طبلة شرقية [الأرشيف] - منتدى سماعي للطرب العربي الأصيل

مشاهدة النسخة كاملة : طبلة شرقية

جنتل

23/12/2006, 08h57

أهلين وسهلين فيكم
أنا عندي سؤال حول :
ماهي الأساسيات المهمة لمن يرغي في تعلم العزف على الطبلة الشرقية :o

احمد الديب

24/12/2006, 11h40

المطلوب يا عزيزي
1- الموهبة
يعني ودن تسمع الإيقاعات صح
وأيدي تعرف تترجم ماتسمع
2- المعرفة ب أنواع الإيقاعات والضروب والأوزان
3- وجود الآلة والممارسة الدائمة عليها

مصطفى محمد

06/11/2008, 12h38

أهلين وسهلين فيكم

أنا عندي سؤال حول :

ماهي الأساسيات المهمة لمن يرغي في تعلم العزف على الطبلة الشرقية :o

ان اولا هاوى ولة ادن حساسة جدا للموسيقى

محمود العيادى

16/11/2010, 01h42

أهلين وسهلين فيكم

أنا عندي سؤال حول :

ماهي الأساسيات المهمة لمن يرغي في تعلم العزف على الطبلة الشرقية :o

عزيزي الفاضل
الطبول انواع كثيره منه مايعزف بالاصابع و هي كثيره مثل الطبله المعروفه في مصر باسم الطبله الحق زي اللي بتشوفها مع الفرق الموسيقيه في الحفلات و دي بتحتاج اولا موهبه فطريه و الاحساس بالرتم او الضروبات و اذن موسيقيه تترجم هذا الاحساس بالاصابع علي رقمه او جلد الطبله و لابد مع الموهبه و الممارسه المستمره لخلق نوع من الحرفيه في الاداء ثم الانواع الاخري من الطبول تعزف عن طريق الاستكس اي العصاه وهي كثيره و متعدده مثل النقرازان و المرواس و الغربي الدرامز و الباتري ثم الافريقي مثل التمبا و التمباني و الطبول العسكريه في المارشات العسكريه و الحروب و غيرها و كلها تعتمد علي الاذن الموسيقيه
و للحديث بقيه .

حسن كشك

17/11/2010, 00h05

الألآتى

17/11/2010, 05h24

حسن كشك

18/11/2010, 01h36

جرى إيه ياعم محمود إنت وسى حسن

إنتم جايين تردوا على الراجل بعد أربع سنين من مشاركته :mdr: .. إنتوا مستعجلين كده ليه .

والأكاده إنه زائر مش عضو حتى ..

عموماً .. ممكن نعتبر معلوماتكم تنفع الأجيال الجايه

يالهوى ياولاد :crazy:... ماشى الحق علينا
آمال انت مارديتش ليه ياخويا ... من اربع سنين

معلش سرقت منك الوردتين دول
:emrose::emrose:

الألآتى

18/11/2010, 02h24

يالهوى ياولاد :crazy:... ماشى الحق علينا

آمال انت مارديتش ليه ياخويا ... من اربع سنين

معلش سرقت منك الوردتين دول
:emrose::emrose:

الوردتين وصاحب الوردتين والجنينة كلها مش خسارة فيك يابو على

تصور إن فيه موضوعات زى الموضوع ده .. مش فاكر إنى شوفتهم قبل كده ..

والبركة فى عم محمود العيادى وأمثاله إللى بيدعبسوا فى الموضوعات القديمة وبيفكرونا بيها ..

محمود العيادى

19/11/2010, 01h42

الوردتين وصاحب الوردتين والجنينة كلها مش خسارة فيك يابو على

تصور إن فيه موضوعات زى الموضوع ده .. مش فاكر إنى شوفتهم قبل كده ..

والبركة فى عم محمود العيادى وأمثاله إللى بيدعبسوا فى الموضوعات القديمة وبيفكرونا بيها ..

البركه فيك انت يابو حسام يامايسترو المنتدي .. و بعدين انت عارف يموت الطبال و صوابعه بتلعب .. وانت عارف ان موضوع الطبله ده كبير قوي و فرصه ان الواحد يتكلم عنه ..

المهم ان الطبله المعروفه لها اشكال منها فخار و منها المونيوم .. والفخار هو نوع مهم لانه فخار و يتم حرقه في الافران علشان التجويف يبقي مسمط يعني جاف حتي يمكن خروج الرتم اجوف بلا طنين و يتم شد جلد عليه بواسطه الحبال و الغراء ..

ومن انواع الجلد ماعز قراميط و لامؤاخذه جلد الحمار .. لكن من اجود انواع الجلود هو جلد السمك و قبل العزف لابد من تسخينه حتي يشتد و صوته يبقي كويس ..

وايضا من انواع الطبله نوع من نفس الشكل لكن مقاسه اكبر شويه و يسمي الدهله و هي صوتها رخيم شويه لاتساعها و هي تستخدم مثل الباص و يتم العزف عليها بالشكل التالي علي حرف الطبله و يسمي التك و في المنتصف يسمي الدم و طبقا للميزان و الزمن المطلوب للعزف يعني مثلا رتم الفالس ميزانه 2من اريعه يعزف دم بضم الدال ثم تك تك ثم دم ثم تك تك و دي تبقي اسمها المازوره او الجمله الايقاعيه الموسيقية ..

وبالمره من اشهر عازفي الايقاع من الاقدم الي الاحدث سيد كراويه ابن بورسعيد و كان عازف في فرقه ام كلثوم و كذلك محمد العربي و كتكوت الامير و عمنا محمود حموده و باحه و خميس حنكش و خالد جمعه و استك و عبد اللطيف ابو طبلتين ( اسمه كده ) و سعيد الارتست ونجم و اخيرا اخر عنقود ال العيادي الفنان احمد العيادي شقيقي الاصغر و كمان فيه الاكبر منه يوسف و فيه شويه من الاحفاد لسه علي الطريق و فن الايقاع ده فن يعتمد تماما علي حب الطبله و التكنيك اي طريقه العزف عليها لان كل واحد له بصمه في العزف تختلف عن الاخر و يمكن تمييز العازف عن الاخر باصابعه و طريقه عزفها ..

وفي النهايه انا باشكرك جدا لانك اديتني فرصه الواحد يطلع معلوماته يمكن تفيد الاخرين و عاوزك كده دايما حريص علي افاده المنتدي بمعلوماتنا الموسيقيه المحترفه مش الاكاديميه بس و شكرا .

محمود العيادى

19/11/2010, 01h46

صور لبعض الطبول التى ذكرها الفنان محمود العيادى

النقرزان

http://www.sama3y.net/forum/attachment.php?attachmentid=238030&stc=1&d=1289955719

المرواس

http://www.sama3y.net/forum/attachment.php?attachmentid=238031&stc=1&d=1289955719

باترى

http://www.sama3y.net/forum/attachment.php?attachmentid=238032&stc=1&d=1289955719

ياعم حسن ايه الجمال ده و الصور الجميله دي و التنقيح و التوضيب للموضوع .. ربنا مايحرمنا منك ابدا .

الألآتى

19/11/2010, 02h29

البركه فيك انت يابو حسام يامايسترو المنتدي و بعدين انت عارف يموت الطبال و صوابعه بتلعب و انت عارف ان موضوع الطبله ده كبير قوي و فرصه ان الواحد يتكلم عنه المهم ان الطبله المعروفه لها اشكال منها فخار و منها المونيوم و الفخار هو نوع مهم لانه فخار و يتم حرقه في الافران علشان التجويف يبقي مسمط يعني جاف حتي يمكن خروج الرتم اجوف بلا طنين و يتم شد جلد عليه بواسطه الحبال و الغراء و من انواع الجلد ماعز قراميط و لامواخذه جلد الحمار لكن من اجود انواع الجلود هو جلد السمك و قبل العزف لابد من تسخينه حتي يشتد و صوته يبقي كويس و ايضا من انواع الطبله نوع من نفس الشكل لكن مقاسه اكبر شويه و يسمي الدهله و هي صوتها رخيم شويه لاتساعها و هي تستخدم مثل الباص و يتم العزف عليها بالشكل التالي علي حرف الطبله و يسمي التك و في المنتصف يسمي الدم و طبقا للميزان و الزمن المطلوب للعزف يعني مثلا رتم الفالس ميزانه 2من اريعه يعزف دم بضم الدال ثم تك تك ثم دم ثم تك تك و دي تبقي اسمها المازوره او الجمله الايقاعيه الموسيقيه و بالمره من اشهر عازفي الايقاع من الاقدم الي الاحدث سيد كراويه ابن بورسعيد و كان عازف في فرقه ام كلثوم و كذلك محمد العربي و كتكوت الامير و عمنا محمود حموده و باحه و خميس حنكش و خالد جمعه و استك و عبد اللطيف ابو طبلتين ( اسمه كده ) و سعيد الارتست ونجم و اخيرا اخر عنقود ال العيادي الفنان احمد العيادي شقيقي الاصغر و كمان فيه الاكبر منه يوسف و فيه شويه من الاحفاد لسه علي الطريق و فن الايقاع ده فن يعتمد تماما علي حب الطبله و التكنيك اي طريقه العزف عليها لان كل واحد له بصمه في العزف تختلف عن الاخر و يمكن تمييز العازف عن الاخر باصابعه و طريقه عزفها و في النهايه انا باشكرك جدا لانك اديتني فرصه الواحد يطلع معلوماته يمكن تفيد الاخرين و عاوزك كده دايما حريص علي افاده المنتدي بمعلوماتنا الموسيقيه المحترفه مش الاكاديميه بس و شكرا .

ربنا يديك الصحة ياعم محمود ويزيدك من علمه كمان وكمان

أهو ده الكلام .. فنحن نحتاج لمتخصصين فى كافة فروع الموسيقى والطرب

لكى يكون منتدى سماعى موسوعة بحق ..

ملحوظة : إسمح لى أنسق مشاركتك وأظبطها شوية ..

محمود العيادى

19/11/2010, 21h24

ربنا يديك الصحة ياعم محمود ويزيدك من علمه كمان وكمان

أهو ده الكلام .. فنحن نحتاج لمتخصصين فى كافة فروع الموسيقى والطرب

لكى يكون منتدى سماعى موسوعة بحق ..

ملحوظة : إسمح لى أنسق مشاركتك وأظبطها شوية ..

ياعم الحاج محمد ظبطها زي ما انت عاوز وبراحتك علشان انا لسه سايق الكمبيوتر جديد و ممعيش رخصه سواقه استحملني شويه في حكايه التنسيق و التظبيط لغايه ما اتمكن شويه .. و العيب علي صديقي حسن باشا كشك ركبني من غير رخصه و سايبني ماشي لوحدي حتي كان يقوللي الفرامل فين ربنا يستر و تحياتي يابو حسام يا غالي .

الألآتى

20/11/2010, 01h50

ياعم الحاج محمد ظبطها زي ما انت عاوز وبراحتك علشان انا لسه سايق الكمبيوتر جديد و ممعيش رخصه سواقه استحملني شويه في حكايه التنسيق و التظبيط لغايه ما اتمكن شويه .. و العيب علي صديقي حسن باشا كشك ركبني من غير رخصه و سايبني ماشي لوحدي حتي كان يقوللي الفرامل فين ربنا يستر و تحياتي يابو حسام يا غالي .

إنت تؤمر ياقمر .. أمرك ماشى ..

وسيبك من الجدع المهياص ده .. بينسق هو لنفسه ويسيبك .. ( باهدّى النفوس )

د سعيد

20/11/2010, 13h58

مسا الفل على الجميع وزادكم الله الفة ومحبة وبصراحة انا مليش اي تعليق حول هذاالموضوع ولكن اغتنم الفرصة لكي اسلم عليكم وعلى استاذي ابو حسام اصلو وحشني اوي وبقالي مدة ماشفت ردودو وتوجيهاتو القيمة لينا وان شاء الله بتمو بصحة وعافية :emrose::emrose: