طلبات نوتة أ / عادل صموئيل الجزء الثانى - الصفحة 449

**عاصم المنشاوى** · #**4481** 23/10/2015, 06h20

الأستاذ الكبير / عادل صموئيل

من المعروف ان أغنية "أوقاتى بتحلو"...كانت ام كلثوم عملت عليها بروفات وفيه تسجيل صوتى ليها
بتردد اللحن ورا الراحل "سيد مكاوى"....ولم يمهلها القدر أن تغنيه فماتت فى 1975 ....
وغنته الراحلة "وردة"...مثلما غنت "فايزة أحمد" لحن "أحلى طريق فى دنيتى" وكان عبد الحليم ناوى يغنى هذه الأغنية بعد قارئة الفنجان وكانت حتبقى من ألحان "كمال الطويل!!!".....

.السؤال بقى ...هل اللحن كان كاملا مع أم كلثوم؟....هل أدخل عليه سيد مكاوى تعديلات ....هل سيد مكاوى هو اللى عرض اللحن على وردة ولاّ عشان ده من ريحة ام كلثوم يبقى عليه علامة الجودة....اوبالتالى وردة طلبت انها تغنيه ....
نا شايف مثلا ان اللحن هادى - وده مقصود- لأن مساحة أم كلثوم الصوتية تضاءلت بسبب الكبر فى السن ولايتناسب مع عنفوان صوت وردة اللى بيجيب أوكتافات عالية وشقاوة زى مثلا فى ألحان بليغ فى "دندنة "وأيه ولاّ ايه "اللى غنتهم فى نفس الفترة ...ف ليه اللحن مش مصحصح وليه مغيرش فيه سيد مكاوى بعكس مثلا"قلبى سعيد وياك ياحبيبى "و "ياماليالى " اللى غنتهم بعد كده وبرضو من ألحان سيد مكاوى ...

تمنياتنا لكل اعضاء المنتدى بالصحة والسعادة وعلى رأسهم طبعا أيقونة النوت الموسيقية عم أحمد

**حمدي محمد أحمد** · #**4482** 23/10/2015, 06h58

ممكن لو سمحت أستاذ عادل صموائيل

تتر المقدمه والنهايه لمسلسل الايام غناء علي الحجار

ولك جزيل الشكر

**muhamadibra** · #**4483** 23/10/2015, 10h59

اقتباس:

المشاركة الأصلية كتبت بواسطة حمدي محمد أحمد

ممكن لو سمحت أستاذ عادل صموائيل

تتر المقدمه والنهايه لمسلسل الايام غناء علي الحجار

ولك جزيل الشكر

موجود اخي الفاضل بتدوين ا نزيه محمد يمكنك الدخول لصفحته والبحث وستصل بسهولة للنوتة
د محمد إبراهيم
http://www.sama3y.net/forum/showthread.php?t=98611

**عبد الإله** · #**4484** 23/10/2015, 13h31

يجب على كل من يلج هذه البوابة أن يمتن لأصحابها على ما قربوه لنا من كنوز ما كانت لتطالهاأيدينا
فألف ألف تحية وشكر وتقدير.
فضلا منكم هل يمكن أن تدونوا لي نوتة عشت يا مغربي حرا وهي موجودة على هذا الرابط وهي من الأغاني المغربية المشهورة..وأحبها جدا.
https://m.youtube.com/watch?v=9kJBrMnPKxM

**nazehmohamed** · #**4485** 23/10/2015, 14h19

أستاذ
عادل صموئيل
بناء على رغبتكم
في الإطمئنان على صحة
الأستاذ
نور الصباح
لقد إتصلت به الآن
الساعة الرابعة عصرا
الجمعة 23 / 10 / 2015
وأبلغني أنه سيخرج بسلامة الله
من المستشفى اليوم
وربنا يرجعه للمنتدى بالسلامة
إن شاء الله
أدام الله عليكم وعلينا نعمة الصحة
وحفظكم من كل سوء
خالص تحياتي
نزيه محمد

**خالدموسى** · #**4486** 23/10/2015, 21h22

ان شاء الله ترجع لينا بالسلامة يا نور الصباح وتفرحنا بتعليقاتك الحلوة على الاغانى فى الصفحة

**عادل صموئيل** · #**4487** 23/10/2015, 22h26

الاخ العزيز عاصم المنشاوى

لما سيد مكاوى حب ان وردة تغنى اللحن .. مش بينفع انه هو يروح يعرض عليها إلا اذا كان ملحن لها من قبل .. يعنى الملحن والمطرب بعد ما يعملوا عمل او اكثر بيبقوا اصحاب وده يعزم ده .. وساعتها ممكن الملحن يقول للمطرب عندى حلجة حلوة او حتة لسه عاملها ويسمعه منها جزء والمطرب يقرر ياخدها ولا لأ .... اما عن اللحن نفسه ... وده انا اكتشفته كتير بخبرتى ( واقصد اى لحن ما ) فيه لحن ساعة ما الملحن يخلصه ويديه للمطرب اولا على شريط عشان يحفظه ودى اول مرحلة وبيتناقشوا فيه ممكن يحصل تعديلات وبتختلف طبعا من مطرب لمطرب ... اقصد ان فى المرحلة دى ممكن يكون اللحن مكتمل اوى بحيث ان كل ما يتكلموا فيه الملحن مش بيحس ان ممكن يتعمل فيه تعديلات ... وممكن يحصل العكس واللحن يتغير فيه تعديلات كتير ... المرحلة التانية لما اللحن بيتكتب هو طبعا بيتكتب مازورة مازورة وبنقف عند كل جملة ... ساعتها ممكن اللزمات الصغيرة اللى وسط الغنا الملحن بيغير فيها ... لأن فى الشريط الاول اللى قلت عليه بيبقى التركيز على الغنا .. اما لحظة التدوين ممكن الملحن يحس انها عايزة تتعدل .. او حاجة خطيرة انتم ماتعرفوهاش ... ساعات الملحن بيحس ان الغنا مجهد على المطرب بالذات طبعا لما يتقدم ف السن .. فممكن يطول اللزمات دى شوية بحيث يدى فرصة للمطررب يستريح وياخد نفسه ... كمان فيه حاجة تانى .. اول مرة المحلن بيسمع المطرب اللحن ع العود وبياخد باله لو حتة مش عاجبة المطرب وهنا ممكن بيغيرها بسرعة اما لو المطرب ما ابداش كده يبقى خلاص اللحن اعتمد كده ... هى الحاجات دى بتختلف من لحن للحن طبعا ... ووردة نفسها كانت عايزة التغيير لأنها غنت لبليغ كمية كبيرة من الاغانى يعنى محتاجة لون جديد ... كمان حاجة مهمة ... لو تلاحظ فى اللحن ان فى جمل وردة قالتها بلون بلدى اوى ام كلثوم كانت مش حتقولها كده ... كمان من مميزات اللحن ده انه بطىء يعنى من الطرب التقيل اوى ووردة كانت محتاجة حاجة زى كده بعد الاغانى السريعة اللى قالتها من قبل ... بس الخلاصة ان وردة ابدعت فيه مع اطيب تحياتى

**عبد الإله** · #**4488** 23/10/2015, 23h48

لأجل كل المغاربة وأنت حبيبهم
أرجوك حبيبي الأستاذ عادل نوتة عشت يا مغربي حرا وهي على هذا الرابط https://m.youtube.com/watch?v=9kJBrMnPKxM
وتقبل مني تحية كل المغاربة أجمعين فعلى كل من يلج هذه البوابة أن يكون ممتنا لأصحابها على ما قدموه لنا من كنوز لم تكن لتطالهاأيدينا فتحية ملء عددحبات التراب وعدد نجوم السماء وعدد قطرات المطر.

**عبد الإله** · #**4489** 24/10/2015, 01h24

اقتباس:

المشاركة الأصلية كتبت بواسطة عبد الإله

يجب على كل من يلج هذه البوابة أن يمتن لأصحابها على ما قربوه لنا من كنوز ما كانت لتطالهاأيدينا
فألف ألف تحية وشكر وتقدير.
فضلا منكم هل يمكن أن تدونوا لي نوتة عشت يا مغربي حرا وهي موجودة على هذا الرابط وهي من الأغاني المغربية المشهورة..وأحبها جدا.
https://m.youtube.com/watch?v=9kJBrMnPKxM

أرجوك حبيبي الأستاذ عادل ذا أول طلب لي.

**عبد الإله** · #**4490** 24/10/2015, 08h46

طهور إن شاء الله ياأستاذ نور لابأس عليك إن شاء الله .
حبيب الملايين أستاذ عادل لا تردني خائبا ،
فأنت أكرم وأجود..
نوتة عشت يا مغربي حرا وهي على هذا الرابط:
https://m.youtube.com/watch?v=9kJBrMnPKxM
مع خالص امتناني .