المساعد الشخصي الرقمي

مشاهدة النسخة كاملة : 5 مارس 1970 دار سنما قصر النيل*.ودارت الايام الاولى*.اسال روحك.*

ADEEBZI
21/05/2007, 12h34
دارت الايام
اول مرة
5 مارس 1970
في دار سنما قصر النيل

مده الوصلة : 120 دقيقة

الإشراف: تم وضع نسخة أفضل والشكر للأخ Egylover
ADEEBZI
10/06/2007, 19h30
اسال روحك
5 مارس 1970

سنما قصر النيل
----
الإشراف : تم رفع نسخة أفضل والشكر للأخ EgyLover1980
كمال عزمي
26/08/2007, 23h58
شكراً أخي طرب على كلماتك الرقيقة ودعنا نبدأ....

إحتفلت صحيفة الأهرام القاهرية في عددها الصادر بتاريخ 05-03-1970 بالأغنية الجديدة لأم كلثوم "ومرت الأيام".

ذكرت الصحيفة أن الأغنية ستغنيها أم كلتوم في تلك الليلة في وصلتها الأولى وتوقعت الصحيفة أن غناء هذه الأغنية سيستغرق ما بين ال 45 دقيقة والساعة ولكن أم كلثوم غنتها في ما يقرب الساعتان، وكذلك ذكرت عدد بروفات أم كلثوم لهذه الأغنية وهي 29 كذلك مشاركة عمر خورشيد لأول مرة مع أم كلثوم.

الحفل موجود على هذا الرابط :

http://www.sama3y.net/forum/showthread.php?t=19704 (http://www.sama3y.net/forum/showthread.php?t=19704)

وكانت هذه المعلومات والصور عن هذا الحفل.
http://www.sama3y.net/diraset/om_sahafa.htm
tarab
09/01/2008, 21h36
http://www.sama3y.net/forum/attachment.php?attachmentid=382394&stc=1&d=1487289839
كمال عزمي
05/07/2008, 22h01
و دارت الأيام ....بالصور

حفل 5 مارس 1970




http://www.sama3y.net/forum/attachment.php?attachmentid=97497&stc=1&d=1215294748
أم كلثوم في ذروة التعبير الروحي وعبد الوهاب يبتسم مسروراً ومنتشياً مع النغم الذي تردده أم كلثوم


http://www.sama3y.net/forum/attachment.php?attachmentid=97498&stc=1&d=1215294748
عبد الوهاب يراقب أداء الفرقة الموسيقية من خلف الستار


http://www.sama3y.net/forum/attachment.php?attachmentid=97499&stc=1&d=1215294748
عندما أخذت تردد " عيني ياعيني على العاشقين " و استعادها الجمهور عدة مرات.
كمال عزمي
05/07/2008, 22h13
تتمة...

ودارت الأيام.....بالصور

حفل 5 مارس 1970


http://www.sama3y.net/forum/attachment.php?attachmentid=97501&stc=1&d=1215295526
محمد عبده صالح يسمع الأغنية من راديو صغير في فراشه بالمستشفى الإيطالي بالعباسية وهو لم يشارك في هذا الحفل بسبب دخوله المستشفى بعد حادث سير وقع له في طنطا وإن كان قد شارك قبل ذلك في تسجيل الأستوديو لهذه الأغنية


http://www.sama3y.net/forum/attachment.php?attachmentid=97502&stc=1&d=1215295526
نهلة القدسي زوجة عبد الوهاب تجلس في مقاعد الصف الأول وتتابع الأغنية باهتمام وانسجام


http://www.sama3y.net/forum/attachment.php?attachmentid=97503&stc=1&d=1215295526
أم كلثوم تصافح عبد الوهاب بعد أن دعته لتحية الجمهور وذلك بعد انتهاء الأغنية
كلثومي
05/07/2008, 22h56
عدت والعود أحمدو يا استاذ كمال وبانتظارعودة كبير وشيخ الكلثوميون الوالد والقائد والمُعلم محمد شعبان والله ان فراقه أمر من العلقم عسى الله يصبرني
نبيل_سلهب
12/10/2008, 11h32
لا حظو يا جماعة كلمات الأغنية جيدا


كان المفروض تقول: عيني عيني ع العاشقين نهار و ليل صاحيين

بس طبعا الست بحسها المرهف غيرت الكلمات للأحسن بقولها حيارى مظلومين
د.صالح عبد الفتاح
25/12/2008, 20h27
قدم الوصلة الأولى من هذا الحفل الاذاعى الكبير جلال معوض وكان معه من المذيعين أخى وصديقى الاذاعى الكبير فايق فهيم والذى حكى لى ذكرياته عن هذا الحفل قائلا: كان هذا هو الحفل الأول لى مع أم كلثوم وقبل بداية الحفل قدمنى لها الأستاذ جلال معوض قائلا: زميلى فايق فهيم بلدياتك ياست من المنصورة فرحبت بى وفى فترة الاستراحة بين الوصلتين ذهبت اليها وسألتها ماذا ستغنى فى الوصلة الثانية..فأجابتنى قائلة ..اسأل روحك..فاندهشت وقلت فى نفسى كيف أسأل روحى هوه أنا اللى هاغنى؟..فأعدت عليها السؤال قائلا المفروض أجلس الآن الى ميكرفون الاذاعة لأقدم الوصلة التالية فماذا ستغنين..؟ فأجابت بانفعال..اسأل روحك..وعندما لاحظت احمرار وجهى وارتباكى أخرجتنى من ارتباكى قائلة : كنت أظن أن أولاد المنصورة أذكياء..انت سالتنى هاتغنى ايه وأنا أجبتك سأغنى أغنية اسأل روحك كلمات عبد الوهاب محمد ولحن بليغ حمدى..وكان هذا الموقف من طرائف أم كلثوم معى..حكيت هذا الموقف وأعتذر لصديقى فايق حيث كان يجب أن أستأذنه فى ذلك ولكن أظن أنه سيغفر لى ذلك ...د.صالح عبد الفتاح.
كلثومي
25/12/2008, 21h24
تصحيح ياااستاذ صالح وانا اعلم انه حصل عندك خطا مطبعي ومليون بالميه انت تعلم من هو ملحن رائعة اسال روحك
اغنية اسال روحك من الحان محمد الموجي وشكرا على القصه الجميله
د.صالح عبد الفتاح
26/12/2008, 11h14
طبعا ياأخى لك كل الحق وكويس ان صديقى الموجى الصغير ماشفهاش كان زعل منى جدا..... طبعا اسأل روحك تلحين الموسيقار الكبير محمد الموجى..د.صالح
الإدريسي فؤاد
13/02/2009, 02h24
ADEEBZI - kandis
أشكركما أحبائي على جهودكما المُميّزة وبارك الله فيكما
وكم يُسعدني ويُشرِّفني أن أساهم بجهد متواضع وهو كلمات أغنيتي
ودارت الأيام وإسأل روحك
كما غنَّـتهما السيدة أم كلثوم

ودارت الأيام
كلمات: مأمون الشناوي - ألحان: محمدعبدالوهاب
ودارت الأيام
ومرِّت الأيام
ما بين بعاد وخصام
وقابلته نسيت إني خاصمته
ونسيت الليل إللي سهرته
وسامحت عذاب قلبي وحيرته
ما أعرفش إزاي أنا كلِّمته
ما أقدرش على بُعد حبيبي
أنا ليَّ مين إلاَّ حبيبي


قابلني والأشواق في عينيه
سلِّم وخد إيدي في إيديه
وهمس لي قاللي الحق عليه
نسيت ساعتها بعدنا ليه
فين دموع عيني إللي مانامت ليالي
بإبتسامه من عيونه نسَّاها لي
أمـرِّ عذاب وأحلى عذاب
عذاب الحُب للأحباب
ماقدرتش أصبر يوم على بُعده
دا الصبرعايز صبر لوحده
ما أقدرش على بُعد حبيبي
أنا ليَّ مين إلاَّ حبيبي

وصفولي الصبر لقيته خيال
وكلام في الحُب يا دوب ينقال
أهرب من قلبي أروح على فين
ليالينا الحلوه في كل مكان
مليناها حب إحنا الإتنين
وملينا الدنيا أمل وحنان


عيني عالعاشقين
حياري مظلومين
عالصبر مش قادرين
ماقدرتش أصبر يوم على بُعده
دا الصبرعايز صبر لوحده
ما أقدرش على بُعد حبيبي
أنا ليَّ مين إلاَّ حبيبي

ودارت الأيام
ومرت الأيام
وهل الفجر بعد الهجر
بلونه الوردي بيصبَّح
ونورالصُبح صحَّى الفرح
وقال للحُب قوم نفرح
من فرحتي تُهت مع الفرحه
من فرحتي لا بنام ولا بأصحى
ولقيتني معاه بأعيش
في ربيع مفيش كدا
بين شوق ما ينتهيش
وشوق تاني إبتدا
ماقدرتش أصبر يوم على بُعده
دا الصبرعايز صبر لوحده
ما أقدرش على بُعد حبيبي
أنا ليّ مين إلاّ حبيبي

:emrose::emrose:

إسأل روحك
كلمات: عبدالوهاب محمد - ألحان: محمدالموجي
إسأل روحك إسأل قلبك
قبل ما تسأل إيه غيَّرني
أنا غيَّرني عذابي في حبَّك
بعد ماكان أملي مصبَّرني
غدرك بيَّ أثر فيَّ
وإتغيَّرت شويه شويه
إتغيَّرت ومش بإيديّ
وبديت أطوي حنيني إليك
وأكره ضعفي وصبري عليك
وإخترت أبعد وعرفت أعند
حتى الهجر قِدِرت عليه
شوف القسوه بتعمل إيه

كنت زمان بلاقيك بحناني
بحر محبَّة و بر أمان
كنت بأحس إن إنت زماني
يومي وبكرا وبعده كمان
كنت بأشوفك بعيون حُبِّي
وإنت بعيد أو وإنت بقربي
أقرب من بسمتي لشفايفي
أقرب من إحساسي لقلبي
بعد الود إللي راعيته لك
بعد الحُب إللي وهبته لك
بعد العُمر إللي أنا عشته لك
فيه إيه تاني أقدِّمه لك؟

أنا مانسيتش الحُب وعهده
ولا أيامه ولا لياليه
أما إن كان عالحُب لوحده
من غير هجرك أهلاً بيه
أنا حيَّرني هواك
وأنا علشان أنساك
بأبْعِدْ عن كل (أي) مكان
رحتُه ولو مرَّه معاك
وأهرب من أقرب ناس
يعرفوا قصتي ويَّاك
وبأغيَّر أي كلام
بيجيب سيره لذكراك

وصَّلتني للحال دا بإيدك
بعد ماكانت روحي في إيدك
سِبتك ومفيش حد في عمري
يشغل بعدك قلبي وفكري
سيبتك من غير حتى ما أفكر
حأقدر أسيبك أو مش حأقدر

غدرك بيَّ أثّر فيَّ
وإتغيَّرت شويه شويه
إتغيَّرت ومش بإيديَّ
وبديت أطوي حنيني إليك
وأكره ضعفي وصبري عليك
وإخترت (وقدرت) أبعد
وعرفت أعند
حتى الهجر قدرت عليه
شوف القسوه (اليأس) بتعمل إيه

إسأل روحك إسأل قلبك
قبل دا كله إتغيَّر وليه
أنا غيَّرني عذابي في حبك
لكن إنت غيَّرك إيه؟
هو حناني عليك قسَّاك حتى عليَّ؟
ولاّ رضايَ كمان خلاَّك تلعب بيَّ؟
ولاَّ تسامُح روحي معاك غرَّك بيَّ؟
أنا يا حبيبي صحيح بأتسامح
إلاّ في عزة نفسي وحُبي
وأما يفيض بي مابأعرف أصالح
وأعرف آجي كتير على قلبي

غدرك بيَّ أثّرفيَّ
وإتغيَّرت شويه شويه
إتغيَّرت ومش بإيديَّ
وبديت أطوي حنيني إليك
وأكره ضعفي وصبري عليك
وإخترت أبعد
وعرفت أعند
حتى الهجر قدرت عليه
وإنت ياعيني لو في مكاني ياعيني
كنت حاتعمل غيركدا إيه؟
إسأل روحك
:emrose::emrose:
ADEEBZI
13/02/2009, 16h02
شكرا لك اخي الإدريسي فؤاد