رد: طلبات نوتة أ / عادل صموئيل الجزء الثانى
استاذ عادل
انا ردي على نوتة شام يا ذا السيف كان سريعا وتحت مرفق النوتة مباشرة وفي الصفحة 334
وهي نوتة اكثر من رائعة وقد استمتعت بعزفها جدا رغم صعوبتها وانا شخصيا احب تدويناتك
كلها ولكن حضرتك عندما تدون لفيروز فانت تبدع كما الرحابنة واحلم ان تدون كل قصائد
فيروز الرائعة مثل رائعة مربي التي لحنها عبد الوهاب وغيرها كثير
استاذ عادل
لقد عرضت نوتة بالغار كللت ونوتة شام يا ذا السيف على عدد كبير
من العازفين منهم هواة ومنهم محترفين وقد فرحوا بهاتين النوتتين
فرحا كبيرا ولكن تمنوا علي ان اطلب منك ان كان بالامكان تحويل
من الصو ل الى السي بيمول وذلك تجنبا للدييزات الكثيرة وكي يسهل
على الهواة عزفها ومعك كل الوقت
سؤال:
هل عندما يتم عزف اغنية مثلا ملحنة من درجة العجم صول وتعزف من
السي بيمول هل هذا التحويل من درجة الى درجة اعلى يفقد شيئا من رونق
اللحن او يأخذ شيئا من روحه ام ان الملحن عندما يضع اللحن على درجة معينة
يراعي فقط طبقة صوت المطرب
مع اجمل تحياتي
اخى العزيز
انا اولا اشكرك واقدم تحياتى لكل اصدقاءك اللى اعجبوا بالنوتات .. وللعلم انا اعشق فيروز وعندى لها دولاب مليان شرائط كاسيت .. وكنت كل ما اسافر خارج مصر ابحث عن شرائطها الاصلية المعمولة فى اليونان
اما بالنسبة للتحويل هو سهل جدا على الكمبيوتر يعنى انا فقط احدد الدليل بحساباتى ولما يتغير فى نصف اللحن يبقى ايه ثم النقل بيتم بضغطة .. بس انا فكرت فيها ( واوعدك احسبها تانى ) لقيت ان النقلة المقماية عشان بعدية او وصعبة برضو ممكن تبتدى بسلم سهل لكن لازم يكون سلم صعب بعد كده لكن ححاول .. اما عن ان الملحن بيعمل اللحن من درجة ثم ينقل على درجة ثانية ويفقد رونقه او لا .. سؤال جميل جدا .. هى الخطورة فى الالات الوترية
يعنى فيها سكك بتبقى سهلة على العازف وسكك بتبقى صعبة وكلمة سهلة يعنى اقول لك مثال البياتى مثلا لما يتعزف على الكمان من رى اى عازف شاطر يعزفه وهو مغمض .. لكن لو من دو نغمة رى نصف بيمول مش حلوة فى الكمان .. مش مريحة زى المى نصف بيمول وهنا اللحن ممكن يفقد رونقه .. المشكلة دى مش بتظهر فى الاورج او الاورجات الحديثة بالذات اللى ممكن تعزف من نغمة دو لكن بترفع الاورج كله كذا تون ... ولو قرأت مشاركتى عن لحن شام ياذا السيف .. لو تعلى الصوت شوية وتركز مع الكمنجات فى المنطقة اللى فيها 4 دييز تلاقى ان الملحن مركز فى الجزء ده ع الاكورديون وتلاقى الكمنجات داخلين ضعاف مش بنفس قوتهم فى اول اللحن
مع اطيب تحياتى
التعديل الأخير تم بواسطة : عادل صموئيل بتاريخ 04/08/2014 الساعة 19h19
|
رد: طلبات نوتة أ / عادل صموئيل الجزء الثانى
العرض العادي
