المساعد الشخصي الرقمي

مشاهدة النسخة كاملة : التوتو ناي التوتو ناي

ام مدحت
03/06/2013, 11h22
التوتو ناي التوتو ناي
==========
حَطوا إيدهم ع الحقيقة
وخمّونا وعملوا الطريقة
والبلد صبحت فى ضيقة
والمٌقدّر لسّه جاي
التوتو ناي التوتو ناي
,,,,
يوم سلف مع يوم شحاتة
من دوَِل غاوية التباته
والعالم يشبع شماتة
والفوايد تبقى كيْ
التوتو ناي التوتو ناي
,,,,
مين معانا ومين علينا
كان هدفكوا تتاجروا بينا
اللى عايز أرض سينا
واللى واكل لحمى نيْ
التوتو ناي التوتو ناي
,,,,
كام جماعة وكام فصيلة
والهدف هوّ الحصيلة
جاتكوا داهيه وألف نيلة
دانتوا والله ما ليكو زيْ
التوتو ناي التوتو ناي
,,,,
بنشوف الخيبة الكبيرة
فى الكلام عن العشيرة
بأنكسف وما جيبش سيرة
لا الدّول تضحك عليْ
التوتو ناي التوتو ناي
,,,,
القضاء والجيش بتوعنا
مهما توهنا ومهما ضيعنا
لو تساهموا يوم فى جوعنا
روحنا تطوى الأرض طيْ
التوتو ناي التوتو ناي
,,,,
خدتوا ياما وخلـّيتونا
رغم خيرنا تشحّتونا
لو هدفكوا تموّتونا
مستحيل والعمر جاىْ
التوتو ناي التوتو ناي
,,,,
لوْ حماس ح تكون بديلنا
مش ح تشربوا من نيلنا
ما احنا ياما العمر شيلنا
وصوت ضميرنا لسّه حيْ
التوتو ناي التوتو ناي
,,,,
كل كلمة بتقولوها
بعد ساعة بتنكروها
غصب عنكم ح تسيبوها
مش ح تلووا دراعها ليْ
التوتو ناي التوتو ناي
انور الحارث
04/06/2013, 21h49
كلمات معبرة جميلة

فقط أثناء الغناء وتطبيق لحن التوتو ناي

تخرج من القاعدة ال التعريف بكلمة الطريقة

وكلمة شيلنااا صعبة

اما الباقي رائع يشبه الفطير المشلتت

دمتم بخير سيدتى

انور الحارث
عبدالعزيز كايد
13/06/2013, 22h52
.

إبداااااااااااااااااااااع
استمتعنا بهذه القصيدة الرائعه
وبصراحه اصبحت مندهش من مهارة شعراء العاميه المصريين
الذين حافظوا على مستوى مرموق من الشعر
واحيوا تراثاً عريقاً كاد ان يتوارى
فلك ولكل شاعر مصري وشاعره كل التقدير
اسجل حضوري واعجابي الشديد
مع ملاحظة ضرورة الانتباه الأملائي حتى في العاميه
دمتم ودام هذا الالق



.