عبدالكريم عبدالقادر سامحني خطيت خاني التعبير كلمات مبارك الحديبي
الحان غنام الديكان
كلمات سامحني
سامحني خطيت وخاني التعبير
سامحني والغلطة بعد ما تصير
عاتبني وبالعتاب أرتاح
عاتبني وريحني وسامحني على التقصير
أعترف أعترف ومستعد أنا احلف
صدقني ماكان قصدي ما كان ودي يا حبيبي نختلف
إعترافي لك ما هو معناته ضعف
إعترافي لك من ذوقي و لطفي
عاتبني وبالعتاب أرتاح
عاتبني وريحني وسامحني على التقصير
بيدك إنت الأختيار
أنا قدمت إعتذاري وإنت بيدك الأختيار
تسمح وتنسى اللي صار
بيدك إنت يا حبيبي تسمح وتنسى اللي صار
عاتبني وبالعتاب أرتاح
عاتبني وريحني وسامحني على التقصير
التعديل الأخير تم بواسطة : بو بشار بتاريخ 17/03/2012 الساعة 12h26
مُحال مُحال كلمات عبداللطيف البناي
الحان انور عبدالله
كلمات محال
محال محال محال
عمر المحال ما يصير
محال محال محال
أعيش أنا حب خالي من التقدير
فكرت أنا فكرت .. قررت أنا قررت
أنسى أنا حبك هذا بعد تفكير
عانيت وكم عانيت
وأصغيت لك طول العمر
ضحيت وكم ضحيت
والروح أتعبها الصبر
آن الأوان إني أحدد موقفي
وآن الأوان أوضح الجرح الخفي
ومن العذاب ومن الجراح أنا أكتفي
فكرت أنا فكرت .. قررت أنا قررت
أنسى أنا حبك هذا بعد تفكير
آه يا أنا يا أنا آه يا أنا
ويني أنا كل هالسنين
آه يا أنا يا أنا آه يا أنا
نبهني صمتي للحنين
عيش الحزن عيش الألم وحدك
وخلني أعيش دنيا الهنا بعدك
ما أنتظر رد وعذر
ما عاد يهم بالنسبة لي ردك
فكرت أنا فكرت .. قررت أنا قررت
أنسى أنا حبك هذا بعد تفكير
التعديل الأخير تم بواسطة : بو بشار بتاريخ 17/03/2012 الساعة 12h29
وداعية يا آخر ليلة تجمعنا كلمات عبداللطيف البناي
الحان يوسف المهنا
كلمات وداعية
وداعية يا آخر ليلة تجمعنا
وداعية أعز الناس يودعنا
ليلة ويا عساك تعود
عسى الله يصبر الموعود
أنا بعدك عمر مفقود
دنيا بلا معنى .. بلا معنى
لحظة يا بقايا الليل لحظة
لحظة ما بقى بالحيل لحظة
بالهدا يا ليل .. ما بقى بي حيل
حسيت إني بانحرم شوفي
ما اقدر أوادع قطعة من جوفي
ليلة ويا عساك تعود
عسى الله يصبر الموعود
أنا بعدك عمر مفقود
دنيا بلا معنى .. بلا معنى
قال الوداع قال
لحظة وداع قال
وهلت الدمعة وسال
الكحل فوق السواطر
كل دمعة من عيونك
أشتريها بألف خاطر
إنت غربة وأنا بدروبك محطة
آه يا حظي ما وصل يمي وخطّى
قال الوداع قال
قال الوداع
التعديل الأخير تم بواسطة : بو بشار بتاريخ 17/03/2012 الساعة 12h30
مرني إذا الوقت يسمح كلمات بدر بورسلي
الحان عبدالرب ادريس
كلمات مرني
مرني مرني
إذا الوقت يسمحلك وتقدر
مرني مرني
ترى إنت عمري كله وأكثر
عسى وقتك يوافق
أنا يا سيدي عاشق
مرني
سنة وأنا أنتظر
طال انتظاري والوقت محسوب
وأنا أدري العمر يا عمري ساري
ويا صبر القلوب
وأنا عمري حسابه لما اشوفك
يا زين الدنيا وعيوني تحوفك
وعسى وقتك يوافق
أنا يا سيدي عاشق
مرني
ألا يا آسري مثلي تشوقت
واشتاقت الروح
ترى يا ناظري ياخذني الوقت
وأيامي تروح
وغرامي اللي حبسته في فؤادي
يشيل الشوق وبصوته ينادي
وعسى وقتك يوافق
أنا يا سيدي عاشق
التعديل الأخير تم بواسطة : بو بشار بتاريخ 17/03/2012 الساعة 12h31
اغنية تصدق حبيبي كلمات ناشي الحربي
الحان سليمان الملا
كلمات تصدق حبيبي
تصدق حبيبي تاخذني الأشواق
نصايف الليل ويمك توديني
تصدق حبيبي تجبرني الخطوه
غصبن على روحي صوبك تمشيني
المشكله اني لا سامع صوتك
ولا شايف زولك ولا بيننا ميعاد
من حر مافيني مره نص الليل
ولهان لك بالحيل والشوق لك وقاد
حبيبي حبيبي ليتك تشوف شلون
امشي الخطاوي بهون من همي وجروحي
تصدق حبيبي
لوتدري يا عمري كم بالخفا ناديت
من كثر ماعانيت والحيره بظنوني
والله ياعمري ماشفتني بهالحال
ويا الحزن رحال لون الحزن لوني
حبيبي حبيبي بعدك انا ماقوى
وانطالت الشكوى حبك سكن روحي
التعديل الأخير تم بواسطة : بو بشار بتاريخ 17/03/2012 الساعة 12h44