وستندهش فيما بعد وأنت تحاول أن تفسر كيف استخدمت هذه الكلمات الرائعة والجليلة نفسها كحيلة ماكرة للنصب والاحتيال..

في مختلف الأسواق معروف بأن لكل تاجر حيلة ولكل بضاعة غلالة من الكذب تزيدها إغراءا ورونقا في أعين الزبائن هذا صحيح لكن تجار التحف امكر مما تتخيل ويخيل لي انك لو درست الإستراتيجية الحربية مثلا للسيد (سنطازو) فلن تغلب مكرهم وحيلهم أبدا التي لو علم بها الشيطان فسيصاب فورا بجلطة مميتة في كبرياءه .

(يااااه ده أنت متغاظ منهم جدا)

علي العكس تماما لكن تبهرني حيلهم بل وأكاد اصفق لهم في إعجاب كبير ..

وسأضرب لكم مثلا واحدا بسيطا يعطيكم ولو فكرة من بعيد عن الاعيبهم المبتكرة ..

-( يا عم أنت نسيت موضوعنا الأساسي.. ده أنت باين عليك فعلا مجنون بجد ).

- اللي هوه إيه ؟

- يووه .. لقيت إيه في الخازنة غير جنيه إدريس أفندي .

- تقصدوا إدريس بك .

- بك ولا أفندي .. المهم خلصنا وقصر .

- حاضر .. لقيت في الخزنة حبة حجات ..

- ياااااااااااااااا صبر أيوب .. حجات زى إيه ؟

- زي الصورة دي !

http://www.sama3y.net/forum/attachment.php?attachmentid=85528&stc=1&d=1208207125

- أيه ده !؟ مين ده ؟

- ده هوه ده .. قصدي اللي فوق هوه اللي تحت .. بس اللي فوق ايام الشباب واللي تحت ايام اللي مش شباب .

http://www.sama3y.net/forum/attachment.php?attachmentid=85529&stc=1&d=1208207607
- ده علي الكسار :)

- ايوه هوه علي الكسار .

- هه .. كمل ولقيت ايه تاني ؟؟؟؟
(كوكو كوكووووووووووووو)

(للحديث بقية)

- ييييييييييه ده انت تزهق يا جدع :mdr:

[ام احمد 3]

تحية طيبة وبعد، قصة جميلة وسرد فيه سلاسة وارجو ان لا يطول انتظارنا لمعرفة بقية القصة وشكرا.

[جرامافون]

عم محمد ارمسترونج :

- أنت مهمل في لبسك .. بدال ما تضيع كل الفلوس في التحف
ويتنصب عليك كل مره .. بر نفسك شوية واشتريلك حتي بنطلون وتي شيرت جداد .

((( يا سلااااااااااااااااام .. ما اسعد الرجل الذي تراه زوجته في عينيها بهذه الصورة الرائعة .. هذا ليس شئ مخجل علي الإطلاق هذا معناه ببساطة أنك في عين زوجتك رجل برئ طيب النية غلبان بينما العالم كله يمتلئ من حولك بالأشرار والنصابين والشياطين وربما تحسد نفسها عليك وتشكر حظها العظيم الذي أوقعها ورزقها برجل مغفل اقصد رجل طيب نيته بيضاء .. وهذا في حد ذاته يعتبر تصريح مفتوح ببعثرة النقود (براحتك) لأنك ببساطة .. رجل طيب وأهبل ).

اتفقت أنا وزوجتي أن اشتري ملابس جديدة بما تبقي معي من نقود ..

ركبت سيارتي وانطلقت للبحث عن بنطلون وتشيرت في شوارع القاهرة ..
لكن فجأة أخذ جوالي اللعين يدق بإلحاح مزعج ..

- الــــــــو .
- أزيك يا أستاذ .. إيه يا عم مبتسألش علينا يعني ..
علي العموم أنا جبتلك حبة تحف إنما إيه آخر حلاوة ..
مستنيك في الدكان .. سلام ..
(كليك)
وكما سقط حائط برلين الشهير في لحظات تاريخية عظيمة سقط (البنطلون والتي شيرت) من راسي في لحظات تحفجية عبيطه ..
ووقفت رغباتي عارية ترتجف أمام إغراء مكالمة تاجر لا يتعدي سعرها الـ30 قرشا .. أما (بوز) العربية اللعين فقد اتجه رغما عني نحو الدكان الذي صدرت منه المكالمة منذ قليل .

- أزيك يا عم محمد .

(عم محمد تاجر قديم ظريف.. مش ممكن تشبع من قعدته ولا تبطل ضحك .. ضحك حقيقي ومن قلبك وزي مابيقولوا كده : فاستلقي علي قفاه من الضحك")

- أهلا وسهلا .. أخيرا رق الحبيب ..
أتفضل يا أستاذ ..هه .. اجيبلك شاي فتلة وسندوتشين عصافير .

(توجد فترينة عصافير بالقرب من دكان عم محمد.. والرجاء ألا يسألني احد عن طعمها لأني لم أتذوقها حتي الآن )

فتح عم محمد ضلفة خزانة قديمة واخرج منها التالي :

http://www.sama3y.net/forum/attachment.php?attachmentid=85826&stc=1&d=1208378390

ساعة رملية

http://www.sama3y.net/forum/attachment.php?attachmentid=85827&stc=1&d=1208378390

مزولة (ساعة شمسية)

http://www.sama3y.net/forum/attachment.php?attachmentid=85828&stc=1&d=1208378390

سحتوت

ثم مد يده إلي عمق نفس الخزانة وأخذت يده تبحث عن شئ ما وقال بقلق وحيرة :

- الله .. ده أنا لسه حاططهم هنا بأيدي ..

فقلت له ببراءة :
- همه إيه يا عم محمد ؟

- فقال بعفوية :

- النيازك .

- الـ إيه !!!!!!؟

- ايوه .. أهم .. لقيتهم .. أتفضل ..

نظرت بدهشة نحو المنضدة الخشبية التي وضع عليها عم محمد ثلاث أحجار غريبة وقلت له باستغراب:

- إيه ده بقي إنشاء الله ؟

فقال لي وهو يبتسم ابتسامة اكبر من ابتسامة ارمسترونج بعد عودته الميمونة لسطح الأرض:

- دي نيازك يا أستاذ .. بتيجي من بره .

فسألته متعمدا بنبرة (من لا يفهم) :

- تقصد بتيجي من بلاد بره يعني ؟

فنظر نحوي باستخفاف وبابتسامة عالم فضائي جليل تنتظره مركبة فضائية بجوار دكانه العتيق :

- يا أستاذ بره مين بس .. قصدي بتيجي من الفضاء ..

- فقلت له (باستعباط) :

- ااااااااااااااااااه دي بقه اللي بتقع من ثقب الأوزون .

ضحك عم محمد وقال :
- أنا بقول ناكل سندوتشات عصافير أحسن .. إيه رأيك ؟

فقلت له مداعبا :
- والله يا عم محمد باين عليه أنا اللي داقق عصافير .

(بعد خد وهات)

انتصرت علي عم محمد الطيب الغلبان بعد ان تركت له كل ما في (جيوب) بنطالي من نقود ..

[جرامافون]

عدت إلي المنزل فرحا بتحفي الجديدة .
وقلت في نفسي :
- مراتي لو رقعت بالصوت يبقي ليها حق .. بس معلهش هيه اللي غلطانة مين قالها تتجوز واحد طيب !

فتحت زوجتي الباب ونظرت في (الكيس) الذي احمله :

- جبت لبس ؟

- جبت حاجات احلي من اللبس .

فقالت بدهشة :

- زى إيه ؟

- فقلت لها بنبرة ود :

- جبتلك يا حبيبتي نيازك من الفضاء .

فصرخت في وجهي :

- ااااااااااااايه ؟

http://www.sama3y.net/forum/attachment.php?attachmentid=85833&stc=1&d=1208379171
نيازك عم محمد ارمسترونج
***************************
(يتبع)

[جرامافون]

في الليل جلست في صالة المنزل كعادتي بجوار زوجتي
وأطفأت كل نور المنزل كنت أريد أن تنسي زوجتي موضوع الفضاء (إياه)
وضعت أحد الاسطوانات التي أحبها كثيرا للشيخ أمين حسنين علي جهاز الجرامافون وأدرت المانفيلا عدت دورات ..
وبدأ الشيخ أمين يلعلع ويطربنا :

علي إيه بيعمل كل ده .. ما كنش طبعه زمان كده
علي إيه.. علي إيه .. علي إيه ده كله

بعد دقائق استأذنت زوجتي للدخول للنوم .. وجلست بمفردي استمع الي صوت أمين حسنين الشجي .. كان جوا رومانتيكيا جرامافونيا جميلا خاليا من النيازك و(التي شيرتات) ..
وفجأة
خيل لي في الظلام أني اسمع صوتا آخر بالقرب مني كان يدندن مع أمين حسنين نفس كلمات الأغنية

(إيه ده !! البيت فيه عفريت ولا ايه)
.. تجمد الدم في عروقي وأنا أحدق في ظلام المكان
محاولا اكتشاف مصدر الصوت ..
وكانت المفاجئة الكبري

من خلال حجب الظلام رئيت بصعوبة وجه رجل كان يجلس أمامي وينظر نحوي مباشرة .. خفق قلبي من الخوف .. كيف دخل هذا الرجل إلي منزلي

كان وجها اعرفه جيدا .. ورغم ذلك قلت في نفسي :
(طيب وايه اللي حيجيبه بس هنا )
فركت عيني ونظرت مرة أخري محاولا التأكد
لكن الرجل قطع تفكيري وسمعته يقول :

- أزيك يا جرامافون .. عامل إيه أنت وأسرتك .

ابتلعت حلقي الجاف قبل أن أقول له بصوت مرتعش :
- انت علي فكرة يا أخ عفريت تشبه محمد زمنطر بالظبط .
فقال العفريت ضاحكا :

- أنا محمد زمنطر فعلا .

فقلت له بدهشة كبيرة :
- أزاي يعني ؟ هو أنت جيت من تونس ولا إحنا اللي رحنا هناك .. معلش مش واخد لبالي .

أجابني محمد :
متفرقش كتير .. هنا وهناك واحد .. انت مش قلت أن أنا أنت وانت أنا .
قلت له :
أيوه .. لكن وقتها كان قصدي ..

لم أكمل عبارتي فقد توقف فجأة غناء أمين حسنين
وأنطلق صوتا آخر من احد جوانب صالة (بيتنا) يقول :

- الأغنية دي موجودة عندنا في المنتدي مش كده يا محمد ؟

أجابه محمد زمنطر بنبرة مرحة :
- ايوه يا كمال !!
التفت نحو مصدر الصوت الأخر مصدوما وقلت :
- مــــــــين ؟؟

جلس السيد كمال عزمي إمامي مبتسما وقال لي بهدوء:
- أزيك يا توحفجي .

هززت راسي مرحبا به لكن الدهشة عقدة لساني عن الكلام .

أشار السيد كمال نحو صورة كانت معلق علي حائط صالة منزلي كانت لام كلثوم في شبابها ولا ادري كيف شاهدها في الظلام وقال لي مداعبا :

- انت مش كاتب تحت الصورة دي المصدر ليه ؟

( انفجرنا نحن الثلاثة في الضحك )

قلت لهما متسائلا :
- هاها .. بس انتوا جيتم هنا أزاي ؟

تبادل الاثنان نظرات لم افهمها ثم قال السيد كمال لي بهدوء :

- رغم إن الموضوع صعب شوية بس أنا حافهمك يا توحفجي .. بص يا سيدي ..أنت شفت فيلم (ماتريكس) .

قلت له بتلقائية :
- لا .. شفت فيلم ابن حميدوا ..

هز السيد كمال رأسه بأسف ولم ينطق بكلمه واحدة .. فخفت أن يعتقد أني (غبي ولا جاهل)
فقلت له محاولا إظهار ذكائي وفطنتي وثقافتي وكياستي :

- آاااااه .. ايوه ايوه فهمت .. حضرتك تقصد تقول إنكم جيتم بيتنا عن طريق برنامج سوفت وير في الكومبيوتر مش كده ؟ طيب والبرنامج ده اسمه ايه ؟ (بيتنا فوتو شوب) مثلا ..

ثم أفلتت مني ضحكة ظننت وقتها أن ما قلته كان ظريفا ..
لكن السيدان المحترمان التزما بالصمت فأدركت سخف ما قلت ..

حدق السيد كمال نحوي بنظرة أسي كبيرة ..
وكأنه كان يريد أن يعزيني في رأسي التي تحمل كمية كبيرة من الجهل .. لذلك انسحبت افكاري بهدوء وجلست في احد اركان جمجمتي في خجل ..

لكن محمد زمنطر قطع الصمت والحرج وقال لي :

- احم .. مش مهم دلوقتي جينا هنا أزاي يا توحفجي .. المهم جينا هنا ليه ؟

فقلت له بلهفة :
- ليـــــه ؟ قصدي يعني .. طبعا تشرفوا وتانسوا .. بس ..

.. وفجأة ..

[جرامافون]

مد أحدا يده نحو مفتاح النور وأضاء كل صالة المنزل وهو يقول
- خلينا في المهم .. أزيك يا جرامافون ياتوحفجي .

- نظرت نحوه مصدوما وقلت :
- لا دي الحكاية كبرت قوي بقي .. تونس وألمانيا والجمالية في بيتنا .. هوه فيه ايه يا دكتور انس ؟

فابتسم الدكتور انس البن وقال وهو يجلس بجواري :
- فيه كل خير طبعا ..
ومد يده ووضع علبة حلويات علي المنضدة وقال :
أنا مرضيتش أجي بأيدي فاضية .

كل هذا كان يحدث وزوجتي بالداخل غارقة في النوم .. لكنها استيقظت واتت الي صالة المنزل لتستطلع الأمر .. تلفتت حولها بدهشة وسألتني :
- إيه ده ؟.. فيه ايه ؟
فقلت لها :
- لا ما فيش حاجه بس الظاهر إننا قعدنا نرفع ونرفع ونرفع حجات في منتدي سماعي والظاهر غلطنا ورفعنا بيتنا كله في المنتدي وإحنا جواه .
(ضحكنا جميعا مره أخري .. وتفاءلت خيرا)

قال محمد زمنطر :
- بص يا توحفجي .. انت فتحت موضوع في المنتدي تحت عنوان مذكرات مجنون تحف .. قلنا ماشي عضو مجنون ما فيش مشاكل .. كمان جرامافون بمنافيلا مش مشكلة .. وتحفجي برضه قلنا مندققش معاك ..
وقعدت تحكي وتشوقنا ووصلت للخازنة وشكلك كده حتطول وحتطلع روحنا لغاية ما نعرف ايه اللي كان في الخازنة فقولنا ناخد بعضنا ونجيلك بالتي هي أحسن عشان تسلمنا باقي الحجات اللي لقيتها في الخازنة .. بهدوء ومنغير شوشرة .

التفت نحو الدكتور انس مستنجدا فهز رأسه وهو يربت علي كتفي وقال :
- ربنا أمر بالستر يا ابني .

أما السيد كمال عزمي فقد أخرج ورقه من جيبه وأخذ يلوح بها أمامي وهو يقول بنبرة جادة:
- طبعا إحنا معانا إذن بالتفتيش من نيابة المنتدي .. ومتنساش انك عضو .. وأنت اللي دخلت القفص قصدي المنتدي برجليك .

ذهب عقلي بعيدا وظننت أن السادة الأفاضل يعتقدون أنني وجدت كنز أو ذهبا في الخزانة (وعايزين نقسمه علي بعض) فقلت بنبرة ودوده :
- يا جماعة مكنش فيه في الخازنة غير جنيه إدريس والتاجر شبط فيه فسبتهوله .. ومكنش فيها فلوس تاني .
صاح الدكتور انس البن بنبرة عتاب ولوم قائلا :

- إيه ده يا توحفجي .. هو ظنك فينا كده ..

وأضاف السيد كمال :
- فلوس إيه وكلام فارغ إيه .. أنت يظهر متعرفناش كويس ..

ثم قال محمد زمنطر :

- أنا زيك بالظبط بنضف جيوبي أول بأول علشان يفضل المنتدي شغال والحال من بعضه .. وكل واحد مننا اللي بيقدر عليه بيعمله وربنا العالم ..

[جرامافون]

تأثرت كثيرا بهذه الكلمات ..
وشعرت بالخجل الكبير وودت أن اصفع نفسي (قلمين) تكفيرا عما صدر مني فقلت بنبرة آسف :
- أنا آسف يا جماعة مكنتش اقصد .. معلش برضه في دي طلعت مغفل مش في التحف بس .

قطع الدكتور انس الصمت وقال بنبرة تمتلئ بالطيبة والحب وهو يربت علي كتفي :
- ولا يهمك يا توحفجي .. أحنا كلنا بنحبك ..
وبعد كده مين حيدافع ويترافع عنك في قضيتك في المحكمة غيري أنا ومنغير مقابل كمان .

قلت له بنبرة ود :
- الله يطمنك يا دكتور
(ثم انتبهت لكلماته )
- ..محكمة .. محكمة ايه دي ؟

في هذه اللحظة سمعت عدة موبيلات تدق بنغمات مختلفة دفعة واحدة .

وتنحي كل واحد من السادة الأفاضل جانبا ليتحدث بكلمات غير مسموعة مع الطرف الأخر

في محمول أخي محمد زمنطر سمعت صوت كان تقريبا
صوت الأستاذ صلاح (سيادة الرئيس)
وكان يقول تقريبا أيضا :

- هه .. اعترف وطلع المستندات وألا أجيلك يا محمد .

أما السيد كمال فكان يتحدث مع عضو يقيم في الخارج لم أتعرف عليه حقيقة .. فقد كان يحادثه باللغة الألمانية التي لم اعرف منها منذ صغري سوي الحصبة الألمانية .

أما الدكتور انس فقد كان يملي تقريبا السيدة الفاضلة زوجته مدام ناهد أنواع المأكولات التي عليها إعدادها (غير العيش والحلاوة) كي يزودني بها بيت الكرم الحاتمي إذا لا سمح الله شرفت في تخشيبة المنتدي و(عصلجت).

ثم توالت المكالمات علي السادة الأفاضل من إخوة كرام

بصراحة فكرت أن امسك أنا الأخر بالمحمول الخاص بي واطلب من عائلتي وأصدقائي في الصعيد المدد وابعث برسالة (S.OS)
لكني تذكرت أن جميع موبيلات الصعيد لا تعمل علي نفس الشبكة بل لها شبكة أخري خاصة بها (صعيد منافيلا فون)

وها أنا يا إخواني انتهز هذه الفرصة (انشغالهم بالمكالمات )
وبصراحة
لا ادري إن كان ما حدث حلم أم علم

ورغم أن المجنون مريض وليس عليه حرج

لكن الاحتياط واجب
وخلينا ماشيين جنب الحيط
والجبن سيد الأخلاق
واللي يعوزه المنتدى يحرم علي بيتنا
وهنيالك يا رافع الخير
وبدال منقع في كمين من أولها بنقول آمين
والصراحة راحة والكدب مالوش رجلين
واللي ليه ضهر متتحذفش مشاركاته
والصور دي لا لقيه ولا ورث .. دي جايه بخلع الدرس
ومين طلع من منتداه .. حيروح فين يا حول الله

عشان كده حطيت وشي في الحيط ورفعت ايديه لفوق
وحرفع كمان المستندات اللي لقيتها في الخزنة
وتحيا المنتدى وأعضاءه ..
ويسقط اللي يحب نفسه
.. جرامافون ..:emrose:

(مع خالص حبي واحترامي لأخي محمد زمنطر .. الاستاذ كمال .. الدكتور أنس البن)

[جرامافون]

علي الكسار
لا اعتقد ان احد منا لم يحب بربري مصر الوحيد الفنان الجميل علي خليل الكسار رحمه الله فهو يدخل قلبك فورا وبلا استئذان بتلقائيته الجذابة وبابتسامته البريئة انه الرجل الاسمر الساذج الطيب الذي كان في ايام المجد ينافس العملاق الكبير نجيب الريحاني ويدندن بالحان سيد درويش وبهذه المناسبة يستغرب الكثيرون بأن الكسار لم يكن لونه اسمر ومن الصور المرفوعة مسبقا طبعا يظهر ذلك .. رحم الله عثمان عبد الباسط فكم مرة اضحكنا واسعدنا ..

http://www.sama3y.net/forum/attachment.php?attachmentid=85870&stc=1&d=1208389959
بروجرام مافيش كده
http://www.sama3y.net/forum/attachment.php?attachmentid=85871&stc=1&d=1208389959
صورة أبنة علي الكسار في صغرها
http://www.sama3y.net/forum/attachment.php?attachmentid=85872&stc=1&d=1208389959
عقد زواج عائشة ابنة علي خليل الكسار

[جرامافون]

http://www.sama3y.net/forum/attachment.php?attachmentid=85877&stc=1&d=1208390574

كلمات نعي الفنان الكبير علي الكسار رحمه الله بخط يد نصر ابنه وبها معلومات دقيقة وهامة عن الفنان الراحل
http://www.sama3y.net/forum/attachment.php?attachmentid=85878&stc=1&d=1208390574
فاتورة الصيوان الذي اقيم للعزاء في وفاة الفنان علي الكسار وكذلك الميكروفون وغيره ..
http://www.sama3y.net/forum/attachment.php?attachmentid=85879&stc=1&d=1208390574
فاتورة الكفن والسيارة وغيره

[جرامافون]

http://www.sama3y.net/forum/attachment.php?attachmentid=85891&stc=1&d=1208405710
رد النقابة (تقريبا) علي طلب المعاش الذي كان قد تقدم به علي الكسار
http://www.sama3y.net/forum/attachment.php?attachmentid=85889&stc=1&d=1208405486

http://www.sama3y.net/forum/attachment.php?attachmentid=85890&stc=1&d=1208405486
وصلين من شركة المياه باسم علي الكسار علي عنوانه احداهما استهلاك والاخر يبدوا تركيب عداد .. تقريبا

[جرامافون]

http://www.sama3y.net/forum/attachment.php?attachmentid=85927&stc=1&d=1208426741

شهادة وتصريح بالموافقة علي اقامة فرن عمومي بشبرا علي ارض يملكها الفنان علي خليل الكسار سنة 1922

.. جرامافون ..:emrose:

[د أنس البن]

السلام عليكم .......
فكره مجنونه
والفنون جنون
كما يقولون

أعدت قراءة اللقطه الإبداعيه للصديق جرامفون قراءة متأنيه بعد أن مررت عليها فى عجاله فى القراءة الأولى بدافع الرغبه فى القفز الى معرفة النهايه التى انتهى اليها هذا المشهد الغريب الذى رسمه باقتدار وتمكن قلم كاتب أديب موهوب بحق , وبعد أن فرغت من قراءته بعنايه , جلست أفكر وأسترجع أحداث المشهد التخيلى الجميل وكيف أمكن لأديبنا أن يضع نفسه مكان كل واحد من زائريه وأن يستنطق كل واحد منهم بطريقته وأسلوبه فى براعة ودقة متناهيه ودون محاولة منه للمجامله أو للخروج ولو للحظة واحده خارج دائرة رسم الواقع فى عالم الخيال ,
وقلت فى نفسى أخيرا ولم لا , نعم لم لا ننتقل الى مشهد آخر نكمل فيها أحداث المشهد الأول الذى تمكن صاحبه من إسدال الستار عليه فى براعة وذكاء شديد , والتقطت الخيط من كلمة " محكمه " التى أجراها على لسانى وجعلت فرائصه ترتعد رعبا وفزعا من عواقب الأمور ومن المجهول الذى لا يعلم عنه شيئا , إذن فلتكن المحاكمه لأنه حاول أن يماطل وأن يحاور ويناور فى براعة واقتدار مستخدما رصيده من الدهاء والملاوعه الذى اكتسبه بحكم خبرته فى عالم التحفجيه ,
هذا المشهد فى قاعة المحكمه يحتاج الى خيال أديب محترف لأنه سيكون بالقطع مغايرا للمشهد الأول حيث قاعة المحكمه التى تعج بالحاضرين من أقارب المتهم وأصدقائه وزملائه من أعضاء ومواطنى سماعى الذين قدموا من كل مكان من داخل وخارج البلاد , وممثلوا الصحافه فى مجلة سماعى وغيرها ووسائل الإعلام المسموعه والمرئيه تتقدمهم محطة راديو كشك ووكالات الأنباء وأعضاء المنظمات الحقوقيه ,
وعلى الجانب الآخر منصة القضاء وممثل الإدعاء ومحاموا الدفاع وكاتب الجلسه والحاجب والقفص الذى يجلس فيه المتهم وطاقم الحراسه المرافق له , لأنه من الشخصيات المهمه ,
باختصار ومن الآخر يمكن أن يكون فى تصورى هذا المشهد الرائع الذى ابتدعه " جرامفون العجيب " مصدر إلهام لأديبنا الكبير " كمال بك عبد الرحمن " للعمل الدرامى المقترح للصوره الغنائيه التى ينتجها منتدى سماعى .
بقى أن أقول أن هذه الكلمات تداعت الى ذهنى وأن أفتح المشاركه لم يكن فى رأسى كلمة منها , حتى أنى رجعت الى بداية الكلام وكان آخر ما كتبت هو العنوان , أى والله .........

إعتمد المشاركه .. حاضر .. ومنغير معاينة المشاركه ...

[سمعجى]

أستاذي و شيخي الجليل الدكتور أنس

كلام عمِنا التحفجي مُلهـِم ،، و الراجل عنده خيال درامي مُحكـَم
و قدرة على تجسيد المواقف و تصعيدها بحرفية واحد ( كـَتـَبْجي )
لعبها كتير قبل كدة :)
و هو ما يُحَفِزُ نزعة ( المخمخة ) عندي ، بعد حالة ( الصَصبينس ) التي يستطيع أن ينافس بها أخونا ستيفن سبيلبرج ;)

التحفجي ذات نفسُه ..

سرقت خيالي يا عمنا .. دا إنتَ حكاية كبيرة .. قول يا سيدي ..
و ما تحرمناش من سَردَك الأخـَّاذ .. و بساطة ( السهل الممتنع )
و الربط بين نقلات ( المواقف ) بتلقائية و انسيابية .. و تغليف المشاهد بروح مرحة و مبهجة ..

أنا ( مأعمِز ) أهه ، و ف إيدي كباية الشاى المتينة ..
إحكي يا ( حَكواتي ) يا تحفجي الكلام الألماظ

( :emrose::emrose: ) الوردة التانية للمدام

[هانى حازم]

السلام عليكم ورحمة الله وبركاته

بس ...
سكوووووووووووت ..........

لغاية هنا وكفاية ...

انا كنت قارئ لكل الصفحات السابقة ..
جيت متأخر شويتين

وجيت بدعوة من الاخصائى الاجتماعى للمحكمة الموقرة
مدام ناهد المحترمة
زوجة عضو يمين سيادة القاضى

ولغاية هنا مقدرتش امسك قلمى

لقيت الراجل الطيب تحفجى ( المتهم )
بلدياتى ...
صعيدى يا بوى على ( حج ) صعيدى واجول ( الحج )

هيروح فى شربة ميا
واختناالكريمة الشريفة هتروح فين بعدة
ومفيش نقابة للتحفجية
يعنى ولا معاش ولا ديولو

وفار الدم الصعيدى فى عروقى
قلت لا والف لا

روحت لابس روب المحاماة فوق الجلبية
وشادد مكتوب لأبوى الحاج
أنس

وسجل عندك يا أ. سمعجى ( كاتب الجلسة )

أسجل أنا هانى حازم
محامى عموم وجة قبلى حضورى
نائب عن المتهم ( جرامافون )

وللحديث بقية .....

أصلى من استعجالى نسيت كرنية نقابة المحامين
فى جيب الجلبية

يعنى ثوانى اجيب الكرنيه وارجعلكم

[د أنس البن]

معلهش يا هانى علشان خاطرى بلاش انت , زى بعضه , بلاش وانا أوعدك إنى أعوضها لك , أرجوك , إذا كنت بتعمل لمصلحة الجرامفون وقلبك عليه , والا كده الجدع يا ولداه حيروح أكيد فى شربة ميه , وبعدين انت حر بأه , أنا عملت اللى على , وإذا أصر الجرامفون إنه يوكلك , يبقى هو حر , هو الجانى على نفسه , أنا عملت اللى على ,, :mdr:
وبعدين انت صدقتنى لما قلت له أنا اللى حدافع عنك , انا ها استغل الفرصه وآخد توكيل البوفيه فى اليوم المفترج ده , فرصه بأه :cool:

[جرامافون]

((( رسالة من داخل عربة الترحيلات)))

إخواني الأعزاء اكتب لكم في عجالة من داخل عربة الترحيلات وعندما تصلكم رسالتي يا ريت متعيبوش علي وحاشة الخط لأنه خط الشاويش أول أحمد أفندي الشوبكي قائد أركان عمليات الضبط والربط والإحضار، والحمد لله أنه رضي يسرسب الرسالة دي بعد عدة محاولات فاشلة للرشوة مره بسيجاره مستورده ومره بنكته تفقع لكنه اتضح إن الباش شاويش راجل شريف موت بس علي مين أنا رحت فاقعه موال من التقال بتوع عمنا الكبير مداح المداحين وامير الغنائيين الشعبيين عمنا محمد الشوبكي لقيتلك الباش شاويش بين أديه باش (عيل) عيونه رغرغت بالدموع وهاتك يا نهنه وأحضان وبوس وسجاير كمان
وقالي :
- والله يا تحفجي باينك بتفهم في الفن يا وله .. والله يا بني أنت دخلت جليبي علي طول واللي يشوفك رغم البهدله والكلابشات وشعرك المنكوش ووشك المنفوش وعنيك المعمصين المدخششين دول يجول عليك ولد ناس طيبين انا تحت امرك .. انشاله لو عايز تهرب اهربك يا اعز الحبايب
قلتله :
- لا .. اهرب إيه ! أنت عايز تبوظ فكرة المحكمة .. أنا بس عايزك توصل الكام رسالة دول سرسبة لمنتدي سماعي .

قالي :
- من عنيه ياوله .. طيب وأخوك سماعي ده بيشتغل إيه ؟
قلتله :
يوووووووه .. يا باش شا ويش افهم .. سماعي ده منتدي علي النت.
قالي :
- انشاله يكون في زحل حوصلهاله .. بس انت اتسلطن كده وافقعنا موال تاني .
قلتله :
يا باش شاويش أنت عايز تبوظ فن عمنا محمد الشوبكي بصوتي المحشرج المنيل ده ..

راح مفعصني وواخدني بالحضن وهاتك يا بوس وعياط وقالي بنبرة حنان امومي وابوبي :
- والنبي عندك حق .. بصراحة صوتك وحش موت ..مش بقولك أنت بتفهم ياوله
- مليني وانا حكتب ..
******
السلام عليكم ورحمة الله بركاته
أخي الفاضل /كمال بك
قاطعني الباش شاويش وقال :
- بس البكوية اتلغت من زمان يا وله .
قلتله :
- لا بقي .. حتكتب ولا اغنيلك .
قال:
- لا .. خلاص والنبي حاكتب .. قول ..

اخي الفاضل :emrose:كمال بك
بعد التحية والسلام اسعدتني مشاركتك الجميلة جدا
وعلشان ما اتشرفتش بمقابلتك في الواقع اطريت
انسج من خيالي مقابله وياريت تتحقق بس بعيد عن المحاكم طبعا
وربنا يعلم مدي حبي واحترامي العميق لشخصك الكريم
تحياتي الحارة
***********
اخي الفاضل ايهاب عامر
قاطعني الشاويش الممل تاني وقالي:
- الله انت تعرفه يا وله .. ده صاحبي الروح بالروح .
قلت:
لا بقه .. ده انا خلاص حتفقع منك وحغني بجد اهه .. احم .
قال :
- متملي وتخلصنا يا وله .

[جرامافون]

أخي الفاضل إيهاب عامر
اسعدتني مشاركتك وتحيتك وكلامك اللي طالع من قلبك يا اخي الفاضل ايهاب واشكرك يا غالي وخليني اقولك علي حاجه لو بتحب الاحباب فعلا وعايز تقابلهم معايا يبقي تعالي شرف جنبي .. عربية الترحيلات فاضيه والشاويش طلع صاحبك اهه
بخصوص موضوع الانفصال .. والله كل افكارك جميلة زيك يا ايهاب يا اخي الجميل

تقبل تحياتي وشكري العميق

***************
- اكتب بعد كده يا باش شاويش
قاطعني الشاويش تاني وقال :
- تكونش فاكرني باشتغل عند ( ) يا وله مكفايه كتوبات.
قلتله بنبرة تهديد:
- انت حتكتب بالذوق والا اقول الحاج محمد عن موضوع (الكذا والكذا) اللي بيخلي ركبك ومفاصلك تسيب وتقول جسمك باي باي .
الباش احمد تنح وقالي بصوت فيراني مذعور:
-والنبي لو قعت تمليني كتوبه للصبح مش حقول حاجه ملي ملي يا غالي :
اختنا الفاضلة الأستاذة :emrose:(لولي)
كلمة شكر قليله علي تحيتك الجميلة ربنا يخليكي لمنتدي سماعي ولكل الغلابة اللي زيي ورأيك طبعا قيم جدا ولما اخرج من اللي انا فيه حنفذه باذنالله
طلباتك أوامر
تحياتي وشكري العميق

***********************
استاذتنا وتاج رسنا ونبع حنان المنتدي الصافي
مدام/ناهد:emrose:
والله ده كتير عليه .. ربنا يخليكي ليه ولكل الاحبه في المنتدي
مع خالص شكري وتقديري العميق

تحياتي
****************
دكتور انس البن
قاطعني تاني الشاويش بصوت مذهول :
- الله أنت تعرف الناس العظمة الأكابر دي كلها منين يا وله .
قلتله :
- يا سلام .. هو انت فاكرني يا شاويش أي كلام ولا ايه لا .. اصحي .. فووووق ..ده انا ليه ضهووور مش ضهر واحد .. اكتب اكتب يا شويش يمكن تترقي علي أيديه وتاخدلك حتي شريطين ولو كانوا بنادول.

استاذنا الفاضل د/أنس
تحليل بديع وأفكار رائعة كالعادة ورأيك الصواب الذي لم يخطئ أبدا
تصدق بالله شهادتك في حقي اغلي من شهادة الثانوية العامة اللي كانت علي أيامنا بتبث الرعب والخوف في قلوبنا وكانت اغلي شهادة في حياة الإنسان ..كان زمان طبعا ..
والله يا عمنا الغالي يشرفني إن استاذنا وتاج رسنا الشاعر الجميل سمعجي يكتب صورة غنائية في المحكمة متهيألي التاريخ الغنائي نفسه حيفرح ..بس أمانه تلقزولي اسمي في الصورة الجميلة دي علشان أنا متأكد انه حيخلد فنيا وأدبيا بعد ما يبتكره الرائع سمعجي ومن جاور السعيد يسعد
خالص تحياتي وشكري العميق
*************
أخي كمال عبد الرحمن
سمعجي الجميل
بسبب مشاركتك ..يا دوبك وقفت ضرب في نفسي .. أصلي كنت كل ما ادخل أقرا لك قصيده ولا عمل أدبي ولا حتي مشاركة بسيطة انشالله سطر واحد امسك شماعة خشب وارثها من جدي وانزل ضرب في نفسي وانا بقول لنفسي ..
طااااااخ
شايف يا واد ..
طااااااااااااخ
شايف الكلام والتعبير والتفاعيل والقوافي والتراكيب والكتوبات والكنيات والحلويات
طاااااااااخ .. ايييييييييييي
مش لو كنت فلحت يا واد كنت حتكتب ولو ربع الكلام ده
يا بليد
طااااااااخ.. ايييييي
وحتكتب كده ازاي وانت خايب ونايب حتي في التحف
طااااااااخ .. اييييييييييييييي
وهاتك يا ضرب لما اتهريت
لكن شهادتك دي ليه خلتني اوقف ضرب في نفسي
ده (سمعجي) الجميل بيقول علي كلامي كلام الماظ
وهاتك يا رقص وتنطيط
ربنا يجبر بخاطرك .. بس وحياتك يا شاعر مخمخ
واكتب المحكمة .. النبي قبل الهدية
لك مني يا استاذي بحق
كل الحب والتقدير:emrose:

(علي فكرة أنا رميت الشماعة من فوق .. عورت واحد وجرجرني علي القسم ودي حكايه تانيه)

****************

[جرامافون]

حضرة جناب عموم وجه جبلي السيد
المحترم / هاني حازم
مهو المحاكمه بالجلابية يا متر.. أوعي تطلع منها الكرنيه
البسها يا متر بس أظبط اللاسه علشان التصاوير
والتعابير أثناء المحاكمة
ملحوظة
(أبويا بعتلك الفايش والقرص والجبنة والملوحة والبتاو)
قصدي مصاريف الأتعاب يعني وصلت ولا لا..
طمني وحياة النبي

*******************
أخي /عبد المنعم
مادمت شاهد ما شفش حاجه
خليك في صف اخوك جرامافون ولو بالزور
وحتلاقيها في ميزان حسناتك علي طول
****************
- اوبا .. يا نهار طين ..
ده سيادة العميد عماد جمعه باصص علينا من طاقة عربية التريحلات الشبك وبيقول :
- بتكتب ايه يا باش شاويش احمد يا شوبكي .. ماشاء الله .

(مطولش عليكم الباش شاويش احمد الشوبكي سابقا .. مترحل معايا في كلابش واحد كمسجون .. حيتحاكم هو راخر مين قاله بس يقعد يكتب كتوبات ويخالف القوانين )
- خد ولع وانفخ يا احمد ولا يهمك مش حقول لابوك.. ايييييه .. دنيا غروره وملهاش امان .

.. اصحي يا واد يا احمد وصلنا ..
واحد يا ورد
أتنين يا فل
تلاته يا اجدع معلمين
اربعة ..

.. جرامافون ..:emrose:

[جرامافون]

لا لا لا
خلاص خلاص حاعترف منغير ضرب

((( دول برضه كانوا في الخازنة)))

http://www.sama3y.net/forum/attachment.php?attachmentid=86178&stc=1&d=1208651590


http://www.sama3y.net/forum/attachment.php?attachmentid=86179&stc=1&d=1208651590

http://www.sama3y.net/forum/attachment.php?attachmentid=86180&stc=1&d=1208651590

[جرامافون]

(((طاااااااااااااااااخ)))
ايييييييييييييييييييي
:crazy:
- أيوه افتكرت ودي كمان .

http://www.sama3y.net/forum/attachment.php?attachmentid=86184&stc=1&d=1208393673

أخر ادوار الراحل علي الكسار كما يبدوا

;) .. مضروبـ فون .. :mdr:

[د أنس البن]

المجموعه الأولى من أبطال
الصوره الغنائيه خازنة التوحفجى
ملاحظه مهمه : توزيع الأدوار بعدين

المجموعه الثانيه من أبطال
الصوره الغنائيه
خازنة التوحفجى
.. ولسه ..


المجموعه الثالثه من أبطال
الصوره الغنائيه
خازنة التوحفجى
.. مضاف اليهم صبى القهوجى
جارى استدعاؤه من المغاره
مع المجموعه الرابعه

[جرامافون]

http://www.sama3y.net/forum/attachment.php?attachmentid=86211&stc=1&d=1208666773

لقطة نادرة وفريدة للمتهم جرامافون الشهير (بأبو شفتورة) والباش شاويش سابقا أحمد الشوبكي الشهير( بمعسل القص)
وهما الان في انتظار المحاكمة :mdr:

[أحمد شوبكى]

http://www.sama3y.net/forum/attachment.php?attachmentid=86211&stc=1&d=1208666773


لقطة نادرة وفريدة للمتهم جرامافون الشهير (بأبو شفتورة) والباش شاويش سابقا أحمد الشوبكي الشهير( بمعسل القص)

وهما الان في انتظار المحاكمة :mdr:


يا سلام علية وعلى جمالى وحلاوتى ،،، أسد واقف يا جدعان ،،،، أنا أول ما الصورة طلعت روحت جرى للمعلم الكبير محمد الشوبكى ،،، قالى إيه ده يا وله ؟ أمال بيقول إنك مسجون معاه ليه ؟ ( طبعا معرفتش أرد واقول حاجة ؟ ،،، أقول إيه ,,, أقول إيه ,,, قولتله دى كانت خطة عاملينها عشان نمسك بيها خط المنتدى ،،، قالى وده يا ابنى زى خط الصعيد كدة ،،، قولتله أخطر ،،، قالى إزاى وليه؟ ،،، قولتله عشان خط الصعيد كان بسرق أموال الناس وممتلكاتهم ، إنما الواد جرامافون أبو مانفيلا ( الشهير بابو شفتورة ) بيسرق قلوب وعقول وعيون الناس يا ابا الحاج ،،، قالى يبقى أخطر بكتير يا وله وبراوة عليك إنك قفشته قبل ما الحكاية تزيد ونلاقى الناس كلها ماشية فى شوارع وحوارى المنتدى تقول مدد يا سيدى جرامافون ،،، ونعمله مقام والناس تسيب الدنيا كلها وتجيله من كل مكان ،،، قلت شوفت ابنك بقى يا حاج ( وأنا فى سرى بأقول يارب سترك من الفضايح ) ،، الحاج محمد فضل يبص فى الصورة ومبسوط من ابنه قوى ولقيته عمال يدندن ويقول ،،،، صلى على أفضل نبى ورسول:

يا ســلام عـليــــك يــــا شــوبكى وإنـت شــــــاويش
وأبــــــوشفتـــــورة واقــــف حـــافى ولابـس خــيش
ولا طـــــربــــوشك يــــا ولــه ، أهـى كدة الطرابيش
يـــــا تــــوحفجـــى صـــدقنى لـــوكنــت أنا القاضى
ع الصـورة دى أديك مؤبد وعليه 3 سنين بقشيش

[دعاء الشريف]

ده أنت مؤلف كبير يا أستاذ أحمد واحنا منعرفش
اكيد مهو (أبن الوز عوام)
زي مبيقولوا في المثل
لا لا حقيقي مؤلف بارع يا (ضرتي) :mdr:

[أحمد شوبكى]

ده أنت مؤلف كبير يا أستاذ أحمد واحنا منعرفش

اكيد مهو (أبن الوز عوام)
زي مبيقولوا في المثل

لا لا حقيقي مؤلف بارع يا (ضرتي) :mdr:


والله لا مــؤلف ولا ليــــة فــــى التـــأليـف
كل الحكـــــاية إن التوحفجــى حــــــريــف
قلت أقلده بكلمتين ولو يطلعوا تخـاريــف
وآدينـــى كـتبتهم بس آهـــــــى مــــــــرة
آخرتها بقيت (ضـرة) يا دعاء يا شريف:mdr:

[سامية]

إيه يا أساتذة الجمال ده ؟؟
متابعة من البداية وصدقوني والله يا جماعة مش قادرة أشارك في الموضوع
لان مشاركتي أكيد هاتكون نشاز في وسط النغم الجميل ده
عزف رائع على الكلمات من أخونا التحوفجي
وردود رائعة من أخونا أحمد الشوبكي
الله يفتح عليكم كمان وكمان

أستاذ جرامافون
والله ماعارفة أقولك ايه
سردك للحكاية اكتر من رائع
والله كأني اراها مرئية
وجعلتني أشعر كأني جالسة بالمسرح أشاهد هذه الروعة باهتمام شديد
ربنا يسعدك زي ما أسعدتنا
مع خالص تحياتي

[سمعجى]

أخي كمال عبد الرحمن
سمعجي الجميل
بسبب مشاركتك ..يا دوبك وقفت ضرب في نفسي .. أصلي كنت كل ما ادخل أقرا لك قصيده ولا عمل أدبي ولا حتي مشاركة بسيطة انشالله سطر واحد امسك شماعة خشب وارثها من جدي وانزل ضرب في نفسي وانا بقول لنفسي ..
طااااااخ
شايف يا واد ..
طااااااااااااخ
شايف الكلام والتعبير والتفاعيل والقوافي والتراكيب والكتوبات والكنيات والحلويات
طاااااااااخ .. ايييييييييييي
مش لو كنت فلحت يا واد كنت حتكتب ولو ربع الكلام ده
يا بليد
طااااااااخ.. ايييييي
وحتكتب كده ازاي وانت خايب ونايب حتي في التحف
طااااااااخ .. اييييييييييييييي
وهاتك يا ضرب لما اتهريت
لكن شهادتك دي ليه خلتني اوقف ضرب في نفسي
ده (سمعجي) الجميل بيقول علي كلامي كلام الماظ
وهاتك يا رقص وتنطيط
ربنا يجبر بخاطرك .. بس وحياتك يا شاعر مخمخ
واكتب المحكمة .. النبي قبل الهدية
لك مني يا استاذي بحق
كل الحب والتقدير:emrose:

(علي فكرة أنا رميت الشماعة من فوق .. عورت واحد وجرجرني علي القسم ودي حكايه تانيه)


****************

[/quote]

عزيزي كبير تحفجية بَرّ مصر المحروسة

إن هاجسك هو هاجسي يا سيدي الفاضل ،،، فالبحث عن كمال المعنى ،،
و الدأب على تحسس سر سحر سلاسة السرد ( شفت حرف السين في الجملة دي ،،
راشش شوية بارفانات أحاسيس هامسة ،، و للوجدان مُلامِسة ) ..



(علي فكرة أنا رميت الشماعة من فوق .. عورت واحد وجرجرني علي القسم ودي حكايه تانيه)






ليتكَ لم تُلق ِالشمَّاعة ... لأُلـَسْوِعَ نفسي ( كام ساعة )
فأنا مثلكَ أبغي معنىً ... يــنـفـُث رائحة ً ضـــوَّاعة
تتـحفنا بـبديـع فنـون ٍ ... و تخطّ حروفـَك ( ببراعة )
فنحملقُ في مقـتنياتٍ ... و نُقـَلِّـبُ في خيـر بضاعة



و إليك تلك المخطوطة من العهد العثماني ،،، وجودوها في خزانة
سَنان باشا الدفتردار :



ياعم التـُحـفجـي
و راجل امزُجي

يا تحويجة و ظابطها
و لا أجدع أهوجي

أسرني بـديع فنــــونك
و كلامَـك الشـَّجي

و دوايـا في حـروفـك
إلحقني يا اجزجي

جوابات جنون فنونك
وصلتني يا فنـَّجي

ياللي غوايتك هوايتك
و خيالك بوسطجي

(( :emrose::emrose::emrose: ))

[جرامافون]

((( شاعر يا جميل)))

كلامك خلاني
خلاااااااااااااااااااص
مش طايق أكون متواضع
ويا ريتني ما رميت الشماعة .. لسوعه واحده وكنت اعرف
دي أحلام ولا زغزغة الفرح البسام
ولقيت نفسي محتاج اقعد مع نفسي
فناديت بعلو الصوت علي نفسي
اتاريني مش داري بنفسي
شاعر يا جميل
مع إني
طول عمري حكيم .. واطي الصوت .. منخفض الذات
لكن المره دي بالذات
حزعق بالصوت وحقول حكايات
شقلبت كياني
منك لله
وكلامك سفلت كل شوارع قلبي
حتي اللخنان وجميع لاركان
مفروشه برمل مندي
بروايح مية ورد
وبنات حلوين الصوره وطعمين الخد
عجنوا الحنة بزغاريدهم في اليد
لمض زينة ومزازيك
اشكال والوان
وشرايط الوان
وعيال فرحانه بتغني
وحبايب ياما بتهني
وابن الشرايين
مبقاش بيدق
لا .. بيغني
علي طبله و رق
ولأول مره
اتاخد بالحضن
ولأول مره
يرحمني الحزن
روح يا سمعجي
يا ابن الكلمة الحلوة
في الزمن المر
يارب الأحزان
علي بيتكم ما تمر
يارب جميلك فيه
وفي غيري يتمر
وابجي بصحيح
اهوجي ..علي طول
اجزاجي .. وأنا أطول
فنجـــي .. معقــــــول
روح يا سمعجي
يارب يحبب فيك
كل المخاليق
ولا يوم
تشعر بالضيق
وينور لك
للفرح طريق
سامع صوت كل السماعيين
بيقولوا ورايا
.. آمين ..
(:emrose::emrose::emrose::emrose:)
.. جرامافون ..

[أحمد شوبكى]

يا عينى عليك وعلى جمالك يا سمعجى
الله عليك وعلى حلاوتك يا تحفجى

فنان وقابل فنان والله العظيم ،،، يا بختنا وبخت المنتدى بوجود العظماء أمثالكم فيه ،،، عايزين بقى نشوف التعاون الجميل ده مثمر كدة ويللا شدوا حيلكم بقى وطلعولنا المحكمة ،،، عايزين نتمتع ونستمتع بفنكم الجميل :emrose::emrose::emrose::emrose:

[جرامافون]

الأستاذة الفاضلة / سامية
ياريت تدبس تحيتك الرائعة دي ومشاركتك المحترمه وشهادتك في حقي في ملف العبد لله المتحول علي المحكمة وأنا متأكد أني
مش حاخد براءه
بس
لا
ده انتي كمان حتاخدي براءة
يا استاذة
براءة اختراع لأجمل التحيات والمجاملات اللي طالعه من قلب صادق
ومتوزعه في كل اركان المنتدي
ربنا يخليكي ويجبربخاطرك
..
مع خالص تقديري العميق وشكري

.. جرامافون ..:emrose:

[جرامافون]

والله يا احمد يا شوبكي
أنا كان نفسي أحييك علي تحف كلامك الجميل كله
وافصصهولك .. فص فص
واقعد أتغزل فيه
لكني خايف م الكلام والحديت
وأنت عارف كلام الناس بقه
اللي يقول متهم بيجامل مجرم
واللي يقول زملاء سوء
واللي يقول المساجين علي ابراشها تقع
واللي يقول الكحريت الفاسد بيدحرج علي بعضه
(بمناسبة اقتراب شم الفسيخ)
واللي يقولك الجرامافون في عين صاحبه غزال

إلا قولي يا وله ..
هو أنا في عينك غزال بصحيح والا ارجع الجنينه تاني
:mdr:

(للأسف خد دي :emrose: .. معلش ملقتش بصله :mdr:)

.. جرامافون ..

[هانى حازم]

السلام عليكم ورحمة الله وبركاته

المحكمة


المشهد الاول

قاعة محكمة قديمه الطراز وسيعة المساحة
ذات سقف عالى تحلى اؤكانة الاربعة بعض
الاعمال الخشبية اليدوية

وفى وسط السقف لوحة ( العشاء الاخير )
ويتدلى من وسط السقف ( نجفة ) كبيرة

وفى مواجهة السادة الجلوس تربض منصة القضاه
المصنوعة من الخشب الزان قديم الصنع المحلى
بالفسيفساء وبعض اعمال الارابيسك

وفى خلف المنصة اربع تابلوهات مرسومة يدويا
للسادة :
الشيخ المسلوب
الشيخ يوسف المنيلاوى
الشيخ سلامة حجازى
الشيخ سيد درويش

وفوق التابلوهات مرسوم ميزان كبير الحجم
مكتوب فوقة

العدل أساس الملك

القاعة مزدحمة بعدد كبير من السادة الحضور

يدخل حاجب المحكمة
السيد / عماد جمعة
بقامته الفارهة وشنباته المفتولة
وينادى بعلو صوته

محكمة


انة فى يوم ( الفلانى ) الموافق التاريخ ( العلانى )
تم انعقاد الجلسة الاولى فى القضية رقم ( 1000 )
للنظر فى الدعوى المقدمة من ( ............. )
ضد المتهمين الخطيرين :
تحفة الجرامفونية ( أبو شفتورة )
احمد الشوبكى ( باشويش سابق )

تنتقل الكاميرا الى السور الحديدى
ويقف وراءة المتهمين

ويدخل الى قاعة المحكمة فى تؤدة وكبرياء
السيد/ محمد الزمنطر رئيس المحكمة
السيد / أنس البن قاضى يمين
السيد / كمال عزمى قاضى شمال

ثم ممثل الادعاء
السيد/ كمال عبد الرحمن

ويعلن الحاجب انعقاد الجلسة

ويعلن حضور المتهمين

والادعاء

ويدخل السيد ممثل المتهمين
ويعلن حضوره موكل من قبل
المتهمين
( رغم أنف البعض )

المحامى السيد / هانى حازم

وتبدء الجلسة الاولى

السيد رئيس المحكمة
يبدء بتسمية الله

ثم يقول

بسم الفن الاصيل فتحت الجلسة

السيد ممثل الادعاء
كمال عبد الرحمن

أتفضل

[ايهاب عامر]

السلام عليكم ورحمه الله وبركاته
الله الله الله
ايه الجمال ده يا جماعه
ربنا يكرمكوا على العمل الجميل ده
محاكمه رائعه
حاسس ان كلامكوا كله شعر
وادى المتر هانى دخل المعمعه وربنا يستر على المتهمين وعلى القضاه والحاجب والقاعه كلها :mdr:
تقبلوا جميعا خالص تحياتى

[هاله]

((( شاعر يا جميل)))

كلامك خلاني
خلاااااااااااااااااااص
مش طايق أكون متواضع
ويا ريتني ما رميت الشماعة .. لسوعه واحده وكنت اعرف
دي أحلام ولا زغزغة الفرح البسام
ولقيت نفسي محتاج اقعد مع نفسي
فناديت بعلو الصوت علي نفسي
اتاريني مش داري بنفسي
شاعر يا جميل
مع إني
طول عمري حكيم .. واطي الصوت .. منخفض الذات
لكن المره دي بالذات
حزعق بالصوت وحقول حكايات
شقلبت كياني
منك لله
وكلامك سفلت كل شوارع قلبي
حتي اللخنان وجميع لاركان
مفروشه برمل مندي
بروايح مية ورد
وبنات حلوين الصوره وطعمين الخد
عجنوا الحنة بزغاريدهم في اليد
لمض زينة ومزازيك
اشكال والوان
وشرايط الوان
وعيال فرحانه بتغني
وحبايب ياما بتهني
وابن الشرايين
مبقاش بيدق
لا .. بيغني
علي طبله و رق
ولأول مره
اتاخد بالحضن
ولأول مره
يرحمني الحزن
روح يا سمعجي
يا ابن الكلمة الحلوة
في الزمن المر
يارب الأحزان
علي بيتكم ما تمر
يارب جميلك فيه
وفي غيري يتمر
وابجي بصحيح
اهوجي ..علي طول
اجزاجي .. وأنا أطول
فنجـــي .. معقــــــول
روح يا سمعجي
يارب يحبب فيك
كل المخاليق
ولا يوم
تشعر بالضيق
وينور لك
للفرح طريق
سامع صوت كل السماعيين
بيقولوا ورايا
.. آمين ..
(:emrose::emrose::emrose::emrose:)
.. جرامافون ..

امين امين امين
ده لقاء السحاب ولا ايه؟

[هانى حازم]

السلام عليكم ورحمة الله وبركاته

يدق حاجب المحكمة
السيد عبد المنعم

ليأذن بدخول هيئة المحلفين :
:
السادة :
د. محمود رزق
أ.السيد المشاعلى
أ.محمد الالاتى
أ.حسن كشك
دكتور حسن
أ.ايهاب عامر
أ.غازى الضبع
أ.عادل السيد
أ. منعم
مدام ناهد
مدام سامية
أنسة لولى

اتفضل يا أ. كمااااااااااااااااااال

[د.حسن]

اتفضل يا أ. كمااااااااااااااااااال


.... وعندما تعب أ. هانى حازم من المناداه
أعطى للحاجب " ملف " وقال له :
إجرى قوام سلمه للأستاذ كمال عبدالرحمن فى الصالة الخارجية
وكان هذا الملف ... إسمعوه
مع تحياتى
معذرة لرفع الملف مخالفاً لشروط الصالون .. لكن المحكمة حكمت !!

[د.حسن]

وماهى إلا لحظات ...
حتى عاد الحاجب بالرد ...
إسمعوه
مع تحياتى

[NAHID 76]

بسم الله الرحمن الرحيم
دكتور حسن
بديعة فكرة حضرتك فكرتنى بمحكمة الفن الى كانت فى الاذاعة زمان لما كانو يندهو على المطرب يدخل باغنية
رد لا يخلو من ذكاء ومرتبط بالفن
شكرا دكتور حسن وسلامى وتحياتى

[د أنس البن]

سؤال خارج النص للصديق الجرامافون : باردون , معلهش ..
هو الإنتربول الدولى بيطاردك والا إيه ؟! كل نص ساعه تغير الصوره الرمزيه اللى متخفى وراها , إيه الحكايه بالضبط ؟ :crazy: :mdr:

[هاله]

السلام عليكم ورحمة الله وبركاته

يدق حاجب المحكمة
السيد عبد المنعم

ليأذن بدخول هيئة المحلفين :
:
السادة :
د. محمود رزق
أ.السيد المشاعلى
أ.محمد الالاتى
أ.حسن كشك
دكتور حسن
أ.ايهاب عامر
أ.غازى الضبع
أ.عادل السيد
أ. منعم
مدام ناهد
مدام سامية
أنسة لولى

اتفضل يا أ. كمااااااااااااااااااال



كل دول محلفين
ليه كده بس ياهانى
واحنا هنحلف على ايه بقى؟؟؟؟
لكنه بجد وصف جميل للمحاكمه ياهانى
ربنا ينصرك يامتر
وييجى ممثل الادعاء

[غواص النغم]

بما انني الحاجب
سمعت المتهم رقم واحد وهو يشتكي لمحاميه وهو بيقول :
اسمعوا
بصراحة هي الجلسة سرية
وممنوع التصوير
ولكن يوجد من سرب بعض المعلومات وجاري البحث عنه ((مش انا طبعاً))
كما قام القاضي بمنع دخول الإعلام للتصوير وعلى المتضررين اللجوء للقضاء
يعني الصحافة مش ح تدخل هناهو ابدا واللي حنلاقيه مستخبي
لا يلومنّ الانفسه
كما قرر القاضي بإحضار رسام ليرسم وقائع المحكمة التحفجية السماعية
وجاري البحث عن رسام المنتدى

[د.حسن]

بسم الله الرحمن الرحيم
دكتور حسن
بديعة فكرة حضرتك فكرتنى بمحكمة الفن الى كانت فى الاذاعة زمان لما كانو يندهو على المطرب يدخل باغنية
رد لا يخلو من ذكاء ومرتبط بالفن
شكرا دكتور حسن وسلامى وتحياتى


الأخت الفاضلة السيدة / ناهد
أقر وأعترف - مااحنا فى محكمة - أننى اقتبستها فعلاً من برنامج محكمة الفن الذى كنت أسعد به وأنتظره وموش عارف ليه ماكنتش باسجله ؟ يمكن أيامها كنت لا أملك جهاز تسجيل ... إحتمال
خالص شكرى وتحياتى لك ولأستاذى وأخى د. أنس
ولو سمحتى قولى له : هانت كلها اسبوع !!ولى معكما حق عرب
مع تحياتى

[غواص النغم]

اما المتهم الثاني وبعد اللي شافه في المحكمة
اسمعوا ماذا قال
مسكين مش عارف ايه اللي حيجرى له
خاصة بعد ماشكك في اقوال الشهود

[جرامافون]

سؤال خارج النص للصديق الجرامافون : باردون , معلهش ..
هو الإنتربول الدولى بيطاردك والا إيه ؟! كل نص ساعه تغير الصوره الرمزيه اللى متخفى وراها , إيه الحكايه بالضبط


(((من شر حاسد إذا حسد)))

يعني معلش يا دكتور بردون برضه عايزني أكون متخصص صور
وحاصل علي دبلومة ماجستير واسانس صنايع بكلوريا صور قسم لحام تحت الماء
ومغيرش الصورة الرمزية كل نص ساعة .. لا لا معندكش حق في دي يا دكتور
وبعد كده أنا عندي واحد صحبي تحفجي متخصص صور
وامبارح كنت سهران عنده لغاية الساعة 5 صباحا
وكان عنده بيعة صور (1400) صورة نقيت منهم كام صورة
علشان إسكانهم وأرجعهم لأنه عايز يبعهم علي بعض بـ (5000) جنيه
وأنا غلبان والصور تحفه علي الطبيعة ولناس مصريين عاديين
لكن جمال جدا من الناحية الفنية
بص الصورة دي آخر جمال

http://www.sama3y.net/forum/attachment.php?attachmentid=86722&stc=1&d=1208900634

آه نسيت أقولك بصحيح
دي صورة من بيعة جاتله من قصر ملكة سابقة لا داعي لذكر اسمها
صورة لعبد الحليم حافظ معها
http://www.sama3y.net/forum/attachment.php?attachmentid=86723&stc=1&d=1208900634

وبيحلفلي التحفجي ان عبد الحليم كان بيحبها وعايز يتجوزها وانها صورة نادرة
http://www.sama3y.net/forum/attachment.php?attachmentid=86724&stc=1&d=1208900634

علي العموم الله اعلم يمكن بيقول كده علشان يحلي البيعة في عنيه .

.. جرامافون ..:emrose:

[د.حسن]

إستكمالاً لرواية حضرة الحاجب
تذكر المتهم الثانى فجأة أنه كان باش شاويش
فصرخ فى العساكر اللى مالين القاعة قائلاً :

[د.حسن]

آسف .. أثناء رفعى لموضوع المحكمة فوجئت بعودة السيد / جرامافون ورفع صوره النادرة
عموماً دا كان فاصل خفيف .. أكمله وبس !! ونستمتع بالتحف والنوادر
صاح القاضى محكمة ليعود الهدوء بعد الهرج
ونظر إلى المتهم الأول وقال له : عاوز تقول حاجة ؟
إسمعوا ماقاله ...
مع تحياتى

[جرامافون]

آسف .. أثناء رفعى لموضوع المحكمة فوجئت بعودة السيد / جرامافون ورفع صوره النادرة
عموماً دا كان فاصل خفيف .. أكمله وبس !! ونستمتع بالتحف والنوادر

الدكتور الجميل د. حسن

طبعا كلمة آسف دي بتزعلني بجد .. يا دكتور الموضوع أتشرف بوجودك وبمشاركتك حضرتك الجميلة وبمشاركات أخي هاني حازم الرائع وأخي الجميل عبد المنعم وأختي الرائعة لولي و
كل المسألة إني كنت عايز أرد علي مداعبة الدكتور انس ومحبش اكتبله مشاركه منغير فائدة لأخواني الأعزاء
بالنسبة لموضوع مذكرات مجنون حنفصله لوحده ومن أول زيارة الأحباء الثلاثة حنفصله كموضوع للمحاكمة قائم بذاته حتي يبدع الأعضاء الكرام مثل حضرتك واخي منعم وهاني واخي ايهاب عامر وأنا معكم وكل من يحب المشاركة ليكون واحة جميلة أجمل ما فيها هذا التفاعل الجماعي الرائع وكأنها ورشة عمل جميلة يقدم ويساهم فيها الجميع بطرائفهم وأفكارهم الظريفة جدا
في انتظار اخي سمعجي الذي اعتقد انه يعد لنا عملا جميلا بالتأكيد وطبعا سيأخذ منه بعض الوقت
فبلاش موضوع .. أسف والنبي
يا دكتورنا الجميل



.. جرامافون ..:emrose:

[ايهاب عامر]

السلام عليكم ورحمه الله وبركاته
اخى العزيز جرامافون توحفجينا الجميل
اسعدنى جدا انتباهكم لطلبى بفصل الموضوع
يستحق الفصل والله
تمنياتى لكم جميعا بإكمال تحفتكم الجميله
اخوكم ايهاب

[هاله]

السلام عليكم ورحمه الله وبركاته
اخى العزيز جرامافون توحفجينا الجميل
اسعدنى جدا انتباهكم لطلبى بفصل الموضوع
يستحق الفصل والله
تمنياتى لكم جميعا بإكمال تحفتكم الجميله
اخوكم ايهاب

فعلا ياباشمهندس
كون المحاكمه ومايليها فى المحاكمه والدفاع والشهود قد اصبحت ذات كيان منفصل هو خبر جميل ويزيد من متعه المحاكمه وهيخلى هانى يترافع براحته خالص :mdr:
وكمان اخونا العزيز ا/كمال يقول ويعيد ويصول ويجول فى المحاكمه
وكمان المحاكمات الغنائيه وجمالها
بس على الله فى الاخر وبعد فصل الموضوعين ماياخدوش مؤبد
اللهم الا اذا كان حب مؤبد فى قلوب اعضاء سماعى جميعا فده يكون احلى مؤبد

[عماد جمعة]

السلام عليكم ورحمه الله وبركاته
كلمه الاستاذ محمد زمنطر رئيس المحكمه

[عماد جمعة]

السلام عليكم ورحمه الله وبركاته
خاللى بالكو يا جماعه
دول متهمين خطرين وممكن يعملوا مشاكل
ويكسروا القضبان

[جرامافون]

السلام عليكم ورحمه الله وبركاته
اخى العزيز جرامافون توحفجينا الجميل
اسعدنى جدا انتباهكم لطلبى بفصل الموضوع
يستحق الفصل والله
تمنياتى لكم جميعا بإكمال تحفتكم الجميله
اخوكم ايهاب


الأستاذ / إيهاب عامر
والنبي يا غالي كنت عايز اخد مقاس نضارتك واعرف الدكتور اللي عملهالك بعد إذنك طبعا
واضح انك بتعاني من بعد نظر
طبعا يا أخي إيهاب يا جميل أنت أول من نادي بهذا الرأي القيم والمفيد.
.. تحياتي ..:emrose:
***************
أخي /منعم
اختياراتك بالمقاس يعني ترزجي محاكم غنائية :mdr:

**************
الدكتور/ حسن
ايه الدخلات التراجيدية الجامدة دي لا واضح ان سعادتك دراماتورجي غنائيات اصيل :mdr:

************
سيادة العميد /عماد جمعة الجميل
(اوعي تكون اترقيت في الحركة الاخيرة وانا معرفش )
هيه من ناحية مسئولية فهي مسئولية سماعية سيا سـ
(ولا اقولك بلاش احسن تكون جتلك مع الترقية نقل لجهة الله اما احفظنا)..:mdr:

منور يا استاذ عماد والنبي

.. جرامافون ..

[عماد جمعة]

السلام عليكم ورحمه الله وبركاته
تخيلوا يا جماعه ان المتهمين لغايه دلوقتى مش عارفين تهمتهم ايه
راحوا سالين القاضى
ولما جاه عمنا هانى طلع ناسى الكارنيه بتاعه
ولما القاضى سألوه انت بتدافع عن اى نوع من القضايا
رد عليه وقالو
ويظهر الرد معجبشى القاضى وشكله كده هيحكم بـ

[د.حسن]

أستاذى الفاضل وأخى الحبيب السيد / جرامافون
فوت لى كلمة آسف دى اللى بتزعلك .. أنا خفت بس أكون نشزت فى الموضوع !!
وبينى وبينك أنا متابع الموضوع من بدايته وبصراحتى المعهودة لم أكن أتخيل أننى سأشارك فيه بقصاقيص من الأغانى
لكنى سعيد بمشاركتى والذى تلاها فيض جميل من الإبداعات الفنية فكان أول الغيث قطرة
قطعاً لن أجاريك فى أسلوبك الراقى المنمق فاعذرنى
أشكرك ولى همسة فى أذنك ... بعد إذنك
مابلاش الإسم الحركى وخليك زينا بإسمك الحقيقى ... وأوعى تزعل
مع خالص حبى وتقديرى وتحياتى لسيادتكم

[سامح الاسواني]

الاستاذ الفاضل جرامافون
ما كنش ممكن امنع نفسي من شكرك ، اضحكتني حتى (اتهبدت) على قفايا ، و استفدت من خبراتك ، و استمتعت بسردك الدرامي و عالمك الروائي ، و ابهجت نظري بتحفك ، حاكم انا كنت غاوي قديم و النداهة عدت عليا لكن لقت جيبي مخروم و مافيش مني رجا ، و دعني يا سيدي اوصل شكري الي الفاضلة الاستاذة دعاء الشريف التي تابعت ابداعتها منذ البداية و لم افها حقها من الشكر
لكما خالص مودتي و تقديري

[عماد جمعة]

السلام عليكم ورحمه الله وبركاته
المتهمين يا جماعه ابتدوا يحسوا بالياس
لانى سمعتهم وهما عمالين يقولو

[عماد جمعة]

السلام عليكم ورحمه الله وبركاته
وانا واقف بره اشربلى سيجاره سمعت عامل البوفيه
بيشتكى لصاحب الكافتيريا وبيقوله000000
راح صاحب الكافتيريا مكشر عن انيابه ورد وقال000000
عمنا ايهاب كان واقف وسمع الحوار ده
راح على طول قايل لصاحب الكافتيريا0000000

[عماد جمعة]

السلام عليكم ورحمه الله وبركاته
على فكره يا جماعه الاستاذ جرامافون زعلان جدا من مدام دعاء
وبيقولها انتى السبب فى دخولى محكمه المنتدى
وهى يا عينى بتعيط وعماله تقوله 000000
وكمان عمنا الشوبكى الكبير زعلان قوى وجايب معاه
المزمار وبيقول لابنه 00000

[جرامافون]

الاستاذ الفاضل جرامافون
ما كنش ممكن امنع نفسي من شكرك ، اضحكتني حتى (اتهبدت) على قفايا ، و استفدت من خبراتك ، و استمتعت بسردك الدرامي و عالمك الروائي ، و ابهجت نظري بتحفك ، حاكم انا كنت غاوي قديم و النداهة عدت عليا لكن لقت جيبي مخروم و مافيش مني رجا ، و دعني يا سيدي اوصل شكري الي الفاضلة الاستاذة دعاء الشريف التي تابعت ابداعتها منذ البداية و لم افها حقها من الشكر
لكما خالص مودتي و تقديري
أخي وأستاذي الفاضل
:emrose:سامح الأسواني
أسعدني كثيرا أن موضوعي المتواضع قد ادخل في نفسك السرور
كما أسعدني (ضحكك علي النداهة) فكما تري ضحيتها ماثلة أمامك
جرامافون مسكين لب النداء فأصيب بداء الجنون
بارك الله فيك يا أستاذنا الكريم ولك منا
أنا ودعاء
كل الشكر والتقدير لشخصك المحترم

.. جرامافون ..:emrose:

[mokhtar haider]

و الله العظيم أخي الكريم الاستاذ جراموفون
أنا تخيلت في الأول أنني مع تحفجيين و تابعت المواضيع من حين لآخر.... لكن بعد المراجعة على راحتي استخلصت أنكم أنتم تحف بحد ذاتكم مع السيدة الفاضلة الاستاذة دعاء... و إحنا اللي معكم تحفجية على قد حالنا مش عارفين نتوقف و نتأمل أمام مين و الا مين
أخوكم
مختار حيدر

[جرامافون]

و الله العظيم أخي الكريم الاستاذ جراموفون
أنا تخيلت في الأول أنني مع تحفجيين و تابعت المواضيع من حين لآخر.... لكن بعد المراجعة على راحتي استخلصت أنكم أنتم تحف بحد ذاتكم مع السيدة الفاضلة الاستاذة دعاء... و إحنا اللي معكم تحفجية على قد حالنا مش عارفين نتوقف و نتأمل أمام مين و الا مين

أخوكم

مختار حيدر






الأستاذ الفاضل القدير / :emrose:مختار حيدر

ليت كلماتي المتواضعة تستطيع التعبير بشكل دقيق عن وقع مشاركتك الرائعة والقيمة وتقديرك الكبير الذي يجعلني حقيقة أفتخر بأستاذ كبير مثل سيادتك ومتذوق خبير منحني هذه الشهادة التي لم يشرف بها موضوعي المتواضع فقط وإنما شرف بها تاريخي كله ..
شكرا جزيلا أستاذي الكريم
وتقبل مني
خالص الود والتقدير والاحترام العميق



.. جرامافون ..:emrose:

[جرامافون]

;) (((واثق الخطوة يمشي ملكا ))) :rolleyes:


http://www.sama3y.net/forum/attachment.php?attachmentid=87595&stc=1&d=1209366391

منذ فترة طويلة كنت أسير في إحدى أسواق القديم والمعروف
في مصر باسم (سوق الجمعة)
وهو عالم فريد جدا وقائم بذاته يمتلئ حقا بالأعاجيب والغرائب التي سنتحدث عنها فيما بعد

كان يوما شديد الحرارة وكنت أسير في منتصف السوق الكبير تقريبا الذي يقع أسفل كوبري التونسي بين المقابر والجبانات ..

فجأة
تسمرت في مكاني ووقفت مشدوها كالتمثال بعد أن وقعت عيناي علي شيئ كنت احلم باقتنائه منذ صغري .. كان عبارة عن آلة عرض سينمائي مقاس (16 مللي) ياباني الصنع

نظرت في وجه البائع المتجهم الدميم الذي كان منشغلا في العراك مع (ذباب وجهه) ..
تأملته بعمق وأحسست لحظتها أنه ليس إنسانا عاديا مثلنا
.. لا..
بل جنيا جميل الصورة له صفات خارقة للعادة .. خرج من قمقمه الصدئ وأتي إلي السوق متخفيا في صورة بائع قديم ليحقق لي أحد أمنياتي العظيمة في الحياة ألا وهي امتلاك جهاز عرض سينمائي ..
وما الذباب الذي يحوم حوله إلا جنيات رقيقة حالمة تنكرت هي الأخرى في هيئة ذباب صيفي بغيض لتلفت نظري إلي المكان الذي يرقد فيه حلمي العظيم ..
تفحصت الجهاز بعيني وكنت أريد أن احتضنه (لكن التقل صنعة)
تقدمت خطوة أخري نحو الجني وقلت له بنبرة اللامبالاة التي أخبرتكم بها قبل ذلك :

- احم .. بكام الجهاز ده يا حج ؟

عرفت بفطنتي فورا أن البائع ذو صفات شخصية خاصة وفريدة جدا فهو لم يعيرني التفاتا وتجاهلني تماما وكأن الذي يقف أمامه كيس شفاف فارغ يمتلئ فقط بالهواء المشبع بالأتربة ..
أو قل (كيس جوافه)
أعدت عليه سؤالي مرة أخري بنبرة قوية وواضحة وجلية لا لبس فيها :
- بكام الجهاز ده ؟

فالتفت نحوي بعينيه الجاحظتين وقال بأقبح صوت خشن يمكن أن تسمعه في حياتك :
- هــه .. عايز حاجه ؟
في الحقيقة كنت أريد أن اصفعه بيدي أو حتي اركله بقدمي من شدة غيظي (أو أعضه) ثم بعد ذلك امضي في طريقي .. واثق الخطوة امشي ملكا ..

لكن كيف اترك حلمي الجميل مع هذا الرجل البعيد كل البعد عن معني الجمال ..
لذلك كظمت غيظي وقلت له بابتسامة عذبة ساحرة تشبه تلك الابتسامة التي شاهدناها جميعا ترتسم علي وجه الديناصور المتوحش في فيلم الحديقة الجوراسية قبل أن يلتهم أحد تجار التحف أو هكذا تمنيت :
-الجهاز ده شغال يا حج ؟
اخرج الجني من حنجرته صوتا يشبه (خرفشة) راديو قديم الطراز يبحث عن موجه ضالة لا يستطيع التقاطها وأدركت بعد نوبة تفكير عميق أنه كان يتنحنح فقط ..
عطس الرجل ثلاث مرات
وحك رأسه مرة
وأخذته نوبة سعال مفاجئة
ثم هداه الله وقال لي أخيرا بصوت يشبه فحيح افعي افريقية حان قطافها :
- أمال حبيعه خربان يا ستاذ.. (بدون ألف)

فقلت له بهدوء قبل أن تجف ابتسامتي المفتعلة وتسقط لأدهسها بأقدامي :
- وده بكام يا حج ؟

رفع البائع عيناه في خشوع نحو السماء وتمتم بكلمات لم افهمها ثم طأطأ رأسه ونظر تجاهي وأخذ يقسم بكل عزيز لديه وبالسماوات وبالأرض وبكل كواكب مجموعتنا الشمسية.. عطارد وبلوتو وأخواتهم .. ثم قال بهدوء مفاجئ:

- في الحقيقة ومنغير حلفان .. لسه مفصول لي بـ550 جنيه وأنا مرضيتش أبيعه .

في الحقيقة لو مرت كلمات هذا الرجل علي جهاز كشف الكذب فبلا أدني شك سيرتج ويرتعش ويتكور وينبعج قبل أن يخرج دخانا كثيفا ويحترق أو علي الأقل ستنتهي صلاحيته للأبد بسبب حجم الكذب الذي تفوه به..
بسرعة استحضرت في رأسي كتاب

(علم الفكاكة ) باب ( فصال التوحفجية ) صفحة (هات وخد )
و قلت له بنبرة قاطعة :
- حادفع فيه 200 جنيه بس .. ينفع .

فقال لي :
- لا .. حدهولك بـ 350.. ماشي يابا .
أخيرا وافق الجني علي بيعه بـ 300 جنيه فقط
كان جهاز العرض السينمائي ثقيلا للغاية

لم أتوقع أبدا أنني استطيع حمل جهاز بهذا الثقل الكبير في يوم من الأيام لكن يبدو أن فرحتي وحماسي الكبيران هما فقط اللذان كانا يحملانه وليس كتفي المسكين ..
كنت أسير ببطء وبصعوبة كبيرة علي أحجار شريط السكك الحديدية في يوم كان شديد الحرارة وكما يقول شاعرنا عبد الرحمن الابندوي
جاعد أنا علي الجسر في الجياله
والرحمة من جلب اللهيب متشاله

نعم اللهيب هو اصدق تعبير عن حرارة ذلك اليوم الرهيب
بعد مسافة كبيرة جدا أو هكذا شعرت وقتها.. استطعت أخيرا أن أصل إلي سيارتي .. وهناك وجدت جنيا آخر كان يقف في انتظاري وهو يدس وجهه في دفتر ويدون شيئا ما..

[جرامافون]

وقفت بجواره لألقي نظرة علي ما يكتب ثم قلت له :
- هو ده رقم عربيتي ؟
فالتفت نحوي الجني المتنكر في زي عسكري مرور وقال لي:

- أنت ماشفتش اليافطة .. ممنوع الوقوف هنا .
تلفت حولي بحيرة باحثا عن تلك (اليافطة) المزعومة ثم قلت له متسائلا :
-هيه فين اليافطة دي لو سمحت ؟
فأجابني جني المرور وهو ينظر لتحفتي :
- أنت جاي من جوه السوق .. مش كده؟
هززت راسي مجيبا بنعم .
فقل لي بابتسامة عرجاء:
(استخدم خد واحد بس في الابتسام )

- علي العموم ما فيش مشاكل .
ما حدث قد حدث
واعتبرت أنني اشتريت تحفتي بــ (310 ) جنيها

*****
توقفت أخيرا أمام البناية التي اسكن فيها وأخرجت راسي من نافذة السيارة .. و ناديت بصوت مرتفع علي حارس البناية (البواب)
الذي هرول تجاهي مسرعا

كنت اردد في المصعد أمام حامل تحفتي الجديدة نبذه مختصرة عن بطولاتي وكيف أنني استطعت حمل هذا الجهاز الثمين لمسافة 2 كيلو متر علي كتفي في الوقت الذي كان فيه حارس البناية يتصبب عرقا وتصدر من فمه اصواتا تشبه الأنين ولن أحدثكم عن جحوظ عينيه وتغير ملامح وجهه حتي خيل الي انه ليس (رمضان البواب) الذي اعرفه بل شخصا اخر علي وشك النحيب والبكاء و (اللطم) من ثقل ما يحمله .

أخيرا فتحت زوجتي الباب ونظرت لحارس البناية الذي كان
جهازي الحبيب قد أجهز عليه تمام فتقوصت رجلاه بشكل مثيرا للشفقة
و ملامح وجهه كانت تنطق بالتوسل والذلة أما أذنيه فقد خفت عليهما أن يسقطا من جانبي رأسه بعد أن اصطبغتا بلون احمر قاني
تقدمت مثل فرسان القرون الوسطي
تناولت من (البواب ) جهازي الثمين وبذلت أقصي طاقتي كي ابدو أمام زوجتي رجلا تفتخر به بحق ودنوت إلي داخل المنزل لكن بعد بضع خطوات سمعت ضحكاتها تنطلق في أعقابي وأظن أن تقوس قدماي هو السبب الرئيسي في تلك الضحكات السخيفة.

وضعت جهازي الثمين علي الأرض والتقطت أنفاسي بضع دقائق
ثم أسرعت في نشاط وحماس مفاجئ في تركيب عدة أسلاك لتوصيل جهازي العزيز بتيار الكهرباء

كانت زوجتي تقف بالقرب مني تراقبني في صمت ..
رفعت وجهي نحوها وابتسمت ابتسامة البطل وقلت لها بنبرة فخر :
- أنا شلت الجهاز ده لمسافة 3 كيلو متر لوحدي ..
لم تجيب زوجتي ولم تعلق بكلمة واحدة بل لاذت بالصمت ..
فقلت لها مرة أخري محاولا استدراج شفقتها :

- دول متهيألي كانوا أربعه كيلو كمان مش تلاته.

أخيرا انفرجت شفتاها بكلمات وهي تنظر نحو تحفتي الجديدة فقالت :

- وإيه اللي مخليه تقيل قوي كده ؟

فنظرت نحوها بنظرة المخترع العظيم الذي ينظر لكائن جاهل وأمي في عالم الأجهزة وقلت لها :

- ده جهاز عرض سينما 16 مللي ياباني الصنع وطبعا مليان من جوه أجهزة وتروس وسيور وميكانيزم وتكنولوجيا معقدة .. أمال إيه ؟! عايزاه يبقي خفيف.

[جرامافون]

أوصلت الجهاز بالكهرباء
وأمسكت مفتاح التشغيل ورفعت وجهي نحو زوجتي لألقي نظرة وداع أخيرة علي سخريتها مني التي ستتحول بعد لحظة واحدة إلي إعجاب وانبهار كبير بالتأكيد..
مددت يدي وأدرت مفتاح التشغيل
.. تـــــــــــــك ..
ثم
.. تك وتك وتك ..
لا فائدة رفض الجهاز اللعين أن ينبث ببنت شفه أو حتي ببنت تكتكة
قالت زوجتي بنبرة سخرية فورية (تشبيها بالمرقة الفورية) :
- يعني باعولك جهاز خربان يا أستاذ .

فأجبتها ببرود وبنبرة اعتقد أنها كانت تشبه نبرة ايديسون
بعد رسوبه في عدة تجارب فاشلة :
- حتلاقي سلك فاصل جوه ولا حاجه .. متفوليش في وش الجهاز لو سمحت .
ثم أحضرت حقيبة الأدوات ، وبدأت في تفكيك غطاء جهاز العرض السينمائي وأنا ابدي بعض الحركات التي تشبه حركات المكتشف العظيم جاليليو ليس طبعا في لحظات تأمله الخالدة في اكتشاف دوران الأرض لا وإنما في لحظة الحكم والنطق بإعدامه ..

أخيرا انتهيت من فك آخر مسمار .
أمسكت بالغطاء وقبل أن اجذبه للخارج برفق التفت نحو زوجتي وقلت لها بنبرة ثقة كبيرة :

- دلوقتي حتشوفي التكنولوجيا اليابانية علي أصولها .. فتحي عنيكي وبحلقي كويس علشان تتعلمي حاجه تنفعك .

حقا فأنا عن نفسي سيكون لي الشرف الكبير في التعرف علي العقلية اليابانية البارعة التي صنعت تحفتي ..
لكن العقل الياباني العظيم في الحقيقة كان بريء براءة الذئب من دم ابن يعقوب بالنسبة لما كان ينتظرني في الداخل

انحنت زوجتي لتشاهد خيبتي التي كانت تتربص بي وترقد خلف الغطاء وقالت بلهجة المنتصرة في توقعاتها وظنها السيئ في شخصي الكريم :
- يا سلااااااااااااام .. كل ده حجر رصيف ..
..نعم ..
.. للأسف هذه هي كانت الحقيقة المرة ..

لم أجد في الداخل إلا حجرا كبيرا من البازلت الذي يستخدم عادة في عمل الأرصفة ولا شي آخر علي الإطلاق ..
(يعني لا تروس ولا سيور ولا أي حاجه خالص .. هيكل معدني فارغ وبداخله حجر رصيف بازلت ثقيل جدا )

ملحوظة هامة :
( الرجاء الحفاظ علي مشاعري ومنع الضحك والتعليقات الساخرة إذا ارتم أن أكمل القصة لأنه في وجهة نظري أمر عادي يمكن أن يحدث لأي شخص منكم )
!!!
تحسست بيدي كتفي المسكين الذي حمل ذلك الحجر البازلتي اللعين لعدة كيلوامترات وتحسست كذلك أذناي التي ستتحمل الكثير من التعليقات الساخرة والغير مسئولة لعدة أيام

هذه هي بدايتي العظيمة والغير مشرفة في مشواري الطويل مع السينما
وهي لم تحزنني علي الإطلاق
لكن ما كان يؤلمني حقا هي كلمات حارس البناية التي كان في كل مرة يراني فيها (خارج ولا داخل) يقول لي بصوت واضح :

- والنبي يا أستاذ نفسي أتفرج علي السيما أنا وحمادة أبني .

كانت زوجتي دائما تنفجر من الضحك بلا مبرر وبلا سبب واحد مقنع ،
أما أنا فكنت ألوذ بالصمت محتفظا بوقاري وهيبتي وشخصيتي وأنا أمضي في طريقي
.. واثق الخطوة أمشي ملكا ..


وللرصيف بقية .. أقصد
( للحديث بقية )

.. gramafon ..:emrose:

[جرامافون]

http://www.sama3y.net/forum/attachment.php?attachmentid=87602&stc=1&d=1209368302
الة عرض سينمائي يابانية الصنع مقاس (16 مللي)
http://www.sama3y.net/forum/attachment.php?attachmentid=87603&stc=1&d=1209368302
الة عرض سينمائي مقاس (8 مللي) بشاشة 14 بوصة تعرض (مثل التلفاز)
http://www.sama3y.net/forum/attachment.php?attachmentid=87604&stc=1&d=1209368302
الة عرض سينمائي بدائية (تعمل يدويا) مقاس (16 مللي)
http://www.sama3y.net/forum/attachment.php?attachmentid=87605&stc=1&d=1209368302
(1) مفيولا يابانية الصنع لعمل المونتاج لشرائط السينما مقاس (8 مللي)
(2) مقص لحام وضبط فتحات الجريف الماني الصنع (8 مللي)
(3)عدد من افلام السينما بعضها يتكون من 6 بكرات مقلس (8 مللي)

.. جرامافون ..

[أحمد شوبكى]

كدة برضه يا جرامافون ،،، وأنا اللى كنت بأقول عليك صاحبى وحبيبى ومن حبى فيك دخلت معاك السجن برجلية مع إنى كنت باش شاوشيش قد الدنيا ،،،، ما كانشى العشم يا صاحبى؟
كدة برضه تسيبنى لوحدى هناك وتيجى تفتح الموضوع الجامد ده هنا من غير ما تقولى ،،، بس أنا برضه مش هسيبك ،،، بحبك يا أخى ،،، وموضوعاتك بتشد الواحد وبتخليه ميقدرشى يغمض عينيه ( جرامافون سينما ،، مش هتقدر تغمض عينيك ) ،، الله ينور عليك يا صديقى ،،، وربنا يكون فى عونك ،،،أصلك باين عليك طيب قوى ،،، ( والنبى نفسى يا جرامافون لما أرجع مصر تفرجنى على السيما أنا والواد حمادة ابنى ) ،،،

عموما أنا هربت من التخشيبة وقلت آجى أشوف موضوعك الجديد ،، ومع إنى مكنتش ناوى أكتب وراك حاجة وأستنى لما تخلص المذكرات بس بصراحة أنا لقيت سماعى ( أ/ زمنطر) موجود معايا بيقرا الموضوع قلت أسبقه أنا بالرد والمشاركة مع إنى عارف إنه سبقنى أكيد فى حتة تانية ( الرسايل الخاصة ) ،،، عموما أنا اتعودت إنى اكون وراك علطول يا جرامافون وأكون أول واحد يشارك بعد أى موضوع تعمله والحمد لله إن اللى فى الحبس ما أخدوش بالهم منى وأنا بأتسحب عشان أجيلك هنا ،،، لما ألحق بقى أرجعلهم قبل ما ياخدوا بالهم ،،،،

الله ينور عليك يا صاحبى ،، موضوع جميل ( كالعادة ) ،،، عايزينك بقى تكمل المذكرات دى للآخر وإحنا هنسمع ونسكت ونتفرج ونشوف عجايب التوحفجى الأصيل

سلااااااااااااااام يا صاحبى

[هاله]

الف مبروووووك على الجزء الجديد
ا/جرامافون
جزء يكاد يكون اروع من سابقه وخصوصا انه يمتاز بالحس الفكاهى على اللى حصل لك
وعجبنى جدا تشبيهك للبائع الفاضل:mdr:
"نظرت في وجه البائع المتجهم الدميم الذي كان منشغلا في العراك مع (ذباب وجهه) ..
تأملته بعمق وأحسست لحظتها أنه ليس إنسانا عاديا مثلنا
.. لا..
بل جنيا جميل الصورة له صفات خارقة للعادة .. خرج من قمقمه الصدئ وأتي إلي السوق متخفيا في صورة بائع قديم ليحقق لي أحد أمنياتي العظيمة في الحياة ألا وهي امتلاك جهاز عرض سينمائي ..
وما الذباب الذي يحوم حوله إلا جنيات رقيقة حالمة تنكرت هي الأخرى في هيئة ذباب صيفي بغيض لتلفت نظري إلي المكان الذي يرقد فيه حلمي العظيم .."ايه الوصف الرائع ده
بس فيه ملحوظه صغيره جدا
ليه حضرتك زى ماتزلت صور الات العرض السينيمائى مانزلتش صوره حجر البازلت ده برضه تمنه غالى ولا ايه رايك؟:crazy:
مذاكرات اكثر من رائعه حقيقى
فى انتظار المزيد من هذه التحفه

[Adel]

أخرتها حجر بازلت يا عمرو باشا
انت فكرتني بصلاح منصور و ابو حميد محدش يغلبه
السلطانيه ههههههههههههههه
:emrose::emrose::emrose::emrose:

[عماد جمعة]

لم أجد في الداخل إلا حجرا كبيرا من البازلت الذي يستخدم عادة في عمل الأرصفة ولا شي آخر علي الإطلاق ..
(يعني لا تروس ولا سيور ولا أي حاجه خالص .. هيكل معدني فارغ وبداخله حجر رصيف بازلت ثقيل جدا )

الاستاذ جرامافون
ولا يهمك يا استاذ جرامافون
فانت بازلت التوحفجى رقم واحد
واسمع تعظيم سلام لاغلى حجر

[احمد البنهاوي]

الله علي القسم الجديد ايه أسلوب السرد الجميل ده بس بجد قصة جميلة هي نهايتها مفزعه بس اكيد انت مسكتش لحد ما لقيت الحجر اكيد فيه حاجه حصلت بعد كده يعني يمكن رحت للبياع تاني او حاجه زي كده عموما مستنيين بقية الحكايات بس عموما صدقني القصص دي لو اتعملت كتاب اوعدك اكون اول واحد اشتريه عموما الف الف شكر ليك سؤال كده سريع يا عم التحفجي مين اللي في الصورة اللي في اول الموضوع ده

[جرامافون]

كدة برضه يا جرامافون ،،، وأنا اللى كنت بأقول عليك صاحبى وحبيبى ومن حبى فيك دخلت معاك السجن برجلية مع إنى كنت باش شاوشيش قد الدنيا ،،،، ما كانشى العشم يا صاحبى؟
كدة برضه تسيبنى لوحدى هناك وتيجى تفتح الموضوع الجامد ده هنا من غير ما تقولى ،،، بس أنا برضه مش هسيبك ،،، بحبك يا أخى ،،، وموضوعاتك بتشد الواحد وبتخليه ميقدرشى يغمض عينيه ( جرامافون سينما ،، مش هتقدر تغمض عينيك ) ،، الله ينور عليك يا صديقى ،،، وربنا يكون فى عونك ،،،أصلك باين عليك طيب قوى ،،، ( والنبى نفسى يا جرامافون لما أرجع مصر تفرجنى على السيما أنا والواد حمادة ابنى ) ،،،

عموما أنا هربت من التخشيبة وقلت آجى أشوف موضوعك الجديد ،، ومع إنى مكنتش ناوى أكتب وراك حاجة وأستنى لما تخلص المذكرات بس بصراحة أنا لقيت سماعى ( أ/ زمنطر) موجود معايا بيقرا الموضوع قلت أسبقه أنا بالرد والمشاركة مع إنى عارف إنه سبقنى أكيد فى حتة تانية ( الرسايل الخاصة ) ،،، عموما أنا اتعودت إنى اكون وراك علطول يا جرامافون وأكون أول واحد يشارك بعد أى موضوع تعمله والحمد لله إن اللى فى الحبس ما أخدوش بالهم منى وأنا بأتسحب عشان أجيلك هنا ،،، لما ألحق بقى أرجعلهم قبل ما ياخدوا بالهم ،،،،

الله ينور عليك يا صاحبى ،، موضوع جميل ( كالعادة ) ،،، عايزينك بقى تكمل المذكرات دى للآخر وإحنا هنسمع ونسكت ونتفرج ونشوف عجايب التوحفجى الأصيل

سلااااااااااااااام يا صاحبى


الاخ / احمد الشوبكي
المسجون الهارب وارباب السوابق
يبدوا انك غلطت يا كابتن في العنوان .. انا معرفكش خالص ومشفتكش قبل كده ولا حتي بشبه عليك ولا اعرف حكاية السجن دي.. هيه ايه رمي جتت وخلاص ..
(اه افتكرت)
أنا تقريبا شفت صورتك متعلقة علي عمود نور ومكتوب تحتيها ابحث مع شرطة المنتدي .. انا جرامافون ليه سمعتي يا أخ
وزي متقول كده حضرتك جرامافون بلا ماضي ..
أكيد حضرتك تقصد جرامافون تاني غيري
(معلش يااحمد اصلي دخلت المنتدي بعضوية مزورة علشان اتخلص من ماضيه المساجيني وكمان عملت عملية تجميل في حاجبي الشمال رفعته سنه لفوق علشان محدش يعرفني )
وفي الاخر يا أخ شباكشي معلهش مش حقدر اشكرك
لاني معرفكش أساسا
:mdr: :crazy: ;)

الندل
.. جراما فون بلا ماضي ..

[جرامافون]

أخرتها حجر بازلت يا عمرو باشا
انت فكرتني بصلاح منصور و ابو حميد محدش يغلبه
السلطانيه ههههههههههههههه
:emrose::emrose:


والنبي يا /عادل بك
يا ملك الاغاني السينمائية التراثية الرائعة

صلاح منصور حكايته أهون

علي الأقل طلع حتي بسلطانيه :mdr:

.. جرامافون ..:emrose:

[جرامافون]

ا/جرامافون

جزء يكاد يكون اروع من سابقه وخصوصا انه يمتاز بالحس الفكاهى على اللى حصل لك

وعجبنى جدا تشبيهك للبائع الفاضل

"نظرت في وجه البائع المتجهم الدميم الذي كان منشغلا في العراك مع (ذباب وجهه) ..

تأملته بعمق وأحسست لحظتها أنه ليس إنسانا عاديا مثلنا

.. لا..
بل جنيا جميل الصورة له صفات خارقة للعادة .. خرج من قمقمه الصدئ وأتي إلي السوق متخفيا في صورة بائع قديم ليحقق لي أحد أمنياتي العظيمة في الحياة ألا وهي امتلاك جهاز عرض سينمائي ..
وما الذباب الذي يحوم حوله إلا جنيات رقيقة حالمة تنكرت هي الأخرى في هيئة ذباب صيفي بغيض لتلفت نظري إلي المكان الذي يرقد فيه حلمي العظيم .."ايه الوصف الرائع ده
بس فيه ملحوظه صغيره جدا
ليه حضرتك زى ماتزلت صور الات العرض السينيمائى مانزلتش صوره حجر البازلت ده برضه تمنه غالى ولا ايه رايك؟:crazy:
مذاكرات اكثر من رائعه حقيقى
فى انتظار المزيد من هذه التحفه














الأستاذة الفاضلة/ (لولي)

بصراحه فكره جميلة وهيه جت في بالي فعلا بس
الحكاية وما فيها إن أنا لما حطيت الحجر علي الاسكنر علشان أسكانه فطلعتلي لوحة بتقولي

(هذا حجر رصيف حكومي ومختوم بختم النسر ولا يجوز تصويره أو التصرف فيه إلا بعد موافقة من المسئولين)
والحجر دلوقتي معروض في متحف سوق الجمعة
وبالتحديد في قسم الناس الطيبين
(المغفلين سابقا)
:(
.. جرامافون ..:emrose:

[رائد عبد السلام]

الناصح الأوحد : جرامافون باشا
تعيش وتاخد غيرها ياباشا...وعلي رأي عمنا المتنبي :
لابد دون الشهد من إبر النحل
وكفاية إنك ( بازلت ) مجهود خرافي في الحصول علي ماكينة العرض !!
صباح الخير عليك ..وعلي الدكتور أنس الموجود في الصفحة الآن :emrose:.

[جرامافون]

الاستاذ جرامافون

ولا يهمك يا استاذ جرامافون

فانت بازلت التوحفجى رقم واحد
واسمع تعظيم سلام لاغلى حجر


أخي العزيز/ا. عماد جمعه

انا اول ما قريت تحيتك الرائعة جدا
لقيت نفسي جرنيت علشان اشكرك عليها
ولو ان الشكر مش كفاية

( ملحوظة : هو حضرتك تقصد سلام لأي حجر فيهم
اصلي أنا اشتريت اكتر من جهاز عرض سينمائي ) :mdr:

.. جرامافون ..:emrose:

[سماعي]

ماذا تقولون ان نفس الحكاية صارت معي في نابولي بإيطاليا
كان ذلك منذ عدة سنين لا اتذكر التاريخ بالظبط
قمت بزيارة انا وصديق لي لإيطاليا عرض عليا هذا الأخير لما كنا في روما السفر لنابولي لإشتراء بعض الأغراض التي يبدو ان اسعارها هناك ارخص بكثير من العاصمة وأهو ،، تكون فرصة نزور جزيرة الأحلام كابري Capri
في نابولي كان هناك سوق يشبه إلى حد كبير سوق سان توان (Marché aux Puces de Paris-Saint-Ouen) في باريس لكنه أكبر بعشرات المراات
لكن طريقة العرض والتجار هي نفسها تقريبا
أعجبني في كل تلك الزحمة من السلع جهاز راديو سيدي للسيارة ، من افخر الماركات العالمية
معروض بالطريقة المعهودة في تلك الأسواق يعتلي حزمة أربع او خمس أجهزة من اخوانه ( نفس الماركة ونفس الموديل) لكنه كان يتميز عليهم أنه خرج من صندوقه الجميل المصنع من أجود انواع الكارتونة ليبرز جماله وقيمته
عينيك فيك ،،، شاهد الله عليك نقول في تونس
سعر الجهاز مكتوب على ورقة تعتليه بقلم حبري سميك يجلب انتباهك الرقم المكتوب بوضوح تام
فلست في حاجة ان تسأل فالإيطاليون عارفين أن اللغة هي عائق الوحيد بين التجار والسواح مثلي الذين لا يحفظون من الإيطالية غير كلمة "كوانتا كوستا" يعني بكام هذه القطعة على ما اعتقد
التجار عارفين ان كل الناس تحفظ تلك العبارة ولا تفقه في اكثر من ذلك ،، حتى أجوبتهم على سؤالك تكون مباشرة على آلة حاسبة من النوع اليدوي كبيرة الحجم لأنهم عارفين ان ما سينطقون به إن فكروا بذلك سيينتهي بهم لا محالة بعد محاولاتهم الترجمة يشتى الطرق إلى تلك الآلة الحاسبة
السعر كان مغري للغاية لحد انك تفكر ان الجهاز يكون مضروب
لكن أنت سافرت لنابولي بفكرة واضحة مسبقة أن الأسعار خيالية ، يزيد عن ذلك قراءة التاجر في عينيك علامات الشك في السلعة المعروضة ، فأخذ الجهاز المعروظ امامك وأشار لي بعينيه انأتبعه : فهمت على طول انه سيشغل الجهاز أمامك
سحبني وصديقي إلى شاحنة ليست بالبعيدة عن "صالة العرض .." على ناصية الطريق التي كنا أمامها ، وأخرج اسلاك من تحت مقود السيارة وبمهارة غريبة اوصل تلك الأسلاك بالجهاز وفي خلال ثواني تبددت فكرة الشك التي راودتني وصديقي عن عدم صلوحية ذلك الجهاز الممتاز
خرج منه صوت شجي واضح يغني ، حتى هو ، بالإيطالية أغنية معروفة جدا في ذلك الوقت
(سيبني أغني إذا لم أخطأ )lachata mi cantari
اقتنعنا بالجهاز وخاصة بنظافة التاجر وحسن خلقه
حتى ملامح وجهه كانت تنبأ بذلك ، ففي الوشوشة التي تبادلنا أنا وصديقي فيها أراءنا في الجهاز في طريق العودة إلى مقر بيع التاجر ( الذي كان يتقدمنا بخطوات قليلة ) لدفع الفلوس ثم أخذ الجهاز ، لم يخفي صديقي استيائه من قلة ذوقنا لما فكرنا لدقائق ولو معدودة في قلة ذمة هذا الشاب الوسيم
وصلنا إلى مطرح التاجر
اعطاني الجهاز في يدي قبل ان امدها لجيبي ، وحسب ما فهمت انه كان يهمس لي بعينيه كالعادة مع اختلاف بسيط هذه المرة حيث تمتم كلمات بالإيطالية مصحوبة بإشارات فهمت تماما من خلالها انه يريدني ان اكون مقتنعا قبل ان ادفع له الفلوس وإلا سينصحني بجهاز آخر اشار إليه بسبابته كان يعتلي هو الآخر حزمة ستة او سبعة أجهزة من موديل ثاني ،،، أقل قيمة مما كان بين يديا واقل سعرا كذاك،
إصراري كان واضحا لإقتناء هذا الموديل بالذات
مددت له الجهاز لأفرج عن يدايا وادخلها في جيبي لدفع الفلوس
الرجل التاجر الوسيم ارجع الجهاز في مكانه الأول بعد ما سحب من تلك الحزمة اول جهاز تلاه على طول في كرتونته (صندوقه) الجديدة المشمعة
تثبتت مما كتب على الكارتونة من نوع وموديل : تطابق كلي ما فيش مشاكل ثم العلبة كانت مشمعة ، يعني لن يخطر ببالك انها لمست في لحظة ما قبل خروجها من المصنع
لم افتح الصندوق إلا لما قررت تنصيبه في السيارة لما رجعنا باريس
كان صديقي يلح عليا على عدم المغامرة في محاولة تركيبه بنفسي لأنه يعلم ان لي خبرة ولو بسيطة في مثل هذه الأمور وكنت اعرض خدماتي في الكثير من الأحيان على اصحابي تفاديا لدفع مبالغ خيالية للتقنيين المختصين
لكن هذا الجهازكان ثمينا وليس بقيمة بعض الأجهزة التي سيق لي التعامل معها
لم اكترث لنصيحته
كان يوم احد ، اخذت الجهاز وفتحت صندوقه الجميل مستعينا بموسى صغيرة خوفا ان يحدث خدش بالجهاز إن حاولت تمزيقها عشوائيا .

لم اصدق ما رأيت داخله
اخذت الكرتونة اقلب كل واجهاتها واتثبت منها وما كتب عليها، اتذكر لونها
هل هي التي جلبتها من نابولي؟؟
كله تمام ،،، هي نفسها الماركة والموديل والنوع مكتوبون صراحة فوق العلبة حتى الصورة التي فوقها هي صورة ذلك الجهاز
لكن المحتوى كان غير ذلك تماما ،،،،،،،،،،،،،،،،،،، قطعة من الآجر الأحمر المعد للبناء

[د أنس البن]

صديقى رائد المصرى
من غير الممكن الا أرى صباحك الجميل ولا أرد , دا حتى يبقى عيب قوى , صباح الخير والسعاده والهنا عليك يا صديقى العزيز
أما بخصوص حجر البازلت الثقيل الجميل , فأنا الآن لا يحضرنى التعليق المناسب حول تلك الصفحه من مذكرات مجنون التوحفجى لكن مبدئيا وعلى وجه لاستعجال أقول أن حجر البازلت هذا هو البطل الحقيقى لهذه القصه , ليه ؟ لأن كل واحد فينا اشتراه بشكل أو بآخر جوه سلعه من السلع سواء كانت سلعه بتتاكل أو بتتلبس او بتتشرب أو بتتقرى ( تقرأ يعنى ) أو بتتسمع أو بتتشاف أو بتستعمل فى أى مجال من مجالات الحياه اليوميه والأسبوعيه والشهريه إلخ إلخ إلخ ,
كلنا وعلشان منفرحش أوى فى الجدع وكل واحد فينا يرجع بضهره لورا ويحط رجل على رجل وياخد نفس عميق قبل ما يقول للجدع كلمتين من بتوع : وانت ازاى يتعمل فيك كده ؟ أنا لو منك كنت فتحت الجهاز الأول قبل ما أفكر اشتريه , كده يعنى على سبيل المثال يعنى ,
لأ بأه , كلنا ولا أستثنى أحد إشترينا حجر بازلت فى أى حاجه ممكن نتخيلها , وكلنا وشربنا مقالب ياما ,
يوووووووه أقول إيه والا ايه , والنبى تخلونا ساكتين بلاش نتكلم , خلونا ماشيين جنب حجر البازلت , أقصد جنب الحيط .
:mdr: :crazy: ;) :cool:

[د أنس البن]

ماذا تقولون ان نفس الحكاية صارت معي في نابولي بإيطاليا
كان ذلك منذ عدة سنين لا اتذكر التاريخ بالظبط
قمت بزيارة انا وصديق لي لإيطاليا عرض عليا هذا الأخير لما كنا في روما السفر لنابولي لإشتراء بعض الأغراض التي يبدو ان اسعارها هناك ارخص بكثير من العاصمة وأهو ،، تكون فرصة نزور جزيرة الأحلام كابري Capri
في نابولي كان هناك سوق يشبه إلى حد كبير سوق سان توان (Marché aux Puces de Paris-Saint-Ouen) في باريس لكنه أكبر بعشرات المراات
لكن طريقة العرض والتجار هي نفسها تقريبا
أعجبني في كل تلك الزحمة من السلع جهاز راديو سيدي للسيارة ، من افخر الماركات العالمية
معروض بالطريقة المعهودة في تلك الأسواق يعتلي حزمة أربع او خمس أجهزة من اخوانه ( نفس الماركة ونفس الموديل) لكنه كان يتميز عليهم أنه خرج من صندوقه الجميل المصنع من أجود انواع الكارتونة ليبرز جماله وقيمته
عينيك فيك ،،، شاهد الله عليك نقول في تونس
سعر الجهاز مكتوب على ورقة تعتليه بقلم حبري سميك يجلب انتباهك الرقم المكتوب بوضوح تام
فلست في حاجة ان تسأل فالإيطاليون عارفين أن اللغة هي عائق الوحيد بين التجار والسواح مثلي الذين لا يحفظون من الإيطالية غير كلمة "كوانتا كوستا" يعني بكام هذه القطعة على ما اعتقد
التجار عارفين ان كل الناس تحفظ تلك العبارة ولا تفقه في اكثر من ذلك ،، حتى أجوبتهم على سؤالك تكون مباشرة على آلة حاسبة من النوع اليدوي كبيرة الحجم لأنهم عارفين ان ما سينطقون به إن فكروا بذلك سيينتهي بهم لا محالة بعد محاولاتهم الترجمة يشتى الطرق إلى تلك الآلة الحاسبة
السعر كان مغري للغاية لحد انك تفكر ان الجهاز يكون مضروب
لكن أنت سافرت لنابولي بفكرة واضحة مسبقة أن الأسعار خيالية ، يزيد عن ذلك قراءة التاجر في عينيك علامات الشك في السلعة المعروضة ، فأخذ الجهاز المعروظ امامك وأشار لي بعينيه انأتبعه : فهمت على طول انه سيشغل الجهاز أمامك
سحبني وصديقي إلى شاحنة ليست بالبعيدة عن "صالة العرض .." على ناصية الطريق التي كنا أمامها ، وأخرج اسلاك من تحت مقود السيارة وبمهارة غريبة اوصل تلك الأسلاك بالجهاز وفي خلال ثواني تبددت فكرة الشك التي راودتني وصديقي عن عدم صلوحية ذلك الجهاز الممتاز
خرج منه صوت شجي واضح يغني ، حتى هو ، بالإيطالية أغنية معروفة جدا في ذلك الوقت
(سيبني أغني إذا لم أخطأ )lachata mi cantari
اقتنعنا بالجهاز وخاصة بنظافة التاجر وحسن خلقه
حتى ملامح وجهه كانت تنبأ بذلك ، ففي الوشوشة التي تبادلنا أنا وصديقي فيها أراءنا في الجهاز في طريق العودة إلى مقر بيع التاجر ( الذي كان يتقدمنا بخطوات قليلة ) لدفع الفلوس ثم أخذ الجهاز ، لم يخفي صديقي استيائه من قلة ذوقنا لما فكرنا لدقائق ولو معدودة في قلة ذمة هذا الشاب الوسيم
وصلنا إلى مطرح التاجر
اعطاني الجهاز في يدي قبل ان امدها لجيبي ، وحسب ما فهمت انه كان يهمس لي بعينيه كالعادة مع اختلاف بسيط هذه المرة حيث تمتم كلمات بالإيطالية مصحوبة بإشارات فهمت تماما من خلالها انه يريدني ان اكون مقتنعا قبل ان ادفع له الفلوس وإلا سينصحني بجهاز آخر اشار إليه بسبابته كان يعتلي هو الآخر حزمة ستة او سبعة أجهزة من موديل ثاني ،،، أقل قيمة مما كان بين يديا واقل سعرا كذاك،
إصراري كان واضحا لإقتناء هذا الموديل بالذات
مددت له الجهاز لأفرج عن يدايا وادخلها في جيبي لدفع الفلوس
الرجل التاجر الوسيم ارجع الجهاز في مكانه الأول بعد ما سحب من تلك الحزمة اول جهاز تلاه على طول في كرتونته (صندوقه) الجديدة المشمعة
تثبتت مما كتب على الكارتونة من نوع وموديل : تطابق كلي ما فيش مشاكل ثم العلبة كانت مشمعة ، يعني لن يخطر ببالك انها لمست في لحظة ما قبل خروجها من المصنع
لم افتح الصندوق إلا لما قررت تنصيبه في السيارة لما رجعنا باريس
كان صديقي يلح عليا على عدم المغامرة في محاولة تركيبه بنفسي لأنه يعلم ان لي خبرة ولو بسيطة في مثل هذه الأمور وكنت اعرض خدماتي في الكثير من الأحيان على اصحابي تفاديا لدفع مبالغ خيالية للتقنيين المختصين
لكن هذا الجهازكان ثمينا وليس بقيمة بعض الأجهزة التي سيق لي التعامل معها
لم اكترث لنصيحته
كان يوم احد ، اخذت الجهاز وفتحت صندوقه الجميل مستعينا بموسى صغيرة خوفا ان يحدث خدش بالجهاز إن حاولت تمزيقها عشوائيا .

لم اصدق ما رأيت داخله
اخذت الكرتونة اقلب كل واجهاتها واتثبت منها وما كتب عليها، اتذكر لونها
هل هي التي جلبتها من نابولي؟؟
كله تمام ،،، هي نفسها الماركة والموديل والنوع مكتوبون صراحة فوق العلبة حتى الصورة التي فوقها هي صورة ذلك الجهاز
لكن المحتوى كان غير ذلك تماما ،،،،،،،،،،،،،،،،،،، قطعة من الآجر الأحمر المعد للبناء




مش قلت لكم , كنت باكتب المشاركه اللى فوق فى نفس الوقت اللى كان زمنطر بيكتب مداخلته التى لم أقرأها إلا بعد أن رفعت مشاركتى ,
أهه , آدى تانى حجر , لأ وإيه حجر بحق وحقيق , بس انا عايز اقول إن فيه أشكال كتير لهذا الحجر , ولو فتحنا موضوع مستقل ليحكى كل واحد فينا على حجر بازلت اشتراه سنرى ما لايحصى عددا من الحكايات الطريفه والتى يمكن أن تملأ مجلدا فريدا فى الكوميديا السوداء كما يقال ..

[رائد عبد السلام]

أجمل صباح للغالي علي الناس كلها د: أنس
كلامك ياحبيب القلوب بخصوص حجر البازلت سوف يدشن حكمة خالدة أطلقتها أنت يادكنورنا العزيز
أي نعم ...كلنا قمنا بشراء حجر البازلت الشهير
البعض اشتراه من خلال : قطعة أرض
شقة.....
سيارة


و البعض اشتراه في.... زواج !! :crazy:

[سماعي]

نسيت ان اكتب لكم أطرف حتة في هذه الحكاية
كان يحتوي الصندوق إلى جانب قطعة الآجر
دليل استعمال الجهاز
نفس الجهاز الذي أخذ عقلي
فوق حتة البلاستك التي يحشر فيها عادة دليل الإستعمال
كانت هناك ملصقة مكتوب عليها باللون الأسود الداكن ، وبكل اللغات المتداولة عالميا (فرنسي انجليزي الماني وحتى ياباني او صيني لا اعرف الفرق بينهما )إلا الإيطالية
ولحد اليوم لم افهم لمذا لم تكون الإيطالية مع جملة اللغات المكتوب بها

العبارة تقول
كل بضاعة تباع لا تعوض ولا تسترجع
:mdr:

[رائد عبد السلام]

مش قلت لكم , كنت باكتب المشاركه اللى فوق فى نفس الوقت اللى كان زمنطر بيكتب مداخلته التى لم أقرأها إلا بعد أن رفعت مشاركتى ,
أهه , آدى تانى حجر , لأ وإيه حجر بحق وحقيق , بس انا عايز اقول إن فيه أشكال كتير لهذا الحجر , ولو فتحنا موضوع مستقل ليحكى كل واحد فينا على حجر بازلت اشتراه سنرى ما لايحصى عددا من الحكايات الطريفه والتى يمكن أن تملأ مجلدا فريدا فى الكوميديا السوداء كما يقال ..

خلاااااااااااااص ...تاهت ولقيناها
والله يا دكتور أنس لو تركنا موضوعك المقترح ده .....حيبقي خسرنا موضوع ...مولّع
كل واحد يكتب لنا عن ( الحجر البازلت ) بتاعه......!
وأنا متأكد إن بعد الأحبة ما يبدأوا سرد( أحجارهم) أراهنك يادكتورنا الحبيب إن إحنا احتمال ,,,نبني هرم رابع !!

[جرامافون]

اخذت الكرتونة اقلب كل واجهاتها واتثبت منها وما كتب عليها، اتذكر لونها
هل هي التي جلبتها من نابولي؟؟

كله تمام ،،، هي نفسها الماركة والموديل والنوع مكتوبون صراحة فوق العلبة حتى الصورة التي فوقها هي صورة ذلك الجهاز

لكن المحتوى كان غير ذلك تماما ،،،،،،،،،،،،،،،،،،، قطعة من الآجر الأحمر المعد للبناء






معلهش
شفت بقي اننا زي بعض
مش بقولك انت انا وانا انت
طيب
بقولك ايه يا محمد
تبدل
:rolleyes:
قصدي يعني
أبعتلك جهاز عرض (السينما بازلت) بتاعي
وتبعتلي (السي حجري) بتاعك
:eek:
بصراحة
انا سمعت اشاعة مكنتش مصدقها
انهم افتتحوا فرع لسوق الجمعة
في نابولي
طيب اوصفلي البياع كده .. يمكن يطلع مقاول الهدد بتاعي :mdr:





كانت هناك ملصقة مكتوب عليها باللون الأسود الداكن ، وبكل اللغات المتداولة عالميا (فرنسي انجليزي الماني وحتى ياباني او صيني لا اعرف الفرق بينهما )إلا الإيطالية
ولحد اليوم لم افهم لمذا لم تكون الإيطالية مع جملة اللغات المكتوب بها

العبارة تقول

كل بضاعة تباع لا تعوض ولا تسترجع


تصدق زعلتني وعكننت عليه ..
اصل اكتشفت اني ما اخدش كتالوج السينما من الراجل

يا بختك
فعلا أنت محظوظ
:mdr:

[جرامافون]

الله علي القسم الجديد ايه أسلوب السرد الجميل ده بس بجد قصة جميلة هي نهايتها مفزعه بس اكيد انت مسكتش لحد ما لقيت الحجر اكيد فيه حاجه حصلت بعد كده يعني يمكن رحت للبياع تاني او حاجه زي كده عموما مستنيين بقية الحكايات بس عموما صدقني القصص دي لو اتعملت كتاب اوعدك اكون اول واحد اشتريه عموما الف الف شكر ليك سؤال كده سريع يا عم التحفجي مين اللي في الصورة اللي في اول الموضوع ده


اخي / أحمد البنهاوي
دايما كاسفني وبتحب تزنقني يا احمد
(اكيد انت مسكتش)
لا يا سيدي سكت وحطيت (؟) في بقي كمان ومش مسألة خوف ولا حاجه لا سمح الله ومش علشان الكام بشله اللي كان اثارها واضح علي وش البياع .. لا سكت لاسباب تانيه ..:crazy:
والنبي يااحمد بفكر فعلا اعمله كتاب
أصل اخوك غاوي فضايح وجورس
;)
بالنسبة لصاحب الصورة مش بقولك اسئلتك بتزنقني .. والنبي ما عارف بتاعة مين اهي صورة قديمةعجباني رغم اني معرفش صاحبها
الف شكر لتحيتك يا ابو حميد يا جميل ويا ريت متغبش علينا

.. جرامافون ..:emrose:

[جرامافون]

الناصح الأوحد : جرامافون باشا
تعيش وتاخد غيرها ياباشا...وعلي رأي عمنا المتنبي :

لابد دون الشهد من إبر النحل

وكفاية إنك ( بازلت ) مجهود خرافي في الحصول علي ماكينة العرض !!

صباح الخير عليك ..وعلي الدكتور أنس الموجود في الصفحة الآن .



أخي رائد العزيز
تحضرني أبيات من عمنا التحفجي
اللي بيقول:
لابد دون السينما من حمل الحجري
وليك حق طبعا أنا (بازلت) مجهود كبير
والفلوس اللي صرفتها مش ( كسارة) في البياع
أدينا بنتعلم
وبعدين الموضوع بتاع الحجر ده جري ريقك يا استاذ رائد وباين عليك عايز تحكي عن حجرك ومكسوف..:)
مش كده ؟
قول قول.. .والنبي بعد ما الزمله يحكوا
اخي محمد زمنطر حيفكر
يفتح محجر :mdr:

.. جرامافون ..:emrose:

[جرامافون]

يوووووووه أقول إيه والا ايه , والنبى تخلونا ساكتين بلاش نتكلم , خلونا ماشيين جنب حجر البازلت , أقصد جنب الحيط .

عمي الكبيررر/ الدكتور أنس
والنبي يا عمي قوول واضرب مثل ليكون فخرا لي أمام زوجتي
وتعرف أن موضوع الحجارة دي موضوع عام ومنتشر
بين فصائل الشعب العربي كله
من المحيط الي الخليج

أصلها مش مصدقاني وبتقول لي :
إن ما فيش غيري أنا وأخي محمد زمنطر بس اللي بنحب نجمع حجارة .
:crazy::mdr::rolleyes:

.. جرامافون ..:emrose:

[احمد البنهاوي]

يا عمنا صباح الفل في الأول انا لقيتك بتقرا معايا الموضوع قلت اصبح عليك بس وبعدين يا عم لا كسوف ولا زنقه ولا حاجه واهه معلش الواحد مابيتعلمش ببلاش لازم علي ما الواحد يبقي استاذ يخبط في حجارة ورمل واي حاجه من الحاجات اللي مش متوقعه دي وبالنسبة للكتاب اعتبرني حاجز نسخه من دلوقتي :mdr: تحياتي :emrose:[/SIZE]

[Adel]

ماذا تقولون ان نفس الحكاية صارت معي في نابولي بإيطاليا
كان ذلك منذ عدة سنين لا اتذكر التاريخ بالظبط
قمت بزيارة انا وصديق لي لإيطاليا عرض عليا هذا الأخير لما كنا في روما السفر لنابولي لإشتراء بعض الأغراض التي يبدو ان اسعارها هناك ارخص بكثير من العاصمة وأهو ،، تكون فرصة نزور جزيرة الأحلام كابري Capri
في نابولي كان هناك سوق يشبه إلى حد كبير سوق سان توان (Marché aux Puces de Paris-Saint-Ouen) في باريس لكنه أكبر بعشرات المراات
لكن طريقة العرض والتجار هي نفسها تقريبا
أعجبني في كل تلك الزحمة من السلع جهاز راديو سيدي للسيارة ، من افخر الماركات العالمية
معروض بالطريقة المعهودة في تلك الأسواق يعتلي حزمة أربع او خمس أجهزة من اخوانه ( نفس الماركة ونفس الموديل) لكنه كان يتميز عليهم أنه خرج من صندوقه الجميل المصنع من أجود انواع الكارتونة ليبرز جماله وقيمته
عينيك فيك ،،، شاهد الله عليك نقول في تونس
سعر الجهاز مكتوب على ورقة تعتليه بقلم حبري سميك يجلب انتباهك الرقم المكتوب بوضوح تام
فلست في حاجة ان تسأل فالإيطاليون عارفين أن اللغة هي عائق الوحيد بين التجار والسواح مثلي الذين لا يحفظون من الإيطالية غير كلمة "كوانتا كوستا" يعني بكام هذه القطعة على ما اعتقد
التجار عارفين ان كل الناس تحفظ تلك العبارة ولا تفقه في اكثر من ذلك ،، حتى أجوبتهم على سؤالك تكون مباشرة على آلة حاسبة من النوع اليدوي كبيرة الحجم لأنهم عارفين ان ما سينطقون به إن فكروا بذلك سيينتهي بهم لا محالة بعد محاولاتهم الترجمة يشتى الطرق إلى تلك الآلة الحاسبة
السعر كان مغري للغاية لحد انك تفكر ان الجهاز يكون مضروب
لكن أنت سافرت لنابولي بفكرة واضحة مسبقة أن الأسعار خيالية ، يزيد عن ذلك قراءة التاجر في عينيك علامات الشك في السلعة المعروضة ، فأخذ الجهاز المعروظ امامك وأشار لي بعينيه انأتبعه : فهمت على طول انه سيشغل الجهاز أمامك
سحبني وصديقي إلى شاحنة ليست بالبعيدة عن "صالة العرض .." على ناصية الطريق التي كنا أمامها ، وأخرج اسلاك من تحت مقود السيارة وبمهارة غريبة اوصل تلك الأسلاك بالجهاز وفي خلال ثواني تبددت فكرة الشك التي راودتني وصديقي عن عدم صلوحية ذلك الجهاز الممتاز
خرج منه صوت شجي واضح يغني ، حتى هو ، بالإيطالية أغنية معروفة جدا في ذلك الوقت
(سيبني أغني إذا لم أخطأ )lachata mi cantari
اقتنعنا بالجهاز وخاصة بنظافة التاجر وحسن خلقه
حتى ملامح وجهه كانت تنبأ بذلك ، ففي الوشوشة التي تبادلنا أنا وصديقي فيها أراءنا في الجهاز في طريق العودة إلى مقر بيع التاجر ( الذي كان يتقدمنا بخطوات قليلة ) لدفع الفلوس ثم أخذ الجهاز ، لم يخفي صديقي استيائه من قلة ذوقنا لما فكرنا لدقائق ولو معدودة في قلة ذمة هذا الشاب الوسيم
وصلنا إلى مطرح التاجر
اعطاني الجهاز في يدي قبل ان امدها لجيبي ، وحسب ما فهمت انه كان يهمس لي بعينيه كالعادة مع اختلاف بسيط هذه المرة حيث تمتم كلمات بالإيطالية مصحوبة بإشارات فهمت تماما من خلالها انه يريدني ان اكون مقتنعا قبل ان ادفع له الفلوس وإلا سينصحني بجهاز آخر اشار إليه بسبابته كان يعتلي هو الآخر حزمة ستة او سبعة أجهزة من موديل ثاني ،،، أقل قيمة مما كان بين يديا واقل سعرا كذاك،
إصراري كان واضحا لإقتناء هذا الموديل بالذات
مددت له الجهاز لأفرج عن يدايا وادخلها في جيبي لدفع الفلوس
الرجل التاجر الوسيم ارجع الجهاز في مكانه الأول بعد ما سحب من تلك الحزمة اول جهاز تلاه على طول في كرتونته (صندوقه) الجديدة المشمعة
تثبتت مما كتب على الكارتونة من نوع وموديل : تطابق كلي ما فيش مشاكل ثم العلبة كانت مشمعة ، يعني لن يخطر ببالك انها لمست في لحظة ما قبل خروجها من المصنع
لم افتح الصندوق إلا لما قررت تنصيبه في السيارة لما رجعنا باريس
كان صديقي يلح عليا على عدم المغامرة في محاولة تركيبه بنفسي لأنه يعلم ان لي خبرة ولو بسيطة في مثل هذه الأمور وكنت اعرض خدماتي في الكثير من الأحيان على اصحابي تفاديا لدفع مبالغ خيالية للتقنيين المختصين
لكن هذا الجهازكان ثمينا وليس بقيمة بعض الأجهزة التي سيق لي التعامل معها
لم اكترث لنصيحته
كان يوم احد ، اخذت الجهاز وفتحت صندوقه الجميل مستعينا بموسى صغيرة خوفا ان يحدث خدش بالجهاز إن حاولت تمزيقها عشوائيا .

لم اصدق ما رأيت داخله
اخذت الكرتونة اقلب كل واجهاتها واتثبت منها وما كتب عليها، اتذكر لونها
هل هي التي جلبتها من نابولي؟؟
كله تمام ،،، هي نفسها الماركة والموديل والنوع مكتوبون صراحة فوق العلبة حتى الصورة التي فوقها هي صورة ذلك الجهاز
لكن المحتوى كان غير ذلك تماما ،،،،،،،،،،،،،،،،،،، قطعة من الآجر الأحمر المعد للبناء



طاب اسمعوا دي
و دي قصة حقيقية و حدثت فعلا
الهيئه الحكوميه اللي كنت بشتغل فيها استوردت قطع غيار اتوبيسات في اواخر السبعينات
و بعد ما فتحت الاعتماد و حولت الفلوس و شحنت البضاعة
اكتشفوا في الميناء ان البضاعة عباره عن أحجار بس مش احجار كريمه لاه احجار سنيه بس مش عارف هل اضافوا الاحجار في المخازن و لا عملوا بيها ايه عموما هسأل و اقولكم
:emrose::emrose:

[NAHID 76]

بسم الله الرحمن الرحيم
السيد الفاضل التحفجى الاول فى هذا الموضوع
اعمل اية هل ادعى لك ولا عليك لقد جعلتنى اخرج من صلاتى بسبب انى يتملكنى الضحك على كلمة بواب العمارة اللى عايز يشوف السينما هو وابنة حمادة
واجدنى اليوم اعلق على الموضوع من زاوية اخرى غير التى تناولها وسيتناولها الاعضاء خاصة الاستاذ رائد المصرى اللى خايف ان الحجر دة يمكن يكون واحدة ست :mdr:
المقارنة اليوم سيدى الفاضل بين سوق الجمعة زمان وسوق الجمعة اليوم فيما يقدم من معروضات
زمان حتى لو كان فية حجر , المعروضات كانت تتسم بطابع الاثريات والتحف وكل ما هو ثمين
انظر اليوم لسوق الجمعة الذى مررنا علية فى الاسكندرية ونحن فى زيارة الاخ ابو مندور
يا هول ما سترى
اكياس بلاستيك شباشب بلاستيك ملابس مستعملة او نص كم ابر وابور باعتبارها من الاثريات جلدة انبوبة بوتاجاز مفتاح امبوبة وهكذا . شيئ مخجل لسوق المفروض أنه يمثل كل ما هو قديم .
بس الحجارة الى حتلموها حتعملوا بها ايه دى حتكون كتير
انا عندى فكره . ههههههه
تحياتى

[دعاء الشريف]

ا/محمد زمنطر
بعد اذنك سؤال مهم
"كوانتا كوستا" الحجر لو سمحت
يعني كلفك حوالي كام كده
عرفنا ان جرامافون اشتري حجره بـ 300 جنيه
.. وحضرتك ..
منغير كسوف لو سمحت
:mdr:

.. تحياتي ..

[سماعي]

يا مدام دعاء
كانت هذه الحادثة ايام الفرك الفرنسي والليرة الإيطالية والمارك الألماني
يعني السفقة تمت بالليرة الإيطالية
ويأسهلها عليكي عشان التحويلات من عملة قديمة إلى الأورو الحالي سأقول اني اتذكر ان السعر كان اقل بـ 50 في المائة من السعر الحقيقي
تقريبا بالعملة الحالية دفعت 100 أورو

[سمعجى]

بندَحرَج المِسا يا تحفجي الألماظ
كما يُدَحرَجُ الحَجَر ..

أنا بقى يا سيدي يا ما انضحك عليّا ف ( حَجَرين ) :mdr:

راجع لك ،،
أصلها ياما حَجَّرِت معايا :(

[جرامافون]

طاب اسمعوا دي و دي قصة حقيقية و حدثت فعلا
الهيئه الحكوميه اللي كنت بشتغل فيها استوردت قطع غيار اتوبيسات في اواخر السبعينات

و بعد ما فتحت الاعتماد و حولت الفلوس و شحنت البضاعة

اكتشفوا في الميناء ان البضاعة عباره عن أحجار بس مش احجار كريمه لاه احجار سنيه بس مش عارف هل اضافوا الاحجار في المخازن و لا عملوا بيها ايه عموما هسأل و اقولكم





والنبي أمانه يا عدوله
ممكن تجيبلي صورة أمين المخازن
ممكن يطلع عنده جرد والا حاجه
اهو نخدمه برضه
:mdr:

.. جرامافون ..

[جرامافون]

بسم الله الرحمن الرحيم
السيد الفاضل التحفجى الاول فى هذا الموضوع
اعمل اية هل ادعى لك ولا عليك لقد جعلتنى اخرج من صلاتى بسبب انى يتملكنى الضحك على كلمة بواب العمارة اللى عايز يشوف السينما هو وابنة حمادة


خليها ليه والنبي يا مدام ناهد
مش عليه ..
قصدي الدعوة
يارب يجعل كلامي دايما مبهج ويكون سبب ولو ابتسامة واحدة لحضرتك ولجميع الزملاء
سوق الجمعة في الإسكندرية هوه سوق مينا البصل
كان من أجمل الأسواق في مصر لكن لدوقتي بينزل التحفجية التقال
فيه فجر الخميس يكنسوا كل التحف الحلوة قبل
ما يطلع صبح يوم الجمعة
بس طبعا زمان كان حاجه تانيه خالص

[جرامافون]

يا مدام دعاء
كانت هذه الحادثة ايام الفرك الفرنسي والليرة الإيطالية والمارك الألماني
يعني السفقة تمت بالليرة الإيطالية
ويأسهلها عليكي عشان التحويلات من عملة قديمة إلى الأورو الحالي سأقول اني اتذكر ان السعر كان اقل بـ 50 في المائة من السعر الحقيقي

تقريبا بالعملة الحالية دفعت 100 أورو




أخي محمد
افهم من كده إن الحجر الصغير بتاعك بتمن حجرين بازلت وتلت كمان !!
طيب تصدق انه رخيص
.. المشكلة في الجمرك ..
:mdr:
يا سلام بقه لو رحنا مع بعضينا أنا وأنت نابولي
وااااااااو
ده أحنا ممكن نشتري حجارة برج بيزا المايل مره واحده
واخد لبالك من المايل دي زى (حظنا) بالظبط
بس اللي مش قادر افهمه ليه
الحجارة المباعة لا تعوض ولا تستبدل
الناس دي بتهزر ولا بتتكلم جد
:mdr:

[جرامافون]

بندَحرَج المِسا يا تحفجي الألماظ
كما يُدَحرَجُ الحَجَر ..

أنا بقى يا سيدي يا ما انضحك عليّا ف ( حَجَرين )

راجع لك ،،

أصلها ياما حَجَّرِت معايا




.. عمي سمعجي ..
متأكد أن حجارتك مش أي حجارة
بس والنبي احكي براحتك وبلاش ترشيد في كلامك
اصله ميتقلش بالدهب
ومضطر احجر علي كل مشاركاتك
احكي يا اجمل شاعر
ده انا شاعر
ان الموضوع ده حيقلب
بانتفاضه :mdr:
أنا واقف اهه مستني الكريمين
:eek::eek:

خد بالك انا عندي دوالي


(صالح)

[سيادة الرئيس]

نظرت في وجه البائع المتجهم الدميم الذي كان منشغلا في العراك مع (ذباب وجهه) ..

_______________

وما الذباب الذي يحوم حوله إلا جنيات رقيقة حالمة تنكرت هي الأخرى في هيئة ذباب صيفي بغيض لتلفت نظري إلي المكان الذي يرقد فيه حلمي العظيم ..

___________________________

وكأن الذي يقف أمامه كيس شفاف فارغ يمتلئ فقط بالهواء المشبع بالأتربة ..
أو قل (كيس جوافه)

____________________


اخرج الجني من حنجرته صوتا يشبه (خرفشة) راديو قديم الطراز يبحث عن موجه ضالة لا يستطيع التقاطها وأدركت بعد نوبة تفكير عميق أنه كان يتنحنح فقط ..

_____________________


ثم هداه الله وقال لي أخيرا بصوت يشبه فحيح افعي افريقية حان قطافها :

_____________________


فقال لي بابتسامة عرجاء:

______________________


واعتبرت أنني اشتريت تحفتي بــ (310 ) جنيها

_______________________

فنظرت نحوها بنظرة المخترع العظيم الذي ينظر لكائن جاهل وأمي في عالم الأجهزة وقلت لها :

______________________

.. تـــــــــــــك ..
ثم
.. تك وتك وتك ..

____________________


فأجبتها ببرود وبنبرة اعتقد أنها كانت تشبه نبرة ايديسون
بعد رسوبه في عدة تجارب فاشلة

_______________________

وأنا ابدي بعض الحركات التي تشبه حركات المكتشف العظيم جاليليو ليس طبعا في لحظات تأمله الخالدة في اكتشاف دوران الأرض لا وإنما في لحظة الحكم والنطق بإعدامه ..

_________________________

انحنت زوجتي لتشاهد خيبتي التي كانت تتربص بي وترقد خلف الغطاء

________________

تحسست بيدي كتفي المسكين

_____________

وللرصيف بقية

________________

أنعم به و أكرم و يا له من حجر

فلولاه لما كانت كل هذه ( الأحجار الكريمة ) تتساقط على ( قرعتي ) لتأمر ما أبقاه لي الزمن من ( شعيرات ) بالوقوف

(((( لا فض فوك ))))

روح إلهي ينصر دين أهلك يا شيخ

( صلاع علام )

[جرامافون]

أستاذ صلاح
.... عارف تحيتك عندي .. زي ايه ؟ ....

زي
الشمـس أما بتطلــــع
زي
النجمــة أمـا تكـــــون
سيبه مـن ضيهـا ذكرى
على خد السما ميت لـون
زي
البحــر أما بيطبــــــع
ع الشـط بموجه فنون
زي
الاه لمــا بتطلـــــــــع
من قلب الجرح شجون
زي
الطفــــل أما يعبــــــر
عن إحساسه المسجون
زي
الفرحـــة أما بتكبــــر
ما يسعهـــا كـل الكون
زي
المتغـرب لمــــــــــــا
يرجع مشتاق للحضن
زي
الضحكة أمــا تعاتب
خـد أتعـود ع الحزن

_______________
إهداء خاص
إلي سيدي
ومولاي
(صلاح علام)
________________


.. جرامافون ..:emrose:

[ahmedelraghy]

طيب نروح فين احنا فى وسطكم يعنى؟؟؟؟؟؟؟؟؟
يا خلق هووووووووووووووووووه الحقونا

[صوت الموسيقى]

موضوع اوله مسجون هربان و بقيته تكسير حجارة دى حاجة ما تطمنش ابدا...:mdr::mdr::mdr: بس انا مستعد اقفل بقى وما ابلغش لو الاستاذ جراموفون هيشترى سكوتى بالمزيد من نوادره الجامدة واسلوبه الساحر;)

[جرامافون]

طيب نروح فين احنا فى وسطكم يعنى؟؟؟؟؟؟؟؟؟
يا خلق هووووووووووووووووووه الحقونا

تصدق بالله يا عم (ahmedelraghy) :emrose:
أنا مستني مشاركتك ديه من ساعة ما كتبتلي
التحية دي
http://www.sama3y.net/forum/showpost.php?p=180051&postcount=44

طيب ده اسمه كلام بالزمة
اصلي انا مبنساش الناس الحلوة .. لا .. ومش اي حلاوة
وكنت كل ما تكتب مشاركة لحد يا عم أحمد اقول لنفسي :
- استني يا واد يا تحفجي مسير عم أحمد يحن عليك ويجيلك ويكتبلك كلمتين حلوين .
ومن ساعتها وانا قاعد جنب باب البوم صور عمال اشد في شعري شعرايه وري شعرايه
(مهو انا مجنون بقي)
اقول حييجي .. مش حييجي .. لا يا ودا حييجي ..لا مش حييجي
لغاية ما شعري خلص
ويا دوب علي اخر شعرايه حضرتك رحت منور موضوعي
ودلوقتي مش عارف اشكرك
علي الشعره اللي فضلتلي
ولا علي تحيتك اللي خليتني في منتهي السعادة
ربنا يخليك علي زوقك وكلامك الرائع
يا استاذ أحمد يا جميل

.. جرامافون ..:emrose:

[جرامافون]

موضوع اوله مسجون هربان و بقيته تكسير حجارة دى حاجة ما تطمنش ابدا... بس انا مستعد اقفل بقى وما ابلغش لو الاستاذ جراموفون هيشترى سكوتى بالمزيد من نوادره الجامدة واسلوبه الساحر

لا لا لا
انت حتكروتني بكلمتين
بقي أنا عمال انتع واكتب واتجنن واحكي وربنا العالم بكتب لمين وتقولي ابصم واختم وبعد كده بخ .. لا حس و لا خبر ..
ومطنش وجاي يا دوبك دلوقتي .. لا وايه براءة النغمات في عينيه
(طيب يا صوت الموسيقي)
وكمان عايز تبلغ
طب انا حلفقلك اي حاجه علشان تشرف جنبي علي البرش واحكيلك براحتي خالص ..لا وحخليك تبصم بالعشرة برضه
بس المره دي فيش وتشبيه
:mdr::mdr:
علي العموم المسامح كريم المره دي بس
تحياتي وشكري العميق

.. جرامافون ..:emrose:

[NAHID 76]

بسم الله الرحمن الرحيم
استاذ جرامفون
انت نفسك ردك حكاية
يعنى الرد قصة وموال وموضوع تانى
احنا حنلاحق على المواضيع ولا على الردود
على كلا
رد براحتك واحنا قاعدين على الباب مستنيين الجديد
تحياتى

[ahmedelraghy]

تصدق بالله يا عم (ahmedelraghy) :emrose:
أنا مستني مشاركتك ديه من ساعة ما كتبتلي
التحية دي
http://www.sama3y.net/forum/showpost.php?p=180051&postcount=44

طيب ده اسمه كلام بالزمة
اصلي انا مبنساش الناس الحلوة .. لا .. ومش اي حلاوة
وكنت كل ما تكتب مشاركة لحد يا عم أحمد اقول لنفسي :
- استني يا واد يا تحفجي مسير عم أحمد يحن عليك ويجيلك ويكتبلك كلمتين حلوين .
ومن ساعتها وانا قاعد جنب باب البوم صور عمال اشد في شعري شعرايه وري شعرايه
(مهو انا مجنون بقي)
اقول حييجي .. مش حييجي .. لا يا ودا حييجي ..لا مش حييجي
لغاية ما شعري خلص
ويا دوب علي اخر شعرايه حضرتك رحت منور موضوعي
ودلوقتي مش عارف اشكرك
علي الشعره اللي فضلتلي
ولا علي تحيتك اللي خليتني في منتهي السعادة
ربنا يخليك علي زوقك وكلامك الرائع
يا استاذ أحمد يا جميل

.. جرامافون ..:emrose:
لا حول ولا قوة الا بالله
بقى انا السبب فى انك تقطع شعرك كله كده؟؟؟
ربنا يقطعنى انا مش حسامح نفسى خالص
:mdr:
يا مولانا كل المسأله انى مبعرفش اقول كلام حلو زي سيادتك كده
قسما بالله تلاتة يا راجل انا ما عرفت معنى جملة ( لسانى يعجز عن الكلام ) غير مع حضرتك
ارد اقول ايه بس يا سيدنا على اللى بتعمله معانا ده؟؟؟
على فكرة عندنا فى اسكندرية مركز زرع شعر حكااااااية شرفنا انت بس وانا حادفع الفاتورة يا عمنا

[هاله]

الاخ العزيز ا/ جرامافون
وفى قول اخر على راى " ا / رائد المصرى"
"الناصح الاوحد"
مع ان واضح ان فيه غيرك كتييييييييير:crazy:
المهم
يعنى سيادتك من يوم ماقلت على اللى حصللك ومحدش طبعا ضحك ولا حاجه على اللى حصل:mdr::mdr:
وماكملتش بقيه مغامراتك مع الناس الحلوين اللى بيخدعوا الناس الطيبين
فين باقى المذكرات؟
وايه الحكايه اوعى تكون مكسوف تحكى؟:crazy:

[سيادة الرئيس]

http://www.sama3y.net/forum/attachment.php?attachmentid=88518&stc=1&d=1209639296

أفهم من دي إن حضرتك تملك هذا الكتاب الهام

المغنى المصري
وصور مشاهير ملحنين المغاني
لجامعه
محمود حمدي البولاقي
الآلاتي
وعني بجمعه بعد وفاته أخيه عبدالفتاح حمدي البولاقي
جامع كتاب نيل الأماني
مع إضافة الأدوار والمواويل الجديدة
--------
الطبعة السابعة
تمتاز عن سابقاتها لما فيها من زيادات
1927

الله يخليك قول أيوه

[NAHID 76]

بسم الله الرحمن الرحيم
دة احنا معانا سيادة الرئيس كشف حقيقة كتابك يا جرامفون وزود علية معلومات كمان
هو احنا علشان ضعاف واعضاء صغيرين منفوخ علينا باللى عندك
شوف حترد على سعادة الريس بإية
تحياتى .

[سماعي]

عندنا هذه النسخة في المنتدى يا بو علي لا أعرف إن رأيتها ام لا
طبعة ثالثة عام (1324 هـ - 1906 م)
http://www.sama3y.net/forum/showthread.php?t=25313

[سيادة الرئيس]

أيوه يا محمد لكن ( الدوق غير الشم )

[NAHID 76]

بسم الله الرحمن الرحيم
الموضوع كدة كبر
الاستاذ محمد زمنطر قال الكتاب عندنا بالمنتدى
حتعمل اية بقى يا جرامفون
وكمان يا سيادة الريئس
انا كدة مش عرفة
تحياتى

[سيادة الرئيس]

بالنسبه لي يا ناهد هانم أنا أجازتي قربت و ( أدوق ) و أشوف فين المطعم ده و يا ريت ما يكونش في

سوق الجمعة
;)

[جرامافون]

http://www.sama3y.net/forum/attachment.php?attachmentid=88518&stc=1&d=1209639296


أفهم من دي إن حضرتك تملك هذا الكتاب الهام



المغنى المصري

وصور مشاهير ملحنين المغاني

لجامعه

محمود حمدي البولاقي

الآلاتي

وعني بجمعه بعد وفاته أخيه عبدالفتاح حمدي البولاقي

جامع كتاب نيل الأماني

مع إضافة الأدوار والمواويل الجديدة

--------

الطبعة السابعة

تمتاز عن سابقاتها لما فيها من زيادات

1927


الله يخليك قول أيوه



الكتاب ده شكله عندك يا ريس
(امال جبت المعلومات الدقيقة دي منين .. مش معقول من البوم صور مثلا)
علي العموم
أيوه يا عمي عندي طبعة 1927;)



عندنا هذه النسخة في المنتدى يا بو علي لا أعرف إن رأيتها ام لا
طبعة ثالثة عام (1324 هـ - 1906 م)



وبالعند عشان أخي محمد زمنطر عايز يطير الزبون مني

فعندي كمان

طبعة عام 1904

اما نشوف التحدي ده :mdr:

هـــــــــه .. نقول تواريخ تاني ;)

[جرامافون]

لا حول ولا قوة الا بالله
بقى انا السبب فى انك تقطع شعرك كله كده؟؟؟

ربنا يقطعنى انا مش حسامح نفسى خالص

:mdr:

يا مولانا كل المسأله انى مبعرفش اقول كلام حلو زي سيادتك كده

قسما بالله تلاتة يا راجل انا ما عرفت معنى جملة ( لسانى يعجز عن الكلام ) غير مع حضرتك

ارد اقول ايه بس يا سيدنا على اللى بتعمله معانا ده؟؟؟
على فكرة عندنا فى اسكندرية مركز زرع شعر حكااااااية شرفنا انت بس وانا حادفع الفاتورة يا عمنا














ربنا يخليك ليه يا استاذ احمد
وشكرا لشعورك الجميل

بس والنبي ممكن تسألي مركز زراعة الشعر سؤال

لو مثلا زرعت بتاريخ 5 الشعر اللي احنا فيه ده
الحصاد يكون امتي لو سمحت ؟
:mdr:

ده يبقى من دواعى سرورنا يا جراموفون بك.... تهمة الحبيب زى اكل الزبيب :mdr:

اخي /صوت الموسيقي

العنب .. العنب .. العنب

احمر

اصفر

الزبيب .. الزبيب .. الزبيب
:mdr:





شفت عملت فيه ايه ؟



.. جرامافون ..

[جرامافون]

الاخت العزيزة
ا. لولي
((( ربنا يسامحك)))
يعني عايزاني اكمل جورس وفضايح وجنان :mdr:
اديكي شايفه الكل قعد يقول انا عندي حجر ولا واحد رضي حتي يحدفنا ولو بطوبه واحده
مافيش غير اخي زمنطر اللي حدفنا بحجر ديفيدي
:eek::mdr::(

.. جرامافون ..

[سيادة الرئيس]

النبي يا عم البيه ألائيش عندك ده

نيل الأرب في موسيقى الإفرنج و العرب
تأليف
حضرة أحمد أفندي أمين الديك
( الطبعة الأولى )
بالمطبعة الكبرى الأميرية - ببولاق مصر المحمية
سنة 1320 هجرية
( القسم الأدبي )

http://www.sama3y.net/forum/attachment.php?attachmentid=88540&stc=1&d=1209658154

http://www.sama3y.net/forum/attachment.php?attachmentid=88541&stc=1&d=1209658173

http://www.sama3y.net/forum/attachment.php?attachmentid=88542&stc=1&d=1209658189

أكون ممنون لك

بس بلاش طبعة ( سوق الجمعة )
أصلها عندي

[جرامافون]

لا والنبي يا عمي متلائيش
ولا حتي طبعة سوق المنيب
بس لو كنت عايز نسخة اصلية حقولك علي السر
في رسالة خاصة
ويا ريتني كنت اعرفك من كام شهر
كان فيه بيعة مكتبة موسيقية مليانه كتب وكراتين نوت
لمؤرخ موسيقي مصري كبير وكمان
5000 شريط موسيقي (ميتل) نادر مفهرس ومدون بادق التفاصيل لموسيقات واغاني شرقي وغربي
وكانت حاجه ببلاش كده
الشريط كان واقف هوه والنوته بحوالي 50 قرش تصدق :crazy:
ومتلومنيش وتقولي ليه مشتريتش
:(ومتفكرنيش :(

.. جرامافون ..

[صوت الموسيقى]

اخي /صوت الموسيقي

العنب .. العنب .. العنب

احمر

اصفر

الزبيب .. الزبيب .. الزبيب






شفت عملت فيه ايه ؟



.. جرامافون ..


طبعا العنب ايام الجراموفونات كانت الحباية عنقود..... والزبيبة كانت قد الربع جنيه المخروم...:mdr::mdr:;)

[سيادة الرئيس]

إوعك تقول إنه

الأستاذ : أحمد المصري

أزعل

[رائد عبد السلام]

العزيز الغالي جدا : عمرو باشا ... التحفجي المرموق
موضوعك أصبح كالصندوق السحري المكسو بالقطيفة الذي يخرجه الإنسان ليعيش في عالمه المسحور كلما أحاطت به إحباطات الحياة
ما كل هذا الجمال ....!!
كلمة شكرا لم تعد تكفي
ربنا يديك الصحة لتمنح إبداعاتك لمحبيك .

[Ashraf12]

بصراحه نفسى انا رقعت ضحكه صحت الجران اللى حواليا بس خفت لاتكون من ضمن الجيران اللى جانبى وابص اللاقيك بتخبط عليا وتقولى اقراء وانت ساكت
بصراحه تعيش وتاخد غيرها انا مش غايظنى الا العشره جنيه الزياده بتاعت لاموخذه الامين
بس ههههههههههههههههههههه مش قادر معلش
:mdr::cool::mdr::chut:

[arwa ahmed]

فى الحقيقة انا ايضا مغرمة بالصور القديمة


والافلام القديمة

والاغانى القديمة


لكم تمنيت ان اعيش هذا الزمان الهادىء والرومانسى

الموضوع مكتوب باسلوب شيق جدا


اتمنى تكراره

وشكرا

[عفاف سليمان]

مساء الخير على اجمل صحبه فى اجمل منتدى
لقد تصفحت مذكراتك مع التحف وعم محمد
بس اهم شىء انك مأكلتش العصافير التى بجوار عم محمد
ولابد ان يحكم عليك المنتدى
برفع اقيم عمل فنى وصورة فنيه وتحفه تحس انها اقيم شىء
ان ترفع الى المنتدى عقابا لك على ما عملت من شراء هذه المقتنيات الثمينه
وعقاب اخررررررررررررر
الا تذهب الى عم محمد لشراء تحف اخرى او صور نادره الا بعد
مرررررررررررررررروررررررررر
متزعلش الا بعد مرور اسبوع
لكم كل التقدير والاحترام
صديقه جديده للمنتدى:emrose::emrose:
عفاف على

[عفاف سليمان]

صباح الفل على احلى موضوع:mdr:
صباح الجمال استاذ جرامفون
هقولك ايه مش هعمل زى باقى الاعضاء واقولك0000تعيش وتاخد غيرها
بصراحه سرد الموضوع والله هلكنى من الضحك فانا قريته من يومين
وكنت بعمل الفطار لزوجى قبل ان ينزل للشغل وكنت فاتحه المنتدى
ودخلت وانا بضحك وحكيت له000 كان مستغرب لشكلى فقال فى نفسه
الوليه اتجننت من كثره الضحك كان بودى اخده من ايده يقراء الموضوع لكن
نظرا لمواعيد العمل فكان لابد ان ينزل000
وما اخبيش عليكم انا كمان حصل لى نفس المقلب بس خفيف عن مقلبك انت والاستاذ زمنطر
وهو كنت فى معرض الكتاب الشهر الماضى
وكانت معى ابنتى وصديقتى المحاميه
000واتصل بى زوجى على الموبايل وطلب منى ان اشترى لوحه مفاتيح وماوس بدون سلك
نوع جديد000وبحثت فى المعرض ولم اجد غير الكيبورد ولم اعثر على الماوس الملحق بها
وظننت نفسى انى جبت التايهه وفرحت لعودتى البيت بالكيبورد
ولكن البائع لم يعطينى كارتونه اضع فيها الكيبورد000ولا شهاده ضمان
ولكن اعطانى رقمه كى اشترى من عندهم الماوس الناقص للكيبورد
وثانتى يوم اتصل به زوجى فعلم ان00000
الكيبورد مستعملةةةةةةةةةةة:confused:
يعنى اخدت مقلب وانا لم اعرف انها مستعمله
حتى التليفون الذى اشتريته للبيت كان ناقص ايضا0000سلك السماعه ولم اخد له ضمان ومفتاح المباشر كان غير موجود والله مشترياه بكرتونته يعنى000بشوكه0000بس كان ناقص بعض الشوك000قصدى الاسلاك ومفتاح
شفت انا مقلبى كان صغير عن مقلبكم:mad:
دمتم لنا لاسعادنا وفرحنا بس000000000000 بدون ما تاخدوا مقالب طووووووووووب
اسعد الله الجميع
عفاف على:emrose:

[raed abadi]

موضوع جميل رغم انفي متشكرين علي تعبك:emrose: