استفسار

[feras fathi]

الى اهلالاختصاص
ما معنى ان العود مدوبزن دوزان عربي هل هو كلام يتردد على السنه العوام الموسيقين ام هو كلام مبني ع اساس صحيح

[الألآتى]

بالرغم من أنى لست عازفاً للعود

ولكنى أريد أن أسأل سؤال .. للرد على سؤالك

وهل العود آلة غربية ؟ حتى يكون له دوزان شرقى ودوزان غربى

[عادل صموئيل]

الاخ العزيز

طبعا انا ما اقدرش اتكلم بعد اخى العزيز المايسترو محمد الآلاتى
واولا بعد اطيب التحيات بعيد الاضحى المبارك

كلمة دوزان غربى ودوزان شرقى وفيه كمان دوزان تركى

بس ده بيكون فى الكمنجة فقط لأن الكمنجة آلة غربية الاصل ودوزانها الغربى صول رى لا مى
ولكن العرب اخترعوا لها الدوزان العربى او الشرقى يعنى خلوها تتكلم عربى وصار الدوزان الشرقى صول رى صول رى
وهذا الدوزان بيعطيك ميزة اولا ان الكمنجة بتكون الاوتار الحادة حنينة ناعمة لأنها بتنزل درجة
واخطر ميزة فى الدوزان الشرقى للكمنجة ان بيبقى عندك نغمة صول الوسطى ( اللى ع الخط الثانى فى المدرج ) بتبقى متكررة مرتين ورا بعض مرة عفق ومرة وتر مطلق والتميز ده بيعطى العازف الشرقى البارع ميزة مهمة جدا انو امتى يستعمل النغمة المعفوقة او الوتر المطلق بمعنى فيه حلية بيعملها محتاجة يسحب صباعه من الفا الى الصول ودى ماتتوفرش على الوتر المطلق
اما الدوزان التركى بيبقى صول رى صو دو وهو هنا اعطى الوتر الحاد نعومة انو بينزل درجتين زائد تكرار الحركة اللى قلت عليها مع نغمة الصول انو بيبقى عندو نغمة دو معفوقة ونغمة دو وتر مطلق ويعيش حياته
الامكانيات دى مش متوفرة فى الكمنجة لما تكون مضبوطة غربى وللعلم العازف القدير احمد الحفناوى كان عزفه ونكهته متميزة لأنه كان بيظبط دوزان كمنجته تركى
اما العود فهو آلة شرقية الاصل يعنى اللى اخترعه وفضل يتطور حتى وصل للعود اللى بنستعمله دلوقتى ( وخلى بالك ان كل الآلات الموسيقية مكانتش كده اول ما اخترعوها يعنى فضلت سنين وممكن قرون تتطور حسب حاجة العازفين لحد ماوصلت الى ماهى عليه الآن
ونرجع للعود زى ماقلت آخر تطور فيه كان الدوزان الحالى اللى كل العرب بلا استثناء بيستعملوه
طيب ... انا كمدرس موسيقى ( مش عادى يعنى شاطر شوية وبفكر فى اى كلام بسمعه وكضابط مباحث موسيقية من منازلهم ) يعنى قلت الاخ العزيز فارس ممكن يكون جاب الكلمة دى او سمعها فين
فيه عندنا فى الموسيقى حاجة اسمها نضبط الآلة طبقة صغيرة ودى كانت تتميز بها فرقة السيدة ام كلثوم وده بالذات اهم سر من اسرار السلطنة فى موسيقى ام كلثوم
يعنى انت فى اى فرقة العازفين بيعملوا الدوزان ازاى ؟؟؟ بناخد نغمة صول من آلة ثابتة زى الاكورديون يعنى انا فى كمنجتى باخد نغمة صول من الاكورديون واضبط عليها كمنجتى ولازم كلنا ناخد الدوزان واحد واحد من الاكورديون عشان يبقى دوزان الفرقة واحد
فى الطبقة الصغيرة بناخد نغمة فا ونضبط عليها الكمنجة ونفس القصة مع العود يعنى بدل ما بياخد نغمة صول ويضبط عليها العود بياخد نغمة فا ويظبط على العود عادى زى مابيضبط
اعتقد ان ده مصدر الكلمة اللى انت سمعتها وعملت عندك التساؤل ده لأن العود ماولش غير دوزان واحد
بس ممكن يختلف انو بيبقى انقص تون يعنى بدل الصول تبقى فا وتضبط باقى الاوتار على بعض
انا آسف للإطالة بس حبيت اشرح الموضوع بحذافيره عشاننعرف اختلاف الدوزان دى معناها ايه
ولوحضرتك عندك اى تساؤل آخر او حتى فى الكلام اللى انا قلته انا طبعا تحت امرك
ولععلم اقول لك معلومة خطيرة جدا فى الحياة ( ومش فى الموسيقى فقط دى فى كل حاجة ) ممكن استاذ كبير فى شىء وييجى تلميذ صغير يسأله سؤال تكون السبب فى ان الاستاذ ده يفكر فى شىء مكانش شايفه من قبل وتكون مصدر اختراع ...
مع اطيب تحياتى عادل صموئيل

[feras fathi]

تحياتي استاذا الالاتي المحترم
وكلعام وانت بالف خير والجميع

نفس ما قولته انا
بهدا الخصوص
فهناك برنامج للدوزان ادوزن العود عليه
فمثلا ادوزن علامه اللاا( العشيران ) على تردد 110
ياتي من يقول هناك دوزان عربي ومدري شو
فلم يدخل مخي ان هناك عده دوزانات
كنت الاحظ ان الاوتار عندما ترتخي قليلا عن الدوزان الاصلي 110 لعلامه اللا(العشيران ) ان الصوت احن قليلا

لكن هناك من دوزن العود بارجاع العلامات درجه للخلف
فتر اللا يدوزم صول والري تدوزن در
والصول تدوزن فا
والدو تدوزن سي
لكن هدا الكلام غير مقنع ابدااااااااااااااااا
اردت ان استفسر من اهلالعلم والاختصاص بهدا المجال
مشكور جدا استاذ الالاتي

[feras fathi]

تحياتي استاذ عادل
استاذاي الفاضل اريد ان انتهز الفرصه واسال بوضوح اكتر
لقد استوعبت جيدا ما قولته انت
اريد ان اسال سؤال محدد وبوضح صح او خطا حتى افهم الموضوع
بس قبل السؤال اود ان اضع انا تصوري
فمثلا في دوزان العود لوتر العشيران التردد هو 110 ياتي ( برنامج (muse book( هناك مؤشر يضئ بالاخضر ان الصوت 100% اتوقع ان هناك مدى (range( مسموح به اقل قليلا او كثيرا يؤثر في حده الصوت قيلا (اما عندما ادوزن علامه اللا العشيران باعتبار انها يكاه صول وانزل باعلامات نزولا فهدا برايي خطا

قال لي احدهم ان هناك نهاوند دو وري وكانك تصور الدوزان تصوير
فهدا الكلام صراحه لم استطيع فهمه او بالاحري استساغته

انت قلت كلاما شبيها هل يجوز ذلك ؟؟؟؟؟
مع خالص شكري وتقديري

ملاحظه اخرى
ان هناك من تعلم الموسيقى لوحده مثلي انا تماما ( فانا صيدلاني واهوى الموسيقيى عشقا وتعلمت لوحدي والحمد لله ) فانا الاحظ ما قولته حتى بهمنه الصدليه ياتني شخص طالب يلفت نظري لقصه تصبح اختراعا صحيح كلامك

لكن هناك ممن يتعلمون الموسيقيى ويرفضون فكره التعلم ممن بنظرهم اقل
ويكرروون كلام هم نفسهم لا يفهموا ما يقولون اي يستخدم المصلح بغير مكانه كان يقول اوكتاف لشخص هاوي وهو يتحدث عن النهاوند وانه لايجوز قول اوكتاف للعجم
فواضح انه لم يستوعب ما نطق واراد ان يسكت الطرف الاخر لانه لا يبحث عن العلم ولا يريد ان يقال له ان فلانا افضل
هده قصه نعاني منها كتثير ا في حياتننا

اخى العزيز
المشكلة ان الانسان لما بيتعلم الموسيقى مع نفسه مع استاذ متخصص بيحدد له خارطة الطريق بيتعرض انه بيسمع كلام كتير من ناس مختلفين وممكن كلام منه صح وكلام غلط واحيانا كلام بيدخل فى متاهات
انت لما بتضبط عودك بتظبط الاوتار ايه من الغليظ الى الحاد ؟
انا مش بعزف عود بس الكلام بينطبق على جميع الآلات يعنى احنا عادة بناخد نغمة صول من آلة ثابتة وبنظبط عليها باقى الاوتار
يعنى انا شخصيا فيه حالتين الاولى لما بعزف مع فرقة او مع عازفين تانيين لازم ناخد الدوزان على بعض لأن العزف لو الصول هنا مش زى الصول هنا بيطلع اسوأ درجات النشاز لكن لما بعزف مع نفسى بظبط الكمنجة مع نفسها يعنى فيه وتر الصول وانا بظبط الكمنجة على بعضها يعنى نغمة الصول دى يبقى الرى بتاعها ايه وهكذا
احنا مش بنشتغل بالارقام اللى انت بتقول عليها لأننا فى اى فرقة بناخد نغمة صول من الاكورديون ونضبط عليها
بعدين عادة الضبط بيبقى انك تاخد نغمة الصول من الآلة الثابتة وتعود نفسك تضبط بودنك باقى الاوتار عليها لن اقول لك على سر
الاجهزة اللى بتاخد منها الارقام دى بتخطىء لسبب خطير ان بيها ميكروفون بيلقط الاصوات اللى حواليك فى المكان ودى كلها ترددات تعتبر موسيقية عشان كده بتبقى القراءة خاطئة لكن لما تاخد من الجهاز نغمة النواه او الصول وتحاول تعلم نفسك تضبط باقى لاوتار بودنك العود حايطلع مضبوط اطتر
يعنى اقول لك على حاجة فى الصيدلة انا عندى سكر بس بشك فى الجهاز بتاع الاجزخانة لأنى مرة جربت قست فى معمل التحاليل يعنى اخد منى عينة دم بعدين خرجت من معمل التحاليل رحت اجزاخانة اصحابى وبيقولوا عندهم جهاز اليكترونى مضبوط جدا وجديد اخدت القراءة بعدين تانى يوم جبت نتيجة التحليل طلع الفرق بين المعمل والجهاز الاليكترونى مش حتصدق 100 درجة
طبع قعدت اعمل تحريات دقيقة ( لأنى مش باخد الامور على علاتها واسكت ) كان والدى الله يرحموبيعانى من امراض طويلة فيه دكتور كان بييجى لو فى البيت بإنتظام لاحظت انو كاتب فى الروشتة انو بيقيس السكر قلت لو الحكاية يعنى ممكن لما الجهاز الاليكتونى يقيس قراءة خاطئة الدكتور يوصف للمريض دوا غلط وقلت لو ورينى جهازك كان معاه فى الشنطة بيمشى بيه طبعا وقلت لو طيب وينى الشرايط اللى بتقيس بيها اكتشفت حاجة خطيرة ( كتير من الصيادلة مايعرفوهاش ) ان الاجزخانة بتقيس السكر بخمسة جنيه بيبقى عندها شرايط فى علبة وده بيعرض الشرايط كل ماتقفل وتفتح العلبة انها تلقط رطوبة ... لكن الدكتور معاها شرايط اغلى ضعف التمن كل شريط مغلف لوحده فى غلاف معدنى يعنى انت معاك 100 شريط بتفتح واحد فقط والباقى مقفول عليه مش بيتعرض للرطوبة ونفس الحكاية فى الشرائط اللى بتقيس السكر فى البول عشان كلها فى علبة واحدة ولما تفتح العلبة بتتطشف وتتعرض تاخد رطوبة بتفسد المهم انت ذاكر بودنك نغمة صول تبقى ال رى بتاعتها ايه وال لا بتاعتها ايه وال دو بتاعتها ايه واضبط العود بودنك وجرب
مع اطيب تحياتى عادل صموئيل