حمام زاجِل (المولد النبوى )

[ايهاب عامر]

عندى من الزاجِل جوزين حمام
قولت ابعَته للحبيب رسول غرام
يهديه منى وَرد المَحَبة والسلام
إنطَلَق و يا بخته
لما راح وِقِع الحَمَام فى الغَرَام
لاهو عاد ولاجِفنى من يومهَا نَام
بحِبَك يا طَه
إبعتلى دَعوة أزورك
أوحتى أشوفَك فى المَنَام
حَام الحََمَام فوق المَقَام
وحُوم الحَمَام عَلامة سَلاَم
هَدَل الحَماَم بصوت جمَيل
عليك الصَلاة وأزكى سَلاَم
أصل الهَديل صلاة الحمَام
طل الحََمَام ع الرُوضة من بَرة
شاف يا سلام أنوار الحَبِيب طَلة
رِجع الحَمَام وفى إيده مُفتَاح
قال ده مُفتَاح البَرَاح
فِرحنا بالعَودة وقامِت الأفرَاح
قال يا طيب ما تِسجِن الأرواح
إوهبنى لحبيبك أرجَعله وأرتَاح
رُوحة بِلا رَجعَة ومِنك السماح
وافِقته فهَدَل هَدَلةَ
قام وإتعَدل ع القِبلة
قال عند الحَبيب أولى
طار وإبتدى الرِحلة
عاد الحَمَام للحَبيب
ورضيت بسلاَمه نَصيب
بلُقا الأحبة القلب يطيب
يوميها فارِقت حمامى
وكسبت للزين سَلامى