بعض قصائد شاعرنا الشهيد
فائــــق عبدالجليل
( رحمة الله عليه)
لـــــذة الإصرار
حبيبي اختار
لا تنهار أعصابك
لا تنهار
اعترف بالسر.. قول للناس
من حقنا نحب ونعيش
رغم الكون والأقدار
أنت النبض في شوقي
أنت الدم في عروقي
أنت إنسان خلق عمري
وخلا لحظتي أعمار
وأنا من غير حبك
ريشه في تيار
و معاك انته
يموت الفرق...
بين الشوك والأزهار
وينبت في حزن قلبي
فرح وأشعار
أنا وأنت يمكن يوم
نروح عند القمر زوار
ونكتب فوق أشجاره سوالفنا
ونزرع سطحه وضلوعه
هوى وأسرار
أوقف ارحم أعصابك
ارحمني من الأفكار
لا تتركني دمعة حب
على ساحل هواك احتار
تعال نعلنها ثورة حب
تعال نذوق مره
لذة الإصرار
آخـــــر زيـــارة
حسيت في آخر زيارة
شي بعيونك مختلف
وشي بحديثك مختلف
حتى سكوتك مختلف
... كنت بشكوك
... وشفت الحقيقة في عيونك
... تعترف
موقف غريب ... موقف أبد ... ما ينوصف
... وين الكلام ... وين الحرارة في السلام
كبير الفرق ما بين
... أول لقا
وآخر زيارة .. مدري شقول
... يا حب خانتني العبارة ... مدري شقول
... والحر تكفيه الاشاره
.... كل شي حبيته
في بيتك نساني
الهدوء ... الليل .... الصمت ... الأغاني
حتى لون الورد ... والفرحة ... ومكاني
داهمتني الغربة .... ليتني ما جيت
.... ليتني ... رديت
حزني ... غرب ضحكتي ... لساني ضيع كلمتي
حسيت باليأس .... ومشيت
كنت بشكوك ... وشفت الحقيقة
.... في عيونك تعترف
أنــا آســــــف
أنا اللي يوم تمنيتك
ترجيتك وناديتك
أنا اللي قلت لك
كل الفرح بيتك
تعب صوتي .. ومليتك
تعب قلبي .. وخليتك
حبيبي .. لا أبد مو أنت
ذاك اللي تمنيتك
أنا آسف .. أنا آسف
إذا في يوم حبيتك
نثرت الروح في كفك أماني
وقلت اطلب ..
كل الأرض مفروشة بحناني
وكل الشوق سويته أغاني
لا أنت صوبي ولا يمّي
ولا حسيت في همي
جيت الحين ترعاني
تصورت الجروح تطيب
في لحظه .. وثواني
أنا اللي قبلك مضحّي
ولا تحتاج حق شرحي
تدري يا سبب يأسي
وسبب جرحي
أنت ادري .. أنت أدرى
ولا تحتاج حق شرحي
أيدي اللي كتبت اسمك
بدت تمحي ...
آخـــر زيارة
آخر زيارة .. حسيت في آخر زيارة
شي بعيونك مختلف .. وشي بحديثك مختلف
حتى حديثك مختلف
كنت بشكوك
وشفت الحقيقه في عيونك .. تعترف
موقف غريب .. موقف أبد ما ينوصف
وين الكلام .. وين الحرارة في السلام
كبير الفرق ما بين .. أول لقا
وآخر زيارة
مدري شقول .. ياحب خانتني العبارة
مدري شقول .. والحر تكفيه الإشارة
كل شي حبيته في بيتك نساني
الهدوء .. الليل .. الصمت .. الأغاني
حتى لون الورد .. الفرحة ومكاني
داهمتني الغربة .. ليتني ما جيت
ليتني رديت
حزني غرّب ضحكتي
لساني ضيّع كلمتي
حسيت بالياس
ومشيت
كنت بشكوك
وشفت الحقيقة في عيونك .. تعترف
وهــــم
وهم .. كل المواعيد
تعب .. كل المواعيد
باسم الحب .. باسم الشوق
مأساتي معاك تزيد
واتم بعيد .. وتتم بعيد
واتم مثل الحزن .. انطر سحابة عيد
اجي ملهوف .. عطش تحت المطر ملهوف
وقتي يطوف .. لوني ضايع ومخطوف
يضيع الشارع بصمتي
وصمت الانتظار سيوف
وكل ما مر وهم صوبي .. اقول انتي واتم بعيد
ألم .. كل ساعة .. وكل لحظة ألم
وين عيون حبتني .. ومنتني؟؟
وقالت لي نعم
تلاشت فرحتي .. وتاهت خطوتي
وحلمي كبير .. في لحظة انهدم
وكل ما مر وهم صوبي .. اقول انتي
واتم بعيد .. وتتم بعيد
واتم مثل الحزن .. انطر سحابة عيد
أحبـــك
أحبك كثر خطوات الثواني
كثر ما تبكي في الصمت المعاني
كثر ما تشهق امواج المواني
اجي مثل الربيع غرقان بألواني
اجي وياك ورده تخاف بستاني
طفله شايله احزاني
اجي وياك اتبع سر ناداني
اتبع صمت ناداني
و احاول و انت ما تدري
احاول انا و لساني
احاول و اخسر رهاني
احاول و انا في ضعفي
احاول انهي بركاني
إبعـــاد
ابعاد كنتوا ولاّ قريّبين
لمْراد انكم دايم سالمين
ما اقول غير الله ..
الله يكون بعون كل العاشقين
اشتاق .. واسأل عنكم الأشواق
لفْراق .. ما غيّر علي لفْراق
عساكم ما نسيتوني عساكم
عسى ما مر هوى بعدي وخذاكم
ناطر هواكم ناطر
قادر ولاني قادر
ما اقول غير الله ..
الله يكون بعون كل العاشقين
منيتي أسهر معاكم كل ليله
واشتري بعمري رضاكم ليله
يراودني أمل في ليله القاكم
واطرز بالفرح أحزان فرقاكم
ناطر هواكم ناطر
قادر ولاني قادر
ما اقول غير الله ..
الله يكون بعون كل العاشقين
سالفة صمتي
يلاحقني الورق
تاخذني هموم الوقت من وقتي
اسكت والسكوت أنتِ
أحاول والحلول أنتِ
شسولفلك .. وانت سالفة صمتي
بسمرت الشفايف
بين صمت وصمت
تحديت الزمن
حتى نساني الوقت
خطيتك على الإصرار
على التكرار
وشلتك في سكوت
الحب
حبيبة آخر المشوار
حبي فوق تعريفي
حبي فوق تحريفك وتحريفي
وأنا ملزوم اتصبر
نسيانك مهو بكيفي
وعيونك نجوم الليل
كل الليل في صيفي
أحارب عالم عيونك
أحارب ينكسر سيفي
أبحر فيك يا حلوة
تغرقني مجاديفي
أنا بصحرا سكوتي انتحر وحدي
أعاني الصمت
أعاني الخوف
أعاني وجدك ووجدي
بهاجر من جديد أبدي
بحارب بالجمر بردي
بصمم أوفي في وعدي
وأصمم أحكي ما عندي
ولما يرتفع صوتي
أحيّ حتى الورق ضدي
أنا المقسوم للسكته أنا المقسوم
أنا العايش .. أنا المعدوم
أنا غيمة مطر
وأنا العطش كل يوم
كنت آكل من اشعاري
كنت أشرب من اشعاري
وكنت أعزم على المقسوم
كنت أتعاطى هم الناس
كان ( بيتي ) بيوت الناس
وياما بدفتر بيوتي
طاردني السهر والنوم
وياما بليلي ضاع الليل
في سكة قمر مهموم
وياما بشعري وأشعاري
غفت ياما كثير نجوم
أمشي في شوارع ليل
غريب حتى عن ثيابي
غريب حتى عن احساسي
عن اعجابي
أضيع في غربة الألوان
أسير الصمت وأعصابي
أضيع تحت المطر غابة
ارفضتني أصغر أعشابي
أضيع مثل الطفل في البر
حزن الليل ألعابي
أمشـــي
أمشي .. أمشي .. طول الليل
الماضي يوقفني
الذكرى تصادفني
أمشي .. أمشي .. طول الليل
تتعب مني أتعابي
أمشي .. أمشي .. طول الليل
يبكي دربي وترابي
أنا أول شجر
أغصانه ممنوعه
أنا أول شجر
يشرب من دموعه
يهاجر ظلي من تحتي
يترك صوتي حنجرتي
تصير السكتة مشروعة
وبين الهجرة والهجرة
يموت الحب من جوعه
وتبكي خطوة عيوني
تبكي .. تبكي مخدوعه
أحاول امشي واتردد
جميع دروبي مقطوعه
نســاي
نساي .. و انت الهوى بالنسبه لي و الماي
اسمع أنا صوتك و لا تسمع نداي
اشهق أنا باسمك .. و اشتاق له و انت معاي
اكتب على سمعي أغاني
اكتب و اغنيك .. حيرتني و احترت أنا فيك
تزعل بلا أسباب .. و تعاند و أراضيك
بكل حالاتك أبيك .. بكل زلاتك أبيك
حبيبي انت ... و الا العذاب انت
و الا الفرح انت
مدري وش أسميك
نساي
تغيب و الدنيا معاك تغيب
تقطع خيوط الشمس عني
و يصبح العالم كئيب
و أصبحت أنا لوحدي على
... أرضك غريب
ما تكتفي من غربتي
ما تكتفي من حيرتي
الله كم انت عجيب .. الصمت دايم لعبتك
الصمت احيان رهيب
فينا واحد يعاني
فينا واحد بيلعب .. فينا واحد يعاني
اعتقد فينا واحد .. ما يستاهل الثاني
فينا واحد تمنى .. يكون ظل لخليله
فينا واحد تجنى .. الف ليله و ليله
و اعتقد فينا واحد .. ما يستاهل الثاني
فينا واحد تصبر .. و عطر الدنيا طيبه
فينا واحد تنكر .. للمحبه و حبيبه
و اعتقد فينا واحد .. ما يستاهل الثاني
فينا واحد تغرب .. عن حياته و مكانه
فينا واحد تمادى .. حتى خان الأمانه
و اعتقد فينا واحد .. ما يستاهل الثاني
بعد كل ماجرالي .. منك و من زماني
حس و شعر بحالي .. صير انت بمكاني
شوف منهو اللي فينا .. ما يستاهل الثاني
زلــزليني
زلزليني . . زلزليني
واتركيني فوق بعضي
اغرس الغربه
مابيني و بين نبضي
زلزليني
بغربة الساعة احبك
دمعة الغيمه احبك
بهزة رموشك
احبك
بكل حواس الحب احبك
لما شفتك يا حبيبي
اعترف ان الهوى فعلا قدر
مانفعني كل غروري والحذر
قلبي ضيعني
وحاصرني الخطر
كنت ادور في عيونك
درب حق شوق وممر
ارتبكت وانسرقت
صرت موجه في بحر
صرت في صيفي مطر
صرنا نضحك
صرنا نبكي
صرنا في حالة خدر
زلزليني . . زلزليني
عطشـــان
عطشان اسمع يا نهر
عمر الصحاري والجفاء
عمري انا ما مر على عمري مطر
عطشان
لدموع الشتاء
مشتاق
للون الخضر
صبري عزف . . صبري نزف
انا النخيل وانا ارتجافات السعف
ناديتك بصوت العطش
شلال صوتي يا الي ما تسمع نشف
شوقي لّوح لك وقف
ترابي لّوح لك وقف
منين ارتوي . . . والدنيا صحرا ء وبس
النار تحتي . . وفوقي عين الشمس
الشتا . . بالصيف اختفى
والغيم ما عنده وفاء
وانا العطش بيتي
ونسيمي عاصفة
تصبّر مرّه..
بس مرّه تصبّر
تأثّر مرّه
..
بس مرّه تأثّر
أنا يأسى اللى ودانى
على بيبان نسيانى
أكو نسيان فى الدنيا يتذكر
بللنى مطرل.. اشواق
..
على باب الشتا والبرد
ومر الصيف
ياطول ايامه ماتنعد
ومرت ذكرياتى تشيل باقة ورد
انتظرتك ماوصلنى رد
ذبّلت الصبر والورد
وريحك بعثرت بالوجد
طبيعى إنى يوم انساك
وطبيعى كل فعل له رد
أنا يأسى اللى ودانى
على بيبان نسيانى
أنا النسيان
أكو نسيان فى الدنيا يتذكر
مسدوده للحب الطرق
ماينفع ..الا..قناع
لازم نفترق
حان الوداع..
يالله..حبيبى نتفق
مافى لقا
بعد اللقا..بهذا المكان
ومافى رسايل..أو رسول
مافى رجا..
..وأرجوا حديثك لايطول
واقدر اقول
كلى سعاده انى منك انسرق
انا يأسى اللى ودانى
على بيبان نسيانى
أنا النسيان
أكو نسيان فى الدنيا يتذكر
نحب فى كل الظروف
واحلى شى فى الحب بيته
واللى احلى احنا فى بيته ضيوف
انا حاربت بكلامى
حتى انهيت التحاور بالسيوف
وانا اعدمت المسافه
بين الاصبع والحروف
انتى قمره تحب...فاجأها الكسوف
وانا عاشق غير حبك
مااشوف
نحب فى كل الظروف
نموت فى كل الظروف
مثل موت كتاب فى اعلى الرفوف
منهو جاب لك طاري
منهو وصّل أخباري
نسيتيني
نسيتيني ..
مثل ما تنسى الأمطار الصحاري
نسيتيني ..
دمعة فيّ في عز الظهاري
و عيوني معلّقه عيوني
على رمش انتظاري
حزين الشوق
و كلامي هاجر لساني
و قلبي قلب
قلبي دفتر أحزاني ..
من مينا إلى مينا ..
مواني الدنيا عنواني
هارب من كتاباتي و تواريخي
أدوّر سيف نسياني
وين ما أروح
حبك قمره و أنا الليل
وين ما أروح
القمره .. القمره تلقاني
اركض و انت كل الأرض
أغرق و انت ماي الحظ
يا حظي اللي بكاني
اتحــداك
إذا تقدر تخاصمني
اتحداك
ما تقدر تخاصمني
ولا أقدر أنا انساك
اتحداك
. . .
في عيونك
أشوف أشواق تكلمني
تقول لا يمكن
أنت في يوم تخاصمني
وسطورك لما تبعثها
بحنين وحب
تذوّب كل شيء بيننا
يصد الحب
وتتحدى الزمن بالشوق
مثل ما انا اتحداك
تقول انساك
وانت اللي قضيت جنبي
ليالي ما عرفها الحب
من قبلك ومن قبلي
تقول انساك
وانت اللي تعيش الحب
في عيوني ومن اجلي
ماتقدر تخاصمني
ولا اقدر انا انساك
اتحداك.
*****
يتبــــع >>