كراك لبرنامج انترنت داونلود ماننجر

[عادل صموئيل]

احبائى
انا لقيت الكراك ده وشغال معايا من اكتر من سنة 100% وطبعا احب اديه لكل الاحباء
التميز فيه انو اولا سهل الاستعمال جدا جدا وثانيا بيشتغل على اى اصدار من البرنامج

اولا افتح الكمبيوتر بتاعك بدون ان تفتح برنامج انتر نت داونلود مانجر يعنى لازم البرنامج يكون مقفول
ثاميا حاول عطل ايقونى الانتى فايرس تبعك واللى بتكون موجودة جنب الساعة
ماحوظة : بخلاف الكراكات التانية الانتى فايرس مش بيمسح الكراك ده بس بقول نقفل الانتى فايرس احسن عشان مايتعارضش مع العملية لأن برامج الانتى فايرس بتتعامل مع الكراكات انها مرفوضة
ثالثا فك الضغط حاتطلع لك ايقونة
افتحها تلاقى نافذة لاحظ فيها كلمة start
اضغط عليها حتلاقى حاجة بيتم تحميلها ولما تخلص مبروك عليك البرنامج
اهم شىء لما تفتح البرنامج الاصلى مش حتلاقى جنب اسمو كلمة un rigestered
مع اطيب تحياتى عادل صموئيل

[عادل صموئيل]

احبائى
اقدم لكم احلى برنامج لفك الضغط عن الملفات وينرار 4 كامل مش محتاج لا كراك ولا سيريال
يعنى انا النهاردة حكيت الخاتم ظهر لى العفريت قالى تطلب ايه قلت لو مش عايزحاجة النهارده قال طيب خد البرنامج ده

انت لو عندك برنامج تجريبى ولا فيه اى مشكلة فك ضغط البرنامج ده واستعمله
مع اطيب تحياتى

[الألآتى]

ميرسيه ياعم عادل على هداياك القيّمة

هدية مقبولة .. ونردهالك فى الأفراح بإذن الله

[عادل صموئيل]

عزيزى الاستاذ الكبير الايسترو محمد الآلاتى
ماعندكش فكرة الكراكات دى مفيدة اد ايه لان 90% من البرامج القيمة بفلوس يعنى مثلا البرنامج ده تمنه 30 \ولر وده اقل سعر لبرنامج
المشكلة ان فى معظم الدول الغلبانة حتى لو انت طلعت الفلوس وعايز تدفع مش حتلاقى البرنامج فى مصر مثلا
يعنى فى اوروبا وامريكا فيه فى مولات الكمبيوتر تلاقى محلات متخصصة للبرامج تدخل تلاقى البرامج كلها قدامك وبكل الاصدارات , يعنى مثلا الفوتو شوب واحد بيريحه اصدار رقم 7 موجود كل الاصدارات
الحاجة التانية ان فى البلاد اللى زى مصر عندنا مثلا الناس اتعودوا على ابو بلاش يعنى مثلا نسخة الويندوز اكس بر الاصلية تمنها حوالى 700 او 800 جنيه هى موجودة لكن برضو المشكلة انها ماتشتغلش غير على جهاز واحد
يعنى اول ماتسطبها اول ماتدخل النت الشركة بتلقط رقم جهازك يعنى تخيل لو عندك جهاز تانى جوا بيتكم لو سطبتها عليه الشركة حاتعتبر الجهاز التانى سارقها وتشتغل لك فى الازرق مع انك شاريها والجهازين بتوعك شخصيا
جديدر بالذكر انك لما بشترى البرامج من اوروبا من المحلات اياها فيه سر مش كل الناس تعرفه ( واقوله ببلاش كده )
انت لو اشتريت برنامج ب 40 دولار مثلا موجود فى المحل نفس النسخة لجهازين ب 45 دولار او ل 3 اجهزة ب 50 دولار
طبعا الكلام ده بتعرفه الناس المخضرمين فى المواضيع
من هنا اتى دور الشباب الاشقياء اوى فى الكمبيوتر انهم ابتدوا يخترعوا كراكات ويفضلوا يطوروا فيها لحد مابقت سهلة ومذهلة يعنى مرة طلبت كراك لنفس البرنامج داونلود مانجر راح الاخ العزيز نور الصباح ادانى صفحة كتابة فيها ييجة اكتر من 40 سطر قال لى تكتبهم فى النسخة تبقى شغالة طبعا مين عندو لا وقت وعينين ويفضل يكتب الكمية دى وممكن يغلط لكن الكراك المطور اللى انا وصلت لو هنا ضغطة واحدة
ومن اخطر مميزاته واعتبره هدية قيمة بجد ان الكراك او الملف ده بيشتغل على اى اصدار
يعنى المعروف ان اى كراك بيشتغل على اصدار واحد فقط
المشكلة بتيجى من التحديث يعنى مثلا عندك فاير فوكس فجأة بيطلب يتحدث وبالذات مش عارف ليه حاطط نقره من نقر انترنت داونلود بالذات لو حدثت يقول لك البرنامج مش حايشتغل لازم تنزل اصدار احدث ونرجع لمشكلة عايز اصدار احدث بالكراك بتاعه .. الميزة هنا فى الملف ده ولا يهمك ادخل ع النت وهات اى اصدار يعجبك والملف ده حايشغلو لك ... عندى كمان ملف يخلى نسخة الويندوز اكس بى اصلية وتقبل التحديثات للى يحب وبرضو بتشتغل على كل نسخ الاكس بى وانا عادتى احب اهادى اصداقائى بكل ما املك ( ولعلمك انا معظم البرامج الخطيرة جدا جدا اللى بشتغل بيها مهداة من الاحباء هنا فى المنتدى ) اللى مش بيتأخروا عن اى طلب
مع اطيب تحياتى

[حلمي يوسف]

شكرا استاذ / عادل
وتسلم الايادي
:emrose::emrose::emrose:

[الألآتى]

عندك حق ياأستاذ عادل .. حكاية الكراكات دى حلت لنا مشاكل كتير مع البرامج

والشركات نفسها عارفة الكلام ده .. وبتعتبره زكاة عن نفسها وعن عافيتها ..

ومهما يعملوا من جدران نارية وإستحكامات .. العيال العفاريت بتوعنا .. بيكسروا كل الإستحكامات

إحنا غلابة ياعم عادل .. ومش معقول كل مايظهر إصدار جديد من أى برنامج .. نجرى ونشتريه .. مش حانخلص

وخصوصاً إننا مابنكسبش من البرامج دى

يعنى أنا مثلاً .. بشتغل على برامج التسجيل والصوت والإيقاعات .. مابكسبش منها

وغالباً بعمل الشغل من غير مقابل .. ( للأصدقاء والمنتديات ) زى حالاتك

ربنا يخليك لينا ويديك الصحة وتتحفنا دايماً بالبرامج والكراكات

[عادل صموئيل]

اخى العزيز
طبعا انا بشاركك الرأى فى حكاية اننا بنستعمل البرامج دى لوجه الله ولخدمة الاخوة اللى مش بنعرفهم شخصيا قبل اللى بنعرفهم شخصيا
اقول لك حاجة تضحك
واحد من الشباب العبقرى اللى بيخترع الكراكات دى منزل كراك والناس بترد عليه تشكره
قام دخل عليه واحد من المتدينين اوى ( او على الاصح المدعين او المتاجرين بالدين ) لن المتدين الصح يعنى بيبقى علاقة خاصة بينه وبين ربنا مش بيمشى ف الشارع ويحط فوق دماغو فانوس وميكروفون يقول انا متدين والباقى كفار
المهم الاخ دخل على الراجل وبهدله قال لو ان اللى انت بتعمله ده سرقة وحتروح النار ودخله فى عذاب القبر وآخر الكلام ده
وانا ارد عليه انت اولا عشان توصل لكراك محترم بتاخد 7 سنين تجارب وتفشل مئات المرات بيكون ساعتها البرنامج بقى قديم ومالوش قيمة بالنسبة للشركة المنتجة
بمعنى انك مثلا لو فى اوروبا دخلت محل برامج وقلت له عايز نسخة وورد اوفيس حيقول لك عندى 2013 او 2012
لو انا قلت لو محتاج 2003 حاينظر لى بقرف ( كانى عايز اشترى وابور جاز مثلا ) ولو دور عندو فى الزبالة ممكن يديهالى ببلاش او صدقة او بعشرة جنيه علما بأن نسخة 2013 مش اقل مما يساوى 1300 جنيه مصرى ليه ؟
لأنهم بتاعة 2003 زمان باعوها وكسبوا منها مليارات وخلاص بقت بالنسبة لهم موضة قديمة
لكن احنا غلابه الموضة القديمة دى عندنا جديدة اوى .. وبعدين حاجة تانية المواطن اللى بيروح النهاردة يشترى كيسة جديدة قول ب 1200 جنيه مثلا وده سعر متوسط يعنى مش وحشة اوى ومش احدث حاجة طبعا
بيتحط عليها نسخة ويندوز ببلاش ( تمنها 800 جنيه ) وقول 15 برنامج لو البرنامج ب 30 دولار يعنى 200 جنيه
يعنى قول كمان 6 الاف جنيه تمن البرامج وفيه طبعا برامج زى الاوفيس ب 1000 جنيه
طيب يعنى المواطن عشان يشترى كمبيوتر يدفع 12 الف جنيه ؟
ماحدش حايشتريه يعنى عم الشيخ اللى بيتلكك ده ( ولعلمك هم واتباعهم اكتر ناس عندهم ميليشيات طول النهار على الكمبيوتر ) مش كده ولا ايه ؟
مع اطيب تياتى

[الألآتى]

يعنى عم الشيخ اللى بيتلكك ده ( ولعلمك هم واتباعهم اكتر ناس عندهم ميليشيات طول النهار على الكمبيوتر ) مش كده ولا ايه ؟


هههههههههههه .. عندك حق