محمد مخفي - تجارب شعرية

[محمد مخفي]

كنت البارح وحدي نخمم
بشراعي شاق مواج لبحور
واقف نمشي و أنا نايم
قابلني طير من فوق السور
يرفرف و يغرد بمناغـــم
بهواه خلى خاطري مكسور
غاب عليا هاذي أيــــــام
كالبصير لي يبعد على النور
جاني شيخ مســالــم
على وجـــــهه الوقــــــــور
كلمني بكلام معجم
كذا من سلطان عنه سطـــور
خسر معارك و غنايم
عرش خـــــدام و قصــــــــور
ناح بقى نــــادم
نوصيك لا يغنمــك الغــــرور
حبك خليه كالقصر على ساسو قايم
اذا راب يغيب عن وجهــك السرور
زور طلبة طبة و ليـتا في كل معالم
يقولوا لك ما بيك سحــور
نكتب ليك يا وليدي هاذ التمايم
تارى تفيدك بالفرحة تـــرجع مغمــور
قلت لو يا سيدي يا عالم
شفــت عرفات ما خليــت دشــور
يا سيدي في غرامــها راني هايم
قلبي مالداخل كالبركان يثــور
كم عرفت من محـــارم
خودات من كل دور
على هاذ العمال راني مصمم
كيفه حبيت لأن كون صبــور
0-0-0-0-0--0-0-0-0-0-0
آواااه ياقلبي يا اللايم
ما نفعك كاس و لا مجالس خمــور
مابقى ال حب الله الديم
كم من جنة عندو و أنواع التمـــور
شحـــال فيها روايح و نسايم
بخور و أنواع العطــــور

[محمد مخفي]

نوصيك يا وليدي خطيك من ذوك

من الحلو يذوقوك
من المرار يشربوك
فالوجه يشكروك
فالصح ينكروك

نوصيك خطيك من ذوك

عند حبابك ينصروك
مع عدوك ينشعووك
بالورد يشاوقوك
بالشوك يغطوك

نوصيك خطيك من ذوك

فالفايدة يشاوفوك
فالدين يغارقوك
فالهدرة(الكلام) يعجبوك
فالعشرة يعدبوك

نوصيك خطيك من ذوك

فالرزق يصاحبوك
فالفقر يهجروك
فالهناء يرافقوك
فالمرض يعايروك

نوصيك خطيك من ذوك

فالكفر يدخلوك
من الملة يخرجوك
فالحرام يمرغوك
من الحلال يهربوك
لو كان جبروا فالموت يحسدوك

نوصيك خطيك من ذوك

[محمد مخفي]

يا حمامة
من دون كل الحمام عشقتك
كذا من حمــامة حطت في غصنــك
صح عمــري
ما تركتهــا تسكن عشـــك
شحـــال
عرفت من وحدة في عهــدك
عمــري
ما خدعتــك حتى في ظهرك
شحــال من ذيب بنـــيابه عضك
جيتي للمخــفي مســح لك دمك
كذا من غراب جرحك و غــر بيك
أنا لي ضمدت ليك جراحــك
........ وقبلت بلي فيك
كنتي كل ما يتكــسر ليك جناحك
تجــي للمخفي يجبــرهوا ليك
المصيبــة فيا ماشي فيك
أنا النهار لأول لي عشقتــك
كي نتفكــر العاهد لي عطيت لك
نبكي و نكفــر بالنهار لي ربيتك
................تفكــري يا حمامة ذاك الأحد
لي ما غفر ليك فيه أحـــد
جيتي و مسح لك دمــوعك محمد
سقــاك من بير السعد
الجرح شكــون لي كان بقلبه يكمـــد
قلتـــي....
مد يدك ليدي و ربي شــاهد
فهمــت معناهــا حبيت من لسانك نتأكد
شافت عيني في عينك ..قلتي هذا عاهــد
..................كان منك الرد
كلمة سمعهــا ربي و منك ما نزيد واحد
ياحمـــامة ....
راكي في قفصي و تربيك هذا اليــد
كان مني ليك هذا عاهـــد
تفكـــري يا حمــامة ذاك الوعد
اليوم جرحتي الكبدة لي كانت لك وســاد
عــلاش عليك هذا الجـــهد
ياك أنا لحم و دم مانيش حديد
و اليوم تقوليهــا بقلب بارد(ببرودة دم)
تعرف قلبي أبيــض يا محمد
عرفـــت ذاك من ســـواد السعـــد
تفكـــري يا حمــــامة
كم من مــرة فضحــك ربي
أنا صابــر و داس في قلبي
علاش بدلتي لبــاس القيمــة
بالرخيص و ريش الهــامة
عندي كان ليك الشان و الهمــة
سكنتك صــدر أرضــه رخامــة
.....................و اليوم ما بقــات ليك خيمـــــــــة



http://mokhefi.123.fr/mm/images/news/ya_hmama.JPG

[محمد مخفي]

لســـماع القصيدة بصوتي أضغط على الرابط (http://www.archive.org/download/K1Souvenir/LikAnaDhikraa_64kb.mp3)


أليك أنا ذكرى و لا حكاية لصغـــار
ماهيش حتى قصــة للأعتبار
أنا ليك غيامة سحــاب و الا قصــة في كتاب قريتيهـــا
و الا صورة في جريدة شفتيـــــها ...من بعد نسيتهـــا
درتيني لعبة مابين يديك
من بعد ما شبعتي عينيك
أنت تمتعي و العبي كيمــا يظهر ليك

شفت القدامي
و خليت لي عند قدامي
داني الطمــع و الفاني
مليت من كلامك عيــاني

عيشتيني في لوهــام
غرقتيني في كذب الغرام
بخستيني قي لســـوام
خمرتيني بلا مدام

أنا لي بغيت
من وراك جريت
نسيت بنت البيت
بكلامك أنغريت

زين الشبوب تلمسانية
سبحان لي بدع فيه
خلاه لي ربي أية
أنا سامح ومبعد عليه

غرني كلام الرومية
و أنا نتبع فيه
عجبتني, عجبتني كلمة
salut sava bonjour je t'adore
a ce soir au revoir mon amour

أنا ليك غيامة سحــاب و الا قصــة في كتاب قريتيهـــا
و الا صورة في جريدة شفتيـــــها ...من بعد نسيتهـــا
درتيني لعبة مابين يديك
من بعد ما شبعتي عينيك
أنت تمتعي و العبي كيمــا يظهر ليك

[محمد مخفي]

فالدنيا قصـة و حكايات نصنعــوا منهم روايات
اللبيب يفهم بالمعاني يقول الحديث قيـــاس
كلامي عسل لسـاني ما يهمني كـلام الناس

الناقص مع نفسوا يعاني ما جبــر لها سـاس
تقول لو هنا ستنــــــاني بقولك مانيش عندك عساس

المجنون فالسوق يدني من الدنيا قاطع ليــاس
حياتــــوا ديما هانــــــي ما عندو ليشغل الراس

واحد غاويــه الفــاني يقــول لك مانــي لبــاس
يحسب و يعــاود ثاني في وسعو حاكموا وسواس

لا خر رقــاص ثــواني حياتو ديـــما نســناس
يندم يقول شتــاداني حاسب الدنيا كلها تعفاس

[محمد مخفي]

كيما قالوا لقوال+++++كلمة خفيفة و تجرح
دواها ماشي موحال++++الحلال هو الصح
صح كلمة صغيرة+++++و تجرح القلب
فالمحنة كبيرة+++++وشحــال تعذب
كلمة ختالة+++++في قولها ساهلة
حكايتها طويلة+++++منهم قيس وليلى
ياك هي حنينة+++++في مرضهــا شينة
تعجبك زينة+++++تخاف تقولهــا خيانة
شحال منها حكايات++++روميو و جوليات
زوج حروف+++++مايعرف سرهم طالب
ولا واحد كلوف+++++غير لي بهم متعذب
كلمة فيها لعجب++++حاروا فيهـا أهل الطب
هي هديــة+++++نزلهــا ربي أيــة
كيتهــا كية ++++++و مارهــاش بلية
تصدق لمول النيــة++++و وللخــداع شفــايا
كـــلمة حب هــي

[hamdi000]

يا حمامة
من دون كل الحمام عشقتك
كذا من حمــامة حطت في غصنــك
صح عمــري
ما تركتهــا تسكن عشـــك
شحـــال
عرفت من وحدة في عهــدك
عمــري
ما خدعتــك حتى في ظهرك
شحــال من ذيب بنـــيابه عضك
جيتي للمخــفي مســح لك دمك
كذا من غراب جرحك و غــر بيك
أنا لي ضمدت ليك جراحــك
........ وقبلت بلي فيك
كنتي كل ما يتكــسر ليك جناحك
تجــي للمخفي يجبــرهوا ليك
المصيبــة فيا ماشي فيك
أنا النهار لأول لي عشقتــك
كي نتفكــر العاهد لي عطيت لك
نبكي و نكفــر بالنهار لي ربيتك
................تفكــري يا حمامة ذاك الأحد
لي ما غفر ليك فيه أحـــد
جيتي و مسح لك دمــوعك محمد
سقــاك من بير السعد
الجرح شكــون لي كان بقلبه يكمـــد
قلتـــي....
مد يدك ليدي و ربي شــاهد
فهمــت معناهــا حبيت من لسانك نتأكد
شافت عيني في عينك ..قلتي هذا عاهــد
..................كان منك الرد
كلمة سمعهــا ربي و منك ما نزيد واحد
ياحمـــامة ....
راكي في قفصي و تربيك هذا اليــد
كان مني ليك هذا عاهـــد
تفكـــري يا حمــامة ذاك الوعد
اليوم جرحتي الكبدة لي كانت لك وســاد
عــلاش عليك هذا الجـــهد
ياك أنا لحم و دم مانيش حديد
و اليوم تقوليهــا بقلب بارد(ببرودة دم)
تعرف قلبي أبيــض يا محمد
عرفـــت ذاك من ســـواد السعـــد
تفكـــري يا حمــــامة
كم من مــرة فضحــك ربي
أنا صابــر و داس في قلبي
علاش بدلتي لبــاس القيمــة
بالرخيص و ريش الهــامة
عندي كان ليك الشان و الهمــة
سكنتك صــدر أرضــه رخامــة
.....................و اليوم ما بقــات ليك خيمـــــــــة






الاستاذ محمد مخفي :

كل هذا الاندحار الجميل من أجل نزع ابتسامة, مسح دمعة , وبحث عن لحظة صفو..


بوح متدفق من أعماق الروح بصدق وعفوية تنقصه دهشة الشعر لكنه جميل ومعبر

لنا حاجه كبيره للهدوء والسلاسه ففيها السكينه للنفس

لنكون اعمق في مشاعرنا والتعبير عنها..

ما اجمل الحزن الذي يناديك هنا

دمت مبدعا

:emrose::emrose::emrose:

[محمد مخفي]

مــــــالي باع*********ماعندي فيه ترباع
ما ديت منوا صاع*****مانستنى لقمـــة من فم لجياع
المخفي ما هوش حالي*****ال...مخفي حظي فالأسم
ما زالني بين نجالي******مثالك فالمرسم
ولا زالني نجــــالي*******و من كلامي نستلهـــم
ما ربطتنا عقود يا غالي****ما كنا في عود واحد متلقم
سلامي ليك ماهو بحيلي*****و ما نـــلعب فالمتكلم
الصدق هــو أصلي *****فيه من بويا وجدي متعلم
كلامي ليك من دم وصالي****مافيه خدع ماهو متعجم
أصلي كالعرجون البالي*****و بنيتي عليـــك مسلم
هـذا صريح قوالي******فيه ما نعرف نتــذمم
رجايا فالله العالي******بالصلاة على نبي نختم

[محمد مخفي]

راني خايف عليك ها لبية
لا دنيا ديرهـــا بيك
راني نشوف فيك غير نية
و الريح لي جا يديك
تتبسمي و قلبك تمدي
غير لليد لي تكويك
نطلبك بدلي ديك العقلية
خيير ما زمان يغدر بيك

هدا الوقت لا عقل و لا ضمير
بالسكنة و البانيولا يغويك
تقولي صــاييي راني كروشيت
هو يتملص تقولي شي حوته و لا عفريت
كي تلقيه عقلية dynamite
يعرف يطفيــها غير بالزلاميت
ما ديريش على شي بنات
يدوك غير للهلكـــات
و يغروك غير بالخردات
و تسلاف les salopettes

[محمد مخفي]

المالكي بن علي****من جفاكم زاد فالسقام
لفاطمة ويامنة راح مرسولي****رجعتوه منسي بلا جرام

بن قيطون بدع فالجمالي****في سالف حيزية زادهام
عزايا حتى في خيولي****من بعد لالة الريام

السوسي فالريام غزلي****مهزوم من ضيق اللثام
من ترصاعو رجع مبلي****ببلية عشق الغرام

بن مسايب بهواك مسلي****في سروب كيسان المدام
حبيبوا بحزاموا مدلي****ليلـــــة ينظر فالوشام

بن براهيم بات سالي****فالزهرة مرخوفة الحزام
ماينوصف حال بحالي****ما طاب لي فيه منام

الخالدي ببخته و الشلالي****وداعهم كان بالحتام
معاك يالعربي شاجرالي****منك صابربالكظام

[محمد مخفي]

هدية الى كل قلب احب من قلبه وكل روح عاشقت على صدق ولن تنكث عهدهــا

ريت القمر في وجهك مرسوم
الزين فيك من ربي موهوب
سبحان الخالق فيك ما رسم
العقل عندك قيمة من الادب
كالقمرة ضاوية مابين النجوم
عين الناضر فيها تتعجب
حبك خليته سر في قلبي مكتوم
طالب من كونك نتقرب
يا ربي
بحب ذ البنية راني مغروم
حرم نعاسي في مكاني نتقلب
أسمك
يا خديجة في قلبي مرشوم
عاشقك في هواك ديما متعذب
السالف على الوجه موسوم
تبسيمة من ذيك العين نهوم
سنيك جوهــر البياض فيهم غلب
الصدر كالرخامة موشوم
و الحاجب كالسلك مذهب
وين
تبان في جنبك بنت الروم
ذيك عربية من أصل عرب
يا صبية
بغرامك راني مهمـــوم
هذا كلامي عليك مرتب
الكل راه عندك معلوم
و كماله داري به الرب

[محمد مخفي]

مالقيت خيط نخيط به قفطاني
ولا فل ياسمين يزهي بستاني

مالقيت حبيب نعيد لو حزاني
ولا قلب حنين نديرو سلطاني

ما لقيت سلطان مالمظالم يحميني
ولا والي نشكي لو من ظلمني

ما لقيت فالخلايق رشيد رشداني
و لا صديق نجعلو حرزاني

ما لقيت جار على لجوار سنداني
ولا شقيق فالحروب لي كتفاني

ما لقيت نسيب نمتن به سيساني
ولا وليد ركيزة نقوي بها ركاني

مالقيت صدر جوفوا وسعاني
و لا عين بنظـارها ترعاني

ما لقيت فالبحور مومو لعياني
و لا فالدشور خلوة منها سكناني

ما لقيت فالغيوم غيث سقياني
و لا فالخـلى قــور رحباني

ما لقيت فالرياح من يبلغ رسلاني
و لا فالنجوم من تضوي وجداني

ما لقيت فالطيور زقزاق غيواني
ولا فالوحوش من ديرو عقاب عدياني

ما لقيت بيـر للسرار كتماني
ولا فالكهوف يندس نضماني

ما لقيت فالحروب عساكر سلماني
و لا فالخنادق جنود لي ونساني

ما لقيت طبيب يداوي جرحاني
و لا فقيه يفك لي ذالمعاني

ما لقيت الا لب كلام لساني
من كل هفوة قبس معاني

ما لقيت فالرجال كالمصطفى العدلاني
من كل س،،ة سن لي سناني

ما لقيت في لكوان الا كتاب قرآني
من كل كبيرة و صغيرة وراني

ما لقيت الا الوحد الفوقاني
من كل محنة ومحاين نجاني



محمد مخفي من الجزائر

[محمد مخفي]

جيتي حييتي الماضي**** من بعد أنا لي دفنتوا

ما عرفت هو نساني----- و لا أنا لي نسيتوا
كي نتفكر زماني****و جراح قريحتوا
تزيد هموم حزاني-----شاينسي جمار ليعتوا
آه ه ه من نار محاني****لوكان غزالي شفتوا
كل ما نغمض عياني-----تظهر فيهم تبسيمتوا
لمراسمهــا شتا داني****قلبي لفيه حرقتوا
هل ما زال ذكرني-----لي عندي تصويرتوا
شعلتي نار جفاني****بعدما جمارو طفيتوا
ما جبرت لي يغذرني----- غير لي مكوي بكيتوا
اسمك لازال على لساني****في صدري مازال بياتوا
لي كان بني و بينك-----في بياتي درت قصيدتوا

من يحسن عواني" غير" لي بكاني و بكيتوا

[محمد مخفي]

شوف يا صاحبي شوف
شوف مول الحيلة
يتمشى ديما مخطوف
تقول شي دعوة و لا تبهديلة
يكلف نفسه كلوف
لا عقل و النية قليلة
تشوفه تحسبه خروف
معلق في رقبتوا حبيلة
سروالوا طايح مرخوف
لباسوا كتان النيلة
كالديك ريشوا منسوف
ناقص و صحتوا عليلة
تعلم حرفة و حروف
جعلهم في رزقوا وسيلة
عايش عيشة حلوف
ما صدقت لو حتى خليلة
كلاموا صامط معيوف
فعايلوا خبث و رذيلة
فالصلاة يسبق فالصفوف
و يزكي في شهر الفضيلة
يقول لك أنا أصلي معروف
و جدي كان شيخ القبيلة
طعامي كبدة ملفوف
سلاطة طابعتها تخليلة
فالمايدة تجبروا ديما ملهوف
تقول ما كلاش عام و ليلة
قولي عليك ماهو تلوف
ما حكاه جمال و لا جميلة
سولوا خويا مخلوف
يجيب لكم البيان بالدليلة
كلامي فيك هذا موصوف
مانزيد قيل و لا وقيلة
أديه من عندي دراهم مصروف
قضي و شري بيه تبديلة
قولي رزين ماهو منتوف
وزني (ما)طابعتوا تفعيلة
شوف يا خويا شوف
شوف ذاك المكشوف

[بلقيس الجنابي]

كنت أبحث عنك سيدي في غوغل ويا للصدفة العظيمة أن أجدك في سماعي الخير وللاسف لا أدري كيف فاتني. هذا الكنز الشعري العظيم !! كيف هذا،،، !؟ صدقا لا أدري:(

سأعود لاقرأها وأتنفس أبيات شعرك سيدي بكل هدوء وروي
فقط جئت ألُقي التحية :emrose:

[محمد مخفي]

نحبك كثير شعر و صوت محمد مخفي

قلت ليك صباح الخير****نابيني وردي كليمة
أنا نحبــك كثيـر ****يا لعلجة يا لحميمة
وصافك وصاف الطير****كالطاوس عندك قيمة
قلبي ليك قور كـبير****نجعلك عالريام ريمة
خدوج البدر المنير****مزينها فيك تبسيمة
العينين لون غدير****القلوب تغنمي غنيمة
شعرك كتان حرير****كالذهب صياغ سليمة
صوتك تغريد عصافير****يبري العليل مالسقيمة
جمالك ما مثله نظير****زادت بهاه ذيك التوحيمة
من غرامك كيف ندير****ماجبرت غيرك نديمة
في هواك ديما سكير****كيسانو رجعولي غريمة
ندعي العالي القدير****يخليك ليا ديما
العالم الله الخبير****وحق جلالته العظيمة
انا نحبك كــثير****يا لعلجة يا لحميمة

YouTube - ‫ظ†ط*ط¨ظƒ ظƒط«ظٹط± ظ…ط*ظ…ط¯ ظ…ط®ظپظٹ‬‎ (http://www.youtube.com/watch?v=NSc1MWq6kyg)