ناس ما يستهلوش

[سعدالشرقاوى]

ناس ما يستهلوش..
,,,
كان إيه حصل منيّ
في الود ما شوفتوش
وانتو الليّ تعبنيّ
يا ناس ما تدودّوش
سيف الغرام صدّا
بعد ما كان فضّه
وباحوشه بالصّدّه
عن ناس ما يستهلوش
,,,
ياقلبي يا مجروح
من غدر خٍللاني
بتعيش حلاوة روح
وأهو دا الليّ خللاني
أراجع الاحساس
وأقرا كتاب الناس
صبّيت عتاب بالكاس
لناس ما يتعاتبوش
,,,,
يا قلبي ليه نبكي
بكفاية شوق وحنين
لازمتها ايه نشكي
من عشرة الخاينين
انسى اللي عدّا وراح
عيشلك يومين وارتاح
وان كان على الافراح
دى نهاية الصابرين
,,,
عوضي على ربيّ
مش حق عند الناس
والليّ جرى ف حبيّ
مكتوب فى كام كرّاس
أكيد ح ييجي اليوم
يا دعوة المظلوم
الزّاي نصيب مقسوم
ح يغيّروه الناس