لا إنت حبيبي (حفلة)

**Egy_LoveR** · #1 12/05/2008, 22h14

من إحدى حفلات فيروز الجميلة...
الملفت هنا انني لم اصدق انها حفلة ، من البداية تلاحظ نقاء الصوت ووضوح الآلات كلها ووضوح صوت فيروز طبعا ، والدقة الشديدة في العزف ولا أجدعها تسجيل ستودية دلوقتي ، لأ وكمان الجمهور لا بيح ولا بيتكلم ...ولا نفس

المقدمة موسيقى هادية.....وبعدين يدخل البزق في جملة جميلة وبسيطة لأقصى حد ومعاه الرق
ثم ترى بعين الخيال فيروز وهي تدخل وتعرف ذلك من تصفيق الجمهور الحاد اللي هيرجع يسكت تاني زي ماكان عشان يسمع
والكمنجات في الخلفية عاملة تاثير هادي

اللحن جميل وبسيط (عجم فا ده وللا نهاوند ري؟) من قال لا أعلم فقد أفتى!

الاغنية حزينة طبعا...ومن يحس بكلماتها فقد جرب

وأداء فيروز ...كالعادة! بالذات وهي تقول (إنساني يا حبيبي) وأتخيلها تنفعل بصوتها فقط كعادتها..فصوتها سيحمل كل الاحساس بينما هي تقريبا لا تهتز ولا تتحرك..لكنك ستحس بما تقول، يعني بتقوله اللي بيننا انتهى بكل رقي وهدوء مشوب بألم...ولا بتقوله انت خاين ومتسواش وياما حفيت ورايا وكده لا...

كلام الاغنية لو قريته ممكن تحس انه بسيط....لكن اداء فيروز بيديه عمق واحساس مختلف..
أترككم مع واحدة من اغنياتي المفضلة
في انتظار آراءكم وتحليلكم (أو تحليلاتكم)

لا إنت حبيبي

**سيادة الرئيس** · #2 13/05/2008, 18h06

آه آه جيت ع الجرح يا عمي

حفل : بيت الدين 2002
الأغنية الأولى بعد المقدمة الموسيقية ( إفتتاحية بيت الدين )
جميع الأعمال تأليف و تلحين و توزيع الفذ : زياد رحباني

المقام كما ذكرت : نهاوند من درجة رى ( سلم ري مينور ) مرفوع الحساس ( الصغير بتاع فا ميجور )

و ما أجمل بداية الغناء ( قفزه مسافة سادسه ) في ( لا إنت حبيبي ) بثبات ( فيروزي )

الحفل ده كله بدعه من كل جوانبه

أوركسترا
أعمال
توزيع
تسجيل
قيادة

و

فيروز

**الألآتى** · #3 13/05/2008, 21h07

أتذكر جيداً .. عندما جاءت فيروز إلى مصر .. مش فاكر إمتى بالظبط .. يمكن يكون فى السبعينات .. وأحيت حفلاً فى حديقة الأندلس .. أتذكر إنبهارى أيامها .. بهذا الإنضباط والتفرد فى الأداء الموسيقى .. وكأن التسجيل تم فعلاً فى الأستوديو .. برغم قلة عدد أفراد الفرقة .. وتمنيت أن تكون حفلاتنا بهذه الدقة والجمال .. والأجمل أنك لاتسمع صوت الجمهور إلا بعد نهاية الأغنية ..

**Sami Dorbez** · #4 13/05/2008, 21h48

طيب فين الاغنية او الرابط على الاقل؟؟
شوقتنا برشا وخصوصا اني احب كثيرا هذه الاغنية.

**MUNIR MUNIRG** · #5 14/05/2008, 00h14

هذه.....
لا انت حبيبي .......حفله

**MUNIR MUNIRG** · #6 14/05/2008, 00h33

اقتباس:

المشاركة الأصلية كتبت بواسطة الألآتى

أتذكر جيداً .. عندما جاءت فيروز إلى مصر .. مش فاكر إمتى بالظبط .. يمكن يكون فى السبعينات .. وأحيت حفلاً فى حديقة الأندلس .. أتذكر إنبهارى أيامها .. بهذا الإنضباط والتفرد فى الأداء الموسيقى .. وكأن التسجيل تم فعلاً فى الأستوديو .. برغم قلة عدد أفراد الفرقة .. وتمنيت أن تكون حفلاتنا بهذه الدقة والجمال .. والأجمل أنك لاتسمع صوت الجمهور إلا بعد نهاية الأغنية ..

تاريخ حفلة فيروز ف مصر
الزمان 1976
المكان القاهرة حديقة الأندلس

**الألآتى** · #7 14/05/2008, 07h33

اقتباس:

المشاركة الأصلية كتبت بواسطة MUNIR MUNIRG

تاريخ حفلة فيروز ف مصر
الزمان 1976
المكان القاهرة حديقة الأندلس

أيوه .. بالظبط كده .. تسلم لنا تأكيداتك ياأستاذ منير ..

**Egy_LoveR** · #8 14/05/2008, 11h24

تفضلو الاغنية وبرابط المنتدى
http://www.sama3y.net/forum/attachme...8&d=1201032601

معلش يا استاذ صلاح مكنتش اعرف انها هنا و الله...

الاستاذ اآلاتي ..وحشتني ردودك ، شكرا لتشريفك الموضوع

استاذ صلاح...مش بقولك انت بذاكر كويس..فعلا هي حفلة بيت الدين ..وكمان فاكر ترتيب الاغنية.؟

فعلا هي بعد افتتاحية بيت الدين

استاذ سامي..شكرا جزيلا..كنت حاططها بس اتمسحت وحطيتها اهه برابط المنتدى

الاستاذ منير ..شكرا على المرور والرد

والتاريخ
انا سمعت ان فيروز كانت جاية مصر....هو ايه اللي حصل؟

**محمد الملط** · #9 15/12/2009, 02h01

مشكووووووووووووووووووووووووووووووووووووووووووووووو ووووور