مشاهدة النسخة كاملة : فن غناء الحلقه في الجهة الشرقيه
عرفت الجهة الشرقية في المغرب، نخبة من عمالقة شيوخ الحلقة، كالشيخ المرحوم عبد الله المكانه (http://www.sama3y.net/forum/showthread.php?t=32627)، والشيخ احمد ليو البركاني (http://www.sama3y.net/forum/showthread.php?t=33808) الذي لا يزال ينشط في هذا الفن ليومه، والشيخ المرحوم المهدي (الجزائري صاحب الحنجرة ألذهبية، الوحيد حسب علمي، الذي ادخل الى الحلقه، فن اللغواطي الذي برع فيه خليفي احمد) والشيخ المرحوم خيري يحيى الذي اشتهر بترديده لقصة وحشيه، والشيخ زويتنه لوكيلي والشيخ المرحوم محمد لقصاصبي (لبصير) الذي اشتهر بترديده لقصة العبيد، والشيخ المرحوم أوفقير لخضر (http://www.sama3y.net/forum/showthread.php?t=86169) الصحراوي الذي اشتهر بترديده لقصص ألف ليله و ليله في قالب فكاهي دارجي كقصة طاقية الاختفاء، وغيرهم. نفتح على بركة الله هذا الموضوع محاولة لانقاذ هذا الفن الي بدأ يدب الموت فيه، منذ وقت طويل.
وحشيه
بصوت الشيخ عبد القادر بياض
كان يرددها كثيرا الشيخ يحيى. قيل أنها من كلمات الشيخ بلال الجزائري، وهذا الشيخ يعد عميد الحلقة في الجهة الشرقية لا يذكره إلا الكهول وكان يمتاز بقصر طوله حيث كان يستعين بطاولة يقف عليها عندما يغني.
خلاصة قصة وحشيه أنها تروي احدى كرامات الولي عبد القادر الجيلالي حيث يحكى أن امرأة كانت لا تلد إلا البنات، فهددها زوجها بالقتل إن لم تنجب له ولد، فاستغاثت بعبد القادر الجلالي فرزقها الله 40 ولد في يوم واحد.
هنالك شيوخ لم اذكرهم في مقدمتي إما لأنهم شيوخ قدماء لا يذكرهم إلا الكهول أو لإنهم جائو في السبعينيات حيث كنت منشغلا بدارستي الجامعية بعيدا عن وجده، اذكر منهم :
الشيخ بلال ويمتاز بقصر طوله حيث قيل انه كان
يمتطي طاوله حين يغني
الشيخ احمد لوكيلي و كان شاعرا فذا نأمل أن
نرى ديوان شعره يخرج للوجود
الشيخ علي الواسني وكان شاعرا كبيرا كذلك
الشيخ قودر النهاري
الشيخ علي لجناح
الشيخ مفتاح
الشيخ الماحي
طاعة الوالدين
تأليف الشاعر الجزائري الميلود الصوري
بصوت الشيخ عبد القادر بياض
قصة العبيد
كما كان يرددها كثيرا الشيخ محمد القصاصبي
القصة لا تخلو من عنصر التشويق و دراما
وتصلح أن تكون موضوع فلم رمضاني
القصة تدور حول ويلات عاق الوالدين
بصوت الشيخ عبد القادر بياض
في مدح الولي عبد القادر الجيلالي
ا ناسي لا تلومني
بصوت الشيخ عبد القادر بياض
وصف جميل لفرس عبد القادر الجيلالي
ا الحمرا زينة الصفه ... بنت الملك في غرفه
تتمشى في خيوط خفا ... وتبعها الجاريه
اواهم لا تگول مرا ... هاديك وصايف الحمرا
كما تقول الشابه الزهوانية
كيف شفتو بو دربله ... راكب الحمرا غانا
عفوا هذه كلمات الشابة الزهوانية على عبد القادر الجلالي
كشتو بو دربلة راكب الحمرا غلغالة ... الشروجا بدلا و الركاب يشالي
مرحبا يا رجال الله ... أنا دايرته دلالي
قصيدة الموت
بصوت الشيخ عبد القادر بياض
قصيدة الموت
بصوت الشيخ احمد ليو
مسجلة من الحلقة
صورة نموذجية للحلقة في الجهة الشرقية
http://www.sama3y.net/forum/attachment.php?attachmentid=335440&stc=1&d=1398290022
قصة السيساني
من اجمل ما حكي عن كرامات الولي
عبد القادر الجيلالي
القصة تزخر بعناصر التشويق و النكت
وتصلح أن تكون موضوع فلم رمضاني
بصوت الشيخ الوجدي الكبيرعلال
قصة ولد لعجوز مكتوبه
قصة اسالت من الدموع ما لم يسيله فيلم الام الهندية
بسم الله بديت هاذ القصية ༜ ولا اله الا الله رب الواحد
سبحانو عالم الغيوب الخفية ༜ السميع البصير ملا كيفو حد
ويعلم من كان فالسفل و لعلية ༜ والمخلوقات عايشة به مقيد
صلى الله على يمام الانبيا ༜ و راحة القلوب سيدي محمد
وصلى الله عليه الفا وميا ༜ عدد الماشيين و طيور تفيد
وعدد البر والبحور الموطية ༜ و الناطق و الباكمة وللي جامد
وعدد الارض و السماوات العليا ༜ و البدر مع النجوم و الشمس توقد
و الرضا على رفاݣتو رهج العديا ༜ فرسان الجود ولحيا فرسان الضد
وسمعو لي نعيد لكم قصية ༜ و هاذ القصة تشيب الراس الاسود
قصة ولد لعجوز تنعاد قصية ༜ من خرج مع لفراسين يجاهد
خرج واحد انهار بابا فاطمة ༜ يتمشى ومعاه سداتي لبرار
خرج برا عرضتو واحد الحومة ༜ وداوه بيتوه في فرحة و سرار
اذا سالو نبي على واحد لكلمة ༜ يريهم متين من دين القهار
بتو ثم مع يمام العلما ༜ مفرقوه حتى لغدوا نص نهار
يجبر ݣدمو جماعة ملتمة ༜ مبلغوش صيامهم شبان صغار
فيهم واحد الشباب مطبوع الهمة ༜ بالقوة مشهور فاز على لنظار
يبارز في جماعتو مثل العرمة ༜ ويتقلب في وصطهم ايمن و يسار
الى ناضو معاه هما بالعزمة ༜ يرميهم جملة يطيحو كي لغمار
ويرمي الحية لسما مثل النجمة ༜ كتهبط يݣعد لها بالتعبار
سقسهم شفيعنا سيد رقية ༜ و ݣالهم يا صحابنا لمن دا الولد
وݣالولو يا رسول خاتم الانبياء ༜ و عجوزة بانية على داك السيد
و ما نعرفوه من عرب بنو امية ༜ و لا ظنيت هاشمي يا محمد
و صلى الله على يمام الانبيا ༜ تاج المرسلين شفيعنا سيدي محمد
ݣال لهم يا صحابنا و صغو لي ༜ غدوا عند الصباح لمو في الموعد
رسلو لمو جات لكان لبية ༜ تجبر خير الورى على الحيط مسند
ݣالت فرحي و سعد ݣلبي كمية ༜ مقوا زهري اليوم و نهار يساعد
ديك الفرحة ݣالت سيد رقية ༜ مرحبا بيك زرتني يا محمد
ݣال لها جيت للعلا عز علي ༜ نديه مع صحابنا يغدي يجاهد
تسمع حس سنانها مثل الݣلية ༜ ولات الطير كٌلش مَنْها يرعد
انا ولدي صغير ميعرف حيه ༜ ما زال صغير راه في كمي يرݣد
ما عندي في مكان غيرو درية ༜ راك تشوف لخيمتي ما عندي حد
باغي تديه يا احمد للجهلية ༜ دوك المتحزمين لكان على الهند
ݣال لها ولدها اسي حتى انتيا ༜ مشي ذا القول ياما منك فاسد
ها ذاك اللي تفرقت منو لشيا ༜ الجنة و النار و السما و الارض
جدك و بباك و نا و نتيا ༜ يجعلنا في ضمانتو داك الݣاعد
ݣالت لو لدرݣ الشوره بيا ༜ حسيت بداتي رماها في مصهد
فقالت العجوز كلمة بالمهما ༜ وصل سيدك يا لعلا و رجع لالدار
ولدي ولدي درت لي هذا الحشمة ༜ بلسانك واش قلت لالنبي المختار
وعلى جانك راه جاني للخيمة ༜ و كدب الساحة وصل ضيافو للدار
و ݣال لها لتعلقي فيا لومة ༜ ماني هدار اما مجبت خبار
و هداك اجيه لخبر من السماء ༜ و جبرائيل يجيه من عند القهار
و ديري ليا لعوين خفي بالعزمة ༜ اما و غدوا عند صباح يمشيو الخطار
والمكتوبة بلا دواية و قلوما ༜ وتلحݣ بالعبد اما والله لو طار
جرايد ربي في الجمايم مرسومة ༜ الاجل محدد اما ضمن القهار
و اذا عمري طويل نرجع شور اما ༜ و اذا متنا لهيه تتلقى الاعمار
ودخلت لدارها لعجوز السنيه ༜ وجبدت من قشها ذراير و وسايد
وجبدت لو قاط من الملف اللي غاية ༜ مطبݣ مدسوس لباسو عايد
وشدت ݣطايتو و ظفرتها هي ༜ حزينه و دمعتها سايله و هي تتنهد
دارت فوݣ رسو طبع من شاشيه ༜ مرفوعة عبرو السباط انداك القد
زادتلو فوݣها عمامه مكيه ༜ شدتلو بالحرير لكحل تحت الشد
ارسلو سيدنا من الخيل مطيه ༜ ما وقفت ݣدام باب ولا قايد
من عند احمد للعلا جات هديه ༜ بنت السلطان شهرت جات تعيد
بين الخيل اطير كي الروحانيه ༜ على ظهر الفرسان لفرش و رݣد
دار عليها سرج شهرة عربيه ༜ مدا تصنع اليد و العين تشهد
ركب سيد لعلا على ظهر المحضيه ༜ و رمات بالوودين عندو امو للخد
وݣالت لو زينة الفرس ها ذي هي ༜ و طلݣ لها سراح خليها تهمد
وݣالت لو و رني من الحرب شويه ༜ و رني كطاردوك و كي تطرد
و ذرك نطيح عليك و الطيح عليا ༜ و احكم فيا مليح و نا فيك نشد
وكنت عزيز عليك و عزيز علي ༜ و نيفي لبدا شوار نفك كترݣد
و ربيتك من الحجر الى الشاميه ༜ و مر مر رجعك ال صدري ترݣد
و وكلتك من كل اكل و فاكيه ༜ و ميكول جديد من تمر و عنب و شهد
و نحرس فيك من لفاع السمية ༜ و نحرس فيك من الݣايله و سموم البرد
ونحظي فيك لا تشوفك عينيه ༜ نخاف عليك في الزرادي تتهود
حتى ولات عودتك تشمت فيا ༜ كفاش انت تركبك و نا نݣعد
ݣال لها هدا صحيح ما ݣلت فيا ༜ اسمحلي عييت ما فيك نممرد
اطلبي عالم الخفا يرفق بيا ༜ دعوة الوالدين تلحݣ بالولد
مسحت دموعها لعجوز السنيه ༜ ݣالت رني مسامحك يا ولدي صد
رجعت لدارها حزينه مكويه ༜ صابت طعامها مسݣي في مثرد
لاحت لقمه لفمها بالغيضيه ༜ حصلت في صدرها ولا باهي تهود
زادتها الماء و جات شموتيه ༜ كقصتها بدمها ولات ترد
ݣالت خير ويا الله سبقت ليا ༜ هذا فات من لعلا و الله الحد
كانو يرجاو فيه غير فلان فلان ༜ حتى شافوه ݣال راه منين رݣب
كبان الحال صاݣت محال العربان ༜ العربيات في العطاطيش ترݣب
حارو فيه بنات زنجار العديان ༜ مقمص كالطير من شافو يرهب
ݣالت وحده يا فلانة بنت فلان ༜ شوفي سيد العلا على حدك راكب
ݣالت لخرى عليه عينين المروان ༜ قاب قوسين فيه مݣرون الحاجب
ݣالت لخرى غي ثمر تفاح يبان ༜ في وقتو موجود في شجرو طايب
ݣالت لخرى غي بريه للسلطان ༜ حاملها صنديد جا بها يخطب
ݣالت لخرى داك صاحب العدنان ༜ هذا اللي حبو النبي دارو صاحب
وݣالت لخرى يا فلانة بنت فلان ༜ و هذا اللي حبو النبي دارو صاحب
و لاقاوه شلا رباعة من شبان ༜ و نزل سيدي و راحت العوده تشرب
و يتباݣص جلدها مرايه في حيطان ༜ و من ضيقت روحها بلا فارس تلعب
و جلسو فوق فراش بحرير و روان ༜ جلد النمر دروه فوق فراش رطب
و باتو فرحنين في العز و الامان ༜ في الضحك و الاطراب لمن يشغب
كبان الحال صاݣ ركبت العربان ༜ للعديا قاصدين هاذ الشي واجب
حتى شافو الارض كامل مطليه ༜ على ما رات العين ذاك البر سود
ركبو و تلقاو قوم الجهليه ༜ تسمع في حس الرزايم ضرب الهند
و حمل سيد لعلا على قوم الخزيه ༜ و جبد سيفو كي ركب و شهد
و طعنهم للبراز و سط المشليه ༜ دولة بݣري و عوم عليها اسد
قتل قوم كثير من قوم العديا ༜ ما منع غي اللي هرب و اللي شهد
خدعو ذمي من الكلاب الذميه ༜ و ضربو خدعه طاح للارض مسند
و ظلامت متشوفش حتى حيه ༜ ولات المومنين في الموتى ترفد
ارفد هذا و قيس هذاك عليا ༜ المسلم يرفدوه و الكافر يݣعد
حتى صابو لعلا مسند في و طية ༜ و لابس ثوب جديد كيف اللي راݣد
ابكاو المومنين راجل و وليه ༜ سيد الخلق يشوف واݣف يتنهد
و رجعو المجاهدين في يوم و ليلة ༜ صابو ام لعلا تسقسي في الخطار
و دمعتها سايلة و هي مهبولة ༜ و تعيط و تݣول عيدو لي الاخبار
و عيدو لي على لعلا ضو النجلا ༜ و راه عماني على العقايب من الابصار
و الݣادي ݣلبي بنار الشعالة ༜ و الكاوي كبدتي على نار المسمار
و ݣالو لها يا عجوز غفلتنا غفلة ༜ و اخدعنا في الظلام هذاك الغدار
ويا لوما سيد لعلا داير الخصلة ༜ و مكانش فينل اللي يرجع الاخبار
و ݣالو لها سالي عمام رسول الله ༜ هما حضرو معاه في شان المشوار
و الا مول الحدايد اللي منزولة ༜ من يلغو لو فالكتوب علي حيدار
و حتى جابو لعلا على ناݣة كحلة ༜ حطوه ݣبالها مݣحطر كالعيهار
ولات طير للسماء مثل الحجله ༜ في وقت الصيف و صمايم و الهجار
تبكي و تݣول هكذا حكم المولى ༜ كلنا راجعين للحي القهار
انا ولدي ما يحدث من ولا ༜ ما ݣالو في ݣفاه و كال او هدار
انا ولدي صاجب حبيب المولى ༜ و على جانو شفيعنا جاني للدار
حتى جاها رجل من اصحاب النية ༜ ݣال لها يا عجوز نعطيك افايد
ولدك من و صطنا داتو حريه ༜ بين الصفين رايحه فيه تݣود
ݣلنا لها خليه ݣالت دا ليا ༜ هذا ايامو وفى و الاجل تحدد
ݣلنا ليها امو امرا و حدانيه ༜ لا صدر حنين عندها لا وين تصد
ݣالت امو الا بغات تجي ليا ༜ تجبر سيد لعلا هنا عندي واجد
و ال بغات تعيش في دار الدنيا ༜ تتزوج تاخد تراريس او تولد
ترجع مش شافت مرا سنية ༜ تولد كيف لعلا و شݣو بالزايد
ݣالت لو لو تجيب كرشي عشر ماية ༜ منربطش حصان في بيت الاسد
اطلب لي عالم الخفا يعجل بيا ༜ كنتلاقى لعلا ݣلبي يهمد
ماتت في حجر النبي سيد رقية ༜ هي و وليدها دفانهم محمد
Powered by vBulletin Version 3.8.4
Copyright ©2000 - 2024, Jelsoft Enterprises Ltd