قصائد شعرية للحاج الزواوي
"الحاج الزواوي" مشهور بتبريحاته مع الشيخة الجنية وكان براحا باللغتين العربية والفرنسية يقال أنه كان محاميا اشتهر بتبريحاته المسجوعة والمنمقة وكلامه العذب واللاذع في نفس الوقت لا تخلو قصائده من الحكمة والعبرة التي اكسبته اياها الأيام والأحوال، أحاول من خلال هذه الصفحات نقل قصائده مسموعة ومكتوبة وإن كان يعترضني في كتابتها ما يعترض اي مستمع وهو غرابة بعض الألفاظ والكلمات والتي تكون مستعملة في مناطق دون مناطق أخرى من الجزائر ولكن نرجو دائما من الاخوان في هذا المنتدى أن يسعفونا بتصحيح ما يرونه منافرا للسمع والطبع وله منا جزيل الشكر ..نفتتح بهذه القصيدة المشهورة جدا والتي لا يخلو عرس او مناسبة من التبريح بها وهي قصيدة " الدنيا الفانية بدالة لحوال":
الدنيا الفانية بدالة لحوال الدنيا الفانية بدالة لحوال ** رجعتي السلطان خايف من عبدو
لاكن انتي بصيفتك غير امرا هجال ** وحتى واحد ما قعدتي عندو
واجب نبكي طول عمري يا لحباب ** ومن حقو يبكي من خاب سعدو
وإذا خاب السعد ما ينفعش المال ** والله واحد في المية ما توجدو
بالاك في الألف تجبر ولد حلال ** تصيبو يسهد داير يدو على خدو
يا ولد عمي لا تامن في لبغال ** بعد ما تعلفو يصك على جهدو
شفت الدنيا اليوم كل بسراويل طوال ** ما تفرز وين الجايح من سيدو
اتصنت ليا يا الغافل ورد البال ** نحكيلك جميع سري ونعيدو
ضحكة لسنان وصلتني للمحال ** نلقى روحي وحيد واكتافي بردو
والفتهم وداروا عليا كي لغوال ** وشهادة الزور فيا اليوم شهدو
الساس المتين ما يتحركش محال ** وحيوط الرملة عمرهم ما يشدو
الدنيا جميع مبنية على المال ** وكثروا المنافقين والناس لي يكذبو
التاكل يتكل على الله تعال ** قاوي متين عالم بعبادو
يا الجايح بركاك من الهفة والزوخ ** والحسد مع البغض والخدمة العوجة
يحسبوك الناس تصنع في الصاروخ ** وتقطع في الرجال وانتايا قرجة
على لقوال تقول تقرا في النزوخ ** تقرا علم النجوم درجة على درجة
تقطع في لمخاخ شوعارا وشيوخ ** وعند بحر عميق صرطاتك موجة
محال لا منك ندوخ ** عمره السبع ما يخاف من النعجة
باش تواجب لي يا لي زربك رخروخ ** وهذا الكلام ناسو نساجة
هذا الناس كلامهم ماشي متبوخ ** من العنصر نيشان ماشي من المرجة
باني ساسك على الوعر ماشي تختوخ ** بنيانك محال إذ يطلع ويسجا
يعوذ بالله من البنادم الممسوخ ** وفعالو ديما الخلايق تهتهجا