الأستاذ الفاضل
عادل صموئيل
ألف شكر على مدونة شادية
شبكت قلبي
وقد التقى في هذا الاسم من أغاني شادية
ما دونه مشكورا الأستاذ عادل وهذه الأغنية الأخرى https://www.youtube.com/watch?v=V73P2J2W0to
وكلاهما من جميل النغم
فشكرا مجددا للأستاذ
---
الأخ الكريم يزن الحبش
شكرا جزيلا على هذه المشاركة
التي نتقبلها بكل سرور
وقد طلبت رأينا فيها وأنا لست أرى في نفسي مؤهلات
تمكننني من ذلك
وإنما أبدي انطباعي وأقول لقد تتبعت الملف الصوتي فوجدت التدوين
متساوقا مع الموسيقى
ولم أجد صعوبة في المتابعة مما جعلني أعجب بالعمل
وأراه جديرا بالتقدير
ولكن من رأيي أن يكون الفصل في هذا
من محترف ذي الخبرة العالية من مثل الأستاذ عادل
ولقد ذكرتني بالفنان طارق فكم أتحفنا بروائعه على صغر سنه
منذ مدة طويلة قبل انقطاع مساهمته
فشكرا لكل من أمتعنا وأفادنا وقد ذكرهم الأخ الكريم عمرو
بس اللى يعزفها ياخد باله من حاجة ... ان دى معمولة بطريقة الاغانى الحديثة ( سبوبة يعنى مش فن اوى ) يعنى الملحن بيعمل جملتين او تلاتة .. بعدين يعيد فيهم بطريقة ان ال 3 جمل ياخدوا نص دقيقة ازاى يعمل منهم 3 دقائق انه بيعمل المقدمة وبعدين يعيدها بتوزيع كذا مرة بعدين غناء اكورال .. بعدين فى الكوبليه بيبتدى الراجل بعدين البنت بيبتدى مرة يخلى جملة البنت الاول يعنى انا هنا كتا اللى قدرت عليه وعشان تتعزف لازم تتحفظ وتعزفيها من اللى حفظتيه النوتة هنا مش حاتنفع لأن انا شخصيا تهت فيها وعشان تتكتب زى ماهم منفذينها حتاخد 3 صفحات وانتى حاتتوهى فيهم برضه .... بعدين اهم مشكلة بتقابلنا فى الاغانى الحديثة ان معالم تفعيلة الكلمة بتبقى مش محددة يعنى انا ( لبموسيقار الكبير او زى ماتسمونى ) مش بفهمها طيب ازاى عامة الشعب اللى مش بيعرفوا موسيقى بيفهموها .. واتضح انهم مش بيفهموها ولكن اما بيصقفوا مع الايقاع او بنات بترقص برضه على الايقاع .. وللتوضيح ( وده درس مهم جدا جدا ) انت لما تسمع مثلا كل الحان عبد الواهب شوف يطلعوا كام 1000 جملة موسيقية حتلاقى كل الجمل متضحة المعالم يعنى اشكال زى ما انت تشوف قدامك مربع او مستطيل او دائرة .. مش حاتختلف فى اللى انت شايفه او سامعه ومن هنا انت ( ده انا بكلم المستمع العادى من عامة الشعب ) حايسمع حاجة تتفهم وبيحفظها بسرعة ومن هنا ييجى الطرب انك تبقى مستوعب اللى انت سامعه والنظام تلاقى اللى بمعولا الاغانى الحديثة بيختلفوا عن العمالقة 180 درجة .. وانت لو جيت تقيم اعمال العمالقة حتلاقى انهم سمعوا عمالقة قبلهم وطوروا الموسيقى اضافوا يعنى ... لكن بتوع دلوقى انحرفوا عن المسار 180 درجة طيب مين الصح ومين الغلط ... يعنى مش معقول حنقول عبد الوهاب والموجى وبليغ ومن معهم غلط واللى بيعملوا اغانى دلوقتى صح ... ولا ايه ؟ مع اطيب تحياتى
كلامك كله مضبوط يا مايسترو -- وانا استغرب ممن يرددون الاغاني اللي بيقولوا عليها حديثة - لانها مثل الفيروس يغزوا الاذن بسبب التكرار ثم يختفي فجأة او يتسبب في وفاة المستمع وتدميره -- انا لا اعلم غير اغاني الزمن الجميل حتي لو لم احفظها ولكنها فعلا مفهومة - شكرا للموسيقار علي توضيحه للصورة -- وكل عام وانتم جميعا بخير
د محمدإبراهيم