طلبات نوتة أ / عادل صموئيل الجزء الثانى

[عاصم المنشاوى]

الأصدقاء الأعزاء

تحية طيبة وبعد ...
أيه رأيكم ....دام فضلكم ...فى اننا نتقابل تانى يوم العيد الصغير "عيد الفطر"...أظن احنا دلوقتى فى نص شعبان وقدامنا شهر رمضان ...يعنى بنقول أهو قبل الهنا بسنة ...وفيه هنا أحلى من اننا نتقابل مع الأستااااااذ / عادل....أظن مفيش مفيش...المهم يكون اللى برة مصر وصل ...واللى جوة مصر أجازة ...يعنى محدش عنده عذر....وآدى الأمور الحمدلله _- الى حد كبير - أستقرت فى مصر ...والأمن والأمان - الى حد كبير - بدأنا بالفعل نحس بيه...وعقبال يارب سوريا والعراق وتونس ...ويارب احمى سوريا الجميلة ورجعها لأهلها سالمة غانمة كما كانت أرض الحضارة ...وأحمى أهل العراق أرض الرافدين الجليلة ...وتونس العظيمة ....المكان كالعادة أرض الأوبرا والزمان غالبا بعد الظهر ...أن شاء الله

[salhi_haithem]

السلام عليكم
متوقع أغنية من المعيار الثقيل جدا في الطريق لوردة الجزائرية هذه الأيام
هيثم

[زينة الغريبي]

سلام و تحية
شكرا أستاذ عادل على تدوين رائعة لوسألوك لوردة و ياريت يا أستاذ عادل تدون لنا بودعك و بودع الدنيا معك هي من أبهى أغانيها و أعظمها بالنسبة لي
و لم و لن يصعب عليك شئ
زينة

[وائل علوي]

الاستاذ والاخ عادل صموئيل
الف تحية وشكر وتقدير على هذه التحف الوردية والمجهود الجبار الذي اعتدناه منك
واهديك جزء من حفلة الجزائر مع وردة وواضح جدا حضرتك في المقطع مع اعضاء الفرقة ووردة عرقانة جدا
وهذا بسبب سوء التكييف في حفلات السبعينات والثمانينات كان المغني والفرقة بتطلع روحهم في الحر والخنقة
معرفشي ازاي كنتو بتبدعو هذا الابداع في جو لا توجد فيه ابسط وسائل الراحة !!!!

WARDA : Beomri kolo 01 ط¨ط¹ظ…ط±ظٹ ظƒظ„ظ‡ ط*ط¨ظٹطھظƒ - YouTube

وهذا من المقاطع العزيزة على قلبي بحضور موسيقار الاجيال البروفة ويظهر حبيبنا عادل في الصف الاول

‫ظˆط±ط¯ط© ط§ظ„ط¬ط²ط§ط¦ط±ظٹظ‡ ظˆظ…ط*ظ…ط¯ ط¹ط¨ط¯ ط§ظ„ظˆظ‡ط§ط¨ | ط¨ط±ظˆظپط© ط¨ط¹ظ…ط±ظ‰ ظƒظ„ظ‡ ط*ط¨ظٹطھظƒ‬â€ژ - YouTube

واقعة بكاء وردة

‫ظ…ط*ظ…ط¯ ط¹ط¨ط¯ ط§ظ„ظˆظ‡ط§ط¨ ظˆ ظˆط±ط¯ط© ظپظٹ ط¨ط±ظˆظپط© ط£ط؛ظ†ظٹط© ظˆط¨ظƒط§ط، ظˆط±ط¯ط©‬â€ژ - YouTube

اخى العزيز وائل
اشكرك على الموضوع لكن لى كام توضيح بعضهم مهم وبعضهم خطير
اول حاجة لما كنا بنموت ونتشوى فى الحفلات زمان ( واقصد اللى كانت بتتصور تليفزيون او تذذاع على الهواء المشكلة مش فى التكييف يعنى التكييف عادى ولكن المشكلة مذا كان يفسد ايتها تكييف .. الإضاءة ,, زمان بتاعة التليفزيون اقول لكم درس ؟ زمان ايامان كانت الكاميرات كلها بتصور بطريقة بدائية وانا خبير فى التصوير وكان عندى معمل وبحمض احلامة واطبعها بنفسى بمعنى ان الكاميرا مها بلغ ثمنها كانت بتصور شمس وظل ولو دخلت فى مكان مظلم العدسات كانت ماتلقطش المظلم ده الا بالفلاش او تحتاج اضاءة شديدة جدا جدا .. وكانت كاميرات التايفزيون عشان تصور لازم يتحط كشافات او سبوتات الكشاف قطره متر وكانت اللمبة بداخلو اد البطيخة الكبيرة شوف كام 1000 وات .. طبعا كان لازم يكون عدد كبير من هذا الكشافات الشيطانية عشان الكاميرات البدائية وقتها تقدر تصور يعنى كنا بنتشوى بجد لكن السؤال كيف كنا نبدع ؟ فيه حاجة فاكر زمان ايام السفر بالجمال ودلوقتى بالسيارات المكيفة انت وانت راكب السيارة المكيفة فى الحر ده لو فكرت ايام بتوع الجمال كانوا بيعملوا بإية حاتحزن لهم .. لكن هم ماكانوس بيحسوا الشعور ده لأنهم مايعرفوش غير الجمال يعنى التكييف والسيارات اخترعوم بعد ذلك بمئات السنين .. زمان قبل الثلاجات كنا بنشرب المية سخنة لكن بعد الثلاجات الوضع اختلف .. فكان ساعتها مفيش غير كده لذلك كنا بنتحمل
اما الكيب الثانى شفتم عبد الوهاب كان بيعمل ايه ؟ الاغنية دى اخدت خمسين بروفة البروفة دى مثلا فى البروفة 45 يعنى قاعد بيسمع وبيعلم آخر لمسان ممكنة مع الايقاع ... لكن خلال لروفات اللى قبلها بيقعد يغبر ويبدل 500 مرة فى اللحن
اما الكليب الثالث .. ضايقنى اوى لأنه تخريف يعنى مع الاسف فيه ناس بعد ما الفنانين دول ماتوا ب سنوات طويلة ييجوا يألفوا كلام بيتذاع على ناس مش فاهمة هاجة وبيصنعوا لنفسهم نجومية عن طريق انهم بيحكوا قصة جديدة ماحدش قالها والناس طبعا بتموت فى سيرة الفنانين وتحب تسمع عنهم اى معلومة واليكم التصحيح
اولا قال ستوديو 45 وده غلط هو ستوديو 46 وده بيختلف اختلاف كلى وخطير لأن الاستيوهين كانو نتقاربين فى الحجم لكن اكبر استوديو هو 46 وكان بالذات لااستديو اللى اى تطوير او تحديث تكنولوجى اولا لازم يتعمل فيه بعدين يتعمم على الاستديوهات التانية بالتدريج واحنا تقريبا كنا محتلينه يعنى ساكنين فيه وكل شغلنا فيه و90% حتى من بروفاتنا فيه عشضان غير قعدة يوم التسجيل كمان المهندس بيحضر البروفات الاخيرة عشان يبقى حافظ اللحن وهو بيسجل ودى تفرق كتير .. الاخطر كذبا قال عبد الوهاب كان بييجى الساعة عشرة 11 مساء فى البروفات طيب يا عمى احنا لمدة عشرين سنة فى البروفات هذا الاستوديو حكومى يعنى لو ميعاد لازم يقفل الساعة 10 مساء وطول عمرنا كنا بنروح الساعة العاشرة مساء ازاى عبد الوهاب بييجى الساعة 11 ؟؟؟ كان هذا الاستديو يوم تسجيلا عبد الوهاب بالذات الميعاد مفتوح للصبح لأنو بيتأجر بالساعة لحد ما اللحن يخلص يعنى ... تانى حاجة التخريفة اللى قالها على مقام السيكاه مايتكتبش نوتة طيب انا عادل صموئيل فقط كاتب هنا فى هذه الصفحات شوفوا كام لحن فيه نص بيمول او مقام سيكاه يبقى ازاى مايتكتبش يبقى واحد فينا حمار اما انا وغما هو صح ؟ ثانيا قال ان الفرقة قعدوا يعزفوا فى الجملة طول الليل ماعرفوش يطلعوها وهذا حاجة زى السب فى الذات الملكية يعنى يا استاذ ياللى بتفتى ف حاجة انت مش فاهم فيها فيه حاجة اسمها استاذ مدون بيدون الجملة من الملحن شخصيا ومعنى ان الاستاذ المدون انتقل منها الى الجملة التالية لها يبقى التدوين مافيهوش الهوا يعنى صح 100% واى جملة صح 100% الفرقة الماسية بياكلوها زى ما انت تاكل الفاصوليا يعنى من اول مرة تطلع صح 100% او لو كانت فى اقصى درجات الصعوبة من تانى مرة يعنى دقيقتين طيب ازاى قعدوا يطلعوا فيها طول الليل ؟؟؟؟؟ الاستحمارة الثالثة قال ان وردة ماعرفتش تجيبها دى اهانة لوردة كبيبرة جدا لسبب .. اولا عبد الوهاب بيعطى وردة شريط تحفظ منو اللحن ( ده لوحدهم احنا لسه بعدين ) بعد ماتحفظ اللحن 100% فى كذا قعدة طويلة بينهم وبين بعض نبتدى البروفات يعنى لازم تكون وردة خلاص مفيش مشكلة فى اى حرف لاحظتم فى الكليب اللى هنا انو اثناء البروفة قاعد جنبها .. لكن اول مايدخل جنب المهندس ( والحجرة دى اسمها الكيوبك ) بيبقى خلاص اللحن اصبح جاهز 100% يعنى مافيش اى مشكلة لا فى الفرقة ولا فى وردة بتاتا لأنو اثناء ما كان بيقع جنب وردة زى ما فى الكليب بيكون سمع الاغنية كاملة اكتر من 100 مرة ... وكلمة والفرقة انصرفوا من غير مايكملوا ايه يا ابنى هى الفرقة دى كانت فى فرح بلدى وحصلت خناقة وقاموا لحسن ينضربوا قبل مايخلصوا الاغنية ؟ لا تعليق مع اطيب تحياتى عادل صموئيل

[عادل صموئيل]

احبائى
اقدم لكم اغنية من العيار تقيل تقيل التقيل
رائعة وردة وبليغ حمدى

بودعك

واحكى لكم .. انا لما بدون بفتح صفحة انكور بيبقى فيها انا عامل 12 سطر ديما بزود 100 مازورة عشان اشتغل براحتى يعنى كمان زائد 3 صفحات ولما تكون اغنية طويلة قبل ما اقرب اخلصهم بزود 100 مازورة تانى لحد ما اخلص الاغنية .. بعدين بقف بالماوس على اول سطر فاضى واحذ باقى الموازير الفاضية هنا احس انى خلصت تدوين طبعا بحس براحة لما تكون اغنية طويلة او متعبة لكن الاغنية دى حسيت شعور تانى خالص فاكرين فى 6 اكتوبر 1973 لما عبرنا قناة السويس ودمرنا خط بارليف ؟ كان اسمعها عبرنا اقوى مانع مائى فى العالم .. انا ساعة ما الاغنية دى خلصت خسيت انى عبرت اقوى مانع لحنى فى الموسيقى الشرقية .. الاخت العزيزة زينة واللى بعتز بيها جدا جدا قالت فى الطلب انها بدون الاعادات 17 دقيقة فقط ( يعنى هى كده تدى انطباع ان المهمة بقت سهلة ) ولكن كل دقيقة فى اللحن ده محتاجة نصف يوم تدوين ... اللحن ده تكمن صعوبته فى حاجة ان الكلمات من تأليف بليغ حمدى وبليغ اصلا مش مؤلف واقصد بكلمة مؤلف انو بيأتى بقصيدة تبع بحر شعرى لازم تكون موزنة والملحن مش حا ياخدها منه لو مش موزونة .. لكن بليغ لما بيؤلف بتبقى خواطر عاطفية اكتر منها قصيدة وهنا ممكن او اكيد يبقى فيها جمل كتير مش موزونة ... وهنا لما بيلحنها بيعوض الفرق او بيجبر الكسر بأنه بيضيف لزمات صغيرة وتحس انها مش كلها اد بعض كالعادة يعنى واحدة طويلة تانية اقل وهكذا .. فى عملية التظبيط دى ممكن يتفزلك او يعملها اصعب لأنه بيفصلها وبالطبع من شكل اللحن انا حسيت انو ماعملوش على بعضه زى باقى الاغانى يعنى يبتدى ويخلصها لكن دى انا حسيت انو بيشتغل فيها على فترات متقطعة يعنى يشتغل شوية ويتركها ويعمل لحن تانى لما تجى لو فكرة جديدة يشتغل فيها ( لأن مفيش مؤلف واقف على راسه منظر تخلص عشان يقبض من المطرب ) ومن هنا جت الافكار الغريبى اللى مش مسبوقة زى الحركة بتاعة الكورال فى الكوبليه الاخير ... كمان فى الاعادت كان بيغير لما يعدي الجملة او مش بنفس التتابع ده خلانى كذا جملة اضطر اكتبها تانى ما اعملش مرجعات حاجة تانية فيه جمل بتتقال اكتر من 8 مرات مرى صولو ثم فرقة ثم صولو وهكذا ... الحركة دى بتعمل مشكلة انا بسميها صراع العمالقة .. يعنى لما الجملة يقلوها كذا عازف عملاق صولو اكيد كل واحد منهم بيطلع كل اللى جواه او يحاول يعمل احلى من التانى وهنا ( على فكرة ممكن الجملة تتدمر ) ناهيك عن بليغ نفسه كان مخلى كل صولو يعمل لعبة معينة فى الجملة غير التانى وهنا اضطريت اكتب كذا لعبة منهم المهمين فقط يعنى ... فيه سؤال .. اللحن ده ليه ماتعملش حفلة ؟؟؟ لأنو صعب جدا فى التنفيذ واختلاف ايقاعات يعنى ممكن فى التسجيل يتظبط حتة حتة ويتسجل لكن فى الحفلة الحاجات المختالفة اللى ورا بعض يحصل فيها اختلال يتلف اللحن الحاجة الاخطر ... ان اللحن صعب جدا فى الاستيعاب لو سمعته اول مرة يعنى انا ابتديت اتمتع بيه اوى بعد وقت طويل من سماعه وده كان مش حايحصل فى الحفلة لأن الجمهور مش حايفهمه .. ومقارنة بالأغانى التانية اللى بتعلم عند الجمهور من اول حفلة حيقولوا لحن مش حلو .. ولكن الذكاء انه يتسجل فقط وينزل على شريط ومن بيشترى الشريط عشاق وردة واكيد حايسمعوه عشرات المرات بعدين حايحسوا انها اغنية حلوة جدا شفتم الذكاء ؟
المهم اترككم مع النوتة واتمنى تعجبك انا بتدوينى خقضت صعوبتها للنصف
مع اطيب تحياتى

[نور الصباح]

احبائى
اقدم لكم اغنية من العيار تقيل تقيل التقيل
رائعة وردة وبليغ حمدى
بودعك
مع اطيب تحياتى
SSSSSSSSSSSSSSSSSSSSSSSSSSSSSSSS

شكرررررررررررررررررا
أخوكم
نور الصباح

[salhi_haithem]

تحية طيبة
شكرا أستاذ عادل لتدوين هذه التحفة و هذه الأغنية الرائعة و حقيقة هي صعبة جدا و قد فتحت موضوع مع أخي طارق في ما يخص هذه الأغنية فقلت له لماذا أغلب الأساتذة لا يريدون تدوين هذه الأغنية بالرغم أن عند سماعها تجدها ليست من فصيل الأغاني الثقيلة جدا فيها جمل معقدة نسبيا فقال لي هذه الأغنية صعب في بساطتها يعني السنكوبات (سنكوب) هم الذي جعلوها صعبة جدا و ليس السمع كالتدوين و قال لي هي مرهقة جدا
شكرا لك أستاذنا و بارك الله فيك المهم أنا سعيد جدا بتدوين هذه الأغنية
هيثم
اخى العزيز اشكرك
هى مشكلة لاغنية دى ان تركيبتها مش زى تركيبة الاغانى العادية اللى لما تسمعها تستوعبها على طول . ولكن اول انطباع لما تسمعها تخاف منهم .. وانا قلت انها زى ماقالت الاخت العزيزة زينة 17 دقيقة لكن كل دقيقة تتكتب فى نصف يوم يعنى انا باخد جملة .. اول مرحلة الاستيعاب بعدين افكر تتكتب ازاى بعدين ابتدى اكتب ادخل فى الجملة اللى بعدها الاقى نفسى خرجت من حفرة لحفرة اكبر .. وزى ماقلت انها من تأليفه وتلحينه يعنى بيشتغل مع نفسه .. يعنى لما بكتب جزء كبير وييجى يعمل لو اعادة بتكون الاعادة مش بالطريقة التقليدية يعنى نسخة كربونية بعمل مرجع ولكن الاعادة بيكون فيها اختلاف يخلينى لازم اكتبو تانى وانا كانى ماشى على حبل فى مكان مرتفع يعنى بمنتهى التركيز عشان التغيير .. ناهيك عن تغيير الموازين وانا اكتبها كده ولا كده .. زائد طبعا الافراط المتعود عليه بليغ فى العلامات العارضة ودى بتحتاج تركيز شديد لأن العلامة العارضة مش بيكررها كذا مرة ورا بعض ولكن بيلاعبك يعنى يكررها مازورتين بعدين مازورة ناتوريل بعدين يحطها تانى بإختصار يعنى تحس ان الكوبليه مش كوبليه ولكن كذا كوبليه فى بعض لكن لو سمعتها عشرين مرة وفهمت هو بيقصد ايه انا حسيتها سهلة .. كمان فيه حاجة خطيرة جدا للمدونين .. فيه فرق كبير لما انا بكتب الاغنية من عود الملحن يعنى موجود بجوارى وبيملينى بالعود مازورة مازورة وبين انى بكتبها من التسجيل يعنى الجمل السريعة اوى ( اللى دون اللحن ده اصلا استاذى العزيز المرحوم نصر عبد المنصف ) كان الملحن فى الجمل السريعة دى بيمليها للمدون ببطء بحيث ان المدون يهضمها ويفهما ويكتبها بعدين الفرقة تنفذها بأى سرعة مطلوبة بس المهم تكون اتكتبت صح لأن الجمل السريعة فيها مش فخ فيها فخاخ .. يعنى فيه حاجة اسمها السيكوانس او التتابع يعنى اختصاره لما نقول دو رى مى فا التتابع بتاعها نقول رى مى فا صول او مكن نغمة تانية وممكن تتكرر كذا مرة لكن التتابع هنا كان بيعمل حركة مختلفة تلخبط المدون وبالذات وهو بيسمعها سريعة انا كتبتها غلط كذا مرة وسمعتها وسمعت الشريط لحد ما ضبطتها .. وصعب تلاقى مدون يدونها بالذات لأن الاغنية دى مظلومة يعنى مش بتتذاع ابدا .. كتر الاذاعة لأى اغنية بتخليك مرة تلقط منها حتة مرة تلقط حتة تانية وهكذا تبقى مستوعبها لكن لما تسمعها اول مرة اكيد مخيفة كتير يعنى لأن مش حاتحس جمل مستقلة زى الاغانى التانية ولكن جمل بتتعاد بطريقة غير تقليدية
مع اطيب تحياتى عادل صموئيل

[نور الصباح]

حبيب قــــــــــلبى وأســــــــــــتاذى وأســـــــــتاذ الأجيال
المايسترو والفنان العظيم
عــــــــــــــــــــــــــــــــــــــــــــــــا دل باشا صموئـــــــــــــــــــــــــــــــيل
سلام الله عليكم
وبعـــــــــــــــــــــــــد :
لقد طلبنا من جنابكم فى مشاركة سابقة بالصفحة
رقم (319 ) بتاريخ 16 / 5 2014
تنويت موسيقى تتر البداية والنهاية لمسلسل
( الوســـــــــــــــــية )
للموسيقار
( يـــــــــــــــاسر عبد الرحمــــــــــــــن )
ونرجو أن يحوز طلبنا رضاكم
وما زال الانتظار مستمرا
وشكرررررررررررررررررررررررررررررا
أخوكم
نور الصباح

[نور الصباح]

حبيب قــــــــــلبى وأســــــــــــتاذى وأســـــــــتاذ الأجيال
المايسترو والفنان العظيم
عــــــــــــــــــــــــــــــــــــــــــــــــا دل باشا صموئـــــــــــــــــــــــــــــــيل
سلام الله عليكم
وبعـــــــــــــــــــــــــد :
لقد طلبنا من جنابكم فى مشاركة سابقة
تنويت أغنية عبد الحليم حافظ
-{ على راس بســـــــــــــــــــــتان الاشــــــــــــــــتراكية }-
بالصفحة
رقم (323 ) بتاريخ 25 / 5 /2014
وكذلك أغنيات الفنانة ( مها صبرى )
-{غــــــــــلاب غـــــــــلاب الهـــــــوى غــــــــلاب }-
وأغنية
-{برضــه حبيبى وما استغناش عنك أبدا }
وهما فى الصفحة رقم (325 ) بتاريخ 25 / 5 /2014
ونرجو أن يحوز طلبنا رضاكم
وما زال الانتظار مستمرا
وشكرررررررررررررررررررررررررررررا
أخوكم
نور الصباح

[منذر44]

استاذي العزيز عادل
لقد استمتعت جدا جدا وانا اعزف على العود رائعة بودعك من تدوينك الرائع
ولو كان بليغ حمدي بيننا الان لطلب لك ارفع وسام
لا بد انك بذلت جهداكبيرا وتعبت وسهرت حتى وصلت لهذه التحفة الفنية المبهرة
ان الكلمات تعجز عن شكرك انك تحفظ اجمل كنوز الموسيقا العربية وتخلدها
ولا زلنا نطمع بالمزيد
عندما يسمح وقتك ارجوا ان تتحفنا برائعة وردة ايامنا عيد
وهي بالمناسبة من تلحين الملحن ابراهيم رأفت وهو شقيق الموسيقار محمد الموجي
ارجو تصحيح المعلومة ان كانت غير ذلك
مع اجل تحياتي