الاغاني الهابطه ...هل هى فعلا هابطه ...حوار هادئ وموضوعى

[حسن كشك]

موضوع نتلافى نقاشه .... او الاستماع الى عناصره
الاغانى التى نسميها هابطه .... هل فعلا كلها هابطه ..... ولماذا نرفض الاستماع اليها ... حتى نتعرف على اسباب اطلاق صفه الهابطه عليها ......
هذا موضوع مناقشتنا هنا ....
هل هى هابطه لان كلماتها هابطه ....؟
ام ان لحنها هابط ؟
ام لان من يغنيها لايعتبر مطربا ولافنانا ؟
أم انها مرفوضه من جميع مستويات الشعب .
أم هى ليست هابطه اساسا .... ودليل ذلك تحقيقها كل تلك الارضيه الواسعة من المستمعين .
ام انها .... افراز لزمن هابط اساسا ......؟
تعالوا نتعرف ونتناقش وننقل وجهات نظرنا .... ونحلل الموضوع بجديه ..... ولا نعتبرها رجسا من عمل الشيطان ... ذلك دورنا هنا ... فى سماعى .... لنصل الى حقيقه الموضوع ولا نرفضه كليه .ويذاع على راديو كشك الان عينات من تلك الاغانى حتى نتعرف عليها لنتستطيع الحكم راديو كشك على الرابط
http://sama3e.listen2myradio.com/

[بشير عياد]

قم بتصويب العنوان
الأغاني
وليس الأغان

[حسن كشك]

انا صلحتها يا استاذ بشير
لانها كانت غلطة سرعة كيبورد بس مش شايف انها اتصلحت
لو ما اتصلحتش يبقى الموضوع محتاج تدخل المشرف يصلحها
مساء الخير يا استاذنا

[حسن كشك]

تعالوا نناقش الموضوع بجدية شديدة .... وننزل لبعض الوقت من ابراجنا العاجية التى نعيش فيها فى منتدى سماعى حيث الطرب الراقى الكامل .... تعالوا ننزل الى تلك الارضية الشعبية التى اصبحت واسعة جدا جدا والتى اصبحت تمثل ظاهره لا ينبغى تجاهلها ابدا .... والا سنصبح معزولين عن مايحدث .... تعالوا نشخص المرض ونتعرف على اسباب حدوثه ... لان الموضوع يستحق الحوار ... والتجاهل ... لن يفيد ....

[غازي الضبع]

تم تعديل عنوان الموضوع

[حسن كشك]

المشاركة الأصلية كتبت بواسطة غازي الضبع

تم تعديل عنوان الموضوع

شكرا اخى المشرف المصحصح المتابع .... غازى باشا

[حسن كشك]

وحتى نناقش بطريقة صحيحة ... تعالوا نتعرف على اهم الظواهر الاكثر انتشارا فى تلك الاغنية واوصفوها كما تريدون
هناك اغانى انتشرت بشكل ملفت للنظر فى كل المستويات .... تسمعها فى الطرقات ... فى الميكروباصات ... والتاكسيات والمقاهى والموالد والافراح ... والسيارات الخاصه ....وعلى النت..... وفى المسلسلات والافلام ...هى فعلا منتشره ولها جمهور كبير جدا .... والاغرب انها فى بداياتها .... لم تكن لها اى حملات اعلانية فى أى مكان ... ولا بأى وسيله ....لكنها رغم كل ذلك ... موجوده وبشده على الساحه ....وتدفع بالاغانى الاصيله خارج اهتمام الاوساط العامة .
اغنيتان سنناقشهما .....
الاولى : العبد والشيطان ....( بجزئيها ) لمحمود الحسينى ... لا اعرف كاتبها ولا ملحنها .
والثانية : انا مش عارفنى ... لعبد الباسط حموده ... كلمات امل الطائر .... ولا اعرف ملحنها
العبد والشيطان
هذه الاغنيه حققت انتشارا رهيبا فى جميع انحاء جمهورية مصر العربية .... يشدك لحنها .... البطئ ....وتحاول تجاهلها حيث ان اذنك .... قد تعودت على اسلوب معين من الالحان .....لكن اللحن اشبه بالحان المنشدين فى مدح الرسول والمداحين الشعبيين ... وصدقونى اننا نرفضها ... لمجرد انها ... توحى الينا بأنها اغنية شديده الشعبيه ..... لكننا لم نستمع اليها جيدا لنحكم عليها ....
كلمات الاغنية تحمل فلسفه عميقه جدا .... ولا نعرف اهل قصد كاتبها ذلك ام لم يقصد .....لكن وصلتنا الكلمات بهذا الشكل
كلمات الجزء الاول

اول كلامى انا على المصطفى اصلى

اقول حكاوى وعبر واحفظ وفسرلى



شيطان وقال للعبد : طول عمرك بتصلى ...

وتسبح وتصوم ... طول عمرك مشغولى

بالحى القيوم



اتبحبح روح سينما ... العب لك دور دومنا

الجاره اللى قصادك بتشغلك عبرها

بتقلك وعنادك قربت تطيرها



العبد قال للشيطان

ياعدو الانسان ... ياطريد الرحمن

من ضمن الاحاديث لنبينا المختار

جرحتنا يا ابليس للجاره وللجار



الشيطان قال للعبد

لوتشرب يامنيل .. ها تحس انك عيل

بقزازة كونياك ... الهم هينساك

جو جو جو



العبد قال للشيطان:

جاى تضحك على دقنى وانا راجل استاذ

احسن لك تفارقنى لاديك بالعكاز

مش عيب لما اتطوح واتمرمغ فى الطينه

واتسبب فى هليله من اهلى ومن جارى



عجبى عليه الانسان مافيهش الا لسان

بيتكلم على الفاضى

جو جو جو

كلمات الجزء الثانى

يابا يابا يابا

الاوله فى الغرام بسم الاله بديت وانا باغنى

استغفر الله العظيم على ماجرى منى

شيطان وقال للعبد

وريتك الدنيا والوانها

وبعت الاخره علشانها

وبقيت تخاف تخرج منها ..

ونسيت كمان الصلاه والفرض



فى الاول جرجرتك ... من خبيتك خدرتك

وبقيت تعرف تكدب وبتلعب على جارتك

بقيت تلعب بوكر وبتشرب جونى ووكر

جو جو جو ( ماقصده وسوسه الشيطان )

يابا يابا يابا



العبد قال للشيطان

من بعد ماطاوعتك مابقتش عارف اعيش

وديتنى لحد النار .. وهناك ماعرفتنيش



الشيطان قال للعبد

متنفض وتهلس .. ماتهرتل وتفيس

لو عاوز تتنمرد طب ما انت كدا كويس

ماتطلع وتبقشش أ ما انت ابن لزينا

ماتولع وتحشش ولا احنا فى بنزينا

جو جو جو

يابا يابا يابا



العبد قال للشيطان

ها اسيبلك المعاصى واقصد رسول الله

وان جتنى ها ابعدك بايات كتاب الله

ومدام هاارجع اصلى مش هاتعرف توصلى

والناس بقى تتعلم من كل اللى حصلى

بنظره عامه نجد ان الكلمات لم تتضمن اى كلمات خارجه ... او جارحه ....وانما حواريه بين شيطان وانسان - ولاننسى ان كاتب الاغنية اسماه ( عبد ) اى كان يقصد عبد من عبيد الله .. واراد الكاتب ( قصد ام لم يقصد ) ان يكون هناك فائدة من تلك الحوارية ان الشيطان يغوى الانسان ويليقه الى سوء المصير ... وان النجاه بالاتجاه الى الله والرسول والصلاه

كلام لا غبار عليه اطلاقا .... فهل الكلمات هابطه ؟
هيا نفتح باب المناقشه وليحدثنا الاكثر علما منا باللحن الذى لم يخرج عن تيمه واحده ثقيلة الايقاع ...