قمت بتحويل نوتة pdf للسيدة كوكب الشرق ((القلب يعشق كل جميل))
مستعملا برنامج photoscore. أتذكر أن أحد الأعضاء طلبها منك
العملية أخذت حوال 20 دقيقة لتنظيف الملف و إزالة الأشكال الغريبة.
البرنامج لا يتعرف على أنصاف البيمولات, أو الأدليب, أو نصف دييزات.
البرنامج تعرف على أنصاف الدييزات على أساس دييزات أو سكوت بمقدار زمن أو لم يكتبها مطلقاً
يوجد بعض علامات الأعادة التي لم يتعرف عليها.
ملف xml يحتاج الى معالجة إضافية أتوقع حوالي النصف ساعة.
لتعديل البيمولات و الدييزات و وضع الأقواس و علامات الإعادة.
أقوم برفع الملف الذي يحتاج إلى تعديل قبل كتابته على درجة الره / الللا (( على ما أعتقد))
بشكل عام البرنامج يقوم بعمله بنسبة كبيرة جداً لموسيقانا العربية.
أشكر الأخ عمرو على إقتراحه البرنامج,
ولي إقتراح ألا وهو أن يقوم بعمل شرح للبرنامج , ليقوم الأعضاء بتهيئة الملف الأولي لحضرتك
لتقوم بالتعديل عليه, لأن عملية التعديل قد تستغرق بعض الوقت ومن واجب لأعضاء المساعدة.
اخى العزيز
اولا الف شكر لتعبك بس الملف المضغوط اللى انت ارسلته مش عارف افتحه بصيغة ايه .. اقصد مش فاتح عندى انت الاول حولت ال pdf كيف ... يعنى ممكن توضيح اكتر
اقصد اننا الاول بنفتح الملف على البرنامج بعدين ايه المطلوب نعمله قبل مانحوله ميدى ونفتحه على انكور ... هو بالطبع انا عارف انو مش حايقرا العلامات الشرقية وحاجات كتير المهم النغمات وكل ده يتحط فى دقائق
اما تحويل املف من درجة ال لا الى درجة الرى دى بعد ما نكمل ملف ال لا الاول كاملا زى ما هو معمول عشان انا لما بحول مش عملية تغيير الدرجة فقط ولكن الدليل يبقى ايه والعلامات الشرقية العارضة من اول اللحن لآخره انا براجعها واحدة واحدة ... لأن عملية تغير الدرجة لو فيه علامات عارضة بيمول او دييز البرنامج بيحولها مع نفسه لكن العلامات الشرقية لازم انا احولها واحدة واحدة وانا اشكر الاخ العزيز عمرو هنداوى واطلب منه شرح اكتر ( وده للجميع طبعا ) واول سؤال لما تفتح ملف ال pdf على البرنامج انا قلت اول حاجة نخلى اسم الملف انجليزى وانا عملت كده
السؤال هل ممكن تعديل اى حاجة تانية فى الملف المفتوح يعنى نشيل حاجة نغير حاجة وذلك عشان نقلل اللخبطة اللى بتحصل للبرامج لما بتشوف حاجة شرقى ... وللعلم لو اة نوتة غربى البرامج دى بتحولها فورا هو اللى بيلخبط الدنيا الشرقى مع اطيب تحياتى عادل صموئيل
التعديل الأخير تم بواسطة : عادل صموئيل بتاريخ 30/09/2015 الساعة 14h21
أخواتي الأعزاء
بناء على طلب بعض الأخوة سأقوم بشرح عملية التحويل...
1- بعد تستطيب برنامج فوتو سكور والباتش الخاص به يصبح البرنامج كامل وهو من أفضل برامج قراءة النوتة بصيغة بي دي اف سواء مكتوبة في الأساس عن طريق برامج التدوين أو بخط اليد وتحويلها إلى نص موسيقي (غربي) فقط... يعني أي عربي أو موسيقيا شرقية لا يتعرف عليها البرنامج... والبرنامج به نظامين القراءة المخصصة من نوتة أو صورة بس تكون مكتوبة كمبيوتر في الأصل أو القراءة من نوتة مكتوبة بخط اليد... ويمكنك تحديد النظام من خلال Read as على ايدك الشمال والنظامين هما: Printed Music – Hand Written Music والفرق بين النظامين هو في قوة البرنامج للتعامل مع النوتة المكتوبة بخط اليد وطريقة التعرف عليها وبين النوتة المكتوبة كمبيوتر وبالطبع كلما كانت النوتة مكتوبة بشكل واضح وكمبيوتر كان البرنامج اسرع في تحويلها لنص موسيقي وبكفاءة قد تصل في بعض العمليات إلى مليون في المائة.
2- نفرض أننا نريد تحويل القلب يعشق كل جميل مثلاً.
- نغير اسم ملف النوتة إلى أي أحرف غير عربية ويمكننا استخدام أي ارقام نريد... ليه لازم نعمل كدة لان البرنامج برفض يفتح حاجة بحروف غير لاتينية. فأممكن نسمي النوتة (1) مثلا..
- فتح برنامج فوتو اسكور وفتح النوتة فيه وسيسأل عن عدد الصفحات .. اضغط أوكيه
- بسرعة البرنامج يبدأ العمل وستجد على ايدك الشمال بالجنب عدد الصفحات ومراحل القراءة اما في الشاشة الأساسية في الوسط ستجد الشاشة انقسمت إلى جزئيين: اللي فوق جزء من البى دي اف الأصلي والجزء الأسفل جزء النوتة الجديدة وستجد علامة التشغيل أو الوقف لسماع النوتة ويمكنك اختيار الآلات التي تسمع بها الخ...
- كلما كانت النوتة غربي كلما كانت النتائج أفضل بالطبع.
- انتظر حتى ينتهي البرنامج من المسح الكلي لصفحات النوتة اللي هي بي دي اف
- الأن يمكنك التحويل إلى ملف ميدي أو صيغ اخرة أو التعديل البسيط قبل التحويل.
- طيب البرنامج يقدر يعدل ايه؟
- يقدر يغير السرعات – العلامات الموسيقية – الإعادات – دليل المقام – رفع طبقة او خفضها .. الخ ودة من قائمة Create – Notes فوق خالص على ايدك الشمال.
- طيب نعمل ايه مع مشكلة الأدليب اللي البرنامج مش ح يقرأها أصلا وح تبقي مشكلة في التحويل ... الحل سهل هو اخيار ميزان كبير وليكون 32 على أربعة حتى يفهم البرنامج انه جزء موزون ولو الجزء كبير جدا أكبر من 32 على أربعة يمكنك استخدام هذا الميزان أكثر من مرة جوه الأدوليب وهكذا... طيب بعملها ازي؟؟ قبل الجزء الأدوليب دوس بالماوس يمين يظهر قائمة اختر Time Signature يعني الميزان ثم اختر Others يعني ميزان غير اعتيادي واختر القيم التي تريدها بكل سهولة...
- طيب دلوقتي جاء وقت التحويل!! من قائمة فايل اختر حفظ بالصيغة التي تريدها وفي الغالب ميدي..
- طيب يعني ايه ميدي باختصار؟ هو تكنولوجيا بدائية جدا لكن تستطيع حفظ العلامات الموسيقية بكاملها بالنسق الغربي يعني تهمل العلامات الشرقية والعربية وهكذا وبالتالي ملف الميدي يحتاج إلى تنسيق لكن العلامات كلها موجودة لكن دون علامات الإعادات الخ...
- طيب خلاص حولنا للميدي.. نفتحه ازي؟؟ الميدي هو ملف صوتي بيقول للكمبيوتر اعزف صوت باهتزازات مقدارها كذا ودة لو شغلنا ملف الميدي على برامج الصوت ولو شغلنا الميدي على برامج التدوين.. الميدي بيقول لبرنامج التدوين اكتب شكل علامة موسيقية باهتزازات كذا وبطول زمني كذا .. يقوم برنامج التدوين يفهم الأمرين دول بس ويكتب الشكل دون زيادة أو نقصان وعلشان كدة ملف الميدي بيبقي حجمه صغير لأنه ملف أوامر فقط.
- فتح الميدي عن طريق أنكور والعمل على اخراج النوتة ثم تصدرها بي دي اف من جديد..
- طيب هل طريقة قراءة ملف الميدي تختلف من برنامج تدوين إلى اخر؟؟.. نعم على حسب إمكانيات البرامج التي تفتح ملف الميدي اللي هي برامج التدوين.. يعني كلما كان برنامج التدوين حديث ومحترف كلما فهم كل الأوامر اللي في ملف الميدي وطلعها لك بشكل موسيقي صحيح ومنسق والعكس صحيح.
- وطبعا اعدادات برامج التدوين لقراءة ملفات الميدي لها دور في القراءة يعني ممكن واحد يقول للبرنامج التدوين خد بس العلامات اللي من طبقة او شكل او مساحة صوتية معينة وهكذا ودة يفسر ليه ممكن برنامجين يقروا ملف ميدي واحد بشكل مختلف.
- طبعا الميدي يرتكب أخطاء هو كمان لأنه ليس ملف موسيقي هو ملف أوامر يقول للكمبيوتر طلع صوت بدرجة وطول وطبقة كذا وهكذا.
بعد التحية الفنية و الشكر لجميع الأخوة الكرام على البرامج المميزة في قراءة ملفات PDF الموسيقية ، وبما أن معظم تدوينات الأستاذ عادل هي شرقية و تحتاج إلى جهد و وقت لتحويلها إلى درجة مقامية أخرى ، أقترح أن يقوم الأخوة الكرام ممن لديهم خبرة أن يقوموا هم بعملية التحويل ، لتجنيب الأستاذ عادل الجهد الإضافي ، و إتاحة الوقت الكافي له لتدوينات جديدة . و بالطبع سأكون أنا أول المتطوعين .
تكرم عيونك أستاذ عادل و عيون الأعضاء
أسف, على عدم توضيحي الأمور بشكل مبسط في مشاركتي السابقة.
سأقوم برفع نوتة السيدة أم كلثوم على شكل ملف mid في هذه المشاركة ولكن لاأحبذ
إستعمالها, بل إستعمال ملف xml.
سأبين السبب بصورة توضح أن ملفات ميدي ملفات بدائية جداً جداً جداً و تقوم بأخذ أوقات كبيرة جداً جداً جداً لمعالجتها,
و الأفضل إستعمال ملفات xml
سأقوم بشرح بسيط مسهب, تلخيص لمشاركة الأخ عمرو,
أرجو أن تتحمل أستاذ عادل السطور القادمة,
أعرف أن حضرتك تعي هذه الأمور, ولكن لبقية الأعضاء قد لا يعرفون.......
ملفات ال pdf الموسيقية نوعين:
1- من سكانر, حيث قام الشخص بتحويل ورق نوتة إلى صورة ثم إلى ملف pdf
هذا النوع من ال pdf يعطي صورة فقط ولكن لا يحتوي تعليمات مخبئة عن أماكن و أشكال العلامات الموسيقية.
2- من برنامج تدوين موسيقي, حيث قام الشخص بتحويل الكتابة الموسيقية الى ملف pdf
هذا النوع من ال pdf يحتوي تعليمات عن أماكن و أشكال العلامات الموسيقية مخبئة داخل الملف.
لنعكس عملية تحويل ملف pdf إلى نوتة موسيقية لمعالجتها نحتاج نوع من البرامج لفك رموز.
قرأ هذه السطور يدرك الأن, أن معالجة ملفات pdfمكتوبة ببرامج تدوين موسيقية أكثر سهولة من
ملفات pdf مصورة سكانر.
برنامج photoscore واحد من البرامج المتقدمة في معالجة ملفات ال pdf من النوعين, طبعاً بنسب مختلفة.
تدرجية القراء و معالجة الملفات من السهولة المطلقة إلى الصعوبة المطلقة :
نوتة غربية مكتوبة ببرنامج تدوين, نوتة شرقية مكتوبة ببرنامج تدوين, نوتة غربية من سكانر, نوتة شرقية من سكانر.
الأن, .............
لن أقوم بكتابة شرح لعمل برنامج photoscore,
إنما سأقوم, إن شاء الله, بعمل صور تشرح كيفية العمل عليه و ذلك لإفادة الجميع.
للأسف , قد تأخذ بعض الوقت, سأقوم برفعها في القريب العاجل, بمشاركة منفصلة عن هذه المشاركة
أرجو المعذرة ولكن أرغب بإفادة عدد كبير من الأعضاء من خلال الصور التوضيحية.
ما سأقوم به الأن , هو رفع نوتة القلب يعشق كل جميل على شكل ملفين xml , mid
ولكن الرجاء أستاذ عادل النظر إلى الصورة المرفقة
العليا: توضح الميزورة الأولة من النوتة الموسيقية على شكل mid
السفلى: توضح نفس الميزورة من النوتة على شكل xml
قارن الدوائر الخضراء في المقطع العلوي والسفلي معاً, ثم
قارن الدوائر الزرقاء في المقطع العلوي والسفلي معاً
عندما يصدر برنامج التدوين الملف على شكل mid,
لا يراعي إطلاقاً العلامات الموسيقية, أقواس الإتصال, الستكاتو, الليغاتو, علامات الإعادة.
ما يقوم به هو عزف المقطوعة وتسجيلها ألكترونيا بشكل مبسط جداً جداً جداً.
حضرتك, سيد العارفين والخبراء, يوجد فرق بين ما هو مكتوب و ماهو معزوف.
عندما يصدر برنامج التدوين الملف على شكل xml,
يراعي العلامات الموسيقية, أقواس الإتصال, الستكاتو, الليغاتو, علامات الإعادة, ......الخ
ما يقوم به هو تسجيل المقطوعة ألكترونيا بشكل متقدم ليتم فتحها لاحقاً ببرامج تدوين ((متعددة)) سيبليوس/ أنكور/ فينالي
تخيل أستاذي, ملف video, تستطيع فتحه بأكثر من برنامج ليعطيك نفس النتيجة و هي مشاهدة مقطع الفيديو بحذافيره.
كما تلحظ, ملف ال mid لم يراعي التحلية, أقواس الإتصال, علامات الإعادة,زاد عدد البارات, لم يوثق علامة السينيو, ..........الخ
كما تلحظ ملف ال xml , عندما تقارنه بالنوتة الموسيقية تجد أنه أمين نوعاً ما في توثيقه.
هذا و نحن, لا نزال, في الميزورة الأولى !!!!!!!!!!!!
فما بالك أستاذ بالصفحة الأولى !!!!!!!!!!!
النتيجة : يستطيع أن يعمل على ملف mid و لكن تعب وإرهاق يمكن تجنبه.
التطبيق العملي:
ما قمت به,
1- معالجة النوتة الموسيقية من نوع pdf بواسطة برنامج photoscore
2- داخل برنامج photoscore, قمت بتعديل بسيط على النوتة العربية لإزالة الرموز الغريبة / الشاذة التي
يمكن أن تتسبب في مشاكل لاحقاً.
3- حفظ التغيرات على شكل ملف xml .
4- فتحت ملف xml بواسطة برنامج التدوين الموسيقي (( سيبيليوس))
(( أملك سيبليوس و لا أملك أنكور و لكن أعتقد أن الأنكور يفتح ملفات xml , mid))
ما تريد أن تقوم به:
فتح برنامج الإنكور,
البحث عن النافذة التي تفتح / تستحضر ملف xml أو mid
(( قمت بالبحث على الإنترنيت, أعتقد أنها الطريقة الصحيحة و لكن للأسف لا أعرف بالضبط كيف لأني لا أملك أنكور
هل هي open file أو import file ))
المهم, عندما تضغط على ok بعد تحديد الملف, من الممكن؟؟؟!!! أن تظهر رسالة لتخبرك أذا كنت ترغب بالحفاظ على خصائص
الملف من حيث الأبعاد, تقسيم البارات, نوع الأداة المعزوفة, أستعمال أصوات جهاز الكومبيوتر ........الخ
عليك أن توافق مبدأياً, ثم تستطيع التعديل لاحقاً.
تظهر (( النوتة)) التي تم معالجتها ببرنامج photoscore و التي تحتاج تعديلات عليها.
ملاحظة : الملفات المرافقة بلواحق xml , mid جاهزة للمعالجة ببرامج التدوين الموسيقية و ليس ببرنامج photoscore
أتمنى أن أكون قد أفدت الجميع,
سأقوم, إن شاء الله, بشرح عمل photoscore من خلال الصور بمشاركة أخرى مستعملاً نوتة السيدة أم كلثوم كمثال.
الاخ العزيز برهان عواد
اشكرك جزيل الشكر نيابة عن كل الاعضاء على تعبك لكن عندى ملحوظة
انا حاولت افتح ملف xml اللى انت ارفقته على برنامج انكور مافتحش وطلع لى النافذة اللى ف الصورة ؟؟؟؟؟ هل ممكن طريقة لفتحه على انكور لن اثار فضولى ان امكانايته احسن من الميدى
وجدت الحل,,,,,, و الملف هذه المرة مجرب على الأنكور
(( يعني حفر و تنزيل))
فعلاً يوجد خطا لا أدري ما هو في ملف xml الذي رفعته.
يعمل فقط على سيبيليوس.
المهم نزلت نسخة ديمو من الأنكور و جربت ثم عدلت قليلاً على ملف xml و mid
النسخة الأكثر إعتماداً ومصدقية و فيها الحلول والشفاء من كل المشاكل مرفوعة.
متأسف على كثرة رفع الملفات, ولكننا في طور التجريب لنصل إلى الحل المناسب.
أعتقادي أننا وصلنا إلى إليه.
كنت أتمنى وجود برنامج يقرأ النوتات العربية لأن ذلك يوفر الكثير من الجهد والتعب والوقت.
كما تلاحظ يا أستاذ, جميع التعديلات التي أجريتها في المثال التطبيقي هي لعلامات التحويل الشرقي, الكلمات الشرقي.
عدا عن ذلك البرنامج أمين جداً في تصوير العلامات, بمعنى أخر لوكانت النوتة على سلم العجم / النهوند لما أخذت هذا الوقت و الجهد.
على العموم, مع الخبرة في البرنامج تأخذ وقت أقل. أخذت مني حوالي 20 دقيقة في المرة الأولى و لكن
صرت أعرف كيف أعمل عليه. فأن سعيد لأني إستفدت من وقتي و فدت الآخرين.
تعبي لا أستطيع أن أقارنه بالمجهود العظيم الذي تبذله في المنتدى و للأعضاء.
يعنى تفكر في إسعاد و تلبية طلبات الأعضاء بكل قدراتك, ببساطة كان من الممكن تجاهل
طلب الأخ الذي أراد النوتة على درجة الره, و لكن سعيت و حاولت تأمينها له.
العمل على النوتة بدأ الآن من طرفك لتخرج جاهزة و معدلة, وفقك الله
اخى العزيز
اشكرك على تعبك .. ملف الميدى فتح عندى لكن ملف ال xml مازال مش بيفتح على انكور انا بشتغل على نسخة انكور رقم 4.55 لأن النسخة اللى انت شغلتها دى 5 تقريبا وانا مش بحب استعملها لنها بتعمل شرطة طويلة اللى بتشبك الكروشات وشكلها بيبقى مش مقبول .. انا من امس نزلت اللحن على الميدى وتقريبا خلصته وعملت نسخة منه على درجة رى ... بس فيه ملحوظتين طبعا انا اخدت بالى مننهم كخبير او لأن ليا رؤيا غير اى حد المشكلة الاولى ان فى المرجعات هو مش بيقرا المرجعات وبيكتب الجملة مرتين واضطريت طول اللحن اخلى الجملة الاولى واشيل التانية مع مراعاة البريما فولتا والسكوندا فولتا .. اما المشكلة اللى مالهاش حل الادليب ... فى اللحن ده الادليب جاى تقريبا فى صفحة رقم 5 ... طبعا البرنامج منزله ىخر شلفطة واضطريت انى ازود عدد من الموازير وادون الاليب تانى ... الكارثة او الفضيحة .. ان البرنامج بيربط الادليب باللى جاى بعده .. يعنى مش لخبط الادليب وترك اللى على ميزان بعده ... لخبط كل مابعد الادليب يعنى نقل نوار مثلا من مازورة وحطها فى المازورة اللى قبلها ومشى اللحن كل باقيه مترحل كده اضطريت طبعا امسح كل ما بعد الادليب واكتبه تانى ... ماتعبنيش اوى لان اللى كان فاضل صفحتين ونصف ومكتوبين من قبل يعنى نقلتهم من الملف ال pdf الاصلى ... وبعدين انا كنت كاتب موسع اوى يعنى الصفحتين ونص ما اخدوش وقت لأنهم بمقام اقل من صفحة لو مكتوبة مزنق .. بس انا احب اكتب واسع يعنى آخد صفحات اكتر لن ده بيريح اللى بيقرا النوتة ... اما عن الموضوع من اساسه انا لما اى حد بيطلب اى طلب بحاول بكل الطرق انى البى طلبه ... وعلى فكرة لو جه الادليب فى اول اللحن ما ينفعش على البرنامج ده لأن كل اللى بعد الادليب حايتلخبط بعد كده ... هو بس اللى فاضل عايز افتح ملف ال xml على انكور 4.55 وهو موجود على المنتدى وهو للعلم احسن اصدار من انكور واللى بعده كل واحد منهم فيه مشكلة شكل وهم عندى بس جربتهم ورجعت لإنكور 4.55
التعديل الأخير تم بواسطة : عادل صموئيل بتاريخ 01/10/2015 الساعة 20h03
رد: طلبات نوتة أ / عادل صموئيل الجزء الثانى
العرض العادي
