* : شريفة ماهر (الكاتـب : سيجمون - آخر مشاركة : ابوعلي خفاجي - - الوقت: 22h37 - التاريخ: 20/12/2014)           »          محمد القبانجي -مؤتمر الموسيقى العربية 1932م (الكاتـب : محمد الساكني - آخر مشاركة : داؤد بغدادي - - الوقت: 22h26 - التاريخ: 20/12/2014)           »          معزوفات على الكمان للأستاذ عادل صموئيل (الكاتـب : عادل صموئيل - آخر مشاركة : داؤد بغدادي - - الوقت: 22h16 - التاريخ: 20/12/2014)           »          أغاني من العراق - فرقة الرافدين - تسجيل اسطوانة ستيريو (الكاتـب : داؤد بغدادي - آخر مشاركة : محمد الساكني - - الوقت: 21h27 - التاريخ: 20/12/2014)           »          إذاعيات الشاعر بشير عياد (الكاتـب : MOHAMED ALY - آخر مشاركة : بشير عياد - - الوقت: 20h21 - التاريخ: 20/12/2014)           »          البرنامج الغنائى وحدة الشرق (الكاتـب : د.حسن - - الوقت: 20h00 - التاريخ: 20/12/2014)           »          هنا القاهرة (الكاتـب : د.حسن - - الوقت: 19h24 - التاريخ: 20/12/2014)           »          نبع الصفصاف (الكاتـب : د.حسن - - الوقت: 18h57 - التاريخ: 20/12/2014)           »          البرنامج الغنائى من مصر لاسكندرية (الكاتـب : د.حسن - - الوقت: 18h37 - التاريخ: 20/12/2014)           »          طلبات نوتة أ / عادل صموئيل الجزء الثانى (الكاتـب : عادل صموئيل - آخر مشاركة : ملحن مصري - - الوقت: 18h16 - التاريخ: 20/12/2014)


العودة   منتدى سماعي للطرب العربي الأصيل > صالون سماعي > ملتقى الشعر و الأدب > نتاج الأعضاء.. شعر العامية والشعر النبطى

رد
 
أدوات الموضوع طرق مشاهدة الموضوع
  #1  
قديم 06/09/2011, 12h20
علاء طه ياسين علاء طه ياسين غير متصل  
مواطن من سماعي
رقم العضوية:308298
 
تاريخ التسجيل: octobre 2008
الجنسية: مصرية
الإقامة: مصر
المشاركات: 457
افتراضي ما تجيبش لقلبي سيرة

ما تجيبش لقلبي سيرة ..... عن حب وعن حنان
كفاياه القـلب حيرة ...... وكفاية كان وكان
دي الأحزان الكتيرة ....... خلتني أكره زمان

طالت ليالية جنـبك .... ف الشك وف الدموع
مهما يندهني قلبك .... دلوقتي مفيش رجوع
من بعد ما صنت حبك .... وانت طفيت الشموع
بتقول دلوقتي نرجع .... ونعيش تاني ف أمان
ما تجيبش لقلبي سيرة ..... عن حب وعن حنان

آدي القلب اللي شالك ..... مش راضي بجد يفـرح
وإنت اللي مجاش ف بالك ...... غير بس تخون وتجـرح
مالك دلوقتي مالـك ..... بتجيني ف كل مطـرح
يا حبيب قلبي ياغالي ..... خلاص فات الأوان
ما تجيبش لقبي سـيرة ..... عن حب وعن حنان

جرب تقعد دقايق ..... تفكر ف اللي عدى
اللي أصبح يضايق ..... وف أحلام المودة
وان سالت دمعة منك ...... امسحها في المخدة
أنا ياما بطرف ايدي ...... مسحت دموع زمان
ما تجيبش لقبي سـيرة ..... عن حب وعن حنان

ما تجيبش لقلبي سـيرة ..... عن حب وعن حنان
كفاياه القـلب حيرة ...... وكفاية كان وكان
دي الأحزان الكتيرة ...... خلتني أكره زمان
رد مع اقتباس
  #2  
قديم 06/09/2011, 17h31
الصورة الرمزية NAHID 76
NAHID 76 NAHID 76 غير متصل  
رحمها الله رحمة واسعة
رقم العضوية:61292
 
تاريخ التسجيل: août 2007
الجنسية: مصرية
الإقامة: مصر
المشاركات: 759
افتراضي رد: ما تجيبش لقلبي سيرة

بسم الله الرحمن الرحيم
الشاعر علاء
هو ده طبع الزمان لما يكون الشيئ فى يدك لا نشعر به ولما يغيب نبحث عنه مش عارفين أن الاوان فات والزمن بنى جدار عالى يكبر مع الايام
هى الناس مابتكنش فاهمه
والا على رأى أم كلثوم
هو حنانى عليك أساك حتى علي
والا تسامح روحى معاك غرك في

تحياتى
__________________
إذا أنا لم أعط المكارم حقها

فلا عزني خال ولا ضمني أب

التعديل الأخير تم بواسطة : NAHID 76 بتاريخ 06/09/2011 الساعة 19h19
رد مع اقتباس
  #3  
قديم 06/09/2011, 20h18
علاء طه ياسين علاء طه ياسين غير متصل  
مواطن من سماعي
رقم العضوية:308298
 
تاريخ التسجيل: octobre 2008
الجنسية: مصرية
الإقامة: مصر
المشاركات: 457
افتراضي رد: ما تجيبش لقلبي سيرة

السيدة الفاضلة
مدام ناهد
فات الأوان والزمن .. بني جدار عالي .. وماتت الأحلام
وكل شيء له تمن ... حتي اللي كان غالي ... بترخصه الأيام
فعلا
سلمت يداكي .. وسلمت أفكارك
ويسلم مروك الرائع
علاء
رد مع اقتباس
  #4  
قديم 07/09/2011, 00h20
الصورة الرمزية سعدالشرقاوى
سعدالشرقاوى سعدالشرقاوى غير متصل  
مواطن من سماعي
رقم العضوية:408324
 
تاريخ التسجيل: avril 2009
الجنسية: مصرية
الإقامة: مصر
المشاركات: 867
افتراضي رد: ما تجيبش لقلبي سيرة

عاتب عليك يازمن يامبهدل الغالى
سوّقته من غير تمن بالبخس طوّالى
ولمّا عاز السّكن سلـّمتله البدروم
والندل عند اللزوم سكـّنته فى العالى
انا جاى أصالحك ونفسى تنعدل مرّه
لو حجّتك فى البلد آهى أصبحت حرّة
ياريت تراجع حسابك واللىّ صار منـّك
وعشمى انـّك هاتصفى وينعدل حالى
,,,,,,,,

يابو الكلام ع الكيف
قول وسمّعنا
ياللى كلامك حكم
بالطعم والمعنى
الله عليك يابو ياسين
الله ينور عليك
رد مع اقتباس
  #5  
قديم 08/09/2011, 01h03
الصورة الرمزية ليلى ابو مدين
ليلى ابو مدين ليلى ابو مدين غير متصل  
مواطن من سماعي
رقم العضوية:528319
 
تاريخ التسجيل: juin 2010
الجنسية: مصرية
الإقامة: الكويت
المشاركات: 1,348
افتراضي رد: ما تجيبش لقلبي سيرة

ما تجيبش لقلبي سـيرة ..... عن حب وعن حنان
كفاياه القـلب حيرة ...... وكفاية كان وكان
دي الأحزان الكتيرة ...... خلتني أكره زمان


شاعرنا الكبير الأستاذ /علاء طه ياسين
الله الله على حلو الكلام .....غنائيتك يا شاعرنا ذكرتني بأغنية العظيمة أم كلثوم {فات الميعاد}
وعايزنا نرجع زي زمــــــان
قول للزمان إرجع يا زمـــان
وهاتلي قلب لا داب ولا حب
ولا إنجرح ولا شاف حرمان
وطبعاً لا الزمان بيرجع ولا الماضي بيعود والقلب المجروح لا تُشفى جراحه مهما طالت الأيام
وهذا هو طبع الزمان مالوش آمان.
كلمات غنائيتك جميلة معبرة سلسة سهلة على الأذن عميقة الأثر والتأثير تدخل الى القلب بدون إنذار
ياريت أحد مطربينا في المنتدى يقوم بغناءها.....خسارة أن تُترك هي وغنائيتك الأخرى[هاقيد شمعك بإحساسي}.
سلمت وسلمت يدك على ما نظمت لنا من شعر سلس بديع
دمت بخير وسعادة
ليلى ابو مدين
__________________
رد مع اقتباس
  #6  
قديم 08/09/2011, 15h30
علاء طه ياسين علاء طه ياسين غير متصل  
مواطن من سماعي
رقم العضوية:308298
 
تاريخ التسجيل: octobre 2008
الجنسية: مصرية
الإقامة: مصر
المشاركات: 457
افتراضي رد: ما تجيبش لقلبي سيرة

توأم روحي
سعد الشرقاوي

عجبي عليك يا زمن .. واللهْ العجب ياما
واللي يطاوع العجب .. هيعيش في دوامة

خد حتة من عجبي

عجبي علي اللي يطلع ... في الأمارة عيوب (الأمارة = الناس الكويسين)
ويبقا بيته إزاز ... ويحدفك بالطوب

و........

يابو الكلام ع الكيف ... الحب جمعنا ..
هات الشتا في الصيف ... وقول وسمعنا ...

تحياتي ياخال

التعديل الأخير تم بواسطة : علاء طه ياسين بتاريخ 08/09/2011 الساعة 15h47
رد مع اقتباس
  #7  
قديم 08/09/2011, 16h16
علاء طه ياسين علاء طه ياسين غير متصل  
مواطن من سماعي
رقم العضوية:308298
 
تاريخ التسجيل: octobre 2008
الجنسية: مصرية
الإقامة: مصر
المشاركات: 457
افتراضي رد: ما تجيبش لقلبي سيرة

أختي الفاضلة
ليلي أبو مدين

شكراااااااااااااااااا ..
أسعدني مرورك العذب المتألق ..
وردك الجميل بجمال روحك ..
الله يخليكي يارب ..
شكراااااااااا ..

من صفصافة ف شط النيل لمِّيت أوراق ..
ضفرتها بالعطر الشارد من شوق العشاق ..
وغزلتها حلقان وعقود وتيجان وأساور ..
فجأة لقيت عصفورة جميلة جاية تشاور ..
وتزقزق وتروح وتطير وتعافر ..
طب فيه ايه .. قالت دولا لليلي هدية ..
قولت خلاص .. زي ما ربنا شاء ..

اقبلي مني التحيات والحروف ..
لا حرمنا الله منك .. ولا من تشجيعك وثنائك العذب الراقي ..
وسعيد أنا جدا بتشجيعك
شكراااااااااا ..
رد مع اقتباس
  #8  
قديم 02/10/2011, 07h20
الصورة الرمزية عفاف سليمان
عفاف سليمان عفاف سليمان غير متصل  
اخـتـكـم
رقم العضوية:384752
 
تاريخ التسجيل: février 2009
الجنسية: مصرية
الإقامة: مصر
المشاركات: 1,347
Thumbs up رد: ما تجيبش لقلبي سيرة

اخى الكريم
أ. علاء
كلام جميل ومتلحن
وحشنا كتير
تقول احسن
غنى ومواويل
من غير لحن
تتلحن
اغانى كلماتها اصيله
احساس له معانى جميله
ساعات تبقى لفراق
وساعات تبقى حيره
وساعات تبقى الفرحه
فى قلبك غنوة شوق كبيره
لا حرمنا الله منك
ولا من غناويك الجميله
اخى الكريم
أ. علاء

اهلا بعودتك وعودة الاغانى
والكلمات الجميله التى
اصبحنا نفتقد
لها فى زمن
الكلمتين وبس
وبيتغنوا
ونسمعهم من ناس قال
ايه مطربين
وفى ثوانى وفى غمضة عين
تلاقى الكلام اتنسى
واللحن والمطربين
تحياتى لقلمك
واحساسك الراقى
اختك عفاف
رد مع اقتباس
  #9  
قديم 07/01/2012, 01h38
الشاعر الشاعر غير متصل  
ضيف سماعي
رقم العضوية:193586
 
تاريخ التسجيل: mars 2008
الجنسية: مصرية
الإقامة: مصر
المشاركات: 6
افتراضي رد: ما تجيبش لقلبي سيرة

حلوة يا استاذ علاء وبعد اذنك ماتجبش لحد سيرة اغنية بجد جميلة مع انها خلصت بسرعة وكان نفسى تكون طويلة
رد مع اقتباس
رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع

تعليمات المشاركة
You may not post new threads
You may not post replies
You may not post attachments
You may not edit your posts

BB code is متاحة
كود [IMG] متاحة
كود HTML معطلة

الانتقال السريع إلى


جميع الأوقات بتوقيت GMT. الساعة الآن 23h03.


 
Powered by vBulletin - Copyright © 2000 - 2010, Jelsoft Enterprises Ltd