بغداديـــــــــات
ملامح من الموروث اللهجوي
التصغير --
من عادة اهل بغداد تصغير الاسماء للتحبيب والتحبب وسأورد هنا طائفة من تصغير بعض اسمائهم على سبيل المثال وقبل ان ابدا باسماء الاشخاص اشير الى اسماء افراد العائلة البغدادية وهي:
الاب -يابه او ياب,الام -يوم او يمه,الاخ -خويه او داد,الاخت -خيه او داده,الجد -جدو ,الجدة -بي بي .العم-عمو ,الخال -خالو ,المرضعة او المربية -دايه,والصغير -ازغيرون ...ومن الامثلة الغنائية (يازغيرون حاجيني) او( ربيتك ازغيرون حسن). اما الاسماء فهذه نماذج من تصغيرها::محمد-حمودي ,عبد الكريم - كرومي او كريم , عبد الغزيز -عزو او عزاوي ,نجيب-نجوبي ,عبد الغني -غنو او غناوي ,عبد الامير -اموري ,عبد الستار -ستوري ,فاطمة -فطومة او فطم ,خديجة -خجة او خجاوي ,زكية زكو وغيرها..............
الالوان --
المعروف ان الالوان الاصلية هي الوان (القوس قزح )او كما يسميه البغاده (قوزي قدح) وللبغداديين الوان خاصة ساعددها هنا حفظا من ضياعها بعد ان قل استعمال معظمها:
ناج وردي--نامرد-- نومائي --كل كلي-- صدر الحمام --زنجاري-- جويتي --عودي-- فيس رنكي --بصلي-- قحوائي -- فستقي --ناري --كموني-- كل قرصي -- ذهبي -- فضي -- شذري -- بيجي --ليل داوي (اسود)-- ماوي على رنك السمه -- كما يستعملون كلمة طوخ للغامق واجغ للخفيف
التشـــــبيه --
يكثر سكان بغداد او معظم سكان المدن العراقية من التشبيهات وفيما يلي طائفة مما شاع منها في بغداد مؤكدا فيها على ادوات التشبيه:مثل--عبالك-جنه اى كأنه
*يبجي مثل المره
*وجه اصفر مثل النومية او مثل الكركم
*واكف مثل شمعة الفكر او واكف مثل السبع
*شعره اصفر مثل الكلبدون او مثل الذهب
*يرجف مثل السعفة
*بارد مثل الثلج
*خبصه عبالك حمام نسوان
*كاعد عبالك صنم
*طويله عبالك عيطه
*رجله جايفه عبالك باب كبر-اى قبر
*ضعيف جننه قوزي
*وجه امكرمش جنه كشر ركي
وهناك تشبيهات اخرى حذفت منها اداة التشبيه وتكررت فيها الصفة او اعتمدت على الاستعارة من امثلتها:
* شفته شفة العبيد اوخشمه خشم العبيد
*وجه وج الطرح
*ايخاف خوفة الحيه
*عيونه عيون السعلوه
*مر علقم --حلوه شكر --شعره ذهب --ريحته ورد -- كاعد كعدة ملوك
__________________
الْحَمْدُ لِلَّهِ رَبِّ الْعَالَمِينَ
الْحَمْدُ لِلَّهِ رَبِّ الْعَالَمِينَ