بلدى دمياط

**مجدى علوش** · #1 17/11/2006, 10h52

شكرا لك على هذه الصورة الغنائية والتى سمعتها لأول مرة عام 1976 بصوت فنان الشعب الشيخ سيد مكاوى على مسرح قصر ثقافة دمياط بمناسبة عيد محافظة دمياط القومى وبعد الاِحتفال ذهبت مجموعة اِلى رأس البر وعلى رأسهم الأستاذ طاهر أبو فاشه والشيخ سيد مكاوى وكنت أنا من ضمن الحضور لعشقى لفن الشيخ سيد مكاوى وأذاع يومها الأستاذ طاهر أبو فاشه سرا وهو أنه كتب كلمات هذه الصورة الغنائية فى القطار أثناء قدومه اِلى مدينة دمياط ولحنها الشيخ سيد مكاوى فى نفس الجلسه أى فى القطار وغناها فى نفس اليوم على مسرح قصر ثقافة دمياط .
رحم الله طاهر أبو فاشه وشيخنا الفنان سيد مكاوى .

**محمدفاروق السقا** · #2 05/05/2011, 20h03

قالوا منين البلد أنا قلت دمياطي

وأبو المعاطي نزيل أرضي ودمياطي

وأولادها عمال لهم آمال صنايعيــــة

وأسطوات يا ولد ما يحطوهاش واطي

علي دمياط هلي ها الله علي دمياط هلي ها الله

علي دمياط وهات لي العود أحييها بلحن جديد

د يوم دمياط هنا الموعود ولما يعود يجينا العيد

وأقول للنوتي ما تيللا م طاب الريح وقال يللا

علي دمياط هلي ها اله

من الشرباصي للبركة وشي لله يا متبولي

وسوق الحسبة دا له حسبة نسيتها لما قولتو لي

روايح الخمس أهي هالله ونور الفجر قام صلي

علي دمياط هلي ها الله

أنا عطشان بقي لي زمان وهي في الدلال سايقة

علي دمياط

وترضي إزاي أبات عطشان وفيها الشيخ علي السقا

علي دمياط

نظرة يا سيدي علي السقا نظرة يا سيدي علي السقا

علي دمياط هلي ها الله علي دمياط هلي هالله

**miroo76** · #3 24/07/2011, 19h20

بجد تحفه فنيه من عم سيد مكاوي
فعلا بلد تجلي عليها المنعم العاطي

**نور عسكر** · #4 07/02/2015, 01h03

بلدي دميـــــاط

تأليف : طاهر ابو فاشا - موسيقى والحان : سيد مكاوي
اخراج : مصطفى ابو حطب
غناء :
سيد مكاوي - محمد ثروت - احمد ابراهيم
لطفي بوشناق - ممدوح بيرم - رياض الهمشري
سيد معاويه - المجـــــموعة

_______________________________
ت(66) رفع بجودة أفضل والشكر لبحر الكرم الغالي أخي د. حسن