مشاهدة النسخة كاملة : دحمان الحراشي
إبن مدينة الحراش
دحمان الحراشي
http://www.sama3y.net/forum/attachment.php?attachmentid=72056&d=1200310529
معاك معاك دايما
أنا أقدم تعريفات بسيطة للفنانين الجزائريين كون هناك من أعضاء المنتدى الأصدقاء من لا يعرفهم.
أما دحمان الحراشي فهو غني عن التعريف فهو من رواد فن الشعبي ويكفي أن أقول أنه صاحب أغنية يا الرايح وين مسافر تروح تعيا وتولي، شحال ندمو العباد الغافلين قبلك وقبلي، والتي أعادها رشيد طه.
أقدمه له أغنية يا الحجلة
تقول كلمات الأغنية/
يا الحجلة جاك الصياد من بعيد (يحذر الحجلة من أن الصياد قد أتاها ليصيدها)
مع نسيم الصبحة والشمس طالعة (في وقت مبكر من النهار)
يا العلجة بهاك محاينو تزيد (العلجة أي الجميلة: يا حجلة يا جميلة جمالك يزيد يوما عن يوما)
مخبية في زينك وانتي شايعة (يظهر سر جمالك المكنون في طلعتك البهية وانت تحلقين عاليا)
يا الحجلة عينيك ملاح مذبلين (يمدح عينيها بالجمال والملاحة، مذبلين دلالة على أنوثتها )
عليك ديك النظرة بالسر ظاهرة (يمدح نظرتها التي تحمل سر الجمال)
فيك الرهبة ورجليك ديما محنيين (رغم هذا فهي تتملك ناظرها رهبة منها وأرجلها بالحناء)
يا من درى يجي يجيبك الوعد زايرة (يا هل ترى تزورينا يوما)
آش عندك قلبك حجرة ولا حديد (لا تكون قاسية كالحجر وزورينا)
ما ظهر خيالك واش بيك حايرة (ما ظهر خيالك أي لم نرك منذ مدة)
اللي يشوفك يفرح ويقول يوم عيد (واضحة)
خاطروا يتهنى والقلب يا درى (أي يرتاح بالو)
وهكدا يتمنى في حالتوا يغيد (يتمنى أن يبقى في هذه الحالة على طول)
من غرامك رجع مريض ما برى (لأن في غرامه بك المرض الذي لا يريد أن يبرء منه)
وجا يصيد ما قرا ما راح للمسيد (اأتى لكي يصطادك ما ذهب لكي يدرس في المدرسة أي المسيد)
الله يحسن عونو ما باع ما شرى (ربنا يكون في عونو من غرامك ولا حتى اشتغل)
ويا الحجلة ريشك أرطب من الحرير (يمدح ريشها الأن بأنه أرطب من الحرير)
شحال تواتيك ديك المشية مربعة (أي كم تليق عليك مشيتك المدللة المغنجة وانت على الأرض)
عليك يفنى اللي يحبك هكدا يغير (أي يموت في غرامك ويغير عليك من يريدك)
شاعلة في ذاتو نيران طالعة (لهبت نيران الحب في قلبه)
آش طامع داك الصياد الجديد (بدأت غيرته عندما رأى صياد آخر يتجه نحوها)
راه صابر يستنى فيك راجعة (يتمنى أن تعود إليه ولا ترضي بالصائد الجديد)
أحب أن أوضح أن المعنية هنا امرأة فكلام طابع الغناء الشعبي فيه المعاني يتحدث عن حيوان أو شيء معين ويقصد به شيء آخر، ويمكنكم فهم الصورة أوضح بتشبيه ابن المقفع للناس في كليلة ودمنة بالحيوانات.
تم استبدال الملف الأول بملف أقل حجما مع العلم أنه حمل 311 مرة سابقا
أغنية/
داك المقنين الزين
داك المقنين الزين اللي هويتو ماهو من والا
خلى عقلي دهشان يا وخيي راني في حالة
غاروا منوا لطيور عليه سر من ربنا تعالى
هو مفتاح الدار وراس مالي في كل عمالة
الريش ارطب حرير شحال شباب يزين الحالة
ماعرفتو منينو جاي ... جاي من الشرق ولا من لقبالا
........
أغنية/
الحركة والسكون
الحركة والسكون إلا بإذن الله
البركة فيك تكون كي تستقنع بللي عطاك
والستر عليك يدوم
وكي تدعي قول ان شاالله
...
أغنية/
إيلا كانك عوام
إيلا كانك عوام
ساعف الموجة في البحر
وساعف الزمان
العام فيه اتناش شهر
شي ظاهر يا إنسان
ما يفريها غير الصبر
...
أغنية/
ربي بلاني بالطاسا
ربي بلاني بالطاسا
وزاد لي سهر الليل
ماعرفت كيفاش نواسي
ما عرفت كيفاش ندير
...
أغنية/
ساعفني ونساعفك
سيدي سيدي نساعفك حتى ترضى
شحال غريت بيا وانا صابر بيك
يا قطب الخيزران يا خد الورده
وكلامك فصيح ليهلا باللي يعاديك
...
أغنية/
شوفو الأحباب الجافيين
شوفو الأحباب الجافيين
ما عندهم قلب حنين
...
أغنية/
شوفو للوعد
شوفو للوعد كي يتحتم عليا
نصبر على ندامتي ما فادني تخمام
شوفو للسعد غاب ما ولى ليا
ادا زهري معاه انا صبري يا مقواه
...
أغنية/
لخبر يجيبوه التوالى
أغنية/
ما بيني وبينك غير الخير
أغنية/
هاذيك الغمزة
هاذيك الغمزة باينة مبنية على النقص والغدر
ما فيها حتى فايدة تكوي من شافها ينقهر
...
وفاء بوعدي لأخي سامي درباز
أغنية/
زوج حمامات
يللي مولوع بالمحبة والغرام
مالك سهران عالنجوم وحداني
يا من درى شي سباب ضرك الخصام
وإلا حب في قلبك دخلاني
يا مجرب العشرة والفراق
بالله عليك عيدلي يا إنساني
علاش العهد ما بين العشاق
يفدي من خانو عيناني
سبحان الله رات عيني زوج حمامات في قصر
مقابلنين السما والبحر
وحدة مزينة بالحناني لخرى ماهي محينة
...
أصنت وافهم/
أصنت وافهم واش نقول
فاهم ديك الجمعية
كان أنت من أهل العقول
ما يشقاش تلوم
الله يجعل قولي مقبول
يمنعني من الذنوب والسية
اتغير حالي يا مرسول
يهديك الله دير مزية
نبغي الهنا وما نحب الهول
سيدي ربي عالم بيا
كل واحد بين أهلو معقول
كل واحد قصتو بقصية
...
الحق عليه النور/
الحق عليه النور
واللي يبغي الحق يبقى ديما مستور
يربح وينال في حياتو اسمو مذكور
والدنيا كلها بغاتو سعدو مزهور
...
اللي فات مات/
اللي فات مات راح انسيتو
المكتوب جاز وآد القدرة ما زال
وحد الغزال اللي ربيتو
والله ما دريت كي ولي محال
...
اللي يدي حق الناس/
اللي يدي حق الناس
ما يتهنى ما هو لاباس
تخمامو ما يخلاص
إيلا تحير حالتو في حالة
...
اللي يزرع الريح/
اللي يزرع الريح كل يوم يحصد غير غبارو
كل ما يعثر يطيح من فعالوا وظلام نهارو
قلبو باين قصيح شوف عينيه ما بين شفارو
في النظرة شحال قبيح كل يوم يقابر في جارو
وجهو دايما صحيح ما يتبدل مكوي بجمارو
ضرب عليه البريح في الأسواق وجابولو خبارو
...
إيلا تبغي نعيدلك/
إيلا تبغي نعيدلك ملامي
اسمع ليا نقولك وافهم قول كلامي
اسمع ليا نقولك واعذرني في حالي
...
بهجة بيضا/
بهجة بيضة ما تقول
ورسمك عندو قيمة
راني بعتلك مرسول
واجبيني يا عاصيمة
...
حاسبني وخوذ كراك/
حاسبني وخوذ كراك
ما تسالني ولا نسالك
ليمتا نجري من وراك
نسير في حالي وسير في حالك
...
خبي سرك/
خبي سرك يا الغافل
واقرا حذرك لا تبين سرك للغير
الناس تطول الكلام والحيط بوذنيه
...
داك الزين على سلامتو/
داك الزين على سلامتو
يا ربي ولا تحاسبو
أنا خايف لا نوالفو
ما يستهلش نعذبوا
...
راح الليل/
راح الليل وبان الفجر
محلاها صبحية
أنا وحبيبي سابغ النيام
عدينا سهرية
...
رايي الزهواني/
اصبر يا قلبي وامهل
أيامات الشدة ما يدوموا
تعيا تزهى في وسط الياس والفل
يتنحى ضرك مع همومو
اطلب الله يرجعلك العقل
تولي مثل العالم فاهم علوموا
اشفى واش صرالك واعجل
راهو مولاك يوصيك ما تنساش كلامو
هادا رايي الزهواني
تبعتو ما لحقتو راح سافر غابلي
عليه قلبي عاداني
ما لقيتش كيفاش نقولو واش يريدلي
...
سهرت الليل/
والله ما ظنيت تغدريني بالأمان
ولا ظنيت فيك حتى خطرة في بالي
اليوم فهمت سيرتك في وجهك يبان
حالك صعيب علاش غير حالي
علاش هذا المحال
قلبك عليا كحال
بعتي حساني بشحال
ما خفتي الله العالي
...
عذروني يا لحباب/
عذروني يا لحباب
وافهموا كلامي ظاهر
قلبي تعمر وداب
وأنا مازالني صابر
...
غاب عليا/
غاب عليا حبيب قلبي وين نلقاه
آ سبابي دبال غصني وأيامي طالوا
ما نصبرشي كتر تعبي وزاد شقاه
حالي مقواه ما نصيب غزيل بحالو
...
غابو النجوم/
واحد ربي عطاه كيما يحب يصيب
لاخر ربي بلاه بمحنتو صابر
...
غير البارح/
غير البارح وأنا فرحان
كان معايا لغزال ديالي
ديك الليلة بايت سهران
ما نقدر ننساها من بالي
...
غير اللي يحب صلاحو/
كل هدار مسوس ويجيب الصداع لراسو
يللي بيك على الفراق علاش تسبب
وأنا قلبي معمر منك بالمعاني
كان كذبت اسأل مجرب
وإيلا أطلب العفو من الرب الفوقاني
...
قابلوني ربعة رياح/
انشا الله أيامات الخير مازالهم جايين
ويعود القلب زاهي
بيجاهي سيد المرسلين
بدر النور الباهي
ويبانولوا مثل الورد والياسمين
يكمل قصدو ويعود لاهي
ويعيش ما بين المومنين
يحمد ويشكر ربنا الإلهي
...
قالوا الصابر ينال/
قالوا الصابر ينال
وأنايا مليت من الصبر على غزالي ما بان
سافر خلى المكان
...
قيس قبل ما تغيس/
قيس قبل ما تغيس آسيدي قبل ما تغيس
استغفر الله كل خطرة والعن بليس
...
كل طير يلغى بلغاه/
كل طير يلغى بلغاه
كل عود بيه النخالة
...
لازم السماح يكون بيناتنا/
لازم السماح يكون بيناتنا
نكملوا مكتوب أيامنا
نساعدوا ونعودوا كيف زمان
لحباب دايرين ويفرحوا جيرانا
يبرى عذاب قلبي سعدنا يزيان
...
ما يستحس بالجمرة غير اللي كواتو/
ما يستحس بالجمرة غير اللي كواتو
ما يعلمش بحالو إلا لكريم وحدو
شحال صابر والدنيا علاش ما بغاتو
الزمان تبدل والوعد شادو
...
نوصيك يا الغافل/
نوصيك يا الغافل بالاك نسيبك
إيلا رجعت ساكن عندو في الدار
ترجع معاه حاصل ويفرغ جيبك
ما تصيبش الهنا وتشبع مرار
يرميك في حصيدة ويقول نزيدك
ومع زوجتك يشعل النار
...
والله ما دريت/
والله ما دريت بالغدرة في مضرب لامان
وأنا باقي بنيتي ما عندي نقصان
والله ما دريت باحبابي يرجعوا لي عديان
علاش هكدا خلاوني حيران
...
وين هوما/
وين هوما حبابنا وين هوما لصحاب
وين هوما ناس الحوما وجيراني
وين هوما اللي عندهم الكلمة بصواب
...
يا البهجة/
يا البهجة يا الباهية
في وسط بهاك ما نسيت
يا البيضة يا العالية
الله يجعل ما نويت
نتمنى فيك زاهية
...
يا الرايح
يا الرايح وين مسافر تروح تعيا وتولي
شحال ندموا العباد الغافلين قبلك وقبلي
***
شحال شفت البلدان العامرين والبر الخالي
شحال ضيعت وقات وشحال تصيد مازال تخلي
يا الغايب في بلاد الناس شحال تعيا ما تجري
بيك وعد القدرة ولا الزمان وانت ما تدري
***
علاش قلبك حزين وعلاش هكدا كي الزاوالي
ما تدوم الشدة وإيلا بقيت عالم واكتبلي
ما يدوموا لايام ولا يدوم صغرك وصغري
يا حليلو مسكين اللي خاب سعدو كي زهري
***
يا مسافر نعطيك وصايتي اديها عالبكري
شوف ما يصلح بيك قبل ما تبيع وما تشري
يا النايم جاني خبرك كيما صرالك صرالي
هكدا راد وقدر في الجبين سبحانو العالي
تمت إستبدال الملف بصيغة mp3 مع العلم أنه تم تحميله 237 مرة من قبل
يا نكارة الملح والطعام/
اللي حبكم علاش تخليوه يموت
طال في مرضو لا بغى ينساكم
يجي لباب داركم يطلب في القوت
لا طعمتوه ولا سقيتوه ماكم
هذا حال العاشق
ديما يتبع في هواكم
يا نكارة الملح والطعام
علاش عليك بالجهر هذا الشي محال
انسيتي العشرة بعد السفر
أنا وياك مشينا حتى عيينا
بديناها من الغرب للقصر
جلفة لغواط بوسعادة لمسيلة
ناسهم كي ناس الحضر
على البارود والنسا بتولويلة
زدنا على البلاد العشر
بجاية وسطيف والخروب وقسنطينة
هادوك هوما ناس الوتر
والمسافر اللي جايز عندو قيمة
مشينا من تم بالخبر
في تبسة سكيكدة وفي عنابة تهاوينا
تمة تمنيتلي قصر
غير المكتوب ما قدرش عيلنا
الحقنا لبلاد الرسم
تلمسان وهرن لمستغانم الزينة
حطتهم تحت الكرم
والعرضة عندهم غير بالتحليلة
الحقنا لبلاد البحر
البهجة بيضة شفناها وحيينا
على الرملة والقمر
فرح قلبك بين ميل التبسيمة
قعدنا في سيدي فرج
سميشة باهية والقيطون فيه قليلة
البابور من المرسى خرج
شوف داك الزمان كي تفكرت الليلة
بالعود والطار والرباب
واستخبارات على هواهم زهينا
ياك تمة قلبك داب
يا خي حطات كانوا في ديك المدينة
طبسي واحد بالمعاش
مغيرفة وحدة والبركة تكفينا
نايظة الصبحة من الفراش
صبتلي القهوة والزهر والماتشينة
...
عثمان دلباني
06/08/2007, 13h35
اغنية /
" الدنيا بالوجوه والآخرة بالفعايل "
الدنيا بالوجوه والآخرة بالفعايل
واللي ما فاقش يا حليلو يا ماقواه
ربي هو اللي يساك الوحايل
وانا باقي مع زماني نجري من وراه
عثمان دلباني
11/08/2007, 08h14
اغنية /
" خليني نرتاح "
خليني نرتاح خليني نرتاح ـــــــــــــــــ عيت من كلامك مافيه الصح
مـــــا عندك مــــا تقول لي ــــــــــــــــــ نعرفك مشحاح وفعالك قـبـاح
المرحوم دحمان الحراشي :
يا قليل الخير
المرحوم : دحمان الحراشي
الغالط
عثمان دلباني
23/08/2007, 22h51
اغنية
" نعذر خاطري "
نعذر خاطري ماقواه ...
لازم علي انا نساعفو الهوى راه اداه
يا من درى وين رماه
* مازلنا حنا حيين *
* الي راح وولى *
* يا حليلو لي ما عندوش لكتاف *
husseindeen
23/10/2007, 22h04
دحمان الحراشى فى مقطع صغير من جلسه.
بلاد الخير
قال رسول الله صلى الله عليه وسلم "من لا يشكر الناس لا يشكر الله" نشكر الأستاذ الطاهر على الموضوع المفيد هذه الأغنية تتحدث عن ولايات الجزائر الحبيبة
تم استبدال الملف الأول بملف أقل حجما مع العلم أنه حمل 14 مرة سابقا
بن علي64
12/10/2008, 21h04
أغنية يارايح ووين تمشي تعيا وتولي أغنية ذاع صيتها في العالم كلم منشرقه الى غربه ومن شماله الى جنوبه
كنا ونحن صغار نسمع لها ولكن لا نهتم بها ومع التطور الثقافي وانفتاح العالم في جميع المجالات أخذت الاغنية بعد تاريخي واصبحت من اروع الاغاني العالمية وللاسف الشديد ان المرحوم دحماني الحراشي لم يعايش عا لمية اغنيته
وترك للجزائريين تراثا عظيما يجب الحفاظ عليه
لذا اطالب من الاخوة والعاملين في حقل الثقافة المحافظة على هذا الارث الثقافي العالمي-اغاني دحمان الحراشي-
وما يدريك لعل احدى اغانيه تصل الى العالمية مثل سابقتها
رحم الله الفنان دحمان الحراشي واسكنه فسيح جناته آمــــــــــــــــــــــــــــــــــــــــــــــــ ــيــــــــــــــــــــــــــن
Ajenoui Driss
02/12/2008, 11h36
أهلا بالإخوان الأعزاء، و كل الشكر لكم على هذه التحف الرائعة، أحاول أن أساهم أيضا
ـ اللي مولوع بالهوى ـ
و
ـ واحد لغزال ـ
أرجو أن لا يكون التكرار لأني لم أراهما في التصفح. شكرا
Ajenoui Driss
15/12/2008, 22h05
ــ داك الزين على سلامتو ــ
أغنية جميلة أيضا
Ajenoui Driss
15/12/2008, 23h03
ـــ يا ناس الحب فناني ـــ
دحـمـان الـحـراشـي وأغـنـيـة: الــجــزائــــــــــر
Ajenoui Driss
18/01/2009, 13h30
ـ دير حسابك و قراه ـ
و
ـ في حياتي نسمع ـ
Ajenoui Driss
18/01/2009, 14h18
ـ أنا هوايا مريوح ـ
و
ـ الدنيا تضحك و تبكي ـ
Ajenoui Driss
18/01/2009, 14h35
ـ كيفاش نهدر و كيفاش نقول ـ
و
ـ ما عندك ما تسالني ـ
Ajenoui Driss
29/01/2009, 16h30
قطعتان لم أراهما في المثبت لهذا الفنان المنغوم
ـ الولف صعيب ـ
و
ـ آش اداني نخالطو ـ
امحمد خوجة
27/02/2009, 17h41
السلام عليكم ورحمة الله اخواني في سلطان المنتديات منتدى الطرب العربي الاصيل يعجز اللسان عن الكيفية التي نشكركم بها على هذه الباقة من هذه التحف النادرة والمعبرة من هذه الاغاني التي كدنا ننسها لولا مجهوداتكم المضنية في تجميع كل ماهو اصيل والله لقد زرعتم فينا ابتسامة وراحة بال كنا نعيشها في زمن فات مع هذا المطرب العملاق وامثاله من المطربين الذين اتخذوا الفن النظيف والاصيل ليعبروا به لشريحة واسعة جدا من المجتمع العربي لتوصيل الكلمة الرقيقة والمعبرة لمستمعيهم ومنهم هذا الفنان دحمان الحراشي رحمه الله لقد عرفناه انسان متواضع جدا ومحب لفنه ختى النخاع رغم الغربة والترحال بين بلده والمهجر اخوتي والله ان كلمات اغنيه دواء نعم دواء وله طريقة خاصة جدا به دون غيره في كيفية توصيل الكلمة معبرة الى مستمعيه ومحبيه الممزوجة بالحان وموسيقة عذبة تخلخل وجدان الانسان الحساس ذا الشعور الرقيق اشكركم احبائي على جهودكم المضنية لتوصيل كل ماهو اصيل وطبعا هذا من شيم اصالتكم واصالة منتدانا الاصيل ودمتم ودمنا معكم اوفياء لمنتدانا والسلام عليكم احبائي خاصة ادارة المنتدى الموقرة وكل الاعضاء والزوار وشكرا
harrachi
16/07/2009, 13h08
السلام عليكم اخؤاني محبي دحمان الحراشي اريد من خلال تدخلي ان اعطي لمحة حقيقية عن حياة الشيخ بداية بتاريخ ميلاده هناك من يقول 1925 وهناك من يقول 1926 بلبيار في الجزائر ابوه خنشلي كان اماما و امه من مدينة بسكرة بدأ الفن و هو صغير جدا فتعلم المسيقى الكلاسيكيةالشعبية (توشيات انصرافات عنقلابات...الخ)في جوق الموسيقار ميسوم هناك من يقول أن شيخه هو (الشيخ الوناس) و من يقول(الشيخ الناموس) ثم رحل الى فرنسا اين بدأ يبدع و يخرج اغانيه و كان في الوقت نفسه موسيقيا مع الشيخ الحسناوي و الصالح سعداوي انتج اكتر من300 أغنية من اخر اعماله فيلم غنائي شارك فيه الفنان الباجي و الحاج نوردين توفي عام 1980 رحمه الله هده بعض المعلومات غير معروفة عند العامة ناهيك عن أمور أخرى سنتطرق اليها في الايام المقبلة الى الملتقى وكما يقول الشيخ (الله يحفظنا من العين والله يستر أماتو)
أحمد عبد الواحد
28/08/2009, 13h36
أغنية
- أنا همي يكفيني -
دحمان الحراشي
أحمد عبد الواحد
28/08/2009, 13h56
وأخيرا القنبلة الأقرب إلى قلبي تدخل سماعي
تسجيل شخصي من أسطوانة 45T
تسجيل نادر وحصري
أغنية
- خلو الطريق لمريم -
دحمان الحراشي
أحمد عبد الواحد
19/09/2009, 17h03
أغنية
- كيفاش راح -
دحمان الحراشي
كيفاش راح كيفاش تبدل راح
ذاك الزمان غاب خيالو ما بان
وأنا مازال في بالي خطرات
يبانلي كي المنام وخطرات نشوفو قبالي
أحمد عبد الواحد
30/01/2010, 09h07
أغنية
- آش يصبر خاطري -
دحمان الحراشي
الأغنية مبتورة في الآخر إذا وجدت كاملة فالرجاء رفعها
السلام عليكم ورحمة الله
جاء دوري لاضافة شيئ اخر لالبوم اغاني الراحل الفنان دحمان الحراشي.
اه يابشار
مايكون الا خاطرك
:emrose:
:emrose: السلام عليكم ورحمة الله :emrose:
مازالني معاك نقاسي
ياطير القفص
:emrose:
أحمد عبد الواحد
05/04/2010, 16h59
أغنية
- عرفتك زوالي وفحل -
دحمان الحراشي
السلام عليكم ورحمة الله
الطف يامالك لعباد
السلام عليكم ورحمة الله
العبد المغيار
أحمد عبد الواحد
21/10/2010, 08h53
أغنية
- جرب قرب وإختار -
دحمان الحراشي
أحمد عبد الواحد
21/10/2010, 08h59
أغنية
ناس الحومة في هواهم
وأنا في حومتي غريب
دحمان الحراشي
السلام عليكم ورحمة الله
هدية من المغرب لجارنا من الجزائر الشقيقة الاستاذ أحمد عبد الواحد.
اللي تصيبو ماتقطع نصيبو
كل واحد عندو لعبة
السلام عليكم ورحمة الله
خلاص أنا وياك
أحمد عبد الواحد
22/10/2010, 08h37
الأخ الكريم idriss
ألف شكر على الهدية الجميلة منك جاري من الشقيقة المغرب وراح بدوري راح أنا تاني نهديك بعض النوادر لدحمان الحراشي اللي ما راح تلقاهم إلا هنا تعبيرا لك و ردا مني للجميل إن شاء الله تستمتع إنت جميع الإخوة الأعضاء
أغنية
- اللي ماهو ليك غير يعييك -
دحمان الحراشي
أحمد عبد الواحد
22/10/2010, 08h42
تفضل أغنية أخرى
- روح أنساني عييت منك -
لدحمان الحراشي ملك الوصايا والنصائح
أحمد عبد الواحد
22/10/2010, 14h21
أغنية
- اللي ما بغا يبغيني ننساه -
دحمان الحراشي
أحمد عبد الواحد
22/10/2010, 14h29
أغنية
- وراح سعدي خلاني راح -
دحمان الحراشي
السلام عليكم ورحمة الله
حياك الله استاذ احمد.
ياسايلني على حوال الدنيا
السلام عليكم ورحمة الله
ياك النسر مايتربى
السلام عليكم ورحمة الله
خليو الطريق لمريم تسجيل جيد ونقاوة في الصوت
مع كامل الشكر والتقدير للاستاذ احمد عبد الواحد
على رفعه ملف مريم السابق
أحمد عبد الواحد
23/10/2010, 09h07
آه يا idriss
راك تعبتني بأغنية " يا سايلني على حوال الدنيا " أنت لازماتك وحدة قديمة وأكثر نصائح وأكثر حكمة باه نتفوق عليك واش رايك في هاذي أتفكرني بدعوة خير ;)
أغنية
- سيدي ربي واش قال الغني مولايا -
دحمان الحراشي
أحمد عبد الواحد
23/10/2010, 09h30
أغنية
صباح الخير والرباح يا حمام الصبحية
بالله عليك عيدني وآتني بأخبار
يهديك الله روح زور الغزالة العشية
وأديلها بريتي فيها حكايات كبار
الله الله الله راك كبير يا دحمان والله كبير
دحمان في هذه الأغنية غير الريتم المعروف بيه في جميع أغانيه وأبدع فيها وهذه الأغنية من أحلى ما سمعت لدحمان الله يرحمو
اللي حاب يستمتع بالشعبي العاصيمي يتفضل
السلام عليكم ورحمة الله
يحفظك ربي يا استاذنا أحمد عبد الواحد على الإهداءات الرائعة
في الحقيقة كلام الشيوخ وعمالقة الفن الجزائري أبلغ من مواعظ
خطباء الكلام في المغرب العربي وحتى ببعض الدول العربية الأخرى.
فنانوا المغرب على سبيل المثال جل أغانيهم هي عن الحب والحبيب
وما يملأ الجيب وأطراف التلابيب.
******************
دحمان الحراشي > سهرت الليل
و > عذروني يا لحباب
أحمد عبد الواحد
06/11/2010, 08h30
أغنية
قالي كلام ما يستاهل لوام
لوكان جاء مسقم هذا الزمان
نعيش في الزهو والهناء فرحان
ما نتجرج ما نستحس بالي كان وما كان
دحمان الحراشي
أحمد عبد الواحد
12/11/2010, 13h14
دحمان الحراشي يغني للوطن " يا بلادي " على غرار أغنية " يالرايح وين مسافر " الأغنية اللي وصلت للعالمية يعرفها و يرددها الصغير والكبير يعني ماشي غريب على دحمان أن يغني عشقا لتراب البلاد الله يرحمك ويوسع عليك يا دحمان كبير والله كبير
نخليكم مع هذه الرائعة اللي حاولت بكل الطرق العثور عليها كاملة إخواني فهي منقوصة جزء في الأخير أحببت رفعها لكن من تحصل عليها كاملة رجاءا فليمتعنا بها
عليك راني ممحون
يا اللي ملكتي فؤادي
في بالي كل يوم
ما نسيتك يا بلادي
السلام عليكم ورحمة الله
يا استاذي أحمد عبد الواحد إذا كنتي تحب ال sport
هذا العملاق الجزائري دحمان الحراشي رحمه الله في أغنية ياللي تحب تعمل السبور
وكلنا نحبه كما نحب كل فن راقي
:emrose:
السلام عليكم ورحمة الله
تسجيل من احدى سهرات المرحوم دحمان الحراشي
سنة 1979 اغنية ياقلبي خلي والثانية كيفاش حيلتي
والجزءالثالث سلي همومك
مع الإعتذار مسبقا عن النقص في الجودة المطلوبة في الصوت.
:emrose:
badrdine
07/02/2011, 11h20
دحمان الحرّاشي
الاسم عند الولادة عبد الرحمن عمراني
البلد الجزائر العاصمة، الجزائر
تاريخ الولادة 7 جويلية 1925
تاريخ الوفاة 31 أغسطس 1980 (العمر: 55 عاماً)
المهنة مغن، كاتب أغنية وعازف
آلات موسيقية البانجو، الماندول
نوع الصوت الشعبي الجزائري،
سنوات النشاط الخمسينات – السبعينات
دحمان الحراشي (الاسم الحقيقي هو عبد الرحمن عمراني) (ولد في 7 جويلية، 1925 في الأبيار، الجزائر العاصمة، توفي في 31 أوت 1980 في الجزائر العاصمة، الجزائر) كان مغنيا للشّعبي الجزائري.
[عدل]شخصي
لقد كان أبوه مؤذنا بـالمسجد الكبير في الجزائر العاصمة. لقد اعطى للاغنية الشعبية الجزائرية رونقا خاصا حيث غلب على كافة اغانية طابع المعنى وتميزت اغانيه بأسلوب جميل يعالج قضايا المجتمع. من أهم أغانيه الجمهرة، ورائعة ذائعة الصيت " يارايح ".التي انقد فيها موضوع هجرة أبناء الجزائر إلى فرنسا. والأغنية لا تزال تغنى من جيل إلى جيل حيث اعاداها الفنان الجزائري الشاب رشيد طه وقد لاقت ولا تزال تلاقي انتشار لافت في أواسط الشباب من أبناء الجاليات العربية المهاجرة في اوروبا. والأغنية موجهة إلى صديق دحمان الحراشي الذي كان مصرا على الهجرة ضنا منه انه سيجد أحوال معيشية أفضل، فكانت هذه كلمات الأغنية :
يا الرايح وين مسافر تروح تعيا وتولي :: شحال ندموا العباد الغافلين قبلك وقبلي
شحال شفت البلدان العامرين والبر الخالي :: شحال ضيعت وقات وشحال تصيد ما زال تخلي.
السلام عليكم ورحمة الله
إذا درتي الخير انساه
:emrose:
السلام عليكم ورحمة الله
الوقت صعيب
:emrose:
السلام عليكم ورحمة الله
عذروني يالحباب
:emrose:
السلام عليكم ورحمة الله
غاب عليا
:emrose:
السلام عليكم ورحمة الله
قالوا لي عليك الناس
:emrose:
السلام عليكم ورحمة الله
قولي وعلاش جيت ليا
:emrose:
السلام عليكم ورحمة الله
خلاص أنا واياك
:emrose:
السلام عليكم ورحمة الله
يالبهجة يالباهية
:emrose:
السلام عليكم ورحمة الله
اتصنت غير للكلام اللي يوسع الخاطر
:emrose:
السلام عليكم ورحمة الله
قلبي بغاك
:emrose:
السلام عليكم ورحمة الله
عييت نصبر خاطري
:emrose:
السلام عليكم ورحمة الله
فيديو اغنية للمرحوم دحمان الحراشي باللهجة القبايلية
:emrose:
السلام عليكم ورحمة الله
غابو النجوم والقمر
:emrose:
تامــــــــــدا
16/10/2011, 22h37
عجبنا كثير صوت الفنان " دحمان الحراشى " صوته جميل جدا
وما نلاحظه أن جميع ما غنى ، ما هي الآ اغانى تحمل هموم الناس ، وبها حكم ، وكأنه يعطى لنا نصائح
وربما انها سرته الداتية ، وربما تكون سيرتنا الداتية .
مطرب يحبه جميع المغاربة
ومن بينهم عائلتى ..
ما اروعكم
تامــــــــــدا
16/10/2011, 22h44
أغنية يارايح ووين تمشي تعيا وتولي أغنية ذاع صيتها في العالم كلم منشرقه الى غربه ومن شماله الى جنوبه
كنا ونحن صغار نسمع لها ولكن لا نهتم بها ومع التطور الثقافي وانفتاح العالم في جميع المجالات أخذت الاغنية بعد تاريخي واصبحت من اروع الاغاني العالمية وللاسف الشديد ان المرحوم دحماني الحراشي لم يعايش عا لمية اغنيته
وترك للجزائريين تراثا عظيما يجب الحفاظ عليه
لذا اطالب من الاخوة والعاملين في حقل الثقافة المحافظة على هذا الارث الثقافي العالمي-اغاني دحمان الحراشي-
وما يدريك لعل احدى اغانيه تصل الى العالمية مثل سابقتها
رحم الله الفنان دحمان الحراشي واسكنه فسيح جناته آمــــــــــــــــــــــــــــــــــــــــــــــــ ــيــــــــــــــــــــــــــن
فعلا أخى ان أغنية الفنان العظيم " دجمان الحراش" : يارايح ووين تمشي تعيا وتولي..." اغنية رائعة وفى منتهى الروعـــــة..
taha19000
22/01/2012, 16h07
السلام عليكم
يعطيكم الصحة إخواني وبارك الله فيكم
أحببت فقط أن اشارككم ببعض أغاني الشيخ المرحوم دحمان الحراشي
أضن انه لم يسبق أن رفعت من قبل
هكذا يسرالو العبد اللي يحوس يفهم
taha19000
22/01/2012, 16h28
السلام عليكم
اغنية أخرى أضن أنه لم يتم رفعها بعد
الزوخ مايزيد في رجلة
الزوخ = التفاخر
وفي القريب العاجل إن شاء الله
الغنية النادرة لدحمان الحراشي / يا الغمري و اغنية علاش مافيكش النية تسجيل 1968
أحمد عبد الواحد
27/01/2012, 12h11
أخي taha19000
لقد تم الموافقة على مشاركتيك
ننتظر منك المزيد من الراوائع النادرة لدحمان
بارك الله فيك
السلام عليكم ورحمة الله
ياويل اللي غفل
:emrose:
اين اغنية شحال عييت مالصبر?
محمد أديب
06/04/2012, 00h45
زهيت مع احبابي وفرح القلب لغاية النهاية
دك الليلة على النجوم والقمرة ضواية
دك الليلة حتى الفجر اصبح فرحان معايا
-هذه مقدمة أغنية من أروع ما غنى دحمان الحراشي ، لم أجدها بالمنتدى للأسف . بين الفينة والأخرى تقدمها إذاعة ميدي 1 ، ولكن لم يتيسر لي أن أسجلها لأنني دائما أجدها في المقطع الأخير .
- أتمنى أن يرفعها أحد عشاق هذا الفنان المأسوف على رحيله المبكر ، رحمه الله ..
Abdelmar
06/04/2012, 12h31
تفضل السيد محمد أديب، أسم الأغنية زهيت مع حبابي
تيمورالجزائري
09/12/2012, 15h51
لكل محبي العملاق دحمان الحراشي صورة نادرة جميلة ...الرجاء من الإدارة وضع ختم سماعي عليها
http://img15.hostingpics.net/pics/632212dahmaneelharrachi.jpg
محمدالغول
15/01/2013, 18h52
مع خالص الشكر والتقدير والعرفان باالجميل
محمد أديب
17/01/2013, 20h37
أشكر ك أخي abdelmarعلى تلبيتك لطلبي وتحقيقك لرغبتي في الاستمتاع باغنية زهيت مع احبابي للمطرب الكبير دحمان الحراشي ، خاصة وان تسجيلها في غاية الصفاء والوضوح والنقاء . فشكرا لك الف شكر ..
تيمورالجزائري
23/05/2013, 20h10
.......
http://img15.hostingpics.net/pics/879717image.jpg
ابو رشيدة
07/02/2015, 15h45
اغاني جميلة ورائعة في كلماتها ومعناها
اغنية عالمية
ابو رشيدة
07/02/2015, 15h49
رائعة ذائعة الصيت " يارايح ".التي انقد فيها موضوع هجرة أبناء الجزائر إلى فرنسا. والأغنية لا تزال تغنى من جيل إلى جيل حيث اعاداها الفنان الجزائري الشاب رشيد طه وقد لاقت ولا تزال تلاقي انتشار لافت في أواسط الشباب من أبناء الجاليات العربية المهاجرة في اوروبا. والأغنية موجهة إلى صديق دحمان الحراشي الذي كان مصرا على الهجرة ضنا منه انه سيجد أحوال معيشية أفضل، فكانت هذه كلمات الأغنية :
تيمورالجزائري
23/08/2015, 12h35
http://img11.hostingpics.net/pics/851048rrr.png
تيمورالجزائري
13/03/2016, 15h18
http://img4.hostingpics.net/pics/216930hhyyy.png
اسامة عبد الحميد
06/12/2023, 09h03
دحمان الحراشي
اللي يحب صلاحو
Powered by vBulletin Version 3.8.4
Copyright ©2000 - 2024, Jelsoft Enterprises Ltd