رد: طلبات نوتة أ / عادل صموئيل الجزء الثانى
شكرًا أستاذ عادل صموئيل على رد حضرتك، أنا فعلا بتفق مع حضرتك في كل الكلام إللي حضرتك تفضلت وقلته. عدد العازفين فعلا كتير اوي وده مأثرعلى الشكل العام. وشايف كمان إن في ظلم لأمال ماهر. وزي ماحضرتك تفضلت وقلت أنا برضه بتفق معاك إن في سلوكيات سيئة، مثلاً المطرب بيتكلم أثناء الأغنية، وأثناء المقدمة الموسيقية، وده شيء مش كويس. ومن المطربين للأسف اقل انهم يقولوا الأغاني دي بمراحل. وكمان الفرقة الموسيقية بتعزف المقدمة الموسيقية أول سطرين تلاتة، وبعد كده تنط على الجملة الختامية قبل بداية الغناء. مش فاهم ليه؟ مش بيعزفوا المقدمة الموسيقية بأكملها، إيه المشكلة في كده؟ أنا مش عارف، أما الصولوهات فللأسف كانت سيئة جدا جدا الإ القليل. ورغم وجود أساتذة في معاهد الموسيقا حاضرين الا انهم بحس انهم مبسوطين اوي وراضيين عن اللي بيتقدم.
وبعدين ليه ما بيتمش الاستعانة بالخبرات إللي زي حضرتك، والناس إللي موجودة إللي عصرت الفن الجميل، انهم يعزفوا هما أو حتى يشرفوا على الحفلات دي؟
أنا شايف انه المصريين هما اللي عليهم اللوم الأكبر انهم يتحملوا عناء ومسئولية تقديم الفن المصري بصورة مشرفة.
فيه برضه مشكلة السعودية عشان المشروع الفاشل ده بتدفع فلوس اكتر من الطبيعى عشر مرات ده بيخلى اى حد يتنازل عن كرامته ويقول ان السعويدة منبع الفن وقبل السعودية مكانش فيه فن مع ان كل الى بيتقدم ده فن مصر ومن 70 سنة كمان
التعديل الأخير تم بواسطة : عادل صموئيل بتاريخ 11/12/2023 الساعة 18h07
|