فهرس النوتات المقدمة للدكتور الاستاذ عادل صموئيل [الأرشيف]

عادل صموئيل

20/12/2013, 02h16

احبائى
اشكر الاخ العزيز الرائع هيثم الصالحى على هذ المجهود الضخم وما اقدرش اوفيه حقه
يعنى اكيد اى واحد بيفهم فى الكمبيوتر يقدر يحس المجهود الضخم اللى بذله فى تجميع هذا الفهرس الرائع واللى انا شخصيا برجع لو دايما لنى من كتر التدوين ممكن انسى وادون اغنية تانى
والعمل العظيم ده من اهم فوائده انو عمل تجمميع لأعمال انا افتخر بإنى اقدمها والفهرس بيمنعها من انها تتبعثر فى الصفحات بمعنى ان اى عضو ممكن يدخل على الفهرس وياخد منو كل اللى يحتاجه
وكمان بيشجعنى انى اعمل اكتر واكتر طالما الله بيعطينى الصحة والتحمل انى ادون الاغانى لأنى بالذات متخصص فى الاغانى الصعبة والطويلة وانا بحس ان ده واجب عليا يعنى ربنا اكرمنىانى اعيش سنوات من الزمن الجميل .. واكيد من حق الناس عليا انى زى ما اتمتعت واتعلمت انى افيد الناس اللى بعدى .. والمسؤولية كبيرة اولا لأنى يمكن انا الوحيد اللى لسه باقى شوية على قيد الحياة من رفاق الزمن الجميل والىء التانى ان حتى لو اتوجد منهم ناس مازاولا على قيد الحياة لكن مازالوا بيشتغلوا يعنى ربنا يكرمهم .. لن التدوين هنا احيانا بيحتاج لما تيجى تكتب اغنية 18 صفحة محتاج على الاقل عشر ايام تفرغ كامل حتى ممنوع على نفسى انى اسمع اى موسيقى تانى عشان المقامات والايقاعات وكيفة الاخراج وتخطر عملية هى تسهيل الصعب يعنى وانا بكتب لكم الكلام ده دلوقتى بسمع اغنية من اروع اغانى االرائعة فايزة احمد .. والاغنية دى بالطبع كان لى الشرف انى عزفتها معاها .. لكن مركز على حزء ادليب فى اول المقدمة هو ممكن يطلع 4 اسطر لكن فيه تعقيدات يعنى محمد سلطان اكيد لما يعمل لفايزة كذا لحن ورا بعض لازم يكون فيهم اختلافات لأن من اهم مميزات اغانى الزمن الجميل ان لازم الاغانى تكون مش شبه بعض وغلأا يبقى اللحن لو عمل اغنية زى اللى عمل عشر اغانى ( ةاقول لكم حاجة تضحك ) دلوقتى فى اللحظة الحالية انا وقفت الاغنية لأن انا كمدون لما بسمع مش زى اعازف العادى او الشخص العادى .. يعنى لما بسمع الاغنية بسمعها حروف وموازين وسكتابت وايقاعات وهنا ادليب وهنا كررت المقطع والكتبو تانى ولا اعمل سينيو وفى الاغانى ال 18 صفحة او فى الحجم ده انا بحاول ما اعملش سينيو كتير لأن احنا عندنا سينيو ودوبل سينيو وتريبل سينيو وحالة الاغنية محتاجة 15 سينيو على الاقل احنا فى الفرقة الماسية كان عندنا طرق للإعادات دى بس ماتنفعش هنا مع الهواة
المهم انا اتمنى ان النوت توصل ويستفيد منها اكبر قدر من الناس
مع اطيب تحياتى