دردشة موسيقية [الأرشيف] - منتدى سماعي للطرب العربي الأصيل

الألآتى

07/07/2007, 21h46

وعليكم السلام ورحمة الله وبركاته

تحياتى ياعم غازى ..

أحييك على إثارتك لمثل هذا الموضوع .. الذى سيضيف بالتأكيد بعض الثراء المعلوماتى للكثير منا ..

عموماً وقبل أن نخوض فى المناقشات .. أحب أن أنوه .. إلى أننى أعتبر نفسى متذوقاً وسميعاً قبل أن أكون موسيقياً ..

وأدعو معك جميع إخواننا وأساتذتنا المحترفين منهم والهواه للإدلاء بكل معلومه يمكن أن تثرى الموضوع ..

أخى العزيز : غازى ..

من واقع تجربتى الطويلة فى عالم الموسيقى .. تأكدت أن لكل ملحن أسلوبه المميز الذى يختلف بالتأكيد عن غيره .. وكذلك الموزعين وواضعى الموسيقى التصويرية للأفلام ..

قد يكون الإختلاف بسيطاً وقد يكون كبيراً وواضحاً ..

وأسلوب الملحن قد يكون فى الجملة اللحنية نفسها .. ( خفيفة ، ثقيلة ، طربية ، رشيقة .. ألخ )

وقد يكون فى إستعماله ألآت موسيقية معينة .. كأن يميل لإستعمال العود فى معظم أعماله .. أو البيانو أو القانون .. ألخ .

فمثلاً : فريد الأطرش ..

لا أحد يختلف على أسلوبه المميز فى الألحان .. حيث أنه يميل لإستعمال مقام البياتى بكثرة .. كما يحب إستخدام ألة العود .. كما أنه يميل أكثر للجمل التطريبية ..

أما محمد فوزى : فهو السهل الممتنع .. أى أنك تحفظ لحنه بسهولة برغم أن اللحن يكون معقداً بعض الشئ .. وهو يميل للألحان الراقصة الرشيقة ..

أما أستاذنا وأستاذ الأجيال : محمد عبد الوهاب .. فلا تستطيع تصنيف ألحانه تحت أى مسمى .. فهو المتطور دائماً .. ولكنك تستطيع معرفة أسلوبه بخبرتك وأذنك الموسيقية وكثرة سماعك لأعماله ..

ولن أتحدث وحدى فى هذه المناقشة .. فلأترك المجال لأساتذتى يدلون بدلوهم .. وأكرر شكرى لك أستاذى غازى على طرحك لهذا الموضوع ..

unicorn

07/07/2007, 23h22

شكرا يا غازى باشا على فتح هذه الصفحة للمناقشات الموسيقية
و دايما السبق لك يا استاذنا فى ذلك.
و الميزة التى لاتعوض هى حجم الفائدة التى سنستفيدها من الموسيقيين الكبار فى المنتدى فى مناقشات موسيقية حرة و غير اكاديمية.
و شكرا للاستاذ الالاتى الاستاذ و المعلم (بضم الميم) الموسيقى الرائع.
و اسمحوا لى ادلى بدلوى فى موضوع الطابع الموسيقى للملحنين انا ايضا الى حد ما استطيع التمييز بين الحان بعض كبار الملحنين مثل فريد الاطرش و فوزى و بليغ .
فمثلا بالاضافة الى الشرقية الشديدة فى الحان فريد نجده احيانا يأخذ بعض الايقاعات الغربية الحديثة فى وقته مثل التانجو الفالس و السامبا.
و هذا حال معظم الحان فوزى ايضا و لا ادرى لماذا لا تقوم الاوركسترات الكبيرة مثل اوركسترا القاهرة او اوركسترا مكتبة اسكندرية باعادة عزف الحان فريد و فوزى بالامكانيات الالية الضخمة لهذه الاوركسترات و مع قوة الالحان اعتقد ستكون النتيجة غير عادية فأذا اردنا ان نعرف الغرب بموسيقانا العربية فمتهيألى ان فوزى و فريد هما من يمثلونا.
اما الحان بليغ فما يميزها انه يكون فى خط لحنى معين و ينتقل فجأة الى خط اخر (اظن ان هذا هو الانتقال بين المقامات) و هذا الانتقال هو ما يولد الاحساس بالشجن او الحزن فى الاداء و نجد ذلك هو القاسم المشترك فى معظم الحانه مثل(تخونوه ,موعود, اى دمعة حزن لا, حكايتى مع الزمان , حنين,.....) و هذا ما يجعل الحانه سهلة التمييز.
و هو الملحن المفضل الى نفسى فى الجيل السابق وكما قال الرحبانية لولا الرحبانية ما كانت فيروز ايضا لولا بليغ ماكانت وردة و ما اخذ عبد الحليم و صباح و رشدى هذا البريق الذى تضفيه الحان بليغ الى اصواتهم.
اما عبد الوهاب فهو كما قال الاستاذ الالاتى انه من يهد حيل العازفين (انا اعزف بيانو و keyboard على خفيف) و فعلا اصعب لحن يمكن عزفه هو لحن لعبد الوهاب و لا انسى كم المحاولات الفاشلة التى بذلتها لعزف مقدمة عاشق الروح و كم الصداع الذى اصبت به اهل بيتى لاخرج جملة موسيقية واحدة ناجحة من عاشق الروح
نسيت اضيف فى جزئية عزف الاوركسترات الكبيرة لالحان فريد الاطرش و فوزى ,
تخيلوا مثلا اوركسترا بقوة ضخامة اوركسترا القاهرة السيمفونى يعزف لحن الخلود او الربيع او علشان ماليش غيرك او زمان يا حب , و الله ستنافس معزوفات james last او richard clyderman .

غازي الضبع

08/07/2007, 07h14

طبعا إنتو أدرى مني يا جماعة في هذا الموضوع ولو إني كنت أعزف أورج زمااااااان ، طبعا مش عزف عزف يعني .. ولكن كده يعني على ما تفرج وكنت أحب قوي أعزف مقطوعتي إنت عمري وأمل حياتي ..
وكنت فاكرهم ساهلين لكن عرفت بعد كده إن العملية معقدة فعلا على رأيك يا آلاتي ..
بس أنا عايز أقول حاجة تانية خالص ..
باحس كده إن كل ملحن بتغلب عليه روحه الشخصية في ألحانه ..
ويمكن أكبر مثال هو اللي بنتناوله حاليا الموسيقار منير مراد .. فكل ألحانه تحس كده إنها عليها بصمة منير مراد الخفيفة المرحة ، طبعا الأمثلة كتير ..
حاجة غريبة ، باحلم بيك ، وحياة قلبي وأفراحه ، سونة يا سنسن ، وغيرهم كتير دا غير أغانيه هو والاسكتشات الجميلة بتاعته ..
كذلك الموسيقار الجميل محمد فوزي .. والتي كانت روحه الشخصية مرحة جدا في الطبيعة ..
أما الأستاذ عبد الوهاب فكان ( من وجهة نظري ) موسيقار محترف ،، يعني مالوش دعوة بروحه الشخصية ، بل بروح الأغنية لو عايزها تبقى مرحة هاتبقى في منتهى المرح .. ولو عايزها تبقى نكد هاينكد على المطرب وعلى السميعة كلهم ..
يعني مثلا أنا مافيش مرة أسمع أغنية أيها الراقدون تحت التراب ولا أبكي .. حتى لو كنت في وسط فرح من الأفراح وسمعتها ، مابمسكش نفسي عن البكاء ..
في حين مثلا إني باحس إن في ألحان جميلة جدا بس مش ماشية مع الكلمات ..
وعلى سبيل المثال ( من وجهة نظري ) أغنية موعود .. الحتة بتاعة وميل وحدف منديله كاتب على طرفه أجيله .. طبعا في منتهى الجمال بس حاسس كده إنها مش ماشية كلحن مع كلمات الأغنية التي يملأها العذاب والوعد وإن قلبه عمره مابيرجع المشوار بفرح ..
طبعا يا جماعة أنا مين عشان أتكلم على الموسيقار الجميل بليغ حمدي ، وأنا لا أقصد أي هجوم أو نقد لا سمح الله ..
لكن أهي مجرد دردشة ..

تحياتي واحترامي
غازي

غازي الضبع

08/07/2007, 19h22

تجربتي الموسيقية في العزف ..
أذكر أني في أحد الأيام زماااااااان حبيت أتعلم الموسيقى ، والعزف وكان عاجبني قوي الأورج ..
وكان يتولى تدريبي أحد أصدقائي الذي كان يعزف على الآوكورديون ، كنت قبلها مغرم قوي بالمقدمات الموسيقية لأغاني عبد الحليم وأم كلثوم اللي من ألحان عبد الوهاب ، وكنت عامل كوكتيل لهذه المقدمات الموسيقية ، ويمكن من هنا بدأت أقارن ما بين الملحنين وبعضهم ، وطبعا وجدت أن جميع المقدمات الموسيقية اللي عجبتني 90 % منهم من تأليف عبد الوهاب ، بإلاضافة إلى مقدمة أغنية ثورة الشك لرياض السنباطي ، والتقاسيم اللي في مقدمة أغنية يا مالكا قلبي لمحمد الموجي ، وطبعا كام اغنية لفريد ..
ومن هنا أصريت على تعلم العزف حتى اتمكن من عزف هذه المقطوعات وفعلا عزفت أمل حياتي وإنت عمري ، وكام أغنية كده .. كل دا طبعا مش تعلم أكاديمي ولكن ( على ما تفرج ) يعني صباعي يروح هنا وبعدين هنا ثم هنا .. هايطلعوا في الآخر كده ..
ولكن جت عليا لحظة كان نفسي أوصل لمرحلة صاحبي دا اللي كان بنقول له على أي نغمة يروح عازفهالنا على طول ..
وفعلا بدأنا اول الدروس الموسيقية .. وعلى ما أذكر أن أول أغنية أعزفها عزف يعني ممكن يتقال عليه عزف بجد كانت أغنية الحلوة دي قامت تعجن في الفجرية ,, وأذكر أنها كانت مقام حجاز ( صول ) ..
وابتدا أول درس والتاني ..
وبعدين رحت أزور صاحبي إياه في أحد قصور الثقافة .. وإذا بي أقابل مايسترو الفرقة بتاعته وهي سيدة تدعى على ما أذكر مدام عصمت .. وبعد ما عرفني عليها .. فإذا بالمفاجأة الكبرى ..
أنها تعرض عليا أن أغني معاها في الفرقة .. :crazy:
...............................
وبلاش بقى أكمل عشان يفضل الود موصول ..;)

غازي الضبع

09/07/2007, 16h55

الأستاذ عبد الوهاب والسنباطي
مرة واحد صاحبي كان عارف طبعا إني فنان كبير ;) فسألني سؤال غريب شوية .. إنت بتحب عبدالوهاب أكتر ولا السنباطي . ؟
من غير ما أفكر قلت له عبد الوهاب طبعا ..
قاللي : كنت متأكد إنك هاتقول كده من كتر حبك لموسيقاه ..
بس أنا باقول إن السنباطي كان أتقل من عبد الوهاب .
قلت له : بناءاً عن إيه بنيت رأيك ..
طيب انا لما قلت عبد الوهاب .. كان في دماغي كل مطوعاته الموسيقية الجميلة المعروفة عنه ( عزيزة و خطوة حبيبي وحبيبي الأسمر وزينة وليالي لبنان وقمر 14 و....و ........)
وكمان في دماغي جميع ألحانه الجميلة لكل المطربين .. وإنه إزاي كان بيفصل اللحن على مقاس المطرب أو المؤدي لإنه لحن للعديد من المؤديين بجانب المطربين ،، وكل أوبريتاته المتنوعة ..
دا غير طبعا ألحانه لنفسه ..
وغير إنه مطرب مافيش بعد كده ..
وغير وغير وغير ..
وجاي تقوللي السنباطي .. ودا طبعا مش تقليل من قيمة رياض السنباطي ، ولكن من وجهة نظري إن طبعاً عبد الوهاب بيعجبني أكثر.
رد عليا وقاللي : هل عبد الوهاب عرف يعمل حاجة زي الأطلال ولا حيرت قلبي معاك ..
ومن هنا حسيت إن كلامه كله هايبقى أي كلام ..
وطبعا سكت وحبيت أنهي الحوار .. لكنه استطرد وقال مافيش حد نجح مع أم كلثوم زي السنباطي ..
رديت عليه بهدوء وقلت له : هما طبعا أغنيتين ما فيش بعد كده .. بس دول عمرهم ما يبقوا مقياس للنجاح والفشل ..
ولو بنفكر زيك كده .. يبقى نقدر نقول إن السنباطي تقريبا فشل مع الناس كلها إلا أم كلثوم ..
وبصراحة كده .. أنا ماعرفش غير أغنيتين بس للسنباطي مع عبد الحليم ، وفي نظري الشخصي .. الإتنين أفشل من بعض .. وهما لحن الوفا ، وأنا وإنتي وانا ..
والدليل على كده إنهم مش هاتلاقي كتير حافظهم زي أي أغنية تانية لعبد الحليم .. لإنهم ماعلّموش جوه إحساس الناس.
بعكس عبد الوهاب .. إللي ما شفتش ليه أغنية ممكن يتقال عليها أي كلام .. كما أن كل موسيقى تعجب أي واحد ويسأل عليها غالبا ما بتطلع لعبد الوهاب ..
كما أن عبد الوهاب دائما ما كان سباق في ألحانه .. واللي فعلا يتقال عليها سابقة عصرها ..
وعموما في الأول وفي الآخر كل كلامنا دا من وجهة نظر غير علمية طبعا .. وسواء عبد الوهاب أو السنباطي الإتنين أساتذة كبار الله يرحمهم ويعوض علينا ..
وفي الأول وفي الآخر دي مجرد دردشة ..

تحياتي واحترامي
غازي

الألآتى

09/07/2007, 18h29

أه ... بتضطرونى أتكلم ..

طبعاً كان الهدف من الموضوع بتاع عمنا غازى .. هو أساليب الملحنين المختلفة ..

ولكننا دخلنا فى الذكريات .. وبصراحة لقيتها ذكريات جميلة وعندى زيها كتير ..

علشان كده حاأستمر فى الكلام عن أساليب الملحنين ومافيش مانع من بعض الذكريات المرتبطة بذات الموضوع ..

ساعات وإحنا قاعدين قدام التلفزيون ( أنا والمدام والأولاد طبعاً ) .. ويبدأ فيلم ( أى فيلم ) .. وأبتدى أعمل مسابقة سريعة على الماشى .. فى معرفة صاحب الموسيقى التصويرية للفيلم .. قبل أن يظهر إسمه فى التتر ..

وكنت أنا إللى أفوز وحدى فى معظم الأحيان .. لكن بعد مدة ومع تكرار المحاولات والمسابقات .. أصبح الأولاد يعرفون نسبة لابأس بها من واضعى الموسيقى التصويرية بمجرد سماع موسيقاهم .. وأبدأ أنا فى تعريف الأسرة بسمات كل من هؤلاء الموسيقيين .. هذا يحب أن يستخدم الوتريات بكاملها فى موسيقاه .. وذاك يحب إستعمال الطبول والدفوف .. وثالث يحب الألآت الشرقية أكثر .. وو .. ألخ ..

أما بالنسبة للفوارق بين عبد الوهاب والسنباطى .. كمثال لأساليب الملحنين المختلفة ..

لاأحد بالطبع يختلف على موهبة الإثنان ولا على عبقريتهم ..

ولكن ..

عبد الوهاب صنايعى .. يعمل كل حاجه وأى حاجة .. أغنية عاطفية .. ماشى .. أغنية حماسية .. أوكيه .. مونولوج .. مافيش مانع .. رقصة .. مايضرش .. إستخدم كل المشهيات والبهارات فى أعماله .. تاجر يعنى .

السنباطى فنان بوهيمى .. أى يعمل مايحلو له .. يعمل إللى فى دماغة بس .. يعشق إستخدام الأوركسترا بكامله .. يستخدم الوتريات بعرضها ..

وإذا كان هناك قائل بأن السنباطى لم ينجح إلا مع أم كلثوم .. فهذا القول يفتقد للدقة والتحليل العلمى ..

فنحن نتفق على أن أعمال السنباطى ثقيلة .. إذن .. لابد لها من مؤدى ثقيل .. مثل أم كلثوم ..

وإن كان هناك بعض الأعمال التى نجحت جداً مع مطربين غير أم كلثوم ..

فمن منا ينسى أغنية ( ياناسينى ) لشهرزاد .. و ( عايز جواباتك ) لنجاح سلام .. وألحانه العبقرية لوردة وأشهرها ( لعبة الأيام ...وو ..

وأتذكر .. أن السنباطى قام فى الفترة السابقة لوفاته بغناء بعض ألحانه ومنها ( لا تقل ضاع حبى من يدى ) والذى قامت وردة بغناؤه .. ولم يعجب هذا السنباطى فقرر غناء اللحن بصوته .. ولا ننسى ألحان مثل ( أشواق ) و ( أين حبى ) التى قام السنباطى بغنائهم بنفسه .. لأنه لم يجد مطرب قادر على أداء مثل هذه الألحان ..

الخلاصة .. أن لكل من عبد الوهاب والسنباطى أسلوبه ولونه المميز وطريقته فى العمل ..

وفى الرد القادم بإذن الله سنتحدث عن إثنان آخران من الملحنين ..

unicorn

09/07/2007, 20h28

حمدا لله على السلامة يا هانى فينك يا باشا ؟
و مرحبا و الف مرحب ابلة سامية
بعد اذن الاستاذ ابو حسام عايزين نزنق عم غازى يقولنا المدام المايسترو دى كانت عايزاه يغنى ايه ؟
و انا بتكلم بجد يا غازى انت صوتك حلو فعلا؟؟؟؟؟؟؟
و الله نفسى واحد من سماعى يطلع بيغنى كويس و يعمل حاجة بدلا من اسطبل الغناء اللى بره ده.....
ا/ ابو حسام تسمح لى اختار بين الاثنين ؟؟؟
بالنسبة لعبد الوهاب و السنباطى انا رأيى انها طبعا اذواق و برغم جمال الحان السنباطى و كم التطريب فى جمله الا انى افضل عبد الوهاب ذو الجمل التى تخطف الاذن و التى تكون اول مرة تسمعها و تظن انك سمعتها من قبل او انها ليست غريبة على اذنك مين يعرف يعمل مقدمة موسيقية مثل انت عمرى و فكرونى و نبتدى منين الحكاية كما قدمها عبد الوهاب ؟؟؟
و ايه كم الثراء و التنوع فى الالحان ده.
بلاش مين يعمل مقطوعة زى عزيزة مثلا و يسيبها كده دون ان تغنى او تكون مقدمة موسيقية لاحدى الاغنيات الا ملحن ثرى الاحان و ليس عنده مشكلة فى عمل الحان فى اى وقت و على مزاجه.
عبد الوهاب عبقرى و فذ و متميز , الله يرحم الجميع.
بالمناسبة حد عنده مقطوعة عزيزة بس جيدة الصوت غير الموجودة فى صفحة عبد الوهاب , انا سمعتها فى احد الفضائيات عاملينها حلو اوى بس على كليب راقص كده .
و لى مع هذه المقطوعة ذكرى اننى كنت فى فرح فى المحروسة فى اسكندرية سنة 1991 و كان الباند كبير جدا بل اجمل باند افراح اراه و الباند ده كان بتاع متعهد حفلات نادى سبورتنج و اسمه نديم سماقية. ,كان فيه كى بورد و درامز و الات نفخ نحاس و كمان و عود و رق و طبلة و كانت اللى بتضرب الطبلة واحدة اسمها صباح ,المهم اول حاجة يعزفوها فى الفرح كانت عزيزة و لا تتخيلوا مدى الجمال و الروعة التى سرت فى القاعة و مدى تفاعل الناس مع المزيكا علما بأنه حتى هذه الفترة لم يكن شائعا ابدا تفاعل الناس مع الباند فى الافراح , و طبعا دلوقت التفاعل اصبح على ودنه على نغمات العنب العنب و النهاردة فرحى يا جدعان:crazy:

الألآتى

10/07/2007, 01h16

مع إحترامى طبعاً لكل الأراء .. وباحب مين وماحبش مين .. دى أذواق .. وتعدد الأذواق .. شئ مطلوب ويؤدى لتعدد المدارس الموسيقية ..

ولكننا ياجماعة لسنا فى صدد المفاضلة بين ملحن وأخر .. نحن نبين أساليب كل ملحن ومميزاته ..

أنا شخصياً يعجبنى فى عبد الوهاب أشياء .. ويعجبنى فى السنباطى أشياء .. المسألة ليس لها علاقة بالشعبية والإنتشار ..

وبالمناسبة .. أين فطاحل المنتدى .. بيتفرجوا من بعيد ولا إيه ؟؟

فين المتخصصين .. فين السميعة والذواقة .. يادى النيلة ..

غازي الضبع

10/07/2007, 05h14

السلام عليكم ورحمة الله وبركاته
حبيبي الأستاذ أبو مندور
تعرف إن موسيقى عزيزة هي السبب في تعرفي على منتدى سماعي ، حيث كنت أبحث عنها في كل حتة في مصر ، وسألت الشركات الكبيرة زي صوت القاهرة وصوت الحب وراندا فون .. ومالقيتهاش خالص غير في موقع لعبد الوهاب بس تسمع فيه الأغنية بس ، يعني ماينفعش تحملها .. وفين وفين على بال ما لقيت نتيجة البحث جابتني هنا في سماعي ، ومابقتش مصدق نفسي ، لدرجة إني كنت باحلم بسماعي ، وعلى طول في اشتياق لأعرف جواه إيه تاني ..
طبعا موسيقى عزيزة دي أنا لو بإيدي أدي لعبد الوهاب أوسكار عليها لوحدها .. موسيقى في منتهى الجمال .. ومش عايز أقوللك إن من ساعتها ( من سنة ) وأنا كل يوم أسمعها .. لدرجة إن عندي في البيت لو ماشغلتهاش في يوم .. بييجوا يطمنوا عليا .. :mdr:
أما بالنسبة للزنقة اللي عايز تزنقهالي بتاعة حكايتي مع الغناء .. فهي يا سيدي ...
ما بلاش ..........
بلاش بلاش .. خلينا كده حلوين وزي الفل :o
سلام

unicorn

10/07/2007, 12h01

ولكننا ياجماعة لسنا فى صدد المفاضلة بين ملحن وأخر .. نحن نبين أساليب كل ملحن ومميزاته ..

أنا شخصياً يعجبنى فى عبد الوهاب أشياء .. ويعجبنى فى السنباطى أشياء .. المسألة ليس لها علاقة بالشعبية والإنتشار ..

عندك حق يا استاذ محمد

احنا خرجنا عن الموضوع الاساسى و دخلنا فى المفاضلة بين الناس الكبيرة دول , معذرة يا باشا .
بس انا حبيت اسألك سؤال هل تستطيع تمييز الحان السنباطى ؟؟؟؟ يعنى اذا كان مثلا لعبد الوهاب طابعا موسيقيا مميزا فهل لسنباطى ايضا طابع مميز يمكن عن طريقه معرفة ان صاحب اللحن هو السنباطى؟؟؟؟
اصل انا كان نفسى اعرف ملحن انا قلبى دليلى لليلى مراد و ان كنت ناسى افكرك لهدى سلطان لاعجابى الشديد بجمال اللحن و عرفت انه السنباطى و لكنى لم اقدر على معرفة ذلك بنفسى .
فهل موسيقى ممارس للموسيقى مثل حضرتك يستطيع هذا التمييز؟؟؟؟
نيجى للاستاذ غازى المتعب
انت مش عايز تقول ايه اللى حصل:mad:؟؟؟؟؟
الانكار مش حايفيدك.....
حاتقول و لا تيجى قدام البيه المأمور و تقول.....
لأ بجد يا باشا شوقتنا فعلا نعرف الست المايسترو دى قالتلك ايه؟؟؟؟؟؟

الألآتى

10/07/2007, 18h33

طيب .. نكمل ..

نرد عليكم فى الأول وبعدين نمسك فى إثنان آخران من الملحنين ..

بالنسبة لمقطوعة ( عزيزة ) عشق الأستاذ أبو مندور ..

نتكلم عنها شوية .. وأهو كله كلام فى المزيكا ..

هذه المقطوعة برغم جمالها وحيويتها وإعتبارها من أعمال عبد الوهاب الموسيقية المميزة .. لكنها ليست أحسن مقطوعاته ..

ولا نعتبرها من عبقريات عبد الوهاب لبساطة تنفيذها .. وربما هذا هو سر جمالها ..

تعتبر ( عزيزة ) من قوالب التحميلة .. برغم إيقاعها الراقص .. والتحميلة ياإخوانى عبارة عن جملة رئيسية يتم عزفها بجميع الألآت .. وتتكرر هذه الجملة على مدار التحميلة .. ويتخللها جمل موسيقية للألات المنفردة ..

والألات المستخدمة هنا هى ( الأكورديون ، الناى ) مع ملاحظة وجود الكمان والقانون فى جمل قصيرة جداً ..

وواضح طبعاً أن الألآت المستخدمة شرقية .. ولا وجود للنحاسيات والخشبيات فى المقطوعة ..

يستعمل عبد الوهاب فى مقطوعته .. مقام ( الكرد ) وهو المقام السائد طوال المقطوعة .. فيما عدا تحويلات قصيرة لمقام النهاوند المجاور للكرد .. والجزء الأخير من المقطوعة يستعمل مقام العجم ( الميجور ) ثم يعود للكرد لينهى مقطوعته ..

وقد إستعمل عبد الوهاب طريقة السلم الملون ( كروماتيك ) بين أجزاء المقطوعة .. ليستقر على سلم مقام النهاوند ليبدأ الجزء التالى ..

ولايمكن أن ننهى تحليلنا البسيط هذا قبل أن ننوه لطريقة عبد الوهاب فى إنهاء المقطوعة .. فقد أنهى المقطوعة بنغمة معلقة .. كيف ؟

المفروض أن ينهى الأستاذ عبد الوهاب مقطوعته على درجة ركوز مقام الكرد ( الرى ) .. أو حتى النهاوند ( الصول ) .. لا مانع .. ولكنه أبى أن ينهى المقطوعة كأى موسيقى .. فأنهاها على نغمة المى بيمول .. وليس على نغمة الرى أو الصول .. والموسيقيون يسمون هذه القفلة .. قفلة معلقة .. وهذا هو عبد الوهاب ..

بالنسبة لسؤالك ياأبو مندور .. عن مدى معرفة أسلوب السنباطى .. ذكرنا من قبل .. أن السنباطى يتميز بضخامة موسيقاه ويحب أن يستعمل الأوركسترا بكامله .. وككل ملحن .. يفضل السنباطى إستعمال بعض الجمل الموسيقية المميزة .. حين تسمعها تعرف أنه السنباطى .. إسمع مثلاً مقدمة أغنية ( عايز جواباتك ) ومقدمة أغنية ( على عينى بكت عينى ) وقارن بينهما .. ستجد تشابهاً كبيراً فى الجمل الموسيقية .. كما يحب السنباطى إستعمال أسلوب ( الأدليب ) فى موسيقاه )

والأدليب ياسادة .. هو بداية اللحن ويكون العزف بدون إيقاع .. أى عزف يعتمد على إشارة المايسترو .. ومعظم أعمال الستباطى الكبيرة هكذا .. أدليب ضخم بعرض الوتريات .. يمكنكم الأن معرفة أسلوب السنباطى بمجرد سماع أحد ألحانه ..

أما الأخت العزيزة ( سامية ) ..

فأنا مش زعلان .. أنا مبسوط بيكم جداً .. ولكنى كنت أحب تواجد موسيقيين غيرى حتى نثرى الموضوع أكثر .. وعموماً البركة فيكم .. وسنستمر بإذن الله .. لأننا نتحدث فى شئ نحبه جميعاً ..

وسأعمل بإقتراح أخانا أبو مندور وأتحدث عن على إسماعيل وأندريا رايدر وفؤاد الظاهرى بصفتهم من أشهر الموزعين وواضعى الموسيقى التصويرية للأفلام .. فإلى الرد القادم ..

غازي الضبع

11/07/2007, 12h13

بعد كل هذه المناجاة
وكل هذا الاستفزاز الفني
وكل هذه المحبة ..
بس خلليكوا فاكرين إن إنتوا اللي عايزين
وأنا نبهت قبل كده ، وقد أعذر من أنذر ..:mad:
مضطر أكمل لكم الحكاية ..
بعد أن تقابلت مع مدام عصمت ( الله يمسيها بالخير إذا كانت لسه موجودة ) .. وهي بعد أن سمعتني - يا سامية - بدندن كده أغنية يا تمر حنة لفايزة أحمد مع صاحبي اللي حكيتلكم عليه بتاع الأكورديون بصحبة كام واحد من زملاؤه في الفرقة .. جات واتعرفت عليا وقالتلي : صوتك حلو بس عايز يعلا شوية عن كده ..
قولتلها : ربنا يخليكي دا انا كنت باهزر يعني مش باغني بجد ..
قالتلي : لا والله صوتك فعلا حلو ..
وراحت فاتحة الأورج اللي أمامها .. وقالتلي طب إنت حافظ إيه تاني ..
قلت لها : حافظ كل أغاني عبد الحليم وشوية لطلب وشوية لعبد الوهاب ..
قالتلي : مش حافظ حاجة لمحمد فوزي ..
ضحكت وقولتلها : يعني مش كفاية اللي قولتلك عليهم دول ..
قالتلي : حافظ مال القمر ماله..
قولتلها : آه
راحت عاملة المقدمة بتاعتها على الأورج وقالتلي : سمعني
طبعا قعدت اتنحنح ، واعمل نفسي باسلك في صوتي ، وابتديت .. مال القمر ماله .. ماجيناش على باله ..
وبعد ما خلصت حسيت إنها هاتقولي ماشفش وشك هنا تاني .. :mdr:
واحتمال تطرد صاحبي دا من الفرقة كمان ..
لكن الحقيقة حصل العكس تماما ..
لقيتها معجبة قوي بصوتي ، وقالتلي طيب تستناني بعد البروفة .. نكمل .. ولا إيه رأيك تخش معانا في البروفة ..
كانوا بيعملوا أغنية قمر له ليالي للأستاذ داوود حسني
قولتلها مش حافظها .. قالتلي أقعد اسمعنا وشوف احنا بنعمل إيه ..
لكني مش عارف ليه حسيت إني مكسوووف :o فاعتذرت وقولتلها طيب هو أنا أصلي عندي مشوار مهم دلوقتي ، ينفع آجي لحضرتك يوم تاني .. قالتلي مافيش مشكلة .. خلليها بعد يومين .. مستنياك .. إوعى ماتجيش ..
ومشيت وأنا حاسس إني خلاص وصلت ، وباقول في عقل بالي ..
الظاهر إن العندليب هايرجع تاني .. :mdr:
ورحت قعدت أسمع في أغاني محمد فوزي كلها ..
آه .. نسيت أقوللكم إني سألتها إشمعنى محمد فوزي ..
قالتلي : عايز تتعلم الغنا إسمع محمد فوزي ، وشوف مخارج الكلام منه إزاي ..
قعدت أسمع أغاني فوزي كلها اللي طبعا أنا عارفها وحاببها ، بس المرة دي كان لها طعم تاني خالص ، وحسيت فعلا إن كل الحروف خاجة منه واضحة جدا ، وكل النغمات متقسمة وباينة وواضحة على الآخر ..
وحفظت أغلب أغانيه اللي سمعتها ..
وانتظرت اليومين يعدّوا..
إلى أن جاء اليوم المعهود .. ولبست واتشيكت وشربت يانسون طبعا قبل ماروح .. ومارضيتش أشرب ولا سيجارة ( أيام ما كنت بادخن ) ..
وتوكلت على الله ورحت لمدام عصمت ..

وإلى لقاء آخر إن شاء الله
غازي

unicorn

12/07/2007, 02h01

استاذنا / ابو حسام

الله على شرحك البسيط و تحليلك الموسيقى السهل فعلا فى منتهى الجمال يا استاذ محمد
انا كنت بشوف فى الموسيقى الالية قوالب السماعى و اللونجا و البشرف و التحميلة و لا افهم ماذا تعنى هذه المسميات و الان قد عرفنا واحدة و هى التحميلة .
و بالنسبة لمزيكا عزيزة يا استاذ ابو حسام تحليل حضرتك لها هايل و بالذات كلمة (ولا نعتبرها من عبقريات عبد الوهاب لبساطة تنفيذها .. وربما هذا هو سر جمالها ..)
عجبنى اوى تلخيص حضرتك لها فعلا لحنها بسيط جدا و سلس جدا و تألفه الاذن التى تسمعه لاول مرة بسهولة و هذا شأن عبد الوهاب فى معظم الحانه..... السهل الممتنع الذى لا يأتى به سواه.
و اكيد طبعا دى مش احسن الحانه و انما كانت احد الامثلة التى ارويها على عبقرية عبد الوهاب التى هى فى رأيى البساطة الشديدة فى اللحن و صعوبة التنفيذ .
و زى ما قلت لحضرتك على اسماعيل (الذى و عدتنا تكلمنا عنه ) استطيع ان اميز الحانه بسهولة و لا استطيع ان اقول كيف فلا املك قدرة التعبير الموسيقى الرائع الذى تملكه حضرتك لاحترافك بالموسيقى.
اما عن انتظار حضرتك لاحد الاعضاء الموسيقيين ليحمل عنك قليلا كثرة اسئلتنا فأكيد ا/ احمد الديب بيتابع من بعيد و منتظر لحظة ما ليدخل مع حضرتك.
شكرا على سرعة ردك يا استاذ محمد و منتظرين نفاذ وعدك .
نيجى لابلة سامية التى لا تريد ان تشاركنا برأيها برغم تأكدى من حسن ذوقها و سلامة حسها الموسيقى و التى تقول انها ليست متخصصة فى الموسيقى طيب ايه رأيك نقفل الصفحة دى خالص و نقفل المنتدى كمان لان المتخصصين فى الموسيقى امثال ا/ محمد الالاتى وا/ احمد الديب قليلون جدا:mad:
ده احنا لسة كنا بنقول حانفتح معهد موسيقى على ما تفرج :mad:....ياعنى شايفانى انا و غازى متخصصين اوى؟؟؟؟ ما احنا عمالين نسأل ا/ محمد و بنحاول نعرف ؟؟؟
هو يمكن يكون الاستاذ غازى اكثر تخصصا و ده حايظهر بعد ما يخلص حكاية المايسترو عصمت:cool:....
والله خلتنى اضحك ضحك يا غازى على اسلوبك و طريقة سرد الحكاية و بالذات لما ابتديت تسلك زورك و تتنحنح و تشرب ينسون و عملت الواد المطرب اللى ماحاصلش :mdr:
و مش عارف ليه جاه على بالى ان المايسترو عصمت دى شبه المطربة اللى فى فيلم دليلة (بتاعت الحلو فى الفراندة شاورلى و بص لى و القلب فى الزمان ده بسرعة بيتملى)
كمل يا غازى الموضوع يزداد سخونة و شديتنا اكتر.......

unicorn

12/07/2007, 02h19

نسيت اسأل استاذ محمد الالاتى
اغنية حبيب الروح لليلى مراد الحان السنباطى؟؟؟
هى ينطبق عليها المواصفات التى قلتها حضرتك من حيث ضخامة البداية بكامل طاقة الاوركسترا بس بالنسبة للادليب ما اظنش لان الايقاع فيها شديد و قوى.

الألآتى

12/07/2007, 23h40

أهلاً أخى أبو مندور ..

بالنسبة لمطالبتى بإشتراك بعض الأخوة ( موسيقيين وغير موسيقيين ) ليس الهدف منه تخفيف الحمل عنى .. فأنا لن أملّ من أسئلتكم وإستفساراتكم .. فهذا شئ يسعدنى بالتأكيد .. ولكنى أحببت أن يشاركنا الأخوة لزيادة إثراء المناقشات وتكثيف المعلومات .. والأستاذ أحمد الديب ( حبيبى ) .. أتمنى أن ينسلخ قليلاً من مهامة الإشرافية ويشاركنا بمعلوماته الثمينة .. كما لاحظت عدم دخول ومشاركة أساتذتنا المشرفين .. ربما لأن المهام الإشرافية من الثقل بحيث لا تعطيهم وقتاً للمشاركة .. ولكن كلى أمل فى إشتراكهم جميعاً .. فسنسعد بذلك بالتأكيد ..

أما عن سؤالك بخصوص ( حبيب الروح ) فهى للسنباطى ولا شك .. فأسلوبه واضح كل الوضوح .. وأعتقد أن هناك أدليب فى الأغنية وإن كان غير موجود فى الأغنية الموجودة فى المنتدى .. إستمع للأغنية من الفيلم .. وستجد الأدليب ..

وعموماً .. إذا كنت ذكرت من قبل .. أن السنباطى عاشق للأدليب .. فهذا ليس شرطاً أن يكون فى كل أعماله ..

ملحوظة : مازلنا فى إنتظار الأستاذ غازى ليكمل لنا حكايته مع الغناء والأستاذة عصمت ..

unicorn

13/07/2007, 00h32

الف شكر يا استاذ محمد
و الله العظيم انا لم اكن اعرف مسبقا ان الاغنية من الحان رياض السنباطى و لكن من وصف حضرتك لاسلوبه وجدته متمثل فى هذه الغنوة.
و دى نتيجة معلومات حضرتك القيمة التى بدأت تؤتى ثمارها معانا يا استاذ محمد .
ما زلنا فى انتظار نفاذ وعد حضرتك....
و الاستاذ غازى اكيد حايكمل قصة مدام عصمت و قصة بداية سطوع نجم جديد فى مصر المحروسة:unsure::band:
بس بجد و بدون تهريج انا بشكر غازى على فتح هذه الصفحة المفيدة فعلا:thankyou:.....

غازي الضبع

15/07/2007, 05h52

[و الاستاذ غازى اكيد حايكمل قصة مدام عصمت و قصة بداية سطوع نجم جديد فى مصر المحروسة

بس بجد و بدون تهريج انا بشكر غازى على فتح هذه الصفحة المفيدة فعلا:thankyou:.....
[/quote]
يابو مندور لا شكر على واجب ، أنا فرحان أكتر منك بوجود هذه الصفحات ، واللي فعلا باعتبرها مفيدة جدا لوجود كبير الآلاتية معانا فيها .. وإن شاء الله الكل يشارك معانا ، هم بس تلاقيهم بيصيفوا ..
أما بالنسبة لتكملة الحكاية بتاعة التجربة الخطيرة ليا في الغناء ، وهي بالمناسبة تعتبر أحد التجارب لأن هناك تجارب أخرى في التمثيل وفي التلحين وفي التأليف وفي العزف وفي إلقاء المنولوجات وتقليد الفنانين .. :mdr:
وأقولك على سر ..
قرب شوية ..
أنا سجلت 3 شرايط قبل كده .. والله
طبعا مش في استوديو دا كان بس كاسيت نضيف شوية ، وميكسر ، وجهاز صوت كده من اللي بيستخدموه في الـ DJ
ومش عايز أقولك والله حققوا نجاح ساحق ( على مستوى المعارف والأهل والأصدقاء ) ..
وطبعا كان بصحبة صديقي الفنان خريج التربية الموسيقية والذي يلعب عود ، كما أنه ممتاز في الأورج
والأورج بتاعه كان فيه إمكانيات جبارة ولو إن أكيد بقى فيه الأحدث دلوقتي. بس كان الأورج لوحده عامل مهرجان في الشريط وكأن هناك فرقة موسيقية كاملة ، وكورال وناس بتسقف ، وناس بتزغرد .. وخصوصا إن صاحبي كان متمكن قوي من الأورج ..
وفوجئت بعد الموضوع ده ، وكان منذ حوالي 12 سنة إن فيه ناس معرفهمش سمعوا الشريط وعجبهم قوي ..
لدرجة إن أحد الفتيات خدت الشريط ماعرفش منين ، وسمعتوا في مدرستها ، وبقدرة قادر بقى مع كل بنت من زمايلها نسخة من الشريط .. وبقت الـ .... بجلاجل.
والموضوع كبر واتشهرت على حس الشرايط دي شهرة جامدة قوي ، بس بدون ماحد يعرف إن أنا اللي مسجله بصوتي ..
وبصراحة أنا قصدت إني ما ألمحش لأي حاجة جوة الشريط تدل عليا ، عشان مااتعرفشي لو حصل حاجة .. :mdr:
المهم .. الحوارات كتير والتجارب الفنية أكتر ..
أنا بس عامل عليكو إنتوا مالكوش ذنب ..
خللينا في الدردشة أحسن ..
ودلوقتي هافتح مجال جديد نتناقش فيه ..
عن طريق توجيه سؤال لكبير الآلاتية وطبعا للناس كلها ..
.. لما تيجي الكلمات ..
وييجي الملحن .. والموضوع لسه حبر على ورق ..
بيبص للموضوع إزاي ؟؟
يعني بيعمل إيه ؟
وعلى أي أساس بيختار المقام والحاجات دي ..
ولو هي أغنية طويلة ذات مقطوعات موسيقية داخلية .. ( إنت عمري ، أمل حياتي ، فاتت جنبنا ، أغدا ألقاك ، .... )
بتتعمل الموسيقى الأول ولا اللحن الأول .. ؟
ولا دي مالهاش قواعد ، وبتفرق من ملحن لآخر ..
يعني ..
إيه اللي بيحصل من البداية للنهاية ؟؟ :crazy:

تحياتي
غازي

الألآتى

16/07/2007, 00h02

يادهوتىىىىىىىىى .. أنا إللى جبته لنفسى ..

سبنا أساليب الملحنين ودخلنا فى التقيل ..

عموماً إسألوا زى ماإنتم عايزين .. بجد ياجماعة ..

أنا بحب جداً الأسئلة خصوصاً الخاصة بعلم النغم .. لأنى أعتبر العلم ده من عند الله سبحانه وتعالى .. ولابد من نشره .. لأنى مش حاخد العلم ده معايا وأنا ماشى .. لابد من تركه للأخرين .. علشان حد يفتكرنى بالخير ..

وقبل ماأجاوب .. أضم صوتى لأختنا سامية وأخانا أبو مندور .. كمل حكايتك ياعم غازى مع أبله عصمت .. أنا ليا قريب أمين شرطة فى قسم الموسكى .. يعنى كمل أحسن لك ..

نرد فى الأول على سؤال عم غازى .. والخاص بطريقة تلحين الأغنية ..

شوف ياعم غازى .. شوفوا ياجماعة ..

أساليب الملحنين تختلف فى طريقة تلحين الأغنية ..

ساقدم لكم مثالاً لكى تعرفوا طريقة من هذه الطرق ..

عندما قدمت أم كلثوم كلمات أغنية ( حانة الأقدار ) لمحمد الموجى .. ماذا فعل الموجى ؟

وضع خطة لحنية كاملة وبرع فيها .. إسمعوا الأغنية وستعرفون مقصدى ..

الخلاصة : الملحن الذى يحترم نفسه وفنه .. يضع الكلمات أمامه .. ويختار المقام المناسب حسب نوع الكلمات .. حيث أن لكل مقام شخصيته وطبيعته .. فالكلمات الحزينة غير الحماسية غير المرحة غير العاطفية .. ألخ .

ثم يختار الإيقاع الملائم .. هل هو سريع .. هل هو بطئ .. رباعى ، سداسى ، ثلاثى .. ألخ .

ثم يبدأ فى تخيل الجملة اللحنية ليبدأ بها لحنه .. وبعدها ينتقل لجزء أخر .. وهكذا .. حتى ينتهى من لحنه ..

ثم يقوم بوضع الجمل الموسيقية ( اللازمة الموسيقية الأولى ) ثم يضع الجمل الموسيقية للربط بين الكوبليهات ..

وبالطبع يستخدم الملحن آلته الموسيقية المفضلة لعزف الجمل اللحنية .. وعن كيفية حفظ اللحن ..

هناك من يكتب الجملة التى يؤلفها ( إذا كان يكتب النوتة ) وهناك من يسجلها على جهاز كاسيت ..

ثم يأتى دور التنفيذ ..

يأخذ الملحن أغنيته للمدون ( كاتب النوتة فى صورتها النهائية ) .. وإذا كان اللحن موزع .. يكتب نوتة لكل آلة .. وتأتى بعدها مرحلة البروفات مع الفرقة الموسيقية .. ثم التسجيل فى الأستوديو ..

هذه المراحل حاولت تبسيطها جداً دون الدخول فى تفاصيل موسيقية أو تقنية ..

أما الأن .. فى زماننا الهباب ..

فإن عاتق العمل كله يقع على الموزع ( غالباً ) فالملحن يلحن الكلمات فقط .. دون اللزم الموسيقية .. ثم يقوم الموزع بعمل باقى الخطوات .. من وضع الجمل الموسيقية وإختيار الإيقاعات والتنفيذ ..

وغالبية ملحنى اليوم .. يلحنون بطريقة واحدة .. يضع الكلمات أمامه ويدندن بأى لحن يخطر على باله مع التخبيط على أى حاجه ( كرسى ، ترابيزة ، أى حاجه ) ويسجل اللحن ببقه ( فمه ) على كاسيت .. ثم يعطى الكاسيت للموزع .. إللى حايوجع دماغنا بالخبط والرزع إللى إحنا شايفينه دلوقتى ..

ملحوظة : كثير من ملحنى اليوم يلحنون على الجيتار .. وطبعاً الجيتار ليس به ربع تون .. لذا نجد معظم أغانى اليوم من مقام الكرد أو النهاوند .. علشان يريحوا نفسهم .. ربنا يريحنا منهم ..

الألآتى

16/07/2007, 01h38

نرد دلوقتى على الأخت سامية بخصوص التوزيع الموسيقى ..

الكلام عن التوزيع الموسيقى لا ينتهى .. ولا يكفى مجرد رد فى موضوع لشرح وتبسيط التوزيع الموسيقى .. ولكنى سأحاول على أى حال ..

التوزيع الموسيقى ياسادة .. هو فن التوافق والتناغم ( الهارمونى ) .. هكذا بكل بساطة .. مهما حاول الكثيرون تعقيده ..

ولا يتصدى للتوزيع الموسيقى إلا الدارس الفاهم .. لأن التوزيع مرحلة متقدمة عن التلحين ..

الموزع لابد أن يكون دارساً لتاريخ علم الهارمونى .. دارساً لفن القيادة ، يعزف على أكثر من آلة .. يعرف إمكانات كل آلة موسيقية أو إيقاعية فى الأوركسترا .. بإختصار .. العملية مش هيصة ..

وعلشان أقرب ليكم المسألة .. الخط اللحنى العادى يسمى ( ميلودى ) كأن يعزف العازف جملة موسيقية معينة .. فإذا أضفنا عازفاً أخر يعزف جملة موسيقية مختلفة فى نفس الوقت .. يسمى هذا ( بوليفونى ) أو ( كاونتربوينت ) .. أى جملة متعارضة تسير مع اللحن الأساسى وتختلف عنه فى شكل الجملة الموسيقية .. بحيث ينتج عن هذا تناغم وإثراء للعمل .. دون نشاز ..

ومن الطبيعى أن يكون لكل موزع أسلوبه وطريقته فى التوزيع ( كما الحال بالنسبة للملحن ) .

ولقد عرفنا جميعاً الموزع العبقرى ( على إسماعيل ) ولا أحد يختلف عليه كموزع متمكن أضاف بالتأكيد لكثير من الأعمال ..

ولكن على إسماعيل نفسه .. لاقى نقداً شديداً عندما تصدى لتوزيع أغنية ( أنا كل ماأجول التوبة ) لعبد الحليم حافظ ..

فلقد قام على إسماعيل بتوزيع الأغنية بطريقته المعهودة ( التى يحبها ) وإستخدم النحاسيات والألآت الخشبية فى التنفيذ .. مما أدى لتعرضه لنقد لكون الأغنية شعبية .. لا تتحمل نحاسيات أو خشبيات ..

هاهو موزع واحد .. أضاف للعديد من الأغنيات وأضعف أغنية مثل ( التوبة ) .. فما بالكم بباقى الموزعين ..

وهاقد جاءت الفرصة لنتحدث عن أساليب الموزعين ( أندريا رايدر ، على إسماعيل ، فؤاد الظاهرى )

وقبل أن نتحدث عن كل منهم .. ينبغى علينا أن نذكر بعض أعمالهم حسب ماتسعفنى الذاكرة ..

أندريا رايدر : الموزع المصرى الأرمنى

بعض أعماله : الرجل الثانى ، دعاء الكروان ، شارع الحب ، غروب وشروق ، اللص والكلاب ، السمان والخريف ، الخروج من الجنة ،

على إسماعيل :

بعض أعماله : الأيدى الناعمة ، عروس النيل ، يوم من عمرى ، أبى فوق الشجرة ، معبودة الجماهير ، أفلام فرقة رضا ، الأرض ، صغيرة على الحب ،

فؤاد الظاهرى :

بعض أعماله : القاهرة 30 ، رد قلبى ، الزوجة الثانية ، إسكندرية ليه ، شفيقة ومتولى ، فى بيتنا رجل

هذا غير عدد غير محدود من أعمالهم التوزيعية للأغانى ..

فمثلاً .. أندريا رايدر قام بتوزيع عدد كبير من أغنيات الموسيقار محمد عبد الوهاب

وعلى إسماعيل قام بتوزيع عدد كبير من أغنيات عبد الحليم حافظ

أما فؤاد الظاهرى .. فلم تكن له أعمال تذكر بالنسبة لتوزيع الأغانى .. ربما يكون وزع أغنيات ولكنها غير معروفة .. ولكن هذا لا ينفى أنه موسيقى بارع ومخضرم قام بتأليف مقطوعات موسيقية كبيرة وأوركسترالية بجوار الموسيقى التصويرية للأفلام .

نأتى الأن لأساليب هؤلاء الموزعين ..

أندريا رايدر : يتضح أسلوبه جيداً فى أفلام ( الرجل الثانى ودعاء الكروان وشارع الحب ) فهو موسيقى غربى بكل المقاييس .. يستخدم كل إمكانيات الأوركسترا من آلات نحاسية ( ساكس بأنواعه ، كورنو ، هورن ، باص هورن ، ترومبيت ، باصون .. ألخ ) وآلات خشبية ( كلارنيت ، فلوت ، بيكالو ، أوبوا .. ألخ ) وآلات وترية ( كمان ، فيولا ، تشيللو ، كونترباص ) .

يحب إستعمال الجمل الضخمة الفخيمة وإيقاعاته غربية غالباً .. إسمعوا له أغنية ( جبار ) لعبد الحليم أو أغنية ( لست قلبى )

على إسماعيل : تلميذ أندريا رايدر النجيب .. درس الموسيقى الغربية وتشبع بها لكنه لم ينسى أنه شرقى .. خلط بين الألآت الغربية والألآت الشرقية فى موسيقاه .. يحب إستعمال الألآت الخشبية فى أعماله .. يستخدم الوتريات بطريقة مميزة تجعلك تعرف شخصيته من مجرد سماع أحد أعماله . . إسمعوا له موسيقى فيلم ( يوم من عمرى ) وأغنية ( ضحك ولعب وجد وحب ) من نفس الفيلم .

فؤاد الظاهرى : كبير كبير .. مش عارف أقول عنه إيه الراجل ده ..

موزع شرقى حتى النخاع .. يحب إستخدام الألآت الشرقية مثل القانون والعود والناى .. والألآت الإيقاعية مثل الدفوف والنقرزان ..

له عمل موسيقى شهير ( الأرض الثائرة ) .. ولقد إستخدم مفردات هذا العمل فى كثير من أفلامه .. مثل ( رد قلبى ، فى بيتنا رجل ) .. إسمعوا له موسيقى ( الزوجة الثانية ) ..

وكفاية عليكم كده أحسن تبقى موسوعة .. ومانعرفش ناكل عيش ..

فى إنتظار أسئلتكم .. التى أسعد بالتأكيد بالرد عليها ..

unicorn

16/07/2007, 02h32

اللهم امين يا استاذ محمد
ربنا يريحنا منهم و من قرفهم ,
و انا ليا وجهة نظر فى موضوع القرف و العك اللى بنسمعه دلوقتى ده , ان احنا اللى بنساعدهم على الاستمرار بمعنى انه لو انى بائع لاى سلعة رديئة و هذه السلعة عليها اقبال جماهيرى كبير و هى على رداءتها
فالسؤال هنا لماذا اسعى لتطوير و تجويد سلعتى ماهى بتتباع و ماشية اخر حلاوة .
لذلك اظن ان ربنا لن يريحنا منهم ما لم نرفضهم نحن بمقاطعتهم حتى تجف منابع الهيافة ثم يسعى من يملك الموهبة الى تقديم شئ جيد فيه جهد مبذول فى الكلمة و اللحن بدلا من التلحين على الترابيزة فى لحظات التجلى .
و ايضا فى المسرح و السينيما نفس الموضوع , لو تركنا الافلام و المسرحبات التى تستخف بعقولنا و تعاملنا كأننا اطفال سذج سيضطروا رغم انوفهم من احترفوا التأليف او التمثيل الى تقديم ما هو جيد و الى بذل الجهد فيما يقدمونه.
فنصيحتى لكل رافض لهذا الهبوط الفنى ان ينصح من حوله بألا يدفعوا ثمن الفن الهابط من جيوبهم وو الله انا عملت كدة مع اصحابى كلهم حتى اصبحوا مثلى يرفضوا الاستخفاف بعقولهم بشوية ازعاج على حبة قلة حياء و يقدمونه على انه فن.
نسيبنا من قرف الفن الان يا استاذ محمد و نسألك عن التوزيع الموسيقى السليم عندما يوزع الموزع الموسيقى اللحن على كل الة فى الاوركسترا يكتب الجمل اللحنية لهذه الالة فقط فى النوتة ام انه مثلا يكتب الجمل كلها و يغير اللون الذى يكتب به النوتة لهذه الالة؟؟؟؟.
نيجى للاستاذ غازى اللى طلع حكاية كبيرة ,
ايه يا عم لما انت ليك تجارب زى كده ليه ماقولتش الكلام ده عشان تستفيد من خبرات الناس الكبيرة اللى فى المنتدى لتوجيهك التوجيه السليم و لو الموهبة موجودة فعلا تريحنا انت من القرف اللى بنسمعه ده
طبعا لازم تكمل حكاية تجاربك الفنية كلها و تستعد من الان لرفع الشرايط اللى انت مسجلها على المنتدى
و احب احذر سيادتك يا غازى من اى محاولة للتهرب من اكمال الحكاية او رفع الشرايط و الا امين الشرطة بتاع قسم الموسكى حايشتغل و انت عارف الناس دى ايديهم عاملة ازاى:boxing:
و حتطلع من تحت ايديهم :crutch:
و اوجه الكلام لابلة سامية و اشكرها على استئناف مناقشاتها معانا بسؤالها عن التوزيع الموسيقى الذى شرحه لنا مشكورا استاذنا الكبير محمد الالاتى

غازي الضبع

16/07/2007, 05h51

الله عليك يا عم محمد يا آلاتي يا كبير الآلاتية كلهم
إيه الجمال ده
كلام جميل واعي مدروس
أهو كده .. هي دي الاستفادة الحقيقية
والدردشة المفيدة المتكاملة
يا ريت والله يا أستاذ تكمل
ويا سلام بقى لو عندك أي مقطوعة موسيقية لهؤلاء الموزعين الكبار وخاصة الموسيقى التصويرية ( لو تذكر .. كنت طلبت أنا منذ فترة في ملفات تنقص الأعضاء هذه الموسيقى التصويرية وفعلا رفع أحد الأعضاء بعض الموسيقى وكان أجملهم موسيقى خللي بالك من زوزو واللي أعتقد إنها لفؤاد الظاهري ..
تعرف إني بعرف الموسيقى دي لمين ، ودي لمين .. بس ممكن أكون مابعرفش أوصف الفرق بين أساليب الملحنين
ودا طبعا لإني مش دارس زيك كده يا أستاذ.
وتعرف كمان إني كان بيختلط عليا الأمر ما بين فؤاد الظاهري وعزت الجاهلي ..
مش لتشابه ما بينهم في أي حاجة ولكن مش عارف ليه كنت بلغبط ما بينهم ..
وبالمناسبة دي يا ريت تكمل جميلك وتكلمنا عن عزت الجاهلي ..

تحياتي وتقديري
غازي

غازي الضبع

16/07/2007, 06h16

أما بالنسبة للتجارب بتاعتي اللي ذكرتها لحضراتكم فهي ممكن تكون كلمة تجربة كبيرة عليها ..
هي بس محاولات سابقة في أكثر من مجال .. وكل هذه المجالات أنا باحبها ويمكن دا اللي خلاني أجرب أعمل زي الحاجة اللي باحبها .. وطبعا لم أنجح في أي منهم ، ودا أمر منطقي لإني ماركزتش في أي حاجة فيهم بل كنت عايز أعمل كل حاجة ، وأبقى بتاع كله . وكانت النتيجة إني لم أنجح في أي حاجة منهم ..
وبالنسبة للغناء .. فأكتر وقت غنيت فيه وأمام جمهور ..
فكان في فرحي ..
ودا طبعا لإني عريس ، وما حدش هايقدر يعترض :mdr:
أم كتابة الشعر والإلقاء فكانت من زمااااااااااان قوي ، كنت تقريبا في الإعدادية ، وكنت متفوق جدا في إلقاء الشعر ، وكانوا دايما يسقفوا لي بعد ما أقول الشعر في حصة المحفوظات ( على ما أذكر )
ودا خللاني أجرب أألف أي شعر بنفسي ولم تتعدى كتاباتي سوى ثلاثة تجارب.
أما التلحين فكنت مغرم قوي بعبد الوهاب وكان نفسي قوي أعمل أي حاجة زيه ، وبالفعل عملت كذا مقطوعة موسيقية ولحنت كذا شعر من اللي ألفتهم ، ولكن في النهاية كانت النتيجة إن بيطلع لحن شبه ألحان عبد الوهاب بس كوكتيل ، يعني تلاقي حتة من فاتت جنبنا على حتة من نبتدي منين الحكاية على أغدا ألقاك ، وأنا مش داري ، لإن طبعا كل دا متخزن في عقلي اللا واعي ، ولكن بيهيألي إنه من إبداعي الشخصي .
يمكن الحاجة الوحيدة اللي ممكن أكون نجحت فيها إلى حد ما ، هي المنولوجات والتقليد ، واللي كنت متميز قوي أثناء فترة ثانوي بتقليد المدرسين ، وبعدين في الجامعة كنت أقلد الدكاترة ، وزملائي .. دا طبعا بجانب تقليد الفنانين ..
وبعدين أثناء فنترة تجنيدي كنت مشهور قوي بتقليد صف الظباط ، والظباط ..
وكان اللي يقف جنبي في الطابور يبقى نهاره أزرق .. لإنه لازم أجيبله جزاء..
دا غير طبعا بالليل في العنبر ، كان لازم حصة ضحك تنسينا كل تعب النهار .. كنا نقفل العنبر ونطفي النور عشان ماحدش يكدرنا ..
وأذكر في مرة كنت بقلد الصول بتاعنا ، والعنبر كله ميت على نفسه من الضحك
وفجأة دخل الصول الحقيقي العنبر ، وراح قال : انتباه .. انتباه
وكل زمايلي فاكرني أنا اللي باقول وباقلده
حتى واحد منهم راح قايل بصوت عالي ..
إيه ياد يا غازي ، إنت مال صوتك بقى شبه صوته بجد كده ليه
طبعا أنا أدركت الموقف ورحت عامل نفسي نايم ، وراح الصول منور النور ومزعق فينا كلنا : أنا مش قلت انتباه.
كل اللي بيضحك سكت ، واللي نايم صحي ، والكل راح واقف انتباه
راح الصول الله يسامحه : مكدرنا كلنا في طابور ثبات 4 ساعات ، الساعة 12 بالليل لغاية الفجر ، واقفين في عز التلج في شهر يناير ..
وأنا شايف زمايلي كلهم واقفين ناظرين ليا نظرات انتقام ، لإن خلاص فاضل ساعة ونصف عشان نصحى لطابور التمام الصباحي.. وهكذا انتهى التقليد في الجيش نهاية مأساوية :mdr:

وإلى لقاء آخر إن شاء الله
غازي

الألآتى

17/07/2007, 00h24

ياااااااه ..

فكرتنى ياعم غازى بأيام الجيش الأولى .. المرح والتهريج الذى ينتهى غالباً بالتكدير ..

أما الحاجات إللى إنت عملتها كلها دى .. فكرتنى بعلى بيه مظهر .. وهى الشخصية التى قام بأدائها الفنان محمد صبحى .. واحد بيحشر مناخيره فى أى شئ وكل شئ .. ولا يفلح فى أى شئ .. المهم إنك تكون فى الأخر فلحت فى حاجه ..

نيجى بقى لسؤال أخونا أبو مندور .. والخاص بكتابة النوتة الموسيقية لقائد الأوركسترا ..

كل آلة لها نوتة خاصة بها حسب طبيعتها والصوت الصادر منها .. فهناك نوتات للأصوات الحادة .. وأخرى للأصوات المتوسطة وثالثة للأصوات الغليظة .. وهذه كلها لها مصطلحات يفهمها العازفين ..

أما قائد المجموعة .. فله نوتة خاصة به .. تحتوى على كل هذه الألآت .. أى لكل آلة سطر أو مدرج .. يقرأهم القائد فى نفس الوقت .. وهذا مايتدرب عليه أثناء دراسته .. وكل سطر مكتوب بجواره إسم الآلة .. يعنى العملية مافيهاش ألوان ولا حاجة ..

أما عن الإقتراح الخاص بمقاطعة الموسيقى الهابطة .. بصراحة مش عارف أقول لك إيه .. أنا ممكن أقاطع .. وممكن أعلم أولادى يقاطعوا .. لكن نعمل إيه فى باقى الناس .. المسألأة ليست فى الموسيقى فقط .. ولكنها تدهور فى كل شئ .. الزمن تغير .. والمادة طغت على كل شئ .. حانغير إيه ولا إيه .. أنا شخصياً مسئول عن أولادى .. وأقدر أقول .. إنى نجحت إلى حد كبير فى إبعادهم عن كل ماهو ردئ .. حتى الموسيقى .. فأولادى مثلى .. لا يسمعون إلا الأصيل من الموسيقى والغناء ..

أما عن سؤال عمنا غازى بخصوص الفنان عزت الجاهلى .. فلعل هذه الصفحة تفيدك ..

http://www.sama3y.net/forum/showthread.php?t=1647

unicorn

17/07/2007, 01h32

استاذنا الكبير محمد الالاتى
عندما تكلمت عن مقاطعة الاغانى الهابطة لم اكن اعنى اهل بيوتنا من اخوة و زوجات و ابناء على اعتبار انه امر مفروغ منه فهم اولى بالتوجيه السليم بالطبع و انما عنيت الاصحاب و المعارف و الزملاء فى العمل و غيره فهم الدائرة الاوسع و بحكم الاحتكاك المباشر بهم يمكن التأثير عليهم و الموضوع غاية فى السهولة ,
و لى فى ذلك عدة تجارب فمثلا احد اصدقائى كان عامل عيد ميلاد ابنه فى احد المحلات و توقعت ان صاحبنا الDJ سيشنف اذانا بما تيسر له من العنب و البلح و خلافه فوالله طبعت اسطوانة audio من اغانى الاطفال اللى فى المنتدى هنا و اخذت هدية و رحت عيد الميلاد و فعلا...
دخلت انا و واحد صاحبى لقيت الDJ شغال على القرف ده للعيال الاطفال اللى ملهومش ذنب ... اعطيته الاسطوانة و قلتله بقولك ايه ماتشغلش اى حاجة غير الاسطوانة دى .
و الله العظيم كل عيد الميلاد اصبح فى منتهى السعادة و المرح مع اغانى فوزى و عفاف راضى و ايمان البحر و كلهم شكرونى على الجو الظريف ده و الاغانى اللى فكرتهم بيها.
و الطريف فى الموضوع ان الDJ نفسه اخذ الاسطوانة معه لينسخها و يشغلها فى اعياد الميلاد .
و بينى و بينك احد الاسباب التى ساعدت على تلف و افساد الذوق فى الاستماع هو شخصية الDJ فهو شخصية لا تمت للفن بصلة و لا يشترط ان يكون له ذوق راقى و هو غالبا ولد تلفان فشل فى دراسته و نجح فى شغل الanimation و هز الوسط فقط و مع ذلك فهو الاكثر احتكاكا بالناس فى الحفلات ... و ليس هذا فقط بل انه لرخص سعره ماديا فقد قطع عيش موسيقيين احترفوا الموسيقى...., و منع اى فرصة للناس لمقارنته مع اى فنان او موسيقى محترف.
و لا ادرى لماذا لا تأخذ نقابة المهن الموسيقية موقفا من هؤلاء بمنعهم من احياء الحفلات الموسيقية لعدم احترافهم لأى نوع من الموسيقى؟؟؟؟؟

غازي الضبع

17/07/2007, 09h36

أما الحاجات إللى إنت عملتها كلها دى .. فكرتنى بعلى بيه مظهر .. وهى الشخصية التى قام بأدائها الفنان محمد صبحى .. واحد بيحشر مناخيره فى أى شئ وكل شئ .. ولا يفلح فى أى شئ .. المهم إنك تكون فى الأخر فلحت فى حاجه ..

والله يا كبير الآلاتية .. الموضوع بالنسبة لي ماكانش حشر مناخير .. زي ماحضرتك تفضلت ووصفت
بس هو كان مجرد تجارب ، من أثر حبي للفن بصفة عامة
وزي ما أنا قلت ، أكيد التجارب دي عمرها ما هاتسفر عن شيء لإنها تجارب طياري كده بدون تركيز ..
إوعى تفتكر إني خدت على خاطري من كلمتك بتاعة المناخير ، وإن الواحد مافلحش في حاجة
بل بالعكس .. أنا باقولها على الملأ .. وأنا باضحك .. إنها فعلا كانت تجارب لذيذة ، وأثناء ماكنت عايش جواها ، كنت متأكد إني مش هاكمل ..
بس تعرف بقى إني كمان عملت توزيع موسيقي ..
وكانت فكرة مضحكة ، وكانت نتيجتها غاية في الجمال
حيث عملت توزيع موسيقي أو بالأحرى إعادة توزيع لأغنية Coco Jumpo ..
عملت لها توزيع شرقي بحت ، حيث كان بآلة القانون ، والإيقاعات الشرقية
والصاجات ، والسقفة ..
وكان ده من خلال الأورج ذو الإمكانيات الكبيرة بتاع صاحبي
حيث سجل صاحبي اللحن على الأورج ( بعزفه هو من خلال استخدام صوت آلة القانون )
وبعدين فهمني الطريقة .. أدخل أي آلة في مكان داخل الموسيقى
وقعدت أنا بقى أجرب أدخّل السقفة إمتى ، والصاجات إمتى ، والطبلة بإيقاع معين ثم إيقاع آخر على شوية زغاريد على ناس بتهيص ..
وطلع في النهاية توزيع في منتهى الروعة .. ومش هاقول حقق نجاح قد إيه عشان سامية ماتتريقش هي كمان
ويمكن ساعتها بس عرفت معنى كلمة توزيع موسيقي
أو ماهي وظيفة الموزع الموسيقي

غازي

الألآتى

18/07/2007, 00h50

فكرتك ياأبو مندور عن عرض أغنيات الزمن الجميل فى الدى جيه .. فكرة جميلة ولكنها للأسف لا تصلح فى معظم الأحوال .. فقد يعترض الأستاذ الفنان الدى جيه .. وقد تسمع منه بعض التعليقات مثل ( إنت حاتفهمنا شغلنا ياأستاذ ) أو ( ياعم ماتعطلناش ) أو ( ماتيجى تشتغل مكانى أحسن ) .. ألخ .. ويمكن يتخانق معاك ..

أنا شخصياً حاولت إتباع هذه الطريقة فى إحدى حفلات الزفاف الخاصة بأحد أقاربى .. وكان معى إسطوانة فيها أغنية خاصة للعروسين .. أغنية مؤلفة وملحنة وموزعة خصيصاً للعروسين وبإسمهما .. وبعد شد وجذب وقيل وقال .. وافق صاحب الدى جيه على عرض الأغنية .. وبرغم إعجاب الجميع بالأغنية ورقصهم على نغماتها .. إلا أنه رفض إعادة تشغيلها مرة أخرى .. فقررت عدم التعرض لهذه التجربة مرة أخرى لئلا أتعرض لأى موقف محرج ..

المسألة كما سبق وذكرت .. ليست هبوط الذوق الفنى فقط .. ولكنه هبوط فى كل شئ .. يعنى ماينفعش نصلح الذوق الفنى وحده .. والمحاولات الفردية مهما كثرت .. لا تفيد .. لأن الهبوط على مستوى العالم .. وليس منطقة بعينها .. أحياناً أشعر أننى أعيش وحدى فى هذا العالم .. من كثرة ماأسمعه من هبوط وكلمات وتعليقات هابطة .. عندما أتحدث مع شخص عادى .. أشعر أنه لا يفهم نصف كلامى .. الناس أصبحت لا تفهم الكناية والمجاز والتشبيه .. وكل هذه المصطلحات التى درسناها وفهمناها منذ الصغر .. إذا قلت لواحد ( بكره تفرج ) يفهمها بمعناها الحرفى .. بكره يعنى غداً .. وليس المستقبل القريب .. وإذا قلت لواحد ( خليك واعى وبص لقدام ) ينظر أمامه مباشراً ثم ينظر إليك مستغرباً ..

إذا كانت المؤسسات المعنية مثل ( نقابة المهن الموسيقية ) و ( والرقابة على المصنفات الفنية ) .. لا تفعل شيئاً .. بحجة أنهم لا يملكون السلطة اللازمة .. فماذا نفعل نحن الأفراد ..

الحل أن نحاول مع أولادنا والمحيطين بنا على قدر الإمكان كما تفضلت حضرتك وذكرت .. ولكن المشكلة فى الآخرين وهم كُثر .. ليست لديهم القدوة ..

الألآتى

18/07/2007, 01h08

الغالى : غازى ..

يظهر إن الغلط من عندى .. كان من الأصوب أن أضع بعض الإبتسامات والرموز أثناء كتابتى للرد .. ولكنى لم أتعود على إستعمال الرموز ..

وفى الحقيقة .. لقد كنت أسخر من نفسى .. ليس بمعنى السخرية الحمقاء .. ولكن لأن كلامك ذكرنى ماكنت أفعله شخصياً زمان .. كنت أفعل معظم مافعلته حضرتك .. وعندما شبهت كلامك بشخصية على بيه مظهر .. لم يكن قصدى السخرية من محاولاتك .. ولكنه كان المثل الذى حضرنى وقتها .. ومن الجائز أن يكون إختيارى للمثل غير موفق .. ولكنى فى النهاية لم أكن أقصد السخرية بمعناها السئ بالتأكيد ..

كلنا جربنا وكلنا حاولنا .. ومن هذه التجارب والمحاولات إكتسبنا خبراتنا وتجاربنا الحياتية التى نستند عليها فى معاملاتنا اليوم .. الفشل والنجاح ثم الفشل والنجاح .. كلها أدت لتشكيل شخصية كل منا .. وأصبحنا اليوم نمتلك شخصية ذاخرة بالمعرفة والتجارب ..

أما بالنسبة لتجربتك فى التوزيع الموسيقى .. فإنها برغم نجاحها ليست هى التوزيع الموسيقى الحقيقى ..

هل عرفت المقام المستعمل فى العمل الذى وزعته ؟ .. هل إبتكرت جملة موسيقية متعارضة لتسير مع اللحن الأساسى ؟

إن هذه الأشياء التى أضفتها للحن ( زغاريد ، سقفة ، أصوات جمهور ..ألخ ) هى من عمل مهندس الصوت وليس الموزع الموسيقى ..

للأسف .. إن الكثير من موزعى اليوم تعلموا التوزيع بهذه الطريقة .. ضع سقفة هنا وزغرودة هناك وإلعب شوية فى الإيقاع .. وأصبحت أغنية ..

التوزيع أكبر من ذلك بكثير .. وأظننى شرحت التوزيع الموسيقى فى أحد ردودى السابقة فى نفس موضوعنا ..

إوعى الكلام ده يزعلك كمان .. وإلا تبقى مشكلة .. ومش حانقدر نكمل كلامنا .. ويمكن نحتاج لمقابلة شخصية لتقريب وجهات النظر ..

غازي الضبع

18/07/2007, 05h29

كبير الآلاتية
إنت هاتزعلني بالعافية :mdr:
حد قالك يا جدع إنت إني زعلت منك :confused:
.......
المهم دلوقتي ..
عايز أعرف المزيد عن التوزيع الموسيقي ، وإعادة التوزيع .
يعني أنا لما غيرت الأغنية وخللتها بالقانون ، والسقفة والصاجات .. مايبقاش اسمي أعدت توزيع الأغنية .. :(

غازي

الألآتى

18/07/2007, 19h37

إحنا إتكلمنا عن التوزيع الموسيقى .. وقلنا إنه علم قائم بذاته ..

وفى الحقيقة أن التوزيع الموسيقى لأى أغنية يخضع لعدة أسس ..

أولها : أن يكون التوزيع ملائماً لطبيعة الأغنية .. يعنى ماينفعش أن يكون الإيقاع المختار راقصاً لأغنية حزينة .. أو يكون إيقاع سلو روك لأغنية حماسية ..

ثانياً : لابد أن يكون التوزيع مواكباً لروح العصر دون الإخلال باللحن الأصلى ..

ومن هنا .. يجب على الموزع أن يتخلص تماماً من التوزيع القديم ( إذا كانت الأغنية موزعة أصلاً ) .. ويبدأ فى وضع جمل موسيقية جديدة تماماً لزوم ( اللزم الموسيقية ومقدمة الأغنية ) مع مراعاة تغيير الإيقاع بالخامات والألآت الحديثة ..

وبعدها يمكنه إضافة الجماليات الموسيقية من هارمونى وكاونتربوينت ..

الخلاصة : أن يكون التوزيع تغيير كامل وإعطاء روح العصر للأغنية ..

أما مافعلته ياعم غازى .. فلا يعدو أن يكون زخرفة أو دندشة لإعطاء الأغنية شكلاً جديداً دون تغيير التوزيع الأصلى ..

وعموماً : أنا فى حاجه لسماع الأغنية الأصلية وسماعها بعد التوزيع ليكون حكمى صحيحاً ..

وأؤكد لك ياعم غازى أننى مبسوط جداً لمحاولاتك هذه .. وخصوصاً أنك غير دارس للتوزيع الموسيقى .. ولا مانع من التجربة ..

الألآتى

18/07/2007, 22h41

أهلاً بالعزيزة سامية ..

وأهلاً بكم جميعاً ..

إذا كان الكلام عن الموسيقى .. فلن أمل أو أيأس .. فالموسيقى حياتى ( دمى ودموعى وإبتسامتى ) ..

وإذا كنتِ أختى العزيزة تريدين معرفة سيرتى الذاتية أو شهاداتى فى الموسيقى .. فإليكِ هذه الصدمة ..

أنا لا أحمل أى شهادات فى الموسيقى .. كل شئ تعلمته ودرسته ذاتياً .. عبر سنوات طويلة من العمر .. هذا غير الخبرات والتجارب التى إكتسبتها من طول إشتغالى بالموسيقى ..

وإذا كنتم تريدون معرفة أصل الحكاية .. فلا مانع ..

الأصل ياإخوانى .. أن عائلتى تنتمى للموسيقى بشكل أو أخر .. وللعلم إن لقب ( الألآتى ) ليس مهنتى فحسب .. ولكنه لقب العائلة .. ومذكور فى بطاقتى وجميع أوراقى ..

كان جدى ( حسن الألآتى ) الكبير .. رجلاً كفيف البصر .. وكان أديباً ساخراً .. نزح من تركيا فراراً من الحكم العثمانى .. ولجأ إلى مصر وبالتحديد .. منطقة القلعة .. ليكون فى حماية الوالى ( محمد على باشا الكبير ) .. ( قرأت هذه المعلومات فى كتاب قديم وجدته عند عمتى الكبيرة .. ولا أعرف أين هو الأن ) .. وكان والدى مطرباً ومتعهد للحفلات .. وأخى الأكبر ضابط إيقاع ( طبال يعنى ) ولازال .. برغم كونه موظفاً كبيراً فى وزارة العدل ..

فوجدت نفسى أحب الموسيقى بحكم النشأة .. وبحكم إنتمائى لهذه العائلة الهشك بشك ..

وتعلمت العزف على الأكورديون والأورج منذ الصغر .. ( عمرى كان حوالى 16 سنة ) .. ولم أمارس العزف فى أى حفلات أو أى تجمع .. لأنى كنت أحب الموسيقى وكفى ..

وتأتى الرياح بما لا تشتهى السفن .. تعثرت فى دراستى الثانوية .. فتطوعت فى الجيش .. ومكثت فيه حوالى 20 سنة .. وبحكم هذه الظروف لم يكن فى إمكانى بالطبع دراسة الموسيقى فى معهد أو كلية .. وإلتحقت بمعهد الموسيقى العربية ( الدراسات الحرة ) .. ولكنى لم أستمر أكثر من عام واحد .. لظروف الجيش والزواج .. وكنت أيامها قد إحترفت العمل بالموسيقى .. العزف فى الحفلات والأفراح والليالى الملاح .. فقررت أن أكمل دراستى ذاتياً .. فقرأت كل مايقع فى يدى من كتب وأبحاث عن الموسيقى وعلم النغم والتدوين الموسيقى .. حتى جاءت الفرصة .. وإلتحقت بأحد قصور الثقافة .. وعملت مدرباً لفرقة الموسيقى العربية لمدة تقرب من خمس سنوات .. وكانت هذه السنوات الخمس فرصة ذهبية لأتعلم أصول القيادة وأعرف طبيعة كل آلة موسيقية .. وتعرفت أثناء ذلك على بعض الطلبة فى كلية التربية الموسيقية .. وكانت هذه فرصة للإطلاع على منهج الكلية ودراسة مايدرسونه دون الحصول طبعاً على الشهادة ..

ونسيت أن أقول .. أننى كنت الأول فى العزف على البيانو أثناء العام الذى إلتحقت فيه بمعهد الموسيقى العربية ..

ولم أكتفى بذلك .. فقررت تعلم العزف على العود .. وإشتريت عود بالفعل .. وأعتقد أننى سأتقنه عما قريب ..

واليوم .. بعدما تركت العزف فى الحفلات .. وكان ذلك منذ سنوات .. وتركت أيضاً الجيش .. وأصبحت متقاعد ( برتبة نقيب ) .. تفرغت للتلحين والتوزيع الموسيقى .. طبعاً بعد التمكن من الكمبيوتر وبرامجة الصوتية والموسيقية .. صحيح أن أعمالى قليلة ولكنى مبسوط كده .. ومرتاح كده .. يكفى أننى أمارس هوايتى الأثيرة عندى ..

يبقى أن أقول .. أننى تركت العزف فى الحفلات .. لكى لا أكون مضطراً لعزف شئ لا أحبه ..

كفاية كده ولا نقول كمان ..

غازي الضبع

19/07/2007, 05h31

أما مافعلته ياعم غازى .. فلا يعدو أن يكون زخرفة أو دندشة لإعطاء الأغنية شكلاً جديداً دون تغيير التوزيع الأصلى ..

وعموماً : أنا فى حاجه لسماع الأغنية الأصلية وسماعها بعد التوزيع ليكون حكمى صحيحاً ..

وأؤكد لك ياعم غازى أننى مبسوط جداً لمحاولاتك هذه .. وخصوصاً أنك غير دارس للتوزيع الموسيقى .. ولا مانع من التجربة ..

إمبارح لما قريت كلامك الجميل ده ، رحت دورت على الشريط الوحيد المتبقي عندي عشان أسمع الأغنية اللي قولتلك عليها Coco jumbo وقعدت أضحك جامد قوي
وأقول أد إيه الواحد كانت دماغه رايقة ..
ربنا يسهل وأحاول أرفعها هنا ، وأنا متأكد إنها هاتعجبكم أن شاء الله ، وعلى فكرة هي فعلا ذات توزيع جديد ، وإنت بنفسك اللي هاتقول كده لما تسمعها بس أنا يمكن مش عارف أوصف أنا عملت فيها إيه بالظبط .
وقعدت أضحك أكتر لما سمعت باقي الشريط ( لم أسمعه منذ حوالي 10 سنين ) .. وخاصة إني عامل فيه ميكس لذيذ قوي بين كذا أغنية منها يامالكا قلبي على كل ده كان ليه ( بالعود ) ثم فجأة موسيقى ليلة القبض على فاطمة ( بالأورج ) ثم أغنية زحمة يا دنيا زحمة على هيئة موال ..
وأول مابتديت أقول الموال ده ( في الشريط ) قمت بسرعة قفلت الباب على نفسي لحسن حد يسمع ويضحك عليا :o
ولسان حالي بيقول يادي الكسوف ..
لآ وأبو مندور يقولي إبقى إرفع الشرايط هنا في المنتدى ..
دا المنتدى مانع عدوية سلطان الموال ، أحط أنا بقى غازي الضبع :mdr:
ساعتها مش هايمنعوني من التحميل .. دول هايضربوني بالنار :mdr:
لكن الأغنية اللي أعدت توزيعها جديرة بأنها ترفع في المنتدى ( على أن تحذف بعدها بخمس دقايق :mdr: )
ربنا يسهل وأحاول أرفعها ..

unicorn

20/07/2007, 00h14

الاخوان الاعزاء غازى و ابلة سامية , الاستاذ الجليل و الاخ الاكبر محمد الالاتى ,
السلام عليكم
اسف لانشغالى الفترة الماضية و لم اتابع معكم الحديث و لكن ما شاء الله المكان دائما عامر بكم
و دامت المودة بيننا ان شاء الله
استاذنا الكبير الفنان الالاتى
لفت نظرى فى احد ردودك انك تقول انك احيانا تشعر انك وحدك فى هذا العالم
صدقنى اكاد اجزم ان 75 % من الاعضاء الحقيقيين فى المنتدى ينتابهم نفس الشعور
و كلنا نهرب من دنيا الهلس و الهجص الى المنتدى
و الدليل على ذلك هذه الصفحة التى فتحناها للدردشة و الحوار
فالمفروض بعد ان استمتعنا بأى لون من الطرب الشرقى فى المنتدى ان نخرج منه,
و لكننا فتحنا هذه الصفحة لاننا لا نريد الخروج لأننا ببساطة ماصدقنا نلاقى ناس لهم نفس التفكير و نفس الميول الفنية و الاستماعية لنجالسهم و نتكلم معهم فى شئ له معنى لأنه على النقيض من ذلك فى خارج المنتدى مازال هناك المغنيين اللطاف
ذوى الشعر المسبسب و الابتسامات الساحرة و الاصوات التى تقلب المعدة ,
و ما زلنا لا نريدهم... فللأسف نهرب منهم الى المنتدى لاننا جميعا و حيدون خارجه.
كما اندهشت جدا من ان حضرتك غير دارس للموسيقى برغم شرحك الاكاديمى المنظم و المبسط , و اسمح لى هذا يزيدك فخرا و يزيدنا تقديرا و احتراما لموهبتك فى الموسيقى و موهبتك فى الشرح , و مما زاد اعجابى بك انك تقول انك عازف للبيانو الذى احبه جدا برغم علمى انه من اسهل الالات فى تعلمه الا ان اتقان العزف عليه انا متأكد انه صعب جدا.
واستمعت الى اعادة توزيع يا قليى يا خالى التى تفضلت حضرتك و رفعتها و .......:rolleyes:
مش عارف ....كلها اورج ...مافيهاش حياة يا استاذ محمد... عمار الشريعى اللى عاملها؟؟؟؟
فى رأيى انه لو انه هو اللى عامل هذه التوزيعات فهى لم تضف شيئا الى تاريخه بعكس الحانه هو التى لن ننساها ابدا.
و لذلك احب اسأل حضرتك و برضه أسأل غازى و ابلة سامية مين اقرب الموزعين الموسيقيين الى قلوبكم؟؟ و ليه؟؟؟؟
(بالنسبة لى و دون اى تأثير عليكم انا بحب عمر خيرت)
اما بانسبة لموضوع عم الdj فاحب اطمنك و اطمن ابلة سامية انى عندما اعطيه اسطوانة فى اى حفلة باحمر عنيه :mad: فى اثناء ذلك و ببرق فى عينه عشان يخاف و يكش :mad: و يقول يارب عدى الليلة دى على خير..... الراجل ده شكله لبط(مع انى غلبان و فى حالى و الله:() .
و هما دايما زى ما قولت لحضرتك عيال صغيرين فتحوا عنيهم على الهجايص و مش فالحين غير فى هز وسطهم بس.
و بالنسبة لرد فعل نقابة الموسيقيين تجاه هؤلاء الDJ , فعلا حاجة مخجلة ان تقول نقابة محترمة لها اعضاء و لها شئون قانونية لا املك سلطة على من يحييى الحفلات , و يبقى لهم حق بعرور و الصغير يغنوا للعنب و لمؤاخذة للحمير ماداموا عارفين ان النقابة ليس لها اى سلطة على احياء الحفلات.... ولا ايه رأي جضرتك يا أستاذ محمد؟؟؟
نيجى لاستاذ غازى
يا عم غازى يا استاذ غازى ايه فايدة منتدى السميعة اذا ماسمعوش صوتك و الحاجات اللى عملتها عشان تاخد رأى نهائى لهذه التجارب .
و تأكد ان الحكم عليها سيكون موضوعى جدا و لو طلعت وحشة لا قدر الله ماتخافش مافيش مشانق و قطع رقاب بل بالعكس سنحترم محاولاتك جدا .
و انا متأكد انه مادام المايسترو عصمت قالتلك غنى يا غازى يبقى اكيد صوتك حلو .و الصوت الحلو لن يلام الا على الكلمات او الالحان .
ياللا ارفع الحاجات دى خللينا نسمعها.
و الصفحة التانية بتاعتك حانجيلك فيها يا باشا و فكرتها عجبتنى جدا جدا جدا يا غازى يا جميل يا صاحب السبق دايما.
و احب ارد على ابلة سامية بالنسبة الى مشاركة باقى الاعضاء لنا فى هذه الصفحة ان فى كتير بيخشوا الصفحة و اكيد بيستفيدوا من شرح الاستاذ محمد و من مناكفة استاذ غازى و اكيد مستنيين الفرصة فى موضوع موسيقى نثيرة يخاطب اهتماماتهم و يشاركونا بأذن الله.

الألآتى

20/07/2007, 03h33

كما اندهشت جدا من ان حضرتك غير دارس للموسيقى برغم شرحك الاكاديمى المنظم و المبسط

حمدلله على السلامة أخى أبو مندور .. فينك ياعم .. وحشتنا ..

معلش .. إسمحلى أرد أولاً على عبارتك السابقة ..

أنا بالفعل دارس للموسيقى .. ولكن دراسة ذاتية .. ليست عن طريق معهد أو كلية .. الفارق أننى لاأحمل شهادة .. رخصة يعنى .. مع إحترامى وتقديرى الشديدين لحاملى الشهادات ..

وبصراحة أكثر .. أنا لى موقف من الشهادات .. على الأقل فى بلدنا السعيد ( مصر ) ..

إن الشهادات فى مصر لا تعنى بالضرورة أن حاملها متمكن من علمه .. هى فقط رخصة للعمل أو لوحة لزوم التعليق على الحائط .. وكتابتها فى الكارت الشخصى .. أنا لا أحب الشهادات ..

وقد كان لى موقف ظريف عندما قررت أن أحصل على بعض الدورات فى الكمبيوتر .. حصلت على أكثر من خمسة دورات .. ولكنى كنت أرفض أخذ شهادة من مركز الكمبيوتر .. متعللاً بأننى أتيت للتعلم وليس للحصول على شهادة .. ولم يكن فى نيتى العمل بالشهادة .. أنا أحب أن أتعلم فقط ..

صحيح أن الكثير من حاملى الشهادات مبدعون فى مجالهم .. ولكن هذا ليس راجع للشهادة نفسها .. ولكن لموهبة صاحبها وإستعداده الشخصى ..

أنا درست الموسيقى كما يدرسها أى طالب ويمكن أكثر ..

نبدأ الأن فى مناقشة ماجاء فى ردك الكريم ..

بالنسبة لقولى أننى أشعر أننى وحدى فى هذا العالم .. وردك بأننا جميعاً فى هذا المنتدى ينتابنا نفس الشعور ..

فى الحقيقة أخى أبو مندور .. هذا ماجعلنى أنتمى لهذا المنتدى .. مشاركة الشعور والإحساس .. وأوافقك فى كل ماذكرته بالنسبة لهذه الجزئية ..

أما بالنسبة لتوزيع أغنية ( ياقلبى ياخالى ) .. فهذا التوزيع من أوائل توزيعات عمار الشريعى لأغانى عبد الحليم .. حيث كانت الإمكانيات أقل .. ومن الجائز أن يكون الشريعى أراد أن يعطى الأغنية صبغة غربية .. ولو تابعت أعمال الشريعى منذ البداية ستفاجأ بأعمال بدائية وبسيطة جداً .. منذ كان يعزف على الأورج ( الفرفيزا ) ومعه طبلة ورق فقط .. ولكنه تطور مع تطور الإمكانيات والتكنولوجيا .. ولم أعرف أحداً إستفاد من التكنولوجيا فى الموسيقى أكثر من الشريعى .. لهذا .. أحبه ..

ولقد تعمدت وضع هذه الأغنية بالذات ( للأستاذ غازى ) للتدليل على مدى تغير شكل العمل بشكل جذرى نتيجة إعادة التوزيع ..

أما بخصوص .. أقرب الموزعين إلى قلبى .. فهو ( على إسماعيل ) بدون تردد .. والأسباب كثيرة .. فلقد تربيت على توزيعاته وموسيقاه التصويرية .. كانت الأقرب إلى قلبى .. فهو الذى مزج الموسيقى الغربية بالموسيقى الشرقية .. وحتى اليوم .. لم أجد موزع بقوة هذا العبقرى .. فأنا أحبه .. لله فى لله ..

صحيح أننى أميل لسماع بعض موزعى اليوم مثل ( عمر خيرت وياسر عبد الرحمن والشريعى بالطبع ) ولكن يظل على إسماعيل هو والدى فى الموسيقى التصويرية والتوزيع ..

الخلاصة : أننى أحب وأحترم الموزع الذى يستعمل الأوركسترا الحقيقى فى أعماله .. وليست الموسيقى الآلية ..

وبالنسبة لموضوع ال Dj .. فأنا لا أستطيع بصراحة أن أحذو حذوك .. وأحمّر عينى .. أخاف أحسن يضربنى ياعم .. أنا ماعنديش الجرأة ..

أما بالنسبة لموقف نقابة المهن الموسيقية بالنسبة لل Dj .. فهى مشكلة بالفعل .. لأن ال Dj إنتشر بطريقة عشوائية فى المدن والقرى والنجوع والكفور .. لدرجة تستلزم إنشاء إدارة كاملة تابعة لوزارة الداخلية .. لزوم مطاردة هؤلاء فى جميع أنحاء الدولة .. وهذا عسير كما نعرف كلنا .. وخاصة أن الأخوة ال Dj لا ينتمون بأى شكل لنقابة المهن الموسيقية .. فهم ليسوا موسيقيين .. وليس أمام النقابة إلا إبلاغ الشرطة عنهم .. وليس أمام الشرطة إلا تحرير محضر إزعاج لهم .. يعنى غرامة مالية .. المسألة تحتاج لتدخل أكبر من ذلك .. ويمكن تحتاج لتشريع ..

يتبقى أن أشاركك فيما ذكرته بالنسبة لعم غازى .. الذى مازال يبخل علينا بأعماله .. وأقول لعم غازى .. ماتخافش ياعم .. مش حانتريق على شغلك .. لأننا كلنا كنا مثلك .. لنا تجارب أولية ونعتبرها من الذكريات برغم بدائيتها .. وأنا متأكد إنك عملت حاجات حلوة .. وبالتأكيد إنك فنان حقيقى .. لأن الفنان الحقيقى لا يعجبه عمله مهما تطور .. فهو يطمح للأحسن ..

غازي الضبع

21/07/2007, 22h28

يتبقى أن أشاركك فيما ذكرته بالنسبة لعم غازى .. الذى مازال يبخل علينا بأعماله .. وأقول لعم غازى .. ماتخافش ياعم .. مش حانتريق على شغلك .. لأننا كلنا كنا مثلك .. لنا تجارب أولية ونعتبرها من الذكريات برغم بدائيتها .. وأنا متأكد إنك عملت حاجات حلوة .. وبالتأكيد إنك فنان حقيقى .. لأن الفنان الحقيقى لا يعجبه عمله مهما تطور .. فهو يطمح للأحسن ..

والله يا أستاذ محمد أنا في الأول كنت مكسوف أرفع حاجة من حاجاتي دي
بس دلوقتي وبعد أن شجعتوني .. فعلا أنا مش عارف أرفعها ..
أنا عندي الوصلة اللي من الكمبيوتر للكاسيت ( عينين من ناحية ، وعين واحدة من الناحية الأخرى )
وحاولت اتباع الخطوات المكتوبة هنا في المنتدى ، ولكن لم أفلح
وللعلم أنا باحاول في الموضوع منذ اشتركت هنا في المنتدى ( من سنة وشوية ) بس فعلا مش عارف
ياريت لو تدلني ، وهل فعلا الوصلة اللي عندي هي المقصودة ..
وتعرف إن أي عمل أنا رفعته هنا في المنتدى كان من مقتنياتي الشخصية على الجهاز دون توصيل الكاسيت نهائيا
لو تقدر تساعدني .. أكون ممنون جدا
تحياتي

الألآتى

21/07/2007, 23h05

أمممم .. أه ..

بقى هى دى المشكلة ..

عموماً الوصلة إللى عندك تنفع .. ( من ناحية 2 جاك أوديو ومن الناحية التانية جاك صباع صغير ستريو ) .. صح ؟

طيب .. نمشى مع بعض خطوة خطوة ..

أنا مش عارف الكاسيت إللى عندك شكلة إيه ..

لكن بص فى ضهر جهاز الكاسيت .. لو لقيت .. 2 جاك أوديو ملونين ( أحمر وأبيض .. أو أحمر وإسود ) يبقى مافيش مشكلة .. وحانشتغل على هذا الأساس ..

ركّب الوصلة بتاعتك ( الإتنين جاك أوديو .. فى الإتنين جاك إللى فى ضهر الكاسيت ) حلو ؟ .. حلو

نيجى بقى للكمبيوتر .. حاتلاقى كارت الصوت له عدة مداخل .. إختار المدخل المكتوب عليه Line .. وركّب فيه الجاك الإستريو الموجود فى الوصلة .. فاضل بقى نسجل ..

إفتح برنامج التسجيل إللى عندك ( جولد ويف ، ساوند فورج ، ويف لاب .. ألخ )

ضع شريط الكاسيت فى مكانه .. وأظبط على أول الأغنية .. إضغط على زر Ric الموجود فى برنامج التسجيل .. وبعدها شغل الكاسيت .. حاتلاقى البرنامج بيسجل .. ولما تنتهى العملية .. وقف التسجيل فى البرنامج .. وإحفظ الأغنية عندك فى الكمبيوتر .. وخلاص ..

نيجى بقى للإحتمال الثانى .. ماعندكش إتنين جاك أوديو فى ضهر الكاسيت .. تبقى محتاج وصلة بطرفين .. كل طرف ( جاك صباع صغير إستريو ) .. يعنى كل ناحية .. جاك صغير ..,

الأول تضعه فى منفذ Line فى كارت الصوت .. والتانى تضعه فى منفذ Hidphon فى الكاسيت .. وتعمل نفس الخطوات السابقة

خد بالك .. يعنى ملحوظة ..

يجب ظبط مستوى الصوت الخارج من الكاسيت ليكون ملائماً .. حتى لايحدث تشويه فى الصوت ..

وأى مشكلة تظهر أمامك .. أذكرها .. أحلها لك بإذن الله ..

الألآتى

22/07/2007, 09h09

أهلاً بالعزيزة سامية ..

ماشى ياستى .. خلينا فى التسجيل دلوقتى .. علشان أنا يهمنى إن كلكم تسجلوا وترفعوا كنوزكم للمنتدى ..

إنتِ بتقولى إنك نجحتى فى التسجيل .. ولكن الصوت بيطلع سئ .. نحاول نخليه يطلع كويس وإبن حلال ..

أولاً : الصوت الصادر من جهاز الكاسيت لابد أن يكون أقل من النصف .. وبدون مؤثرات .. يعنى بدون إكولايزر .. ( Flat ) .. يعنى .. لابيز ولا تريبل ولا ديلاى .. ولا حاجة أبداً ..

ثانياً : الصوت الداخل للكمبيوتر لابد أن يكون مناسب .. إزاى ؟ .. نقول إزاى ..

أثناء التسجيل .. راقبى مؤشر الصوت فى البرنامج .. ممنوع بتاتاً أن يصل مؤشر الصوت للون الأحمر ..

ملحوظة هامة .. إذا كنتِ تسجلين عن طريق منفذ الهيدفون فى الكاسيت .. راعى أن يكون الصوت فى أدنى حالاته .. لأن الصوت الصادر من الهيدفون يكون أعلى من الصوت الصادر من السماعات ..

والقاعدة الذهبية .. ألا يصل مؤشر التسجيل للون الأحمر .. أتمنى لكِ تسجيلاً واضحاً ومرضياً ..

unicorn

23/07/2007, 18h47

بسم الله ما شاء الله
استاذنا الالاتى استاذ فى كل شئ
فى المزيكا و فى الكومبيوتر و هندسة الصوت
ربنا يخليك لينا يا استاذنا و نتعلم منك.
احب اقول لاستاذ غازى انه ممكن كمان يعمل recording باستخدام ال jetaudio اذا لم يكن عنده برامج التسجيل التى ذكرها استاذ ابو حسام, و انصحك باتباع تعليمات استاذ الالاتى بدقة لأنى كنت بسجّل قبل كدة دون الاهتمام بمستوى الصوت او وضع الequalizer و ربنا ما يوريك الصوت طلع عامل ازاى :crazy:
و اظن بعد كده يا عم ماليكش حجة , و احنا وراك لغاية ما ترفع حاجاتك.

غازي الضبع

26/07/2007, 16h05

والآن أيها السيدات والسادة
حان الوقت

.................................................. .................................................. .......................

المفاجــــــــــــــــأة الكبـــــــــــــــــــرى

.................................................. .................................................. ......................

أنا نويت أقدم هدية لأخويا وحبيبي محمد الآلاتي
الأغنية التي حدثتك عنها قبل ذلك .. وبعد أن تمكنت من التسجيل

مع أغنية Coco Jumpo
ولكن بالتوزيع اللي أنا عملته لها من جديد
الفكرة والتوزيع من أوله لآخره بتاعي أنا

ملحوظة هامة جدا : هذا التسجيل من حوالي أكتر من 10 سنين وكان غرضي منه الهزار والفرفشة والتجربة ..
وإوعى حد يتريق :z060:
وخصوصا على الصوت المصاحب للموسيقى .. عشان دا صوت واحد صاحبي ماعرفوش..
.................................................. .......................
وعموما عشان أنا بانكسف قوي :o
أنا هاداري نفسي لمدة يومين ، وبعدين آجي أشوف رد فعلكم إيه ..
ورأي الأستاذ الآلاتي ..
يعني هاريحكوا من وشي يومين بحالهم :z039:

الألآتى

27/07/2007, 00h52

غازي الضبع

27/07/2007, 22h19

إنت وقعت ولاّ الهوا رماك ... تعالى لعمو ياحبيبى .. ده أنا مستنيك من زمان ..

الواضح إن الأورج المستعمل ( Gem WS1 ) .. كما إن صوت المطرب ( العاطفى ) ضعيف .. مش واضح ..

الإيقاع محتاج شوية Quantize .. ( إدخال النغمات الشاردة داخل حيز المازورة ) .. لأنى سامع تخبيط ( حلل ) ..

وعموماً .. التجربة كويسة بالنسبة لأول مرة ..... وأخر مرة ..:mdr::mdr:

شفت بقى
أهو دا اللي كنت عامل حسابه :mad:
قعدتوا تشجعوني عشان أرفع لكم الحركات
وأنا أقولكم بلاش
هاتتريقوا ..
تقولولي أبدا
ماشي .. ماشي

:oops1:

الألآتى

28/07/2007, 09h09

هاهاهاها ...

لا والله ياغازى .. ماتزعلش .. إحنا بنعتبر التريقة نوع من الحافز .. الذى قد يجعلك تتحدى نفسك وتتحدانا .. ياما الواحد خد تريقة فى أوائل أعماله .. وده إللى خلانى أصمم أدرس الموسيقى ذاتياً .. لأن الظروف كانت لا تسمح بإنضمامى لأحد الكليات أو المعاهد المتخصصة ..

لا تخجل ياصديقى وإعتبر أن التريقة نوع من أنواع التحدى للذات .. لو بتحب المزيكا .. إستمر وستصل مهما طال المشوار .. ولا تجعل عامل السن حائلاَ بينك وبين التعلم .. وينطبق هذا على معظم الهوايات ..

ومالكش دعوة بالقومندان ( راضى )

لأنه ماوراهوش حاجة غير إنه يهزأنا لو غلطنا فى اللغة العربية ..

الألآتى

29/07/2007, 05h14

حلوة ياعم غازى ... لكن ..

لو إشتغلت على إيقاع يكون أحسن .. يظبطك ..

غازي الضبع

29/07/2007, 06h29

ربنا يجبر بخاطرك يا رب
وما يرقدلك جتة
ويطعمك ما يحرمك
ويديك على أد نيتك
يا رافع معنوياتي
:mdr:

بس انت حيرتني معاك
نعمل إيقاع تقول تخبيط حلل
مانعملشي .. تقول الإيقاع أحسن
على العموم .. دا تسجيل من أكتر من 10 سنين
وكان والله مجرد مزاح ..
إن صاحبي يعزفها قدامي .. وأنا أحفظ صوابعه بتروح فين
وبعدين أقلده .. فتطلع كده
وياريتني استمريت .. متهيألي كنت زماني هافهم وأبقى شاطر
...
بس يالله .. الفن مالوش نصيب :mdr:

غازي الضبع

22/06/2008, 08h48

والله يا عم محمد أنا فعلا ماعرفش مصير مواضيع الصالون إيه ؟؟
لكن هذا الموضوع اسمه دردشة موسيقية
يعني دردشة في صميم منهج المنتدى
يبقى أكيد عمره ما هايتحذف
ويا ريت والله باقي المواضيع تبقى كده
ساعتها مش هاتسمع عن حاجة اسمها حذف نهائي
كمّل يا عم .. كمّل
ماله بقى القصبجي
ادينا نفحات كده ..

اسير النغم

25/06/2008, 09h13

السلام عليكم ورحمة الله وبركاته
وددتُ أن اشارك في موضوع التلحين والملحنين

وجهت نضري يجب تفاعل الملحن مع المفردة الشعرية وهو شئ مطلوب جدا جدا وايضا علاقة المفردة الشعرية بالمقام الموسيقي واقصد بالمفرده الشعرية اي الكلمة في القصيدة وليس الشطر او البيت وأيضا علاقة الملحن مع المقام الموسيقي

واريد توضيح المفردة الشعرية مع المقام الموسيقي .
بعض المفردات الشعرية تتوافق مع مقامات موسيقية معينه لتتم حالة التوافق بين الكلمات واللحن وهذا ما فعله استاذنا رياض السنباطي في رباعيات الخيام تابعو كيف لحن هذه القصيدة
قرأها وعاش معها وفجاءة بعد مدة من الزمن اصبح يدندن بمقطع اطفئ لظى القلب بشهد الرضاب فأنما الايام مثل السحاب لاحظ معي كيف توافقت المفردة مع مقام الرست وبعد ذلك اكمل القصيدة بتناسق عجيب .

واخر نقطه وهي علاقة الملحن مع المقام الموسيقي تجد بعض الملحنين متعمقون في مقامات معينه وسطحيون في بعض المقامات ولايتعامل معها الا في اضيق الحدود نأخد مثال

تجد عبدالوهاب وهو راعي صنعه كما قال استاذنا محمد الالاتي
وأنا معاه في ما قال .
يستخدم اغلب المقامات الموسيقيه لكن عند مقام الصبا لاتجد له اعمال تبداء بمقام الصبا ويتعامل معهُ في اضيق الحدود وسئل عن ذلك عبدالوهاب فقال مقام الصبا مقام محدود ولكن تجد الشيخ زكريا احمد يجعل من مقام الصبا حكاية وروايه ويشيل الحدود اللى عملها عبدالوهاب

بقيت كلمه عن التلحين من وجهت نضري وهو الهام وصوت داخلي من روح الفنان الحقيقي ليس له ميعاد مثل الشعر
( يجيءُ بلا وقتٍ وبالوقت يلتقي )
وبعد ذلك تأتئ الصناعه كما قال استاذنا الكبير محمد الالاتي

واسف جداً على الاطاله الموضوع متشعب وكبير

حفيف الذكرى

01/07/2008, 00h56

أيها الإخوة الأفاضل : بداية هذه وجهة نظري الخاصة والتي ربما قد أخالف فيها البعض ، ولكن القاعدة كما هو متعارف عليها ( أن الاختلاف في الرأي لا يفسد للود قضية .
أولاً : رياض السنباطي : وسأبدأ به نظراً لفارق الإمكانات اللحنية والجمل الموسيقية التطريبة التي تميزه عن موسيقار الأجيال محمد عبد الوهاب _ وأرجو الإنتباه لجملة موسيقار الأجيال والتوقف عندها كثيراً _ .
= بحكم الفوارق المذكورة والفروقات في الممارسة اللحنية الطويلة والإعتكاف لأجلها كثيراً نجد أن السنباطي ( رحمه الله ) له اليد الطولى في الجانب الإبداعي والإبتداعي الخالد .
= وبما أن السنباطي كان ملحناً في المقام الأول فقد أجاد كل الإجادة وامتلك كل نواصي المميزات الخلاقة في الألحان ، بعكس محمد عبد الوهاب المؤدي والملحن .
= ولا نغفل الجانب التطويلي في الألحان عند السنباطي ففي الأغنية الواحدة التي يقيمها على مقام موسيقي نجد فيها التنويع في الكوبليهات بخلاف مذهبها وقفلاتها ، وهذا يكاد يكون قليلاً عند موسيقار الأجيال ( من المعروف أن عبد الوهاب أقل من التلحين على مقام الصبا _ وهذا قصور وتوقف مرده إلى عدم تمكن كامل وعدم علم وافر ضليع .
= أبدع السنباطي في معظم ألحانه لمن تعاون معهم ومنهم : أم كلثوم ، سعاد محمد ، نجاة الصغيرة ، شهرزاد ، نازك ، فايزة أحمد ، هدى سلطان ، نور الهدى ، عزيزة جلال ، وردة الجزائرية ، ميادة الحناوي ، وقد ذكرت هاهنا كوكبة من عمالقة فن الغناء والصوت ، وحسبي بهم كمثال عن بقية من تعاون معهم السنباطي العملاق ،، أما عبد الوهاب فلا نكاد نعرف إلا اليسير من تعاوناته الناجحة ، وذلك لأنه في أغلب تعاوناته اعتمد الألحان الخفيفة السريعة البعيدة عن التطريب إلا ما قل وندر وحقق نجاحاً كنجاحات السنباطي .
= ومن منا لم يرسل أذنيه ويسترسل مع لحن بديع من ابداعات السنباطي التالية : هلت ليالي القمر ، غنى الربيع ، جددت حبك ليه ، رباعيات الخيام ، حديث الروح ، القلب يعشق كل جميل ، النيل ، غلبت اصالح في روحي ، ياللي كان يشجيك أنيني ، أقبل الليل ، سهران لوحدي ، ذكريات ، هجرتك ( أغنية القرن ) ، ثورة الشك ، الأطلال ، من أجل عينيك ، = إن كنت ناسي ، ياناسيني ، افكر فيه وينساني ، انتظار ، أنا وحدي ، سبحان علام الغيوب ، لا يا روح قلبي ، من أنا . يا قلبك ، لا تقلي ضاع حبي من يدي ، أشواق ....... ومن أغانيه التي أداها بنفسه : بيني وبينك ، أمشي إليك ، ذكريات ( ساعة زمن ) ، لقاء ، روّعوه ، أيها الشادي . فجر ، ربي سبحانك .. وهذا غيض من فيض وقليل من كثير من إبداعات الموسيقار الفائز بجائزة اليونسكو في فن الألحان الشرقية الأصيلة .
= لعبد الوهاب ابداعات كذلك ولكنها لا تصل لرفعة ابداعات السنباطي لفارق الإمكانات والتمكن في فن الموسيقى الشرقية الأصيلة ، ولعلي أذكر بعض روائع موسيقار الأجيال المعدودة : أمل حياتي ، انت عمري ، انت الحب ، أغداً ألقاك ، كل ده كان ليه ....
[COLOR="Black"]للمعلومية ::: أغنية منين نبتدي الحكاية من ألحان الموسيقاربليغ حمدي ::: .[/COLأيها الإخوة الأفاضل : بداية هذه وجهة نظري الخاصة والتي ربما قد أخالف فيها البعض ، ولكن القاعدة كما هو متعارف عليها ( أن الاختلاف في الرأي لا يفسد للود قضية .
أولاً : رياض السنباطي : وسأبدأ به نظراً لفارق الإمكانات اللحنية والجمل الموسيقية التطريبة التي تميزه عن موسيقار الأجيال محمد عبد الوهاب _ وأرجو الإنتباه لجملة موسيقار الأجيال والتوقف عندها كثيراً _ .
= بحكم الفوارق المذكورة والفروقات في الممارسة اللحنية الطويلة والإعتكاف لأجلها كثيراً نجد أن السنباطي ( رحمه الله ) له اليد الطولى في الجانب الإبداعي والإبتداعي الخالد .
= وبما أن السنباطي كان ملحناً في المقام الأول فقد أجاد كل الإجادة وامتلك كل نواصي المميزات الخلاقة في الألحان ، بعكس محمد عبد الوهاب المؤدي والملحن .
= ولا نغفل الجانب التطويلي في الألحان عند السنباطي ففي الأغنية الواحدة التي يقيمها على مقام موسيقي نجد فيها التنويع في الكوبليهات بخلاف مذهبها وقفلاتها ، وهذا يكاد يكون قليلاً عند موسيقار الأجيال ( من المعروف أن عبد الوهاب أقل من التلحين على مقام الصبا _ وهذا قصور وتوقف مرده إلى عدم تمكن كامل وعدم علم وافر ضليع .
= أبدع السنباطي في معظم ألحانه لمن تعاون معهم ومنهم : أم كلثوم ، سعاد محمد ، نجاة الصغيرة ، شهرزاد ، نازك ، فايزة أحمد ، هدى سلطان ، نور الهدى ، عزيزة جلال ، وردة الجزائرية ، ميادة الحناوي ، وقد ذكرت هاهنا كوكبة من عمالقة فن الغناء والصوت ، وحسبي بهم كمثال عن بقية من تعاون معهم السنباطي العملاق ،، أما عبد الوهاب فلا نكاد نعرف إلا اليسير من تعاوناته الناجحة ، وذلك لأنه في أغلب تعاوناته اعتمد الألحان الخفيفة السريعة البعيدة عن التطريب إلا ما قل وندر وحقق نجاحاً كنجاحات السنباطي .
= ومن منا لم يرسل أذنيه ويسترسل مع لحن بديع من ابداعات السنباطي التالية : هلت ليالي القمر ، غنى الربيع ، جددت حبك ليه ، رباعيات الخيام ، حديث الروح ، القلب يعشق كل جميل ، النيل ، غلبت اصالح في روحي ، ياللي كان يشجيك أنيني ، أقبل الليل ، سهران لوحدي ، ذكريات ، هجرتك ( أغنية القرن ) ، ثورة الشك ، الأطلال ، من أجل عينيك ، = إن كنت ناسي ، ياناسيني ، افكر فيه وينساني ، انتظار ، أنا وحدي ، سبحان علام الغيوب ، لا يا روح قلبي ، من أنا . يا قلبك ، لا تقلي ضاع حبي من يدي ، أشواق ....... ومن أغانيه التي أداها بنفسه : بيني وبينك ، أمشي إليك ، ذكريات ( ساعة زمن ) ، لقاء ، روّعوه ، أيها الشادي . فجر ، ربي سبحانك .. وهذا غيض من فيض وقليل من كثير من إبداعات الموسيقار الفائز بجائزة اليونسكو في فن الألحان الشرقية الأصيلة .
= لعبد الوهاب ابداعات كذلك ولكنها لا تصل لرفعة ابداعات السنباطي لفارق الإمكانات والتمكن في فن الموسيقى الشرقية الأصيلة ، ولعلي أذكر بعض روائع موسيقار الأجيال المعدودة : أمل حياتي ، انت عمري ، انت الحب ، أغداً ألقاك ، كل ده كان ليه ....
[COLOR="Black"]للمعلومية ::: أغنية منين نبتدي الحكاية من ألحان الموسيقاربليغ حمدي ::: .[/COOR]

غازي الضبع

01/07/2008, 02h38

الأستاذ الفاضل / خفيف الذكرى
طبعا الاختلاف في الرأي لا يفسد للود قضية كما نعلم وكما ذكرت حضرتك
وأنا عليّا أن أحترم رأي حضرتك جدا بالرغم من أني أراك متحاملا جدا على موسيقار الأجيال ..
يكفي أنك حينما ذكرته مقارنا بالموسيقار السنباطي فقلت : أنه مؤدي وملحن .. حتى لم تقل مطرب وملحن ..
والحقيقة إني أتسائل في البداية لماذا حضرتك تعقد مقارنة بينه وبين الموسيقار رياض السنباطي ..
كلا منهما موسيقار له وزنه وثقله في عالم الألحان ..
وليس معنى أن الأستاذ عبد الوهاب كان قليل استخدام مقام الصبا أنه لا يتقنه أو لا يستطيع التعامل معه ..
فقد تملك العديد من الأشياء ولكنك لا تحب استخدامها أو تستعيض عنها بأشياء أخرى ..
فأرى حضرتك تقول :
ولا نغفل الجانب التطويلي في الألحان عند السنباطي ففي الأغنية الواحدة التي يقيمها على مقام موسيقي نجد فيها التنويع في الكوبليهات بخلاف مذهبها وقفلاتها ، وهذا يكاد يكون قليلاً عند موسيقار الأجيال
والله .. انا مستعجب جدا من هذه المقولة العكسية تماما
فمن المعروف ان الأستاذ عبد الوهاب كان يتمتع في كل ألحانه بالتنويع والتجديد والتطويل .. فيكفي أنك لا تمل أبدا من أي أغنية تكون من الحانه ،، حتى إذا تم إعادتها 100 مرة
وأتعجب جدا من مقولة حضرتك ..
أبدع السنباطي في معظم ألحانه لمن تعاون معهم ومنهم : أم كلثوم ، سعاد محمد ، نجاة الصغيرة ، شهرزاد ، نازك ، فايزة أحمد ، هدى سلطان ، نور الهدى ، عزيزة جلال ، وردة الجزائرية ، ميادة الحناوي ، وقد ذكرت هاهنا كوكبة من عمالقة فن الغناء والصوت ، وحسبي بهم كمثال عن بقية من تعاون معهم السنباطي العملاق ،، أما عبد الوهاب فلا نكاد نعرف إلا اليسير من تعاوناته الناجحة
حقيقي أنا متعجب جدا من هذه المقولة أيضا ..
وأشعر أن حضرتك لم تعرف عبد الوهاب من أساسه ..
ولماذا لم تذكر محطة عبد الحليم على سبيل المثال
وأُعلم حضرتك أن السنباطي لحن أغنيتان تقريبا فقط لعبد الحليم هما أفشل أغنيتان له ..
وهما لحن الوفا ( من فيلم لحن الوفاء ) ، وأنا وانتي وانا ( من فيلم ليالي الحب )
وأكبر دليل على ذلك أنك تستطيع أن تسأل أيٍ من مُحبي العندليب فتجده يحفظ كل أغاني العندليب عن ظهر قلب ماعدا هاتان الأغنيتان .. !!
هذا طبعا على سبيل المثال ..
أما بقية الكوكبة المذكورة فإذا أخذنا مثلا مثال نجاة الصغيرة وقارنّا نجاة مع السنباطي بنجاة مع عبد الوهاب ..
حقيقي لا يوجد وجه مقارنة ..
إن نجاة لم تعرف النجاح إلا على يد عبد الوهاب كما قالت هي بنفسها ..
وكذلك وردة الجزائرية وفايزة .. وغيرهم ..
ويكفي أقول لحضرتك واقع مهم جدا ..
أنه إذا تكلمنا عن نجاح السنباطي فسيأتي سريعا في أذهاننا جميعا أعماله مع أم كلثوم ..
أم إذا تكلمنا عن نجاح عبد الوهاب .. لن يأتي في ذهنك مطرب بعينه ..
لإن عبد الوهاب لم يكن ملحن لفئة واحدة أو نوعية واحدة من الصوت كما كان السنباطي ..
أنا لا أغفل نجاحات السنباطي مع غير أم كلثوم ولكنها نجاحات بنسب ضئيلة جدا بالنسبة لأعماله مع أم كلثوم ..
أما عبد الوهاب فهو كان صانعا للعديد من المطربين العظام ..
ويكفي أن أذكر مثالا واحدا فقط على صناعات ونجاحات عبد الوهاب وهو المطرب الكبير محمد عبد المطلب ..
والذي يشهد تاريخه أن عبد الوهاب هو من صنع شهرته ونجاحاته ..
ثم ذكرت حضرتك بعض أعمال الموسيقار السنباطي وتقول : ومن منا لم يرسل أذنيه ويسترسل مع لحن بديع من ابداعات السنباطي التالية : هلت ليالي القمر ، غنى الربيع ، جددت حبك ليه ، رباعيات الخيام ، ..
ولم تُكمل المقارنة التي عقدتها بين الأستاذ عبد الوهاب والموسيقار السنباطي ..
فكان من المفروض أن تذكر أيضا أعمال الأستاذ العديدة المتميزة .. ولن أضرب أمثال فأعماله كلها متميزة ..
ثم ضربت حضرتك عدة أمثلة لأغاني غناها الموسيقار السنباطي .. وهنا لم ولن يصلح نهائيا أن تقارن بين أغانيهما الشخصية فلم يغني أحداً مثل الأستاذ عبد الوهاب أبدا حتى الآن .. لا السنباطي ولا غيره ..
ثم ذكرت جائزة وحيدة للموسيقار السنباطي وهنا أنا أعذر حضرتك في عدم ذكر جوائز وأوسمة ونياشين وألقاب الأستاذ عبد الوهاب العديدة والمختلفة والمتنوعة والتي بالتأكيد لم يحصل عليهم صدفة ..
أتعجب أيضا أن حضرتك لم تذكر من ضمن معايير المقارنة بين الاثنين المقطوعات الموسيقية التي ألّـفها كلا منهما ..
ولكن أنا أعطي لحضرتك طبعا العذر لإنه لا توجد وجه مقارنة ..
لإننا تقريبا لم نسمع عن خلود أيٍ من مقطوعات الموسيقار السنباطي ولا نعلم حتى أي اسم لأي مقطوعة له على عكس العديد والعديد من مقطوعات الأستاذ الخالدة ( عزيزة ، ليالي لبنان ، حبيبي الأسمر ، خطوة حبيبي ، عش البلبل ، ألوان ، حياتي ، بنت البلد ....) إلى باقي الـ 42 مقطوعة المعروفين حتى الان ..
ثم أتعجب لهذه المقولة أيضاً :
لعبد الوهاب ابداعات كذلك ولكنها لا تصل لرفعة ابداعات السنباطي لفارق الإمكانات والتمكن في فن الموسيقى الشرقية الأصيلة
وهنا .. حقيقي لا تعليق ..
أن إبداعات الأستاذ عبد الوهاب لا تصل لرفعة السنباطي ! ! ! ! ( علامات تعجب إلى مالا نهاية ... )
وأخيرا .. أرى أن حضرتك ذيّلت مقالتك بتغليط أو إغلاط ( إذا صح التعبير ) لمعلومة أن أغنية نبتدي منين الحكاية ليست للأستاذ عبد الوهاب وإنما لبليغ حمدي ؟؟؟؟؟
وهنا أقول لحضرتك : هل لإنها من كلمات محمد حمزة تكون بالضرورة من ألحان بليغ حمدي ..
إنها بالفعل من ألحان الأستاذ عبد الوهاب
وهي آخر الألحان المغناه للعندليب من أعمال الأستاذ عبد الوهاب ..
في النهاية يا أستاذ خفيف الذكرى ..
أنا أكتب لحضرتك هذا الرد وأنا مبتسم ومحترم لكلام حضرتك ووجهة نظرك .. ولا تظن للحظة واحدة أني أرد على حضرتك بسخرية أو هجوم أو ما شابه .. حاشا لله
فنحن في موضوع دردشة موسيقية ..
وأساس الحوار هو الرأي والرأي الآخر ..
تحياتي واحترامي .

ملحن مصري

09/07/2008, 09h56

السلام عليكم
انا سعيد بالمشاركه معكم في المنتدي الجميل ولي رجاء من جميع الاعضاء
اري انه لايجب ان نقارن بين عظماء وذلك لاستقلال كل ملحن او موسيقي بشخصيته التي تفصله تماما عن غيره
كما اتمني انه لو قمنا بالنقد الافضل من وجهة نظري هو تفسير ووصف كل موسيقي علي حده وللقارئ حرية المقارنه
وانا اتكلم علي اساس أن الاعضاء مهتمون وان كانوا متخصصون لذلك اتمني ان النقد او اسلوب تناول المقارنه بشكل
موضوعي يرقي الي مستوي اعلي مما نتمني

أود أن اضيف أننى ملحن واتمني تقديم موسيقي وأغان ترقي لمستوي السمع وأن أصل إلي جميع فئات الشعب
كما فعل سابقي من العظماء
كما أرجو من حضراتكم نقدي دائما لانى مؤمن تماما بالنقد البناء
وأتمني أن اساهم ف القضاء علي ضوضاء مدعي الغناء والفن في مجالي

وفي النهايه اتمني عدم النفور من اسلوبي الصريح اكثر من اللازم

غازي الضبع

09/07/2008, 13h24

mokhtar haider

10/07/2008, 02h05

إلى الأخ الكريم الاستاذ خفيف الذكرى
ردا على تدخلك في مقارنة بين رياض السنباطي و محمد عبد الوهاب.... أقترح عليك هذا الموضوع الذي فتحه الأخ صلاح الحبراوي منذ أشهر ستجده في قسم الدردرشة دعوة على موسيقى الصفحة ال4 أو بالضغط على هذا الربط ....
http://www.sama3y.net/forum/showthread.php?t=38465

ستجد فيه بعض الشروحات في الأساليب بين السنباطي و عبد الوهاب و الكلثوميات... و ستفهم لماذا مقولة السنباطي الشهيرة "عبد الوهاب ما يتعوضش"
يمكنك قرائة هذا الموضوع.... و سنواصل الحديث لو شئت ذلك... و يكفيني الآن أن أقول أن محمد عبد الوهاب لم ينشغل بالتطيرب أصلا لكن بالتطوير و المعاصرة... كان أعظم في الغناء الشرقي الأصيل و برهن ذلك منذ ي بداياته من الأول .... لكن لم يكتفي بذلك و انشغل بالتطوير بمفعهوم عربي لا غربي و بالتالي كان في نفس الوقت مطربا شرقيا أصيلا.... و في التحليل التاريخي فالسنباطي و أم كلثوم كانا امتداد للغناء التقليدي و استغلوه إلى أقسى حد بينما عبد الوهاب اتجه إلى قرنه و قرن جيله
تحياتي

أسامة المهدي

24/07/2008, 19h57

]ياه يا جماعة ، والله الواحد مش عارف يقول قد ايه مبسوط بالتعرف إليكم[
الموضوع بدأ بأساليب الملحنين ، وتشعب إلى مقارنات ، وذكريات ، وكأنها " قعدة " تتداعى فيها الموضوعات بشكل تلقائي ، وأجدني مشدود لعذه "القعدة" أتعلم فيها من أساتذة ، وأحاول أن أشارك بدوري ، ولو أن المشاركة ستكون أنطباعية وليست علمية على النحو الذي يقوم به المايسترو محمد الألاتي في تحليلاته.
فأما عن مجمد عبد الوهاب فلا يستطيع أحد أن ينكر عبقريته ، ورغم ما يقال عن "إقتباسه" لبعض الألحان الغربية وخاصة من الموسيقى الكلاسيكية ، فإنه ولا شك قد أفاد من هذه الموسيقى ولكنه أخذها باتجاه يجعلها "وهابية" إن صح التعبير ، ولعبد الوهاب ألحان لا تنمحي من الذاكرة . أذكر منها توا قصيدة كامل الشناوي عن الوحدة بين مصر وسوريا "كان وهما وأماني وحلما" فإنها حالة خاصة جدا من الموسيقى والغناء بما فيها من انتقالات ، وبدور الكورال فيها (وأتمنى أن يشرحها لنا الأستاذ المايسترو محمد الألاتي إذا أمكن) ، وهذا مثال واحد ، فكنوز عبد الوهاب تتحدث عنه في كل مراحلة ، وهو كما قال المايسترو أبو حسام "صنايعي" ، وحتى لا يفهم الأمر على غير مقصده ، فهو فنان وصنايعي ، ولا يمكن تتبع أسلوب واحد يطبع موسيقاه ، فهو متعدد الأساليب ، حتى أنه بمكن الخلط بين بعض من أغانيه لعبد الحليم مثلا وبين أغاني الطويل أو الموجي أو بليغ ، وهو ما نعزيه إلى أنه كان يميل إلى تطوير أساليبه وموسيقاه ، وهو صحيح ، لكي تتماشى مع طبيعة أذواق "السميعة" - أو السوق الغنائي - في هذا العصر أو ذاك

أما عن رياض السنباطي ، فهو فنان أساسا ، ويتميز بأسلوب واحد مميز ، ورغم أن ألحانه تطريبية بالأساس إلا أنها تحتوي على جاتب درامي خفيف ، وهي بوجه عام موسيقي عريضة وفخمة (وقد ظهر هذا بوضوح عندما إعاد اوركسترا القاهرة السيمفوني تقديم قصيدة مصر تتحدث عن نفسها. ولرياض السنباطي أسلوب في الانتقال لاحظته في كثير من ألحانه وخاصة في القصائد ، وفي المقاطع الموسيقبة الفاصلة ، فهو يبدأ المقطع من نغمة أو نغمتين في بداية الموسيقى ، وفي المقطع التالي يبدأ من نفس النغمتين ولكن يأخذهما باتجاه آخر (كما في الأطلال في المسيقى قبل مقطع أين من عيني حبيب ، وموسيقى قبل المقطع أعطني حريتي) ، وسمات أخرى قد يفيدنا فبها بشكل معمق الأساتذة المتخصصون (والكلام إليك يا أبا حسام)
عذرا أن كنت أطلت ، وشكرا لكم جميعا