بعض الأسئلة تحتاج الى جواب. [الأرشيف] - منتدى سماعي للطرب العربي الأصيل

مشاهدة النسخة كاملة : بعض الأسئلة تحتاج الى جواب.

مساعد محمد

10/03/2015, 01h08

عادل صموئيل

10/03/2015, 11h48

الـسلام علـيكم ورحـمة الله وبـركاتـة

لـدي بـعض الاسئلة حـيرتني :rolleyes:

أول سـؤال ماذا تعني لازمـة موسيقـية؟

السـؤال الثاني هـو D.S.Al Fine

لـماذا في أغلب النوتات العربـية يكــتب فقــط عــلامة $ Segno :crazy:

بـدون لاتـكتب :eek: D.S.Al Fine

أو فقـط عـلامة الكـودا Coda Sign

بدون لا تكتب D.C. Al Coda

:( أعـذروني فا أنـا مسـتجد

شـكراً

الاخ العزيز
فيه فرق بين التدوين الموسيقى الشرقى والتدوين الغربى يعنى اتكلم الاول عن موضوع السينيو والكودا .. فى الغربى لازم تتقيد بالتدوين الاكاديمى اللى زى ما انت كاتب .. اما فى الشرقى نحن لانستعمل هذه المصطلحات ولكن بنستعمل وظائفها فقط ... وده معتادين عليه من اول ما بدأ التدوين فى مصر فى اواخر الثلاثينيات .. وبدأ العازفين فى استعمال النوت .. واخذ منه كل الدول العربية فأصبح ستايل واحد بحيث انى لما ادون نوتة يعزفها اى عازف فى اى دولة بدون ان تحدث لخبطة او لبس بسبب المصطلحات .. ولو بحثت الموضوع حتلاقى طريقتنا اسهل يعنى بستعمل العلامة فقط بدون كتابة .. يعنى اخطر موضوع هو موضوع المصطلح اللى بيستعمله الجميع .. عندك مثلا برنامج سبيليوس للتدوين بيدون ويعزف الربع تون ولكن انا لا استعمله لسبب خطير انو بيدون علامة النصف بيمول مقلوبة يعنى احنا متعلمينها وبنستعملها اللى شبه ال b هو بيدونها اللى شبه ال d ودى انا لو دونتها فيه ناس كتير حايتلخبطوا فيها ..
اما موضوع معنى كلمة لازمة .. ده برضو مصطلح فى الموسيقى الشرقية فقط وبيتكون من 3 حاجات وكلهم اسمهم لازمة .. اولا لما مطرب بيغنى والموسيقى بترد عليه دى اسمها لازمة ( فى وسط الغنا ) وموسيقى اى كوبليه اسمها لازمة ... ولطكن فيه كمان لازمة مايعرفهاش غير المحترفين اسمها لازمة انتظار وهى الجملة الموسيقية التى تسبق دخول الغناء مباشرة .. يعنى مثلا عندك المقدمة الموسيقية .. آخر جملة فى المقدمة اسمها لازمة الانتظار بتبقى مثلا مكتوبة فى النوتة لها مرجع يعنى تتعزف مرتين .. لكن المطرب ممكن يكون لسه ما اتسلطنش اوى او الجمهور لسه ما سكتوش ف المطرب بيخلى الفرقة تكررها كذا مرة لحد الجمهور ما يسكت او المطرب يبقى جاهز للغنا .. يعنى تلاحظها بالذات مع عبد الحليم ممكن تتكرر 7 او 8 مرات وتحت امرك فى اى اسئلة
مع اطيب تحياتى عادل صموئيل

مساعد محمد

10/03/2015, 15h25

شكـراً أستأذ على الـرد والاجابات.:emrose:

بالـنسبة للـزمة الـموسيقية الـذي فهـمتة أنها جـواب للمـغني وأحيـانا جواب للـحن؟

مثـال لما تغني أم كـلثوم وتقـول رجعـوني عنـيك لازمـة لأيامي الـي راحـو ؟ أستنتاجي صحيح؟

وأيضاء الـكوبلية يعتـبر كلة عبارة عـن لازمة موسيـقية ؟ أم يعـتبر كـوبلية وقبـل بدايـة غنـاء المـطرب تأتي لزمة

صغـيره لكي يفـهم المطرب وقـت بداية الغـناء؟ أي تـدفعة لـلأمـام؟

أيضاً لـدي سـؤال هـل الازمــة لاتـكون بطـول معين أي مـن المـمكن أنـها تكون لازمـة مدتها دقـيقة كامـلة بأي طـول؟

يالـيت ترفق لي روابـط وأمثلة وألف شكــر أستاذ.

اخى العزيز الموضوع اسهل من انو يحتاج امثلة وروابط احكى لك مثال واحد وانت حتلاقيه بيتكرر فى كل الاغانى تحضرنى اغنية يامسهرنى لأم كلثوم
من اول ما تبتدى الفرقة اسمها المقدمة الموسيقى ولما نأتى لأجر جملة قبل الغناء واللى بتتكرر عدد غير محدود من المرات اسمها لازمة الانتظار بتقول : دو رى لا سى دو ( من اليمين طبعا )
لما بتغنى المذهب بتقول : ماخطرتش على بالك يوم تسأل عنى الموسيقى بترد عليها سى دو رى م م ر ر دو دى اسمها لازمة لكن رد على الغناء وهكذا
الكوبليه الاول بتقول اسأل عن اللى يقضى الليل الموسيقى اللى تسبق الكوبليه اسمها لازمة الكوبليه الاول وآخرها جملة تتكرر عدة مرات اسمها لازمة الانتظار ايضا وهكذا وده بيطبق على كل الاغانى
مع اطيب تحياتى

مساعد محمد

11/03/2015, 23h02

الف شكر وصلـت المعلومة أستاذي الكـريم :emrose: