يا مصر..

[سعدالشرقاوى]

يا مصر...
يا اللي طول عمرك يا بلدي
قمّة المجد وعُلاه
والحضارة اللى ف تاريخك
نعمة من عند الإله
,,
أيوه فيه تمويل مهرّب
من عقول تقدر تخرّب
والخطر دايما مقرّب
واللي همّل مصر تاه
,,,
مهما طال الصبر بينا
مش ح تتكبّل ايدينا
مصرنا قدّام عنينا
واحنا واقفين انتباه
,,,,
مهما باعوا مهما خانوا
وحنوّا للاعداء ولانوا
نكشف المستور يبانوا
والعميل تظهر خطاه
,,,
كان مناكي ف يوم يصونوا
بسْ مكتوبهم يخونوا
ع الجميع لازم يهونوا
واللي فات قديمُه تاه
,,,
وحق ضميرك الصافي
وضمّة حُضنك الدافي
يا مصر لابد تتعافي
ولا عُمرك تقولي الآه