ماحدش يعرف حاجه ولايطمنا علي محمد الالاتي ارجوكم

**محمودسعد** · #1 28/05/2014, 16h53

ماحدش يعرف حاجه ولايطمنا علي محمد الالاتي ارجوكم

**محمد الساكني** · #2 28/05/2014, 19h21

اقتباس:

المشاركة الأصلية كتبت بواسطة محمودسعد

ماحدش يعرف حاجه ولايطمنا علي محمد الالاتي ارجوكم

صراحة أستاذ محمود سعد لم نفهم شيئا من طرحكم !!
هل هذه فزورة ام خطاب خاص للأستاذ محمد الآلاتي ؟

تحياتي

**د.حسن** · #3 28/05/2014, 20h06

اقتباس:

المشاركة الأصلية كتبت بواسطة محمد الساكني

صراحة أستاذ محمود سعد لم نفهم شيئا من طرحكم !!
هل هذه فزورة ام خطاب خاص للأستاذ محمد الآلاتي ؟

تحياتي

أخى الغالى أ. محمد الساكنى
إتصلت فور قراءتى بأخى الغالى أ. محمد الألاتى
(بعد أن وقع قلبى فى رجليّه) والحمد لله رب العالمين
إطمأننت عليه وعلى أسرته الكريمة ووعدنى بالدخول
لطمأنة الأحباب لكن مش عارف إتأخر ليه
يمكن مشغول فى لحن

مع تحياتى

**رضوان حسن عبد الحليم** · #4 28/05/2014, 21h00

خير اللهم إجعله خير قلبى رفرف زى الطير

**محمد الساكني** · #5 28/05/2014, 21h10

اقتباس:

المشاركة الأصلية كتبت بواسطة د.حسن

أخى الغالى أ. محمد الساكنى
إتصلت فور قراءتى بأخى الغالى أ. محمد الألاتى
(بعد أن وقع قلبى فى رجليّه) والحمد لله رب العالمين
إطمأننت عليه وعلى أسرته الكريمة ووعدنى بالدخول
لطمأنة الأحباب لكن مش عارف إتأخر ليه
يمكن مشغول فى لحن

مع تحياتى

شكرا أستاذي الكريم دكتور حسن على ردكم الكريم

الأستاذ محمود سعد الظاهر عازف أيقاع على هذا

اللحن الجامد !

تحياتي

**أبوكارم** · #6 28/05/2014, 21h11

اقتباس:

المشاركة الأصلية كتبت بواسطة محمودسعد

ماحدش يعرف حاجه ولايطمنا علي محمد الالاتي ارجوكم

إيه ياأستاذ محمود سعد ده
إيه اللي انت بتقوله ده
أبو حسام لسه من يومين كتب وشرح لنا كواليس اللقاء مع منى الشاذلي
إنت اللي كنت فين ؟
طمنا عنك

**الألآتى** · #7 29/05/2014, 01h02

لسه حى أرزق يامحمود .. حضرتك إللى قطعت وروحت وقلت عدولى

تليفونى ضاع منك .. عنوانى كمان ضاع ؟

عموماً حاتصل بيك .. وماتقلقش عليا ياحبيبى

**الألآتى** · #8 29/05/2014, 01h09

إخوانى وحبايب قلبى ..

محمود سعد مايعرفش أخبار عنى من شهور .. وتقريباً لا يدخل سماعى كثيراً

كما أن تليفونه ضاع بالأرقام الموجودة عليه .. لذا لم يستطع الإتصال بى

وهذا مادعاه للسؤال عنى فى المنتدى

وأشكركم كل الشكر لسؤالكم عنى وقلقكم الذى أحسست به فى مشاركاتكم

كما أشكر وبشدة شديدة متشددة .. أخى وأستاذى أبو مصطفى .. الدكتور حسن عبد الحافظ ..لسؤاله عنى تليفونياً

فلقد فوجئت برقم غريب يطلبنى .. مين ؟ .. أنا الدكتور حسن .. دكتور حسن !

( فى عقل بالى ) دى مش نمرته .. هو : إوعى تقول لى دكتور حسن مين ؟

ميزت الصوت الغالى .. أهلاً حبيب قلبى أبو مصطفى .. وبعد السلامات والتحيات .. فينك .. محمود سعد عامل هيصة وبيسأل عليك .. علشان كده إحنا أتخضينا عليك

وها أنا أرد عليكم ومازلت على وش الدنيا .. أشكركم أشكركم

**محمودسعد** · #9 29/05/2014, 14h06

يانهار ابيض
57 سنه عامل فيها مفتح وبفهم
67 سنه عامل ان انا زكي وفاهم ان انا كده
اول مره احس واتاكد ان انا غبي
اي والله انا فعلا غبي
طب حتي كنت ارسلت يامحمود ياسعد ياغبي رساله عالخاص ؟؟
هاتقوللي اصل انا دخلت كذا مره ومالاقيتهوش هقولك عذر اقبح من ذنب
كان المفروض ياسي محمود ياسعد ياغبي كنت تسال حتي راجل من حبايبك اللي في سماعي بدال ماتقلق الناس علي العزيز الغالي محمد الالاتي
ايه ده ؟
الظاهر يابو حسام ان انا كبرت وخرفت ؟
انا اسف يابو كارم
انا اسف اخي رضوان
انا اسف اخي محمد الساكني
انا اسف يادكتور حسن
انا اسف ياالاتي
صحيح انا غبي والظاهر بعدي عن الالاتي خلاني غبي
بس الحمد لله شده وتزول
واهي زالت بمجرد ماكلمني اخويا ابو حسام
يااااااااااااااااه
سامحوني معلش

**الألآتى** · #10 29/05/2014, 14h11

وبالمناسبة السعيدة دى .. خد يامحمود .. قزقز فى الأغنيتين دول .. ورجعنا للأيام الحلوة

لعل وعسى ننسى إللى إحنا فيه