المساعد الشخصي الرقمي

مشاهدة النسخة كاملة : سؤال بخصوص قراءة النوته

Sahar Essam
03/02/2016, 10h16
سؤال لاهل الخبره
انا بتعملن النوته لحدي عن طريق النت و لاقيت هنا شروحات رائعه استفدت منها جدا
سؤال بقى ازاي اعرف اقرا النوته بالنظر ليها
يعني مثلا لما بيكون معايا نوته بعرف اقراها لكن باخد وقت طويل جدا و طبعا مع العزف ده بيكون مشكله فبضطر اترجم الحروف الموسيقيه لحروف انجليزي عشان السرعه في القراءه
مع العلم اني بتدرب كمنجه شرقي
و ياريت لو في مواضيع هنا بخصوص المشكله دي ترشدوني ليها
و شكرا ليكم جدا
Orhan Albayati
31/08/2016, 08h05
انت تعانين من مشكلة البطئ في ترجمة الاحرف الموسيقية و احد الحلول لهذه المشكلة هو تطبيقات على الاندرويد تساعدك في معرفة أماكن الاحرف على المدرج الموسيقي, احد هذه التطبيقات في متجر كوكل هو (تعلم الموسيقى عن طريق البصر)
هذا التطبيق هو عبارة عن اختبارات بسيطة للتدريب والتحسن في معرفة أماكن الاحرف على المدرج الموسيقي وهناك الكثير الكثير من التطبيقات المماثلة والمفيدة مادامت لاتمتلكين معلم


اورهان البياتي, العراق
عادل صموئيل
31/08/2016, 23h13
الاخت العزيزة
الكتابة الموسيقية او النوتة الموسيقية هى لغة .. واللغات تُقرأ اما اللغة الموسيقية نعزفها على الآلات الموسيقية ... ولكى نعزفها لابد اولا ان نجيد القراءة 100% .. يعنى انتى مثلا لو بتجيدى اللغة الانجليزية ممكن تقرى قصة تتمتعى بيها .. ولو لا تجيديها حاتقفى كل كلمة وتجيبى القاموس وتضيع المتعة ويمكن تتضايقى م الموضوع وتبطلى تكملى القصة ...
اول شىء تجيدى قراءة اسماء الخطوط والمسافات والخطوط والمسافات الاضافية يعنى ماتتلخبطيش فى اى نغمة وتحاولى تقرى اسرع ثم اسرع .. ثم اجادة العلامات الايقاعية والسكتات .. العلامات الايقاعية هى الازمنة التى تستغرقها النغمات عند عزفها ... لو اجدتى الاتنين نبتدى
انا انتصجك تروحى قسم برامج مفيدة هنا فى المجموعة .. وابحثى عن برنامج الكتابة الموسيقية انكور انا منزله مع الشرح .. لما تنزلى البرنامج وتتعلمى الكتابة عليه حايبقى كأنه مدرس خصوصى عايش عندك ف البيت 24 ساعة ... يعنى اول حاجة هاتى اى نوتة سهلة من النوت اللى انا مدونها وحاولى تكتبى منها سطر على البرنامج ( مع التدريب شوية حايبقى سهل اوى ) وبتضغطى ع المسطرة البرانمج بيعزفها لك وانتى بتقريها مرة ف مرة حتلاقى نفسك تفهمتى الموضوع وبشوية تدريب حاتبقى شاطرة ... انا بقول لك ده من واقع خبرتى الطويلة ... يعنى اكيد دلوقتى صعب انك تلاقى مدرس كويس يعلمك ... انا بشغل مخى ازاى نستخدم اى امكانيات موجودة ونستغلها ونستفيد منها .. ومن حسن حظكم البرامج دى بقت دلوقتى منتشرة يعنى دى زمان كانت حلم بعيد اوى اوى .. جربى ابتدى انا بحب اشجع اللى عايز يتعلم .. ومتابع معاكى يعنى اتكبى هنا لو فيه اى مشكلة او لو عازة اى توضيح مع اطيب تحياتى عادل صموئيل
أحمد الجوادي
05/09/2016, 14h12
عزيزتي

هذه مشكلة طبيعية في البداية، أولا أرجو أن تشاهدي موضوعي فيديوات لتعليم النوتة الموسيقية

http://www.sama3y.net/forum/showthread.php?t=99059

ولو أحببت أن تطلعي أكثر فأرجو أن تقرأي هذا الموضوع

http://www.sama3y.net/forum/showthread.php?t=96441

أرجو منك أن لا تحولي النوتة إلى الأحرف الإنجليزية لأن ذلك يعرقل تقدمك في قراءة النوتة.
مشكلة قراءة النوتة للوهلة الأولى هي مشكلة يعاني منها أغلب العازفين لكنها ممكن أن تضمحل بالتمرين وكثرة قراءة النوتة والعزف. الصولفيج والذي هو قراءة النوتة بدون آلة سيساعدك لأبعد حد، طبعا ليس المقصود بالصولفيج فقط قراءة النوتة بالغناء بل هو موضوع طويل ومتشعب جدا.

حين عودتي القريبة للكتابة في المنتدى وفي كل مكان سأساعدك بإذن الله

خالص تحياتي