مشاهدة النسخة كاملة : إبداعات الشاعر رائد عبد السلام
رائد عبد السلام
28/02/2008, 03h21
- موال -
ياعم ياللي في الغناوي سلوتك
طول ما الحنين رحال معاك في خطوتك
عمر الجراح ماتدبّل الحب اللي مالي غنوتك
ومستحيل إن الرحيل يقدر يتوه سكّتك
........................
ما أنا كنت زيك ياغريب
وف بلدي فارقت الحبيب
وبكيت كتير ساعة الوداع
مد الشراع
....................
ومشيت وصاحبت الغنا
لولا الغنا ..ما كان يطاوعني السفر
ولا كان هوي الترحال
يهز ف قلبي أنات الوتر
ولا كنت ألاقي في الشراقي ...لقمتي
ولا كنت أداري في البراري ..دمعتي
ولا كان نده ..قلبي الندي
ولا كان يروق طعم الشروق
بعد الليالي ما طوّلت والضي ضاع
مد الشراع
...............
ياعمر ضاع وسط الدواير والخطوط
يامركب العمر اللي حاير
إمتي ترجع للشطوط....؟
كل الطيور رجعت من السفر الطويل
وإنت ياطير يابو الجناح
لسّاك بتحلم بالصباح..!
زمن الرحيل عدّي وجه زمن الرجوع
إطوي القلوع
وارجع وسيب أرض الضياع
مد الشراع
................
الشاعر رائد المصري
إسمح لي إبداء إعجابي بمستواك في الكتابة الزجلية
فالعمل موزون ، و تحكمه دفقة شعورية واحدة
أما الصياغة ، فهى تدل على شاعرٍ متمرس في العامية ، تجاوزَ مرحلة التجارب الأولى ..
أتوقع منك في المرات القادمة ، صوراً شِعرية ً أكثر إدهاشاً
و كتابة ً لها خصوصية ملامحك الوجدانية
( و حاول تكبير الخط عند رفع المداخلات )
أحسنت :emrose:
achour kamel
29/02/2008, 02h36
شكرا اخي رائد المصري على هذه الخاطره الشعريه
وعلى حسب ما فهمت انها محاوله غنائيه
تامة الشروط من الموال الى الاغنيه
تبحث عن فنان يبدع في ادائها
ولكن انا اريد ان اسالك وهذا طبعا بعد اذنك
على اي وزن كتبت القصيد على بحر من بحور الشعر العربي
او على وزن من اوزان الشعر الشعبي
او على لحن معين
او هكذا يكتب الشعر الحر في الدارجه
لاني لم افهم التقسيمات
اخي نحن نريد ان نتعلم منك ان كان ليس لك مانع
ولك منا الف شكر يا اخي الغالي
مع فائق الاحترام والتقدير
تحياتي
اخوك كمال
د أنس البن
29/02/2008, 03h53
صديقى الشاعر رائد المصرى
كرم كبير ولطف منك ان تختصنى بإهداء تلك الكلمات التى خرجت من قلب عاشق متيم يطوى الماضى بعيدا ولا يرى إلا المستقبل والأمل فيما هو آت بعد .
لم يبق إلا أن تتحرك ريشة العود وتهتز أوتاره بيد حبيبنا الفنان أبو حسام الآلاتى لنستمع بعدها الى لحن أتوقع أن يظهر ما خفى من معان فى تلك الكلمات الجميله .
هذا الشِعر من بحر ( الرَّجَز )
و تفعيلته :( مستفعلن )
أىّ : سبب خفيف + سبب خفيف + وتد مجموع )
و هو مكتوب بنظام ( التفعيلة ) ، أىّ ما يسمى السطر الشِعري
و الذي لا يتقيد بعدد معين من التفعيلات في كل بيت مثل الِشعر العمودي
شكراً
رائد عبد السلام
29/02/2008, 13h57
(أستاذ حمام)
(نجيب )علي القهوة مابين محاسيب
عينيه بتحدف ع الجهات الأربعة ..وتخيب
أستاذ حقيقي بس...... آه يازمن
مستني صاحب يدفع المشاريب
--------------------------------------
(كتاكيتو بني)
زغرودة في الحارة ترن
يقف الجميع .... صفّين
وزينات علي الجنبين
و (زينات ) ترش الملح تخزي العين
وترقي موكب أحبة
بالبخور والحبتين
وبحسها اللامبالي تصرخ تقول : عقبالي
وف لحظة تخلع م الإيدين
جوز الأساور للعريس
علشان ......يفك الدين..!
--------------------------------------
( الخواجة المصري )
كان الزمان عبيط
وكان مكرك غويط
وتطل عالشاشة البشاشة تطل من جوّة العينين
ورينا تفريقك مابين
عاشق وسنيورة ، وبين
ورق كونكان
ولّع سيجارتك يا(استيفان )
واقعد مابين المجرمين ....فنان
وف لحظة كرسي يطير
ويتكسّر قزاز ..............
يرحم زمانكم ..........أيها الناس العُزاز
(شكر خاص لكل الأحبة علي حسن استماعهم لأغنية مد الشراع
وتعقيبهم الذي أخجل تواضعي....شكرواجب لعمنا الغالي د: أنس البن
وللعزيز: سامح بك الأسواني )
رائد عبد السلام
06/03/2008, 06h02
كل الجراح كدّأبة ....
إلاك ياجرح الموت
تشبه وحوش الغابة
تنهش ومالك صوت
إزاي تجيلك روح تقبض فتي الفتيان
أبو صوت كمثل الموج ..يعلي كما الطوفان
ينطق يقول الحق
حتي ولو ينشق
قلبه من الأحزان ..
مين اللي عاش النهاردة وما بكي بالدمّ ؟
صعب الجراح العميقة بالضماد.. تتلمّ
عيني النهاردة عشانك
سابت بكا ودموع
وعرفت أول مرّة
طعم العطش والجوع
طعم العطش للندي
والجوع لكلمة ضيّ
تفتح طريق قدام
تهدي طريق الجايّ
أنا عارف الأحزان تشبه لون الجراح
وإن عشت بعدك وحيد
يفضل لجرحي براح
بين الوريد ..... والوريد
يسقيني حزن جديد
يسقيني ليه الفراق
دابحني وانت بعيد
بعد النهاردة مفيش صوتك يهز المدي
يبوس شواشي الشجر
يطيب لضحك الندي
آدي الحياة ياوالدي
تشرق علشان .... تغيب
مكتوب عليك الشقا والوحدة والتغريب
تبني قصور الأمل
تبني آمال وتخيب
مين اللي قالك تكون بين البشر شاعر؟
شايل هموم الكون
علي طريق واعر ..
أصل الحمل التقيل لابد راح يتعبك
وإن كان قلبك كبير ..
بحر الحياة ....كدّبك
صاحبك ماهوش صاحبك
وماعادش فيه إخوان
إنت الطير المسافر
علي جناح الزمان
واخد م الشعر سكّة
ومن الخوف ...الأمان
ياوالد الشعراء....سامحني مش بارثيك
لو كان حجر الطريق بيحس كان يبكيك
إنت الآهه الذبيحة بتشق موّالنا
صدقني مش بارثيك
ده انا رثيت ....حالنا
[/SIZE][/SIZE]
د أنس البن
09/03/2008, 02h46
شيئ ما يطرب بداخلى وأنا أقرأ تلك الكلمات الصادقه مرة بعد اخرى والتى استحضرت من التاريخ من أحببناهم ولا زلنا , تحياتى لك يا عزيزى رائد وبدون ذرة مجاملة واحده .. ليتك تكمل بقية قائمة الخالدين .....
د أنس البن
09/03/2008, 02h51
يا عينى عليك يا رائد يا جميل
صدقنى مش بارثيك
ده انا رثيت حالنا
آآآآآآآآآآه وألف آآآآآآآآآآآآآآآآآآآآآآآآآآه
عا اللى الكلام جواه ,
لكنه مش عارف يقوله ازاى ....
بتكلم على نفسى
الشاعر رائد المصري
أشجيتنا يا شاعر بعميق أحزانك و صادق مشاعرك
واضح إنك متمرس على الكتابة بالعامية
لا تحرمنا من شجونك
:emrose:
برافو يا أستاذ رائد
يا ريت تكمل باقى فنانين الزمن الجميل
رائد عبد السلام
10/03/2008, 19h58
[U]شحات الغرام
طير بينا يا قلبي وما تنتهيش طيران
الدنيا من غير الأحبّة ... هوان
فاكهتها ألحانك .... وبهجتها
ساعة ما تضحك
عيونك نجمتين في الوش
اتنين حبايب وما يعرفوش الغش
الحب عندك زي ليلة صيف
وليف وحاضن جوّه روحه وليف
وزي لون الطيف
بتفرش في المدي سحر وخيال
الله عليك خيّال
وحصانك الفن الجميل..
- الحب في الدنيا سبيل..
وحشنا صوتك يا (فوزي) وانت ويّانا
صدق اللي قال إن الجمال
عمره ... قليل..!
-------------------------------------
نورماندي2
كل الحارات صبحت قصور
ياللي بدعت الضحك لو وسط القبور
وعينيك بعيد... لكن هنا في القلب
فنك راح يعيش ..
بتبصّ لي ..؟ واللا انت ما.... بتبصليش.!
بعدك مفيش ....
علي عكس البعض ما زعموا...
إنت الدليل علي (أمةٍ عاشت من فنها الأممُ )
-----------------------------------
الشاويش عطية
عمرك ما شفت الملايكة في ثياب أشرار؟
أنا شفت واحد بس كان
عايش عشان اللقمة ... وكمان (الإيجار)
لابس شاويش والخلقة بتخوّف
بس العينين مراجيح و بتحدّف هذار
عملاق في جسمه بس زي الوليد
من غير ما ازيد
ولا اجيب انا ف سيرته:
تشوفه غضبان ....حتضحك
وتستهتر بتكشيرته ....
-----------------------------------
العزيز ...عيد
طلّع لسانك للحياه ....
لو قلت آه .....حزنك ح يبلغ منتهاه
لكن عشان الدنيا خوّانة
وف عيشها وف ملحها لاهيين... ولهيانا
لازم تولّع في روحك
ثم تاخد قبس ...تهديه لروحك
وانت مش ندمان
رحمة ونورين علي قلبك الحسّاس
لو كنت زي الناس
كان البشر عرفوك
ملعون أبوكي يا دنية (الظالمين)
قولوا علي ناكرين جميل الفن... آمين
------------------------------------
[U]ست الكل
نورك ياست الكل نوّر في الدروب
عن خمر آهاتك أنا ما عرفت أتوب
ويدوب كلامي وأغلي منه يدوب
فلاحة مصرية وعصرية
شجرة دهب ومفرّعة مواويل
وسط الهوانم .. قيصرة
واحنا صفوف بنميل
صفصافة عالية بتغسل شعرها في النيل
ومستحيل.... إن الهوي المكتوب
فوق الجبين ..قناديل
يعشق سوي آهة تهز الروح
وتعصر م العيون... مناديل
( إهداء للعم الغالي د: أنس البن ،,, أيقونة مارس،، ، وكل الأحبة..)[/size
رائد عبد السلام
20/03/2008, 13h01
العزيز الفاضل unicorn
خالص شكري وتقديري لحسن استقبال ما أكتبه
وتعقيبات الأحبة خير زاد لمواصلة العطاء ..
.... وها أنا أكتب بقية الخالدين ولكنها لم ترفع بعد...
ولك مني خالص الشكر والتقدير
رائد عبد السلام
20/03/2008, 13h06
عمنا الغالي : د: أنس
لو أن المحبة تباع لاشتريناها بالغالي والنفيس من أجل عيونك ولكنها نعمة من الله ...اللهم أدمها علينا ...حفظك الله من أجل أحبائك ......وما أكثرهم....
ايهاب عامر
20/03/2008, 16h07
السلام عليكم ورحمه الله وبركاته
الله عليك يا اخونا رائد
كلماتك جميله جدا
اتمنى عليك كما قالها اخوناunicorn
كمل يا غالى
تقبل خالص تحياتى
د أنس البن
20/03/2008, 19h13
يا سلاااااااااام , كلام يطرب ولا الألحان ولا النغمات , طالع من القلب , يا ريتك تواصل , وصفك كأنه لوحه مرسومه بتنطق وتحكى وتتكلم عن سر كل فارس وعن حقيقته ...
تعيش يا رائد ويدوم عطاءك وشكرا على الإهداء
رائد عبد السلام
20/03/2008, 19h46
والله شرف عظيم يادكتورنا الحبيب المحبوب د : أنس أن تعتمد هذا العمل الذي كنت أنت الباعث والمشجع عليه ، ومن كلماتك التي لا تنسي (أنك تحب هذا الكون كله لأنه من صنع الله ) ...لي رجاء خاص عندك أيها العم الحبيب وهو أن تكتب لنا ولو محطات في مشوارك في الحياة لتشبع محبيك ..ومريديك... في المنتدي وما أكثرهم .... والله بدون مجاملات ، حضرتك شخصية ثرية وحرام أن تحرم محبيك من إرضاء نهمهم في الدخول إلي دنياك الرائعة... وأعدك ياعمنا أننا سوف نقف علي الأعتاب بأدب ...ولن نطمع في أكثر من هذا حرصا علي وقتك الثمين ....تحياتي وعميق شكري لشخصك الكريم .
NAHID 76
20/03/2008, 23h21
بسم الله الرحمن الرحيم
الاستاذ رائد المصرى
انها محاولات ادبية جميلة مشكور لسيادتك فيها هذا العطاء والبذل المشكور من مجهود جميل
وارانى قد اعجبت بما كتبت عن ست الكل
وعجبنى فيها
يعشق سوى اهة تهز الروح وتعصر م العيون المناديل
كناية فى منتهى الروعة عن كثرة الدموع التى زرفت ومن كثرتها تعصر المناديل جميلة وموفقة وموفق منك تصوير الاشخاص او الفنان بطريقتة او ما يميزة رسم رائع للفنان بكلمات معبرة تجعلك تعرف من هو
تحياتى
رائد عبد السلام
21/03/2008, 04h54
الأستاذة الفاضلة nahid76 كل شكري علي الاهتمام بقصائد العبد لله ...فهؤلاء الأبطال هم صورة مصر الحقيقية المشرقة...وكان هؤلاء الفنانون مبدعين حقا ... لذلك فقد عاشوا فقراء ..وماتوا خالدين ... كل شكري علي تعقيبك الرقيق.
رائد عبد السلام
21/03/2008, 05h10
العزيز : أستاذ إيهاب
للقصيدة جزء ثاني ( أبطال زمان 2) شكرا علي كلماتك العذبة ..أقرأ الجزء الثاني ..وفي انتظار تعقيبك.
يا صائدَ ( التفاصيل ) ،،، أهنئك على حِدة الرؤية ،،، و حاسةِ البراءة !
لا فذلكة ، لا حذلقة ، لا إقحام لكلمةِ ، لا التواء لمعني .. و تلكَ وصفتُكَ السحرية ُ ، التي أفضـَت بي إلى عُمق المعنى و المشهد .. و الحالة !
فقط ، إستحضـَرتـَهُم ، فحضروا بنكهةِ روحهم التلقائية ، و ترجَمتَهم شِعراً .. فكانوا هُم .. هُم .. كما نعرفهم .. نجيب و زينات و استيفان .. شخصياتٌ حقيقية و قابلةٌ لل ( لـَمس ) .. فيمَ يكمن نجاحُك إذَن أيها الشاعر ؟!
في مرآةِ ذاتكَ النقية .. في تطويعِ أدواتكَ الشِعريةِ ( للموضوع ) و ليس العكس !
( و بحِسها اللامبالي ) ..يا سلام يا سيدي .. لا تبالي يا رائِد .. طالما تحملُ حواسَكَ
المشحوذةَ بالعَفويةِ ، المشحونةَ بالمَرائي .. لا تـُبالي .. و خذني معك إلى عالمِكَ المستسلِم في حضنِ البراءةِ .. و عَبَقٍ الزمنٍ الأصيل !
( :emrose::emrose::emrose: )
رائد عبد السلام
22/03/2008, 06h10
عمنا الكبير ....سمعجي
كلماتك ، في التعقيب علي (أبطال زمان) لوحدها قصيدة.... غدير يرطب القلوب الظامئة ...
أشكر الشعر الذي جعل هذا التواصل بيننا ممدودا ...ولا حرمني الله من رحيق كلماتك ياعمنا ..... .هناك الجزء الثاني من القصيدة ....في انتظار ردك علي (أحرّ من الأحرّ )...علي رأي الجميل اسماعيل يس...كل حبي وتقديري
NAHID 76
22/03/2008, 15h08
بسم الله الرحمن الرحيم
استاذ رائد
يا سلام على كتاكيتو بنى زينات هانم صدقى يا سلام على جمال الفطرة والى استاذ حمام نحن الزغاليل من غير جناح بنميل ونطير فكرتنا لية ياعم بالجمال دة كلة
روح ربنا يخليك
مع دعائى
رائد عبد السلام
23/03/2008, 17h24
الأستاذة الفاضلة: nahid76
شكرا علي الإطراء الذي أتمني أن أكون جديرا به.....أدام الله سعادتك وكفاك شر (الأعين)...اللهم....آآآآآآآآآآآآآآآآمين
يوسف أبوسالم
28/03/2008, 09h23
أخي رائد
مساء الخيرات
ترشح منك الذكريات العذاب ...كأنما ترشح من خوابي نبيذ معتق
فإذا كانت القطرات الراشحات بذاتها ....بوح ملون ...يكسوه شجن رهيف
على أرواق الندى .....
وإذا كانت ...رشقات ألوان ..تنعثها ..كوكبة من أقواس قزح
بألوانها السريالية ..العابقة برائحة ..الحارات والأزقة ...والسبل
والمطيبة ..بالحناء ..وبضع كمنجات من عطور
فكيف يكون النبيذ المعتق ذاته ..
شخوص منقوشة في سويداء القلب ...ومرسومة على رهش الوجدان
فإذا جاء فارس كرائد ..ليجسدها ...بسمفونية الكلمات ...
فلا بد أن تستقبله ..أسراب من البلابل ..وطيور الكناري
وأفواج من طيور اللقلق ..وموج هادىء مسترسل
من .بجعات ..
رائد عبد السلام
28/03/2008, 12h00
كلماتك ياسيدي خرجت لي من سقف مسجد أندلسي قديم ومن ضباب يحيط بتمثال لأفروديت ذات صباح شتوي بعيد .. أسكرتني كلماتك بخمر قديم وجعلتني أتسائل ..أأنا هو من يقصد؟؟
كل شكري علي أسلوبك الرائع المعروف وعلي تدفق يراعتك ..أبقاك الله ....وأبقي ذهنك الذي يمتعنا .....شعرًا ...وأدباً .. وحميمية صادقة .....شكرا يا أستاذنا يوسف أبو سالم
sherifzen
30/03/2008, 18h06
لو كان الكلام ييترسم بالدهب كنت عملت لك عقد فل وياسمين على احلى كلام يتقال بالدهب
لكن مش غريب عليك الموهبه وانت قبل متكون استاذ كنت تاريخ
تسلم ايدك وشعرك ووقتك وفنك واى حاجة اخرها كاف :mdr:
:emrose::emrose:
رائد عبد السلام
01/04/2008, 09h21
حبيبي وأخويا
sheriefzen
كل حبي وتقديري.. علي التعقيب الجميل لإنسان جميل في منتدي جميل ...كلماتك أسعدتني كما يسعدني شخصك علي المستوي الإنساني:emrose:
رائد عبد السلام
27/05/2008, 10h49
طل الندي فوق الورود..غنّت
طال الندي فوق الخدود..أَنّت
استنت الضحكة كتير لكن
حنّت عليها الجراح
والضحكة ...ما حنّت
واتجنّت الأفكار علي الأوراق
ورُقت أنا وسنين زماني ..اتجنّت
ميت أنا وباصارع الأشواق
ميت أنا ممكن أعيش لو شاء
قدري وطريقي .. وضحكتي رنّت
أوّلنا مش ضحكة ولا ابتسامات
ولا سلام بالعينين
ولا بالإيدين سلامات
أوّلنا كان حلم الهوي المجنون
عاش في العيون
قبل الولادة .. مات
واتخنقت النغمات علي لساني
كل اللي فاكرُه زمان الوحدة نسّاني
ماشي في وسط الليل همومي كتير
فارد إيديا كما الضرير
عمري ما كنت أسير
وليه يا خطوة أسراني
كتر الضلام ..بيكتّر احزاني
طَلَقت همي وطعم الحُرقة في فمّي
يافرحة عدّت زي نور البرق
قضّيت سنين استنّي وأسمّي
داير مغمّي
غربي زي الشرق
ووسط اليم شاورتيلي يافنارة
مدّيتي نورك إيدين
شالوني م الغرقة
قلبي رقص علي موجة هدّارة
ونسيت زمان البعد والفُرقة
الليل نجومه عليّا دوارة
وانا عيوني السهاري
طول عمرهم بُرأ َه
الموج يا إما ينجّي ...يا يغرّق
وجه عليّا الدور بس الزمن ...فرّق
خلاني في مكاني وفاتني (استنظر )
كل امّا يكبر شيء لازم أوام يصغر..!
طلقت صوتي في المدي المفتوح
رجع لي صوتي والصدي مجروح
والحب في الروح
وانا داير بانوح ...داير
والجرح جوّة ف قلب القلب
ليه غاير ؟
ولحد إمتي لحد فين ساير ؟
ياضيّ باهت وسط ليل فاجر
قصّر طريقك و عود
الحزن بيك موعود
والليل عليك ... قادر
طل الندي فوق الورود..غنّت
طال الندي فوق الخدود..أَنّت
استنت الضحكة كتير لكن
حنّت عليها الجراح
والضحكة ...ما حنّت
واتجنّت الأفكار علي الأوراق
ورُقت أنا وسنين زماني ..اتجنّت
ميت أنا وباصارع الأشواق
ميت أنا ممكن أعيش لو شاء
قدري وطريقي .. وضحكتي رنّت
أوّلنا مش ضحكة ولا ابتسامات
ولا سلام بالعينين
ولا بالإيدين سلامات
أوّلنا كان حلم الهوي المجنون
عاش في العيون
قبل الولادة .. مات
واتخنقت النغمات علي لساني
كل اللي فاكرُه زمان الوحدة نسّاني
ماشي في وسط الليل همومي كتير
فارد إيديا كما الضرير
عمري ما كنت أسير
وليه يا خطوة أسراني
كتر الضلام ..بيكتّر احزاني
طَلَقت همي وطعم الحُرقة في فمّي
يافرحة عدّت زي نور البرق
قضّيت سنين استنّي وأسمّي
داير مغمّي
غربي زي الشرق
ووسط اليم شاورتيلي يافنارة
مدّيتي نورك إيدين
شالوني م الغرقة
قلبي رقص علي موجة هدّارة
ونسيت زمان البعد والفُرقة
الليل نجومه عليّا دوارة
وانا عيوني السهاري
طول عمرهم بُرأ َه
الموج يا إما ينجّي ...يا يغرّق
وجه عليّا الدور بس الزمن ...فرّق
خلاني في مكاني وفاتني (استنظر )
كل امّا يكبر شيء لازم أوام يصغر..!
طلقت صوتي في المدي المفتوح
رجع لي صوتي والصدي مجروح
والحب في الروح
وانا داير بانوح ...داير
والجرح جوّة ف قلب القلب
ليه غاير ؟
ولحد إمتي لحد فين ساير ؟
ياضيّ باهت وسط ليل فاجر
قصّر طريقك و عود
الحزن بيك موعود
والليل عليك ... قادر
ايه ده يااستاذ رائد الحاجات الحلوه دى
قول بصراحه بقى " انت كنت مستخبى بتكتبها "
ولا كنت فى الكافيتيريا:crazy:
جميله بجد اخى العزيز
ولك كل تقديرى واحترامى:emrose::emrose:
إيه يا عم رائد يا شاعر يا كبير
كنت مخبي ( اللون ) التاني دا فين !!
هو أداءٌ مختلفٌ جذرياً عن كتاباتك التي عرفناها عنك ،،
دعني أتطرقُ للموسيقى ..
هنا ، شاعرية ُ الحِكمةِ و ( العَديد ) ،، بنيتها الإيقاعية تحذو بحر ( البسيط ) ،، و تركنُ أحياناً إلى التفعيلة ( مستفعلن ) ، و التي تخص بحر الرَّجَز ،، و تنتقلُ حيناً إلى ( متفاعلن )،، و التي نخص بحرَ الكامل ،، و لا تؤدي إلى خلل ٍ في الإيقاع ..
فكلاهما يتماهىَ مع الآخر ،،
جاذبة ٌ قافيتك ( الغير مستهلكة ) لدرجة السيطرة على الإيقاع النفسي ( أنـّت / حَنـِّت / غـَنـِّت / رَنـِّت ) ،،، (الغرئة / فـُرئة / بُرَأة )
و هذه المفارقة الدرامية في المفتتح :
طـَلّ الندى فوق الورود غنـِّت ،،، طال الندى فوق الخدود .. أَنـِّت
تضع المتلقي أمام نقيضين ، الفرح و الحزن ، فيبدو الحزن و الإنكسار الذي يؤولُ اليه المعنى ، واضحاً و مؤثراً .. و إسهاباً لنفس أداء ( المُفارقة ) :
استنت الضحكة كتير لكن
حنّت عليها الجراح
والضحكة ...ما حنّت
غنت / أنت ،،، ضحكة / جراح ،،، مَيّت / أعيش ،،، عاش / مات ،،، غربي / شرق ،،، يكبر / يصغر ،،،
و تأخذنا معك عبر تلك البنية ، في ( شِكاية ) ذاتية مُنكسرة ( نــَوَّاحة ) تحيلنا إلى تراث ( الغربة و النواح ) في عاميتنا ،،
العَمَل يحتملُ تحليلاً أوسع ،، حاولتُ إضاءة جانب ٍ منه
تحياتي يا شاعر :emrose:
رائد عبد السلام
28/05/2008, 12h08
أستاذنا الجليل ..الشاعر :كمال عبد الرحمن
يظل العمل الفني أو الأدبي ملقي علي قارعة الطريق حتي يتناوله المتذوقون بالنقد والتحليل ..فما بالك وقد تناوله هنا ( شيخ الصنعة ) جزيل شكري علي اهتمامك يا أستاذنا.. الشاعر الكبير ...كمال عبد الرحمن.
الأخت الفاضلة الرقيقة : هالة
شكرا علي اهتمامك ( بقي بتسمّي قصائد الانكسارات النفسية والعاطفية ..حاجة حلوة !!) ربنا يسعد أيامك يا لولي
الأخت الفاضلة الرقيقة : هالة
شكرا علي اهتمامك ( بقي بتسمّي قصائد الانكسارات النفسية والعاطفية ..حاجة حلوة !!) ربنا يسعد أيامك يا لولي [/COLOR][/SIZE][/B][/QUOTE]
يارب يااستاذ رائد يسعد ايامنا كلنا
لكن فيها ايه لما اقول انها حلوه كشعر يعنى وكتابه هو لازم يبقى قصدى على ماتحمل من معانى
طيب حلوه هه:crazy::mdr:
د أنس البن
06/06/2008, 04h13
الصديق العزيز رائد المصرى
ما أروع الكلمات عندما تخرج من دماء القلب الى مداد القلم ومن باطن أعماق الروح الى ظاهر أطراف اللسان والبوح
الكلمات الصادقه يصعب التعقيب عليها إلا بمثلها
رائع يا صديقى رائع
:emrose:
رائد عبد السلام
06/06/2008, 17h30
والله يادكتورنا الحبيب د : أنس لو فيه منك نسخ إنسانية في كل البلاد ماكانش حد انتحر ولا اكتئب ولا أصابه زعل ...ربنا يديم عليك حبك للحياة والخير والناس وطبعا شكرا علي كلماتك التي انتظرها من بداية نشر القصيدة ...فكلماتك توضع في ميزان آخر ....أشكرك:emrose:
NAHID 76
06/06/2008, 20h06
بسم الله الرحمن الرحيم
الاستاذ الفاضل رائد المصرى
عمرى ما كنت اسير ولية يا خطوة اسرانى
ونسيت زمان البعد والفرقة واليل نجومة علي دوارة
كل ما يكبر شيئ لازم اوام يصغر
طلقت صوتى فى المدىالمفتوح رجع لى صوتى والصدى مجروح
الله
مقطتفات من كلامك الرائع كلام خارج من نفس قد تكون مكسورة او مجروحة او موجوعة
فعبرت الكلمات اجمل تعبير عن تلك النفس
جميل كلام سيادتك وشكرا لك ونتمنى المزيد
تحياتى
رائد عبد السلام
16/07/2008, 15h25
كان فيه زمان... مع إنه مش ماضي بعيد
صفصافة مايلة تطول فروعها أي إيد
عيال ما كانوا أو كبار
أو أي ناس ........
أسياد ما كانوا أو عبيد
بيشدوا دايما شعرها
تضحك لهم
وكان اليوم ده ليها ألف عيد
أوراقها كانت تتقطف
و روحها كانت تتخطف
لكنها مستحملة ..
مش مشكلة ، ينقص من التاج الكبير .....حبّة ورق
وفجأة في راس الشيطان خاطر برق ...
و قال دي عايشة من زمان
لو نقطع الفرع الكبير
إيه اللي ح يضرّ الجذور...؟
- طيّب نشور .......
وجابوا شلة نجارين
واتداولوا فيما بَيْنََهم
الشجرة واقفة ملقّحة
والكل صاحب مصلحة
مافاتش يوم علي الكلام
إلا ولقينا في الزحام
نجّار هُمام
حز الجذور
وفجأة نزلت م السما تِهوِي
علي تراب الجسور
--------------
وبعد ماكان شَعرها
بيغسله ريق السحاب
اتنططت علي جسمها كل الكلاب
واتقطّعت واتفرّقت قبل المغارب .....
واللي كان في الملحمة تايه وغايب
كان برضه له – بالعدل - من ضفايرها نايب
--------------
بغداد..... أيا جرح الكرامة والضمير
- قد علمونا من قدم ..بعضَ الحكمْ
والأمرُ جدُّ أو خطيرْ
إن كان ذبحُ الشاةِ مَنْويّا .... وتم ْ
فالسلخُ دوماً لا يُضيرْ..
فهل يضرُ علي رفات الراحلين الرقصُ
أو بعضُ الطربْ ؟ّّ!!
- مَرْحي وأكرِم بالعربْ .
رغـد اليمينى
16/07/2008, 18h59
http://img502.imageshack.us/img502/2289/rose2pr6.gif
..::* أُستاذ رائد المصرى *::..
مساء الآوركيد البرى
صدقاً سيدى قد أضعنا القضية
هل أرض الأنبياءِ ها هنا
أم قُبورُ الوثنية ..؟
مَهدُ الشُعراءِ ..
أم حروف الجاهلية ..؟
حضارةُ الغربِ ..
أم طقوسٌ بدوية ..؟
غضبُ السماء
أم صلاةٌ ليلية ..؟
بقعةُ ماءٍ .....؟
أم قطعةُ رِثاءٍ ..
أم صرخةُ نداءٍ ..
بغداد..... أيا جرح الكرامة والضمير
- قد علمونا من قدم ..بعضَ الحكمْ
والأمرُ جدُّ أو خطيرْ
إن كان ذبحُ الشاةِ مَنْويّا .... وتم ْ
فالسلخُ دوماً لا يُضيرْ..
فهل يضرُ علي رفات الراحلين الرقصُ
أو بعضُ الطربْ ؟ّّ!!
- مَرْحي وأكرِم بالعربْ .
إنهاا العراق
ولازال هنا..رغم الدموع
رغم الدم الذى أُريقَ ولازال يُراقْ
رغم الجبروت .. رغم غَياهبُ الموت
ورغم أي صوت،،هو العراق..باقٍ لا يفوته أى فوت!
أستاذنا العزيز رائد لكَ حرف يحَمِلُنا حيثُ تُريد
ويلقيناعلى حواف الحقيقة المرة ،،
ألف تحية لقلمِكَ الرقراق كما نهرى دِجلة والفُراتْ
ودى وعبير وردى ،،
.
.
http://img502.imageshack.us/img502/2289/rose2pr6.gif
اخي العزيز ا / رائد
قرات قصيدتك وتوقفت عندها كثيرا
لا ادرى ما اكتب عنها
رائعه جدا كتاباتك دائما
معها احسست ايضا بالالم بجانب الاعجاب
لحضرتك كل التحيه والتقدير
د أنس البن
20/07/2008, 15h13
رائد المصرى ـ العربى ـ
أنت إنسان جميل ورائع وموهوب وتملك من أدوات الخيال وملكاته الكثير والكثير
إوعى تبطل كتابه
ولا أجد أكثر من ذلك تعبيرا لك عن شدة إعجابى
لك قبلاتى وتحياتى من تحت شغاف القلب
رائد عبد السلام
21/07/2008, 15h54
أختي الماردة
شكرا علي رشاقة عبارتك ... وبديع ردك
العزيزة لولي
الحمد لله إن فيه حاجة في الدنيا عجبتك ..والحمد لله إنها كانت قصيدتي :mdr:
نور المنتدي (د : أنس)
والله واحشني وأقسم علي ذلك..
أما تعليقك فهو وسام علي صدر أي إنسان فما بالك إذا كان التعليق لواحد من مريديك
ربنا يخليك لينا .( ردي حسب الترتيب ..والمقامات محفوظة طبعا )
أخي معاذ
شكرا علي ذوقك ...ألف شكر
العزيزة لولي
الحمد لله إن فيه حاجة في الدنيا عجبتك ..والحمد لله إنها كانت قصيدتي :mdr:
الكلام ده ليا انا ا / رائد :rolleyes:
انا قلت ان الدنيا مش عاجبانى ؟
طيب دى حلوه خالص وجميله خالص والحمد لله:crazy:
هى صحيح لاتخلو من المنغصات لكنها حلوه اكيد " هو حد قالك انى متشائمه لاسمح الله وللا حاجه " :rolleyes:
استاذ رائد بجد تحفه اوى
واحلى حاجه ان الصفصافه دى وانا بقراها فكرتنى بحجات كتير
كانت حلوه فى حياتنا ضاعت وبنفس الطريقه اللى ضاعت بيها الصفصافه
رائد عبد السلام
15/12/2008, 10h13
مراسيم وداع
********
تسلم إيديك
ياللي من قلب الظلام
طلّت علينا من عينيك
شمس الكرامة بعد طول الاحتجاب
الله عليك
الله يسلّم أمّ جابت للحياة ...زين الشباب
علي جبينك باشوف
بسمات ألوف
من العطاشي والجياع
والصارخين في جحور بلادهم ...بالتياع
والمشتاقين ياخدوا بتارهم ... م اللي باع
- ياللي إنت مضروب بالنعال
إقبل هدية شعب قاسي
وليلُه طال
هوّ سؤال :
فيه أحلي من ضرب الجزم ....مراسيم وداع !!؟
حتة بتاع ....
بيخوض في أكفان العرب
ويلُغّ ف دماء الضحايا ....
والمحروسين حكامنا من بير العدم
بيقدموا ليه التحايا ....
ياللي إنت مضروب بالنعال
إلي الجحيم ..... زفّوك
وبالنعال ...... ضربوك
الله يلعن ...(.....) !!
ماهو برضه كان زيك
وياما ف دماء العرب بلْبَط ْ...ولَغّ
وماكانش ف إيدينا .....بُلَغْ !!
[quote=رائد عبد السلام;257895]
تسلم إيديك
ياللي من قلب الظلام
طلّت علينا من عينيك
شمس الكرامة بعد طول الاحتجاب
الله عليك
الله يسلّم أمّ جابت للحياة ...زين الشباب
تـَرِبَت يَدَاك ،،،
يسلم فـُمَّك يا شاعر
و ربنا ما يحرمنا من وطنيتك :emrose:
جرامافون
15/12/2008, 22h00
هوّ سؤال
فيه أحلي من ضرب الجزم ....مراسيم وداع !!؟
الله عليك
صباح2015
15/12/2008, 22h30
تسلم يأمير الشعراء بعدد كل حرف
كتبته
وكل كلمة قرآتها
يا أستاذ / رائــــــــــــد
يا رائــــــــــــــــع
مع وافر شكرى وتحياتى ،،،،
أشرف المخزنجى
15/12/2008, 23h03
هذه اليد الأبية ............ من تليفزيون البغدادية
ضربت النعل المؤجج....... كطلقات البندقية
ردت الروح الحبيسة ........فى البلاد العربية
رفعت الرأس الكسير .........من الذل والعبودية
إلى عنان السماوات ........ وإنطلقت تهفو جلية
سلمت يداك يافتى ........سلمت الأرض العراقية
NAHID 76
16/12/2008, 10h21
بسم الله الرحمن الرحيم
الاستاذ الفاضل رائد المصرى
تسلم يمينك وينصر دينك
الاستاذ اشرف المخزنجى
الله الله
ايوه كده ربنا يبارك فيك
تحياتى
سيكتب الله لك السلامه فأنت مهد الحق والشهامه وانت للحرية المثل
( شارع الأمل )
الشاعر صالح جودت
غواص النغم
16/12/2008, 11h35
:emrose:الله الله الله:emrose:
:emrose:عليكم:emrose:
ويسلم اللي رجّع العفريت لعلبته بضرب النعال
رائد عبد السلام
16/12/2008, 14h16
كل الشكر لكل إيد كتبت كلمة تشجيع أو شكر
أستاذي سمعجي(الشاعر الكبير/كمال عبد الرحمن)
الإمبراطور...جرامافون ( أ/عمرو الخربوطلي)
أختي الغالية صباح
أخي أشرف المخزنجي
الليدي ناهد
أخي فؤاد عبد الحميد (والنبي تصغر صورة شادية شوية)
أخي وصديقي منعم
ربنا ما يحرمني من اهتمامكم
:emrose:
د أنس البن
16/12/2008, 14h40
أستاذ رائع
كلامك رائد
رائد عبد السلام
16/12/2008, 14h59
أستاذ رائع
كلامك رائد
ربنا ما يحرمنا من بلاغتك يادكتورنا الحبيب
فكرتني بـــ: صباح الوزير يا سعادة الخير:mdr:
مراسيم وداع
********
يعنى مش حرام عليك يا استاذ رائد ؟؟؟
يعنى ينضرب بالجزمة و ما يسلمش من لسانك الحراق ؟؟؟
أنعم بهذا الحذاء ....
الذى فتح هذه الطاقة الشعرية
- ياللي إنت مضروب بالنعال
حلوة أوى صيغة المناجاة الشعرية دى:mdr:.... فى هذه الجرسة أم جلاجل التى فضحت بها قريحتك صاحبنا اللى ما يتسمى.
و غير ذلك أحييك كثيرا على تنوع طرق السباب و الاهانة التى استخدمتها على كل لون :mdr:
بحيث تناسب تنوع أذواق القراء فى السباب ;)
حتى أنك عملت حسابه فى طوبتين ناشفين من هذا اللسان الناطق باسمنا
و أشفقت على مقص الرقيب من العمل فى هذا الموطن
تسلم يا استاذ رائد و تسلم خفة دمك :emrose:
رائد عبد السلام
16/12/2008, 19h11
يعنى مش حرام عليك يا استاذ رائد ؟؟؟
يعنى ينضرب بالجزمة و ما يسلمش من لسانك الحراق ؟؟؟
أنعم بهذا الحذاء ....
الذى فتح هذه الطاقة الشعرية
- ياللي إنت مضروب بالنعال
حلوة أوى صيغة المناجاة الشعرية دى:mdr:.... فى هذه الجرسة أم جلاجل التى فضحت بها قريحتك صاحبنا اللى ما يتسمى.
و غير ذلك أحييك كثيرا على تنوع طرق السباب و الاهانة التى استخدمتها على كل لون :mdr:
بحيث تناسب تنوع أذواق القراء فى السباب ;)
حتى أنك عملت حسابه فى طوبتين ناشفين من هذا اللسان الناطق باسمنا
و أشفقت على مقص الرقيب من العمل فى هذا الموطن
تسلم يا استاذ رائد و تسلم خفة دمك :emrose:
--------------------------------------------
أنا لو أعرف إن قصيدتي حتجيب الكينج : أبو مندور
كنت كتبت في الغير مأسوف علي كرامته :بوش...مُعلّقة ..كلها شتيمة
ما اتحرمش من ذوقك يا طيب الأصل والأخلاق
أخي وصديقي محمد أبو مندور
(زين شباب ........كل مكان )
فاهمني !!
abuzahda
17/12/2008, 00h30
الله الله الله
يــــــــــــــــــــا
أستاذ رائد عبد السلام
طيب أقول إيه على جمالك ده يا عمي رائد بس؟
متهيألي لو ترجمناها وسمعها بوش هيقول :
اللي حصل في بغداد أرحم
الله يسلّم أمّ جابت للحياة ...زين الشباب
سيادة الرئيس
17/12/2008, 06h51
وبالنعال ...... ضربوك
الله يلعن ...(.....) !!
الله يلعن ...(أبوك) !!
يلعن : يطرد من رحمة الله
تسلم يا رائد
abuzahda
17/12/2008, 12h56
http://img401.imageshack.us/img401/1935/49161346it4.jpg
رائد عبد السلام
18/12/2008, 03h28
اتنين كبااااااااااااااار قوي
زاروني النهاردة
أستاذنا :
سيد أبو زهدة ..الأديب الاستثنائي
وعم كل المفهومية (بالبلدي كده )
الأستاذ : صلاح علام
أنا باكتب التعليق ليهم مع بعض
علشان عارف المحبة اللي بينهم قد إيه ..وربنا يديمها
ويديمهم ليَ
شكرا يا أعمامي وأساتذتي الكرام علي الزيارة
طولتم رقبتي بزيارتكم
وشكرا علي تشجيعكم
:emrose::emrose:
غازي الضبع
18/12/2008, 08h41
--------------------------------------------
(زين شباب ........كل مكان )
فاهمني !!
أنا مش فاهم :cool:
رائد عبد السلام
18/12/2008, 11h08
أنا مش فاهم :cool:
مش مصدقك يا أبو فارس...!!
ده أنت عارف العفريت مخبّي ابنه فين ....
يبقي مش ح تفهم دي ؟؟؟؟
;)
رائد عبد السلام
29/12/2008, 19h14
أصدقائي...
تأتي قصيدتي المتواضعة ردا ًعلي جراح غزة
بعد رائعة الشاعر الكبير/كمال عبد الرحمن
وما أخوفني من المقارنة ...
-----------------------------------
رسالة من بنت الدنيا (غزّة)
مِدّ إيدك …سِد جرحي
دمّي نازف من جوانحي
ياللي دفيان في النعيم
الألم مالي جوارحي
شكله إيه وش العرب
يوم ما مات ع الوش فَرحي..؟
ياللي طالعين م القصور
تسألوا : …. نغضب …نثور ؟!!
وشّي ملياه البثور
بسمتي نسيت ملامحي …!!
فوق جسور الذل سرنا
واتعوج بالقهر سيرنا
دمّنا هاين علينا
زي ما هان عند غيرنا
الغضب مات في القلوب
والكرامة بقت ذنوب
اسمعوا لعنة جدودكم
ياللي غرقانين في خيرنا
(يامّا مويل الهوي)
الجرح ماله دوا ….
اركب حصانك يا فارس
وشق بيه الهوا
صحّي صلاح الدين
قول له العرب خاينين
زمان قريت الفاتحة
وما حد رد ….آمين
صوت العرب راح فين….؟
يا مليانين بالخرس
لو حد فيكوا اتقرص
كان حَسّ … بالباكيين
عيني علي نكبتك ياغزة طال النوح
طرح الوجع بلوتك …وشق قلب الروح
- لبس العِدا بُرْدنا
واتكللوا بالغار
- حكامنا لبسوا العدم
و اتوشّحوا بسواد
هل أنتم الأحفاد
يا غرقانين في العار ؟؟!
أحمد شوبكى
29/12/2008, 19h40
أصدقائي...
تأتي قصيدتي المتواضعة ردا ًعلي جراح غزة
بعد رائعة الشاعر الكبير/كمال عبد الرحمن
وما أخوفني من المقارنة ...
-----------------------------------
رسالة من بنت الدنيا (غزّة)
مِدّ إيدك …سِد جرحي
دمّي نازف من جوانحي
ياللي دفيان في النعيم
الألم مالي جوارحي
شكله إيه وش العرب
يوم ما مات ع الوش فَرحي..؟
ياللي طالعين م القصور
تسألوا : …. نغضب …نثور ؟!!
وشّي ملياه البثور
بسمتي نسيت ملامحي …!!
فوق جسور الذل سرنا
واتعوج بالقهر سيرنا
دمّنا هاين علينا
زي ما هان عند غيرنا
الغضب مات في القلوب
والكرامة بقت ذنوب
اسمعوا لعنة جدودكم
ياللي غرقانين في خيرنا
(يامّا مويل الهوي)
الجرح ماله دوا ….
اركب حصانك يا فارس
وشق بيه الهوا
صحّي صلاح الدين
قول له العرب خاينين
زمان قريت الفاتحة
وما حد رد ….آمين
صوت العرب راح فين….؟
يا مليانين بالخرس
لو حد فيكوا اتقرص
كان حَسّ … بالباكيين
عيني علي نكبتك ياغزة طال النوح
طرح الوجع بلوتك …وشق قلب الروح
- لبس العِدا بُرْدنا
واتكللوا بالغار
- حكامنا لبسوا العدم
و اتوشّحوا بسواد
هل أنتم الأحفاد
يا غرقانين في العار ؟؟!
رائعة يا أستاذ رائد كعادتك ، وواضح قوى وجع غزة وألمها واستنجادها بينا كلنا كعرب ، كشعوب مش كحكام ،، لأن الشعوب هية اللى هتبقى وهية اللى لازم تتوحد من أجل هذه القضية ، ربنا ينصر إخوانا ويثبتهم ويعينهم يارب
جرامافون
29/12/2008, 22h01
تسلم حروفك
وبندقية شعرك
:emrose:
بشير عياد
29/12/2008, 22h25
رائع يا رائد
سلمت يداك
قصيده مؤثرة مفعمة بالصدق والمشاعر والعروبة .
مع تحياتي لك ، ولكل شاعر غيور على عروبته وتراثه
اللهم اكشف هذه الغمة عن هذه الأمة .
الله عليك يا شاعر ( فوق البنفسجي )
دفقة شعورية صادقة و مُحَمّلة بهمومنا
و تأكـَّد يا عم رائِد إننا هنا كلنا ( بـِنـْكـَمِّل ) بعض ،،
و المُصاب الأليم بيفرض على كل واحد ( ينفجر )
على طريقته الخاصة
و ما أروع طريقتك و أشعارك
عظيم يا شاعر :emrose:
محمد حمدان
30/12/2008, 13h32
[quote=رائد عبد السلام;262624]أصدقائي...
تأتي قصيدتي المتواضعة ردا ًعلي جراح غزة
بعد رائعة الشاعر الكبير/كمال عبد الرحمن
وما أخوفني من المقارنة ...
-----------------------------------
رسالة من بنت الدنيا (غزّة)
مِدّ إيدك …سِد جرحي
دمّي نازف من جوانحي
ياللي دفيان في النعيم
الألم مالي جوارحي
شكله إيه وش العرب
يوم ما مات ع الوش فَرحي..؟
ياللي طالعين م القصور
تسألوا : …. نغضب …نثور ؟!!
وشّي ملياه البثور
بسمتي نسيت ملامحي …!!
فوق جسور الذل سرنا
واتعوج بالقهر سيرنا
دمّنا هاين علينا
زي ما هان عند غيرنا
الغضب مات في القلوب
والكرامة بقت ذنوب
اسمعوا لعنة جدودكم
ياللي غرقانين في خيرنا
(يامّا مويل الهوي)
الجرح ماله دوا ….
اركب حصانك يا فارس
وشق بيه الهوا
صحّي صلاح الدين
قول له العرب خاينين
زمان قريت الفاتحة
وما حد رد ….آمين
صوت العرب راح فين….؟
يا مليانين بالخرس
لو حد فيكوا اتقرص
كان حَسّ … بالباكيين
عيني علي نكبتك ياغزة طال النوح
طرح الوجع بلوتك …وشق قلب الروح
- لبس العِدا بُرْدنا
واتكللوا بالغار
- حكامنا لبسوا العدم
و اتوشّحوا بسواد
هل أنتم الأحفاد
يا غرقانين في العار ؟؟
بسم
الله
ما شاء الله
تبارك الله رب
العالمين بعد
السلام عليكم ورحمة الله
وبركاته اما بعد
الاستاذ الشاعر رائد عبد السلام
حقيقة قصيده جميله تقاس بمقياس الذهب
وتكتب بحروف من نور وتوضع الى جانب
قصيدة العبقرى التائه فى هذا الزمان كما احب
ان اطلق عليه (الاستاذ كمال عبد الرحمن ) فى عقد فريد
تزين به بنت الدنيا غزه الحبيبه فى ليلة عرسها الميمون والقادم
قريبا ان شاء الله تعالى فالمقام يا اخى الكريم مقام عطاء وليس
مقام مقارنه كل يعطى حسب طاقته ولا يكلف الله نفسا الا
وسعها الوقت عصيب والزمن يمر ونحن لا حول ولا
قوه الا كلمات او دموع او الدعاء لاهلنا فى غزه ان
يهبهم الله سبحانه و تعالى الصبر والجلد
ويقوي شوكتهم على اخوة القردة
والخنازير اقذر من على
وجه البسيطه واندلهم
واخسهم لعنهم
الله فى كل
كتاب
عصفور طاير
30/12/2008, 14h21
تسلم يا عم رائد.. صح لسانك
رائد عبد السلام
30/12/2008, 18h06
أصدقائي وأحبائي وأساتذتي
لابد للإنسان ان يشعر بالفخر حينما تزوره النخبة
لتشاركه شعوره تجاه الحدث .....بل وتثني علي كلماته
صاحب الطلة المبهجة والعبارات النابعة من القلب
أحمد شوبكي
لا حرمني الله من ذوقك وشعورك
-------
كنز المنتدي وحاوي الكنوز عمي عمرو بك الخربوطلي (جرامافون)
حضورك يكسب القصيدة مفردات جديدة ويبعث في داخلي شعورا بالثقة ...مااتحرمش يا فنان يا صاحب القامة السامقة
-------
الشاعر الكبير
بشير عياد
كنت اتابع برنامجك عن عمنا الشاعر /عبد الفتاح مصطفي ..أطربني حوارك تماما كما اطربتني أشعاره رحمة الله عليه....تصور يا أستاذنا أنا كنت فاكر (طوف وشوف) كلمات أحمد شفيق كامل رحمه الله !!
أشكرك يا شاعرنا الجميل...وشرفتني زيارتك
------
أختي الرقيقة ....عبير سماعي
منال
تفوح روائح العبير الذكي عندما أري اسمك علي صفحات الرد..
دمتِ ودامت إطلالتك الغالية
------
أستاذنا الشاعر الكبير /كمال عبد الرحمن
فاكر ليلة النتيجة...لما ما بيجيلناش نوم لحد ما نطمّن ؟؟
كل قصيدة يخامرني هذا الشعور
كلماتك وسام علي صدر كل شاعر تستحسنه .....أشكرك
-----
أخي الغالي ذو الحس الرفيع والذوق الراقي
محمد حمدان
ردك روضة من الزهور أتنسم فيها عبير الصدق .....ربنا يخللي لنا طيبة قلبك
شكرا
-----
أخي الشاعر المبدع /جمال فتحي
(عصفور طاير )
للأسف أنا وصلت متأخر للمناظرة الرائعة بينك وبين أستاذي سمعجي ...كان نفسي أحضرها من الأول ...بس باقية بإذن الله ..فين المشاكسات الشعرية ياعمنا ؟؟
شكرا علي تشريفك
:emrose:
ياسمين24
30/12/2008, 19h07
السلام عليكمكلمات تعبر عن ما نشعر به جميعا بسبب ما نراه وما نسمعه مما يحدث فى غزه واكثر ما احببتعيني علي نكبتك ياغزة طال النوحطرح الوجع بلوتك …وشق قلب الروح- لبس العِدا بُرْدناواتكللوا بالغار - حكامنا لبسوا العدمو اتوشّحوا بسواد هل أنتم الأحفاد يا غرقانين في العار ؟؟! اشكرك اخى على ما كتبت وماعبر به عن الدماء التى تغلى فى كل العرب وكم لنا سعيده لتكون اول مشاركاتى فى قسم الادب والشعر هو هذه القصيده الرائعه
abuzahda
31/12/2008, 06h38
مِدّ إيدك …سِد جرحي
دمّي نازف من جوانحي
:emrose::emrose:
المشاركة الأصلية كتبت بواسطة رائد عبد السلام
أصدقائي...
تأتي قصيدتي المتواضعة ردا ًعلي جراح غزة
أستاذي
رائد عبد السلام
ممكن سؤال مالهوش علاقة بالشِعر ؟
:emrose:
هوَّ "سماعي" بيمضي الأعضاء على "تعهد" بالتواضع ؟
يعني قصدي "الإقتباسين" اللي في ردي دول ...
إيه علاقتهم ببعض ؟
قصدي يعني اللي مقتبس بالأخضر ده ، متواضع ؟
:emrose:
يا أستاذ العرب قالت : أصدق الشعر أكذبه ،
بس ما قالتش : أشعر الشعراء أكذبهم !
يبقى ليه يا أستاذنا بتكدب بحكاية "متواضع" دي ؟
الله يسامحك يا عم رائد
رائد عبد السلام
31/12/2008, 19h11
:emrose::emrose:
أستاذي
رائد عبد السلام
ممكن سؤال مالهوش علاقة بالشِعر ؟
هوَّ "سماعي" بيمضي الأعضاء على "تعهد" بالتواضع ؟
يعني قصدي "الإقتباسين" اللي في ردي دول ...
إيه علاقتهم ببعض ؟
قصدي يعني اللي مقتبس بالأخضر ده ، متواضع ؟
يا أستاذ العرب قالت : أصدق الشعر أكذبه ،
بس ما قالتش : أشعر الشعراء أكذبهم !
يبقى ليه يا أستاذنا بتكدب بحكاية "متواضع" دي ؟
الله يسامحك يا عم رائد
طيب وتخيل بقي ياعمي
سيد أبو زهدة
لما يزورني ويستحسن شِعري
شاعر له قامتك الفارعة في عالم الحروف والتراكيب اللي شق بها لنفسه سِكة خاصة به هو
فقط
وشديدة التجدد والتأثير؟؟
ربنا ما يحرمني من محبتك يا أستاذنا الكبير
وتقول عليا أنا اللي متواضع ؟؟
الله يسامحك ياعمي سيد :emrose:
صحّي صلاح الدين
قول له العرب خاينين
زمان قريت الفاتحة
وما حد رد ….آمين
صوت العرب راح فين….؟
يا مليانين بالخرس
لو حد فيكوا اتقرص
كان حَسّ … بالباكيين
ماتقلقش يا ا / رائد
مادمنا ارتضينا نكون ماشيين على جسور من الذل
وكمان بقينا خرس ومش حاسين بالم غيرنا فمتستعجلش خالص الدور جاى علينا واحد ورا واحد
تحياتى لكتاباتك الرائعه اخى العزيز
:emrose::emrose::emrose:
رائد عبد السلام
31/12/2008, 19h23
السلام عليكم
كلمات تعبر عن ما نشعر به جميعا
بسبب ما نراه وما نسمعه مما يحدث فى غزه واكثر ما احببت
عيني علي نكبتك ياغزة طال النوح
طرح الوجع بلوتك …وشق قلب الروح
- لبس العِدا بُرْدنا
واتكللوا بالغار
- حكامنا لبسوا العدم
و اتوشّحوا بسواد
هل أنتم الأحفاد
يا غرقانين في العار ؟؟!
اشكرك اخى على ما كتبت وماعبرت به عن الدماء التى تغلى فى كل العرب وكم أنا سعيده لتكون اول مشاركاتى فى قسم الادب والشعر هو هذه القصيده الرائعة
الأخت الغالية ياسمين
أهلا وسهلا بكِ في سماعي
ونورت ملتقي الشعر والأدب
:emrose:
أشكرك يا أختي الغالية علي استحسانك
وعلي تواجدك بيننا
تقبلي شكري وتحياتي
رائد عبد السلام
31/12/2008, 19h29
صحّي صلاح الدين
قول له العرب خاينين
زمان قريت الفاتحة
وما حد رد ….آمين
صوت العرب راح فين….؟
يا مليانين بالخرس
لو حد فيكوا اتقرص
كان حَسّ … بالباكيين
ماتقلقش يا ا / رائد
مادمنا ارتضينا نكون ماشيين على جسور من الذل
وكمان بقينا خرس ومش حاسين بالم غيرنا فمتستعجلش خالص الدور جاى علينا واحد ورا واحد
تحياتى لكتاباتك الرائعه اخى العزيز
:emrose:
أخيرا لولي :emrose: بيننا
حمد الله علي السلامة يا فراشة المنتدي
وأشكر لك مرورك الكريم
وقادر ربنا يغير الأحوال
وتدور الدوائر علي الظالمين
شكراً لكِ
:emrose:
رغـد اليمينى
01/01/2009, 08h42
http://up106.arabsh.com/s/xqr30tgj1k.gif (http://up106.arabsh.com/)
الآستاذ القدير والمُبدع
(( رائد عبد السلام ))
مساء الليلك
مررتُ على قصيدتِكَ لقراءتها فقط ولكنْ إبداع القلم بها و إنتفاضة كلِماتِكَ،،
كانت لها وقع على العين والقلب،،
لله درّك يا إبن الأرض الأبيّة،،
سلّم الله يراعكَ الوضّاء وسلم نبضك الوطنى الحرّ،،
عاطر تحاياى ،،
،
،
http://up106.arabsh.com/s/xqr30tgj1k.gif (http://up106.arabsh.com/)
رائد عبد السلام
01/01/2009, 13h26
ذات الإطلالة المشرقة التي افتقدناها طويلا
الماردة
مرحبا بكِ...وشكرا لكِ علي تلك الكلمات العطرة
أرجو ألا تحرمينا من وجودك
ومشاركاتك المميزة
أشكرك
:emrose:
Islam Eidrisha
03/01/2009, 09h10
الحبيب الغالي رائع المصري
ما هذه الروعة والإبداع
لقد كان يراعك سن قلبك ودمك مدادك
قصيدتك من جمالها أنضبت معيني واعجزتني عن الرد
أأسف على تأخري في الرد
وعلى هذه المشاركة الجوفاء إذا ما قورنت بما خطه قلمك
رائد عبد السلام
03/01/2009, 16h31
الحبيب الغالي رائع المصري
ما هذه الروعة والإبداع
لقد كان يراعك سن قلبك ودمك مدادك
قصيدتك من جمالها أنضبت معيني واعجزتني عن الرد
أأسف على تأخري في الرد
وعلى هذه المشاركة الجوفاء إذا ما قورنت بما خطه قلمك
عزيزي إسلام :emrose:
(وجه سماعي الباسم)
أصل القصيدة بيبقي ناقصها بيت القصيد لحد ما تيجي إنت ياسمسم
نورت ياغالي الغاليين
يا أبو قلب طيب
:emrose:
أول كلامي سلام ..
دمّنا هاين علينا
زي ما هان عند غيرنا
الغضب مات في القلوب
والكرامة بقت ذنوب
إيه ده يا أستاذ !!
هذا ليس شعرا
لكنه رصاص.
طول الوقت فيما كنت أقرأ قصيدتك كانت تتشكل أمام عيني صورة شهيد مسجي وسط دمه النازف فيما ينتفض جسده انتفاضته الأخيرة.
وكأن وجع الواقع المر لا يكفينا .. صرخة ألمك وهدير شعورك وصلني كما وصل الجميع يا أستاذ. أردت فقط أن أطلعك على النـُدبة.
تحياتي
محمود
رائد عبد السلام
07/01/2009, 04h31
أول كلامي سلام ..
دمّنا هاين علينا
زي ما هان عند غيرنا
الغضب مات في القلوب
والكرامة بقت ذنوب
إيه ده يا أستاذ !!
هذا ليس شعرا
لكنه رصاص.
طول الوقت فيما كنت أقرأ قصيدتك كانت تتشكل أمام عيني صورة شهيد مسجي وسط دمه النازف فيما ينتفض جسده انتفاضته الأخيرة.
وكأن وجع الواقع المر لا يكفينا .. صرخة ألمك وهدير شعورك وصلني كما وصل الجميع يا أستاذ. أردت فقط أن أطلعك على النـُدبة.
تحياتي
محمود
-----------------
والله يادكتور محمود
تشريفك الغالي لموضوعي هو قصيدة مستقلة تسعد الروح
ربنا ما يحرمني من تشجيعك وذوقك الراقي يا أستاذنا
أشكرك جزيل الشكر
حمدي السمر
09/01/2009, 00h55
سلم يراعك ... وسلمت يداك
الي متي هذا الصمت يا عرب
تحياتي اخي رائد
بينما كنتُ أقوم بعملية ( نقل جماعي ) لمساهمات الأخوة الأعضاء ، من ( ملتقى الشعراء ) ،
إلى مكانها الصحيح في ( تجارب أدبية للأعضاء ) ،،
مَرَرتُ على رائعتكَ هذه أخي رائد ،،
فأحببتُ أن أقوم بمداخلتي هذه ،، حتى ( تـَقِب ) هذه الروائع الخمس ، على وِش الصفحات ،، و يتاحُ لها قراءة أوسع
تحياتي يا شاعرنا الكبير :emrose:
رائد عبد السلام
20/02/2009, 14h15
بينما كنتُ أقوم بعملية ( نقل جماعي ) لمساهمات الأخوة الأعضاء ، من ( ملتقى الشعراء ) ،
إلى مكانها الصحيح في ( تجارب أدبية للأعضاء ) ،،
مَرَرتُ على رائعتكَ هذه أخي رائد ،،
فأحببتُ أن أقوم بمداخلتي هذه ،، حتى ( تـَقِب ) هذه الروائع الخمس ، على وِش الصفحات ،، و يتاحُ لها قراءة أوسع
تحياتي يا شاعرنا الكبير :emrose:
أشكرك يا أستاذي كمال عبد الرحمن :emrose:
مادام إيدك لمست القصيدة بتاعتي
يبقي تم اعتمادها و(قبّت) خلاص.....
ربنا ما يحرمنا من إيدك الكريمة التي تسطر الروائع
و تستر هنّات مريديك وأتباعك يا عم عموم الشعراء
في بر مصر المحروسة
أدام الله دولتك
شاعراً ....وراعياً
:emrose:
د أنس البن
20/02/2009, 15h37
تقولشى أول مره أقراه والا أول مره أشوفه
والله العظيم كأنى بأقراه لأول مره .. طعم وشكل وجمال تانى خالص
فينك يا عم بيرم وفين فوازير رمضان .. كأنى افتكرته هو راخر دلوقتى
إشتغل يا رائد شويه وفضى لنا نفسك حبه الله يكرمك
abuzahda
20/02/2009, 15h41
ياااااااا بورتريهاتك يا عم رائد
أيوة كدة
إطلع من دول يا شاعر
و اسمع كلام الدكتور أنس
و بوسلي عمي كمال "المُنقِّب" "الجواهرجي" السمعجي
رائد عبد السلام
20/02/2009, 16h35
تقولشى أول مره أقراه والا أول مره أشوفه
والله العظيم كأنى بأقراه لأول مره .. طعم وشكل وجمال تانى خالص
فينك يا عم بيرم وفين فوازير رمضان .. كأنى افتكرته هو راخر دلوقتى
إشتغل يا رائد شويه وفضى لنا نفسك حبه الله يكرمك
طول عمرك قلب كبير يحتوي العالم بأسره
يا عمي الدكتور أنس:emrose:
شُفت تعليقك علي شغلي أول مرة ..وتشجيعك لي ّ !!
ليّ حق بقي أحبك وأموت فيك واللا لأ ؟؟
ربنا يخليك لينا يارب
رائد عبد السلام
20/02/2009, 16h39
ياااااااا بورتريهاتك يا عم رائد
أيوة كدة
إطلع من دول يا شاعر
و اسمع كلام الدكتور أنس
و بوسلي عمي كمال "المُنقِّب" "الجواهرجي" السمعجي
الشعر درجات ياعمي سيد
والمقامات محفوظة ....يا شاعر الشعراء
يا ابو قلم ...زي سن الرمح
:emrose:
الفاكهة الطازة ،،
تتحَط على وِش القفـَص :)
لا مؤاخذة يا شاعري الفوق البنفسجي
أصلي شـَغـَّال فكهاني ( شِعر ) اليومين دُول
خللي الناس ( تِدُوق ) حلاوة شـَهدَك :emrose:
و آدي صِفصافة ،،
:emrose:
بشير عياد
20/02/2009, 23h47
وفجأة في راس الشيطان خاطر برق ...
و قال دي عايشة من زمان
لو نقطع الفرع الكبير
إيه اللي ح يضرّ الجذور...؟
- طيّب نشور .......
وجابوا شلة نجارين
واتداولوا فيما بَيْنََهم
الشجرة واقفة ملقّحة
والكل صاحب مصلحة
مافاتش يوم علي الكلام
إلا ولقينا في الزحام
نجّار هُمام
حز الجذور
وفجأة نزلت م السما تِهوِي
علي تراب الجسور
--------------
وبعد ماكان شَعرها
بيغسله ريق السحاب
اتنططت علي جسمها كل الكلاب
.
هذا كلام للصغار وللكبار معًا
بهذا الشكلِ ( أو هذه التشكيلات ) تستطيعُ أن تضيف عُمقًا جديدًا إلى مجلاتِ الأطفالِ التي أصبحت تترنّحُ تحتَ وطأةِ ثقافةِ الموبايلات والعصرِ الاستهلاكي
هذه لوحاتٌ ومشاهدُ متحرّكةٌ لا ينقُصُها سوى رسّامٍ بارعٍ ليكتملَ العملُ ـ في نظري ـ ويُرشقَ في أذهانِ القادمين
في انتظار بقيّةِ أشجارِك .
abuzahda
21/02/2009, 04h09
http://img16.imageshack.us/img16/4428/18330418.jpg
يا صفصافة شِعرٍ استوطنت :emrose:القناطر الخيّريّة:emrose:
رائد عبد السلام
21/02/2009, 04h23
شهادة أعتز بيها من شاعر كبير
يا أستاذ بشير:emrose:
والله يا أستاذنا حال مجلات الأطفال
والمنتجات الثقافية للأطفال عموماً ...شيء محزن
حتي الأفلام المصرية المقدمة ليهم بتغتال طفولتهم
رأيت فيلم اسمه (فرح) بطلته طفلة :
اختفت لعبة الطوق والبريللا
وأصبحت الفتيات الصغيرات يرقصن
كراقصات علب الليل ..لا سامحهم الله
من يفعلون ذلك في غِراس المستقبل
أشكرك ...جزيل الشكر
رائد عبد السلام
21/02/2009, 04h29
http://img16.imageshack.us/img16/4428/18330418.jpg
يا صفصافة شِعرٍ استوطنت :emrose:القناطر الخيّريّة:emrose:
والله ياعمي سيد
كلامك بيفتح نِفسي علي الدنيا
لأنه صادر من نَْفس طيبة و جدعة...وبنت بلد
أشكرك
ياخميلة أشجار : توت ودقن الباشا وبرتقال ويوسفي...
استوطنت ....قلوبنا
بإذن الله لمّا تيجي بالسلامة ياعمي سيد
ح أعمل لك في القناطر حتة استقبال ...
فشر قطز وهو راجع من (عين جالوت)
بحبك ياعمي سيد..وربنا يديمك
:emrose:
Islam Eidrisha
21/02/2009, 06h50
حبيب قلبي واستاذي رائع عبد السلام
جمال قصيدتك يكمن في أنها عامة معممة
تصلح لكل الأعمار وتصلح لكل العصور
كما أنها لا تنطبق على بغداد وحدها
فالصفصافة عندنا خلت من كل شئ
إلا جذر ثابت قوي ضارب في عمق التاريخ
نستمد منه القوة ونستظل ونظل به.
والصفصافة مهما تجمع حولها الكلاب لينالوا منها
فهي ثابتة ولا تهتم ولا تلقي لهم بالا لأنهم أقل من أن يشغلوها
لأنها باقية وهم حتما سيلقون في غياهب الظلم والظلمات.
Islam Eidrisha
21/02/2009, 07h06
أخي الحبيب رائد
مسيرتك الفنية الجميلة هذه يلزمها جزء ثالث ورابع
بل وخامس لاجل الحسد
عفاف سليمان
25/02/2009, 15h58
الاستاذ رائد:emrose:
كل من كتب رداااا فهوا اعلى منى شأنا
فكيف اكتب عن بعدهم كلاما000لا يفوق كلامهم ردا
فأنت رائد
ورائد فى كل شىء:)
زدنا من احساسك الجميل
ومن عبير كلماتك تتنسم الرياحين
تحياتى لك يا بو قلب جميل
وننتظرك فى الجزء
الخامس والعاشر والستين
عفاف:emrose:
رائد عبد السلام
09/03/2009, 04h53
أختنا الغالية عفاف
طبعا إنتي تنوري في أي مكان
بس إنتاجك الأدبي ده مكانه الصحيح
تفتحي موضوع يخصك في
تجارب أدبية للأعضاء
-----------------------
وأرجو من أستاذي سمعجي ...
نقل إنتاج أختنا عفاف لمكانه الصحيح وشكرا :emrose:
عفاف سليمان
09/03/2009, 05h07
صباح الخير أستاذنا رائد
كل سنه وحضرتك طيب وبخير
بمناسبه مولد الهدى
أشكرك على ردك على ولكنى لم اقصد أن أعمل أنتاج أدبى فى صفحة حضرتك
ولكن كان قصدى اعمل مداخله مع حضرتك
بس المداخله مجتش فى صلب الموضوع اللى حضرتك طرحته
لكن ....قلت من باب المداخلات أو الاحداث التى تقع مثلها فى كل مكان:mad:
وكانت مداخلتى هذه على سبيل المثال لا عمل من الاعمال:rolleyes:
واذا حضرتك رايت أنها لابد أن تنقل فلتنقل
ولك كل التقدير والاحترام وطبعا مش معقوله هعمل أنتاج لى فى موضوع حضرتك
حتى لا اخل بعمل حضرتك
طيب اروح أنا فين من كاتب مثلك دا كلام بردوا:(
دا أنا يزدادنى شرف والله;)
ولك كل التقدير والاحترام
اختك عفاف
رائد عبد السلام
09/03/2009, 05h21
[quote=عفاف سليمان;291338]صباح الخير أستاذنا رائد
كل سنه وحضرتك طيب وبخير
بمناسبه مولد الهدى
صباح النور والهنا والسرور
:emrose:
وإنتي بكل الخير ياعفاف
وشكراً علي مداخلتك السابقة :emrose:
ما كل هذة الروعة
يا استاذ رائد
اشعار تحفة واحساس رائع
وبالاخص رائعتك
الصفصاف
كل سنة وانت طيب
بمناسبة المولد النبوى الشريف
والف مبروك تثبيت
اعمالك
معلش تهنئة متاخرة شوية
رائد عبد السلام
10/03/2009, 12h42
ما كل هذة الروعة
يا استاذ رائد
اشعار تحفة واحساس رائع
وبالاخص رائعتك
الصفصاف
كل سنة وانت طيب
بمناسبة المولد النبوى الشريف
والف مبروك تثبيت
اعمالك
معلش تهنئة متاخرة شوية
مرحباً أختي
رايا:emrose:
كل سنة وأنتي طيبة
وشكراً علي تشريفك وعلي التهنئة
الله يبارك فيك ِ
abuzahda
14/03/2009, 00h30
أهـُو هوَّ دَه عيب التثبيت الوحيد
الكسل
*
براحتك يا :emrose:أستاذ:emrose:
براحتك أوي
براحتك خالص
براحتك جداً
و احنا منتظرين
رائد عبد السلام
14/03/2009, 15h34
أهـُو هوَّ دَه عيب التثبيت الوحيد
الكسل
*
براحتك يا :emrose:أستاذ:emrose:
براحتك أوي
براحتك خالص
براحتك جداً
و احنا منتظرين
ربنا مايحرمني من سؤالك عليا
ياعمي الغالي
سيد أبو زهدة :emrose:
رائد عبد السلام
14/03/2009, 16h35
أمي - أبقاها الله- ما زالت تنير حياتي
ولكني ذات صباح
رأيت عمنا صلاح علام قد غير توقيعه واستبدله
بصورة تحوي مجموعة من وجوه الأمهات الطيبات
وعندما سألته ....أخبرني بأن فيهن .... صورة الغالية أمه.
http://www.sama3y.net/forum/attachment.php?attachmentid=134933&stc=1&d=1237051365
فإلي ذلك الوجه الطيب الذي يطل علينا من دار الحق
أغنية .... إليها
إلي الحب الذي بلا حدود ...وبلا مقابل
إلي الأم الراحلة
-----------------------------------------------
الهوي .... روح الحياه
وإنتي روح الروح .. يا أمي
الهوي .... له منتهاه
وانتي أجمل إيد .....تضمّي
لما بازهق...حتي منك
قلبك الطيّب .....يسمّي
تحضنيني ألاقي نفسي
دمي دايب ....جوّه دمي
فيه أحن من الحنان ؟؟
- أيوة إنتي ..
فيه أرقّ من الأمان ؟؟
- حضنك انتي ..
فيه عزيز عين بعد صورتك ؟؟
ياسفينتي ؟
- مستحيل
ياللي خلاكي الإله ....
نعمة العمر الجميل
بهجة العمر الحزين
عمرنا غاية مُناه
تبقي صورتك فيه ....تِزِين
امسحي عن عيني همّي
نوّري عمري المغمّي
لما باتعب ...مش بالاقي
ساقية ...للأرض الشراقي
نور يصاحبني ف طريقي
ميّة...بيها أشقّ ريقي
مين يطبطب فوق كتافي ؟
بعد منّك ...
مين يسمّعني العوافي ؟؟
بعد منّك ..
إشهدي.... إني باحبك
وإن قلبي لسه عايش
جوّه ضمّة ف قلب حضنك
يرحمك ربي يا أمي
زي ماانتي رَحْمتي
زي ماتكوني سَبَقتي
تنوّري لي ....أخرتي
منّي لعيونك ....سلام
ياللي بعدك ...
انتهي ... أحلي الكـــــلام
سيادة الرئيس
14/03/2009, 19h32
لما بازهق...حتي منك
قلبك الطيّب .....يسمّي
تحضنيني ألاقي نفسي
هوه إنت تعرفها
و لا همه كلهم كده
يا رائد دي ( أغنية ) ملحنه نفسها
الله يكرمك و يبارك فيك و ف كلامك إلّي طالع من نخاشيش قلبك
و شكرا على إهدائك يا رائع و ربنا يجبر بخاطرك زي ما جبرت بخاطري
رائد عبد السلام
14/03/2009, 19h42
[/center]
هوه إنت تعرفها
أصل أنا فلاح وأبويا فلاح وجدي فلاح
والأرض علمتنا إن الشجرة تتعرف من ثمرتها
يبقي إزاي مش عايزني أعرفها ياسيدنا!!
محمودسعد
14/03/2009, 19h55
والله ياصديقي عندي واحده زي مابيقولوا
ازاي انا مادخلتش هنا قبل كده
ازاي ماخدتش بالي
دانا طلعت ؟؟؟؟؟ 000 ولامؤاخذه ياصاحبي
اصل حبي لشخصك الكريم كان مغطي علي اي حاجه تاني
بس اوعي ؟؟؟؟
ايه الجمال والحلاوه دي يااستاذياكبير
اسمحلي بقي لاني اكيد هاخد حاجه من اشعارك وادعيلي اعرف اختار لان كل الكلام حلو
ياحلو
abuzahda
16/03/2009, 21h21
بقى لي كام يوم عايز اوصل شهقتي من جمالك يا أستاذنا ، مش عارف ...إيه الحكاية؟
رائد عبد السلام
20/03/2009, 05h00
أحسن الله إليك يا صاحبي
يا أستاذ ياكبير
يا أبو زهدة :emrose: ياصاحبي
شكراً علي تشريفك
ملحوظة : اللي بيعيّب علي واحد بيقع في ظروفه ....
علشان تحرم تتهمني بالكسل !!
إنت فين يا استاذ؟؟
يارب تكون بخير
abuzahda
21/03/2009, 23h51
أحسن الله إليك يا صاحبي
يا أستاذ ياكبير
يا أبو زهدة :emrose: ياصاحبي
شكراً علي تشريفك
ملحوظة : اللي بيعيّب علي واحد بيقع في ظروفه ....
علشان تحرم تتهمني بالكسل !!
إنت فين يا استاذ؟؟
يارب تكون بخير
"حبيبي من مصر" ، قالـِّي:
في البال صورتك تمّلـِّي
أنا قلت: يا عم ، صورتك ...
للشوف ، في العين ، تِحلـّي
* * * * *
ربنا ما يحرمني من سؤالك عني يا أستاذ (قولاً و عملاً و شكلاً و موضوعاً)
امسحي عن عيني همّي
نوّري عمري المغمّي
لما باتعب ...مش بالاقي
ساقية ...للأرض الشراقي
نور يصاحبني ف طريقي
ميّة...بيها أشقّ ريقي
مين يطبطب فوق كتافي ؟
بعد منّك ...
مين يسمّعني العوافي ؟؟
الله الله الله
إستدعاء " أُلفةِ " الحنان الأمومي ، بهذا الصّدق الذي
" يمحقُ " المُصطنع من الأشعار
هو خيرٌ جديرٌ بأن " يمكثَ في الأرض "
فكأني أشم رائحة جلبابِ أمي ،
فيما كتبتَ يا رائِد
لا تغادرني " الوَحشة " ، مُذ غادَرَتني أمي ،،
كم غفلتُ عن " تثمين " قلقِها الأمومي ،
و هي " تتسَحّبُ في الليل " كى لا توقظني ،،
و تتحسسُ فِراشي ، لتتأكدَ ، أنني " مِتغـَطـّي كوَيّس " ،
برغم عيونِها الواهية ، التي تكاد لا ترى ،
و سيقانِها " الهَشة " التي تحملها بالكاد ،،
هذا المشهدُ ، مَرَّ على خاطري الآن ،
و أنا أقرؤكَ يا رائِد ،،
أنتَ شاعرٌ ، تـَتـَتـَبّعُ عُمقَ اللحظةِ ،
و لا تستهويكَ " مجّانية " الشكل ،،
و السطحِ الأملسِ للمشاعِر ،،
أنتَ لا تخونُ الشـِّعر ، فلا يخونكَ الشـِّعر ،،
فكن كما أنت ، صادقاً ، و دافِئاً ، و إنساناً ،،
و احتسبني عند اللهِ من مُحِبّيك
رائد عبد السلام
23/03/2009, 04h06
أنتَ لا تخونُ الشـِّعر ، فلا يخونكَ الشـِّعر ،،
فكن كما أنت ، صادقاً ، و دافِئاً ، و إنساناً ،،
و احتسبني عند اللهِ من مُحِبّيك
وأنا أحبك والله يا أستاذي
أدامك الله لي مُعلماً ومرشداً
كلماتك يا أستاذي تعطيني ثقة بموهبتي
لأنها تصدر من شاعرٍ... كلنا نعلم قدره جيداً
وندور حوله ....كنجوم القمر
ربنا يخليك يا أستاذي كمال
:emrose:
عيون المها
24/03/2009, 07h36
الشاعر المتألق دوماً بكتاباته و مشاركاته
((( رائد عبد السلام )))
رائعة درتك عن الأم
استطعت أن تدنو من المنطقة الشائكة
و هي الكتابة عن الأم بكل سلاسة و صدق
فأرى من وجهة نظري المتواضعة أن الكتابة عن الأم من أصعب الكتابات
فـ من يكتب عنها لا يستطيع تزييف الكلام
لابد أن تكون الكتابة صادقة و تخرج من القلب لكي تصل مباشرة إلى قلوبنا و تلمس أوتار إحساسنا
نعم يا سيدي كلماتك لمست أوتار إحساسي و اخترقت وجداني لصدقها
و عند هذا الجزء تحديداً دمعت عيناي
وانتي أجمل إيد .....تضمّي
لما بازهق...حتي منك
قلبك الطيّب .....يسمّي
تحضنيني ألاقي نفسي
هذا الجزء جعلني أشعر بالتقصير تجاه أمي
و دوماً عندي هذا الإحساس
مهما قدمت لها فلن أوفيها حقها
بارك الله لي فيها
حفظ الله والدتك و بارك لك فيها
و رحم الله جميع أمهات المسلمين
أشكرك لك صدقك و إحساسك العالي
لك خالص تحياتي
رائد عبد السلام
26/03/2009, 12h29
إذا دَنـَــــــا صُبـحُـهـا ،،، تشـدو طيـــــــورٌ لها
و الشمسُ إن أشرَقتْ ،،، تـسيـرُ في دربـِهـــــا
و خمرُها ، إن سَقـَت ،،، نـَبـْـعان ِفي ثـَغــــرِها
كأســــانِ ِ ، مُرَّاهُمَــا ،،، أحلــى ، فمَن لي بـِها !
ــــــــــــ
((( أبيات من قصيدة ( عيـون المهـا ) للشاعر كمال عبد الرحمن )))
الأخت :
الرفيعة الثقافة...الرائعة الإطلالة ...المبهجة الحضور
عيون المها
أشكرك علي كلماتك الرقيقة
وما أسعد هؤلاء الذين يصطبحون بوجودك العذب
خالص تحياتي ....وعميق شكري
abuzahda
28/03/2009, 20h32
أمي - أبقاها الله- ما زالت تنير حياتي
ولكني ذات صباح
رأيت عمنا صلاح علام قد غير توقيعه واستبدله
بصورة تحوي مجموعة من وجوه الأمهات الطيبات
وعندما سألته ....أخبرني بأن فيهن .... صورة الغالية أمه.
http://www.sama3y.net/forum/attachment.php?attachmentid=134933&stc=1&d=1237051365
فإلي ذلك الوجه الطيب الذي يطل علينا من دار الحق
أغنية .... إليها
إلي الحب الذي بلا حدود ...وبلا مقابل
إلي الأم الراحلة
-----------------------------------------------
الهوي .... روح الحياه
وإنتي روح الروح .. يا أمي
الهوي .... له منتهاه
وانتي أجمل إيد .....تضمّي
لما بازهق...حتي منك
قلبك الطيّب .....يسمّي
تحضنيني ألاقي نفسي
دمي دايب ....جوّه دمي
فيه أحن من الحنان ؟؟
- أيوة إنتي ..
فيه أرقّ من الأمان ؟؟
- حضنك انتي ..
فيه عزيز عين بعد صورتك ؟؟
ياسفينتي ؟
- مستحيل
ياللي خلاكي الإله ....
نعمة العمر الجميل
بهجة العمر الحزين
عمرنا غاية مُناه
تبقي صورتك فيه ....تِزِين
امسحي عن عيني همّي
نوّري عمري المغمّي
لما باتعب ...مش بالاقي
ساقية ...للأرض الشراقي
نور يصاحبني ف طريقي
ميّة...بيها أشقّ ريقي
مين يطبطب فوق كتافي ؟
بعد منّك ...
مين يسمّعني العوافي ؟؟
بعد منّك ..
إشهدي.... إني باحبك
وإن قلبي لسه عايش
جوّه ضمّة ف قلب حضنك
يرحمك ربي يا أمي
زي ماانتي رَحْمتي
زي ماتكوني سَبَقتي
تنوّري لي ....أخرتي
منّي لعيونك ....سلام
ياللي بعدك ...
انتهي ... أحلي الكـــــلام
هوّ الكلام الحلو بينتهي ؟ يا أستاذنا؟
(أكيد ، قلت:لأ طبعاً)
إشحال "أحلى الكلام" يا أستاذ
****
أنا رجعت هنا ، أرمي راسي على كتفها ، لكن - للأسف- لم أجد مشاركتي التي كنت كتبتها أيام "الهوجة" بتاعة الصيانة (يا عم و الله كان حلو اللون البني الوقور ، وكان مميز سماعي ، ما علينا)
* * *
عارف يا أستاذ رائد ،
كل ما اسعد بقراءة شِعر حضرتك ، باشوفك و انت بتكتبه ، و ساعات بسمعه بصوتك ( ده اللي بيحصل)
طريقة حضرتك في البنيان تشبه طريقة "أسيادي الصوفيّة" في التدبُر. هُم ، مصابيح الدُجى ، بيبتدوا من اللُب للخارج - و ليس لـ خارجـ هم قشور.
أنا بشوف حضرتك قاعد جوّه القصيدة و انت بتبنيها و لسان حالك بيقول: خلِِّي اللي يشوفها من بَرّة يشوف براحته .
فنِعم الرضى ، رضاء البناء على ما أتم
* * *
نسيت اقول لحضرتك إني حاولت ارزع الباب النهاردة .... كان هيقفل على صباعي ، حتى شوف يا أستاذ
عمي رائِد ،
ده اللي سائِد
إننا نخالف هوانا
و احنا روّضناه ، و هاود
مِن يوميها كان معانا
جوّه قلب القلب جوّه
لو نميل ، يعدلنا هوَّ
يقوم ، بقوّه القلب سانِد
محمودسعد
30/03/2009, 11h32
لااجد كلاما اقوله لك سوي
اني لما دخلت وقرأت كلماتك الرائعه
لقيت نفسي
كنت تعبان وارتحت
كنت عطشان وشربت
كنت زعلان وفرحت
كلامك الجميل واشعارك يشبهونك تماما ياعزيزي رائد
رائد عبد السلام
03/04/2009, 18h08
هوّ الكلام الحلو بينتهي ؟ يا أستاذنا؟
(أكيد ، قلت:لأ طبعاً)
إشحال "أحلى الكلام" يا أستاذ
****
أنا رجعت هنا ، أرمي راسي على كتفها ، لكن - للأسف- لم أجد مشاركتي التي كنت كتبتها أيام "الهوجة" بتاعة الصيانة (يا عم و الله كان حلو اللون البني الوقور ، وكان مميز سماعي ، ما علينا)
* * *
عارف يا أستاذ رائد ،
كل ما اسعد بقراءة شِعر حضرتك ، باشوفك و انت بتكتبه ، و ساعات بسمعه بصوتك ( ده اللي بيحصل)
طريقة حضرتك في البنيان تشبه طريقة "أسيادي الصوفيّة" في التدبُر. هُم ، مصابيح الدُجى ، بيبتدوا من اللُب للخارج - و ليس لـ خارجـ هم قشور.
أنا بشوف حضرتك قاعد جوّه القصيدة و انت بتبنيها و لسان حالك بيقول: خلِِّي اللي يشوفها من بَرّة يشوف براحته .
فنِعم الرضى ، رضاء البناء على ما أتم
* * *
نسيت اقول لحضرتك إني حاولت ارزع الباب النهاردة .... كان هيقفل على صباعي ، حتى شوف يا أستاذ
عمي رائِد ،
ده اللي سائِد
إننا نخالف هوانا
و احنا روّضناه ، و هاود
مِن يوميها كان معانا
جوّه قلب القلب جوّه
لو نميل ، يعدلنا هوَّ
يقوم ، بقوّه القلب سانِد
لو قريت مشاركة المصري الجميل محمود سعد اللي تحت دي
ح تكتشف حاجة رائعة ياعمي سيد
الظاهر فعلا زي ما قال محمود سعد الفنان :
كلامك يشبهك
الظاهر كل واحد كلامه شكله
وما أجمل كلامك يا أبو وعد
رائد عبد السلام
03/04/2009, 18h10
لااجد كلاما اقوله لك سوي
اني لما دخلت وقرأت كلماتك الرائعه
لقيت نفسي
كنت تعبان وارتحت
كنت عطشان وشربت
كنت زعلان وفرحت
كلامك الجميل واشعارك يشبهونك تماما ياعزيزي رائد
أنا بحب كل واحد بيتكلم من قلبه ....
علشان كده بحبك ياعم محمود
ياسلطان الموّال...
وعمدة الطرب الشعبي ....الشيك
Islam Eidrisha
04/04/2009, 09h57
بجد بجد يا عم رائد
صورتك دي كانت وحشاني جدااااااا
من أيام رائد المصري
abuzahda
04/04/2009, 10h36
بجد بجد يا عم رائد
صورتك دي كانت وحشاني جدااااااا
من أيام رائد المصري
إسـلام .....
تصدق ، أنا كنت جاي أكتب نفس كلامك ده بالنـَّص ؟!!!! كإن حد قالهولنا سوى ...
الصورة دي فكرتني بأول تعارف معاك يا أستاذ رائد المصري
Islam Eidrisha
04/04/2009, 10h40
وحياة الجسر الروحي
مصدق يا أستاذ سيد
ياريت بقى صورة الجنينة
وانت حاطط رجل على رجل بالبرنيطة
رائد عبد السلام
04/04/2009, 10h56
حبيباي القريبان من قلبي
عمي أبو زهدة
أخي إسلام
سبحان الله ..قرأت مشاركتكما
وأنا أسمع الدوكالي بيغني من زمن الشجن :
(كانت أيام ...حلوة)
الصورة دي فعلا كانت في أيام حلوة.....
ومفيش أجمل من الحياة البسيطة ...أيام اللمّة ....وبيت أبوك
وكنت مسئول من غيرك ...وعيشتك أنغام ... ونومك أحلام
ياسلام ....ياسلام
ربنا يسعد أيامكما
Tarek Elemary
12/04/2009, 11h07
أيها الرائد الجميل أنت رائد فى هذا المجال حقا
بس أنا ممكن أرقيك و أخليك لواء تحمل لواء الكلام المعجون بطمى النيل و ماء النيل وسحر النيل و شجن الناى مع المواويل
الصفصافة تحفة (هى أصلا شجرة أنا من عشاقها هى و دقن الباشا) لدرجة إنى كلفت مهندس زراعى عنده مشتل يشتل منهم و من الجميز أى عدد على حسابى و يأجر ناس تزرعهم على حسابى وسط الغيطان و على الترع فى ريف بلدنا إيتاى البارود (بحيرة) رغم إنى عشت حياتى فى إسكندرية و السودان و القاهرة بس عاشق ريف بلدنا و مسقط رأس والدى
المقطع الأخير بنيانه متين و المعنى واضح بعذوبة و موسيقى و شجن و ألم و ربنا يسامحك و يلهمك مثله الكثير يا بن القناطر ياللى شاطر حتى فى جبر الخواطر
و تقبل منى أطيب المنى و أرق تحياتى
Tarek Elemary
12/04/2009, 11h13
الجميل الرائع أستاذ رائد
براويز الأرابيسك المطعم بالصدف دى مشغولات قيمة و تحف فى حد ذاتها أهنئك عليها
بس يا ريت تكمل المجموعة عند المشوار طويل شرفنطح (محمد كامل المصرى) أبو لمعة و عادل خيرى و مارى منيب و العقد الفريد طويل
فى إنتظار المزيد
أطيب المنى و أرق تحياتى
رائد عبد السلام
12/04/2009, 16h44
أيها الرائد الجميل أنت رائد فى هذا المجال حقا
بس أنا ممكن أرقيك و أخليك لواء تحمل لواء الكلام المعجون بطمى النيل و ماء النيل وسحر النيل و شجن الناى مع المواويل
الصفصافة تحفة (هى أصلا شجرة أنا من عشاقها هى و دقن الباشا) لدرجة إنى كلفت مهندس زراعى عنده مشتل يشتل منهم و من الجميز أى عدد على حسابى و يأجر ناس تزرعهم على حسابى وسط الغيطان و على الترع فى ريف بلدنا إيتاى البارود (بحيرة) رغم إنى عشت حياتى فى إسكندرية و السودان و القاهرة بس عاشق ريف بلدنا و مسقط رأس والدى
المقطع الأخير بنيانه متين و المعنى واضح بعذوبة و موسيقى و شجن و ألم و ربنا يسامحك و يلهمك مثله الكثير يا بن القناطر ياللى شاطر حتى فى جبر الخواطر
و تقبل منى أطيب المنى و أرق تحياتى
إذن نحن (إخوان) في حب السِكّة الزراعية المصفوف علي
جوانبها أشجار التمر حنة ودقن الباشا ...والصفصاف..
ياأخي وانا أقول أنا تعبان مع الناس ليه ؟؟
أتاريني بحب حاجات قليلين أوي
اللي بيشوفوها ...
زيارتك لصفحات العبد لله زادها نور
ربنا يزيدك نور بصر وبصيرة ياعم طارق
سعدالشرقاوى
30/04/2009, 16h35
كل الطيور رجعت من السفر الطويل
وإنت ياطير يابو الجناح
لسّاك بتحلم بالصباح..!
زمن الرحيل عدّي وجه زمن الرجوع
إطوي القلوع
وارجع وسيب أرض الضياع
مد الشراع
اربكتنى جدا هذه الكلمات المعبره عن عمق الاحساس
الله ينور/سعدالشرقاوى
رائد عبد السلام
04/05/2009, 10h44
كل الطيور رجعت من السفر الطويل
وإنت ياطير يابو الجناح
لسّاك بتحلم بالصباح..!
زمن الرحيل عدّي وجه زمن الرجوع
إطوي القلوع
وارجع وسيب أرض الضياع
مد الشراع
اربكتنى جدا هذه الكلمات المعبره عن عمق الاحساس
الله ينور/سعدالشرقاوى
نورت الصفحة يا عمدة الزجّالين
أخونا الكبير
سعد الشرقاوي
ربنا ما يحرمناش من زياراتك المفرحة
رائد عبد السلام
04/05/2009, 10h51
مقطوعة
في الرد علي أخي الغالي الشاعر
والأديب الكبير م/سيد أبو زهدة
حول جدوي الشاعر وأمانته :
صوتك ياشاعر ...في الظلام قنديل
ترتيل يصحّي اللي غافل
واللي سمعه تقيل ..
صوتك ياشاعر أمانة
تنشال في نني العين
ولفين؟ يروح اللي مقسوم له
الشعور؟ ومنين ؟
نجيب عينين
للي عايش في الدجي ... مايشوف
نور الحروف ؟
وحشني صوتك يا ســـــيّد
والرفاقة كتير
بس الهوي ....تعتير
وكل قلب ومراده
ياصحبة المشاوير
صوتك ياشاعر ....هدير
صوتك سواقي العطشانين للخير
ومش كتير
علي الأحبة يترووا بصوتك
شمس المحبة في العيون ....بانت ْ
ولو القلوب .....صوّان
من طلـّـتك ....لانتْ
الشعر مشوار ياصاحبي
وخطوة مكتوبة
صدق اللي قال :
داوِني بالتي كانتْ ...
رائد عبد السلام
04/05/2009, 14h58
سأتمدد هُنا
حتى أرى النور
,
أو يراني
:emrose:
.
يكفي أنني رأيت النور غامراً
بتشريفك
أخي الكريم أبو صلاح
:emrose:
Islam Eidrisha
04/05/2009, 16h47
سبحان العاطي الوهاب
انت بتجيب السهولة دي كلها منين؟
اللهم لا حسد يا سيدنا
ربنا يزيدك يا أصيل
يا رائع
Tarek Elemary
04/05/2009, 18h57
يا عم رائد يا مبدع يا فنان يا واعى يا وردة سماعى فى قطاعه الإبداعى
أحسنت و أحسن قلمك و حرفك و خيالك و حسك كل أدواتك ترابطت و تعاونت بنفس القدر لتجود القريحة بهذه الأيقونة التى بلا مزايدة احسن وصفها سيدى أبوزهدة أنها لازعة و موجعة على المضروب بالنعال أكثر من الحدث الفعلى ببغداد
و لهذا نستطيع القول أن المضروب أُهِين ببغداد و أُوجِع بالقاهرة
تقبل تحياتى
رائد عبد السلام
06/05/2009, 14h59
سبحان العاطي الوهاب
انت بتجيب السهولة دي كلها منين؟
اللهم لا حسد يا سيدنا
ربنا يزيدك يا أصيل
يا رائع
صديقي الوسيم ..القسيم
إسلام
سبحان الخالق المبدع
طيب وإنت بتجيب حلاوتك منين ؟
إه ...... أرزاق
رائد عبد السلام
06/05/2009, 15h11
يا عم رائد يا مبدع يا فنان يا واعى يا وردة سماعى فى قطاعه الإبداعى
أحسنت و أحسن قلمك و حرفك و خيالك و حسك كل أدواتك ترابطت و تعاونت بنفس القدر لتجود القريحة بهذه الأيقونة التى بلا مزايدة احسن وصفها سيدى أبوزهدة أنها لازعة و موجعة على المضروب بالنعال أكثر من الحدث الفعلى ببغداد
و لهذا نستطيع القول أن المضروب أُهِين ببغداد و أُوجِع بالقاهرة
تقبل تحياتى
نورتني ياشاعر ياكبير
:emrose:
أشكرك
أيها الصديق الغالي
Tarek Elemary
06/05/2009, 15h42
أنا ممكن أقبل منك كلمة يا شاعر :emrose: على إعتبار أنها من المشاعر ... مااااااااشى:o
بس بلاش يا كبير دى و كلمنى على قدى مش على قدك .... ماشى ;)
كمال عواد
06/05/2009, 21h51
هو ده الاصيل بعينه...مشممكن ابدا استعجب
يااستاذ رائد..من الصحبه الجميله..التى تلتف
حول سطورك العطره...واللمه اللى تؤنس وتسعد الانسان..حول شعرك البسيط فى التناول
والعميق فى المعنى..شاعر من ساسك لراسك
من بساطة شعرك..وتمكنك يخيل الى انك ترتجل
كل هذا الشعرالفياض..الذى ينساب من بين شفتيك...كانسياب المياه..فى يسر وبساطه...
ادام الله عليك هذه الملكه الفريده من الابداع والخيال.................... لك كل تحياتى
رائد عبد السلام
07/05/2009, 04h23
هو ده الاصيل بعينه...مشممكن ابدا استعجب
يااستاذ رائد..من الصحبه الجميله..التى تلتف
حول سطورك العطره...واللمه اللى تؤنس وتسعد الانسان..حول شعرك البسيط فى التناول
والعميق فى المعنى..شاعر من ساسك لراسك
من بساطة شعرك..وتمكنك يخيل الى انك ترتجل
كل هذا الشعرالفياض..الذى ينساب من بين شفتيك...كانسياب المياه..فى يسر وبساطه...
ادام الله عليك هذه الملكه الفريده من الابداع والخيال.................... لك كل تحياتى
الله يديم طنطا:emrose: وأهل طنطا :emrose:
ويديم الناس الملحنين الجامدين أوي
اللي عمهم اسمه :
كمال عوّاد
شرفتني يا(موجي ) زمانك
علاء قدرى
09/05/2009, 17h50
المبدع (بدون تشنج) ولا تصنع/الشاعر رائد عبد السلام
ليظهر الجمال الى هذا العلم نحتاج شيئين:
اولاهما : مبدع ينتجه
و الثانى:قلب يرى ما ابدعة
وما تخطه بيمينك هو عين الجمال
زدنا يا سيدنا
لا حرمنا الله من كلمات كالنجوم الزاهرة
تضئ لنا ما اطفاة الخاطئون داخلنا (بقصد)
او عن غير قصد
لا حرمك الله من بصيرة ترى بها جمال (هو صانعة)
Tarek Elemary
09/05/2009, 19h12
الرائد فى كل مثمر و طيب و مبهر وجميل
ضابط عظيم المنتدى برتبة رائد
إنما جئت لأقول لك أنا من المفتونين بقرائئتك
و فى إنتظار جديدك
فلا تتأخر .... ولاَّ دا موسم إمتحانات و الذى منه؟!!
علاء قدرى
11/05/2009, 17h50
سيدى الشاعر/رقيق المشاعر/الاستاذ رائد عبد السلام
// بداية انا لست بشاعر ؛ ولا كاتب للقصة؛ و لكنى مصاب بداء البحث عن الكلمات الطيبة؛ومنابر الحكمة؛ اينما وجدت//
وهذا هو سبب لنتمائى لهذا المنتدى الرائع؛حيث اجد ما تقر به عينى؛و يسعد به فؤادى؛مما جعلنى مرابطا حيث انتم و جميع من حباة الله بموهبة من المبدعين امثالكم.
اما عن سؤال حضرتكم عن المقصود بالاخر فى موضوع الشاعر الصديق /طارق العمرى؛عن( الاغتراب) اردت ان ابين الاتى:
اليس معنى وجودى معكم معشر الشعراء؛و فرسان الكلمة؛المبدعين اننى اصبحت منكم؛اانس بصوتكم؛و اتكلم لسانكم؛
و افهم مقاصدكم؛ (كطالب علم) وحين اخطئ اجد من يصوب لى خطا الكلام؟
اذا هذا يعنى انى اصبحت كجزء منكم؛ و انتم جزء منى؛ فنحن و عاء لما ابدعتم
هذا يعنى انه لا يوجد هذا ( الاخر) بمعناة (الفلسفى؛و الادبى) لا اللفظى للكلمة.
فاءذا لم نجد من يفهم كلماتنا ؛ و مواقفنا تجاه قضية ما (عن عمد)فهذا هو عين الجحيم؟ و لا غرابة فى ذلك
وهذه امثلة على سبيل المثال لا الحصر اسوقها لكشف مقصدى؛و هو ليس بخاف عنكم
الذات.................... الاخر
المثالى ..................البوهيمى
المظلوم.................. الظالم
البرئ..................... الجلاد
المتدين................... الملحد
ذو علم.................... الجاهل (الذى يرفض فكرة الاستماع)
اليست هذة التركيبة المتناقضة و هذا التضاد موجود فى اى مجتمع؛ و فى اى زمان؟
اذا الاخر الذى اعنية هنا هو الجحيم بعينه
وهنا لابد للاغتراب من وجود
اما عن بقاء الوجودية فى عصرنا هذا فوجهة نظرى المتواضعة اسوقها ؛
الوجودية التى اعرفها هى السبب الرئيسى للابداع
واخيرا سعادتى لا وصف لها حين سترعت كلمتى اهتمتم شاعر احبة و احترم وجهة نظرة العميقة للامور
تفبل تحيات احد تلاميذك فى المنتدىايها الشاعر الرائع
رائد عبد السلام
11/05/2009, 19h43
المبدع (بدون تشنج) ولا تصنع/الشاعر رائد عبد السلام
ليظهر الجمال الى هذا العلم نحتاج شيئين:
اولاهما : مبدع ينتجه
و الثانى:قلب يرى ما ابدعة
وما تخطه بيمينك هو عين الجمال
زدنا يا سيدنا
لا حرمنا الله من كلمات كالنجوم الزاهرة
تضئ لنا ما اطفاة الخاطئون داخلنا (بقصد)
او عن غير قصد
لا حرمك الله من بصيرة ترى بها جمال (هو صانعة)
الصديق المستنير
علاء قدري
أخجلتني كلماتك
فشكراً علي مشاعرك النبيلة
أيها الذوّاقة المتفتح العقل
والشعور
:emrose:
رائد عبد السلام
11/05/2009, 19h45
هذا المبدع مختلف تماماً يا أخ علاء
فهو يفرغ ما في داخله بقوارير من ذهب
ويُسقيك كلماته بـ ِ سلاسة فلا عجب
http://www.sama3y.net/forum/images/icons/icon7.gif
رائع جداً هذا الرائـد
وأستاذ في الأدب
:emrose:
.
حبيب قلوبنا جميعاً
أبو صلاح
تشريفك ركني المتواضع
يزيد من قيمته كثيراً
لا حرمني الله
من عطر تواجدك
:emrose:
رائد عبد السلام
11/05/2009, 19h47
سيدى الشاعر/رقيق المشاعر/الاستاذ رائد عبد السلام
// بداية انا لست بشاعر ؛ ولا كاتب للقصة؛ و لكنى مصاب بداء البحث عن الكلمات الطيبة؛ومنابر الحكمة؛ اينما وجدت//
وهذا هو سبب لنتمائى لهذا المنتدى الرائع؛حيث اجد ما تقر به عينى؛و يسعد به فؤادى؛مما جعلنى مرابطا حيث انتم و جميع من حباة الله بموهبة من المبدعين امثالكم.
اما عن سؤال حضرتكم عن المقصود بالاخر فى موضوع الشاعر الصديق /طارق العمرى؛عن( الاغتراب) اردت ان ابين الاتى:
اليس معنى وجودى معكم معشر الشعراء؛و فرسان الكلمة؛المبدعين اننى اصبحت منكم؛اانس بصوتكم؛و اتكلم لسانكم؛
و افهم مقاصدكم؛ (كطالب علم) وحين اخطئ اجد من يصوب لى خطا الكلام؟
اذا هذا يعنى انى اصبحت كجزء منكم؛ و انتم جزء منى؛ فنحن و عاء لما ابدعتم
هذا يعنى انه لا يوجد هذا ( الاخر) بمعناة (الفلسفى؛و الادبى) لا اللفظى للكلمة.
فاءذا لم نجد من يفهم كلماتنا ؛ و مواقفنا تجاه قضية ما (عن عمد)فهذا هو عين الجحيم؟ و لا غرابة فى ذلك
وهذه امثلة على سبيل المثال لا الحصر اسوقها لكشف مقصدى؛و هو ليس بخاف عنكم
الذات.................... الاخر
المثالى ..................البوهيمى
المظلوم.................. الظالم
البرئ..................... الجلاد
المتدين................... الملحد
ذو علم.................... الجاهل (الذى يرفض فكرة الاستماع)
اليست هذة التركيبة المتناقضة و هذا التضاد موجود فى اى مجتمع؛ و فى اى زمان؟
اذا الاخر الذى اعنية هنا هو الجحيم بعينه
وهنا لابد للاغتراب من وجود
اما عن بقاء الوجودية فى عصرنا هذا فوجهة نظرى المتواضعة اسوقها ؛
الوجودية التى اعرفها هى السبب الرئيسى للابداع
واخيرا سعادتى لا وصف لها حين سترعت كلمتى اهتمتم شاعر احبة و احترم وجهة نظرة العميقة للامور
تفبل تحيات احد تلاميذك فى المنتدىايها الشاعر الرائع
صديقي علاء
الكلام ده عايز قعدة
علي رأي حبيبي أبو زهدة
ياريت تمهلني وقت
علشان أعرف أرد.
رائد عبد السلام
11/05/2009, 19h51
الرائد فى كل مثمر و طيب و مبهر وجميل
ضابط عظيم المنتدى برتبة رائد
إنما جئت لأقول لك أنا من المفتونين بقرائئتك
و فى إنتظار جديدك
فلا تتأخر .... ولاَّ دا موسم إمتحانات و الذى منه؟!!
صاحبي وحبيبي
الأديب الكبير /طارق العمري
حيثما توجد أنت
يوجد ....الأدب
والمشاعر النقية
والحضور الفيّاض
ولو إن مفيش بين الحبايب شكر
لكني دوماً ...
أشكرك
سعدالشرقاوى
12/05/2009, 21h38
اخى الفاضل/الاستاذ 0رائد
منذ قراءتى الاولى لك
احسست انى امام شاعر غير تقليدى
اضاف خطا جديدا للخطوط الشعريه
ولاشك ان وجود سيادتكم فى المنتدى
والاب الروحى لى الدكتور انس
اضاف لى الكثير
وفقكم الله لانارة الطريق لكلمن اراد السير فيه
وعونا لامثالنا من المبتدئين
اخوكم وتلميذكم/سعدالشرقاوى
abuzahda
13/05/2009, 02h45
أستاذي الحبيب
:emrose:الشاعر رائد عبد السلام:emrose:
كالجداولِ في ترقرقها ، تبدو من الوضوحِ و البساطة ، بما يغرر بفهمنا . فيسوقنا إنسيابها إلى الإنشغالِ ببديعِ منظرها عن التفكيرِ في رحلة الماءِ عبر دورته السرمديّة من بخرٍ و تكثيف.
هل أسميها فزياء الشِعر ، يا أستاذ رائد ؟
فإن فعلت ، تجاوزاً ، هل لي أن أطمح في عطاءٍ منك إسمه : سِر المعادلة ؟ ، معادلة الشِعر
هل أنت تكتُبك يا أستاذ ؟
هذا الذي أظنه منذ منحتني شرف محادثتك هاتفياً ، لتتجمع بمخيلتي تفاصيل الصورة التي أهدنيها عارفوك ،
و يتزايد اعتزازي بما كان مني ، حين قلت: إن الشاعر رائد عبد السلام ، قنديل ذاتي الإضاءة ، يبذل من زيته الخاص أنواراً لا تخبو إلا ادخاراً لدفقةِ نورٍ آتية
:emrose:
نعم يا أستاذ ، هو الشِعرُ "نفسٌ قد قِيلَ من الرحمن" ، كما قال سابقنا الجميل ، المرحوم فتحي سعيد ، في خالدته العجيبة : إلا الشِعرَ يا مولاي !
:emrose:
و المُنزلون عن أكتافهم حمل الإحتراف ، هم أقدر على التحليق ( و هذا من فيزياء الطيران !) ، فحَلِّق أستاذي
إن أرواحنا ترقص على خفق جناحيك ، و فرخُ القلبِ يحاول الطيران
رائد عبد السلام
13/05/2009, 04h32
والله أخجلتني كلماتك الرقيقة
ياعمنا الكبير أبو زهدة :emrose:
فلم أعرف كيف أرد
حتي لا أفسد تواجدها المضيء
في صفحتي المتواضعة ... ولكن :
أعزك الله الذي منحك صدق الشعور
وإبهارالقول ...
دائما ياعمي سيد تأتي بالجديد....
حتي في مداخلاتك
ماشاء الله لاقوة إلا بالله
ربنا يخليك لحبايبك وأنت عارف إنهم
كتير أوي...
:emrose:
ابو يحيي
13/05/2009, 06h38
الاستاذ الكبير
الاستاذ/ رائد
انت انسان جميل شاعر رقيق المشاعر
واي كلمات اطراء لا تفيك حقك
لك خالص حبي واحترامي
رائد عبد السلام
13/05/2009, 19h57
الاستاذ الكبير
الاستاذ/ رائد
انت انسان جميل شاعر رقيق المشاعر
واي كلمات اطراء لا تفيك حقك
لك خالص حبي واحترامي
أخي أبو يحيي :emrose:
تماماً كنسمات الربيع
جاءت كلماتك الصادقة ...
أشكرك
أدام الله الود بيننا
زيارتك تشرفني
:emrose:
Hisham Khala
17/05/2009, 17h20
يا عم رائد أيه الحلاوة دي و أيه الجمال دا.......
قابلني على هذا الرابط
http://www.sama3y.net/forum/showthread.php?t=67391&page=2 (http://www.sama3y.net/forum/showthread.php?t=67391&page=2)
و إذا كنت يا سيدي عاوز تسمع الكمنجات أبقي شوف هذا الرابط:
http://www.sama3y.net/forum/showthread.php?t=66980 (http://www.sama3y.net/forum/showthread.php?t=66980)
و بإذن الله نعمل شغل كويس مع بعض.
رائد عبد السلام
18/05/2009, 14h03
يا عم رائد أيه الحلاوة دي و أيه الجمال دا.......
قابلني على هذا الرابط
http://www.sama3y.net/forum/showthread.php?t=67391&page=2 (http://www.sama3y.net/forum/showthread.php?t=67391&page=2)
و إذا كنت يا سيدي عاوز تسمع الكمنجات أبقي شوف هذا الرابط:
http://www.sama3y.net/forum/showthread.php?t=66980 (http://www.sama3y.net/forum/showthread.php?t=66980)
و بإذن الله نعمل شغل كويس مع بعض.
أهلاااااااااااااااا
بالفنان العظيم المثقف
د/ هشام خلف :emrose:
سمعت أغنية المسابقة ...
وعجبتني جداً ...
اللحن فيه نعومة ...وشموخ في الوقت نفسه
رؤية رائعة في تلحين الكلمة
احتراف برضه يادكتور ;)
تسلم إيدك :emrose:
طبعاً التعاون معاك يشرفني
أشكرك
Hisham Khala
21/05/2009, 19h28
شاعرنا العظيم رائد الكلمة
أنا لحنت جزء الشاويش عطية من (أبطال زمان) من كام يوم و جه دور الغناء و معنديش صوت غير صوتي. شوف حد يغني، اللحن أهو عندك و ممكن أبعت لك ملف بصوتي لما تلقي مغني عشان يعرف سير الكلمات مع اللحن.
اللحن بسيط و عمله على أنه جزء من أوبريت ، ها رفع شغل البيانو ولما تلاقي حد يغني أبعت لك شغل الوتريات و البيانو خلافه..و يعمل مكساج.
رائد عبد السلام
24/05/2009, 21h25
شاعرنا العظيم رائد الكلمة
أنا لحنت جزء الشاويش عطية من (أبطال زمان) من كام يوم و جه دور الغناء و معنديش صوت غير صوتي. شوف حد يغني، اللحن أهو عندك و ممكن أبعت لك ملف بصوتي لما تلقي مغني عشان يعرف سير الكلمات مع اللحن.
اللحن بسيط و عمله على أنه جزء من أوبريت ، ها رفع شغل البيانو ولما تلاقي حد يغني أبعت لك شغل الوتريات و البيانو خلافه..و يعمل مكساج.
فناننا الكبير
:emrose: د/هشام :emrose:
عميق شكري وامتناني علي تناول أصابعك السحرية
لــــ (أبطال زمان )
وأبدي إعجابي بهذا اللحن الرشيق الجديد
الذي يجمع بين الروح المصرية
وعبق حواري المحروسة
سيصل معاليك رسالة قريباً بإذن الله
من صديق مشترك
هو ( شيخ الصنعة في هذا المجال )
وطلبت منه تناول العمل
وأنا واثق انه لن يخذلني
برجاء انتظار رسالته
للتنسيق معه
أكرر شكري وامتناني
لشخصك الكريم ...وفنك الراقي
كلمات اللحن هي :
الشاويش عطية
عمرك ما شفت الملايكة
في ثياب أشرار؟
أنا شفت واحد بس كان
عايش عشان اللقمة ...
وكمان (الإيجار)
لابس شاويش والخلقة بتخوّف
بس العينين مراجيح
و بتحدّف هذار
عملاق في جسمه بس زي الوليد
من غير ما ازيد
ولا اجيب انا ف سيرته:
تشوفه غضبان ....حتضحك
وتستهتر بتكشيرته
رائد عبد السلام
30/05/2009, 07h32
قصيدة ....كتبتها ردأً علي مشاعر صادقة
من أخي (أبو صلاح )
إلي الحبيب النجيب القريب
سيد أبو زهدة ....صديقي وحبيبي
:emrose:
يسلم لي صوت اللي قال
وراح رحاب الجَمَال
في كل يوم بيزيد
عدد قلوب اللي مال
قلوبنا خيل ... وانت
لها كلها ... خيَّال
تلوي الخزام باتجاه
العشق والتباريح
إنت الحبيب بصحيح
وغيرك انت خيال
*****
بيننا وبينك بحار
لكن هنا ... قريّب
جسدك هو المحار
وجـــــوهرك طيّب
*****
سيري يا روح واصعدي
ودوري في الملكـــــوت
حبيبك اخضــــــــر نـَديّ
ســـــــارح عشان القوت
لــــــــو عايزه له تهتدي
قولي بعلــــــــو الصوت
يا ابـــــــو زهدة لا ترتدي
غير غنوتك ..والصـوت
يومي وأمسي وغــــــدي
تضـــــــرب بهذا السوط
كــــــل اللي طبعه رَدِي
أو عاصــــــي أو هلفوت
الصــــــــدق راح يفتدي
يونس في بطــــن الحوت
ولو الألم ســــــــرمدي
أعذب ما فيه ... الموت
الأرض دي مـــــــرقدي
بعد الشــــــــــقا ما يفوت
والحب ده مقصـــــــــدي
بدأت به .....وح أموت
الحب نــــــــور في يدي
والكـُـــره خيط عنكبوت
مشاعر صادقة ترد عليها بمشاعر صادقة أيضاً ..
معانى جميلة وتعبيرات أجمل .. وقصيدة رائعة حبيب قلبى رائد ..
Tarek Elemary
30/05/2009, 09h04
:emrose:
يسلم لي صوت اللي قال
وراح رحاب الجَمَال
في كل يوم بيزيد
عدد قلوب اللي مال
قلوبنا خيل ... وانت
لها كلها ... خيَّال
تلوي الخزام باتجاه
العشق والتباريح
إنت الحبيب بصحيح
وغيرك انت خيال
*****
بيننا وبينك بحار
لكن هنا ... قريّب
جسدك هو المحار
وجـــــوهرك طيّب
*****
سيري يا روح واصعدي
ودوري في الملكـــــوت
حبيبك اخضــــــــر نـَديّ
ســـــــارح عشان القوت
لــــــــو عايزه له تهتدي
قولي بعلــــــــو الصوت
يا ابـــــــو زهدة لا ترتدي
غير غنوتك ..والصـوت
يومي وأمسي وغــــــدي
تضـــــــرب بهذا السوط
كــــــل اللي طبعه رَدِي
أو عاصــــــي أو هلفوت
الصــــــــدق راح يفتدي
يونس في بطــــن الحوت
ولو الألم ســــــــرمدي
أعذب ما فيه ... الموت
الأرض دي مـــــــرقدي
بعد الشــــــــــقا ما يفوت
والحب ده مقصـــــــــدي
بدأت به .....وح أموت
الحب نــــــــور في يدي
والكـُـــره خيط عنكبوت
ياللى النهار بسمتك
بتداوى فى المجاريح
كان الهوى ف كلمتك
راكب بساط الريح
فرش الندى سكتك
يا أبو الكلام يا فصيح
أسر القلوب فطرتك
و لسان عفيف و صريح
رددنا ليك غنوتك
و كأنها التواشيح
و الأصل كان منبتك
من بيت كريم بصحيح
غالبة عليك حكمتك
بالرمز و التصريح
عفاف سليمان
30/05/2009, 09h13
صباح الخير على اهل سماعى الطيبين:emrose:
يا سلام عليك يا شاعرنا (رائد)
رائد وانت رائد فى مشاعرك الجميله والنبيله
وكل الشعراء سماعى كلهم نبلاء ومن الطيب والطيبه هم خلقوا
والله انا سعيده بكم الحب الذى يملء قلوبكم واشعاركم
وتسعدونا بهذه الكلمات الجميله للتعبير عن مكنون حبكم لبعض الله يديمها عليكم وعلى الجميع
فمحبة الناس ليست بالسهل ;)
فيمكنك ان تخسر صديق سريعا ولكن من الصعب ان تكون صداقه حقيقيه:o
ويارب يسعد اوقاتكم جميعا بالخير
وارى ابداعاتكم الشعريه التى احبها من الجميع
تحياتى لكم
اختكم عفاف:)
رائد عبد السلام
30/05/2009, 19h45
ياللى النهار بسمتك
بتداوى فى المجاريح
كان الهوى ف كلمتك
راكب بساط الريح
فرش الندى سكتك
يا أبو الكلام يا فصيح
أسر القلوب فطرتك
و لسان عفيف و صريح
رددنا ليك غنوتك
و كأنها التواشيح
و الأصل كان منبتك
من بيت كريم بصحيح
غالبة عليك حكمتك
بالرمز و التصريح
كمّلت لي القصيدة ...
تسلم ياصاحبي..:emrose:
رائد عبد السلام
30/05/2009, 19h47
صباح الخير على اهل سماعى الطيبين:emrose:
يا سلام عليك يا شاعرنا (رائد)
رائد وانت رائد فى مشاعرك الجميله والنبيله
وكل الشعراء سماعى كلهم نبلاء ومن الطيب والطيبه هم خلقوا
والله انا سعيده بكم الحب الذى يملء قلوبكم واشعاركم
وتسعدونا بهذه الكلمات الجميله للتعبير عن مكنون حبكم لبعض الله يديمها عليكم وعلى الجميع
فمحبة الناس ليست بالسهل ;)
فيمكنك ان تخسر صديق سريعا ولكن من الصعب ان تكون صداقه حقيقيه:o
ويارب يسعد اوقاتكم جميعا بالخير
وارى ابداعاتكم الشعريه التى احبها من الجميع
تحياتى لكم
اختكم عفاف
طيبة قلبك بتسبقك ياعفاف
شكراً ياست الكل علي تشريفك
وربنا يديم الود .....وأهله :emrose:
Tarek Elemary
31/05/2009, 06h49
كمّلت لي القصيدة ...
تسلم ياصاحبي..:emrose:
الكلام إلِك يا جارة
أنت اللى عليه القصد و النية
إوعك تكون مكسوف
إنت ده فعلاً
رائد عبد السلام
31/05/2009, 16h53
الكلام إلِك يا جارة
أنت اللى عليه القصد و النية
إوعك تكون مكسوف
إنت ده فعلاً
وأنت الأحسن ...بكتييييييييير
أيها الصديق
الذهبي المحترم
ربنا يخليك ياطارق :emrose:ياصاحبي:emrose:
عيون المها
01/06/2009, 16h35
سيري يا روح واصعدي
ودوري في الملكـــــوت
حبيبك اخضــــــــر نـَديّ
ســـــــارح عشان القوت
*****
الصــــــــدق راح يفتدي
يونس في بطــــن الحوت
ولو الألم ســــــــرمدي
أعذب ما فيه ... الموت
الأرض دي مـــــــرقدي
بعد الشــــــــــقا ما يفوت
والحب ده مقصـــــــــدي
بدأت به .....وح أموت
الحب نــــــــور في يدي
والكـُـــره خيط عنكبوت
http://up1.mlfnt.net/images/2ldj1lp53gc8jhv2ayth.gif
صاحب التلقائية و العفوية الشِعرية
http://up1.mlfnt.net/images/m9g0ifsdokimafd8cch.gif ((( رائد عبد السلام ))) http://up1.mlfnt.net/images/m9g0ifsdokimafd8cch.gif
تساقطت أمطار إبداعك فنبتت أرض القصيدة بأجمل المعاني
رائعة تلك الكلمات التي تحمل سهولة التفسير مع عمق المعنى
تعلقت أهدابي بجدائل الأبيات
فـ جذبتني كلماتك خارج حدود الواقع المزعج
و إذا بخيالي يصعد بقوة لفضاء التأمل الرحب
حتى أني تخيلت أناملك و هي تعزف على قيثارة الشِعر
و تترنم بتلك المعزوفة الرائعة
دُمت و دام لنا إبداعك
و في انتظار جديدك دوماً
http://up1.mlfnt.net/images/bgsi28mjk6axagpo9ma.jpeg
لك كل تحياتي
رائد عبد السلام
01/06/2009, 17h16
صاحب التلقائية و العفوية الشِعرية
http://up1.mlfnt.net/images/m9g0ifsdokimafd8cch.gif ((( رائد عبد السلام ))) http://up1.mlfnt.net/images/m9g0ifsdokimafd8cch.gif
تساقطت أمطار إبداعك فنبتت أرض القصيدة بأجمل المعاني
رائعة تلك الكلمات التي تحمل سهولة التفسير مع عمق المعنى
تعلقت أهدابي بجدائل الأبيات
فـ جذبتني كلماتك خارج حدود الواقع المزعج
و إذا بخيالي يصعد بقوة لفضاء التأمل الرحب
حتى أني تخيلت أناملك و هي تعزف على قيثارة الشِعر
و تترنم بتلك المعزوفة الرائعة
دُمت و دام لنا إبداعك
و في انتظار جديدك دوماً
لك كل تحياتي
أحسن الله إليكِ ياسيدتي
http://www.sama3y.net/forum/attachment.php?attachmentid=147348&stc=1&d=1242397952عيون المها http://www.sama3y.net/forum/attachment.php?attachmentid=147348&stc=1&d=1242397952
ما كل هذا البريق ..؟
ماشاء الله ..لاقوة إلا بالله
abuzahda
04/06/2009, 01h07
- موال -
ياعم ياللي في الغناوي سلوتك
طول ما الحنين رحال معاك في خطوتك
عمر الجراح ماتدبّل الحب اللي مالي غنوتك
ومستحيل إن الرحيل يقدر يتوه سكّتك
........................
ما أنا كنت زيك ياغريب
وف بلدي فارقت الحبيب
وبكيت كتير ساعة الوداع
مد الشراع
....................
ومشيت وصاحبت الغنا
لولا الغنا ..ما كان يطاوعني السفر
ولا كان هوي الترحال
يهز ف قلبي أنات الوتر
ولا كنت ألاقي في الشراقي ...لقمتي
ولا كنت أداري في البراري ..دمعتي
ولا كان نده ..قلبي الندي
ولا كان يروق طعم الشروق
بعد الليالي ما طوّلت والضي ضاع
مد الشراع
...............
ياعمر ضاع وسط الدواير والخطوط
يامركب العمر اللي حاير
إمتي ترجع للشطوط....؟
كل الطيور رجعت من السفر الطويل
وإنت ياطير يابو الجناح
لسّاك بتحلم بالصباح..!
زمن الرحيل عدّي وجه زمن الرجوع
إطوي القلوع
وارجع وسيب أرض الضياع
مد الشراع
................
و الله يا :emrose:أستاذ رائد:emrose:
و الله
كإني بقرأها أول مرّة !!
هوّ انت متغرب في القناطر ؟
يا :emrose:أستاذ رائد:emrose:
رائد عبد السلام
04/06/2009, 04h15
و الله يا أستاذ رائد
و الله
كإني بقرأها أول مرّة !!
هوّ انت متغرب في القناطر ؟
أولاً: ياعمنا الغالي
:emrose:سيد أبو زهدة:emrose:
الكلمة اللي تحتها خط دي
هي اللي بتحسسني بغربة ناحيتك
فأنت اقرب من ذلك إلي قلبي ... بكثير
ثانياً :في غياب شقائق الروح من أمثال معاليك
وامتلاء البلد بالأنصاف
والباهتين من كل شكل ولون
فعلاً يبدو الوطن ....غربة
أشد ضراوة
من غربتك (الحقيقية ) ياعمنا
تقبّل حبي الدائم
واحتسبني عند الله من محبيك
وأشكرك علي الرسالة التي وصلتني
ذات صباح نديّ
:emrose:
رائد عبد السلام
20/07/2009, 13h36
هوَّ وحي الشِعر هاجـِر ؟
زيْ مَلح بمَيّا داب ؟!
و لاَّ راح عن شِعري سافِر ؟
لجل يحترف الغياب ؟
كنت انادي ، يقوللي : حاضِر
له يومين ، الوحي ، غاب
هوَّ ليه لـَم الدفاتِر ؟
و لاَّ ليه يطوي الكِتاب ؟
نام ! ، و خلـَّى القلب ساهِر
هـَدْ شُرْفـَة ، و سَدْ باب
الخيال ! ، يا بَدر ، سافِـر
و انتَ ما يليق لك حِجاب
لِيه زياراتك نوادِر ؟
ليه تحـِيلها للسراب ؟
ليه بتِنسَى ؟ ، و انتَ فاكِر
إنك الزاد و الشَراب
كنت سِيف الفِكرة شاهِر
ليه غمدته في الجراب ؟
ليه مَلـِيت سُورَك عساكِر ؟
رامي نجمَك للضباب ؟
و انتَ يا نهر المشاعِر
نِسبتي و الإنتساب
مين سوى بَدرَك هسامـِر ؟
يا سمير إمتى الإياب ؟
القمر له في احتجابه ... فلسفه
والجواهر لما تتغطي بركامها ....مش سَفـَه
السفور ممجوج وفجّ
وأحلي منه اللي ... اختفي
سيب كلامك جوه روحك في مداره
لما بيطيب الثمر .... يهني مزاره
تلقي شعرك فاض علينا ضيّ نارُه
هم ألف رسول ياصاحبي
وهو واحد .....بس كان المُصطفي
*********
ربنا ما يغيب لك إبداع ولا أدب
ياعمدة الأدباء والمثقفين
وتفضل دايما : حاضـــر
ياعمنا الكبير في كار الأدب
:emrose:الشاعر الكبير / سيد أبو زهدة:emrose:
abuzahda
21/07/2009, 03h01
القمر له في احتجابه ... فلسفه
والجواهر لما تتغطي بركامها ....مش سَفـَه
السفور ممجوج وفجّ
وأحلي منه اللي ... اختفي
سيب كلامك جوه روحك في مداره
لما بيطيب الثمر .... يهني مزاره
تلقي شعرك فاض علينا ضيّ نارُه
هم ألف رسول ياصاحبي
وهو واحد .....بس كان المُصطفي
*********
ربنا ما يغيب لك إبداع ولا أدب
ياعمدة الأدباء والمثقفين
وتفضل دايما : حاضـــر
ياعمنا الكبير في كار الأدب
:emrose:الشاعر الكبير / سيد أبو زهدة:emrose:
الشِعر ملاوع ، ما يلاوعك
علـِّمتـُه ازاي ، بس ، يطاوعك
تِعجـِن أخباز و تخـَمَّرها ،
و انا لمّا بَحاول اصوّرها ،
ما ينوبني غِير لـَسعِة نارها ،
و خـَبـِيزي بيطلع نـَيْ و عـَكْ
.
رائد عبد السلام
21/07/2009, 04h02
الشِعر ملاوع ، ما يلاوعك
علـِّمتـُه ازاي ، بس ، يطاوعك
تِعجـِن أخباز و تخـَمَّرها ،
و انا لمّا بَحاول اصوّرها ،
ما ينوبني غِير لـَسعِة نارها ،
و خـَبـِيزي بيطلع نـَيْ و عـَكْ
.
زي ما قال عمنا أبو زهدة :
شِعرك رغيف ...مفرود
لو حتي حتعجّنه ...زي القمر حيعود
من المحاق للبدر
شِعرك مالوش في الغدر
دي هي ليلة قدر
طالعة علينا .......تجود
ياابو زهدة مهلاً ...تمهّل
مش شعر ده !!
ده بارود
صديقي الشاعر الكبير / سيد أبو زهدة :emrose:
للتواضع أمكنة ...
مارس التواضع في أي شيء
غير الشعر ...
ياأستاذ الأدب ....والشعر
تحياتي واحتراماتي الدائمة
لشخصك الفريد :emrose:
د أنس البن
21/07/2009, 09h16
وانا احب اضيف وأقول
يا ابو زهده مهمن تقول
فى أى معنى وقول
حنغنى كورس وراك
لا سى دو رى مى فا صول
:emrose:
رائد عبد السلام
21/07/2009, 14h04
وانا احب اضيف وأقول
يا ابو زهده مهمن تقول
فى أى معنى وقول
حنغنى كورس وراك
لا سى دو رى مى فا صول
:emrose:
صح يادكتور أنس :emrose:
ياعمنا كلنا
وآدي غنوتي لأبو زهدة:
لا سى دو رى مى فا صــول
دايما قلبي عليك مشــــــغول
زي الـــــــــورد العايق هامتك
والكل بيشــــــــــهد بشهامتك
طعم كـــــــــلامك حلو وصمتك
برضــــــه يخللي البال مذهول
لا سى دو رى مى فــــــا صول
دكتـــــــــور أنس ابو قلب كبير
أصدر أمــــــــــــر وله تفســــــير
قــــــــــــــــال كلنا كـورس ونفير
علشان فاهم وابن اصـــــــــــول
لا سى دو رى مى فا صـــــــــول
لما تحس إنـك متـــــــــــــــغرب
والأحباب ولا حــــــــــــد مقرّب
هي دقيقة ... حــــــــاول جرّب
نسمع صــــــــوتك في المحمول
لا سى دو رى مى فا صــــــــول
علي دقـــــــــــة قلب الأحـــــباب
نسمع صــــــوت الناي في الغاب
مــا يهمنا تمّـــــــــــــــوز أو آب
لما تهلّ ... بتلغي فصـــــــــول
لا سى دو رى مى فا صــــــــول
ياللي العين بتزينها مَشَــــاهدك
والعصــافير نسمعها نشـــاهدك
عهدك وعدك وجدك ...شــهدك
يملوا الدنيا عــــــرض وطــول
لا سى دو رى مى فا صــــــول
:mdr::mdr:
عفاف سليمان
21/07/2009, 14h15
الله عليكم يا شعراء سماعى الجميل
ايه الصور الابداعيه الجميله دىة
عيش وخبيز ونى ومستوى
وموسيقى وكورس
واغانى وكورال ابداع
حتى كلماتكم ابداع شعرى موسيقى
الله عليكم ربنا يحفظكم من كل شر
ودائما متوجين بالمحبه فى الله
اخوه فى الله
ويارب دائما جميعا نسير على بركة الله
تحياتى لكم جميعا
د أنس:emrose:
استاذنا وشاعرنا الاستاذ سيد ابو زهده:emrose:
اعادك الله للوطن بالف سلامه واسرتك ان شاء الله
شاعرنا الاستاذ الجميل رائد عبد السلام:emrose:
سعدت والله انى اختاً فى الله لكم ومعكم
تحياتى لاهل سماعى الكرام
واوقات سعيده للجميع
اختكم عفاف:)
رائد عبد السلام
21/07/2009, 14h26
ويارب دائما جميعا نسير على بركة الله
تحياتى لكم جميعا
ربنا يبارك لنا فيكي ياعفاف:emrose:
سيري علي بركة الله
فكـّرتيني بنورماندي 2
:mdr:
ربنا ما يحرمنا منك ياأم حمادة
زيارتك تشيع البهجة والفرحة والسرور
:emrose:
د أنس البن
22/07/2009, 06h16
:emrose:أيوه كده يا سى رائد :emrose:
دير وشك ناحيتنا شويه الله يعمر بيتك
دا انت قلمك معمل جواهر بينظم سلاسل دهب
على فكره مش مبالغه ولا تهويل ولا مجامله
طبعا دلوقتى أجازه يعنى لا مدارس ولا دروس ولا يحزنون
شوف اخواتك وحبايبك , كفايه علينا دلع الباقيين
حتبقى انت وهمه , دا حتى يبقى حرام
abuzahda
22/07/2009, 08h49
زي ما قال عمنا أبو زهدة :
شِعرك رغيف ...مفرود
لو حتي حتعجّنه ...زي القمر حيعود
من المحاق للبدر
شِعرك مالوش في الغدر
دي هي ليلة قدر
طالعة علينا .......تجود
ياابو زهدة مهلاً ...تمهّل
مش شعر ده !!
ده بارود
صديقي الشاعر الكبير / سيد أبو زهدة :emrose:
للتواضع أمكنة ...
مارس التواضع في أي شيء
غير الشعر ...
ياأستاذ الأدب ....والشعر
تحياتي واحتراماتي الدائمة
لشخصك الفريد :emrose:
و الله يا أستاذنا ، الموضوع ماله علاقة بالتواضع
و لا يعرفه و لو معرفة سطحيّة (طشاش)
الحكاية يا :emrose:أستاذ رائِد:emrose: ، ليها علاقة بحاجة يصعب إمساكها ،
و قد اتفق عليها - إصطلاحاً - بـ الإعجاب
يعني ممكن كلمة واحدة في قصيدة تلسع الروح ، و ممكن كتاب بدفتين ما يسبش بخاطرك كلمة
بس انا مُفتري حبْتين في تفسيري لموضوع الإعجاب ده
لإني بقصُد به منطقة الماوراءيات بتاعة الإعجاب ، اللي منها قرأ الدكتور يوسف إدريس قصيدة الخيول لأمل دنقل ، فتم نقله إلى العناية المركزة ليمكث بها أسبوعاً ، ثم يخرج شبه معافى ليكتب حلقة من " مفكرة يوسف إدريس" بعنوان : أنقذوا أملنا .
حيث كان آخر عباقرة الشِعر العربي ، أمل دنقل ، يرقد بالغرفة رقم 8 بمعهد الأورام.
كمان
لما اكتشفت الأستاذة عبلة الرويني ، مسودة قصيدة بالمنزل (هي زوجة أمل ) أعطتها للأستاذ فاروق شوشة ، فنشرها في الفصليّة الوقورة "إبداع" . كان ذلك بعد نشرها للقصائد التي وجدتها تحت الوسادة بالغرفة رقم 8 ، و التي ضمنها ديوان "أوراق الغرفة رقم 8"
و الله يا أستاذ رائد ، كدت ألقى مصير الدكتور يوسف إدريس ، من أول بيت (...)
كانت القصيدة - النادرة- بعنوان : كريسماس ، يستهلها العبقري أمل بقوله:
إثنان لم يحتفلا بميلادِ المسيح ...
المسيحُ ، و أنا
أيضاً
لعمّنا صلاح جاهين رباعيّة ، يعلم الله أني لم أستطع قراءتها كاملة منذ عشرين عاماً أو يزيد ، حتى أني أتلافى ذكرها في جلساتي (علشان ما انكدش على حد)
ليه يا حبيبتي ما بينـّا ، دايماً ، سَفـَر ؟
ده البُعد ذنب كبير ، لا يُغتـَفر
ليه يا حبيبتي ما بينا ، دايماً ، بحور
أعدّي بحر ، ألاقي غِيره اتحفـَر
عايز اقولك ، يا أستاذ ، إن الحالة ساعتها بتبقى زي حالة حبيبنا إسلام و هو بيسمع سيدنا الشيخ مصطفى .
يعني لا انا و لا انت و لا حد تاني في النار رماني ، يا أستاذ
* * *
و ما دُمنا مقضيينها خبيز ، خـُد دي
الشَهد مَخـَابـِز في النحلة
و هاموش المَخبَز ، عِيشُه سَحلـَة
لو لـَدِّن فيه ، مهما يلـَدِّن
ولحَد الكتكوت ما يأدِن
الجاهِل عُمرُه ما يتمَدِّن
و حلاوته ، لو بانت ، وَحـْلـَة
.
abuzahda
22/07/2009, 08h52
كفايه علينا دلع الباقيين
حتبقى انت وهمه , دا حتى يبقى حرام
أيوة يا :emrose:دكتور:emrose: .......
:emrose:حضرتك:emrose: بتكلمني ؟
مش عارف ، كده .....
زي ما اكون سمعت حد بينده عليّ
abuzahda
22/07/2009, 09h23
وانا احب اضيف وأقول
يا ابو زهده مهمن تقول
فى أى معنى وقول
حنغنى كورس وراك
لا سى دو رى مى فا صول
:emrose:
كمان شِعر ؟!
يا :emrose:دكتور أنس:emrose: ....
يا كتاب المواهب
د أنس البن
22/07/2009, 19h35
أيوة يا :emrose:دكتور:emrose: .......
:emrose:حضرتك:emrose: بتكلمني ؟
مش عارف ، كده .....
زي ما اكون سمعت حد بينده عليّ
ما استغناش عنك أبدا يا حبيبى
دول كلمتين طلعوا منى كده
إزاى ـ ما اعرفش
( بتاعت خليفة الريحانى الراحل فؤاد المهندس)
رائد عبد السلام
25/07/2009, 14h05
من نسيم الروح ......أقول تاني
وأهدي صديقي الشاعر الكبير
:emrose:سيد ابو زهدة :
كل يوم سامعك وشــايفك
زهـــرطـــالع من شفايفك
لمّا اشوف نفسي في روحك
لما بتسمّعني بوحك
لمــا باتخيّل حياتك
انتباهك أو سُــباتك
حاجة زي السـحر بتلفّ الجسد
حاجة نتمناها لكن مش حــــسد
لسه عايش في قلوب كـــــل الشوارع
بص صــورتك حتلاقيها في المزارع
في هديل صوت الحمام
في نتيجة كـــــــــل عام
في اللي رايح واللي فايت واللي راجع
مصري شايل جوّه روحه من حبايبه كـَــــوكبَه
خبطة الباب ع الجيران تلقي قولة:مــــــــرحبا
الهوي له في القلوب دايما علامه
كـل قلب بتملكه روح مُســـتهامه
وأنت قلبك قلب مصــر
حب يعصر فيها عصر
يشرب الشهد اللي دايب جوه نيلها
عمرها ما بتوحشه علشان يجيلها
هــــــو عايش بيها منها
هي بيته ...وبيته قصر
:emrose:
abuzahda
12/08/2009, 05h46
من نسيم الروح ......أقول تاني
وأهدي صديقي الشاعر الكبير
:emrose:سيد ابو زهدة :
كل يوم سامعك وشــايفك
زهـــرطـــالع من شفايفك
لمّا اشوف نفسي في روحك
لما بتسمّعني بوحك
لمــا باتخيّل حياتك
انتباهك أو سُــباتك
حاجة زي السـحر بتلفّ الجسد
حاجة نتمناها لكن مش حــــسد
لسه عايش في قلوب كـــــل الشوارع
بص صــورتك حتلاقيها في المزارع
في هديل صوت الحمام
في نتيجة كـــــــــل عام
في اللي رايح واللي فايت واللي راجع
مصري شايل جوّه روحه من حبايبه كـَــــوكبَه
خبطة الباب ع الجيران تلقي قولة:مــــــــرحبا
الهوي له في القلوب دايما علامه
كـل قلب بتملكه روح مُســـتهامه
وأنت قلبك قلب مصــر
حب يعصر فيها عصر
يشرب الشهد اللي دايب جوه نيلها
عمرها ما بتوحشه علشان يجيلها
هــــــو عايش بيها منها
هي بيته ...وبيته قصر
:emrose:
عارف ياأستاذ رائد؟
النت ده عجيب
حاجة ، كدة ، عاملة زي عالم الأرواح
يمكن وجه التشابه ، بينهما ، إن الاتنين على تخوم الظن ؟ ... يمكن !
يمكن طريقة التواصل متشابهة - من حيث عدم إلتقاء الأبدان - ؟ ... برضو يمكن !
* * *
أمال ليه ، لما بنقل تصوري عن حد من سماعي لحد بكلمه من سماعي ، بالتليفون ، ألاقيه يقوللي : بالظبط كده ، كإنك عارفه (...) ؟
يمكن ربنا - عظمت حكمته - أذن للإنسان باختراع النت ، لتقريب صورة عالم الأرواح ؟
و مع إن النت فرصة للتصنـُّع و الإدعاء ، إلاَّ أن سماعي بما يسمح به من تلقائية في التعامل ، جعلنا و كأننا قاعدين في صالون واحد ، لدرجة إنك تلاحظ الردود تتباين صياغتها ما بيّن الوقار الجاف و المباسطة العفويّة (..)
لدرجة ، ساعات اقول حكمة أمهاتنا : بيقطع من هنا و يوصل من هنا (مع إني كنت زمان بتهكم عليها ! و اقول: يقطع إيه ؟ و يوصل إيه ؟ هوّ ترزي ؟!)
لكن بلاستيكيّة الحياه في المهجر ، ألقتني بكليّتي هنا ، مُستعيضاً بدفئكم عن برودة : هاي ! هاوْ آر يو ؟ آر يو أوكيه ؟!
* * *
أنا بحبك أوي يا أستاذ رائِد ، مِش علشان انا بحب الناس كلهم - زي سيدنا الدكتور أنس - فقد أفقدتني ، تلك البراءة ، سنون ترحالي ، حتى أني لا أذكر أسماء البلاد لتي زرتها ، إلا بمراجعة الأختام بجوازات أسفاري (...)
لكن مصداقاً لقول سيّدي قطب دائرة الوجود ، عليه و على آله صلوات الله و سلامه ، عن تآلف الأرواح و تنافرها ، بحبّك يا أستاذ رائد . و مش لاقي شِعر يعرف يحط على صفصافتك
abuzahda
24/12/2009, 04h28
بكرة اللي بينا غــَـدَر
يدفع تمـــــــــن غالي
أصــــــل المحبة قدر
حتي انظــــروا حالي
قدّمت حــــــب لبشر
من صحتي ومـــــالي
وطلع هواهم صــــور
وماكانش عـــلي بالي
يغدر عديم النــــــــظر
ويرخـّص الغـــــــــالي
* * * *
بعد إذنك يا :emrose:أستاذي:emrose: ....
دي خميلة من بساتينك المرويّة بالراحة ، و اللي بتملا النفوس راحة
كانت طردت رطوبة الإهمال من مخزن كراكيبي (http://www.sama3y.net/forum/showthread.php?t=54161&page=13)
جئت بها إلى خمائلك و أنا أدعي لعمّي :emrose:حسن كشك:emrose: : أن ينقل الله ما يجده بقلبه إلى قلب من أوجده ....
حيث كانت "الضارة النافعة" إذ منـَحتني شرف زيارتك
رغـد اليمينى
24/12/2009, 15h48
http://img685.imageshack.us/img685/2281/div3.gif (http://img685.imageshack.us/my.php?image=div3.gif)
الليل بـــــــــــــراح والقلـــــــــب دليل
وجنب كوبري قصــــــــــر النـــــــــيل
ســـــــــهران (شِــبَرْدْ ) وليلـُـه طويل
ومن بعيد جـــــــاي مُــــــهر كـــــحيل
يســــــــــــرق من الليل النشـــــــــوة
وأسـمهان بتقول : أهوي
وبارفانات وســـــــيجار و قـــــــــــــمار
وشــــــاي وناي ....وزمــــــــــــن دوّار
ياللي انت قلبك عشـــــــــــــــقـُه مـــــرار
عيش الهـــــــــــــــوي من غير شـــهوة
وأسمهان بتقول : أهوي
مــــــال القمــــــــــــــر ورمي الدمـــــعة
بكاني والناس مــــش ســـــــــــــــامعة
ودمــــــــــــــــــــعتي مــــــالهاش لمعة
مطفية عـــــــــــــلي وش القـــــــــهوة
وأسمهان بتقول : أهـوي
صــــادق صحيح في هـــــــــــــواك لكن
حــــزنك علي قلــــــــــــــبك ســـــــــاكن
الناس ورا حيطـــــــــــــان ومســــــاكن
وأنت هـــــــــــواك ... ظلـــــــــــــم وقسوة
وأسمهان بتقول : أهوي
راهنت علي نفســـك وخســــــــــــــــــــــرت
ومن كاســــات الحزن ســـــــــــــــــــــــكرت
هو أنت علي نســـــيانه قــــــــــــــــــــــدرت ؟
كان حبــــــــــــــــــــــه ليك أجمــــــــل سلوي
وأسمهان بتقول : أهوي
************
الاستاذ القدير والشاعر المُخضرم الكبير
((( رائد عبد السلام )))
تحية طيبة مُكللة بورق العرعار الزاكى
أعجبتى كثيراً هذه السيمفونية العذبة فجئت بها
هُنا إضافه إلى درركَ النفيسة
دُمت تَنفح العطور أزاهير بحروفِكَ الشذية الندية
وتعطرها بنبض بنانك الوارف الجميل..
وكل عام وأنت بكل الخير والسعادة تنعم وبالصحة
والعافية ترفل فى ظل أسرتك الكريمة ،،
جلّ الإحترام والتقدير ،،
(( :emrose:))
http://img685.imageshack.us/img685/2281/div3.gif (http://img685.imageshack.us/my.php?image=div3.gif)
رائد عبد السلام
24/12/2009, 16h02
لا أقول ياسيدتي سوي : شكراً
علي مرورك العاطر وتسلم يداك
أصبح لكلماتي المتواضعة الآن قيمة أخري
فلا تحجبي عنا بساتين زهرك الفوّاح
نحب دائماً أن نراك
شكراً مرة أخري
للأديبة والكاتبة المميزة
رغد اليميني
:emrose:
د أنس البن
24/12/2009, 16h02
الله الله الله
يا سلالالالالالام
على ده
كلالالالالالالالام
الله الله الله
:emrose:الله عليكم:emrose:
أبو زهده
رائد
رغد
abuzahda
25/12/2009, 08h35
http://img685.imageshack.us/img685/2281/div3.gif (http://img685.imageshack.us/my.php?image=div3.gif)
الليل بـــــــــــــراح والقلـــــــــب دليل
وجنب كوبري قصــــــــــر النـــــــــيل
ســـــــــهران (شِــبَرْدْ ) وليلـُـه طويل
ومن بعيد جـــــــاي مُــــــهر كـــــحيل
يســــــــــــرق من الليل النشـــــــــوة
وأسـمهان بتقول : أهوى
وبارفانات وســـــــيجار و قـــــــــــــمار
وشــــــاى وناى ....وزمــــــــــــن دوّار
ياللي انت قلبك عشـــــــــــــــقـُه مـــــرار
عيش الهـــــــــــــــوى من غير شـــهوة
وأسمهان بتقول : أهوى
مــــــال القمــــــــــــــر ورمى الدمـــــعة
بكاني والناس مــــش ســـــــــــــــامعة
ودمــــــــــــــــــــعتي مــــــالهاش لمعة
مطفية عـــــــــــــلى وش القـــــــــهوة
وأسمهان بتقول : أهـوى
صــــادق صحيح في هـــــــــــــواك لكن
حــــزنك علي قلــــــــــــــبك ســـــــــاكن
الناس ورا حيطـــــــــــــان ومســــــاكن
وانت هـــــــــــواك ... ظلـــــــــــــم وقسوة
وأسمهان بتقول : أهوى
راهنت علي نفســـك وخســــــــــــــــــــــرت
ومن كاســــات الحزن ســـــــــــــــــــــــكرت
هو انت علي نســـــيانه قــــــــــــــــــــــدرت ؟
كان حبــــــــــــــــــــــه ليك أجمــــــــل سلوى
وأسمهان بتقول : أهوى
************
الاستاذ القدير والشاعر المُخضرم الكبير
((( رائد عبد السلام )))
تحية طيبة مُكللة بورق العرعار الزاكى
أعجبتى كثيراً هذه السيمفونية العذبة فجئت بها
هُنا إضافه إلى درركَ النفيسة
دُمت تَنفح العطور أزاهير بحروفِكَ الشذية الندية
وتعطرها بنبض بنانك الوارف الجميل..
وكل عام وأنت بكل الخير والسعادة تنعم وبالصحة
والعافية ترفل فى ظل أسرتك الكريمة ،،
جلّ الإحترام والتقدير ،،
(( :emrose:))
http://img685.imageshack.us/img685/2281/div3.gif (http://img685.imageshack.us/my.php?image=div3.gif)
إيه ده ؟
جبتيها منين دي؟
صفحة كام ؟
و انت يا عم انت ..... كتبتها إمتى ؟ هو انت عاصرت أسمهان ؟ يعني كانت قاعدة بتغنيلك لوحدك ساعتها ؟
و اشمعنى قصر النيل و شبرد و المهر الكحيل ؟ إشمعنى دول بالذات ؟
هو انت - كمان- كنت بتركب الحنطور من قدام شبرد - محتار ما بين المهر الجار و المهر السائر - تروح تقعد في برجولة الميريديان ؟
بس خلاص يبقى عرفت سر الجذبة اللي بيننا ..... أنا شفتك هناك ..... بس إمتى ؟ إمتى ؟ ....
لما كانت أرض المعارض مكان الأوبرا الجديدة (ام شكل كئيب ، اللي خسارة فيها مقابلة متحف مختار ، مخبأ الكنوز) ؟
تكونش زرت معايا معرض الغنايم - هناك - في 73 و محمد نوح واقف على دبابة عسّاف ياجوري بيغني مدد مدد شدي حيلك يابلد .... يومها كان فيه تلامذة كتير من مدارس تانية جايين نفس الرحلة ... بس مش فاكر كان فيه حد من القناطر و لا لأ .....
و لا اكونش قابلتك في حديقة الأندلس ، اللي فوسيفساءها بتفكرنا بمجد العرب الغابر ....و الأسدين فاقدين أي استئساد ؟
و لا عند مسرح الجيب ؟ أيام نادي المسرح بعهد الست سميحة أيوب ؟
و لا من الناحية التانية "مسرح فاطمة رشدي" اللي مافضلش عايم ؟
و لا عند مسرح السامر ، الست خضرة: عملت تاجر عنب ...
و لا البالون و مجانين التجريب المسرحي ....
ماهو مش معقولة في السيرك ، لإن جمهور السيرك مش فاضي يبص لبعضه
آهـ يا كوبري قصر النيل ، يا آخر حتة حلاوة على نيل القاهرة ......
و الله يا أستاذ كنت باخدها مشي من الساحل لهناك مع نفسي ، قصدي مع النيل يعني
لقتيها فين دي يا أستاذة رغد ؟ طب حُطيلنا وصلة مباشرة ...
أنا وفرت وقت البحث للتخاريف اللي فجرتها المباغتة ، على ما الاقي وقت ادوّر ... و أشوف حكايتها إيه المصيبة دي
مش بقولك يا أستاذ رائد ، كتاباتك بالنسبة لي أنتي زهايمر ؟ أديك خدتني على حتة بالغة الإخضرار في صحراء عمري ....
روح ياشيخ منك لله ، و انتي كمان يا أستاذة ، يعني بعد إذن حضرتك : منك لله ،
حد يطلع جوهرة لحد جاي من العتمة ، كده على غفلة
أنا إيه اللي جابني هنا تاني ،
على كوبري قصر النيل
أنا اروح انام احسن ، الساعة بقت بكرة
إتأخرت على مشوار لازم ماارحهوش علشان مهم
كوبري قصر النيل! ، هنا! في ترونتو ؟ التلاجة !!!
مش قبل سنة
علشان اعرف
اكتب مشاركة
تانية.
يعني تخفف كشك
و تعيي ابو زهدة ؟
رائد عبد السلام
25/12/2009, 10h46
إيه ده ؟
جبتيها منين دي؟
صفحة كام ؟
و انت يا عم انت ..... كتبتها إمتى ؟ هو انت عاصرت أسمهان ؟ يعني كانت قاعدة بتغنيلك لوحدك ساعتها ؟
و اشمعنى قصر النيل و شبرد و المهر الكحيل ؟ إشمعنى دول بالذات ؟
هو انت - كمان- كنت بتركب الحنطور من قدام شبرد - محتار ما بين المهر الجار و المهر السائر - تروح تقعد في برجولة الميريديان ؟
بس خلاص يبقى عرفت سر الجذبة اللي بيننا ..... أنا شفتك هناك ..... بس إمتى ؟ إمتى ؟ ....
لما كانت أرض المعارض مكان الأوبرا الجديدة (ام شكل كئيب ، اللي خسارة فيها مقابلة متحف مختار ، مخبأ الكنوز) ؟
تكونش زرت معايا معرض الغنايم - هناك - في 73 و محمد نوح واقف على دبابة عسّاف ياجوري بيغني مدد مدد شدي حيلك يابلد .... يومها كان فيه تلامذة كتير من مدارس تانية جايين نفس الرحلة ... بس مش فاكر كان فيه حد من القناطر و لا لأ .....
و لا اكونش قابلتك في حديقة الأندلس ، اللي فوسيفساءها بتفكرنا بمجد العرب الغابر ....و الأسدين فاقدين أي استئساد ؟
و لا عند مسرح الجيب ؟ أيام نادي المسرح بعهد الست سميحة أيوب ؟
و لا من الناحية التانية "مسرح فاطمة رشدي" اللي مافضلش عايم ؟
و لا عند مسرح السامر ، الست خضرة: عملت تاجر عنب ...
و لا البالون و مجانين التجريب المسرحي ....
ماهو مش معقولة في السيرك ، لإن جمهور السيرك مش فاضي يبص لبعضه
آهـ يا كوبري قصر النيل ، يا آخر حتة حلاوة على نيل القاهرة ......
و الله يا أستاذ كنت باخدها مشي من الساحل لهناك مع نفسي ، قصدي مع النيل يعني
لقتيها فين دي يا أستاذة رغد ؟ طب حُطيلنا وصلة مباشرة ...
أنا وفرت وقت البحث للتخاريف اللي فجرتها المباغتة ، على ما الاقي وقت ادوّر ... و أشوف حكايتها إيه المصيبة دي
مش بقولك يا أستاذ رائد ، كتاباتك بالنسبة لي أنتي زهايمر ؟ أديك خدتني على حتة بالغة الإخضرار في صحراء عمري ....
روح ياشيخ منك لله ، و انتي كمان يا أستاذة ، يعني بعد إذن حضرتك : منك لله ،
حد يطلع جوهرة لحد جاي من العتمة ، كده على غفلة
أنا إيه اللي جابني هنا تاني ،
على كوبري قصر النيل
أنا اروح انام احسن ، الساعة بقت بكرة
إتأخرت على مشوار لازم ماارحهوش علشان مهم
كوبري قصر النيل! ، هنا! في ترونتو ؟ التلاجة !!!
مش قبل سنة
علشان اعرف
اكتب مشاركة
تانية.
يعني تخفف كشك
و تعيي ابو زهدة ؟
شفت إزاي ياأستاذ
إن الخيال اللي أنا كتبته ...له ظلال حقيقية
في واقعك السعيد
تدفع لي كام بقي ؟؟
آديني رجّعتك للنسخة الأصلية لأبو زهدة بكل تفاصيلها
فيه ناس ياأستاذ -معاذ الله-حياة واحدة ماتكفيهاش
بس إزاي؟؟
ونعمل إيه ؟؟
ربنا يمدّ في حياتك ياأستاذ
ياللي كل عِقد في حياتك عايز مجلد
زي بتوع ميكي وسمير وتان تان
ماهو أكيد كنت بتشتريه بعد ماتحوّش تمنه
تعريفة علي تعريفة ... زي واحد من القناطر
:emrose:
وأكيد برضه وأنت رايح المدرسة الابتدائي الصبح
كان راديو الجيران في الشارع بيسمّعك :
في كل حي ولد عترة وصبية حــنان
وكــلنا جيرة وعشرة وأهل وخـلا ّن
:emrose:
أشكرك علي قصيدتك النثرية
اللي هي تساوي قصيدتي الشعرية
إن لم تكن أوضح
شكراً ياأستاذ
:emrose:
رائد عبد السلام
16/02/2010, 05h06
(كل عام وأنتم بخير )
http://www.sama3y.net/forum/attachment.php?attachmentid=189876&stc=1&d=1266300944
:emrose:
نبع هدي
لما يهل الصـــــــــــبح علينا
نلقي الضيّ الجايْ ف عينينا
بيصلـّي ع الهـــــــــادي نبينا
وبإسم المـــــــــــولي بيوحـد
صلي الله علي محمد ............
وأما نشـــــــوف الزهرة بتكبر
بعد ما كانت برعم أخضــــــر
ورقــــــاتها النادية بتكبـّـــــــر
وتســــبح للصــمد الأوحـــــــد
صلي الله علي محمد ...........
لما بيعلي هــــــــلال المــــادنة
وينادي : دي صــــلاتنا عمادنا
حيّ علي الإحســـــان يا ولادنا
نبع هـــــــــدي وصرح ما يتهد
صلي الله علي محمد .......
لازم يبقي الحـــــــــــق طريقك
والذكر يرطـّب لــــــــــك ريقك
ذكــــــــر الله في العتمة بريقك
نور علي نور سبحان من أوجَدْ
صلي الله علي محمد ...............
:emrose:
صلي الله عليه وسلم
صلي الله عليه وسلم
صلي الله عليه وسلم
صلي الله عليه وسلم
صلي الله عليه وسلم
صلي الله عليه وسلم
د أنس البن
16/02/2010, 06h27
اللهم صلى وسلم وبارك على الفاتح لما أغلق والخاتم لما سبق , منه انشقت الأسرار وانفلقت الأنوار ، وفيه ارتقت الحقائق ، وتنـزَّلت علومُ آدم فأعجز الخلائق ، وله تضاءلت الفهومُ فلم يدركه منَّا سابقٌ ولا لاحق ،
اللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ الجُوْدِ الأَكْرَمِ، وَالنُّوْرِ الأَفْخَمِ، وَالعِزِّ الأَعْظَمِ، المَبْعُوْثِ بِالقِيْلِ الأَقْوَمِ، مِنَّةِ اللهِ عَلَى كُلِّ فَصِيْحٍ وَأَعْجَمٍ، قُطْبِ رَحَى النَّبِيِّينَ، وَنُقْطَةِ دَائِرَةِ المُرْسَلِينَ، المُخَاطَبِ فِي الْكِتَابِ المَكْنُوْنِ: وَمَا أَنْتَ بِنِعْمَةِ رَبِكَ بِمَجْنُوْنٍ وَإِنَّ لَكَ لأَجْراً غَيْرَ مَمْنُوْنٍ، المَوْصُوْفِ بِقَوْلِكَ الكَرِيْمِ: وَإِنَّكَ لَعَلَى خُلُقٍ عَظِيْمٍ. اللَّهُمَّ صَلِّ وَسَلّم عَلَى سَيِّدِنَا مُحَمَّدٍ الأَوَّلِ فِي الإِيجَادِ وَالجُوْدِ وَالوُجُوْدِ، الفَاتِحُ لِكُلِّ شَاهِدٍ حَضْرَتَيْ الشَّاهِدِ وَالمَشْهُوْدِ ............................ :emrose:
وكل عام وأنتم بخير .. لمناسبة المولد النبوى الشريف
وبارك الله فى صاحب أبيات "نبع هدى" وجعلها فى ميزان حسناته وجمع بيننا وبينه تحت لواء صاحب الذكرى صلى الله عليه وسلم ............. :emrose:
abuzahda
16/02/2010, 10h32
اللهم صلي و سلم و بارك على سيدنا رسول الله و على اهله الطيّبين الأطهار
لازم يبقي الحـــــــــــق طريقك
والذكر يرطـّب لــــــــــك ريقك
ذكــــــــر الله في العتمة بريقك
نور علي نور سبحان من أوجَدْ
صلي الله علي محمد ...............
قصيدتك بلت ريقي يا :emrose:أستاذ رائد:emrose:
و صلاة ابن بشيش ، رضي الله عنه ، روتني
يا دكتور أنس
* * *
الله ينوّر يا أستاذ رائد
دوّقني حلاوة المولد بدري
رائد عبد السلام
16/02/2010, 11h19
اللهم صلى وسلم وبارك على الفاتح لما أغلق والخاتم لما سبق , منه انشقت الأسرار وانفلقت الأنوار ، وفيه ارتقت الحقائق ، وتنـزَّلت علومُ آدم فأعجز الخلائق ، وله تضاءلت الفهومُ فلم يدركه منَّا سابقٌ ولا لاحق ،
اللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ الجُوْدِ الأَكْرَمِ، وَالنُّوْرِ الأَفْخَمِ، وَالعِزِّ الأَعْظَمِ، المَبْعُوْثِ بِالقِيْلِ الأَقْوَمِ، مِنَّةِ اللهِ عَلَى كُلِّ فَصِيْحٍ وَأَعْجَمٍ، قُطْبِ رَحَى النَّبِيِّينَ، وَنُقْطَةِ دَائِرَةِ المُرْسَلِينَ، المُخَاطَبِ فِي الْكِتَابِ المَكْنُوْنِ: وَمَا أَنْتَ بِنِعْمَةِ رَبِكَ بِمَجْنُوْنٍ وَإِنَّ لَكَ لأَجْراً غَيْرَ مَمْنُوْنٍ، المَوْصُوْفِ بِقَوْلِكَ الكَرِيْمِ: وَإِنَّكَ لَعَلَى خُلُقٍ عَظِيْمٍ. اللَّهُمَّ صَلِّ وَسَلّم عَلَى سَيِّدِنَا مُحَمَّدٍ الأَوَّلِ فِي الإِيجَادِ وَالجُوْدِ وَالوُجُوْدِ، الفَاتِحُ لِكُلِّ شَاهِدٍ حَضْرَتَيْ الشَّاهِدِ وَالمَشْهُوْدِ ............................ :emrose:
وكل عام وأنتم بخير .. لمناسبة المولد النبوى الشريف
وبارك الله فى صاحب أبيات "نبع هدى" وجعلها فى ميزان حسناته وجمع بيننا وبينه تحت لواء صاحب الذكرى صلى الله عليه وسلم ............. :emrose:
اللهم صل وسلم وبارك عليك يارسول الله
:emrose:
تشريفك نفحة طيبة في الذكري العطرة
ياأستاذنا كلنا
:emrose:
نورت ياسيدي الدكتور أنس
رائد عبد السلام
16/02/2010, 11h22
اللهم صلي و سلم و بارك على سيدنا رسول الله و على اهله الطيّبين الأطهار
لازم يبقي الحـــــــــــق طريقك
والذكر يرطـّب لــــــــــك ريقك
ذكــــــــر الله في العتمة بريقك
نور علي نور سبحان من أوجَدْ
صلي الله علي محمد ...............
قصيدتك بلت ريقي يا :emrose:أستاذ رائد:emrose:
و صلاة ابن بشيش ، رضي الله عنه ، روتني
يا دكتور أنس
* * *
الله ينوّر يا أستاذ رائد
دوّقني حلاوة المولد بدري
ربنا ينور عليك ياأستاذ
ياحتة من بياض قلب مصر
كل سنة وأنت طيب
أستاذنا الرفيع القدر :
سيد أبو زهدة:emrose:
رغـد اليمينى
23/02/2010, 02h49
http://img696.imageshack.us/img696/2696/1o302020.gif (http://img696.imageshack.us/my.php?image=1o302020.gif)
عليه أفضل الصلاة وأزكى السلام
رائد الشِعر والشعراء الأستاذ القدير
((( رائد عبد السلام )))
طاب صباحك بمباهج لا تُعد ولا تُحصى
وأما نشـــــــوف الزهرة بتكبر
بعد ما كانت برعم أخضــــــر
ورقــــــاتها النادية بتكبـّـــــــر
وتســــبح للصــمد الأوحـــــــد
بالله عليك قل لى كيف تُسطر النقاء على الورق
كى أُحاكى فيك نقاؤك،،:emrose:
كم أسعدنى الوقوف هُنا لآتأمل جمال المعانى المُرهفه التى تدوىَّ كهف الروح
فتنجذب آذاننا لتتحرى هذا النغم الشجى الرقيق
الشكر هُنا عجز منى عن التعبير وأمر كليل عما يجيش فى ضميرى،،
مِن بهجة وسرور بشاعر مثلك على يده يرتقى الأدب،،
كل عام وأنت وأسرتك الكريمة فى ثوب المحبة والصحة والعافية ترفلون
وبحد مراقى السماء أسأله بأن ينعم عليكم بسعادة وخير وهنا برضا وعفوه
إحترامى وجلّ التقدير،،
(( :emrose:))
http://img696.imageshack.us/img696/2696/1o302020.gif (http://img696.imageshack.us/my.php?image=1o302020.gif)
رائد عبد السلام
23/02/2010, 03h44
http://img696.imageshack.us/img696/2696/1o302020.gif (http://img696.imageshack.us/my.php?image=1o302020.gif)
عليه أفضل الصلاة وأزكى السلام
رائد الشِعر والشعراء الأستاذ القدير
((( رائد عبد السلام )))
طاب صباحك بمباهج لا تُعد ولا تُحصى
وأما نشـــــــوف الزهرة بتكبر
بعد ما كانت برعم أخضــــــر
ورقــــــاتها النادية بتكبـّـــــــر
وتســــبح للصــمد الأوحـــــــد
بالله عليك قل لى كيف تُسطر النقاء على الورق
كى أُحاكى فيك نقاؤك،،
كم أسعدنى الوقوف هُنا لآتأمل جمال المعانى المُرهفه التى تدوىَّ كهف الروح
فتنجذب آذاننا لتتحرى هذا النغم الشجى الرقيق
الشكر هُنا عجز منى عن التعبير وأمر كليل عما يجيش فى ضميرى،،
مِن بهجة وسرور بشاعر مثلك على يده يرتقى الأدب،،
كل عام وأنت وأسرتك الكريمة فى ثوب المحبة والصحة والعافية ترفلون
وبحد مراقى السماء أسأله بأن ينعم عليكم بسعادة وخير وهنا برضا وعفوه
إحترامى وجلّ التقدير،،
http://img696.imageshack.us/img696/2696/1o302020.gif (http://img696.imageshack.us/my.php?image=1o302020.gif)
الأستاذة رفيعة القدر والمقام
رغد :emrose:
تظل القصيدة رهينة الظلام
حتي تتناولها يدك فتضع علي جبينها
تاج الألماس ...فتتألق وتصبح سيدة القصائد
وكأنها تستمد من حضورك الطاغي ... حضورها
أشكرك يا سيدتي
وكل عام وأنتِ بخير
:emrose:
اسير النغم
23/02/2010, 04h57
ابدعت يأستاذنا انا عاشق للزجل ومتابع جيد لبيرم وصلاح جاهين واحمد فؤاد نجم وانت يأاستاذنا لاتقل عنهم شكرا على الابداع وبقول موال فيك
يابدر مشرق جمالك مغرب الارواح
وجدت فمبسمك مالم اجد في الراح
abdelrazak
27/02/2010, 19h14
شاعرنا الرقيق الأستاذ رائد عبد السلام أعجبني أسلوبك الرائع في الكتابة و قد ذكرني بالشاعر الكبير الأستاذ محمد حمزه
و لهذا أود ان أطلب منك طلبا أتمنى ان تلبيه لي أريدك ان تكتبلي اغنية طويلة لالحنها لان مشكلتي الوحيدة انني لا اجد كلاما لالحنه و شكرا
Hisham Khala
30/08/2010, 14h33
السلام عليكم ورحمة الله و بركاته
رمضان كريم
أغنية نبع الهدي موجودة علي اليوتيويب
اعمل بحث بهذا الاسم علي اليوتيوب أو جوجل و بإذن الله ستجدها:
Nab3 Al Hoda
سيد الموجى
06/10/2010, 10h05
(كل عام وأنتم بخير )
http://www.sama3y.net/forum/attachment.php?attachmentid=189876&stc=1&d=1266300944
:emrose:
نبع هدي
لما يهل الصـــــــــــبح علينا
نلقي الضيّ الجايْ ف عينينا
بيصلـّي ع الهـــــــــادي نبينا
وبإسم المـــــــــــولي بيوحـد
صلي الله علي محمد ............
وأما نشـــــــوف الزهرة بتكبر
بعد ما كانت برعم أخضــــــر
ورقــــــاتها النادية بتكبـّـــــــر
وتســــبح للصــمد الأوحـــــــد
صلي الله علي محمد ...........
لما بيعلي هــــــــلال المــــادنة
وينادي : دي صــــلاتنا عمادنا
حيّ علي الإحســـــان يا ولادنا
نبع هـــــــــدي وصرح ما يتهد
صلي الله علي محمد .......
لازم يبقي الحـــــــــــق طريقك
والذكر يرطـّب لــــــــــك ريقك
ذكــــــــر الله في العتمة بريقك
نور علي نور سبحان من أوجَدْ
صلي الله علي محمد ...............
:emrose:
صلي الله عليه وسلم
صلي الله عليه وسلم
صلي الله عليه وسلم
صلي الله عليه وسلم
صلي الله عليه وسلم
صلي الله عليه وسلم
بابعت لك من قلبى تحية
على أغلى وأعز هدية
مدحك لرسول البشرية
جعلك شاعر فذ مجدد
صلى الله على محمد
Hisham Khala
13/10/2010, 20h35
نبع الهدي
YouTube - Nab3 Al Hoda.mp4 ظ†ط¨ط¹ ط§ظ„ظ‡ط¯ظٹ (http://www.youtube.com/watch?v=j2MuNs-Q9LU)
سمير الشال
24/08/2011, 10h10
,
:)
http://im9.gulfup.com/2011-08-24/1314180823621.jpg
.
رائد عبد السلام
03/09/2011, 01h36
,
:)
http://im9.gulfup.com/2011-08-24/1314180823621.jpg
.
نورت الركن اللي كان مهجور ياحبيبي
حقيقي ...أشرقت الأنوار :emrose:
سيد الموجى
27/12/2011, 12h27
الشاعر الجميل / رائد المصرى
شاعرٍ مميز وقصيدة جميلة تستحق التأمل
دمت مبدعا
أ
رائد عبد السلام
11/01/2012, 17h57
الشاعر الجميل / رائد المصرى
شاعرٍ مميز وقصيدة جميلة تستحق التأمل
دمت مبدعا
أشكرك عمي سيد الموجي
دمت ودامت زيارتك الغالية
:emrose:
رائد عبد السلام
11/01/2012, 17h59
في الذكري الأولي لثورة يناير ...ثورة شباب مصر
(من وحي ثورة يناير )
إهداء إلي كل شاب مصري ثائر
http://www.woodartcenter.net/vb/attachment.php?attachmentid=209&stc=1&d=1326260432
غنوة مصرية
مع إن صــــوتك في الغـُـنا بيئنّ
مَحني علي عودك وشوقك بالأسي بيحنّ
ورغم إنك – سامحني – لسه حديث السنّ
لكن لقيتك في الميدان
حافظ مقامات الوطن
وباني بيعـللـّّي الجــدار
صدق اللي قال : الباني طــالع
وغيرُه علي باب النهار ... ينهار
عــذب وكلامك في القوالة سلسبيل
بــيرم في شمـــــس الأصـيل
دي مصـر ولادة وعفية عمرها ما تضن ّ
سمّعنا صــوتك فصيح
مليان غـُـنا و تباريح
تقولش نحلة ... وبحب الوطن بتزنّ
ياللي إنت غارف من تحانين الشجن
صـاحي ونومك عن هواك تخاطيف
أخضر وغصنك وريف
باسمع كلامك :
من عبير الحواري وشقشقات الريف
و سقّالات الشقا ويّـا الشروق طالعة
و زقزقات المغـارب في نزلة القلعة
والحلوة تدّاري بحياء .. بين مشربية وشيش
شارع مابين الرفاعي ومسـجد السـلطان
والنقشبندي بيصدح ويـّا صـوت الآدان
هنا الوطن ....هنا جنة الإنسان
هنا يتفتح لك باب وقلب ولسان
يقول مراحب ... بقلب يعصر حنان
رائد عبد السلام
11/01/2012, 18h00
http://www.woodartcenter.net/vb/attachment.php?attachmentid=210&stc=1&d=1326260741
(نور الفجر)
هــو نور الفجر شقشق ؟؟
واللا صوت عصفور و زقزق ؟؟
واللا دم ولادنا غرّق
الطغاة والمأجورين ؟
ربك أمـّا يريد ....يوفـّق
صدقوني ....مش مصدق !
كنا لما زمــان نفوت
ع الشوارع والبيوت
كنا نلقي العتمة هاجمة
والأمـــل خيط عنكبوت ...
بس كان الحق أصدق
صدقوني ...مش مصدق !
لما عزم ولادنا بان
في الشوارع ... والميدان
ضحكت الشمس اللي كانت
نورها مخنوق من زمان
قل: ما شاء الله كان
الإيمان هو اللي حقق
صدقوني مش مصدق !
العجايز والديابة
خلوا مصر الحلوة غابة
موّتوا ضحكة صغارنا
نشـّـفوا ريق السحابة
واتخرس صوت الربابة
آن أوان العمر يبدأ
صدقوني مش مصدق !
ليلى ابو مدين
11/01/2012, 19h20
http://www.woodartcenter.net/vb/attachment.php?attachmentid=210&stc=1&d=1326260741
(نور الفجر)
هــو نور الفجر شقشق ؟؟
واللا صوت عصفور و زقزق ؟؟
واللا دم ولادنا غرّق
الطغاة والمأجورين ؟
ربك أمـّا يريد ....يوفـّق
صدقوني ....مش مصدق !
كنا لما زمــان نفوت
ع الشوارع والبيوت
كنا نلقي العتمة هاجمة
والأمـــل خيط عنكبوت ...
بس كان الحق أصدق
صدقوني ...مش مصدق !
لما عزم ولادنا بان
في الشوارع ... والميدان
ضحكت الشمس اللي كانت
نورها مخنوق من زمان
قل: ما شاء الله كان
الإيمان هو اللي حقق
صدقوني مش مصدق !
العجايز والديابة
خلوا مصر الحلوة غابة
موّتوا ضحكة صغارنا
نشـّـفوا ريق السحابة
واتخرس صوت الربابة
آن أوان العمر يبدأ
صدقوني مش مصدق !
الله عليك يا شاعر أصدق المشاعر
ليه مش مصدق !!؟
دا حضرتك قلتها بنفسك (ان نور الفجر شقشق وان صوت العصفور زقزق)
والحمد لله مصر هاتكون في مكانه عاليه بس لو الكل أخلص النية لوجه الله تعالى
وزي ما قلت حضرتك ربك لما يريد...يوفق
دمت لنا شاعراً فذاً مبدعاً
خالص تحياتي وتقديري
ليلى ابو مدين
Hisham Khala
13/01/2012, 08h24
http://www.woodartcenter.net/vb/attachment.php?attachmentid=210&stc=1&d=1326260741
(نور الفجر)
هــو نور الفجر شقشق ؟؟
واللا صوت عصفور و زقزق ؟؟
واللا دم ولادنا غرّق
الطغاة والمأجورين ؟
ربك أمـّا يريد ....يوفـّق
صدقوني ....مش مصدق !
كنا لما زمــان نفوت
ع الشوارع والبيوت
كنا نلقي العتمة هاجمة
والأمـــل خيط عنكبوت ...
بس كان الحق أصدق
صدقوني ...مش مصدق !
لما عزم ولادنا بان
في الشوارع ... والميدان
ضحكت الشمس اللي كانت
نورها مخنوق من زمان
قل: ما شاء الله كان
الإيمان هو اللي حقق
صدقوني مش مصدق !
العجايز والديابة
خلوا مصر الحلوة غابة
موّتوا ضحكة صغارنا
نشـّـفوا ريق السحابة
واتخرس صوت الربابة
آن أوان العمر يبدأ
صدقوني مش مصدق !
الله عليك يا أبو الاشعار
من جهة نشفوا ريق السحابة هي نشفت خالص … :mdr:
صورة جميلة و جديدة
:emrose:
رائد عبد السلام
14/01/2012, 05h48
الله عليك يا شاعر أصدق المشاعر
ليه مش مصدق !!؟
دا حضرتك قلتها بنفسك (ان نور الفجر شقشق وان صوت العصفور زقزق)
والحمد لله مصر هاتكون في مكانه عاليه بس لو الكل أخلص النية لوجه الله تعالى
وزي ما قلت حضرتك ربك لما يريد...يوفق
دمت لنا شاعراً فذاً مبدعاً
خالص تحياتي وتقديري
ليلى ابو مدين
بل كل التقدير والاحترام لك
الأخت الغالية ليلي
(ليل البنفسج):emrose:
أشكرك علي مرورك الكريم وتواجدك العذب
رائد عبد السلام
14/01/2012, 05h52
الله عليك يا أبو الاشعار
من جهة نشفوا ريق السحابة هي نشفت خالص … :mdr:
صورة جميلة و جديدة
:emrose:
أهلا بعبقري النغم د هشام
ربنا يقويك وتخرّجها للنور
محاطة بأنغامك العذبة
وتوزيعاتك الرائعة ... بس إوعي توزّعني:mdr:
نورت أيها الصديق الرائع :emrose:
رائد عبد السلام
15/07/2012, 17h02
(أنت ... صاحبي )
http://www.sama3y.net/forum/attachment.php?attachmentid=297419&stc=1&d=1342408468
أنت صاحبي
لمّا نتقاسم برقـّة ... أي طـَقـّّة
وانت صاحبي
لما بتخسّع في مطلع
بدراعاتي تلاقي زقـّة
...
أنت تاكل تبن طازة
وآنا آكل عيشي بايت
والحياة آخر لذاذة
كأني شارب ميت قزازة
لما يستعجب زبون
من حمير متهندمين !
وانت بتبعتر عليقك
يعني مبسوط مش حزين
ابن عز ومحترم
جالنا فـُسحة في الهرم
ياللا بينا .... نستعين
لقمة العيش نتقاسمها
والحياة ربّك قاسمها
واحنا للعيش ... خدّامين
احمد محمد مصطفي
01/03/2015, 08h45
احسنت اخي الكريم
في انتظار جديدك دائما
Powered by vBulletin Version 3.8.4
Copyright ©2000 - 2024, Jelsoft Enterprises Ltd