طلبات نوتة أ / عادل صموئيل الجزء الثانى

[altaifi]

المشاركة الأصلية كتبت بواسطة mahmoud feteih

اسال مره عليى تدوين الاستاذ نيقولا مرجيه


احبائى
النوتة موجدود واشتغلوا فيها .. ولواى ملحوظة انا ممكن ادونها تانى بطريقتى
وانا بالطبع احب يكون فى المنتدى اكبر عدد من المدونين لأن فى الاخر انتم الكسبانين .. وبالذات لما يكون المدونين مش مصريين بيبقى عندهم خلفية عن اغانى من دول تانية انا عمرى ماسمعتها لكن بتكون بالنسبة لهم زى علاقتى بأغنية انت عمرى مثلا ... ومن هنا بيكون تدوينها لهم اسهل منى لنهم حافظينها وانا لسه بستكشفها
مع اطيب تحياتى عادل صموئيل

حاضر يا استاذ راح نشتغل في النوتة ، وفعلاً هي موجودة بالمنتدى ، بس زي ما اتفضل الاستاذ عمرو الهنداوي النوتة من ايديك لها مذاق خاص وسلاسة مريحة مررة ، ( والله الكلام ذا ماهو نفاق او تزلفاً ) عموماً حنشتغل عليها ومنتظرين المزيد لعبدالمطلب ، وأكرر الشكر للأخ هيثم الصالحي على الفهرس الجميل اللي عمله صراحة .. ولك كل الود والتحيات يا استاذ .

[عادل صموئيل]

احبائى اقدم لكم اغنية ماهر العطار

مين يآمن لك مين

الاغنية دى انا ليا عليها انطباعات ... يعنى انا فى خلال فترة عزفى الطويل فى الفرقة الماسية , وطول السنين دى كان ماهر العطار بيشتغل دايما مع فرقة صلاح عرام ويمكن ماعزفتش معاه عشر مرات .... بيكون اما فى حفلة مع نجم من نجومنا وبالذات لما تكون خارج القاهرة وبيكون فيها ماهر العطار ويخلونا نعزف معاه او تسجيل كده ع الماشى .. بس انطباعى ان لو محمد الموجى مثلا حايعمل لحن لفاية احد مثلا ولحن لماهر العطار بيحط خلاصة مخه فى لحن فايزة على اساس انها مسموعة اكتر وماهر العطار ( او نفس الرتبة من المطربين ) بيبقى هو وحظه يعنى ساعات بيطلع لحن يجنن او متوسط .. ومن هنا لما بكتب لحن من النوعية دى يعنى بكتبه على اساس انو سهل نسبيا مش حياخد وقت لما جيت اكتب اللحن ده ( وانا طبعا سامعه اوى من زمان ) بس التركيز ف التدوين بيفرق طبعا بشوفه بدقة متناهية وميكروسكوب .. الاول حسيت انو سريع .. انا اول حاجة بعملها فى اى ملف صوتى بشوف الطبقة بتاعته وتنفع اشتغل فيها على طول ولا محتاجة حاجة .. لقيت اللحن ده بادى اول حرف من لا نصف بيمول ودى مستحيل اكتب منها حايبقى الدليل حاجة مفزعة اولا حا يتعبنى فى الكتابة ويعصبنى وثانيا ماحدش حايعرف يعزفه .. وعندى برنامج ممكن احرك منو التون زى ما انا عايز فكان الصح ساعتها اخلى اللحن يبتى من صول .. ومشى معايا لحد الكولايه التانى وحصلت نقلة لحنية مفزعة ... وبعد ماكتبته .. لاحظت ان فيه فا نصف دييز وصول دييز ولا نصف بيمول ... ومن حسن حظكم انى كنت بعزف مع العمالقة بالليل ومدرس الصبح يعنى بتعامل مع مستويات من الصفر وانت طالع ... لذلك باخد بالى اوى اوى من المبتدئين .. لأن هدفى لو 1000 واحد شاف النوتة يقدر يعزفها 990 منهم ع الاقل .. وإلا ابقا انسان فاشل مايعرفش يتعامل معاه غير عدد محمدو من الشاطرين اوى ( فوق مستوى العامة يعنى ) وقعدت افكر واحسبها ونزلته تون خليته بدأ من فا ... كل المشاكل اتحلت وبقى سهل جدا ... وده درس خطير للمدونين ... ودلوقت الكمبيوتر سهل المواضيع دى يعنى بظلل اللحن كله وبضغطة بحركه للتون المطلوب بس فيه طبعا حاجة فنية خطيرة وهى تعديل المقامات الدليل وعلامات التحويل العارضة ودى طبعا سهلة معايا الحمد لله ... وهنا افتخر انى اقدم نوتة سهلة واللحن حلو جميل على فكرة
رجاء لما حد يرد ما ياخدش اللى كتبته كله يعنى اسم لاغنية فقط بقدر الامكان حرصا على عدم استهلاك عدد كبير من الصفحات فى كلام متكرر
مع طيب تحياتى

[عادل صموئيل]

احبائى
اقدم لكم من اشهر اغانى الفنان محمد عبد المطلب

اسأل مرة عليا

هى موجودة من قبل بس انا حسيتها صعبة شوية حبيت انى ادونها تانى واتمنى تعجبكم
مع اطيب تحياتى

[muhamadibra]

المشاركة الأصلية كتبت بواسطة عادل صموئيل

احبائى
اقدم لكم من اشهر اغانى الفنان محمد عبد المطلب

اسأل مرة عليا

هى موجودة من قبل بس انا حسيتها صعبة شوية حبيت انى ادونها تانى واتمنى تعجبكم
مع اطيب تحياتى

كلامي حتي لو مكرر انما للتأكيد - هناك فارق بين ان تدون او تؤدي كعازف وبين ان تدون للتبسيط - يعني بمعلمة واستاذية - اللي يقال عليها الاحساس او النفس - بفتح النون والفاء - هنيئا لنا جميعا بالوجبات الدسمة من المايسترو ولا تخافوا من الكوليسترول الفني فهو غير ضار
د محمد ابراهيم

[عادل صموئيل]

احبائى
ونحن على اعتاب الكريسماس يوم 25 يناير

ااقدم لكم ترنيمة فيروز

واحبيبى

وانا اشكر الاخ العزيز سليم العباس انو اختاراللحن الجميل ده واللى انا بعتبره من احلى خمس الحان غنتهم فيروز ... وفيه قيمة فنية كبيرة جدا جدا .. ان لانسان لما يعمل ترنيمة او اغنية دينية لازم تكون احلى ماعنده مش انها اغنية دينية وخلاص .. وده اللى خلا اعمال العمالقة الدينية والوطنية كلها فى نفس قيمة الاغانى العاطفية
الترنيمة الجميلة دى انا عارفها وبعزفها من اكتر من 35 سنة .. بس الناهردة ( وانا شفت الطلب بالظبط من 25 دقيقة بالتحديد ) ال حاجة ماقدرتش امسك نفسى انى ادونها على الفور مع مراعاة الدقة المتناهية .. لنها بتتقال بس مع الاسف بيغيروا فيها حروف او تداولت وفيها تغييرات احيانا بتبقى مش طفيفة .. ومن هنا الامانة بتقضى انى دونتها بدقة متناهية مع انى حافظها بس لما تركز فى الملف الصوتى بتظهر حاجات دقيقة هى قيمة وحلاوة اللحن يعنى الجملة بتتكرر لكن مش كل مرة زى بعض ... ومراعاة ان ناس كتير مممن تاخدها وتعزفها من تدوينى يبقى اعطيتهم اصح فى فى الصح ... انا وانا بدون اللحن ده ما اقدرش اوصف لكم شعورى يعنى حسيت انى فى مكان تانى مش على كوكب الارض اللى بقا مزعج .... اوى
اطيب تحياتى واترككم مع اللحن ارائع

[muhamadibra]

كل عام وانت بخير يا مايسترو - تمنياتي لك بالصحة والسعادة وراحة البال- ملحوظة بعد الاطلاع علي النوتة الجميلة - ارجو اضافة العنوان في الصفحة الاولي مع الشكر
د محمد ابراهيم

[سليم العباس]

لم أتوقع السرعة الهائلة لتدوين ترنيمة (واحبيبي ) ، لكنني متأكد من الدقة العالية و الأمانة الفنية للتدوين - قبل أن أحمله -
أنا عادة لا أستمع إلى الأغاني ذات الطابع الديني لكنني بالصدفة سمعت هذه الترنيمة أحسست أثناءها بشعور غريب و رعشة تجتاح صدري و حزن عميق و هدوء نفسي وسعادة بآن واحد !
أوافقك الرأي أستاذ عادل أن هذا اللحن أيقونة فنية و بوابة للعبور إلى الجمال و الارتقاء .
أشكرك و أتمنى لك و لجميع الأخوة المسيحيين في العالم ميلاد مجيد و سنة جديدة عنوانها المحبة و السلام .

[ملحن مصري]

اغنيه الجيش المصري

https://www.youtube.com/watch?v=rwynaHk6zwU


اخى العزيز
النشيد ده انا كاتبه واليك رابطه
http://www.sama3y.net/forum/attachme...8&d=1321530788

وكمان ليالى الحلمية كان حد طالبها

http://www.sama3y.net/forum/attachme...5&d=1399817021

مع اطيب تحياتى وهم موجودين فى الفهرس بتاع الاخ العزيز هيثم
عادل صموئيل

[altaifi]

المشاركة الأصلية كتبت بواسطة عادل صموئيل

احبائى
اقدم لكم من اشهر اغانى الفنان محمد عبد المطلب

اسأل مرة عليا

هى موجودة من قبل بس انا حسيتها صعبة شوية حبيت انى ادونها تانى واتمنى تعجبكم
مع اطيب تحياتى

سلمت ايدك يا استاذ ، والله اخجلتني واخجلت الكثيرين بعطاءك اللامحدود ، الله يعطيك الصحة .. صح اني طلبت هذه النوتة وكانت موجودة ، بس صراحة من روائع الفنان عبدالمطلب لازم بصمة الاستاذ تكون فيها .. شكراً جزيلاً ..

" استاذ هيثم ع الفهرس عدل " ..

[داؤد بغدادي]

المشاركة الأصلية كتبت بواسطة عادل صموئيل

احبائى
ونحن على اعتاب الكريسماس يوم 25 يناير

ااقدم لكم ترنيمة فيروز

واحبيبى

وانا اشكر الاخ العزيز سليم العباس انو اختاراللحن الجميل ده واللى انا بعتبره من احلى خمس الحان غنتهم فيروز ... وفيه قيمة فنية كبيرة جدا جدا .. ان لانسان لما يعمل ترنيمة او اغنية دينية لازم تكون احلى ماعنده مش انها اغنية دينية وخلاص .. وده اللى خلا اعمال العمالقة الدينية والوطنية كلها فى نفس قيمة الاغانى العاطفية
الترنيمة الجميلة دى انا عارفها وبعزفها من اكتر من 35 سنة .. بس الناهردة ( وانا شفت الطلب بالظبط من 25 دقيقة بالتحديد ) ال حاجة ماقدرتش امسك نفسى انى ادونها على الفور مع مراعاة الدقة المتناهية .. لنها بتتقال بس مع الاسف بيغيروا فيها حروف او تداولت وفيها تغييرات احيانا بتبقى مش طفيفة .. ومن هنا الامانة بتقضى انى دونتها بدقة متناهية مع انى حافظها بس لما تركز فى الملف الصوتى بتظهر حاجات دقيقة هى قيمة وحلاوة اللحن يعنى الجملة بتتكرر لكن مش كل مرة زى بعض ... ومراعاة ان ناس كتير مممن تاخدها وتعزفها من تدوينى يبقى اعطيتهم اصح فى فى الصح ... انا وانا بدون اللحن ده ما اقدرش اوصف لكم شعورى يعنى حسيت انى فى مكان تانى مش على كوكب الارض اللى بقا مزعج .... اوى
اطيب تحياتى واترككم مع اللحن ارائع

أستاذي العزيز عادل صموئيل

أعتقد ان شعورك الجميل هذا وكانك في عالم أخر ليس محض صدفة لان لحن هذه الترتيلة ليس وليد اليوم أو البارحة ولكن عمره مئات السنين

استاذي العزيز هذا لحن من ألحان الموسيقى السريانية العريقة واسم الترتيلة "كاذ نوفيق" ولايزال يرتل في العراق وسوريا ولبنان وقد أخذته فيروز ورتلت عليه واحبيبي وهي حتى في كلماتها تشبه الترتيلة الأصلية

قد أكون مخطي لاني لست موسيقيا فأرجو السماح ولكن يهمني أن أسمع رأي حضرتك

ولحضرتك ولكل الأخوة أرفع الترتيلة الأصلية وهو تسجل قديم وقد يكون غير واضح جدا فعذرا

أخوكم داؤد
اخى العزيز
اشكرك على المعلومة والتسجيل الرائع ... وهو واضح وجميل جدا
من وجهة نظرى .. فيروز كانت بتحب تقدم اعمال عاليمة وده شىء بيضاف الى قيمتها واعمالها الفنية .. اسبب انها بتقرب للجمهور الحان جميلة وثرية جدا كان من الممكن هم لا يسمعوها ولا يعرفوها إلا عن طريق فيروز .. يعنى اولا الترانيم السريانية دى بيقتصر سماعها على فئة قليلةمن الناس وممكن وسط الكم الهائل والآلاف منها بتضيع فى الزحام ولكن فيروز لما اختارت عدد منها هى كده اوصلته لملايين من البشر ... عندك كمان الموسيقى الكلاسيكية مش كل الناس بتسمعها جت فيروز وخدت منها الجملة الاساسية فى كل من السيمفونية ال 40 لموتزارت وكونشتو الكمان لتشايكوفسكى وهنا هى عرفت ملايين من الانس لموسيقى جميلة لو مكانتش فيروز عمرهم ماكانوا اتعرفوا عليها .. بعدين الاهم ان فيروز بتأديها بإحساس طربى عالى جدا بيقرب اللحن اكتر واكتر مع اطيب تحياتى وكل عام وانت بخير عادل صموئيل