مشكلة في الاورج

[مينا رضا]

انا عندي اورج رولاند em50 واليوم انقطع صوت الايقاع فجاءة لكن الالات كانت تعمل وبعد ما فكيت الاورج اصبحت الالات تعمل والايقاع يعمل لكن بصوت منخفض للغاية بالكاد يُسمع
السؤال الان هو ايه سبب هذه المشكلة وكيفية حلها ان امكن؟

انت عملت غلطة ( ده من وجهة نظرى ) انك فكيت الاورج وانت مش فاهم فيه اوى اوى من جوا .. ده انت كان ممكن لو معاك مفك تلمس حاجة تعمل قفلة تطير الاورج كله .. كان المفروض انك توديه لحد متخصص فى صبانة الاورج مش اى حد وخلاص كمان .. وفيه حاجة اهم ... اى جهاز عندك من الاجهزة اللى مش عادية .. بمعنى لو تليفزيون حتلاقى كتير بيصلحوه لكن اورج مثلا حتلاقى قليلين جدا جدا بيصلحوه ومن هنا لازم من قبل ما الاورج يعطل فيه اى حاجة تكون بحثت عن : يتصلح فين عشان تاخده توديه فورا مش تقعد تدور ... الحل الوحيد انك تشوف حد بيصلح ماركة رولاند دى ممكن الاخوة هنا اللى عندهم ورجات يرشدوك .. وربنا يقلل المشكلة لأن انا مش مستريح لما انت لعبت فيه يعنى ممكن تكون حرقت ترانزستور مثلا
مع اطيب تحيلتى عادل صموئيل

[مينا رضا]

اشكرك استاذ عادل على نصيحتك الغالية وكنت احب ان الفت انتباه حضرتك الى انه اليوم جربت الاورج على سمعات خارجية اشتغل عادي لكن السمعات الداخلية كما هي منخفضة

اخى العزيز
الآلات الاليكترونية بتتكون من سويتشات ودوائر كهربائية والسويتشات بتقفل وتفتح الدوائر دى .. يعنى انت لو عايز تشغل الايقاع فيه سويتش او زرار بتظغط عليه بيفتح السويتش اللى بيشغل دوائر الايقاع
المشكلة فى التطور .. يعنى زمان اول ما الأورج طلع .. كان السويتش ده عبارة عن زرار بييجى يمين وشمال .. يمين مقفول شمال مقفول وبتسمع تكة لما تحركه .. تحت السويتش ده فى مجموعة رجول رفيعة اوى لما يكون على اليمين بيبقى الرجول دول متوصلين بدرجة معينة لما تخليه على اليمين الرجول بتتحرك تلمس حتت تانية بتفتح الدائرة ... السويتش ده لما بيعلق او ما يشتغلش كان سهل اوى بيترش عليه من جوا فى مكان معين سبراى وتحركه كذا مرة رايح جاى لو كانت المشكلة انه كان عايز يتنضف بيشتغل عادى ولو كانت فيه حاجة فى رجل من الرجول بيتغير السويتش يعنى هو بيتلحم بالكاوية على كارتة بنشوف كام رجل ونجيب زيه وسهلة جدا ... المصيبة دلوقتى فى التكنولوجيا الحديثة اشرحها لك لو تحب ... ولازم تحب عشان انت بتستعمل آلة اليكترونية .. فاكر التليفون الزراير اول ماطلع كان يابانى .. كان لو رقم 3 مثلا بيعلق او قاطع .. او اى زرار فى التليفون بيعمل اى وظيفة ... انا كنت بفكه الاقى تحت الزرار ده مفتاح ملحوم ب 4 رجول كنت بشترى واحد زيه كان بخمسين قرش واشيل ده واحط ده .. طبعا دى مشكلة للمصنع اللى بيصنع العدد دى .. لأن كده ممكن تفضل تغير الزراير التالفة خمسين سنة وماتشتريش تليفون جديد وهم يقفلوا .. عملوا الاختراع الخبيث .. ان بيبقى تحت كل الزراير ورقة شفافة عليها نقط من مادة لماتطغط ع الزراربيوصل نقطتين .. هنا لو الزرار علق لازم تغر الورقة دى كلها وطبعا مش حتلاقيها وهنا لازم ترمى العدة وتجيب عدة جديدة .. ودى نفس فكرة الكى بورد بتاعة الكمبيوتر .. لو اى حرف او زرار علق خلاص انتهى ما ينفعش تصلحها لن تحت الزراير نفس الورقة دى ومالهاش علاج .. بس الحل الوحيد انك تشترى اغلى كيبورد ممكنة لأن خامة الورقة دى بتبقى احسن تستحمل شوية ... لما نرجع للأورج حتلاقى التطور جاله كمان .. يعنى الامبليفاير الداخلى اللى رايح للسماعات عندك فيه حاجة ... يعنى بتبقى توصيلة كهربا موجب وسالب او موجب وارضى .. ممكن يكون الارضى فاصل او مش واصل كويس ده طبعا بينقص الصوت .. بس هو مش خربان اوى بدليل انك قلت انه بيشتغل ع السماعات الخارجية كويس .. يبقى العيب فى التغذية اللى رايحة للسماعات الداخلية
مع اطيب تحياتى عادل صموئيل

[مينا رضا]

اشكرك استاذ عادل على متابعتك الستمرة لاستفساراتي بالفعل زي ما وضحت حضرتك ان المشكلة من الوصلة اللي متوصلة فيها السماعة لان انا باقلع الكابل بتاع السماعة انفصلت احد الارجل عن السماعة ولحمتها لكن بعد هذا اشتغلت السماعات عادي بس فرده واحدة فقط وانا منتظر شخص متخصص في الكهرباء علشان خاطر يساعدني في حل هذه المشكلة وشكراً على اهتمامك مرة اخرى