كل أغاني قناة السويس

[خليـل زيـدان]

لا شك أن الفن هو الداعم الأساسي لكل حدث ، بل ويؤرخ للحدث نفسه
نفتح هذا الموضوع لرصد كل ما تم غناؤه لقناة السويس
وأدعو حبيبنا د. حسن وكل الأحباب للمساعدة في الرصد
:emrose:

[abuaseem]

حكاية شعب

www.youtube.com/watch?v=LbKcIQ5j79I (http://www.sama3y.net/forum/www.youtube.com/watch?v=LbKcIQ5j79I)

[د.حسن]

لا شك أن الفن هو الداعم الأساسي لكل حدث ، بل ويؤرخ للحدث نفسه
نفتح هذا الموضوع لرصد كل ما تم غناؤه لقناة السويس
وأدعو حبيبنا د. حسن وكل الأحباب للمساعدة في الرصد
:emrose:



مبروك .. مبروك .. مبروك
لقرب إفتتاح قناة السويس الجديدة
وكل الشكر لأخى الغالى أ. خليل لدعوته الكريمة
السؤال : هل الرصد بكتابة أغانى القناة أم رفعها ؟؟؟
مع تحياتى

[خليـل زيـدان]

حكاية شعب

تسلم أخي الجميل أبو عاصم

:emrose:

[خليـل زيـدان]

ربنا يسعد أيامك عمنا د.حسن
ممكن رصد بالأسماء وممكن بروابط الأغنيات
:emrose:
عاوز بس أوضح كيف واكب أهل الفن الأصيل الحدث قديماً
ونرصد ما قدموه من ابداع
:emrose:

[نور عسكر]

تحية و ألف مبارك ومجد عظيم
بمناسبة إفتتاح قناة السويس الجديدة
( وبالإذن من أخي الغالي الحبيب د. حسن أضع رابط هذه المشاركة الجميلة والمُعبرة عن قناة السويس )
:emrose:
"الصورة الغنائيـــــــة "

قصـة القنـــال
هنــــــااااااا (http://www.sama3y.net/forum/showpost.php?p=674618&postcount=2)
كلمات :مرسى جميل عزيز- ألحان: أحمد صدقى
غناء : محمد قنديل - سيد إسماعيل -حورية حسن -عصمت عبدالعليم - أجفان الأمير - محمد نصار -
محمود مرسى - محيى الدين الخضرى - جمال الدين محمد - عبدالحليم فاروز - المجموعة
عباس أحمد
___________

[د.حسن]

تحية و ألف مبارك ومجد عظيم
بمناسبة إفتتاح قناة السويس الجديدة
( وبالإذن من أخي الغالي الحبيب د. حسن أضع رابط هذه المشاركة الجميلة والمُعبرة عن قناة السويس )
:emrose:


بدون إذن أخى الغالى أ. نور عسكر
فحضرتك ملك الفهارس والروابط
واسمحوا لى أن ألبى طلب
أخى الغالى أ. خليل زيدان
فأكتب أسماء الأعمال التى ذكرت فيها القناة :
- إبراهيم حموده : أعياد القنال
- أحلام : هنـّوا القنال
- الثلاثى المرح : ياقمر فوق المينا (وياريس الغليون شق الميّه وعدينا .. عين ع الدفة وعين ع الضفة بتكمل مشوار سينا)
- أم كلثوم : قصة السد و محلاك يامصرى
- حورية حسن : يازعيم الثورة والقنال
- سعاد محمد : القناة و مركب رايحه ومركب جايه
- سيد إسماعيل : تسلم ياريس (أممنا الشركة يابلدينا .. كان خيرها لغيرنا ومُش لينا .. دلوقتى خيرها لأهالينا)
- سيد مكاوى : فرحة السويس (هالا هاالله فتحنا المينا وفرحنا ياولاد بلدى .. بالحضن ياكل سفينة بالصلاة ع النبى بتعدى)
- شادية : البحر الأبيض بيهنى (محلاها الراية العربية مرفوعة الهامة وأبيّة بتضلل ع البورسعيدية وترفرف ع الإسماعيلية وتضوى فوق الأدبية على ضوء الشمس الدهبية) وأيضاً خمسة وخميسة أو حسبوا النجوم للعروسة (قام الفنار نوَّر أنور من الأول واللنش متزوَّق والزفة ح تطوِّل)
- شفيق جلال : فتحنا القنال
- شهرزاد : عدّى القنال و ياريس المركب كذلك سمِّينا وعدِّينا "ضمنياً"
- صباح : إيد على إيد أو شوبش (إيد على إيد بنينا أملنا .. إيد على إيد أممنا قنالنا)
- عبدالحليم حافظ : حكاية شعب و الفوازير و يافنارة و المركبة عدت و النجمة مالت ع القمر
- عبدالعزيز محمود : إدلع ياقمر (يابرتقان ياابو صرة جايه المراكب من برّه والله وبقيتى مينا حرّة) و شال الحمام (فرحة وتمت ياوله وآدى الحبايب ياوله حوالينا إتلمت فتح القنال ياوله)
- فايدة كامل : (دع سمائى فسمائى محرقة دع قنالى فمياهى مُغرقة) و رايتنا عالية (دهب القنال دهبى ومالى) وأيضاً على ضفاف القناة
- محرم فؤاد : ياريس عدينا (بحر الكنال ياخال واصل مابين بحرين .. ماشى يقول موال الله ياليل ياعين)
- محمد العزبى : مركب الحرية (وسفينة بتقول لسفينة إرتحنا بعد مالفينا .. والفرحة نوّرت المينا بقرارك وعبورنا لسينا)
- محمد عبدالمطلب : ياسايق الغليون عدّى القنال عدّى
- محمد قنديل : إدفع الرسوم لمصر و آدى القناة يامصر زى ماهىّ و ياريس البحرية يامصرى
- نازك : توتة توتة أو حكاية الثورة (والخطوة التانية خطيناها خطوة كبيرة ح نبنى السد .. خدنا قناتنا وأممناها ولاحوجة لمعونة حد)
- نجاة : حسب الميعاد
- نجاح سلام : اليوم اليوم النصر (عبدالناصر ياجمال للغرب بتعطى أمثال .. قالوا السد العالى زال قالهم أممنا القنال)
- هانى شاكر : عدينا ياريس عدينا دا قنالنا ودى أرضنا سينا
- هدى سلطان : أمم جمال ولاتخف و مهمز حصانك ع القناة
- وردة : عقبال الجاى
أما عن البرامج الغنائية : فرح القنال و قصة القنال و كتاب الثورة و ياحمام ياطاير تكلموا جميعاً عن قناة السويس
أرجو ألا أكون قد أطلت عليكم
والف مليون مبروك
مع تحياتى

[خليـل زيـدان]

تحية و ألف مبارك ومجد عظيم
بمناسبة إفتتاح قناة السويس الجديدة
( وبالإذن من أخي الغالي الحبيب د. حسن أضع رابط هذه المشاركة الجميلة والمُعبرة عن قناة السويس )
:emrose:


تسلم الأيادي أخي الجميل أبو حسام
بارك الله في عمرك
:emrose:

[خليـل زيـدان]

تسلم الأيادي عمنا الجميل د. حسن
مجهود رائع بارك الله في عمرك
:emrose::emrose::emrose:

مها صبري "دي بورسعيد المحروسة"
:emrose:

[إيمانيات]

يا فنارة لفي المينا خلي السفينة تعدي
و ان سألوكي البحارة اتعجبي و اقفي و ردي
دي قنالنا و دي اراضينا اتفضل شوف يا اخينا
لفي و وريه يا فنارة يا فنارة

الفنارة لعبد الحليم حافظ ، الأبنودي
عبد العظيم محمد