طلبات نوتة أ / عادل صموئيل الجزء الثانى

[عادل صموئيل]

المشاركة الأصلية كتبت بواسطة sfakhri

بعد التحية و الشكر الجزيل لتدوين أغنية ساعة زمن للفنانة ميادة الحناوي أقول :

أن تسأل طبيباً عن أعراض القرحة الهضمية و ويجيب بأنه لم يسمع بهذا المرض من قبل . فذلك مثير للاستغراب .
الاستغراب ذاته هو ما شعرت به أنا و كثيرون غيري ، عندما قلت أستاذ عادل بأنك لم تسمع بأغنية نعمة النسيان لميادة الحناوي من قبل أو بأغنية ساعة زمن .

هل من توضيح يزيل أو يخفف من هذا الاستغراب !

اخى العزيز
اولا العملية مش استغراب العملية ظروف يعنى فيه فرق كبير بين عازف عشرين سنة فى الفرقة الماسية وبين مستمع بيسمع فى الراديو العازف بيبقى محصور فى المطربين اللى بيسمعهم واللى بيشتغل معاهم طول وقته مش بيسمع حد تانى ... يعنى المشكلة مثلا فيروز مش ميادة الحفناوى .. انا من وانا صغير بسمع فى الراديو فيروز بتغنى خمس اغلنى بالعدد هم هم بيتكرروا فى الاذاعة المصرية من اهمهم حبيتك بالصيف وماكنتش اعرف قيمة فيروز الكبيرة والرهيبة ... ومرة وصدفة فى سنة 1977 بالتحديد كنا فى دمشق مع عبد الحليم ووردة وكنت بالنهار بنزل اتجول اتفرج ع البلد يعنى بس كان خروجى محصور فى منطقة سوق الحميدية والاماكن اللى حواليها يعنى كنت فسحتى مشيا على الاقدام ماكنتش بركيب تاكسى .. كنت بتجول بين الفندق وبين المنطقة دى يعنى طبعا مش ببعد اوى عشان ما اتوه ومحدد بوقت عشان ارجع انام او اجهز نفسى للحفلات بالليل .. وعارف الانسان لما يكون بيمشى لا يلوى على شىء وبشترى اى حاجة حلوة تقابلنى وبالمناسبة اشتريت شوية قمصان تهبل يعنى فوق مستوى الهبل بشوية المهم دخلت محل بيبع شرائط معرفش يعنى اشتريت شريط وخلاص كان ايمو ناطورة المفاتيح لفيروز .. ولما رجعت مصر سمعته عجبنى ثم سمعته اذهلنى ومن ساعتها عشقت فيروز بعدين بقيت كل بلد اسافرها اشترى شرائط لفيروز من الاصلية المعمولة فى اليونان تعرف عندى كام شريط ؟؟؟ على الاقل 99% من جميع شرائط فيروز اللى نزلت فى الاسواق دى قصة فيروز .. المشكلة اننا فى مصر بنسمع اللى الاذاعات واو التليفزيون بيحطه قدامنا ويقول اسمعوه يعنى انت فى سوريا مثلا ممكن تعرف عدد من المطربين اكتر منى ... وبعدين الاغنيتين دول طالما ما اتسجلوش على الفرقة بتاعتنا اكيد عمرى ما اعرف عنهم شىء لكن اعرف بالطبع انا اعشقك ليه ؟ لنها اتسجلت على فرقتنا ... اقول لك حاجة مضحكة زمان فى الستينيات نزل علينا مطرب سورى اسمو فهد بلان اول مانزل على الفرقة الماسية ( ماكنتش طبعا لسه اشتغلت فيها ) بس طالما المطرب نزل على الماسية بيبقى المغروض انو نجم
والتليفزيون اعطاه اكتر كتير من حقه خلا الشعب المصرى افتكر او حس انو ده عبد الوهاب او عبد الحليم بتاع سوريا بعدين بالتداول اكتشفنا انه مطرب امكانياته محدودة وعندكم صباح فخرى مثلا اكتر منو 500 مرة ... زى مرة الافلام الهندى عندنا ركزوا على ممثل اسمو اميتاي باتشان ونلوا لو خمسين فيلم ورا بعض خلا الشعب المصرى حس ان ده عمر الشريف بتاع الهند وبالتداول اتضح انو واحد هناك مش مشهور اوى وفيه خمسين ممثل اشهر منه
المهم طريقى توصيل المطرب اليك عن طريق وسائل الاعلام وبإختصار اى متذوق للغنا فى اى بلد عربى بيركز على مصر وبيعرف كل المطربين فيها وبيحس بكل مطرب جديد يطلع عندنا احنا بالعكس يعنى لازم المطرب ده ييجى عندنا ويعمل حفلات عشان نعرفه لذلككان اى مطرب فى اى بلدعربى لو هو محلى فى بلده وعايز يتشهر على مستوى العالم العربى بييجى مصر ويعمل كام اغنية للملحنيت اللى انتم بتحبوهم زى بليغ والموجى والسنباطى
والامثلة كتيرة جدا وفيه مطربين منهم بينجحوا اوى فى مصر اقصد مش الكام حفلة الاولى ولكن بيستمروا ويعملوا افلام ومنهم ماتعدش فريد وصباح ووردة وفايزة ودول بيقسموا معيشتهم بين بلدهم وبين مصر او بيفضلبوا فى مصر على طول وبيبقوا مصريين اقتنعت بوجعة نظرى ؟
مع اطيب تحياتى

[نور الصباح]

احبائى
اقدم لكم اغنية من العيار التقيل جدا
كل واحد منا عنده ذكريات
لميادة الحانوى .. الاغنية دى ليها معايا قصة صعبة .. انا كتبتها بمحض الصدفة مكانش قصدى اكتبها لأنى ماسمعتهاش

SSSSSSSSSSSSSSSSSSSSSSSSSSSSSSSSSSSSSS


وعقبال طلباتنا التى طال عليها الزمان
وشكرررررررررررررررررررررررا
أخوكم
نور الصباح

[البطار بوشعيب]

السلام عليكم استاذ صمويل كيف الحال شكرا على هذه التحفة الجميلة من اغاني ميادة اما عن طلبي موشح جمال نور المصطفى يبدو انه لم يحظى بالقبول

يا اخى العزيز
انت مستعجل ليه
انا عملتها عشان خاطرك يعنى فى الوقت اللى انت فاكر انها لم تحظى القبول كنت انا بشتغل فيها

مع اطيب تحياتى

[عادل صموئيل]

احبائى
اقدم لكم من الموشحات الدينية

جمال نور المصطفى

وللعلم القصائد والموشحات الدينية هى اللى عملت الظاهرة الخطيرة المسماه : ام كلثوم
يعنى من وهى طفلة كان والدها منشد للتواشيح والقصائد الدينية وكانت بتحفظ كل اللى بيقوله وده اللى عمل منها مطربة مش عادية وبالذات لما ابتدت تغنى القصائد ام كلثوم احسن واحدة تقول العربية الفصحى

مع اطيب تحياتى

[سليم العباس]

شكراً لك أستاذ عادل على ردك الجميل و المعلومات الفنية القيمة .
لكنني بصراحة لم أقتنع بشكل كامل ، فأنا أتحدث عن ميادة الحناوي و أغنية ساعة زمن و ملحناسمه رياض السنباطي ، وليس عن أغنية لنوال الزغبي أو تامر حسني -مع الاحترام للجميع -
قديماً و كما ذكرت حضرتك كنا محكومين بما يبثه الراديو أو التلفزيون و كنا نظن أنه يقدم الصورة الكاملة عما نشاهده ، فمثلاً كان التلفزيون السورييبث مسرحية واحدة فقط للفنان محمد صبحي عنوانها ( انتهى الدرس يا غبي ) حينها أعتقدت أنه فنان كوميديموهوب ليس أكثر ، و بعد اختراع الريسيفر و الأنترنت ، قررت أن أتابع مسرحية أخرى لأثبت نظرتي عن هذا الفنانأو أغيرها فشاهدت مسرحية ( تخاريف ) و التي أذهلني فيها بقدراته التمثيلية و اختياره الرائع للنص الذي كتبه المبدع لينين الرملي و أدركت القيمة الحقيقة لمسرحه الرائع .
والسبب بأن التلفزيون السوري لم يبث تلك المسرحيات كونها تطرح أفكاراً سياسية منافية لتوجه البلد .

- أنا أتفهم تفرغ حضرتك الكامل للعمل مع الفنانين الكبار ، و أيضاً الفرق بين عازف محترف و بين مستمع عادي وربما يكون ذلك سبب كافٍ ليبرر عدم الاستماع لبقية الفنانين .

كامل تقديري و احترامي لشخصك الكريم .
وانا اشكرك اخى العزيز لتفهمك وزى ما قلنا حتى بعد اختراع الرسيفر برضو هو سلاح ذو حدين يعنى بيوريك الدنيا كلها بس ماتقدرش تركز لأن اقل عدد من المحطات على اى قمر 900 قناة يعنى الواحد يشوف ايه ولا ايه واعترف ان فيه مطربين ممتازين جدا لكن ما سمحتش الظروف انى اشوفهم يعنى ميادة الحناوى رائعة جدا جدا وهى بتمثل فى الوقت الحالى امتداد لفنانى الزمن الجميل ولو قارنتها بالمشاهير دلوقتى اكيد حاتحس انها من زمن تانى كان جميل اوى
مع اطيب تحياتى عادل صموئيل

[muhamadibra]

[QUOTE=sfakhri;653572]
شكراً لك أستاذ عادل على ردك الجميل و المعلومات الفنية القيمة .
لكنني بصراحة لم أقتنع بشكل كامل ، فأنا أتحدث عن ميادة الحناوي و أغنية ساعة زمن و ملحناسمه رياض السنباطي ، وليس عن أغنية لنوال الزغبي أو تامر حسني -مع الاحترام للجميع -
قديماً و كما ذكرت حضرتك كنا محكومين بما يبثه الراديو أو التلفزيون و كنا نظن أنه يقدم الصورة الكاملة عما نشاهده ، فمثلاً كان التلفزيون السورييبث مسرحية واحدة فقط للفنان محمد صبحي عنوانها ( انتهى الدرس يا غبي ) حينها أعتقدت أنه فنان كوميديموهوب ليس أكثر ، و بعد اختراع الريسيفر و الأنترنت ، قررت أن أتابع مسرحية أخرى لأثبت نظرتي عن هذا الفنانأو أغيرها فشاهدت مسرحية ( تخاريف ) و التي أذهلني فيها بقدراته التمثيلية و اختياره الرائع للنص الذي كتبه المبدع لينين الرملي و أدركت القيمة الحقيقة لمسرحه الرائع .
والسبب بأن التلفزيون السوري لم يبث تلك المسرحيات كونها تطرح أفكاراً سياسية منافية لتوجه البلد .

- أنا أتفهم تفرغ حضرتك الكامل للعمل مع الفنانين الكبار ، [SIZE=4]و أيضاً الفرق بين عازف محترف و بين مستمع عادي وربما يكون ذلك سبب كافٍ ليبرر عدم الاستماع لبقية الفنانين .

[SIZE=4][SIZE=4] كامل تقديري و احترامي لشخصك الكريم
ولكن هناك ذوق شخصي يرفض اغلب الذي يقدم باسم التجديد - انا مثلا غير متخصص ابدا ومجرد هاو ومستمع - لا اتحمل مشاهدة او سماع بعض ما يعرض علي انه تجديد؟ وعندما اشاهد نوتة اي عمل منها ده اذا امكن تدوينها تلاقي كلها نغمة واحدة فتتسد نفسي اكتر واكتر - وهذا لا يمنع وجود بعض الاعمال الجيدة
د محمد ابراهيم

[عاشقة العود]

استاذ عادل كل احترامي وتقديري لحضرتك وانا اسفة كثير غلبتك بس النوتة ساعة زمن ما رحتش خسارة وانا من الاول بس حضرتك كتبت انها اغنية صعبة ومستحيل تكون الحان واحد غير رياض السنباطي كان عندي احساس انك مخربط بين اغنية نعمة النسيان لاغنية ثانية, وان شاءالله تدون لنا اغنية نعمة النسيان مثل ما تعودنا ع تدوينك الدقيق الواضح والصحيح. لان النوتة الموجودة في المنتدى فيها اخطاء وخاصة بالمذهب حاسة بانها مش مزبوطة...مع اطيب تحياتي اختكم عاشقة العود

المشاركة الأصلية كتبت بواسطة عادل صموئيل

احبائى
اقدم لكم اغنية من العيار التقيل جدا
كل واحد منا عنده ذكريات
لميادة الحانوى .. الاغنية دى ليها معايا قصة صعبة .. انا كتبتها بمحض الصدفة مكانش قصدى اكتبها لأنى ماسمعتهاش او ماعرف بوجودها اصلا .. وتبدأ القصة ان الاخت العزيزة عاشقة العود طلبت ادون اغنية نعمة النسيان لميادة الحناوى .. واعطت رابط على اليوتيوب والعادة انك لما تفتح رابط اليوتيوب بيبقى على الشاشة الرئيسية الملف اللى انت طالبه وعلى اليسار ملفات كتير يعنى حاجاتفى نفس الموضوع او اغنى لنفس المطرب .. المهم شغلت الاغنية لقيت مقدمة من اول حرف نكهة رياض السنباطى اللى مش ممكن اختلف عليها بعد العمر والخبرة دى كلها خلصت المقدمة لقيت ميادة الحناوى بتقول : كل واحد منا عنده ذكريات ونظراً لأنى مش عارف الاغنية اصلا قلت جايز الاغنية لها اسمين زى مثلا لاتدخلى اسمها كمان رسالة من امرأة ... الاغنية طولها 28 دقيقة وحاولت الاول اخليها ملف Mp3 لن ما ينفعش اكتب من ملف الفيديو عندى محول على النت لكن بيحول فى حدود عشرين دقيقة فقط حاولت انزلها اعطتنى ملفات مش بتشتغل .. دخلت على موقع موالى كتبت نعمة النسيان مش موجودة كتبت كل واحد منا عنده حاجة برضو مش موجودة مكانش هناك حل إلا انى اشغلها ع اليوتيوب واسجلها على جهازى .. الوت ده كان وقت مزعج بالنسبة لى يعنى كان ساعة مانزلت ويندوز 7 والمشكاكل الكتير اللى حصلت معايا وبرامج مش عايزة تشتغل والطابعة والسكانر بالإضافة الى الصعوبة المفرطة فى الاغنية والسبب الاساسى انى مش حافظها اصلا يعنى بسمعها فتفوتة فتفوتة عشان اتفهمها لدرجة انى قررت اكتب لكم بعدها قصيدة لا تقل للا ضاع حبى من يدى لنى اشتغلت فيها وحافظها واكيد حاستريح كتير .. المهم ابتدت مشكلة انى كتبت ان الاخت العزيزة عاشقة العود طلبت كذا وانا بكتب فيها ردت الاخت عاشقة العود وقالت ان الاغنية من تلحين فاروق سلامة بصراحة انا عقلى طار ... يعنى دى سنباطى حتى النخاع وحتى انا كتبت ان مش ممكن فاروق يلامة يعمل حاجة زى دى .. وفجأة حصلت معجزة ان بتكلم مع احد اصدقائى الاحباء من سوريا وهناك طبعا حافظين ميادة الحناوى اكتر منى 100 مرة اكتشفت السر الخطير ان انا غلطان .. وان نعمة النسيان اغنية من تلحين فاروق سلامة فعلا وان فيه اغنية تانى اسمها كل واحد منا عنده ذكريات ودى تلحين السنباطى .. يعنى عاشقة العود طلبت حاجة وانا بكتب حاجة تانية خالص بس الوقت اللى راح مش خسارة ( مع انه كان طويل اوى ) لأنى هنا بقدم لكم اغنية من روائع السنباطى الحديثة يعنى اكيد مكسب لكل محبى السنباطى وانا لما كتبتها يعنى فكيت طلاسمها بقت سهلة كتير واعد الاخت العزيزة عاشقة العود انى اكتب لها نعمة النسيان قريبا واعتذر لها عن اللبس اللى حصل مع اطيب تحياتى

الاخت العزيز
اشكرك لتفهمك واتمنى كمان انك تعزفى الاغنية اللى كتبتها لنها اقل ما اقول مدرسة وانتى عارفة قيمة السنباطى طبعا وانا الحمد لله دونتها بطريقة سهلة بحيث تبقى ممتعة فى العزف .. واما عن قولك ان الاغنية الموجودة فى المنتدى فيها اخطاء ده بيدل على انك متذوقة وشاطرة وانا بحب طبعا اتعامل من النوعية دى لأن الموسيسقى كما اعرفها انا وكما تعلمت من التعامل مع العمالقة الدقة النتناهية فى كل شىء وان شاء الله ادونها لك الاسبوع ده ان شاء الله
مع اطيب تحياتى عادل صموئيل

[kamalia]

شكرا جزيلا استاذنا الكريم على تحفة = جمال نور المصطفى=اطلب من الله ان يحفضك للجميع وبالتوفيق انشاء الله

[البطار بوشعيب]

السلام عليكم والله لا اعرف كيف اشكركم شكرا لك استاذنا الكبير على تواضعك وبارك الله فيك فناننا الكبير

[البطار بوشعيب]

لعلمك لقد اصبح عادل صمويل اسمك متداولا في بلد المغرب عند كل الموسيقيين الدارسين للموسيقى فبالنيابة عنهم اقول لك شكرا جددددددددددددددددددددددددددددددددددددددددددددددددد دددددددددددددددددددددا وبارك الله فيك

وانا من ناحيتى ارسل سلامى لكل موسيقى فى المغرب فردا فردا مع كل تحياتى واحترمى لكل محبى الفن الجميل لن الناس اللى مثلكم هم اللى حيحافطوا على الفن الجميل من الانقراض
مع اطيب تحياتى عادل صموئيل